Thursday, June 25, 2009

မြန်မာ Department

အခုတလောမှာ သူငယ်ချင်းတွေဆီက ကြားနေရတာတွေက လုပ်ငန်းခွင်ထဲမှာ နေ့တဓူဝ တွေ့ကြုံနေရတဲ့ တယောက်နဲ့တယောက် မနာလို ပြိုင်ဆိုင်မှုတွေ၊ အထက်လူကြီးဆီမှာ မျက်နှာသာရဖို့ အတွက် တယောက်ကိုတယောက် ဂျောက်တွန်းတတ်တာတွေ၊ အသစ်ဝင်လာတဲ့ လူသစ်တွေကို လူဟောင်းတွေက အကြောင်းမဲ့ ပညာပြတတ်ကြတာတွေ၊ ဒီထက် ပိုဆိုးတာက အဲဒီအဖြစ်တွေက လူမျိုးခြားတွေနဲ့ ဖြစ်ကြတာမဟုတ်ပဲ ကိုယ့် မြန်မာအချင်းချင်း ဖြစ်ကြတာတွေ တဲ့လေ…။ ဟိုတနေ့က အိမ်လာလည်တဲ့ သူငယ်ချင်းတယောက်ဆို တယောက်ဆို သူ့ရုံးမှာ မြန်မာတွေ အချင်းချင်း မတည့်ကြလို့ ရန်တွေဖြစ်ကြတာ သူ့မှာ ငိုတောင်ငိုရတယ်တဲ့.. ။ နောက်သူငယ်ချင်း တယောက်ကဆို အချင်းချင်း မခံချင်အောင်ပြောဆိုကြရင်း စိတ်တွေဆိုးပြီး ရန်တွေဖြစ်ကြရင်း ရေဗူးနဲ့တောင် ကောက်ပေါက်မလို ဖြစ်ကြတာတဲ့…။ ဘုရားရေ… အဲဒီလို အကြောင်းတွေ ကြားရတော့ ကိုယ် တကယ်ကိုပဲ ကြောက်အားလန့်အားနဲ့ ဘုရားတ မိပါတယ်။

အဲဒီလို စိတ်ညစ်စရာ ပြဿနာတွေ အကြောင်း ကြားရတဲ့အခါမှာ ကိုယ် ကိုယ်တိုင် သေသေချာချာ သတိမထားဖြစ်ခဲ့တဲ့၊ ကိုယ့်ရဲ့ ပျော်စရာကောင်းလှတဲ့ လုပ်ငန်းခွင် နေ့ရက်တွေအကြောင်းကို တွေးမိပြီး အမှတ်တရ ပြောပြချင်စိတ်၊ ရုံးက မောင်လေး ညီမလေးတွေကို ကျေးဇူးတင်တဲ့စိတ်၊ ချစ်ခင်တဲ့စိတ်နဲ့ ဒီပိုစ့်လေးကို ရေးဖြစ်ပါတယ်။

*******

ကိုယ်တို့ရုံးက ဒီမှာတော့ တော်တော်ကြီးတဲ့ အဖွဲအစည်းတခုပါ။ ရုံးထဲမှာ ဌာနအလိုက်တွေ ခွဲထားတာမှာ ကိုယ်တို့ကတော့ Engineering (Design) Dept. ကပေါ့။ သို့သော် မြန်မာ Dept. လို့ ခေါ်လို့ ရလောက်အောင်ကို မြန်မာတွေ များပါတယ်။ အခုလောလောဆယ် ကိုယ်တို့ဌာနမှာ မလေး ၃ ယောက်၊ ပြည်ကြီး တရုပ်မ ၁ ယောက်၊ စလုံးတရုပ်လေး ၁ ယောက်နဲ့ မြန်မာ မောင်လေး ညီမလေးတွေ စုစုပေါင်း ၈ ယောက် ရှိပါတယ်။ ဒါတောင် နောက် မြန်မာ ၃ ယောက်က Site ထဲမှာ ခဏရောက်နေလို့ပါ။ သူတို့လေးတွေ အားလုံးက ကိုယ့်ထက် ငယ်ကြပါတယ်။ မောင်လေးတွေ ညီမလေးတွေပေါ့။ (ပြောရတာ အားငယ်လိုက်တာ၊ ကိုယ်အသက်ကြီးတာ လူတွေသိကုန်ကြပြီ) ကိုယ်တို့ အထက်လူကြီးကတော့ အလွန်သဘောကောင်းတဲ့ စလုံးတရုပ်ပါ။ ချောလဲ ချောပါတယ် အရပ်ကလေး နဲနဲပုတာက လွဲလို့ပေါ့။ (ကြားရင် သတ်ချင်မှာပဲ…)

အခန်းထဲမှာ မြန်မာတွေများလွန်းလို့ စလုံး တရုပ်လေးက မကြာခဏ ပြောတတ်တယ် “ငါက ဒီဌာနမှာ နိုင်ငံခြားသားပါ” တဲ့။ ဟုတ်လဲ ဟုတ်တာပဲလေ… ကိုယ်တို့အားလုံး တပျော်တပါးကြီး မြန်မာတွေလို ပြောနေကြတဲ့အချိန်မှာ သူလေးက မျက်လုံး အပြူးသားနဲ့ပေါ့။ တခါတခါကျ သူစိတ်တိုလာရင် “ဟေး.. Channel 5 ကို ပြောင်းကြပါ” လို့ အော်တတ်တယ်။ Channel 5 ဆိုတာက ဒီမှာ အင်္ဂလိပ်လို လွှင့်တဲ့ Channel တခုပါ။ အင်္ဂလိပ်လို ပြောင်း ပြောကြပါလို့ ဆိုလိုတာပေါ့။ ကိုယ်တို့တွေကတော့ Channel ပြောင်းလဲ ခဏပါပဲ။ ပြီးရင်တော့ မြန်မာလိုတွေချည်း အားပါးတရ ပြောကြတာပါ။ ကြာတော့ သူလဲ စိတ်ညစ်တယ် ထင်ပါရဲ့၊ မပြောတော့ဘူး၊ နားထဲကို နားကြပ်တပ်ပြီး တချိန်လုံး သီချင်း နားထောင်နေတော့တာပါပဲ။ အခန်းထဲက မလေး အမျိုးသားတယောက်ဆို မနက် ရုံးရောက်တိုင်း ကိုယ်တို့က “Good Morning” လို့နှုတ်ဆက်တာတောင် သူက “မင်္ဂလာပါ” တဲ့လေ…။ နေ့လည် ထမင်းစားချိန်ရောက်ရင်လဲ “စားကြမယ်... စားကြမယ်...” လို့ လာပြောတတ်ပါသေးတယ်။ ညနေ ရုံးဆင်းချိန်ရောက်ရင်တော့ “အိမ်ပြန်မယ်” တဲ့…။ ကဲ.. ကြည့်ပါအုံး… ကိုယ်တို့ရဲ့ လွှမ်းမိုးမှုက ဘယ်လောက်များ ကြီးမားသလဲဆိုတာ…။

ကိုယ်နဲ့ အလုပ်အတူတူလုပ်ကြရတဲ့ မောင်လေးတွေ ညီမလေးတွေ အားလုံးဟာ တကယ်ကို လိမ်မာ ယဉ်ကျေးတဲ့ ကလေးတွေပါ။ တယောက်ကိုတယောက်လဲ တကယ့် မောင်နှမရင်းချာတွေလိုပဲ ဂရုတစိုက် ကူညီစောင့်ရှောက်ပြီး ချစ်ခင်ကြပါတယ်။ တယောက်ကိုတယောက် ပြိုင်ဆိုင်ဖို့၊ မနာလိုဖို့၊ ဂျောက်တွန်းဖို့၊ ရန်ဖြစ်ဖို့ ဆိုတာ ဝေးစွ… စိတ်တောင် မကောက်ဖူးကြပါဘူး။ တယောက် တယောက် နေမကောင်းရင်လဲ အဆင်သင့်ပါလာတဲ့ ဆေးတွေ တိုက်တဲ့သူနဲ့၊ မုန့်ကျွေးတဲ့သူနဲ့၊ ကော်ဖီသွားဖျော်ပေးတဲ့သူနဲ့…။ မောင်လေးတွေထဲက တယောက်က ရယ်စရာတွေ ပြောတတ်သလို အစ အနောက်လဲ သန်ပါတယ်။ အားရင် ဘေးနားက အမတွေ ညီမတွေကို လှည့်ပတ်ပြီး စနေတတ်တာပါ။ သို့သော်လည်း သူဘယ်လို စ စ ဘယ်သူမှ စိတ်မဆိုးတတ်ကြပါဘူး။ သူရုံးမလာတဲ့နေ့ဆို ပျင်းပြီး သူ့ကိုပဲ တ နေကြတာ…။ အားလုံးထဲမှာ အသက်အငယ်ဆုံး ညီမလေးတယောက်ကတော့ ဂေါ်လီလေးပေါ့…။ သူ့ဆီကဆို မကြားစဖူး စကား အထူးအဆန်းတွေ၊ မဟုတ်က ဟုတ်က ရယ်စရာတွေ၊ အကြောင်းအရာ ဆန်းဆန်းတွေ၊ E Mail အဆန်းတွေ ကြားရ တွေ့ရတတ်ပါတယ်။ (သက်ငယ်စကား သက်ကြီးကြား ဆိုတာ ဒါမျိုးပေါ့...)

ပြီးတော့ ကိုယ်တို့က သီချင်းဆိုလဲ မြန်မာတွေပီပီ မြန်မာသီချင်းမှပဲ နားထောင်ချင်ကြတာ မဟုတ်လား၊ ဒီတော့ အလုပ်လုပ်နေရင်းလဲ မြန်မာသီချင်းတွေပဲ ဖွင့်ဖြစ်ကြပါတယ်။ အခုတလောမှာ အလှည့်ကျနေတာကတော့ ဝိုင်ဝိုင်းနဲ့ မျိုးကြီးပေါ့။ တယောက်ကစ ဖွင့်လိုက်ရင် အားလုံး သံပြိုင်နီးနီး လိုက် လိုက်ဆိုတတ်ကြလို့ အသံတွေလျှော့ဖို့ တခါတခါ သတိပေးရတတ်ပါသေးတယ်။

သူတို့တွေ အားလုံးက ထမင်းဘူးယူလာတတ်ကြတာမို့ နေ့လည်ထမင်းစားချိန်ဆို ဟင်းခွက်ပေါင်းများစွာနဲ့ ပျော်စရာ ထမင်းဝိုင်းကြီးတခု ဖြစ်နေတတ်ပါတယ်။ အားလုံးထဲမှာ ထမင်းမကြိုက်တဲ့ ကိုယ်တယောက်ပဲ သင်းကွဲ…။ သို့သော်လည်း သူတို့အားလုံးက နေ့စဉ်နေ့တိုင်းပဲ ကိုယ့်ကို မပျက်မကွက် ထမင်းစားခေါ်တတ်ကြတယ်။ “ထမင်းမစားချင်ရင်လဲ ဟင်းလေး လာမြည်းပါလား အမ” ဆိုတာက ပါသေး…။ သိပ်ချစ်စရာကောင်းတဲ့ မောင်တွေ ညီမတွေပါ။

ကိုယ်ကတော့ ထမင်းစားချိန်တွေမှာ သူငယ်ချင်းတွေနဲ့ ဖုန်းပြောတယ်။ ဘလော့ဂ်တွေ လည်တယ်၊ ဖတ်တယ်၊ Comment တွေရေးတယ်။ Face Book ကိုသွားတယ်၊ Pet Society မှာ မွေးထားတဲ့ ကိုယ့်ရဲ့ Pet နဲ့ ဆော့တယ်။ အော်.. စကားစပ်လို့ ပြောပြရအုံးမယ်။ အဲဒီမောင်တွေ ညီမတွေအားလုံးလဲ ကိုယ့်ရဲ့ကောင်းမှုနဲ့ သူတို့မှာ FaceBook Account တွေ ကိုယ်စီ၊ Pet တွေ ကိုယ်စီနဲ့။ အကြီးဆုံး ကိုယ်က ရှေ့ဆောင်ပြီး ဆော့လဲဆော့၊ ပြီးတော့ ဘာရမလဲ... သူတို့ကိုလဲ ဆွဲဆောင်လိုက်တာပေါ့။ (ဆိုးတယ်နော်) မယုံရင် ထမင်းစားချိန်တွေမှာ လာကြည့်လှည့်… တခန်းလုံး Pet Society က Coin သံလေးတွေ တချွင်ချွင်နဲ့…။

ပြီးတော့ ကိုယ်တို့ မြန်မာတစုက သောကြာနေ့တွေတိုင်းမှာ စားစရာတခုခုကို ထူးထူးခြားခြား စီစဉ်ပြီး စားတတ်ကြသေးတယ်။ KFC တို့ Mc Donald တို့ မှာ စားရင်စား၊ မဟုတ်ရင်လဲ ခေါက်ဆွဲကြော် ကြာဆံကြော်တွေ မှာစား၊ တခါတခါကျရင်တော့ လဘက်သုပ်တို့ နန်းကြီးသုပ်တို့ ရှမ်းခေါက်ဆွဲတို့လို မြန်မာအစားအစာတွေ လုပ်စားကြတာပေါ့။ Site ထဲရောက်နေတဲ့ ကလေးတွေကလဲ သောကြာနေ့ဆို ရုံးကို အကြောင်းတခုခုရှာပြီး ပြန်လာတတ်ကြသေးတယ်။ ဒီတော့ သောကြာနေ့တွေတိုင်းဟာ ကိုယ်တို့အတွက် ပျော်စရာကောင်းလှတဲ့ Good Friday တွေပါပဲ။

အဲဒါတွေအပြင် နောက်ထပ် ပျော်စရာတွေ ရယ်စရာတွေ အများကြီး ရှိသေးတာ…။ ရေးရရင် ကုန်နိုင်မယ်မထင်။ ရှေ့က ကိုယ်ရေးခဲ့သမျှမှာ အလုပ်လုပ်တဲ့အကြောင်း တလုံးမှမပါတာ တွေ့ပြီး ကိုယ့်ဟာကိုယ် ရယ်ချင်နေမိတယ်။ တကယ်ပါ.. အလုပ်နဲ့ပတ်သက်ရင်လဲ လူကြီးတွေ ကျေနပ်အောင် အားလုံးက ပျော်ပျော်ပါးပါး မညီးမညူ ကောင်းကောင်းမွန်မွန် လုပ်ကြတာပါ။ ဒါတွေကြောင့်မို့လဲ ကိုယ်တို့ ဌာနမှာ မြန်မာတွေ အများကြီးနဲ့ ပျော်စရာ မြန်မာ Department ဖြစ်နေတော့တာပေါ့…။

*******

လက်ရှိအနေအထားမှာ အလုပ်လုပ်နေကြတဲ့ သူတွေတိုင်းဟာ အနည်းဆုံးတော့ တပတ်မှာ ငါးရက်၊ တရက်ကို ဆယ်နာရီနီးနီး ရှိတဲ့ အချိန်တွေကို အလုပ်ထဲမှာ ကုန်ဆုံးကြရတယ် မဟုတ်လား…။ အဲဒီ အချိန်တွေမှာ အလုပ်ထဲမှာ လုပ်ဖေါ်ကိုင်ဖက်တွေ အချင်းချင်းပဲဖြစ်ဖြစ်၊ အထက်လူကြီးတွေနဲ့ပဲ ဖြစ်ဖြစ် တယောက်ကိုတယောက် အဆင်ပြေပြေ ခင်ခင်မင်မင်သာ မရှိကြရင် အလုပ်လုပ်ရတာ စိတ်ဆင်းရဲ ကိုယ်ဆင်းရဲနဲ့ ငရဲခန်းမှာ ငါးရက်တာ ဆိုသလို ဖြစ်နေမှာပေါ့နော်…။ အလုပ်ထဲမှာ အဆင်မပြေကြတဲ့သူတွေကိုလဲ အတတ်နိုင်ဆုံးတော့ ကြိုးစား ညှိနှိုင်းရင်း အဆင်ပြေ ပျော်ရွှင် ကြစေချင်ပါတယ်။ ကိုယ့်ဖက်က သည်းခံစရာရှိလဲ တတ်နိုင်သမျှ သည်းခံ၊ လျှော့လို့ရတာတွေရှိရင်လဲ လျှော့ပေါ့နော်။ ဒါမှပဲ အလုပ်လုပ်ရတာ ပျော်စရာကောင်းတော့မှာပေါ့… ဟုတ်ဖူးလား။

ဒီပိုစ့်လေးကို လာဖတ်ကြတဲ့ သူငယ်ချင်း မိတ်ဆွေတွေ အားလုံးကိုလဲ လက်ရှိ လုပ်နေကြရတဲ့ အလုပ်ထဲမှာ အဆင်ပြေပြေနဲ့ စိတ်ချမ်းသာ ပျော်ရွှင်ကြပါစေလို့ ဆုတောင်းတယ်နော်…။


26 comments:

  1. AMA THET WAI,

    THANKS FOR YOUR POST.
    SO HAPPY DEPARTMENT. I Think all of ur group are handsome and pretty cos u all are happy and good minded (u mentioned).

    Rrgards,
    SM

    ReplyDelete
  2. ပျော်စရာကောင်းလိုက်တာ၊ အရမ်း အားကျသွားပါတယ်၊ ဒီလိုမျိုး အလုပ်မှာနေရတာ ရှေးကုသိုလ်ကောင်းလို့ နေမှာနော်၊

    ReplyDelete
  3. အားကျစရာ၊ ကြည်နူးပျော်ရွှင်စရာပါ သက်ဝေ...
    ကံတူ အကျိုးပေးတွေ ထင်ပါရဲ့...တို့များတော့ အိမ်မှာတောင် တယောက် တဒေါင့်ဆီမှာ နေ,နေကြတာ...(စောစောစီးစီး ပျော်စရာမကောင်းတာကို လာမန့်ရတဲ့ အတွက် ခွင့်လွှတ်ပါ။)

    ReplyDelete
  4. ပျော်စရာကောင်းလိုက်တာ... အလုပ်လုပ်ရတာ အဲလိုမျိုးဆို ပင်ပန်းတယ်လို့ရှိတော့မှာလဲနော်...
    အဲဒီလို အစဉ်အလာကို ထိန်းသိမ်းထားနိုင်လေ ကောင်းလေပါပဲ...

    ReplyDelete
  5. ပုံပြင်လားလို့နားထောင်နေတာ.ပြီးမှ reality show ဆိုတာ ကို သိလိုက်ရတယ။်

    ထမင်းမစားရင်ဘာစားသလဲ သိ့ပရစေ။

    ReplyDelete
  6. နေ့တနေ့မှာ.. အများဆုံး အချိန်ပေးရတဲ့ လုပ်ငန်းခွင် က..အဲဒီလို နွေးထွေး ငြိမ်းချမ်းတယ်ဆိုတာ.. ကံ ကောင်းတာပါပဲ။

    ဒါဆို- မသက်ဝေက..နေ့လည် ထမင်းမစားပဲ..ဘာတွေ စားလဲ.. မျက်နှာဘုတ်အုပ်ထဲမှာ..ဘာတွေ ၀ယ်စားနေလဲ..း)

    စကားမစပ်- ကျေးဇူး အထူး နဲ့..၀မ်းသာ အထူးး)

    ReplyDelete
  7. ထမင်းမကြိုက်တာလား ၀ိတ်လျှော့တာလား ခွဲခွဲခြားခြား ပြောပါ..ခင်ရယ် အဲလေ ဝေရယ်။ စင်ကာပူတုန်းက departmentထဲမှာ မြန်မာနှစ်ယောက်ပဲ။ ခင်လဲခင်တယ်။ ဇက်တီရဲ့ အမျိုးပေါ့ကွယ်။ ဖတ်မိရင် ပြန်ပြောလိုက်နော် ထမင်းအလကားကျွေးပါစေ။
    mm

    ReplyDelete
  8. ဖတ်ရင်းနဲ့ ကြည်နူးမိတယ်၊ မသက်ဝေက အကြီးဆိုတော့ စံပြအဖြစ် နေပြလို့နေမှာပေါ့။
    အများစိတ်ဝင်စားသလိုပဲ နေ့လည်စာ ဘာစားလဲမသိဘူး။

    ReplyDelete
  9. အဲဒီလိုလေးတွေကြားရတာ စိတ်ချမ်းသာလိုက်တာ သက်ဝေရယ်.. အကုန်လုံးက စိတ်တူကိုယ်တူ လာစုနေကြတာကိုက ရှေးရေစက်ကြောင့်နေမှာပဲ.. အလုပ်ခွင်ကလည်းပျော်စရာကြီးပဲ။ မြန်မာတွေ သုံးယောက်ရှိရင်မတည့်ဘူးလို့ ကြားကြားနေရတော့..စိတ်မချမ်းသာလှဘူးလေ..။

    သက်ဝေတို့ မြန်မာDepartment က ညီအကိုမောင်နှမတွေ အားလုံး ကျန်းမာပျော်ရွှင်ကြပါစေနော်..

    ReplyDelete
  10. ငိုချင်လာမိတယ် မျက်ရည်များက၀ဲလို့သာလာပါတယ်....

    သီချင်းပဲဆိုသွားတယ် အမသက်ဝေရယ်

    ReplyDelete
  11. အလုပ်ဆိုတာ second home မို့ အလုပ်မှာ ပျော်ရွှင်မှ စိတ်ချမ်းသာရမှာပါ။ အဓိကက တယောက်နဲ့တယောက် ကူညီပြီး မတွက်ကပ်မှ၊ အကောင်းမြင်တဲ့ စိတ်မျိုး များမှ ဒီလို ပတ်ဝန်းကျင် အခြေအနေမျိုး ရတတ်တာ။

    တချို့ကျတော့လဲ သူများကို အလိုလိုနေရင်း အလိုမကျ စိတ်တိုနေတာမျိုး ရှိတတ်သေးတယ်။ အဲဒါဆိုရင် ချိုသင်းတော့ ပြောလိုက်တာပါပဲ။ မပင်ပန်းဘူးလား အမရယ် လို့။ သူများကို ဒေါသထွက်နေတာ ကိုယ်ပဲ ပင်ပန်းတာပေါ့။
    ချိုသင်းလဲ ပျော်တဲ့အခါလဲရှိ၊ မပျော်တာလဲရှိ။ ဒါပေမဲ့ ဒီအလုပ်မှာ ၁၂ နှစ်ကျော်ခဲ့ပြီ။

    ReplyDelete
  12. ပျော်စရာကြီးပါလား။ အဲလိုမျိုး နေရာမှာ လုပ်ချင်သား အစ်မရေ။

    ReplyDelete
  13. ပျော်စရာကြီးနော်...
    အားကျလိုက်တာ...

    ReplyDelete
  14. အစ်မသက်ဝေရေ... ပျော်စရာကြီးနော်...
    သူများတို့ရုံးကအခန်းထဲမှာတော့ မြန်မာအစ်ကိုကြီးတစ်ယောက်ရှိတယ်...။ အေးလိုက်တာမှ တနေ့နေလို့ စကားတခွန်းမပြောဘူးတော့။
    ရုံးရောက်တာနဲ့ နားကြပ်ပိတ်ပြီးထိုင်ခုံမှာ ထိုင်အလုပ်လုပ်လိုက်တာ ရုံဆင်းထိ... ရုံးကိတ်စ အစည်းအဝေးကလွဲ... စကားပြောစရာမရှိ..။
    သူများကလည်း စကားကခပ်များများဆိုတော့.... တရုတ်တွေနဲ့ ပြောရတာ အားမရရင် ... ပျင်းလာပြီဆိုရင် ဘယ်ရမလဲ တခြား department မြန်မာရှိတဲ့နေရာထိသွားပြီး မြန်မာလို သွားသွားပြောပြီး အာသာဖြေ... အတင်းလေး ဘာလေးတုတ်ရတယ်..အဟိ

    ReplyDelete
  15. I get happy and fresh 4 ur little Burma...
    Appreciate..

    ReplyDelete
  16. ဒီနေ့ သောကြာ..
    ဘာစားကြလဲ ငှင်..
    လာငတ်တာပါ...

    ReplyDelete
  17. ကံကောင်းလိုက်တာ..
    ကျွန်မ အလုပ်က မြန်မာမရှိတဲ့နေရာပါ...ကျွန်မကိုကြည့်ပြီးမှ မြန်မာကိုဆက်ခန့်တာပါ... ကျွန်မက အများကြီး ရုန်းကန်ရှင်သန်ရပါတယ်.......
    တိုက်ဆိုင်တာလားဟင်...ကျွန်မပြောင်းတဲ့ Companyတိုင်း မြန်မာမရှိ...၀မ်းနည်းလိုက်တာ......

    ReplyDelete
  18. အမအလုပ်က ပျော်စရာကောင်းလိုက်တာ... အဲလိုမျိုးအလုပ်လုပ်ချင်တယ်။
    ညီမအခုအလုပ်လည်းပျော်ဖို့ကောင်းတယ်.. ဒါပေမယ့် မြန်မာက ကိုယ်တယောက်တည်း (အားငယ်တာ...အဟင့်)

    ReplyDelete
  19. ပထမဆုံး လုပ်ခဲ့ဘူးတဲ့ အလုပ်မှာလည်း ဗမာ လေးယောက် ရှိတယ်။ မသက်ဝေ တို့လိုပဲ၊ အရမ်းစည်းလုံးပြီး ပျော်စရာ၊ Good Friday များစွာနဲ့ပေါ့။ ဒါပေမဲ့ နောက်ထပ်အလုပ်တွေ ပြောင်းတဲ့ အခါမှာတော့ ပျော်စရာတွေ ရှိသလို စိတ်ဆင်းရဲစရာတွေနဲ့လည်း ကြုံရတယ်လေ။ မသက်ဝေတို့ရဲ့ မြန်မာ Department လေးကိုတော့ အရမ်း အားကျမိပါတယ်။

    ReplyDelete
  20. အစ်မ ရေ...စိတ်ချမ်းသာ စရာကြီးနော်...နောင့် တို့ ရုံးမှာ..ရုံးပိုင်းမှာ နောင့်တစ်ယောက်ထဲမို့..အပြိုင်အဆိုင်တွေ ဘာတွေ မရှိ မသိရပါဘူး..ဒါပေမယ့် မြန်မာတွေ များမယ်ဆိုလဲ ..အစ်မတို့ ဌာန လိုမျိုး ပျော်စရာ ကောင်းအောင် နေဖြစ်မယ် ထင်တယ်..အားကျလိုက်တာ အစ်မရယ်..ခုတော့ နောင့် တစ်ယောက်ထဲ..။

    ReplyDelete
  21. မြန်မာ ၄ ယောက်ရှိပါတယ်။
    ဒါပေမယ့် ၂ ယောက်က fabricate လုပ်တဲ့နေရာမှာ ဆိုတော့ ရုံးမှာက စီနီယာနဲ့ ကျွန်မ ၂ ယောက်တည်း။ စီနီယာက စိတ်သဘောကောင်း မသိတာ မတတ်တာ အားလုံး မညီးမညူ သင်ပေး ဆိုပေမယ့် လူအင်အားနည်းတော့ ပျင်းခြောက်ခြောက်မို့ မမတို့ ရုံးကို ပြောင်းခဲ့ချင်လိုက်တာ။ နန်းကြီးသုတ်ကလည်း ကြိုက်သေး...

    ReplyDelete
  22. အမ အကောင့်တန့် အလုပ်လိုရင်ပြောပါ ။ ပျော်စရာကြီး

    ReplyDelete
  23. အဲဒီမှာ “အစည်းလုံးဆုံး မြန်မာ လုပ်ငန်းခွင်မိတ်ဆွေများဆု” ဆိုပြီး စထွင်ကြည့်ပါလား။ ဒါဆို မသက်ဝေတို့လည်း ပွဲဦးထွက် ဆုရ၊ သူများတွေလည်း အားကျပြီး ပြောင်းလဲလာ၊ ဘယ်လောက် ကောင်းလဲ။ ဘက်မလိုက်မယ့် ဒိုင်အဖွဲ့တော့ လိုလိမ့်မယ်။

    ReplyDelete
  24. မမသက်ဝေရေ

    ဖတ်ရတာ စိတ်ချမ်းသာစရာနော် ကျွန်တော်တို့ ရုံးလည်း မြန်မာ ၃ ယောက်ရှိလာပြီ

    မောင်နှမတွေလိုပဲ စောင့်ရှောက်ဖြစ်ကြပါတယ်

    ခင်မင်စွာဖြင့်
    သီဟသစ်

    ReplyDelete
  25. Ohh nice...
    Hi..can I get bodyguard job in your Burmese department?

    ReplyDelete
  26. ပျော်စရာကြီးနော်

    ReplyDelete

အမှတ်တရ ရေးခဲ့ပါ...