Wednesday, December 18, 2013

ဖြစ်စဉ်များ

ဖြစ်စဉ် (၁)

ကျောက်ကပ်မကောင်းလို့ ဆီးမသွားနိုင်ဖြစ်ပြီး ခြေထောက်ကြီး ယောင်နေတဲ့ လူနာကို ကုသတဲ့ ဆရာဝန်က ဆင်ခြေထောက်ရောဂါပါ ဆိုပြီး ဆင်ခြေထောက်ဆေး ငါးသောင်းခွဲဖိုး တိုက်ပါတယ်…။ လူနာကလည်း ဆရာဝန်ပေးတဲ့ ဆေးဆိုတော့ သောက်ရတာပေါ့နော်…။

ဟုတ်ကဲ့... အဲဒါ မြန်မာပြည်က မြို့ကြီးတစ်မြို့မှာ ဖြစ်သွားတာပါ...။ အခုတော့ အဲဒီ လူနာက ဆုံးသွားပါပြီ... သူ့မှာ အသည်းမကောင်းတဲ့ရောဂါအခံလည်း ရှိပါတယ်... ဒါပေမဲ့ အခုလောက် မြန်မြန်ဆန်ဆန်ကြီး ဖြစ်သွားလိမ့်မယ်လို့ မျှော်လင့်မထားပါဘူး... လို့ လူနာရှင်က ဆိုပါတယ်။ အကြောင်းရင်းအမှန်ကို သေသေချာချာ မစစ်ဆေးပဲ အခုလို ကုသမှုမျိုးကြောင့် လူနာတွေ ဘယ်လောက် အသက်ဆုံးရှုံးခဲ့ရပြီလဲ ဆိုတာ မတွေးရဲပါဘူး။

အဲဒီအကြောင်းကို ဖဘက ညီမတစ်ယောက်နဲ့ စကားစပ်လို့ ပြောမိတော့ သူ့မိဘ ညီအကို မောင်နှမတွေ နေတဲ့ မြို့နယ် ကျေးရွာတွေမှာ ဆင်ခြေထောက်ကာကွယ်ဆေးကို လူတိုင်း မသောက်မနေရနဲ့ အစိုးရ စီမံချက်နဲ့ သောက်ရတယ် လို့လည်း သိရပါတယ်…။ တကယ်ကိုပဲ ကောင်းသည် ဆိုးသည် ပြောရခက်လှပါတယ်။

ဖြစ်စဉ် (၂)

လည်ပင်းမှာ အကြိတ်သေးသေးတစ်ခုတွေ့ပါတယ်… ရန်ကုန်မြို့က နာမည်ကြီး Physician ကို သွားပြတော့ ခွဲရမယ်ဆိုပြီး နာမည်ကြီး Surgeon ကို လွှဲပေးပါတယ်…။ Surgeon က လူနာကို ကြည့်ပြီး ခွဲချင်သလား မခွဲချင်ရင် ဆေးသောက် လို့ ပြောပါတယ်…။ ဒီတော့ ရုတ်တရက် ခွဲရမှာ ကြောက်တဲ့ လူနာကလည်း ဆေးသောက်တဲ့ option ကို ရွေးလိုက်ပါတယ်။ ဒီလိုနဲ့ နှစ်ပတ် တစ်ခါ ချိန်းပါတယ်။ တွေ့ရတိုင်းမှာလည်း Surgeon က အလုံးကို လက်နဲ့သေချာတောင် မထိပဲ လူနာရဲ့ နာမည်ကို ခေါ်… နေကောင်လား… ဆေးးယူသွားနော် ဆိုပြီး ဆေးစာလေးရေးပေးလိုက်… လူနာကလည်း ပျောက်နိုး ပျောက်နိုးနဲ့ ဆေးယူလာပြီး သောက်နေလိုက်တာ လေးလနီးပါး ကြာသွားပါတယ်။

အဲဒီလူနာ စကာင်္ပူကို အလည်လာရင်း အဲဒီအကြိတ်လေး ပြသွားမယ် ဆိုပြီး NUH ကို သွားပါတယ်…။ တွေ့ရတဲ့ ဆရာဝန်က အကြိတ်ကို စမ်းပြီး အဆီ (သို့) အရည်ကြိတ် ဖြစ်နိုင်တယ် ဆိုပြီး အပ်နဲ့ စုတ်ထုတ်ပါတယ်။ အရည်တွေ ထွက်လာပါတယ်။ ဓါတ်ခွဲခန်းပို့ပါတယ်။ ဘာမှ မတွေ့ပါဘူး…။ သာမာန် အရည်ကြိတ်ပါ။ ဒီလိုနဲ့ စုစုပေါင်း အချိန် မိနစ် နှစ်ဆယ်အတွင်းမှာ လူနာရဲ့ စိတ်ပိုင်းဆိုင်ရာရော ရုပ်ပိုင်းဆိုင်ရာပါ လုံးဝ ကောင်းမွန် ချမ်းသာသွားရပါတယ်။ အခုချိန်အထိလည်း အကြိတ်ပြန်ဖြစ်လာခြင်း၊ အရည်ပြန်စုလာခြင်းမျိုး လုံးဝ မရှိပါဘူး…။

လေးလတာ ကုန်ကျခဲ့တဲ့ ငွေကြေး၊ ဆရာဝန်နဲ့ တွေ့ဖို့ ဆေးခန်းသွားရ တိုကင်ယူရ အချိန်စောင့်ရတဲ့ ကရိကထတွေကို လုံးဝ ထည့်မတွက်ဖူးပဲ ထား… လူနာရဲ့ စိတ်ပိုင်းဆိုင်ရာ နဲ့ မိသားစုတွေရဲ့ ပူပန်ကြောင့်ကြမှုတွေ ကို ဒီ မိနစ် နှစ်ဆယ် ဆိုတဲ့ အချိန်က ရှင်းပေးသွားလိုက်တာ…။

ဒီဖြစ်စဉ်မှာ မြန်မာပြည်က အကောင်းဆုံး နာမည်အကြီးဆုံးနဲ့ အကျော်ကြားဆုံး သမားတော်ကြီးတွေရဲ့ ဆေးကုသပုံ ကုသနည်းတွေ ဘာကြောင့်များ အခုလို လွဲချော် မှားယွင်းနေတာပါလိမ့်… လို့ ကျွန်မ သိချင်နေမိပါတယ်။

ဖြစ်စဉ် (၃)

ည ရှစ်နာရီလောက်မှာ သွေးတွေတက် ခေါင်းမူး ဇောချွေးတွေပြန်ပြီး မောနေတဲ့ လူနာ… အနားက နာမည်ကြီး ဆေးတိုက်တစ်ခုက ဆရာဝန်ကို အိမ်ကို ပင့်ပါတယ်။ စက်ကရိယာ စုံစုံလင်လင်နဲ့ လာကြည့်ပါတယ်.. သို့သော် လူနာရှင်ကို ဘာမှ ဆွေးနွေးပြောဆိုခြင်း မရှိပါဘူး။ ဆေးရုံတင်ရင် ကောင်းမယ်လို့ တစ်ခွန်းပဲ ပြောပါတယ်။ ရုတ်တရက်မို့ လူနာကလည်း ကြောက်၊ လူနာရှင်ကလည်း ဘာလုပ်ရမယ် ဆိုတာ မဝေခွဲနိုင်၊ သားသမီးတွေကလည်း အနားမရှိဆိုတော့ အိမ်မှာပဲ တစ်ည ကုန်သွားပါတယ်။ နောက်တနေ့မနက် လူနာကြည့်ရတာလည်း သက်သာဟန်မတူတော့ ညက ဆရာဝန်ပြောသွားတဲ့အတိုင်း နာမည်ကြီး ပုဂ္ဂလိက ဆေးရုံတစ်ခုကို တင်ပါတယ်။ ဆေးရုံရောက် အကျိုးအကြောင်း ပြောပြတော့ ဆုံးအောင်လည်း နားမထောင်၊ ဘာညာ မပြောပဲနဲ့ ICU (အထူး ကြပ်မတ် ကုသဆောင်) ထဲ တန်းထည့်ပါတယ်။ ခဏနေတော့ သူနာပြုတစ်ယောက် ထွက်လာပြီး သား သမီးတွေကို အကြောင်းကြားချင် ကြားတော့လို့ ပြောပါတယ်။ သားသမီးတွေကို အကြောင်းကြားတော့ ဆိုတဲ့ စကားကို လူနာရှင်တစ်ယောက် ဘယ်လိုနှလုံးသားမျိုးနဲ့ ခံယူနာကြားရမယ်ဆိုတာ တွေးသာကြည့်ပါတော့...။ အဲဒီစကားတစ်ခွန်းသာ ပြောပြီး လူနာရဲ့ ရောဂါနဲ့ ပတ်သက်တာ၊ လူနာရဲ့ အခြေအနေ၊ ဘယ်လို ကုသရမယ်၊ ဘယ်လိုကုသရင် သက်သာမယ်၊ ဘယ်လောက် အတိုင်းအတာအထိ စိုးရိမ်ရတယ် မစိုးရိမ်ရဘူး… ဘာဆို ဘာမှ တစ်ခွန်းမှ ရှင်းမပြ ပြောမပြပါဘူး။ တွေ့ရာ ၀န်ထမ်းတွေ ဆရာဝန်တွေ သူနာပြုတွေကို အတင်း (အတင်း) လိုက်မေးတော့ နှလုံးသွေးကြောကျဉ်းနေတာ လို့ တိုတိုပဲ ပြောပါတယ်။

ICU ရဲ့ အရေးပေါ် ကုသမှုကြောင့်ရော၊ လူနာရဲ့ ကုသိုလ်ကံကြောင့်ရော အဲဒီနေ့မှာပဲ သက်သာလာပါတယ်…။ ဆေးရုံရောက်တာ နောက်ထပ် ခြောက်နာရီ နောက်ကျရင် အသက်ဆုံးရှုံးနိုင်တယ်လို့ သိရပါတယ်။ အဲဒီလိုနဲ့ လူနာ လေယာဉ်ပျံ စီးနိုင်တဲ့ အခြေအနေထိ ကောင်းလာအောင် စောင့်ပြီး သားသမီးတွေက စကာင်္ပူမှာ (Stent ထည့်) သွေးကြောချဲ့တဲ့ နည်းနဲ့ လာကုသွားပါတယ်…။ အခုဆို ကျန်းမာလိုက်သမှ ဒေါင်ဒေါင် မြည်နေပါပြီ…။

ဒီဖြစ်စဉ်မှာ ကျွန်မ သိချင်တာတစ်ခုပဲ ရှိပါတယ်။
အဲဒါကတော့ ဆရာဝန်တွေ၊ သူနာပြုတွေနဲ့ တာဝန်ရှိသူတွေဟာ လူနာ (သို့) လူနာရှင်တွေကို ဘာဖြစ်လို့များ လူလူသူသူ သဘောထားပြီး ရောဂါအကြောင်းနဲ့ ဖြစ်နိုင်တဲ့ အနေအထားတွေ၊ ကောင်းခြင်း ဆိုးခြင်းတွေကို ရှင်းပြခြင်း၊ ပြောဆို ဆွေးနွေးခြင်း၊ တိုင်ပင် ညှိနှိုင်းခြင်း မလုပ်ကြတာလဲ ဆိုတာကိုပါ…။

******* 

ဒီလို အကြောင်းတွေကို သိနေ ကြားနေရတာတော့ ကြာပါပြီ…။ အမှားအယွင်းဆိုတာ လူတိုင်းမှာ ရှိကြတာချည်းပါ။  ကျွန်မ လက်ရှိ ရောက်နေတဲ့ စကာင်္ပူနိုင်ငံမှာရော၊ တခြားနိုင်ငံတွေမှာလည်း အခုလို အမှားအယွင်းတွေ၊ မရည်ရွယ်ပဲ မတော်တဆ မှာယွင်းတာတွေ ရှိကြတာချည်းပါပဲ…။ ဒါပေမဲ့ အခု ကျွန်မ ကြားရသမျှတွေကတော့ မတော်တဆ ဆိုတာထက် ကျော်လွန်နေပါတယ်။ ဒါတောင် စက်ကရိယာ ချို့ယွင်းလို့၊ ဆေးစစ်ချက် အမှန်မရလို့ ဖြစ်တဲ့ ပြဿနာတွေ မပါသေးပါဘူး။ 

ဒီကိစ္စတွေဟာ တစ်ယောက်နဲ့ တစ်ယောက် သဘောထား ကွဲလွဲစရာတွေ မဟုတ်ပေမဲ့ အသိမိတ်ဆွေတွေ၊ သူငယ်ချင်း အရင်းအချာတွေထဲမှာ မြန်မာပြည်မှာ ဆရာဝန်လုပ်နေတဲ့သူတွေ အများကြီး ရှိတဲ့အပြင် ကျွန်မ အမျိုးသားကိုယ်တိုင်က ဆရာဝန်တစ်ယောက် ဖြစ်နေလေတော့ သူတို့ရဲ့ Professional နဲ့ သူတို့ရဲ့ ဂုဏ်သိက္ခာကို ထောက်ထား အားနာသောအားဖြင့် မရေးပဲ အတန်တန် ထိန်းထားခဲ့တာပါ။ ဒါပေမဲ့ ဖြစ်စဉ် (၁) ကို သိရတဲ့ အချိန်မှာတော့ ကျန်တာတွေလည်း မီးခိုးကြွက်လျှောက် ပြန်သတိရလာပါတယ်။ ဒါကြောင့် ကိုယ့်လူတွေ ကျန်းမာရေးအသိလေး ရှိထားကြဖို့၊ တခုခုဆို second opinion ယူဖြစ်ကြဖို့ နဲ့ လူနာတွေကို ဆက်ဆံနေရတဲ့ ဆရာဝန်တွေ ဒီ့ထက် နည်းနည်းလေး ပိုပြီး ကြင်နာနိုင်ကြစေဖို့ ရည်ရွယ် မျှော်လင့်ရင်း ဒီပိုစ့်ကို ရေးပါတယ်။

Friday, December 13, 2013

အိမ်

အိမ် ဆိုတဲ့ စကားလုံးရဲ့ အဓိပ္ပါယ်ဖွင့်ဆိုချက်က “The place where one lives permanently, especially as a member of a family or household.” လို့ ဆိုတယ်။ သို့သော်လည်း အခုအချိန်မှာ လူတိုင်း လူတိုင်းဟာ ကိုယ့်ဘ၀အတွက် တိုးတက်ရာ တိုးတက်ကြောင်း၊ ကိုယ့်မိသားစု အတွက် ကောင်းရာ ကောင်းကြောင်းတွေကို ရှာဖွေရင်း ရေကြည်ရာ မြက်နုရာ နေရာဒေသအနှံ့အပြားကို အလျဉ်းသင့်သလို ရွှေ့ပြောင်းပြီး နေထိုင်ကြရတယ်…။ မိသားစုဝင်တွေအားလုံး တစ်နေရာထဲမှာ၊ တစ်မိုးထဲအောက်မှာ တစုတစည်းထဲ အတူတကွ နေထိုင်ကြရတဲ့အချိန်တွေ နည်းပါးသည်ထက် နည်းပါးလာတယ်။ အဲဒီလိုနဲ့ တခါတရံမှာ အိမ်ဆိုတဲ့ စကားလုံးရဲ့ အနှစ်သာရ ပျောက်ဆုံးနေသလို ခံစားကြရတယ်…။ ဘယ်လိုပဲဖြစ်ပစေ… ကိုယ်လက်ရှိနေထိုင်နေတဲ့ နေရာလေးကို လှပသပ်ရပ်ပြီး နေချင်စဖွယ်ဖြစ်အောင် ဖန်တီးနိုင်ရင်၊ နှလုံးသားတွေ နွေးထွေးရင် ဒါဟာလည်း အိမ်… လို့ ဆိုရမှာ မဟုတ်လား…။

ဘာရယ်မဟုတ် "အိမ်" အကြောင်းကို အဲဒီလို စဉ်းစားမိရင်း ကျွန်မ နေထိုင်ခဲ့ဖူးတဲ့ အိမ်တွေကို လက်ချိုးပြီး ရေတွက်ကြည့်မိတော့ လောလောဆယ် နေနေတဲ့ အိမ်အပါအ၀င် လက် ငါးချောင်းထက် မပိုတာ တွေ့ရတယ်။ အဲဒီ အိမ်လေးတွေကို အမှတ်ရ ချစ်ခင် သတိရစိတ်နဲ့ ဒီပိုစ့်လေးကို ရေးပါတယ်။

ပထမဆုံး အိမ်လေးကို ကလေးဘ၀မို့ ၀ိုးတ၀ါးသာ မှတ်မိခဲ့တယ်။ ကြိုးစားပြီး ပုံဖေါ်ကြည့်လိုက်ရင်တော့ သံဇကာကွက် အစိမ်းရောင်၊ အိမ်ရှေ့က မြေကျယ်ကျယ်၊ ခြံထောင့်တစ်နေရာက ရေတွင်းဟောင်းတစ်လုံး… အဲဒီလောက်ပဲ အမှတ်ရတော့တယ်…။

ဒုတိယ အိမ်ကလေးကိုတော့ အဲဒီအိမ်လေးမှာ နေရင်း အရွယ်ရောက် ကြီးပြင်းလာခဲ့ရတာမို့ တော်တော်လေး မှတ်မိတယ်။ အဲဒီ အိမ်လေးမှာ နေရင်း ကျောင်းတက်လိုက် စာကျက်လိုက်နဲ့ အချိန်တွေ တစ်နှစ်ပြီး တစ်နှစ် ကုန်လာခဲ့တယ်။ အချိန်တွေ ကြာလာတာနဲ့ အမျှ အိမ်ကလေးဟာလည်း တဖြည်းဖြည်းနဲ့ အိုဟောင်းလာတယ်။ ဒါကြောင့် အိမ်ကလေးကို အသစ်ပြန်ဆောက်ဖို့ စိတ်ကူး တိုင်ပင်ကြတယ်။ ဖေဖေက အဝေးမှာ အလုပ်လုပ်နေတာမို့ မေမေရယ် ကျွန်မတို့ မောင်နှမ နှစ်ယောက်ရယ်၊ အဖိုးရယ် အိမ်ပြန်ဆောက်ဖို့ ဖြစ်ပါ့မလားရယ်လို့ ဖေဖေက စိတ်ပူနေပါသေးတယ်။ ဒါပေမဲ့ အဆင်ပြေခဲ့ပါတယ်။ အိမ်ကလေးကို ပြန်ဆောက်တဲ့အခါမှာ အစစ အရာရာ စီမံ ခန့်ခွဲပြီး တာဝန်ယူပေးသူက ကျွန်မ Other Half ရဲ့ မိဘတွေပါ။ ဒုတိယနှစ် စက်မှုတက္ကသိုလ်ကျောင်းသူ ကျွန်မကတော့ မတတ် တတတ်နဲ့ အိမ်ပုံစံလေးတွေ အခန်းဖွဲ့လေးတွေ ဆွဲခဲ့ပါတယ်… ရိုးရိုး ရှင်းရှင်းပါပဲ…။ အဲဒီ အိမ်ကလေး ပြန်ဆောက်နေတဲ့ အချိန်မှာ ကျွန်မတို့ မိသားစုက မျက်နှာချင်းဆိုင် အိမ် အောက်ထပ်လေးမှာ ခဏ ငှားပြီး နေခဲ့ကြတယ်။ ဖြစ်ချင်တော့ အဲဒီအချိန်က ကျွန်မတို့ ကျောင်းတွေ ပိတ်ထားတဲ့ အချိန်ဆိုတော့ အိမ်ဆောက်တဲ့နေရာမှာ အချိန်ပြည့် နေနိုင်ခဲ့တယ်။ အုတ်ကား သဲကား ဘိလပ်မြေကားတွေနဲ့ သစ်ပုံတွေ အုတ်ပုံတွေ အလုပ်သမားတွေကြားမှာ လူးလာ ခေါက်ပြန် ကူးသန်းပြီး အိမ်အသစ်ကလေးအတွက် မမောနိုင် မပန်းနိုင်။

အိမ်ဆောက်တဲ့ အချိန်မှာ အလုပ်တွေကတော့ တော်တော်လေး ရှုပ်ပါတယ်…။ အိမ်အဟောင်းကို ဖျက်တာ၊ မြေပြန်တိုင်းတာ၊ မြေသန့်တာ၊ ပြီးတော့ အန္တရာယ်ကင်း ဘေးကင်း ပရိတ်ရွတ်တာ၊ နေ့ကောင်းရက်သာ ရွေးပြီး ပန္နက်ရိုက်တာ၊ အ၀ီစိရေတွင်း တူးတာ၊ အိမ်တိုင်ထူတာ… စသည်ဖြင့်…။ အဲဒီအထဲမှာမှ ထူးထူးဆန်းဆန်း လုပ်ရတဲ့ ကိစ္စတစ်ခုကတော့ အိမ်အ၀င်ပေါက် ခြံစည်းရိုးနားမှာ ရှိနေတဲ့ ဓါတ်တိုင်ကို ကားဝင်စရာ တံခါးပေါက် အတွက် မလွတ်တော့လို့ တဖက်ဘေးကို ပြန်ရွှေ့ရတာပါ။ အဲဒီနေ့မှာ ပတ်ဝန်းကျင်က အိမ်တွေကိုပါ မီးတွေ အရင် ဖြတ်၊ ဓါတ်တိုင် ရွှေ့မယ့် အကွာအဝေးတလျောက်ကို မြောင်းတူးပြီး ကရိန်းကားနဲ့ ဓါတ်တိုင်ကို ဆွဲပြီး ရွှေ့ရတာ…။ အဲဒီနေ့က အိမ်ရှေ့မှာ သူ့အလိုလို ပေါက်လာတဲ့ လူတရပ်ကျော်ကျော် မြင့်နေတဲ့ တမာပင်လေးကို ခုတ်လိုက်ရလို့ စိတ်မကောင်းဖြစ်ရတာ ခုထိ မမေ့ဘူး။ အိမ်ရှေ့ တမာ နောက်ဖေး ခံတက် စီးပွားတက် ဆိုတဲ့စကားကို ကြားဖူးပြီး အဲဒီ သူ့အလိုလို ပေါက်လာတဲ့ တမာပင်လေးကို လောဘစိတ်နဲ့ သဘောကျနေတာလေ…။

အဲဒီအချိန်က အိမ်မိုးစရာ သွပ်တွေ ဖေဖေက (ဘယ်ကလဲ ဆိုတာ မမှတ်မိ) လှမ်းမှာပြီး ပို့ပေးတယ်။ ကားသွင်းသလိုပဲ ပါမစ်တွေ လုပ်ပြီး သွင်းရတာ…။ ရန်ကုန်ကို ရောက်လာတော့လည်း ကား ထုတ်သလိုပဲ ဆိပ်ကမ်းထဲမှာ သွားထုတ်ရတာ…။ ဖေဖေက အများကြီး ပို့လိုက်တော့ အိမ်အတွက် သုံးဖို့ လိုသလောက် ချန်ပြီး ပိုနေတဲ့ သွပ်တွေကို ဆိုင်မှာ သွားပြန်သွင်းကြတယ်။ အိမ်ဆောက်ပစ္စည်းဆိုင်တွေက အဲဒီအချိန်က ၂၇ လမ်း ၂၈ လမ်း ၂၉ လမ်း အဲလိုလမ်းတွေထဲမှာ…။ ဆိုင်တွေ အားလုံးက သွပ်တွေ ကားပေါ်တင်ပြီး လာရောင်းတဲ့ ကလေးသာသာ ကျွန်မတို့ မောင်နှမနှစ်ယောက်ကို မအူမလည်လေးတွေ မောင်အချဉ်လေး မအချဉ်လေးတွေလို့ မှတ်ယူကြပုံရပါတယ်။ သူတို့ အခေါ် ဂိတ် အကောင်းစား၊ အထူစား သွပ်တွေကို သူ့ထက် ငါ ဈေးနှိမ်ပြီး ပေးကြတယ်။ ကျွန်မတို့ကလည်း တန်ရာ တန်ကြေး ပေါက်ဈေးအတိုင်းပဲ တောင်းတာပါ။ တစ်ဆိုင်ကတော့ ပစ္စည်းကို တအား သဘောကျနေတော့ ကျွန်မတို့ တောင်းတဲ့ ဈေးနဲ့ ယူမလိုလို ပြောပြီး အလုပ်သမားတွေကို သွပ်တွေ ကားပေါ်က ချခိုင်းတယ်။ တကယ်တန်း တေ့တေ့ဆိုင်ဆိုင်ပြောလည်း ပြောရော ဈေးတွေ နှိမ်ပါလေရော… ကျွန်မရော မောင်လေးရော စိတ်တွေ ဆိုးပြီး သွပ်တွေ အခု ကားပေါ် ပြန်တင် လို့ ခိုင်းပြီး ပစ်ကပ်ကား နောက်ဖုံးကို ပိတ်ပလိုက်ကြတယ်။ တော်ပြီ မရောင်းတော့ဘူး ဆိုပြီး ကား ထွက်မယ် အလုပ်ကျမှ တခြားဆိုင်တွေက လူတွေပါ ရောက်လာပြီး ပြောတဲ့ဈေးနဲ့ ယူပါ့မယ် သူ့ ရောင်းပါ ငါ့ ရောင်းပါနဲ့ ဖြစ်လာကြတယ်။ နောက်ဆုံး ကျွန်မတို့ လိုချင်တဲ့ ဈေးနဲ့ပဲ အရောင်းအ၀ယ်ဖြစ်သွားတယ်။ နောက်တော့ သူတို့ အတင်းပြောတာ ပြန်ကြားရတာ… သွပ်လာရောင်းတဲ့ မျက်မှန် မောင်နှမ နှစ်ယောက် အတော်လည်တာပဲ တဲ့…။

အိမ်တစ်လုံးမှာ လှေခါးတစ်စင်းဟာ အတော်ကို အရေးပါတယ် ဆိုတာ ကိုယ် တကယ် အိမ်ဆောက်တော့မှ သိခွင့်ရတယ်။ အပေါ်ထက်အတွက် လှေခါးထစ်တွေ၊ လှေခါး လက်ရန်းတွေ ရုပ်လုံးပေါ်လာတော့ အိမ်တက် လိုမျိုး… လှေခါး တက် အခန်းအနား လုပ်ရမယ်တဲ့…။ ဒီတော့ နေ့ကောင်းရက်သာ ရွေးရပြန်တယ်။ ပြီးတော့ အုန်းပွဲ ငှက်ပျောပွဲနဲ့ ဖယောင်းတိုင် အမွှေးတိုင်တွေ ထွန်းပြီး လက်သမားအဖွဲ့ခေါင်းဆောင်က ရှေ့က တက်… ပြီးတော့ မိသားစုတွေ အလုပ်သမားတွေ အားလုံး တထစ်ချင်း လှေခါးတက် အခန်းအနားကို ကျင်းပကြရတယ်…။ နောက်တော့ အိမ်သားတွေရယ် ဖိတ်ထားတဲ့ မိတ်ဆွေတွေရယ် အလုပ်သမားတွေရော အားလုံး အသင့်ဝယ်ထားတဲ့ ဒန်ပေါက်တွေ စားကြတယ်။ ပျော်စရာ အတွေ့အကြုံတစ်ခုပါပဲ…။

အိမ်တစ်လုံးရဲ့ အကြမ်းထည်ပြီးတော့ အတွင်းပိုင်း အလှဆင်တဲ့ အချိန်ဟာ ပျော်စရာအကောင်းဆုံးလို့ ကျွန်မ ထင်မိတယ်။ အိမ်လေးနဲ့ လိုက်ဖက်ပြီး ကိုယ်လည်း စိတ်တိုင်းကျတဲ့ ပစ္စည်းတွေ လိုက်ဝယ်ရတာ တကယ်ပဲ ပျော်စရာကောင်းလှတယ်။ ကြမ်းခင်း ကြွေပြား၊ နံရံကပ် ကြွေပြား၊ မီးခလုပ် မီးလုံး မီးဆိုင်း နံရံကပ် မီးလေးတွေ၊ တံခါးရွက် အမျိုးမျိုး ပြူတင်းပေါက်နဲ့ ခြင်ဇကာတွေအတွက် တံခါးလက်ကိုင်ဘုလေးတွေ၊ မီးဖိုခန်း ရေချိုးခန်း တွေအတွက် ရေပိုက် ရေပန်း စတဲ့ ပစ္စည်းတွေ အမျိုးအမည် ပေါင်းများစွာကို ရွေးချယ် ၀ယ်ယူရင်း တဖြည်းဖြည်းနဲ့ ရုပ်လုံးပေါ်လာတဲ့ အိမ်ကလေးကို သိပ်ချစ်လို့ ည တရေးနိုးချိန်မှာတောင် ထကြည့်ခဲ့ဖူးတယ်။

အဲဒီအိမ်လေး အပြီးသတ်သွားတော့ ချစ်စရာ အိမ်လှလှလေးမှာ နေရတဲ့အတွက် သိပ်ပျော်တာပေါ့…။ ဒါပေမဲ့ နောက်နှစ်အနည်းငယ် ကြာတော့ ယောင်နောက် ဆံထုံးပါ… ကျွန်မ ချစ်တဲ့ အိမ်ကလေးကနေပြီး ခပ်ဝေးဝေးတစ်နေရာကို ပြောင်းရွှေ့ခဲ့ရပါတယ်။ မီးရောင်တွေ တလက်လက်၊ တုတ်တုတ်လို့ ခေါ်တဲ့ သုံးဘီကားသံ တညံညံ၊ ကျွန်မ နားမလည်တဲ့ ဘာသာစကားတွေ ကလောက် ကလောက်နဲ့ ပြောနေကြတဲ့ ဘန်ကောက်မြို့ဟာ ကျွန်မကို နွေးနွေးထွေးထွေး ကြိုဆိုခဲ့ပါတယ်။ အိမ်လို့ ခေါ်လို့မရတဲ့ Service Apartment အခန်းရှည်လေးတစ်ခုမှာ နေရတဲ့အခါ အနည်းငယ် စိတ်ကျဉ်းကြပ်စရာကောင်းပေမဲ့ ပျော်ခဲ့ပါတယ်။ လျှပ်စစ် ထမင်းချက်အိုးရယ်၊ ရေနွေးအိုးရယ်၊ မိုက်ခရိုဝေ့ဖ်ရယ်သာ အသုံးပြုခွင့်ရှိတာမို့ အစပိုင်းမှာ အနည်းငယ် အခက်အခဲတွေ့ရပါတယ်။ နောက်တော့လည်း အဲဒီပစ္စည်းတွေနဲ့ပဲ ကြက်ဥလည်း ကြော်လို့ ဖြစ်သွားသလို မုန့်ဟင်းခါး၊ အုန်းနို့ခေါက်ဆွဲတွေလည်း စားဖြစ်အောင် ချက်တတ်သွားပါတယ်။ အိမ် ဆိုတဲ့ ခံစားချက်ကတော့ သိသိသာသာ ပျောက်ကွယ်နေတာ သတိထားမိတဲ့ ကျွန်မ အမျိုးသားက နောက်တော့ အိမ်ခန်း ကျယ်ကျယ်လေး ရှာပြီး ပြောင်းကြတာပေါ့… လို့ အားပေးတတ်ပါတယ်။ အခုကတော့ ကလေးကလည်း ငယ်နေသေးတော့ အလုပ်နဲ့ နီးတဲ့ နေရာမှာ နေတာက အဆင်ပြေမှာမို့ပါ လို့လည်း ပြောတတ်ပါတယ်။

အဲဒီ ဘန်ကောက်က အိမ်ခန်းကလေးမှာ သုံးနှစ်ကျော် လေးနှစ်နီးပါး နေခဲ့ပြီး ရေကြည်ရာ မြက်နုရာကို ပြောင်းရွှေ့လာလိုက်တာ… အခုဆိုရင် Second Home လို့ ခေါ်လို့ရပြီ ဖြစ်တဲ့ ကျွန်းပိစိလေးကို ရောက်လာပါတယ်။ ရောက်ရောက်ချင်း နေရတဲ့ အခန်းလေးက ကျဉ်းပေမဲ့ အိမ်နဲ့ တူတူတန်တန် နွေးထွေးခဲ့ပါတယ်။ ဧည့်ခန်း အိပ်ခန်း မီးဖိုခန်း ထမင်းစားခန်း စတဲ့ မကျဉ်းမကျယ် အခန်းလေးတွေ ပါဝင်တဲ့ အိမ်ခန်းလေး… ခဏ ငှားနေရတဲ့ အိမ်လေး ဖြစ်ပေမဲ့ စိတ်ထဲမှာ ကိုယ့်အိမ်လို သဘောထားပြီး လှလှပပ သပ်သပ်ရပ်ရပ် နေဖြစ်ခဲ့ပါတယ်…။

အဲဒီနောက်မှာတော့ ကျွန်မတို့ မိသားစုလေး သုံးယောက် နေလောက်ရုံ အိမ်ခန်း သေးသေးတစ်ခန်းကို ဖေဖေ မေမေတို့ရဲ့ ကျေးဇူးနဲ့ ၀ယ်ဖြစ်ခဲ့ပါတယ်…။ အိပ်ခန်း နှစ်ခန်းနဲ့ ဧည့်ခန်း မီးဖိုခန်း ရှည်မျောမျောလေးတွေပါဝင်တဲ့ အိမ်ကလေးကို ကိုယ့်အိမ်ဆိုတဲ့ အသိစိတ်နဲ့ ကျွန်မ အင်မတန် နှစ်သက်မိပြန်ရော…။ အိမ်ကလေးအတွက် သော့ရပြီးတော့ ကျွန်မတို့ နှစ်ယောက်သား အိမ်နံရံတွေကို အတူတူ ဆေးသုတ်ခဲ့ကြတယ်။ ပရိဘောဂ ပစ္စည်းတွေ စိတ်တိုင်းကျ ၀ယ်ပြီး နေရာချခဲ့ကြတယ်။ ပန်းချီကားတွေ မီးလုံး မီးဆိုင်းလေးတွေကိုလည်း အိမ်နဲ့ သင့်တော်သလို ပြင်ဆင် ချိတ်ဆွဲခဲ့ကြသေးတယ်…။ ကိုယ့်အိမ်လေးကို နေချင့်စဖွယ်ဖြစ်အောင် ကိုယ်တိုင် ပြုပြင်လိုစိတ်က ကျွန်မတို့ နှစ်ယောက်စလုံးမှာ စိတ်တူ ကိုယ်တူ ရှိနေခဲ့ကြတာ…။ အိပ်ခန်း ပြူတင်းပေါက်က လှမ်းကြည့်လိုက်ရင် အုန်းပင်ပုလေးတွေ စီတန်းနေတဲ့ အမိုးနိမ့်နိမ့်နဲ့ လူသွားလမ်းလေး… သူ့နဲ့ တဖက်ခြမ်းမှာရှိတဲ့ ကလေးကစားကွင်း… ကားရပ်တဲ့ နေရာ ဘေးနားက ကုက္ကိုပင်အကြီးကြီးတစ်ပင်… အားလုံးဟာ မြင်နေကျ မြင်ကွင်းပေမဲ့ အချိန်တိုင်း မရိုးနိုင်အောင် ကြည့်နေဖြစ်တဲ့ မြင်ကွင်းတွေပါပဲ..။ အဲဒီအိမ်ကလေးမှာ လေးနှစ်ကျော် နေခဲ့ပါတယ်…။ သားလေး ကြီးလာတာက တစ်ကြောင်း၊ မိဘတွေ လာရင် ကျယ်ကျယ်ဝန်းဝန်း ချောင်ချောင်ချိချိ နေရအောင် တစ်ကြောင်းတို့နဲ့ ဒီ့ထက် ကျယ်ဝန်းတဲ့ အိမ်တစ်ခန်း ရှာဖြစ်ခဲ့ပါတယ်…။

ကံကောင်းထောက်မစွာနဲ့ ကျွန်မ လိုချင်တဲ့ ပတ်ဝန်းကျင်မှာ ကျွန်မ စိတ်တိုင်းကျ အိမ်ကလေးကို သာမန်ထက် သက်သာတဲ့ဈေးနှုန်းနဲ့ ရခဲ့ပြန်ပါတယ်…။ အိမ်လေးရဲ့ နေရာ၊ အကျယ်အ၀န်းနဲ့ ပေးရတဲ့ တန်ဖိုးကို ကြားတဲ့သူတိုင်းက ကျွန်မတို့ကို သိပ်ကံကောင်းတာပဲ လို့ ပြောကြတယ်။ ရတနာသုံးပါး ကျေးဇူး၊ မိဘတွေကို ကိုယ်နဲ့ အတူတူ ထားပြီး ပြုစုစောင့်ရှောက်လိုတဲ့ စိတ်စေတနာတွေက ကျွန်မတို့ကို ကံကောင်းစေတယ်လို့ အမြဲ ယုံကြည်နေမိတာပါပဲ…။ ပြောင်းလာခါစက အရင် အိမ်ကလေးကို မကြာခဏ သတိရနေတတ်ပေမဲ့ ကိုယ့်စိတ်ကြိုက် အပြင်အဆင်၊ လုံလောက်တဲ့ အကျယ်အ၀န်း၊ အလင်းရောင်နဲ့ လေကောင်းလေသန့်၊ ရင်းနှီး နှစ်လိုဖွယ်ကောင်းတဲ့ အိမ်နီးချင်းတွေ၊ စိမ်းစို လှပပြီး တိတ်ဆိတ်တဲ့ ပတ်ဝန်းကျင်၊ လိုအပ်သမျှ နီးနီးနားနားမှာ အလွယ်တကူ ရနိုင်တဲ့ သက်တောင့်သက်သာ အနေအထား… အစစ အဆင်ပြေတဲ့ ဒီအိမ်လေးကိုလည်း ကျွန်မ တော်တော်လေး သဘောတကျ နှစ်သက်မိပါတယ်။ ဘာလိုလိုနဲ့ ဒီအိမ်လေးကို ရောက်လာတာ အခုဆို လေးနှစ်ကျော် ငါးနှစ်နီးပါး ရှိခဲ့ပြီ။ နောက်တစ်အိမ်ပြောင်းဖို့ မစဉ်းစားနိုင်၊ မစဉ်းစားချင်အောင်ကို ကျွန်မ အိမ်လေးကို ကျွန်မ ချစ်မက်လှပါတယ်။

ဒီအိမ်ကို ပြောင်းလာတုန်းက မီးဖိုခန်းက ကျွန်မတို့ စိတ်တိုင်းကျ မဟုတ်ပေမဲ့ အရင်အိမ်ရှင် ပြင်ထားတာ ခြောက်လပဲ ရှိသေးတယ် ဆိုတော့ အကုန်ပြန်ဖျက်ချပြီး အသစ်လုပ်ဖို့ကို စိတ်ထဲ အားနာသလိုလို၊ နှမြောသလိုလို ဖြစ်ပြီး ဒီတိုင်းပဲ နေခဲ့တာ။ တဖြည်းဖြည်း နေကြည့်ရင်းနဲ့မှ အဲဒီမီးဖိုခန်းက ဈေးသက်သက်သာသာနဲ့ ခပ်ပေါပေါပစ္စည်းတွေကို သုံးပြီး ပြင်ထားတာမှန်းလည်း သိသာလာတယ်။ ကြမ်းခင်းကျောက်ပြားတွေဆိုလည်း တိုက်လို့ကို လွယ်လွယ်ကူကူ မစင်နိုင်ဘူး။ အဲဒီလို အဲဒီလိုတွေနဲ့ စိတ်တိုင်းမကျဖြစ်ရတာတွေ များလာတော့ ဒီမီးဖိုခန်းကို ပြင်ကြမယ်လို့ ဆုံးဖြတ်လိုက်ပါတယ်။ ထုံးစံအတိုင်း အိမ်ပြင်ရမယ်ဆို သိပ်တက်ကြွတဲ့ ကျွန်မတို့ နှစ်ယောက် အလုပ်တစ်ဖက်နဲ့ မအားတဲ့ကြားထဲက ရုံးအဆင်း ညနေတွေမှာ လိုအပ်တဲ့ ပစ္စည်းတွေ လိုက်ကြည့်၊ တွက်ချက်၊ ရွေးချယ် ၀ယ်ယူနဲ့ ပျော်နေပြန်ပါတယ်…။

ဆိုတော့ကာ… နောက်တပတ် တနင်္လာနေ့ကနေ စပြီး ပြင်ဆင်ခြင်းအမှု စတင်မှာဖြစ်ပါတယ်..။ ဒီဇင်ဘာရဲ့ ပွဲတော်ရက်တွေနဲ့ ပိတ်ရက်တွေကို အနားယူအပန်းဖြေခရီး တစ်ခုခု သွားရမဲ့အစား အိမ်ပြင်မယ်လို့ တွေးလိုက် ဆုံးဖြတ်လိုက်သော်လည်း တကယ်လုပ်ရတော့မယ် ဆိုတော့ နည်းနည်းတော့ မအီမလည်ပေါ့…။ ဒါပေမဲ့လည်း မီးဖိုခန်းလေး ကိုယ့်စိတ်ကြိုက် ပြင်ဆင်လိုက်ရလို့ လှသွားမှာတွေးပြီး စိတ်ကို လျှော့လိုက်ပါတယ်…။ မီးဖိုခန်းအတွက် ကျွန်မစိတ်ကြိုက်ရွေးထားတဲ့ အရောင်ကတော့ မီးခိုးရောင်ပါ…။ ကြမ်းခင်းကို အနက်ရောင် ခင်းချင်သော်လည်း သိပ်မှောင်သွားမှာစိုးလို့ အရောင်ဖျော့လိုက်ရပါတယ်…။ ပြင်လို့ မပြီးခင်စပ်ကြားမှာတော့ တအိမ်လုံး ဖုန်တလုံးလုံးနဲ့ လူလည်း ပေတူးနေမှာ အသေအချာ… ပြင်လို့ပြီးသွားရင်တော့ မီးဖိုခန်းအသစ်လေးကို ဓါတ်ပုံရိုက်ပြီး ပြပါအုံးမယ်…။ 

ကိုယ်လက်ရှိနေထိုင်နေတဲ့ နေရာလေးကို လှပသပ်ရပ်ပြီး နေချင်စဖွယ်ဖြစ်အောင် ဖန်တီးနိုင်ရင်၊ နှလုံးသားတွေ နွေးထွေးရင် ဒါဟာလည်း အိမ်… ပဲ မဟုတ်လား…။

“ကမ္ဘာမြေမှာ ခိုလှုံရာခေါ်ဆိုခဲ့ အိမ်... ရံရွေလယ်ထည်ဝါစွာ ဆင်စွယ်နန်း အိမ်...
ကျူထရံတွေကာရံကာ ဓနိမိုးအိမ်... နှလုံးသားတွေ နွေးထွေးရင် ဒါဟာလည်း အိမ်...
အိမ်တစ်အိမ်မှာ မှီတည်ရာ ဘာသာတရားတွေ ကမ္ဘာမြေကို ဖြူစင်စွာ အကြင်နာမျှဝေ
ပိုင်ဆိုင်ရာ တွယ်တာရာ ဒီရင်သွေးတွေ... ဆည်းလည်းသံ လှိုက်ခတ်စေ ဒီချစ်ခြင်းတွေ...”

Tuesday, December 3, 2013

စကားဝါ ဒိုင်ယာရီ

စာအုပ်လေး တစ်အုပ်နဲ့ မိတ်ဆက်ပေးချင်လို့ပါ…။ စကားဝါပန်းတို့ရဲ့ ဒိုင်ယာရီ စာမျက်နှာများ လို့ အမည်ရပါတယ်...။ ကိုကိုးအိမ် (မန္တလေး) စီစဉ်တဲ့ ဒီစာအုပ်လေးမှာ မဂ္ဂဇင်းစာမျက်နှာတွေပေါ်မှာ ရေးသားနေကြတဲ့ စာရေးဆရာ ဆရာမများနဲ့ အတူ Blog စာမျက်နှာပေါ်က Blogger များ… စုစုပေါင်း ၃၁ ယောက် ပါဝင်ရေးသားထားကြပါတယ်…။

အချစ် အလွမ်း အမုန်း ဘဝရသ… စတဲ့ ရသ စာပေပေါင်း များစွာရှိပါတယ်… ။ အဲဒီ ရသစာပေတွေကို ပန်းကလေးနဲ့ တင်စားရမယ် ဆိုရင် စကားဝါပန်းကလေးတွေနဲ့သာ တင်စားပါရစေ… စကားဝါပန်းကလေးတွေဟာ ဖူးစဉ်ကာလမှာလည်း လတ်ဆတ်စွာ မွှေးမြသလို ပွင့်စဉ်ကာလမှာလည်း အစွမ်းကုန် မွှေးကြပါတယ်…။ ရင့်စဉ်ကာလမှာ တည်ငြိမ်စွာ မွှေးမြပြီး ကြွေစဉ်အခါမှာလည်း နွမ်းလျစွာ မွှေးမြကြပါတယ်…။ ဒိုင်ယာရီစာအုပ်ကြားထဲမှာ ညှပ်ထားပြီး ခြောက်သွေ့သွားတဲ့အခါမှာလည်း ခြောက်သွေ့ခြင်းကို အံတုပြီး မွှေးမြနေကြပါသေးတယ်…။ ဝေလည်း မွှေး ကြွေလည်းမွှေး ခြောက်သွေ့သွားလည်း မွှေးမြနေဆဲ စကားဝါပန်းလေးတွေဟာ ရသစာပေပန်းကလေးတွေနဲ့ အလားသဏ္ဌာန် တူလှပါတယ်…။ ရသစာပေတွေဟာ ဖန်တီးသူသာ ပြောင်းသွားမယ်… ခေတ်တွေသာ ပြောင်းသွားမယ် ရသရဲ့ သရုပ်ကတော့ ဘယ်တော့မှ မပြောင်းလဲနိုင်တာမို့ အခြေအနေ ဘယ်လိုဖန်ဖန် မွှေးရနံ့ကျန် တဲ့ စကားဝါပန်းနဲ့ တူလှတယ် လို့ ဒီစာအုပ်လေးကို စီစဉ်သူ ကိုကိုးအိမ်က တင်စား ဖွဲ့ဆိုထားပါတယ်…။



အဲဒီလို စကားဝါပန်းလေးတွေနဲ့ တူတဲ့ ရသဝတ္ထုတို စုစည်းမှု စာအုပ်လေးကို ကိုကိုးအိမ် စာပေက ထုတ်ဝေပြီး စာပေလောက (၅) က နေ တပြည်လုံးကို ဖြန့်ချီပါတယ်…။

ဒီစာအုပ်လေးမှာ ကျွန်မရဲ့ ဝတ္ထုတိုလေး တစ်ပုဒ် ပါပါတယ်…။ ဝတ္ထုလေးရဲ့ နာမည်က ကျွန်မရဲ့ ကမ္ဘာ ပါ…။ ကျွန်မ ဘဝမှာ အရေးအကြီးဆုံး နဲ့ အရေးအပါဆုံး လူသားလေးတစ်ယောက်အကြောင်းကို ရိုးရိုးရှင်းရှင်း ပုံဖေါ်ပြထားတဲ့ စာစုလေးတစ်ခုပါ။

ချစ်ခင်ရတဲ့ သူငယ်ချင်း မိတ်ဆွေများနဲ့ စာဖတ်ပရိသတ်များ လှိုက်လှိုက်လှဲလှဲ အားပေးကြလိမ့်မယ်လို့ မျှော်လင့်ပါတယ်…။

Sunday, December 1, 2013

အချိန်မှန် ဒီဇင်ဘာ

ဘယ်တုန်းကမှ မရောက်စေချင်ခဲ့တဲ့ ချိုရှရှ ဒီဇင်ဘာဟာ သူ့အလုပ် သူလုပ်ရင်း အချိန်မှန်မှန် - မပျက်မကွက် ရောက်လာခဲ့တယ်…။ ဆောင်းရယ်လို့ မပီပြင်ပေမဲ့ မနက်ခင်းတွေတိုင်းကတော့ အေးစိမ့်စိမ့်နဲ့ပါ…။ အဲဒီ မနက်ခင်းတွေထဲက ရုတ်သိမ်းမဲ့သူမရှိတဲ့ အဖြူရောင် တီရှပ်တစ်ထည်နဲ့ အရောင်လွင့် နေတဲ့ ဂျင်းဘောင်းဘီ ဟောင်းဖျော့ဖျော့ဟာ ဟိုးခပ်ဝေးဝေးက တန်းပေါ်မှာ အလှမ်းခံထားရဆဲ… နက်ပြောင်ပြောင် လယ်သာရှူးတစ်စုံ နဲ့ အညိုရောင် ကျောပိုးအိတ် တစ်လုံးဟာ အရိပ်ကောင်းကောင်းနဲ့ လမ်းမကျယ်ပေါ်မှာ ပိုင်ရှင်မဲ့စွာနဲ့ တစ်လှမ်းချင်း မှန်မှန် လျှောက်နေခဲ့တယ်။ အဲဒီလိုလျှောက်နေရင်း စိမ်းညို့နေတဲ့ ကုက္ကိုပင်အောက်ကို ရောက်တဲ့အခါမှာတော့ သူ့ချစ်သူ မိန်းကလေးနဲ့ တွေ့ဖို့ ခဏရပ်စောင့်ခဲ့တာပေါ့…။ မိန်းကလေးရဲ့ နှုတ်ခမ်းပါးက အရယ်အပြုံး နဲ့ မျက်ဝန်းနက်နက်တွေက အကြည့်တွေဟာ ဒီဇင်ဘာရဲ့ အမှတ်အသားတစ်ခုအဖြစ် အဲဒီ အပင်ကြီးအောက်မှာ နောင်နှစ်ပေါင်းများစွာ အထိ (သို့မဟုတ်) ဒီအပင်ကြီး အသက်ရှိနေသ၍ တည်နေအုံးမှာ။ လူစည်ကားတဲ့ ကားမှတ်တိုင်တစ်ခုမှာ ယှဉ်တွဲရယ်နေရင်းက အနီနဲ့ အစိမ်းကွက် ရှပ်အင်္ကျီဝတ် ချစ်သူမိန်းကလေးရဲ့ နှုတ်ခမ်းပေါ်က နှုတ်ခမ်းနီကို ဒါ ဘာအမျိုးအစားလဲ… အရောင်နံပါတ် ဘယ်လောက်လဲ လို့ ခပ်တိုးတိုး မေးခဲ့ဖူးတာ ဘယ်သူသိတာလိုက်လို့…။ ဒါပေမဲ့လည်း "လာလေ… အိမ်ပြန်ကြရအောင်..." လို့ ပြောလိုက်တဲ့အချိန်မှာပဲ လမ်းဘေးက ဓါတ်မီးတိုင်တွေ ရုတ်တရက် လင်းလက်လာခဲ့တာ… မှတ်မိတယ် မဟုတ်လား…။ အဲဒါ ဟိုတုန်းက ဒီဇင်ဘာပဲ…

သတိမရချင်တဲ့ ဒီဇင်ဘာဟာ တရွေ့ရွေ့နဲ့ ခြေလှမ်းရင်း မျက်စိရှေ့မှောက်ကို ဆိုက်ဆိုက်မြိုက်မြိုက် - မပျက်မကွက် ရောက်လာခဲ့တယ်…။ နှင်းရယ်လို့ မဝေနေပေမဲ့ မြူတွေကတော့ ဟိုနား ဒီနားမှာ မသဲမကွဲ အုံ့ဆိုင်းလို့…။ စားမဲ့သူမရှိတဲ့ ချောကလက်ကိတ်တစ်လုံးနဲ့ ပြောင်းဖူးကြော်တစ်ပန်းကန်ဟာ သီချင်းဖွင့်လက်စ ကွန်ပျူတာတစ်လုံးနဲ့အတူ စားပွဲပေါ်မှာ ခြောက်သွေ့ အေးစက်နေဆဲ…။ မီးရောင်လဲ့လဲ့နဲ့ တစ်လမ်းမောင်း ဥမင်လှိုင်ခေါင်းတွေထဲ ဖြတ်သွားမိချိန်တွေမှာ အရာရာအတွက် စိတ်ရောကိုယ်ပါ လုံခြုံလိုက်တာ ဆိုတာလေ…။ အပြင်ဖက်က အလင်းရောင် ပြပြကို မမြင်ရခင်အချိန်အထိ ဆိုပါတော့…။ အဲဒီအချိန်မှာ အင်္ဂလန်နိုင်ငံက ဝေလ မင်းသမီး ကားမတော်တဆမှုဟာ ဒီလို ဥမင်လှိုင်ခေါင်းထဲမှာ ဖြစ်ခဲ့တယ်ဆိုတာကိုတော့ နှစ်ဦးသား စိတ်တူ ကိုယ်တူ မေ့ထားခဲ့ကြတာပေါ့။ အစိမ်းရောင် လည်ပတ်လေးတွေ တပ်ထားတဲ့ နွားရုပ်လေးတွေရှိတဲ့နေရာကုို ရောက်တဲ့အချိန်မှာ အာလူးတွေ၊ လိမ်မော်သီး အပုံလိုက်တွေကြားက မုန်လာဥအနီနဲ့ အစိမ်းရောင် ဆလပ်ရွက်တွေကိုသာ အရင်ဆုံး သတိထားမိခဲ့ကြတာ... အဲဒါကိုအတွေ့မှာ ဒါ ဒီဇင်ဘာပဲဆိုတာ အမှတ်တရနဲ့ ပိုလို့သေချာသွားခဲ့တာ…။ အဲဒီအချိန်က နှစ်ဦးသားရဲ့ ကြည်စင် ရယ်မောသံတွေဟာ ဘုရားကျောင်းက ခေါင်းလောင်းထိုးသံကိုတောင် တိုးဖျော့သွားစေခဲ့တာ…။ ဒီဇင်ဘာကို ကြိုကြတဲ့ လူအုပ်ကြီးထဲ လက်ချင်းတွဲလို့ အလိုက်သင့် အလျားသင့် ရွေ့လျားသွားခဲ့ကြ… သီချင်းတွေ အတူဆိုခဲ့ကြ… ပုံပြင်တွေ တစ်ယောက်တစ်လှည့် ပြောပြခဲ့ကြ… အိပ်မက်မက်ဖို့ အတွေးတွေ စိတ်ကူးတွေ ဆင်တူတွေးမောခဲ့ကြတာ… မှတ်မိတယ် မဟုတ်လား…။ အဲဒါ ဟိုတုန်းက ဒီဇင်ဘာပဲ…

ဖိတ်ခေါ်စရာမလိုပါပဲ လောလောလတ်လတ် ရောက်လာတဲ့ ဒီနေ့ ဒီဇင်ဘာရဲ့ မြင်ကွင်းထဲကို အလိုက်တသင့် စီးမျောလာတဲ့ ပထမဦးဆုံး ပုံရိပ်ကတော့ စူပါမားကက်တစ်ခုထဲမှာ ခင်းထားတဲ့ အရောင်လှလှ ငရုတ်သီးဗန်း နှစ်ခု…။ အရသာ ပျောက်ဆုံးပြီး လေးလံ ထူထိုင်း အညောင်းမိနေတဲ့ ဆင်တူ နေ့ရက်တွေအတွက် ပူလောင်လောင် စပ်ရှရှ ခံစားမှု တစုံတရာကို လိုချင်သလားလို့ စဉ်းစားမိတဲ့အချိန်မှာ အဲဒီဲငရုတ်သီးတွေကို ခြင်းထဲ ကောက်ထည့်မိလျက်သား ဖြစ်နေခဲ့တယ်။ အိမ်ရောက်လို့ စားကြည့်လိုက်တော့ အဲဒီငရုတ်သီးတွေက ထင်ထားသလို မစပ်ကြဘူး… ခပ်သင်းသင်းအနံ့တစ်ချို့ကိုသာ မပီမသ ရခဲ့တယ်။ အယောင်ဆောင် ငရုတ်သီးတွေရယ်လို့ မတိုးမကျယ် မြည်တွန်တောက်တီးလိုက်ရင်း ၀ယ်လာတဲ့ အဲဒီငရုတ်သီးနှစ်ထုပ်ကို  အမှတ်တမဲ့ ပြန်ကြည့်လိုက်တော့ မျက်စိထဲ ၀င်လာတာက ဒီဇင်ဘာရဲ့ အရောင်တွေ… ပြီးတော့ ဒီဇင်ဘာရဲ့ အမှတ်အသားတွေ…။
ဟုတ်တယ်.. အစိမ်းနဲ့ အနီ… သို့မဟုတ် အနီနဲ့ အစိမ်း… ဒါ ဒီဇင်ဘာရဲ့ အမှတ်အသားပဲ…။ ဒီဇင်ဘာရဲ့ အိမ်ခန်း အဝင်တံခါးဝမှာ ချထားတဲ့ ပန်းအိုးကို ကြည့်လိုက်မိတော့လည်း မယုံကြည်နိုင်စရာ… အစိမ်းနဲ့ အနီ ရောယှက်နေတဲ့ Christmas Plant တွေ…။ ပြီးတော့ ဒီဇင်ဘာ လျှောက်လာတဲ့ လမ်းမကျယ် တလျှောက်မှာ အစိမ်းနဲ့ အနီတွဲနေတဲ့ ကြယ်မီးပုံးတွေ… ဒီဇင်ဘာရပ်နားနေတဲ့ ကော်ဖီဆိုင်က ထိုင်ခုံ အနက်ရောင်တွေနားမှာ စိမ်းတစ်ခါ နီတစ်လှည့်လင်းနေတဲ့ မီးလုံးသေးသေးလေးတွေ… ဒါတင် ဘယ်ကမလဲ… အစိမ်းတွေ အနီတွေဟာ ဒီဇင်ဘာ တိုးဝင်သွားတဲ့ သစ်တောအုပ်အုပ်လေးထဲမှာ… မတိုးမကျယ်ကြားနေရတဲ့ ဒီဇင်ဘာ တေးသွားတွေထဲမှာ… ရယ်မောသံတွေကြားမှာ… ငိုရှိုက်သံတွေကြားမှာ… သက်ပြင်းချသံတွေကြားမှာ… ညနက်နက်တွေကြားမှာ…  အနီရောင်တွေ… အစိမ်းရောင်တွေ… အိုး… ဒီဇင်ဘာ…

ပြေးထွက်လို့၊ ရှောင်တိမ်းလို့ ဘယ်နည်းနဲ့မှ မလွတ်နိုင်တော့တဲ့ ဒီဇင်ဘာ…
စိတ်ကြိုက်သာ ချယ်လှယ်ပါတော့…

Thursday, November 28, 2013

ဝဲ မှ ယာ သတင်း အစုံ အလင်

ဝဲ
အလိုက်ကန်းဆိုး မသိသော ငွေရောင်လဲ့လဲ့ ဆံပင်များသည် ဦးခေါင်း၏ ဘယ်ဖက်အခြမ်းတွင်သာ သိသိသာသာ များပြားစွာ တိုးထွက် ပေါက်ရောက်နေကြ…
ဘယ်ဖက် နားရွက်သည် ငယ်စဉ်က အချိန်တော်တော်များများမှာ တယ်လီဖုန်းနှင့် အဖိနှိပ်ခံထားရသောကြောင့် ညာဖက်နားရွက်ကဲ့သို့ မကားပဲ ခေါင်းနှင့်ကပ်နေ…
ဘယ်ဖက် မျက်ခုံးသည် ညာဖက်မျက်ခုံးကဲ့သို့ ကွေးတေးတေး စောင်းတောင်းတောင်း ဖြစ်မနေပဲ သူ့အလိုလို အချိုးတကျ လှပစွာ ရှိနေ…
ဘယ်ဖက် ပုခုံးသည် သိသိသာသာ နိမ့်နေကာ ကော်လာ မပါသော အင်္ကျီများ ၀တ်ဆင်လိုက်တိုင်း လည်ပင်းပေါက်မှာ အစဉ် တဖက်လိုက် တခြမ်းစောင်းနေ…
ပုခုံးလွယ်အိပ်များ ကျောပိုးအိပ်များကို ဘယ်ဖက် ပုခုံးတွင်သာ အစဉ်တစိုက် လွယ်ပိုးတတ်…
ဘယ်ဖက် ပုခုံးသည် အလှုပ်အရှား သိပ်မများသော်လည်း ဘာကြောင့်မှန်းမသိ အေးခဲနေသော ပုခုံး (Frozen Shoulder) အမည်ရ ရောဂါတစ်မျိုး စွဲကပ်…
ဘယ်ဖက်ခြမ်းတွင် အစွယ်နှင့် ဆင်ဆင်တူသော သွားတချောင်း အဆစ်ပို ပေါက်နေ…
တခုခုစားလိုက်တိုင်း ညာဖက်သွားဖြင့် မ၀ါးပဲ ဘယ်ဖက်ကိုသာ ပိုမို အားပြု အားသန်တတ်…
ဘယ်ဖက်လက်တွင် နာရီ လက်စွပ် အစရှိသောအရာများနှင့် အမြင် ခန်းနားနေတတ်သော်လည်း တကယ့် တကယ် အသုံးမတည့် (သို့) စာရေး၍ မရ…
မကြာခင်အချိန်က စွဲကပ်လာသော ဒူးနာ ဝေဒနာသည် ဘယ်ဖက်ခြေထောက်တွင်သာ ဖြစ်နေ…
ဖိနပ် အသစ် (သို့) လေဒီရှူး အသစ် စီးလိုက်တိုင်း ဘယ်ဖက်ခြေထောက်တွင်သာ ကွက်၍ ဖိနပ်ပေါက်တတ်…
ဘယ်ဖက် ခြေချောင်းလေးများအနက်မှ ဘယ်ဖက် အစွန်ဆုံး ခြေသန်းလေးသည် ချစ်စဖွယ် ပုတု သေးကွေးနေ…

ယာ
ခေါင်းကိုက်လိုက်တိုင်း ညာဖက်နားထင် ညာဖက်ပါးရိုး ညာဖက်မေးရိုး ညာဖက် မျက်လုံး စသည့်နေရာများမှ စတင် ကိုက်ခဲတတ်…
ညာဖက်လက်သည် အလုပ်အများဆုံး လုပ်ရသော လက် ဖြစ်လေရာ လက်ချောင်းများနှင့် လက်သည်းခွံများသည် ဘယ်ဖက် လက်ချောင်းများနှင့်မတူပဲ စောင်းငန်းငန်း ပိန်လှီလှီနှင့် မလှမပ ဖြစ်နေ…
နေရင်းထိုင်ရင်းဖြစ်စေ (သို့) ဓါတ်ပုံအရိုက်ခံလျှင် ဖြစ်စေ အခါတော်တော်များများမှာ ဦးခေါင်းက ညာဖက်သို့ အလိုလိုနေရင်း စောင်း စောင်းသွားတတ်…
ကင်မရာ၏ ချောင်းကြည့်ပေါက်မှ ကြည့်လျှင် ညာဖက် မျက်လုံးကိုသာ အသုံးပြုဖြစ်သောကြောင့် ညာဖက် မျက်လုံးသည် အမြင်အာရုံ ပိုမိုစူးရှ ကောင်းမွန်သည်ဟု ယူဆနေမိ…
ခြေလှမ်း တစ်လှမ်း စ လှမ်းလိုက်တိုင်း ညာခြေကသာ အရင် စတင် လှမ်းမိ…
အချစ်ဆုံးသူတယောက်က မိမိ၏ ညာဖက်တွင် အမြဲရှိနေခြင်း (သို့) မိမိ၏ ညာဖက်လက်ဖြင့် သူ့လက်ကို ဆုပ်ကိုင်ထားရသော အချိန်များမှာ ပျော်ရွှင်ကြည်နူးဖွယ်ရာ အချိန်များသာဖြစ်…
ညာဖက်လက်ညှိုးအောက်မှ အမြှောက်လက္ခဏာပုံ အရေးအကြောင်းလေးကို မကြာခဏ ပြန်ကြည့်ရင်း နောင်တချိန်တွင် ညွှန်ကြားရေးမှူး ဖြစ်လိမ့်မည် ဟု ဟောထားသော ဗေဒင်ကို ပြန်သတိရရင်း အသားလွတ် စိတ်ကြီးဝင် ကျေနပ်နေတတ်…

**********
ဤတွင် သတင်းများကို ကြေငြာလို့ ပြီးပါပြီ ရှင်… :D :D :D

Sunday, November 24, 2013

လက်စဖျောက်လိုက်ရသော ဇာတ်ဝင်ခန်းတချို့

သူ နေထိုင်သော တံခါးအကွယ် အိမ်ခန်းထောင့်တစ်နေရာသည် လိုအပ်သည်ထက် ပို၍ မှောင်မိုက်နေခဲ့သည်။ ထိုမှောင်မိုက်သော နေရာမှာပင် တုတ်တုတ်မျှ မလှုပ်မိအောင် အသက်ကို တိုးတိုး ရှူရင်း ငြိမ်နေခဲ့သည်။ ထိုစဉ် ချွန်မြသော ဒေါက်ဖိနပ်သံ ကို ကြားလိုက်ရသည်။ တံခါးသော့ကို ဖွင့်သံ ခပ်ကြမ်းကြမ်း၊ တံခါးရွက်ကို တွန်းကာ အဖွင့် အပိတ် လုပ်သံ၊ ပြီးတော့ အခန်းထဲကို တောက်လျှောက် စီးဝင်လာသော ဒေါက်ဖိနပ်သံ၊ တဆက်တည်းမှာပင် မီးခလုပ်ကို ဖွင့်လိုက်သံ၊ လေအေးစက် စတင်လည်ပတ်သံ။ အလင်းရောင်တဝက်တပျက်ကြားမှ အနီရောင် ဒေါက်ချွန်ချွန်ကို လှမ်းတွေ့လိုက်သည်။ သူ မသိစိတ်က တိတ်တိတ် မျှော်လင့်နေသော တစ်စုံတရာကမူ လှလှပပ ပျောက်ဆုံးနေခဲ့သည်။ မရေမရာ ခံစားချက်တချို့။ အိမ်မြောင်စုတ်ထိုးသံ သဲ့သဲ့။ မကြာခင်မှာ ဒေါက်ဖိနပ်သံသည် သူနှင့် ပြန်လည် နီးကပ်လာသလို ခံစားရပြန်သည်။ တံခါးရှိရာသို့ နောက်တစ်ခေါက် လျှောက်လာသံ၊ တံခါးရွက်ကို ပြန်ဖွင့်သံ၊ စကားသံ ရယ်မောသံအုပ်အုပ်နှင့်အတူ… ချွန်မြမြ ဒေါက်ဖိနပ်သံအပြင် ရှူးဖိနပ်သံပါ အပိုပါလာသည်။ သူ ခေါင်းကို ငဲ့ကာ နားစွင့်မိသည်။ နေ့စဉ် ရနေကျ အမွှေးနံ့တချို့ အပြင် ချဉ်စုတ်စုတ် ရှတတ အနံ့စိမ်းတစ်မျိုးပါ အပို ရလာသည်။ ပုံမှန်မဟုတ်သော ရယ်မောသံများ၊ ပုံမှန်မဟုတ်သော စကားပြောသံ လေယူလေသိမ်း၊ ငြီးငြူသံ တိုးသဲ့သဲ့၊ တချက် တချက် ငြိမ်သက် တိတ်ဆိတ်သွားသော အချိန်များ။ သူ့အတွက်တော့ များစွာ ထူးဆန်းနေခဲ့ပါသည်။ ဆာလောင်မှုကြောင့် ဗိုက်ထဲမှ အူများ နှင့် အစာအိမ်က ပြင်းထန်စွာ ဆန္ဒပြနေသော်လည်း သူ အသံမထွက်ရဲပါ။ နာရီအနည်းငယ်ကြာသောအခါ အိမ်အနောက်ဖက်အခန်းမှ မီးလင်းသွားသည်။ ရေနွေးတည်သံ၊ ကော်ဖီဖျော်သံ စားသောက်ဖွယ်ရာ တခုခု ပြင်ဆင်သည့်အသံများ ကြားရသည်။ တချက်တချက် ပျံ့လွင့်လာသော အစားအသောက်အနံ့များကြောင့် သူ့ဆာလောင်မှုက ပိုတိုးလာခဲ့သည်။ အသံထွက်မိမတတ် ဖြစ်သွားသည်။ သို့သော် တကယ်တမ်းမှာ သူ အသံမထွက်ရဲပါ။ ရောင်နီပျိုးလာသော အချိန်တွင် တံခါးသော့ဖွင့်သံ၊ စကားသံ တချို့နှင့် အတူ တဖြည်းဖြည်းဝေးသွားသော ရှူးဖိနပ်သံတို့ကို ကြားလိုက်ရပြီး တအိမ်လုံး တိတ်ဆိတ်ကာ မီးအမှောင်ကျသွားခဲ့လေသည်။ အခြေအနေကို အကဲခတ်ကြည့်ပြီး ခြေကို အသာ ဖွနင်းကာ မီးဖိုခန်း စားပွဲပေါ်မှာ တွေ့ရသော ပေါင်မုန့် အစ အနများနှင့် တူနာငါး အကြွင်းအကျန်များကို အလျှင်အမြန် စားလိုက်ပြီး သူ နေနေကျ နေရာ ချောင်လေးထဲသို့ ပြန်လာကာ ထိုင်နေလိုက်သည်။ ဆောင်းရာသီ မနက်စောစောသည် အခါများစွာကထက် အချမ်းပိုလေသည်။ အစာအိမ် ငြိမ်သက်သွားသလို သူလည်း အိပ်ပျော်သွားခဲ့သည်ထင့်။ နိုးလာချိန်တွင် အားလုံး အေးအေးဆေးဆေး… ခွာမြင့်ဖိနပ် အနီရောင်လည်း ချွတ်ထားသောနေရာတွင် မရှိတော့။ သည်လိုနှင့် ညအချိန်ကို ရောက်လာပြန်သည်။ အဖြစ်အပျက်အားလုံးတို့သည် မနေ့ညက အစီအစဉ်အတိုင်း တစ်ခုပြီး တစ်ခု၊ ဒေါက်ဖိနပ်သံ၊ ရှူးဖိနပ်သံ၊ ရယ်မောသံ၊ ချွဲနွဲ့စကားဆိုသံ၊ ငြီးတွားသံ၊ တိတ်ဆိတ်သွားသံ၊ အစားအသောက် ပြင်ဆင် စားသုံးသံ၊ နောက်ဆုံး တံခါးပိတ်သံ၊ ရှူးဖိနပ်တစ်ရံ ထွက်ခွာသံ၊ တအိမ်လုံး မီးအမှောင်အောက် ပြန်ရောက်သွားသည်အထိ အရင်ညနှင့် တသဝေမတိမ်း ထပ်တူညီခဲ့သော ည ဖြစ်သည်။ တတိယည၊ စတုတ္ထည တို့သည်လည်း အရင်ညများနှင့် ထပ်တူညီခဲ့သည်။ သို့သော် ပဉ္စမမြောက်ညသည် သူ ထင်နေသလို မှောင်သည်အထိ စောင့်မနေပါ။ ညနေခင်း လင်းလင်းမှာပင် အလျင်စလို ရောက်လာခဲ့သည်။ ခွာမြင့်ဖိနပ် အနီရောင်၏ ခြေသံကြမ်းကြမ်းကို ညနေခင်း အလင်းရောင်နှင့်အတူ ကြားလိုက်ရသည်။ ထို့အတွက် သူ အနည်းငယ် အံ့သြသွားရသည်။ ထိုဒေါက်ဖိနပ်သံနှင့်အတူ သူ အလွန်ရင်းနှီးသော ဖိနပ်ပါးသံ တရှပ်ရှပ်ကို ကြားလိုက်ရသောအခါ သူ၏ အံ့သြမှုများ နေရာတွင် ရပ်တန့်သွားပြီး ရုတ်တရက် ဝမ်းအသာကြီး သာသွားရသည်။ ပြန်လာပြီ… သူ့ကို အချိန်မှန် အစာကျွေးနေကျ၊ သူ့ကို ယုယနေကျ၊ သူ့ကို ကြင်ကြင်နာနာ ဆက်ဆံတတ်သော သခင် ပြန်လာပြီ။ သူ နေနေကျ နေရာလေးမှ အသာ ထကာ တိုးဖွဖွ အသံပေးရင်း အရှေ့ကို တိုးသွားမိသည်။ ဖြူရော်ရော်အသားအရေနှင့် ပိန်သွယ်နေသော သူ့သခင်က နေကောင်းသော်လည်း အားအင်ပြည့်ဖြိုးပုံတော့ မရသေးချေ။ အညိုရင့်ရောင် ဆိုဖာကုလားထိုင်တစ်လုံးတွင် ရော့ရဲရဲမှီထိုင်ကာ ဆေးလုံးများကို ရေဖြင့် မော့သောက်နေရင်း သူ့ကို မြင်သွားခဲ့သည်။ သူ့နာမည်ကို ခေါ်ကာ ခေါင်းလေးကို အသာအယာ ပွတ်သပ်ပြီး နှုတ်ဆက်သည်။ ထိုစဉ်မှာပင် ဒေါက်ဖိနပ်ပိုင်ရှင်၏ စူးရှရှ မျက်လုံးများကို သူ တွေ့လိုက်ရတာ ဖြစ်သည်။ တချိန်လုံး ပျောက်နေရာမှ ရုတ်တရက် ပေါ်လာသော သူ့ကို မြင်လိုက်သောအခါ အံ့သြမှု တဝက်တပျက်နှင့် တဆက်တည်းမှာ မလုံမလဲ ဖြစ်သွားဟန်တူသော မျက်လုံးများ၊ တစ်စုံတရာကို အနည်းငယ် စိုးထိတ်သော မျက်လုံးများ၊ ထိုစိုးထိတ်မှုများကို အချိန်မီ ဖုံးကွယ်ပြီး တင်းမာသွားဟန် ပြုလိုက်သော မျက်လုံးများ ထိုကဲ့သို့ တဖြည်းဖြည်းချင်း အရောင်ပြောင်းလဲသွားသော မျက်လုံးများကို သူ တခုချင်း အမိအရ ဖမ်းဆုပ်နိုင်လိုက်သည်။ ရိုးသားသူနှင့် ဖေါက်ပြန်သူ နှစ်ဦးအကြား ဦးစွာ မျက်နှာလွှဲဖယ်ခဲ့သူမှာ မည်သူဖြစ်သင့်ပါသလဲ..။ တွေးတောနေစဉ် ဒေါက်ဖိနပ်ပိုင်ရှင်က ပါးစပ်မှ တစုံတခုကို မကျေမချမ်းရေရွတ်ရင်း သူ့ကို လက်နှင့် ရွယ်ကာ ခြောက်လှန့်လွှတ်ပါသည်။ သူ ကြောက်လန့်တကြားနှင့် နေနေကျ တံခါးအနောက်ကွယ်လေးကို ပြန်သွားရင်း ငြိမ်ငြိမ်လေးထိုင်ကာ ၀မ်းနည်းနေမိပါသည်။ ဖြစ်နိုင်လျှင် အရင်ညများက ကြားခဲ့သော အသံများနှင့် မြင်ကွင်းများကိုလည်း သူ တစ်ကြိမ်တခါမျှ မကြုံဖူးခဲ့သူတစ်ဦးလို အားလုံး မေ့ပစ်လိုက်ချင်ပါသည်။ ထိုသို့ မေ့ပစ်လိုက်မည် ဖြစ်ကြောင်းကိုလည်း ဒေါက်ဖိနပ်ပိုင်ရှင် သိစေချင်မိပါသည်။

ဆိုရလျှင်…
ကြောင်များသည် သူတို့၏ သခင် နေထိုင်မကောင်းဖြစ်လျှင် အိမ်မှာ မနေတော့ပဲ အိမ်နှင့် ဝေးရာကို သွားလာ ရှောင်ရှားနေကြသည်၊ အပူရှိနေသော အိမ်ကို မခင်တွယ်၊ အေးချမ်း သာယာသော နေရာကိုသာ ခင်တွယ်သည် ဟု အများစုက ကောက်ချက်ချတတ်ကြသည်။ ထိုအချက်မှာ အခြား အခြားသော ကြောင်များအတွက် မှန်ကောင်း မှန်လိမ့်မည် ဖြစ်သော်လည်း အနည်းဆုံး သူ့တစ်ဦးတည်း (သူ့ တစ်ကောင်တည်း) အတွက်တော့ လုံးဝ (လုံးဝ) မှန်ကန်မှုမရှိကြောင်း သူ သေသေချာချာ အာမခံနိုင်ပါသည်။

Sunday, October 27, 2013

မိခင်တစ်ယောက်၏ မေတ္တာ နှင့် မိန်းမသားတစ်ယောက်၏ တန်ဖိုး

သားသမီးလိုချင်ရခြင်းအတွက် ကျွန်မရဲ့အကြောင်းပြချက် (၁၀) ချက် ဆိုတဲ့ ခေါင်းစဉ်အောက်မှာ အမျိုးသမီးတွေဆီက သားသမီးလိုချင်ရခြင်း၊ မလိုချင်ရခြင်း အကြောင်းလေးတွေလည်း သိဖို့စိတ်ဝင်စားပါတယ် လို့ ရေးထားတဲ့ ပန်ပန် ပိုစ့်ကို ဖတ်ပြီးပြီးချင်းမှာတော့ ရုတ်တရက် စိတ်ထဲ ရေးချင်သွားတာတွေ အများကြီိးပါပဲ။ ဒါပေမဲ့ တကယ်တမ်း ချရေးခါနီးမှာ စဉ်းစားရင်း စဉ်းစားရင်း လက်တွေက အလိုလို နှေးသွားးတယ်။ ဘာကြောင့်လဲ ဆိုတော့ သားသမီးဆိုတာ ကိုယ်လိုချင်တိုင်း၊ ကိုယ် တောင့်တတိုင်း လွယ်လင့်တကူ ရလာတတ်တဲ့ အရာမျိုး မဟုတ်လို့ပါ…။

ကျွန်မ အိမ်ထောင်ကျပြီးတဲ့ အချိန်က စလို့ သားကို ကိုယ်ဝန်ဆောင်စဉ်အချိန်၊ သားကို မွေးဖွားပြီးချိန်… အဲဒီအချိန်တွေမှာ ကျွန်မကိုယ် ကျွန်မ ဘာကြောင့် သားသမီး လိုချင်သလဲ လို့ တစ်ခါမှ ပြန်မမေးကြည့်ခဲ့ဖူးပါဘူး။ ကျွန်မ စိတ်ထဲမှာ သားသမီးနဲ့ ပတ်သက်လို့ အကြီးအကျယ်တွေ ကြိုတင် ကြံစည်ထားတာမျိုး၊ ရည်ရွယ်ထားတာမျိုး၊ စိတ်ကူးယဉ်ထားတာမျိုးလည်း ပြန်တွေးကြည့်တော့ ဘာတစ်ခုမှ တွေးလို့မရခဲ့ဘူး။ ကျွန်မ အမျိုးသားကလည်း ပင်ကိုယ် သဘာဝအရ အေးချမ်းသူ၊ စိတ်ခံစားမှုမှန်သမျှကို သိသိသာသာ ထုတ်ဖေါ် မပြတတ်တဲ့သူတစ်ယောက် ဖြစ်နေလေတော့… ဒီတော့ ကျွန်မတို့မှာ သားသမီးလိုချင်ရခြင်းအတွက် အကြောင်းပြချက် တချက်တလေမှ မရှိခဲ့တာ သေချာပါတယ်။

သို့သော်…
သားကို ကိုယ်ဝန်ဆောင်နေစဉ်အချိန်မှာတော့ ကျွန်မစိတ်တွေဟာ အလိုလို ပျော်ရွှင် ကြည်လင်နေတတ်တာ သတိထားမိပါရဲ့…။ ဒါပေမဲ့လဲ သားကလေးနဲ့ ပတ်သက်လို့ ဘာတွေမှ အများကြီး မတွေးထားခဲ့ဘူး... သားလေးကို ပြုစုပျိုးထောင်ဖို့အတွက် ဘာစာအုပ်မှလဲ မဖတ်ခဲ့ဘူး။ တစ်ခုပဲ ကျွန်မ ဆုတောင်းပါတယ်။ ကျွန်မ မွေးလာမဲ့ သားကလေးဟာ ကျန်းမာပြီး ကိုယ်လက်အင်္ဂါ ပြည့်စုံ ဖွံ့ဖြိုးတဲ့ သားကလေး၊ ဥာဏ်ရည် ဥာဏ်သွေး ထက်မြက်မဲ့ သားကလေး… ရှင်းရှင်းပြောရင်တော့ စာသင်လို့ ရမယ့် သားကလေးတစ်ယောက်သာ ဖြစ်ပါစေလို့ ကျွန်မ အမြဲ ဆုတောင်းခဲ့ပါတယ်။

ဒီလိုနဲ့ သားလေးရလာတော့ မိခင်တစ်ယောက်အနေနဲ့ သူ့အတွက် ကိုယ်တတ်နိုင်သမျှထဲက အကောင်းဆုံးတွေကိုသာ ပေးချင်မိတယ်...။ မိဘ အဖြစ်ကို ပီပီပြင်ပြင် ရောက်စေဖို့ တွန်းအား (Drive) က အဲဒီက စလာတယ် လို့ ဆိုနိုင်ပါတယ်…။ သူ့အတွက် ကျွန်မ လိုချင်တာ တချို့ကို ကျေကျေနပ်နပ် စွန့်လွှတ်ခဲ့ရတယ်။ ကျွန်မရဲ့ ဆန္ဒတွေကို အရင်ကလို ရှေ့တန်းတင်လို့ မရတော့ဘူးလို့ အလိုလို သိလာရတယ်။ ကိုယ်ဖြစ်ချင်တာတွေထက် ဖြစ်သင့်တာတွေကို ဦးစားပေးရမယ်လို့ နားလည်လာခဲ့တယ်။ ဒါတွေဟာ ဘာမှ ကြိုတင် ကြံစည်စရာ မလို၊ မိခင်တစ်ယောက်ရဲ့ သားသမီးအပေါ် အလိုအလျောက် ဖြစ်ပေါ်လာတဲ့ စိတ်စေတနာတွေပါ…။

သားကလေးဟာ ကျွန်မတို့ အတွက် ပျော်ရွင်မှုတွေနဲ့အတူ ကြည်နူးချမ်းမြေ့မှုတွေကို တပွေ့တပိုက် ယူဆောင်လာသူကလေး ဖြစ်တယ်။ သားကလေးကြောင့် မိဘမေတ္တာ ဆိုတာကို ပိုနားလည်လာတယ်။ သားကလေးကြောင့် ကျွန်မတို့ မိသားစုကလေးတစ်ခု ဖြစ်လာတယ်။ တစ တစနဲ့ သားကလေးဟာ ကျွန်မရဲ့ ကမ္ဘာ ဖြစ်လာတဲ့အပြင် သားကလေးရဲ့ မေမေ ခေါ်သံဟာ ကြားဖူးသမျှထဲမှာ အချိုဆုံး တေးသွားတစ်ခုလည်း ဖြစ်လာခဲ့ပါတယ်။ အဲဒီနောက်မှာတော့ သားကလေးကြောင့် ကျွန်မ လောဘတွေ ကြီးတတ်လာတယ်…။ ကိုယ်က သူ့ကို အကောင်းဆုံးတွေသာ ပေးချင်မိတာကိုး…။ ဒီတော့ သားကလေးနဲ့အတူ ကျွန်မတို့ ဆက်လျှောက်ရမဲ့လမ်းကို သေသေချာချာ စဉ်းစားရတယ်။ အရင်ကလို ကိုယ်နေချင်သလို နေ၊ ကိုယ် လုပ်ချင်သလို လုပ်၊ ကိုယ်လျှောက်ချင်သလို လျှောက်နေလို့ မဖြစ်တော့ဘူး ဆိုတာ သိလာတယ်။ ကိုယ် သူ့ကို ပေးချင်တာတွေအတွက် အချိန်၊ ငွေကြေး၊ ကိုယ်ကျိုး၊ အတ္တ… အစရှိတာတွေကို အများကြီး ပေးဆပ်ခဲ့ရပါတယ်။ ဒါပေမဲ့လည်း အဲဒီလို ပေးဆပ်ခဲ့ရတာတွေ အပေါ်မှာ စိုးစဉ်းမှ ငြိုငြင်မှု မရှိခဲ့တာ သူ့အပေါ် ထားခဲ့တဲ့ ကျွန်မရဲ့ မေတ္တာတွေပါပဲ...။

သားလေးနဲ့ ပတ်သက်လို့ သားဆီက ကျွန်မ သင်ယူရတာလေးတွေလည်း ရှိခဲ့ပါတယ်။ အခုအချိန်အထိလည်း သင်ယူနေရဆဲပါ…။ အဓိက ကတော့ သားအပေါ် ကျွန်မ တစ်ဦးတည်း ပိုင်ဆိုင်လိုစိတ်နဲ့ အတ္တတွေကို လျှော့ချပြီး စိတ်ကို ထားတတ်ဖို့ပါ…။ တဖြည်းဖြည်းနဲ့ အရွယ်ရောက်လာတဲ့သားကို သူ တစ်ခုခု တောင်းဆိုလာတဲ့အခါတိုင်း ခွင့်ပြုလို့ ရသမျှကို စည်းကမ်းဘောင်ထဲကနေ ခွင့်ပြုရင်း နားလည် လိုက်လျောတတ်တဲ့ မိခင်တစ်ယောက်ဖြစ်အောင်၊ သူ့ကို လူကြီးလေးတယောက်လို သဘောထား ဆက်ဆံရင်း သူ့ဆန္ဒတွေကို ရဲရဲဝံ့ဝံ့ ထုတ်ဖေါ် ပြောပြတတ်စေဖို့၊ ကိုယ်ဖြစ်စေချင်တာ တစ်ခုထဲကို ရှေ့တန်းတင်ပြီး သူ့ကို တဖက်သတ် တားဆီး ပိတ်ပင်တာမျိုး မလုပ်မိဖို့ လည်း ကျွန်မ သတိထားရပါတယ်။ ဒါတွေကတော့ သားကို ပဲ့ပြင် ထိန်းကျောင်းရင်း ကျွန်မ ရလာတဲ့ သင်ခန်းစာတွေပါ။

သားကလေးနဲ့ ပတ်သက်လို့ ကျွန်မမှာ ရည်မှန်းချက်၊ မျှော်လင့်ချက်နဲ့ ရည်ရွယ်ချက်တွေ များများစားစား ပြောပြစရာ မရှိခဲ့ပါဘူး။ ရှိခဲ့တယ် ဆိုရင်လည်း ဒါဟာ သူ့ အကျိုးအတွက်ပဲ ဖြစ်ပါလိမ့်မယ်…။ ဥပမာ ပြောရရင် သူ အတန်းထဲမှာ စာတော်အောင်၊ အမှတ်များများရအောင် ကြိုးစားစေချင်တဲ့ စိတ်ဟာ သူ့အတွက်နဲ့ သူ့ ရှေ့ရေးအတွက်သာ ဖြစ်တယ်…။ မိခင်တယောက်ဖြစ်တဲ့ ကျွန်မကတော့ သူ့အောင်မြင်မှုတိုင်းမှာ ကိုယ်တိုင် စိုက်ပျိုးထားတဲ့ အပင်လေး တစ်ပင် အသီး အပွင့်တွေ ဝေလာတာကို ကြည့်ရင်း ကြည်နူး ဂုဏ်ယူနေချင်တဲ့ စိတ်တစ်ခုထဲသာ ရှိပါတယ်…။

တစ်ဦးတည်းသောသား ဖြစ်နေတာက တစ်ကြောင်း၊ မြန်မာပြည်မှာ မြန်မာအသိုင်းအဝိုင်းကြားမှာ၊ ဆွေမျိုး ညီအစ်ကို မောင်နှမတွေကြားမှာ ကြီးပြင်းရတဲ့ သားကလေး မဟုတ်တာက တစ်ကြောင်း တို့ကြောင့် မိဘအပေါ်မှာ ကြင်နာ နွေးထွေးမှု၊ နားလည် သိတတ်မှု နည်းပါးမှာတော့ ကျွန်မ နည်းနည်း စိုးရိမ်မိပါတယ်။ အတတ်နိုင်ဆုံးတော့ ကျွန်မ သွန်သင်ပါတယ်။ ကျွန်မကိုယ်တိုင်က မိဘကို စေတနာ မေတ္တာအပြည့်နဲ့ ဂရုစိုက်တတ်တဲ့ သမီးတစ်ယောက် ဖြစ်လေတော့ ကိုယ့်စေတနာအတွက် တူသော အကျိုး ပြန်ရလိမ့်မယ်လို့ ကျွန်မ အမြဲမျှော်လင့်မိပါတယ်။

နောက် နှစ်လ ဆိုရင် ကျွန်မသားကလေး အသက် ဆယ့်ခြောက်နှစ် ပြည့်တော့မှာ…။ ကျွန်မ ဆုတောင်းခဲ့သလိုပဲ သားကလေးဟာ စိတ်ပိုင်းဆိုင်ရာအရရော၊ ရုပ်ပိုင်းဆိုင်ရာအရပါ တိုးတက်ဖွံဖြိုးတဲ့ လူကလေးတစ်ယောက် ဖြစ်တယ်။ ဘာသာတရား အဆုံးအမကြောင့် ယဉ်ကျေး လိမ်မာတဲ့ကလေးတစ်ယောက် ဖြစ်တယ်။ ဒါ့အပြင် ပင်ကိုယ် အရည်အသွေးရော ဥာဏ်ရည်ပါ ထက်မြက်တဲ့ ကလေးတစ်ယောက်လည်း ဖြစ်နေပါသေးတယ်။ မိခင်တစ်ယောက်ဖြစ်တဲ့ ကျွန်မဟာ ဒါတွေအတွက် အချိန်တိုင်း ကျေနပ် ပီတိ ဖြစ်မိပါတယ်။ ရှေ့ခရီးကို ဆက်လျှောက်ဖို့ ခွန်အားတွေကိုလည်း ဒီ ကျေနပ်ပီတိတွေက အားဖြည့်ပေးပါတယ်။

အခု ကျွန်မ ပြောခဲ့တာတွေအားလုံက လက်ရှိ မိခင်တစ်ယောက် ဖြစ်နေတဲ့ ကျွန်မရဲ့ သားအပေါ် ထားတဲ့ မေတ္တာ၊ စေတနာ၊ ကျေနပ်ခြင်း ပီတိနဲ့ သင်ယူပြီး သင်ယူဆဲ သင်ခန်းစာတွေ အကြောင်းပါ။

ဆက်ပြီးတော့ မိန်းမတစ်ယောက်ရဲ့ တန်ဖိုးအကြောင်း နည်းနည်းလေး ပြောပြချင်ပါတယ်…။
မနေ့ကညက ဒီမှာ ရုံတင်နေတဲ့ Oshin ဇာတ်ကား သွားကြည့်ဖြစ်ပါတယ်။ Oshin ဆိုတာ ကျွန်မတို့ ငယ်ငယ်က မြန်မာ့အသံကနေ ပြတဲ့ ဇာတ်လမ်းတွဲပါ။ အပိုင်းပေါင်း နှစ်ရာကျော်၊ သုံးရာနီးပါး ရှိတဲ့ ဒီဇာတ်လမ်းကို ရုပ်ရှင်ဇာတ်ကားတစ်ခုအနေနဲ့ နှစ်နာရီစာ ဘယ်လိုများ ပြမှာပါလိမ့်လို့ စိတ်ဝင်တစားနဲ့ သွားကြည့်တာပါ။ ဒါပေမဲ့ သူတို့က မူလ လက်ဟောင်း Oshin တစ်ကားလုံးမဟုတ်ပဲ Oshin ရဲ့ ငယ်ဘဝ အပိုင်းလေးကိုပဲ ရိုက်ထားတာပါ။ ကြည့်လို့တော့ ကောင်းပါတယ်…။

အတိုချုံးပြောပြရရင်တော့ Oshin တို့ မိသားစုမှာ စားစရာ ဆန်မရှိလို့ အိုရှင် မြို့ကိုသွားပြီး အလုပ်လုပ်ရတယ်။ သူ အလုပ်လုပ်တဲ့အိမ်က ပိုက်ဆံ ငါးမူးပျောက်လို့ သူ့ကို သူခိုး စွတ်စွဲလို့ အဲဒီအိမ်ကနေ သူ ထွက်ပြေးလာခဲ့တယ်။ အိမ်ပြန်ရောက်တော့ သူ့မိသားစု အဆင်မပြေတာတွေကို ပြန်တွေ့ပြီး နောက်တခေါက် သူ မြို့ကိုသွားပြီး အလုပ်လုပ်ရတယ်။ အဲလို အလုပ်လုပ်နေရင်း ပွဲတော်ရက်တစ်ရက်မှာ မထင်မှတ်ပဲ သူ့အမေကို ယောက်ျားတစ်စုနဲ့အတူ ဂေရှားမယ် အဖြစ်နဲ့ တွေ့လိုက်ရတယ်။ ခွဲခွာနေရတဲ့ အမေကို တွေ့လို့မှ မပျော်နိုင်၊ အမှောင်ထဲမှာ ၀မ်းနည်းအားငယ်စွာ ငိုနေတဲ့ အိုရှင်ကို သူ့ အိမ်ရှင် အဖွားကြီးက မိန်းမသားတစ်ယောက်ရဲ့ သဘာဝကို ပြောပြတဲ့ အခန်းလေး ပါပါတယ်။

အဲဒီမှာ ပြောသွားတဲ့ စကားလေးတော့… “None of us women work for our own benefit. We work for our parents, husbands and children.” တဲ့…။

မိန်းမသားတစ်ယောက်ရဲ့ တန်ဖိုးကို ဖေါ်ပြတဲ့ ဒီစကားဟာ အင်မတန် မှန်ကန်ပြီး သဘောကျစရာကောင်းတယ်လို့ ကျွန်မ ထင်ပါတယ်။ မိန်းမတစ်ယောက်ဟာ ပထမအဆင့်အနေနဲ့ သူ့မိဘအတွက် ကျေးဇူးပြု ရှင်သန်ခွင့်ရတယ်။ အဲဒါကမှ တစ်ဆင့်တက်လို့ အိမ်ထောင်ကျခဲ့ရင် သူဟာ ခင်ပွန်းအတွက် ချစ်ခြင်းမေတ္တာတွေကို အခြေပြုပြီး ရှင်သန်ခဲ့တယ်။ ပြီးတော့ အဲဒီ အိမ်ထောင်ကနေ ထွန်းကားလာတဲ့ သားသမီးတွေအတွက် ဆက်လက် ရှင်သန်ကြပါတယ်…။ တကယ်လို့များ သူတို့ဘဝမှာ အကြောင်းအကျိုး မညီညွတ်လို့ သားသမီး မထွန်းကားခဲ့ကြသည့်တိုင်အောင် မိန်းမတစ်ယောက်ဟာ အနည်းဆုံးတော့ မိဘနှစ်ပါးနဲ့ ခင်ပွန်းအတွက် အကောင်းဆုံး အကျိုးပြု ရှင်သန်နေကြတဲ့သူတွေ မဟုတ်လား…။ ဒါကို ကြည့်ခြင်းအားဖြင့် မိန်းမတစ်ယောက်ဟာ အိမ်ထောင် ကျသည်ဖြစ်စေ၊ အိမ်ထောင် မကျသည်ဖြစ်စေ၊ သားသမီး ထွန်းကားသည် ဖြစ်စေ၊ မထွန်းကားသည်ဖြစ်စေ ကိုယ်နဲ့ အနီးဆုံး ပတ်ဝန်းကျင်အပေါ် အကောင်းဆုံး ပေးဆပ်နိုင်တဲ့သူတွေဆိုတာ သိပ်သေချာပါတယ်။ တွေးကြည့်လိုက်ရင် အင်မတန်မှ ကျေနပ်စရာကောင်းပါတယ်…။

ဒါကြောင့် ကျွန်မ ချစ်ခင်ရတဲ့ မိတ်ဆွေ သူငယ်ချင်းတွေ၊ အစ်မတွေ ညီမတွေ အားလုံး တန်ဖိုးရှိတဲ့ မိခင်ဘဝ (သို့မဟုတ်) တန်ဖိုးရှိတဲ့ မိန်းမသားဘဝကို ပိုင်ဆိုင်ခွင့်ရနိုင်သူများ ဖြစ်ကြပါစေ လို့ ဆန္ဒပြုပါတယ်…။




ဒီပိုစ့်ကို ရေးဖြစ်အောင် အစပျိုးပေးတဲ့ ညီမ ပန်ပန် ကို ကျေးဇူးတင်ပါတယ်။ မကြာခင် ပိုင်ဆိုင်လာရတော့မယ့် မိသားစုဘဝလေးမှာ အစစ အရာရာ အဆင်ပြေ ပြည့်စုံပါစေ၊ ကျန်းမာ ချမ်းသာစွာနဲ့ ပျော်ရွှင်ချမ်းမြေ့ပါစေ လို့လည်း ဆုတောင်းပေးတယ်နော်…။

Tuesday, October 22, 2013

စန်းစန်းတင့်

သူမကို လူအများက စန်းစန်းတင့် ဟု ခေါ်ကြသည်…။
အမှန်ဆိုလျှင် သူမကို မိဘများ မှည့်ခေါ်ထားသော နာမည်မှာ စန်း ဆိုသော ဝေါဟာရ နှင့် တင့် ဆိုသော စကားလုံး တစ်လုံးတစ်လေမျှ ပါဝင်ခြင်းမရှိပါ။ သို့သော် သူမအတွက် ဒီ စန်းစန်းတင့် ဆိုသော နာမည် တွင်နေသည်မှာ ကာလအားဖြင့် အတော်လေး ကြာမြင့်နေခဲ့ပြီ ဖြစ်သည်…။ သူမထက် အသက်ကြီးသူများနှင့် သက်တူ ရွယ်တူများ၊ လုပ်ဖေါ်ကိုင်ဖက်များက သူမကို စန်းစန်းတင့် သို့မဟုတ် စန်းစန်း ဟု ခေါ်ကြသည်။ သူမထက် ငယ်ရွယ်သူများက မမစန်း ဟူ၍ သော်လည်းကောင်း၊ မမတင့် ဟူ၍သော်လည်းကောင်း၊ တူ တူမ အရွယ် ကလေးငယ်များက အန်တီစန်း၊ အန်တီတင့်… အစရှိသည်ဖြင့် အလျဉ်းသင့်သလို ခေါ်ဝေါ်ကြသည်။ ထို့ကြောင့် မိဘ ပေးထားသော နာမည်ရင်းပျောက်ကာ စန်းစန်းတင့် ဟူသော နာမည်ကသာ သူမအတွက် နာမည်ရင်းသဖွယ် ဖြစ်နေရတော့သည်။

အစပိုင်းကတော့ သူမကို စန်းစန်းတင့်ဟု ကွယ်ရာမှာ ခေါ်ကြသည် ဟု သူမ ပြန်သိရသောအခါ အနည်းငယ် ကျွဲမြီးတိုမိသည်မှာ အမှန်။ သို့သော်လည်း နောက်ပိုင်းတွင် သူမ ကိုယ်တိုင်က ထိုအမည်နာမကို နှစ်သက် သဘောကျသလို ဖြစ်လာမိသောကြောင့် သူမရှေ့တွင် နောက်ပြောင်၍သော်လည်းကောင်း၊ အတည်အတံ့ ခေါ်ဝေါ် ပြောဆိုနေကြလျှင်သော်လည်းကောင်း ဘာမှ ထူးထူးခြားခြား မခံစားရတော့သလို၊ စိတ်လည်း မတိုမိတော့…။ စန်းစန်းတင့် အမည်တွင်ရခြင်းအပေါ်တွင် ကျေနပ်သလို ဂုဏ်ယူချင်သလိုပင် ဖြစ်နေသေးသည်။

ဤသို့ သူမ နာမည်ရင်း ပျောက်ကာ စန်းစန်းတင့် နာမည်တွင်နေရခြင်းအတွက် ခိုင်လုံသော အကြောင်းအရာ များစွာ ရှိလေသည်။ ထိုအကြောင်းအရာ များစွာအနက်မှ အဆိုးဆုံးမှာ အနံ့အသက်များကို စန်းစန်းတင့် လှစွာသော သူမ၏ နှာခေါင်း ပင်ဖြစ်တော့သည်။

သူမသည် သိတတ်သည့် အရွယ်မှ စတင်ကာ ယနေ့ အချိန်အထိ ထမင်း ဟင်းကို ဇွန်းဖြင့်သာ စားခဲ့သည်။ လက်ဖြင့် စားလျှင် လက်တွင် စွဲကပ်နေသော ဟင်းနံ့ ကျွေးနံ့များကို သူမ မခံနိုင်ချေ။ တစ်ခါတရံ မတတ်သာသောကြောင့် ထိရ ကိုင်ရလျှင်လည်း သူမ၏ လက်ကို အထပ်ထပ် ဆေးကြော၍ မပြီးနိုင်တော့။ အသုပ်နယ်ချိန်များ၊ ဟင်းကျွေး ဟင်းရံများကို မလွှဲမရှောင်သာ ထိရ ကိုင်ရပြီဆိုလျှင်ဖြင့် လက်အိတ်ကို အသုံးပြုကာ ကိုင်တွယ်သည်။ သူမ၏ လက်ကိုင်အိတ်ထဲတွင် တစ်ခါသုံး လက်အိတ်များကို ထည့်ပြီး သွားလေရာ ဆောင်ယူတတ်သေးသည်။ ထို့အပြင် ဆူးပုတ်ရွက်၊ ဒူးရင်းသီး၊ တညင်းသီး၊ မျှစ်ချဉ် အစရှိသော အနံ့အသက် ပြင်းသည့် အစားအစာမျိုးကို သူမ လုံးဝ စားလေ့မရှိသလို အိမ်တွင်လည်း ချက်လေ့မရှိ။ ချဉ်ပေါင်ရွက်နှင့် ရိုးရိုး မျှစ်ကို ကြော်မိ၊ ချက်မိလျှင်လည်း တစ်အိမ်လုံးအနှံ့ ပန်ကာများ ဖွင့်ခြင်း၊ ဖယောင်းတိုင်များ ထွန်းခြင်တို့ဖြင့် ပျာယာခတ်စမြဲ။ တခါတရံ အိမ်သားများက ကြက်သွန်နီ၊ ကြက်သွန်ဖြူ တို့ကို တို့စရာအနေနှင့် အစိမ်းအတိုင်း စားသုံးရန် ပြင်ဆင်လျှင်လည်း သူမ နည်းနည်းမှ မနှစ်မြို့ချေ။ အကြောင်းအမျိုးမျိုးရှာကာ ပိတ်ပင် တားဆီးတတ်စမြဲ…။

သူမ အလုပ်လုပ်သော ရုံးသည် ဆောက်လုပ်ရေးနှင့် ပတ်သက်သော ရုံးတစ်ရုံး ဖြစ်သည့်အားလျော်စွာ မကြာခဏဆိုသလို ပြင်ပ အလုပ်ခွင်မှ အလုပ်ကြမ်းသမားများ၊ ကားဒရိုင်ဘာများ အလုပ်ကိစ္စဖြင့် ရုံးပေါ်သို့ တက်လာတတ်သည်။ ထိုအချိန်မျိုးတွင် သူမ နေစရာ နေရာ မရှိတော့ချေ။ သူမသည် အနံ့များကို လွန်စွာ မနှစ်မြို့တတ်သူ တစ်ယောက် ဖြစ်လေရာ ထိုသူတို့ထံမှ ပြင်းထန်သော ချွေးနံ့များနှင့် ရောနှောနေသော ကိုယ်နံ့ကို သူမ ဘယ်လိုမျှ မခံနိုင်၊ သူတို့နှင့် ဝေးရာသို့ ရှောင်ပြေးရတတ်စမြဲ…။ ထိုသူများ ပြန်သွားပြီးသော်လည်း အခန်းထဲတွင် အနံ့အသက်များ ကျန်နေသေးသောအခါ ထိုနေ့အဖို့ သူမ ခေါင်းအုံ၊ ခေါင်းကိုက်၍ မဆုံးနိုင်တော့ချေ။ သူမ အဖြစ်ကို ကောင်းစွာ သိနေသော သူမ၏ အထက်လူကြီးကတော့ အဲလိုမှ အလုပ် တကယ် လုပ်တဲ့ အလုပ်သမားတွေလို့ သိရတာပေါ့၊ သူတို့ကိုယ်က မွှေးကြိုင်နေရင် ချွေးနံ့လေးမှ မရရင် ဒါ အလုပ်ကောင်းကောင်းမလုပ်တဲ့သူတွေလို့ သတ်မှတ်ရမှာ… ဟု ရယ်ရယ်မောမော ပြောသော်လည်း သူမ ခေါင်းကို တွင်တွင် ခါယမ်းမိသည်သာ။ ထိုအနံ့များနှင့်အတူ ဆေးလိပ်အနံ့ကိုလည်း သူမ ခါးသီးစွာ မုန်းတီးပြန်သည်။ ဆေးလိပ်မီးခိုးနံ့များ ရလျှင် သူမ အသက်ရှူ၍ မရတော့… လည်ချောင်းထဲမှ အလိုလိုနေရင်း ကြပ်လာကာ အသက်ရှူမ၀ဖြစ်ပြီး ချွေးစေးများ ထွက်လာတတ်သည်။

တစ်ခါတစ်ရံ နေ့လည် ထမင်းစားချိန်အပြီးမှာ အလုပ်ကိစ္စကြောင့် သူမ အနားလာ စကားပြောဆိုသူများထဲတွင် ပါးစပ်မှ ဟင်းနံ့များ (သို့) မကောင်းသော အနံ့အသက်ဆိုးများ ထွက်နေသူများ ပါလာပါက သူမ စိတ်ညစ်ညူးစွာ မျက်နှာပျက်တတ်သည်။ ထို့အပြင် ကိုယ်ကို နောက်ဆုတ်ကာ၊ မျက်နှာလွှဲဖယ်ကာ ထိုသူတို့နှင့် ဝေးအောင် မသိမသာရော သိသိသာသာပါ ပြုမူတတ်သေးသည်။ ထိုအပြုအမူသည် ယဉ်ကျေးဖွယ်ရာသူ တစ်ယောက် ပြုမူရမည့် အပြုအမူမျိုး မဟုတ်မှန်း သူမ မသိ မဟုတ်… ကောင်းကောင်း သိလေသည်။ သို့သော် သူမ၏ မနှစ်မြို့မှု၊ အော်ဂလီဆန်လာမှုတို့ကို သူမ မည်သို့မျှ ဖုံးကွယ်နိုင်စွမ်းမရှိခဲ့ချေ။

တခါက သူမ သူငယ်ချင်းတစ်ယောက် အိမ်လာလည်ရာ သူ့ထံမှ ရေမွှေးနံ့နှင့်အတူ ရောနှောနေသော ချွေးနံ့ကို ဆိုးဆိုးဝါးဝါး ရနေသောကြောင့် သူ့ကို မသိမသာ လှည့်ပတ် ပြောဆိုကာ စူပါမားကက်တစ်ခုသို့ ဈေးဝယ်ရန် ခေါ်ဆောင်သွားပြီး ချိုင်းချွေးနံ့ ပျောက်ဆေးတောင့် တစ်တောင့်ကို လက်ဆောင်အဖြစ် ၀ယ်ပေးခဲ့ဖူးသည်။ သူမက ထိုသို့သော စန်းစန်းတင့် သူ တစ်ယောက် ဖြစ်လေသည်။

သူမတွင် ဖျောက်မရသော စန်းစန်းတင့် အကျင့် နောက်တစ်ခု ရှိသေးသည်။
ထိုအကျင့်ကား ထမင်းစားပွဲကို အမြဲတစေ သုတ်နေတတ်ခြင်း ဖြစ်သည်။ အားလုံး စားသောက်ပြီးချိန်တွင် စားပွဲသုတ်သည်မှာ ပြဿနာမရှိပါ။ သို့သော် သူမကတော့ စားနေရင်းတန်းလန်းမှာပင် တစ်ရှူး (သို့မဟုတ်) လက်သုတ်ပုဝါ တစ်စဖြင့် အမြဲလိုလို သုတ်နေခြင်းဖြစ်သည်။ ထမင်းဝိုင်းမှာ တစုံတယောက်က ဟင်းခတ်ရင်း ဖြစ်စေ၊ တစုံတခု လှမ်းယူရင်း ဖြစ်စေ လမ်းခုလပ်တွင် ဟင်းရည်လေး ဆီလေး တစ်စက်၊ ထမင်းလုံးလေး တစ်လုံးတစ်လေများ မကျလိုက်လေနှင့်၊ သူမ မျက်စိက ဖျတ်ကနဲ လှမ်းမြင်လိုက်ပြီး အလျင်အမြန် လှမ်းသုတ်လိုက်သည်သာ။ အိမ်သားများက သူမ အကျင့်ကို သိသောကြောင့် ဘာမှ မဖြစ်ကြသော်လည်း အခြား သူစိမ်းများနှင့် သွားလာ စားသောက်သောအခါ ထိုအကျင့်မှာ အတော်လေး ဆိုးရွားလှသည်။ မလုပ်မိအောင် အတန်တန် သတိထားသည့်ကြားမှ သူမ စိတ်က မသိလိုက်ခင်မှာပင် သူမ လက်က အမှတ်မထင် လှမ်းသုတ်ပြီးသား ဖြစ်နေတတ်သည်။ ထိုအပြုအမူသည် လူတဖက်သား စားသောက်နေချိန်တွင် အနှောက်အယှက် ဖြစ်သွားစေသလို တနည်းအားဖြင့် သူတို့ စားသောက်ပုံ မသပ်ရပ်၊ ဖိတ်တတ် စင်တတ်သည်ကို သွယ်ဝိုက် ညွှန်ပြရာလည်း ရောက်နေသည် မဟုတ်လား…။

အပြင်ဆိုင်များတွင် သွားလာ စားသောက်လျှင်လည်း စန်းစန်းတင့်သူ သူမအတွက် ပြဿနာ များစွာ ရှိနေတတ်သည်။ ထိုပြဿနာများမှာ ဆိုင်များမှ ပေးသော ဇွန်း၊ ခက်ရင်း နှင့် ဓါးများ အမျိုးအစား မတူ၊ အရွယ်အစား မတူ ဖြစ်နေတတ်ခြင်း၊ တူ များ တစ်ချောင်းနှင့် တစ်ချောင်း အတို အရှည် မညီ၊ အရောင်အသွေး မတူ ဖြစ်နေတတ်ခြင်း၊ ချလာပေးသော ဟင်းပန်းကန်၊ ထမင်းပန်းကန်များ၏ နှုတ်ခမ်းပတ်ပတ်လည်တွင် ဟင်းစ ဟင်းနများ ပေကျံနေတတ်ခြင်း အစ ရှိသည်တို့ပင်…။ ထိုအခါမျိုးတွင် သူမ မျက်နှာပျက်တတ်ပြီး ဘေးဘီကို အကဲခတ်ကာ အမျိုးအစားတူသော ဇွန်း ခက်ရင်းများကို မသိမသာ လိုက်လံ လဲလှယ်ခြင်း၊ တစ်ရှူးတစ်စဖြင့် ဟင်းပန်းကန် ထမင်းပန်းကန်များ အားလုံးကို တစ်ခုချင်းစီ လိုက်သုတ်ခြင်းများကို လုပ်တတ်သည်။ အတူသွားဖေါ် လာဖေါ် စားဖေါ်များက သူမအကြောင်းကို သိနေသောကြောင့် အားလုံးက နားလည်စွာ စောင့်ဆိုင်းပေးကြသည်။ ပေကျံနေသော ပန်းကန်နှုတ်ခမ်းများကို သူမ စိတ်တိုင်းကျ သုတ်ပြီးမှ စတင် စားသောက်တတ်ကြသည်။ ထို့အပြင် ဆိုင်များတွင် စားသောက်သောအခါ တချို့ အစားအစာများမှ အငွေ့အသက်များသည် ကိုယ်ပေါ်တွင် ၀တ်ဆင်ထားသော အ၀တ်များ၊ ဆံပင်များ၌ ဟင်းနံ့များ စွဲကျန်နေတတ်သည်…။ ထိုအခါ ထိုနေ့အဖို့ သူမ ကိုယ့် အ၀တ်မှ အနံ့၊ ကိုယ့် ဆံပင်မှ အနံ့တို့ကို ကိုယ်တိုင် ပြန်ရနေရင်းက အလိုလို စိတ်တိုကာ ခေါင်းကိုက်နေတတ်ပြန်သည်။ သူမက ထိုသို့သော စန်းစန်းတင့် သူ တစ်ယောက် ဖြစ်လေသည်။

ထိုမျှသာမက တစ်ခု တစ်ခုကို ထိပြီး ကိုင်ပြီးတိုင်း ရောက်လေရာ နေရာတွင် လက်ဆေးခြင်း၊ ခြေဖ၀ါးတွင် တစ်ခုခု ကပ်နေသည်ဟု အထင်ရောက်ကာ မကြာခဏ ခြေဆေးခြင်း၊ အိပ်ခန်းကြမ်းပြင်တွင် ဆံပင်ချည် တစ်ပင် တွေ့တိုင်း တံမြက်စည်း တစ်ခါ လှဲခြင်း၊ မကြာခဏ ကြမ်းတိုက်ခြင်း၊ ဖုန်စုတ်ခြင်း၊ အိမ်ရှိ ပရိဘောဂပစ္စည်းများကို လက်နှင့် တို့ကြည့်၍ ဖုန် ရှိနေပါက အငြိမ်မနေနိုင်ပဲ အချိန်မရှိ အချိန်ရှိ လိုက်သုတ်နေတတ်ခြင်း၊ အိပ်ခန်းနှင့် တွဲလျက်ပါရှိသော ရေချိုးခန်းကို လုံးဝ အသုံးမပြုစေပဲ ခြောက်သွေ့စွာဖြင့် သန့်ရှင်း မွှေးကြိုင်နေအောင် ထားခြင်း၊ အိမ်သားများ ပစ္စည်းများကို သူ့နေရာနှင့်သူ နေရာတကျ မထားလျှင် ပွစိပွစိ လုပ်တတ်ခြင်း၊ အ၀တ်ဟောင်းခြင်းထဲတွင် အ၀တ်များ ပြည့်နေပါက အလိုလို အနံ့တစ်မျိုး ရနေပြီး ညကြီးမင်းကြီးမရှောင် ချက်ချင်း ထလျှော်တတ်ခြင်း… စသည့် အတိုအထွာ ကိစ္စ၀ိစ္စ သေးသေးလေးများကိုလည်း တစ်ချက်ကလေးမှ မလစ်ဟင်းအောင် စန်းစန်းတင့် တတ်သေးသည်။

ထိုထိုသော အကြောင်းများကြောင့် သူမ နာမည်ရင်း ပျောက်ကာ စန်းစန်းတင့် နာမည်တွင်နေရခြင်းအပေါ် မည်သူ့ကိုမျှ အဆိုး မဆိုသာချေ…။ သူမကိုယ်သူမ အလွန်အကျွံ စန်းစန်းတင့် မဖြစ်အောင် ထိန်းသော်လည်း အကျင့် ဗီဇဆိုသည်မှာ လွယ်လင့်တကူ ပြုပြင်နိုင်ရန် ခက်ခဲလှသည်…။ နောက်ဆုံးတော့ ဘယ်သူ ဘာပြောပြော စန်းစန်းတင့် နေမြဲ… ထို့အပြင် စန်းစန်းတင့် ဟူသော အမည်နာမကို သူမ အပြုံး မပျက် ဆက်လက် ထိန်းသိမ်းထားနေမြဲ…။

Friday, October 18, 2013

လှတစ်မျက်နှာ သန့်စင်စရာ…

မမ လှလှ ညီမ လှလှ များအတွက် လှသည်ထက် လှစေဖို့ ကျွန်မ လက်ရှိ သုံးနေတဲ့ မျက်နှာသန့်စင်တဲ့ ပစ္စည်းလေးတစ်ခုနဲ့ မိတ်ဆက်ပေးချင်ပါတယ်…။ ကျွန်မကို အဲဒီပစ္စည်းလေးနဲ့ မိတ်ဆက်ပေးခဲ့တာကတော့ ချစ်သူငယ်ချင်း ချောချော ပါ။ သူ သုံးနေတာ အတော်လေး အဆင်ပြေတယ်၊ ကောင်းတယ်လို့ ပြောပြပြီး သူကိုယ်တိုင်ပဲ ယူအက်စ်ကနေ မှာပေးပါတယ်။ အဲဒါကတော့ Clarisonic Skin Cleansing Product တွေထဲက Clarisonic Mia 2 ဆိုတဲ့ ပစ္စည်းလေးပါ။


ပြောရရင်တော့ မျက်နှာကို ပွတ်တိုက် ဆေးကြောတဲ့ မော်တာတပ် သွားပွတ်တံ အကြီးစားပါပဲ…။ ကိုယ် ကြိုက်တဲ့ မျက်နှာသစ် ဆပ်ပြာ အခဲ၊ အရည်၊ Foam ဘယ်လိုမျိုးနဲ့မဆို တွဲပြီး သုံးလို့ရပါတယ်…။ တခုပဲ… သဲဆပ်ပြာလို Facial Scrub တွေနဲ့တော့ တွဲသုံးလို့ မရဘူး…။

Clarisonic ကို ကျွန်မ သုံးဖြစ်တာ သုံးလ ကျော်ပါပြီ။ သာမန်အတိုင်း မျက်နှာသစ်တာထက် အဆပေါင်းများစွာ မျက်နှာကို သန့်စင်သွားစေတယ်လို့ ခံစားရတယ်…။ မျက်နှာပေါ်က ကိုယ် မမြင်နိုင်တဲ့ ချေးညှော်တွေကို အကုန်သန့်စင်သွားစေပြီး အသား အရည် ပိုမို ချောမွေ့ တင်းရင်းပြီး အရောင်လည်း လင်းလာပါတယ်…။ မျက်နှာပေါ်မှာ ဖြစ်တတ်တဲ့ တော်ရုံ အစက်အပျောက် အညို အမည်းလေးတွေ၊ ဆားဝက်ခြံ လို့ ခေါ်ကြတဲ့ အစက်တွေကိုလည်း အချိန်အတိုင်းအတာ တခုအတွင်းမှာ ပျောက်ကင်းစေနိုင်ပါတယ်။

အဲဒီ Brush လေးနဲ့ တစ်ရက်ကို တစ်ကြိမ် မျက်နှာသစ်ဖို့ အချိန် တစ်မိနစ်ပဲ လိုပါတယ်။ ပုံမှာ ပြထားတဲ့အတိုင်း နဖူးကို စက္ကန့် ၂၀၊ နှာခေါင်းနဲ့ မေးစေ့ တွေကို စက္ကန့် ၂၀ နဲ့ ပါး တစ်ဖက်ကို ဆယ်စက္ကန့်စီနဲ့ စက္ကန့် ၂၀… စုစုပေါင်း တစ်မိနစ်ပါ…။




အဲဒီပစ္စည်းကို http://www.clarisonic.com/ မှာ Online ကနေ တဆင့် ၀ယ်လို့ရပါတယ်။ စကာံပူမှာတော့ Sephora မှာ ၀ယ်လို့ရပါတယ်…။ ဈေးလည်း အရမ်း မများပါဘူး…။ နောက်ပြီး မိန်းကလေးတွေတင် မဟုတ် ယောက်ျားလေးတွေလည်း သုံးလို့ရပါတယ်…။ ထိပ်က Brush Head ကိုတော့ သုံးလ တစ်ခါ လဲနိုင်ရင် ပိုကောင်းပါတယ်…။ အဲဒီ Brush Head အပိုလေးတွေကိုလည်း Sephora မှာပဲ ၀ယ်လို့ရပါတယ်…။

ကိုယ်နှစ်သက်တဲ့ ပစ္စည်းမျိုး၊ ကိုယ်တိုင် သုံးကြည့်လို့ အဆင်ပြေတဲ့ ပစ္စည်းမျိုးကို ကိုယ် ချစ်သူ ခင်သူတွေပါ သုံးစွဲစေချင်တဲ့ စေတနာနဲ့ ဒီပိုစ့်ကို ရေးသား မျှဝေပါတယ်…။


Monday, September 16, 2013

ကိုကိုနဲ့ ကျွန်မရဲ့ တနင်္လာ

ကိုကို့ကို မနေ့က တွေ့တယ်… အမှန်ဆိုရင် ကိုကိုနဲ့ မနေ့က တွေ့တယ်လို့ ဖြစ်ရမှာ မဟုတ်လား… ဒါပေမဲ့ ကျွန်မအတွက်တော့ ကိုကို့ကို မနေ့က တွေ့တယ် ဆိုတာကမှ အမှန်ပါ…။ နားရှုပ်သွားသလား… ဟုတ်တယ်လေ… ကျွန်မကသာ ကိုကို့ကို တွေ့တဲ့သူကိုး…။ မနေ့က ကိုကို့ကို တွေ့တော့ အရင်ဆုံး သတိပြုမိတာက ဆံပင်တွေကိုပါ။ ကိုကို့ဆံပင်တွေ တော်တော်ရှည်နေပြီပဲ လို့ တစ်ယောက်တည်း တိုးတိုးလေး ရေရွတ်လိုက်မိတယ်။ ကျွန်မ အသံကို ကိုကို ကြားသွားသလား မသိဘူးနော်… ကျွန်မကို ပြုံးပြီးတော့ ကြည့်နေတယ်။


ကိုကို ပြုံးတော့မှ သတိရတယ်… ဒီနေ့ တနင်္လာနေ့ ဆိုတာကို… ဟုတ်တာပေါ့…။
တနင်္လာနေ့တွေတိုင်း ကိုကိုနဲ့ ကျွန်မ စကားတွေ ပြောကြတယ်လေ။ မတွေ့ဖြစ်ကြတဲ့ရက်တွေက ဟိုးတောင်တန်းညိုတွေဆီမှာ မိုးတွေ ပြိုတဲ့အကြောင်း၊ မိုးကြီးလို့ ဒါဏ်ရာရနေတဲ့ မြက်ရိုင်းပန်း ဝါဝါလေးတွေအကြောင်း၊ ဟိုင်းဝေးလမ်းမတွေပေါ်ကို တိမ်တွေ ပြိုဆင်း နီးကပ်လာချိန်မှာ ကျွန်မကို အမှတ်ရတဲ့အကြောင်းတွေနဲ့အတူ စာဖတ်တဲ့အကြောင်း ကဗျာစပ်တဲ့အကြောင်းတွေ ကိုကိုက ပြောတော့ ကျွန်မကလည်း အားကျမခံ အိမ်ရှေ့မှာ စိုက်ထားတဲ့ စပါယ်ပင်လေး အဖူးလေး နှစ်ဖူး ထွက်နေတဲ့အကြောင်း၊ ကျွန်မ ရေးထားတဲ့ ဝတ္ထုတိုလေးကို မဂ္ဂဇင်းတစ်ခုက ရွေးလိုက်တဲ့အကြောင်း၊ အခုရက်ပိုင်း လေတွေ တအားတိုက်တဲ့အကြောင်း၊ နှင်းဆီ ရောင်စုံဝယ်လာပြီး တအိမ်လုံး ရှိသမျှ ပန်းစိုက်အိုးတွေထဲမှာ ထိုးထားတဲ့အကြောင်း၊ နောက်ပြီး ကျွန်မ အခန်းနံရံမှာ ချိတ်ထားတဲ့ မှန်ချပ်နောက်မှာ နေတဲ့ အိမ်မြှောင်လေး အပြင်ကို ခဏ ခိုးထွက်လာတုန်း ကျွန်မနဲ့ မျက်လုံးချင်း ဆုံမိတဲ့အကြောင်းတွေ ပြောပြမိတာပေါ့။ ကျွန်မစကားအဆုံးမှာ ကိုကိုရဲ့ ဟက်ဟက်ပက်ပက် ရယ်မောသံတချို့ နားထဲ ဝင်လာခဲ့တာ… အဲဒီအချိန်မှာ ကျွန်မလည်း နှစ်နှစ်ခြိုက်ခြိုက် ပြုံးရယ်နေမိတာ…။

စကားပြောရင်းနဲ့ ကိုကို.. ဆံပင်ညှပ်တော့လေ လို့ ကျွန်မပြောတော့ ကိုကိုက ပြန်မေးတယ် ဒီနေ့ ဘာနေ့လဲ တဲ့…။ တစ်ခုခု ပြောလိုက်ရင် ဒီနေ့ ဘာနေ့လဲ လို့ ပြန်ပြန်မေးလေ့ရှိတာ ကိုကို့အကျင့်…။ ဘာနေ့လဲ သိရပြန်တော့ ဘယ်နှစ်ရက်နေ့လဲ ဆိုတဲ့ နေ့စွဲတွေပါ ထပ်မေးတတ်သေးတာ…။ နေရာတကာမှာ အယူမသည်း၊ အစွဲအလန်းလည်း မထားတတ်သူ ကျွန်မက နေ့ရက်တွေ နံပါတ်တွေအပေါ် အစွဲအလန်းမထားဖို့ ကိုကို့ကို မကြာခဏ ဖြောင်းဖြရသေးတယ်။ ပြီးတော့ ဒီနေ့ တနလာင်္နေ့ပေါ့ လို့ ပြန်ဖြေလိုက်တယ်..။ ဒီတော့ ကိုကိုက ပြောတယ်… မွေးနေ့ သောကြာ တနင်္လာ ကေသာ ဆံဖြတ် မပြုအပ် တဲ့…။ ကိုကိုပေးသမျှ ဆင်ခြေတွေထဲမယ် ဒီတစ်ခါပေးတဲ့ ဆင်ခြေက အရယ်ရဆုံးပဲ လို့ ပြောရင်း ရယ်ပြီးရင်း ရယ်နေမိတော့တယ်။ ကဲ… အဲဒါဆိုရင် မွေးနေ့ သောကြာ တနင်္လာ ကေသာ ဆံရှင်း ရောဂါကင်း လို့… ပြန်ပြောလိုက်တော့ ကိုကို့အသံ တိတ်သွားတယ်။ ကျွန်မ မရပ်မနား ဆက် ရယ်နေမိတယ်။ ဒါဆိုလည်း ဆံပင်ညှပ်ဆိုင် သွားတော့မယ် တဲ့… လေသံက ကျွဲမြီးတိုနေတဲ့ လေသံ…။

တနင်္လာနေ့တိုင်း ကျွန်မလျှောက်နေကျ လမ်းကလေးရဲ့ ဘေးတစ်ဖက် တစ်ချက်မှာ စိမ်းညို့နေတဲ့ သစ်တောအုပ်လေးတွေ ရှိတယ်။ နေပွင့်ချိန်ဆို သစ်ပင်အုပ်တွေကြားထဲက တိုးထွက်လာတဲ့ နေရောင်တန်းလေးတွေ မြင်ရတတ်တယ်။ မိုးရွာပြီးစ မနက်ခင်းတွေမှာ သစ်ရွက်စိမ်းတွေပေါ်က ရေစက်ကလေးတွေကို လက်နဲ့ လှမ်းထိလို့ရတတ်တယ်။ တခါတခါကျတော့ လမ်းကလေးတလျောက်မှာ မြူတွေ ဆိုင်းဝေ နေတတ်ပြန်သေးတယ်။ သိပ်ချစ်စရာကောင်းတဲ့ လမ်းကလေး…။ 

လမ်းလျှောက်နေတုန်းမှာ ထောက်ကနဲ အသံတစ်ခု ကြားလိုက်တယ်။ ကိုကို ဆေးလိပ်မီးညှိဖို့ မီးခြစ် ခြစ်လိုက်တဲ့ အသံ… ဟော… စကားပြောနေတဲ့ကြားထဲ ဒီဆေးလိပ်ကလည်း သောက်ရပြန်ပြီ ဆိုတော့ ကိုကို သိပ်သဘောကျသွားတာ…။ အကုန်သိနေတာပဲနော် တဲ့… အဲဒီလောက် ပါးလှစ်တဲ့ မိန်းမမျိုးကို ကျွန်တော် ကြောက်ပါတယ် ခင်ဗျာ… လို့ ခနဲ့တဲ့တဲ့ ပြောသေးတာ…။ အို… ဒါများ ဘာဆန်းတာလိုက်လို့… ကိုကိုကရော… ကျွန်မ လမ်းလျှောက်ရင် ကြားရတဲ့ ဖိနပ် အသံကိုတောင်မှ အနိမ့်အမြင့် အထူအပါး ခွဲခြားတတ်သေးတာ မဟုတ်လား။ ဒီနေ့က Pencil Heel… ဒီတခါ Wedge Heel… ဒီတခါ Block Heel စသည်ဖြင့်… ကိုကို ပြောလိုက်တိုင်း လျှောက်လက်စ ခြေလှမ်းတွေ ရပ်တန့်သွားတဲ့အထိ တအံ့တသြ ဖြစ်ရစမြဲ…။ အမြင်အာရုံတွေ အသုံးမဝင်သေးတဲ့အချိန်မှာ အကြားအာရုံတွေ ပိုကောင်းနေတတ်တယ် ဆိုတာ သိသလား… လို့ ကိုကိုပြောတော့ ဝမ်းနည်းရိပ်တွေနဲ့ မျက်ရည်ဝဲရစမြဲ…။ တစ်နေ့တော့ တွေ့ဖြစ်ကြမှာပါရယ်… လို့ လေသံ တိုးတိုးနဲ့ မရဲတရဲ အားပေးရစမြဲ…။

ဒီနေ့ ကိုကို ပြောတဲ့ စကားတွေထဲမှာ စိတ်ဝင်စားစရာ အကောင်းဆုံး အကြောင်းအရာဟာ သူငယ်ချင်းလက်ထဲ ခဏအပ်ခဲ့တဲ့ သေနပ်တစ်လက် အကြောင်းလား… (ဒီကိစ္စကတော့ နည်းနည်း ရယ်ရတယ်…) ကျွန်မတို့ မြို့ပျက်လေးမှာ အနှိပ်ခန်းတွေ၊ ကာရာအိုကေခန်းတွေ အလွန်အမင်း ပေါများလာပြီး အဲဒီနေရာတွေမှာ အရွယ်ရောက်စ မိန်းကလေးငယ်တွေ ရာနဲ့ချီပြီး အသက်မွေးဝမ်းကျောင်းပြုနေကြတဲ့ အကြောင်းလား… ဒါမှမဟုတ် အင်းလျားကန်စပ်က ဆိုင်လေးတွေမှာ စားပွဲထိုးနေတဲ့ အသက် ဆယ်နှစ် ပတ်ဝန်းကျင် ကလေးငယ်တွေ အတန်းပညာ မသင်ကြရတဲ့ အကြောင်းလား… ဘုရားဖူးရင်း တောင်းခဲ့တဲ့ ဆုတောင်းတွေ အကြောင်းလား… ကျွန်မ စဉ်းစားနေမိတယ်။

ညက လ မသာဘူး… ဒါပေမဲ့ နက်ပြာရောင် ကောင်းကင်ပေါ်မှာ လင်းလက်နေတဲ့ သောကြာကြယ်လေး တစ်လုံးကိုတော့ ထင်ထင်ရှားရှား တွေ့ခွင့်ရတယ်…။ တစ်ယောက် တစ်နေရာစီကနေ အတူတူ မြင်ခွင့်ရတဲ့ သောကြာကြယ်လေးကို ကျေးဇူးတင်ပါတယ် လို့ စိတ်ထဲကနေ လှမ်းပြောလိုက်သေးတယ်။ အချစ်အကြောင်း ပြောဖို့ မလိုအပ်တဲ့ စာတစ်ပုဒ်ဖြစ်ပေမယ့် အမျိုးအမည် ဖေါ်ပြလို့မရတဲ့ အလွမ်းတချို့ကတော့ လေအဝှေ့မှာ နူးနူးညံ့ညံ့ ပြေးလွှား ဆော့ကစားလို့…။

သေချာတယ်… အဲဒါ ကိုကိုနဲ့ ကျွန်မရဲ့ တနလာင်္ပဲ…။

Monday, September 9, 2013

ပေးစာတစ်စောင်

မျက်နှာစာအုပ်မှာ တွေ့ သိ ခဲ့ရတဲ့ ညီမ တစ်ယောက်ဆီက ပေးစာပါ။
ချစ်ရတဲ့ သက်ရေ... လို့ အစချီထားတဲ့ စာလေးမှာ တပ်ထားတဲ့ ခေါင်းစဉ်က "သက်ထံသို့ ပေးစာ" တဲ့...
မျှော်လင့်မထားတဲ့ စာတစ်စောင်မို့ အံ့သြခြင်းတွေနဲ့အတူ ကြည်နူး ၀မ်းသာခြင်းတွေကိုပါ တပါတည်း သယ်ဆောင်လာခဲ့တဲ့ ပေးစာလေး... သူ လက်ရှိသယ်ပိုးထားတဲ့ အိတ်ကလေး တစ်လုံးနဲ့ ပတ်သက်တဲ့ အတွေး အမြင်လေးနဲ့ အရာရာကို အတတ်နိုင်ဆုံး ပေါ့ပါးလွတ်လပ်စွာ သယ်ပိုးထားလိုတဲ့ စိတ်ကလေးက ချစ်စရာမို့ အမှတ်တရ ပြန်လည် ဝေမျှ လိုက်ပါတယ်…
အပြင်မှာ တွေ့ပြီး လှမ်းခေါ်လိုက်ဖို့ အခွင့်ကြုံချင်ပါတယ် ချစ်သော ချယ်ရီ…


သက်ထံသို့ ပေးစာ

September 7, 2013 at 12:14am

(အသက်ချင်းကွာလို့ ကိုယ် ညီမနဲ့ အမ နဲ့ မသုံးချင်ဘူး။ ခွင့်လွှတ်ပါကွယ်။)

ချစ်ရတဲ့ သက်ရေ...

ဒီလို tag ပို့စ်ကို ရေးရအောင် ကိုယ် blogger တယောက် မဟုတ်ပြန်ဘူး။ ဒါပေမဲ့ ကိုယ် သက်ဆီ စာရေးချင်တယ်။ သက်ရဲ့ သူငယ်ချင်းတွေအပေါ် စာရေးစေချင်တဲ့ logic လေးရယ်၊ အမြဲ check နေအောင် ကပ်ပေးလိုက်တဲ့ သတိလေးတစ်ခုကို message ပေးနိုင်တဲ့ အတွက် သက်သူငယ်ချင်းတွေ ကိုယ်စား ဒီကလေးမ တယ်တော်တာပဲ လို့ ကိုယ် ကောက်ချက်ချမိလိုက်တယ်။ ကိုယ် သက်ရဲ့ blog လေးကို ကိုယ်ဟိုး လွန်ခဲ့တဲ့ ၃ ၄ နှစ်လောက်ကထဲက ကြည့်ဖြစ်ခဲ့တယ်လို့ ဆိုရင် ကိုယ်ဟာ အမာခံ ပရိသတ်လို့ ဆိုရတော့မလားဘဲနော်။ ကဲ.. ဆရာမ.. ကိုယ်လေရှည်တာများသွားဘီ။ Main ကို အဓိကထားတော့ ကိုယ်ရေးချင်တဲ့ အကြောင်းအရာက အိတ်။

ကိုယ် ငယ်ငယ်ကတော့ ခပ်လေးလေး အိတ်တွေကို လွယ်ဘူးတယ်။ ကိုယ့်မှာ အမြဲ နှစ်ဖက်ခွတတ်တဲ့ စိတ်ရှိတယ်ကွ။ အိတ်ရဲ့ Purpose က ထည့်ဖို့၊ ထည့်လို့ရရင် ပြီးပီ ဆိုတဲ့ ဒဿနရယ်၊ brand လေးလွယ်ရင် confidence ရှိတဲ့ စိတ်မျိုးရယ်။ (အဲ... ၀ယ်ပြီးမှ ၀ယ်မိတာ မှားပြီဆိုပြီး နောင်တ ရတတ်တဲ့ ချစ်တီးဆန်ဆန် စိတ်ကလေးလဲ ရှိပါ့ကွယ်)

ကဲ.. ကဲ... အထဲမှာ ဘာတွေရှိမလဲ... ကိုယ် တစ်ပတ်တစ်ခါ အိတ်နဲ့ အထဲက ပစ္စည်းတွေကို သန့်ရှင်းရေးလုပ်တယ်။ ပါတဲ့ ပစ္စည်းတွေ ကိုယ်အလွတ်ရနေတာပေါ့ကွာ။ သက်ကလေးသိအောင် ကိုယ်ပြောပြမယ်။ နားထောင်နော်။

(၁) ပိုက်ဆံအိတ် (အပေါ့ဆုံးဟာကို ရွေးဝယ်ထားတာ၊ ဘောင်းဘီအိတ်ထဲ ထည့်လို့လွယ်အောင်)

(၂) ဖုန်း (ခေါ်မဲ့ လူလဲ မရှိပါဘူးကွာ။ နောက်ပြီး အမြဲ အသံပိတ်ထားလေ့ရှိတယ်)

(၃) External HardDisk ( ရုံးအလုပ် ရုံးမှာလုပ်၊ ကျောင်းအလုပ် ကျောင်းမှာလုပ်လို့ စိတ်ဖြတ်ထားပေမဲ့ second backup ထားတာအကျင့်ဖြစ်နေလို့ သူ့ကို လေးလေးနဲ့ သယ်နေရသေးတယ်)

(၄) ငုံဆေးဘူးနဲ့ ဆေးဖြန်းတဲ့ဟာ (ငုံဆေးတွေ ဆောင်လွန်းလို့ ကိုယ်နဲ့ စကားမပြောရဲဘဲ နေနေဦးမယ်... ဟဲဟဲ... အမှန်က ကိုယ်က အသားတွေစားမိရင် သွားသိပ်ကိုက်တတ်လို့ ဒါလေးတွေငုံလိုက် ဖြန်းလိုက်ရင် ပူရှိန်းရှိန်းနဲ့ နေလို့ကောင်းနေသလားလို့)

(၅) အကိုက်အခဲပျောက်ဆေး တစ်ကဒ် (ဘာကိုက်ကိုက် အကိုက်ပျောက်ဆေး ဆေးသောက်တဲ့ အကျင့် ရှိတယ်ကွ.. ဒါလဲ ဆိုက်ကို တမျိုးပဲ.. မသောက်ရဘဲ ဆောင်ထားတာနဲ့တင် ပျောက်နေဘီထင်တာ)

(၆) Access Card

(၇) Wet Tissue, Normal Tissue, Oil Control Film (Tissue နဲ့ ပတ်သက်တာ သိပ်များနေတယ်.. :D )

(၈) နားကြပ်ထည့်တဲ့ အိတ်

(၉) လက်ရှိဖတ်နေတဲ့ စာအုပ် (tuesdays with Morrie)

ဒါပဲလားလို့ ဆိုရင် ဒါပါပဲလို့ပဲ ပြောချင်ပါတယ်။
ကိုယ့်မှာ အကြွေစေ့ထည့်တဲ့ အိတ်ကလေး တခုရှိခဲ့ဖူးတယ်။ ခုတော့ အနိစ္စတရားတခုကြောင့် သူ ကိုယ်နဲ့ ဝေးရာကို ထွက်သွားဘီ။ ကိုယ့် အလုပ်က အိမ်နဲ့ သိပ်နီးတယ်လေ။ အမှန်က ကိုယ့် ရုံးက အံဆွဲလေးထဲမှာ ပစ္စည်းတွေ လိုအပ်တဲ့ ပစ္စည်းတွေ ရှိတာပေါ့။ ရုံးဝေးရင်တော့ ဒီထက်ပိုပြီး ပစ္စည်းတွေ ယူမလားဘဲ။

ကိုယ်က လက်လွတ် ခြေလွတ်နေရတာကို သိပ်ကြိုက်တယ်။ ဒါပေမဲ့ ခရီးသွားရင်တော့ ကိုယ် စုံလင်အောင် ထည့်လေ့ရှိပါတယ်ကွယ်။ စာအုပ်တို့ ရေးစရာတို့ ဆောင်လေ့ မရှိဘူး။ သိပ်လုပ်ချင်တဲ့ အရာတစ်ခုရှိရင် ဖုန်းက Notes ထဲမှာ မှတ်ထားတယ်။ အဲဒီထက်များသွားရင်တော့ အသံသွင်းထားတယ်။ များသောအားဖြင့်တော့ task တွေကို ခေါင်းနဲ့ မှတ်လေ့ရှိတယ်။ ဦးနှောက်က အမြဲခိုင်းနေမှ မဟုတ်လား။ ကိုယ် အိမ်ပြန်တဲ့လမ်းမှာ နဲနဲ အားနေရင် ကိုယ့်အကြောင်းကို သုံးသပ်တယ်။ လုပ်စရာရှိတဲ့ Plan တွေကိုတော့ Google Calender ထဲမှာ မှတ်ထားတယ်။

အရင်တုန်းကတော့ တရားစာအုပ်ယူလေ့ ရှိတယ်။ နောက်ပိုင်းတော့ မေတ္တသုတ်နဲ့ ဗုဒ္ဓ နုဿတိကို စိတ်နဲ့ပဲ မှတ်တော့တယ်။ ထွက်လေ ၀င်လေကြားက ကိုယ်ပေါ့။ တခါတလေ Aircon လေ ကြီးစိုးတဲ့ နေ့မျိုးဆို ထိုင်နေရင်း နဲ့ အိမ်မက်တွေက အရောင်ကိုစုံရော။

ကဲ... သက်ရေ....



ကိုယ့် အပါးတော်မြဲလေးက ပေါက်စနကလေးရယ်... နော်။ သြော် ဒါနဲ့.. မိုးသိပ်ရွာတဲ့နေ့ဆို ထီးယူသွားလေ့ရှိတယ်။ + / - က အမြဲ ရှိနေတယ်။ အိတ်ထဲမှာ အရာဝတ္တုတွေက အမြဲ ပုံသေမရှိဘူး။ အင်းပေါ့လေ... လောကမှာ ဘယ်အရာက တည်မြဲပါလိမ့်မလဲနော်။ ကိုယ်ကျောင်းသွားတဲ့ ကျောပိုးအိတ်ကိုတော့ သက်ကို မပြတော့ဘူး။ စာအုပ်တွေနဲ့ အတူ စိတ်တွေပါ လေးလွန်းလို့ သက်ကလေးပါ အလေးဒဏ်တွေ ကူးနေပါဦးမယ်။း)

ဟုတ်ကဲ့ ဆရာမ။ ကိုယ်နိဂုံးချုပ်တော့မယ်။

အိတ်ဆိုတာ စိတ်တစ်ခုရဲ့ ဖွင့်ဆိုချက်ဆိုရင် ကိုယ့်အိတ်ကလေးဟာ လစ်ဟာနေတဲ့ အရာတွေ အများသားပဲ။

ဒါပေမဲ့ ဒီလစ်လပ်မှုတွေကို နေရာတစ်ခုမှာ ပြည့်စုံစွာထားထားတယ်ဆိုတာကိုတော့ အပေါ်ယံကြည့်သူဆိုရင် ဘယ်မြင်နိုင်ပါ့မလဲနော်။ ဒီလိုပဲ လောကကြီးမှာလဲ ကိုယ်မမြင်နိုင်တဲ့ နေရာတွေမှာ ပြီးပြည့်စုံမှုဆိုတာ ရှိနေစမြဲပါ။

လောကမှာ ပျော်ရွှင်ခြင်းတွေ ၀မ်းနည်းခြင်းတွေ ပြည့်စုံခြင်းတွေကို တစ်နေရာမှာထားပြီး ကိုယ်လက်ရှိသယ်ပိုးရတဲ့ အရာတွေကိုတော့ ပေါ့ပေါ့ပါးပါး လွတ်လွတ်လပ်လပ်နဲ့ လွယ်ထားတဲ့ လူတစ်ယောက်ကို အပြင်မှာ တွေ့ခဲ့ရင် သက် လှမ်းခေါ်လိုက်နော်။
သက်ကို ကိုယ် အမြဲ ပြုံးပြ နှုတ်ဆက် နေမှာပါ။

Saturday, August 31, 2013

Blog Day For Bloggers

ဒီနေ့ သြဂုတ်လ ၃၁ ရက်နေ့ဟာ ၈ နှစ်မြောက် Blog Day ပါ…
Happy Blog Day လို့ စာရေးဖေါ် ဘလော့ဂါ အားလုံးကို နှုတ်ဆက် ဆုတောင်းပါတယ်…။

Blog Day ရဲ့ အစဉ်အလာ မပျက်… ကြိုဆို မိတ်ဆက်ပေးစရာ ဘလော့ဂ် အသစ် ငါး ခု ရှိပါတယ်…။ ဒီမှာပါ…

၁) ရွှေအိမ်စည်

၂) ကြယ်ပြာရဲ့ အိမ်ကလေး

၃) Adora & etc.

၎) ရိုးမြေကျ

၅) ရင်လှိုင်းခတ်သံ

တော်တော်များများကတော့ သိပြီးသားတွေ ဖြစ်နိုင်ပါတယ်... မသိသေးဘူး... အလည် မရောက်ဖူးသေးဘူးဆိုရင်တော့ သွားလည်ပြီး စာဖတ်ကြဖို့ မိတ်ဆက်ပေးတာပါ...။

Blog တွေရဲ့ ရေစီးကြောင်းနဲ့ Blogger တွေရဲ့ သမိုင်းကြောင်းကို ဝါရင့် ဘလော့ဂါတွေ ဖြစ်ကြတဲ့ ကိုအောင်သာငယ်ကိုရန်အောင် ၊ ညီမ ပန်ဒိုရာ နဲ့ ညီမ ကေ တို့ ရေးထားပြီး ဖြစ်တဲ့အတွက် ကျွန်မ အချောင်ခိုလို့ ရသွားပါတယ်…။ သူတို့ရေးတာတွေ ဖတ်ပြီး ကုန်လွန်ခဲ့တဲ့ အချိန်တွေ… အရှိန်ကောင်းကောင်းနဲ့ စီးဆင်းခဲ့တဲ့ ဘလော့ဂ်ရေစီးကြောင်းနဲ့အတူ ပျောက်နေတဲ့ စာရေးဖေါ် ဘလော့ဂါတွေကိုလည်း သိပ်သတိရမိပါတယ်။

အခုလို Blog Day ဆိုတဲ့ အမှတ်တရ နေ့ကြီးမှာ အဆက်မရှိ အစပ်မရှိနဲ့ ဘာကိုမှ မငဲ့ပဲ ဖွင့်ပြောရမယ်ဆိုရင် လောလောဆယ်မှာ ကိုယ့်ကိုယ်ကိုယ် ဟိုမရောက် ဒီမရောက် ဖြစ်နေတယ် လို့ ခံစားရပါတယ်…။ ကျန်တဲ့ ဘလော့ဂါတွေ ဘယ်လို ခံစားရတယ် ဆိုတာ ကျွန်မ မမှန်းတတ်ပါဘူး…။ ဒါပေမဲ့ ကျွန်မကိုယ် ကျွန်မတော့ တကယ်ပဲ ဟိုမရောက် ဒီမရောက် ဖြစ်နေတယ် လို့ ခံစားရပါတယ်။ ဝါသနာအရ စာရေးခြင်းနဲ့ အတူ ကန့်ကွက်မဲ့သူ မရှိ၊ တားမြစ်မဲ့သူ မရှိ၊ စီစစ်မဲ့သူမရှိ လွတ်လပ်စွာ ရေးသားပြောဆိုခွင့်ကို ဘလော့ဂ်က ပေးခဲ့တယ်။ ရေးတယ် ဖတ်တယ်… စိတ်ရှိသလို ရေးတယ်… လွတ်လွတ်လပ်လပ် ရေးတယ်… ရေးချင်သလို ရေးခဲ့ပါတယ်…။ ရေးပြီးတဲ့နောက် စာဖတ်သူ မျှော်တတ်တာလည်း ငြင်းစရာ အချက် မဟုတ်ပါဘူး…။ ဟုတ်ကဲ့… ကျွန်မ စာတစ်ပုဒ် ရေး တင် လိုက်တိုင်း စာဖတ်သူ မျှော်တတ်ပါတယ်…။

အဲဒီလိုနဲ့ ဘလောဂင်း ခဲ့တာ ၆ နှစ်ကျော်ခဲ့ပါပြီ…။ လွန်ခဲ့တဲ့ နှစ်ပိုင်းကစလို့ ဘလော့ဂ်မှာ စာဖတ်သူ သိသိသာသာ ကျသွားပါတယ်… ဆိုရှယ် နက်ဝတ်ကင်း လို့ ခေါ်ရမဲ့ Facebook ကြောင့်ပါ…။ (ကေ ကတော့ နတ်ဆိုးကြီး တဲ့…) ဒါပေမဲ့လည်း မတတ်နိုင်ဘူး… ကိုယ်တိုင်က အွန်လိုင်းမှာ ရပ်တည်နေတဲ့ ဘလော့ဂါတစ်ယောက် ဖြစ်တဲ့အတွက် ခေတ်ရေစီးကြောင်းအတိုင်း လိုက်ပါ စီးမျောရတာပါပဲ…။ ဘလော့ဂ်မှာလည်း စာရေး… FB မှာလည်း တချိန်ထဲ တင်… စာရေးသူ စာဖတ်သူ မိတ်ဆွေတွေ တိုးပွား… ချိုသာစကား ပျူပျူငှာငှာ ပြောဆို… ဒီလိုနေခဲ့ပါတယ်။ ပျော်စရာ ကောင်းသလောက်လည်း ကောင်းခဲ့ပါတယ်။ ဒါပေမဲ့ ဝမ်းနည်းစရာကောင်းတာကတော့ ဘလော့ဂ်တွေမှာ စာဖတ်သူ သိသိသာသာ လျော့နည်းသွားတယ် ဆိုတာပါပဲ…။

အခုနောက်ပိုင်းမှာ ဘလော့ဂ်ပေါ်မှာ စာရေးသူတွေရဲ့ စာတွေ မဂ္ဂဇင်းစာမျက်နှာတွေပေါ်ကို တစ တစ ရောက်ရှိဖို့ အကြောင်းဖန်လာပါတယ်…။ ကျွန်မ ကိုယ်တိုင်လည်း တချို့စာလေးတွေ မဂ္ဂဇင်းမှာ ပါ လာပါတယ်။ ဘယ်လိုခံစားရလဲ… ဟုတ်လား… ပျော်တာပေါ့… ကိုယ်စာလေးတွေ ပုံနှိပ်စာလုံးနဲ့ မြင်ရတော့ ပျော်တာပေါ့…။ ကြိုးစား ပမ်းစား ရေးချင်စိတ်လည်း ပေါ်လာတယ် ဆိုတာ အမှန်ပါ…။ ဒီလိုနဲ့ တဖြည်းဖြည်း ကိုယ့်စာတွေ စာမျက်နှာ တော်တော်များများမှာ ပါလာတယ်။ ဘလော့ဂါတွေ စုပြီး ထုတ်ကြတဲ့ စာအုပ်တွေလည်း ပေါ်လာတယ်…။ တကယ် ဝမ်းသာစရာပါ။

ဒါပေမဲ့ ဘာဖြစ်လာသလဲ ဆိုတော့ အရင်ကဆို ဘာအကြောင်းအရာလေးပဲ တွေ့တွေ့ စာလေးစီပြီး ဘလော့ပေါ် ချက်ချင်း ချက်ချင်း ပေါ့ပေါ့ပါးပါး တင်ပလိုက်တတ်ပါတယ်…။ အရင်ကဆို ဟင်းတခွက်နဲ့လည်း ပိုစ့် တစ်ပုဒ် ဖြစ်သလို ပန်းတပွင့်နဲ့လည်း ပိုစ့်တစ်ပုဒ် ဖြစ်ခဲ့ပါတယ်။ တခါ တခါဆို တစ်ရက်ထဲမှာ ပိုစ့် နှစ်ပုဒ် ဖြစ်သလား… ဖြစ်ခဲ့ဖူးပါတယ်…။ အခုတော့ ဒီလိုမဟုတ်တော့ဘူး။ တခုခုဆို ကုန်ကြမ်းတွေ စုထားသလို ရေးစရာရှိတာလေးတွေကို ဘလော့မှာ အကုန် ချမရေးလိုက်ပဲ တေးမှတ်ထားတတ်လာတယ်… တွေ့ရာ မြင်ရာတွေကို ဘလော့မှာ အကုန်ရေးမတင်ပဲ ထိန်းတတ်လာတယ်…။ တခုခုရေးမိပြီဆိုရင်လည်း အချက်အလက်တွေ မမှန်မှာလည်း စိုးရွံ့လာတယ်… ရေးသမျှကို ကောင်းအောင် မှန်အောင် အတင်းကြိုးစားလာတယ်…။ ပြောရရင် ဝါသနာအလျောက် ရေးသားဖန်တီးနေတဲ့ စာတွေကို အမျိုးအမည် နာမည်တပ်လို့မရတဲ့ တစုံတရာကြီးက ထိန်းချုပ်နေသလို ဖြစ်လာတာမျိုး… ဘလော့ဂါ တစ်ယောက် ဘဝကနေ မဂ္ဂဇင်းပေါ် ရေးနေသူ တစ်ယောက်လိုလို စိတ်ကြီးဝင်ချင်လာတာမျိုး… လို့ပဲ ဆိုကြပါတော့။

တခုခု ပေါတိ ပေါတောတွေ ရေးမိရင် ကိုယ့်သိက္ခာပဲ ကျသွားတော့မလို…။ ရောက်တတ်ရာရာတွေ ရေးမိရင်၊ ရယ်စရာတွေ ရေးမိရင် ရှက်ပဲ ရှက်ရတော့မလို… အဲဒီလိုတွေ ဖြစ်လာတယ်…။ တခါတခါမှာ စာတွေ ရေးတယ်… ဝတ္ထု အက်ဆေး စသည်ဖြင့်ပေါ့…။ ရေးပြီး ဘလော့မှာ တင်မယ် ကြံလိုက်တော့ စိတ်က ဒွိဟ ဖြစ်တယ်… ဟယ်… ဒါလေးကို ဟိုကို ပို့လိုက်ရ ကောင်းနိုး… ဒီကို ပို့လိုက်ရ ကောင်းနိုးနဲ့ ချီတုံချတုံဖြစ်လာတယ်… ရေးပြီးသား စာလေးတစ်ပုဒ်ကို ဘလော့ဂ်မှာ တင်လိုက်ရမှာ နှမြောသလိုလို… ဘလော့ဂ်နဲ့ပဲ မတန်သလိုလို စိတ်မျိုး ဝင်လာတယ် ဆိုတာ ကိုယ့်ဟာကိုယ် သတိထားလိုက်မိတယ်…။ တစ်ခါကနေ နှစ်ခါ… နှစ်ခါကနေ သုံးခါ… အဲဒီလိုတွေ သတိထားမိတဲ့ အကြိမ်ပေါင်း များလာတော့ ဘုရား တ မိတယ်…။ တစ်ခုခုတော့ မှားနေမှန်း သိလာတယ်…။

အဲဒီနောက်တော့ ကျွန်မ ကိုယ် ကျွန်မ သေသေချာချာ လေ့လာ သုံးသပ်ပါတယ်…။ အဖြေတစ်ခု ထွက်ပါတယ် အဲဒါကတော့ ကျွန်မ ဟိုမရောက် ဒီမရောက် ဖြစ်နေပြီ ဆိုတာပါပဲ…။ အဲဒီ ဟိုမရောက် ဒီမရောက် ဆိုတဲ့ အနေအထားကနေ ပြောင်းပစ်ပြီး လွတ်လပ်ပေါ့ပါးတဲ့ ရေးဟန်နဲ့ ရေးဖွဲ့ထားတဲ့ စာတစ်ပုဒ် ဖြစ်လာဖို့၊ ထိန်းချုပ် ချည်နှောင်ခြင်း ကင်းတဲ့ စာတစ်ပုဒ် ဖြစ်လာဖို့၊ သဘာဝကျကျ ရိုးသားပြီး လတ်ဆတ် သစ်လွင်တဲ့ စာတပုဒ် ရေးဖွဲ့ဖြစ်ဖို့ ကျွန်မ ပြန်ကြိုးစားတော့မယ်…။ စာရေးခြင်းရဲ့ အစဟာ ဘလော့ဂါ ဘဝကနေ စခဲ့တာမို့ အွန်လိုင်း ဒိုင်ယာရီလေးတစ်ခုနဲ့ တူတဲ့ ဘလော့ဂ်မှာ အတတ်နိုင်ဆုံး စာမှန်မှန် ပြန်ရေးတော့မယ်လို့ တွေးထားပါတယ်။

ကျွန်မ ဆက်လက် ဖန်တီးမယ့် စာတွေထဲက ဇာတ်ကောင်ဟာ ကိုကိုလည်း ဖြစ်နိုင်သလို မောင်လည်း ဖြစ်ကောင်း ဖြစ်ပါလိမ့်မယ်။ ကျွန်မရဲ့ လက်ရှိဘဝနဲ့ ဘာမှ မသက်ဆိုင်တဲ့ ဇာတ်ကောင်စရိုက်မျိုးတွေလည်း ပါကောင်း လာပါလိမ့်မယ်…။ ဒီအခါမှာ စာတစ်ပုဒ်ကို ဖတ်ပြီး စာရေးသူနဲ့ ယှဉ်တွဲ ကြည့်မြင်တတ်တဲ့ အမြင်လေးတွေကို ဖျောက်ပေးဖို့ စာဖတ်သူတွေကို တောင်းဆိုရပါလိမ့်မယ်…။

နောက်တခုက ဘလော့ရေးကြတဲ့ အထဲမှာ ယနေ့ထိတိုင် ဘလော့ဂင်းရဲ့ သဘော သဘာဝအတိုင်း ဘာကိုမှ ဂရုမစိုက်ပဲ သူ့ ရပ်တည်ချက်နဲ့သူ၊ သူ့ ယုံကြည်ချက်နဲ့သူ ဘလော့ဂါတယောက် ပီသစွာ မပျက်မကွက် ရေးနေသူကတော့ ချစ်ရတဲ့ အမ မခင်ဦးမေ ပါ…။ မမကိုလည်း ဒီနေရာကနေ Happy Blog Day လို့ နှုတ်ဆက်ပါတယ်နော်…။

တနေ့က ကျွန်မ လက်ကိုက်တာကို အကြောင်းပြုပြီး အိတ်မှောက် ဖာသွန် နှစ်ဆယ့်ခွန် ဆိုတဲ့ ပိုစ့်ရေးခဲ့ပါတယ်…။ ပြီးတော့ မနော် နဲ့ မချစ် က အစပြုလို့ စာရေးဖေါ် မောင်နှမတွေ အချင်းချင်း Tag လိုက်ကြတာ ပုံစံစုံ ဒီဇိုင်းစုံ အရောင်စုံ အသွေးစုံ အိတ်တွေ သွန်ကြ မှောက်ကြတာ တပျော်တပါးကြီး မြင်တွေ့ရပါတယ်။ အိတ်မှောက် ဖာသွန် နှစ်ဆယ့်ခွန် ၊ အိတ်မှောက် သွန်ပစ် နှစ်ဆယ့် ရှစ် ၊ အိတ်မှောက် သွန်ထိုး နှစ်ဆယ့်ကိုး ၊ အိတ်ကလေး ပြင်တယ် ရက်သုံးဆယ် ၊ ရှားတား ပါးတား အိတ်မှောက်ထား (ညီမ ရွှေအိမ်စည် ရဲ့ စပါယ်ရှယ် ခေါင်းစဉ်) ၊ အိတ်ကို ထုတ်စစ် သုံးဆယ့်တစ်…. စတဲ့ ခေါင်းစဉ်တွေနဲ့ Tag Post လေးကို ချစ်ခင်စွာ ရေးသားကြတဲ့ စာရေးဖေါ် မူလလက်ဟောင်း ဘလော့ဂါ အဟောင်းများ နဲ့ မကြာသေးမီကမှ ခင်မင်သိကျွမ်းခဲ့ရတဲ့ ဘလော့ဂါ အသစ် ညီမငယ်များ အားလုံးကို အသိအမှတ်ပြု ကျေးဇူးတင်ကြောင်း ၂၀၁၃ ခုနှစ် Blog Day မှာ အမှတ်တရ မှတ်တမ်းတင်အပ်ပါတယ်။

ချစ်မိတ်ဆွေ ဘလော့ဂါများ အားလုံးအတွက် Happy Blog Day ဖြစ်ကြပါစေ…။



Tuesday, August 27, 2013

အိတ်မှောက် ဖာသွန် နှစ်ဆယ့်ခွန်

တစ်ကြိမ်တစ်ခါမှ သည်လောက် စိတ်မတိုစဖူး…. ကျွန်မ အလွန် စိတ်တိုနေခဲ့သည်။ တဆစ်ဆစ် ကိုက်ခဲနေသော ဘယ်ဖက်ပုခုံးကို ဆေးပလာစတာတစ်ခု ကပ်ရင်း စိတ်တို့က ဆွဲဆန့်၍ မရလောက်အောင် တိုနေခဲ့တာ ဖြစ်သည်။ ထိုသို့ စိတ်တိုနေရင်းမှပင် အကောင်းကျန်နေသော ညာဖက်လက်ဖြင့် ထိုအရာကို ဆွဲယူလိုက်သည်။ အားပါးပါး… တော်တော်ကို လေးပါလား…။ စိတ်ထဲ အကြံတစ်ခုရသွားပြီး ထိုအရာကို ပေါင်ချိန်စက်ပေါ်သို့ မ တင် လိုက်သည်…။ ဘုရားရေ… ပေါင်ချိန်စက်မှ ကိန်ဂဏန်းများသည် သုံးကီလိုခွဲ တိတိကို ပြနေလေသည်။ ဒါကြောင့်ကိုး… ဟု စိတ်ထဲမှ ရေရွတ်ကာ ထိုအရာကို ပေါင်ချိန်စက်ပေါ်မှ ဖယ်လိုက်ကာ အိပ်ရာပေါ်သို့ ပြောင်း တင်လိုက်သည်…။ ထို အလှည့်အပြောင်းတွင် ဘာမှ မပါဝင်ရသော်လည်း နာနေသည့် ပုခုံးက တစ်ချက် စူးစူးဝါးဝါး နာကျင်သွားသေးသည်…။

ထို့နောက် အလေးချိန် သုံးကီလိုခွဲ ရှိသော အနှီပစ္စည်းကို မ ယူ ရင်း အိပ်ရာပေါ်သို့ အားပါးတရ (သို့မဟုတ်) စိတ်ဆိုး မာန်ဆိုးဖြင့် သွန်မှောက်ချလိုက်တော့သည်…။ တချွင်ချွင် အသံတချို့နှင့်အတူ စိတ်မှန်းဖြင့် အမျိုးအမည် မရေမတွက်နိုင်သောပစ္စည်းများ အိပ်ရာပေါ်သို့ ဒရောသောပါး ခုန်ပေါက် ကျဆင်း လာကြသည်…။ မုန်းစရာကြီးတွေ ဟု ခပ်တိုးတိုး ရေရွတ်ကာ ပစ္စည်းများကို တစ်ခုချင်းစီ ကောက်ယူ ရွေးထုတ်လိုက်သည်…။


သွန်ချလိုက်သောအခါ တွေ့ရသော ပစ္စည်းများမှာ အောက်ပါအတိုင်း ဖြစ်သည်။

- သုံးလက်မ ပတ်လည်၊ အထူ တစ်လက်မခန့် သားရေ Wallet တစ်ခု (အထဲတွင် မှတ်ပုံတင်၊ ကားလိုင်စင်၊ လိုင်ဘရီကဒ်၊ ဘဏ်ကဒ်၊ အကြွေးဝယ်ကဒ် များနှင့်အတူ ပိုက်ဆံ အရွက်က နည်းနည်း၊ ဈေးဝယ်ထားသော ပြေစာ ဖြတ်ပိုင်းစာရွက်များ၊ Mc Donald KFC အပါအဝင် ဟိုဆိုင် ဒီဆိုင်များတွင် လျှော့ဈေးဖြင့် ဝယ်နိုင်သော ကူပွန်စာရွက်များ၊ အမည်နာမနှင့် နေရပ်လိပ်စာများ ဖြည့်စွက်ထားခဲ့ပြီး မထွက်သေးသော မျှော်လင့်ချက်ရှိသေးသော ကံစမ်းမဲ ဖြတ်ပိုင်းများ ပါဝင်သည်)

- သော့တွဲ နှစ်ခု (တစ်ခုက သော့တံ ငါးခု ပါဝင်သော အိမ်သော့ ၊ နောက်တစ်ခုက ရုံးမှ ဘီဒိုသော့နှင့် အံဆွဲသော့)

- ရုံးတွင်းသို့ ဝင်ရန် ကဒ်ပြားနှင့် MC လွယ်လွယ်ပေးလေ့ရှိသော ဆေးခန်းမှ ကဒ်ပြားတို့ ပါသော ဇစ်ဆွဲ ပိုက်ဆံအိတ် ပါးပါးလေးနှင့် တွဲချိတ်ထားသော ကားသော့

- အဖြူရောင် နားကြပ်ကြိုးတန်းလန်းနှင့် လက်ကိုင်ဖုန်း

- iBanking လုပ်ရာတွင် အသုံးပြုသော တိုကင်ပြား နှစ်ချပ်

- အိုင်ပက် (သူ အလေးဆုံးပဲ…. သက်ပြင်း တိုးတိုးလေး ချမိသည်)

- ဖတ်လက်စ စာအုပ်တစ်အုပ် (စမ်းစမ်းနွဲ့ (သာယာဝတီ) ရေးသားသော မြမရှား စိန်မရှား အလွန်ပင် များပါရဲ့)

- မျက်နှာလိမ်း ပေါင်ဒါတစ်ဘူး၊ နှုတ်ခမ်းနီ နှစ်တောင့် နှင့် နှုတ်ခမ်း မခြောက်အောင် ဆိုးရသော အဆီတောင့် တစ်ခုတို့ပါဝင်သော အရှည် လေးလက်မ အကျယ် သုံးလက်မခန့် ရှိသော အနက်ရောင် အဝတ်အိတ် တစ်လုံး (အလှအပရေးရာ)

- လက်သည်းညှပ်၊ ကပ်ကြေးပေါက်စ၊ ချိတ်၊ ကလစ်၊ ပလာစတာ အစရှိသည်များ ပါဝင်သော သားရေအိတ် သေးသေးတစ်ခု (ဘာကြောင့် ထည့်ထားမိမှန်း မသိ)

- အကြွေစေ့များ ထည့်သော သားရေအိတ် တစ်ခု (အထဲတွင် အကြွေစေ့များ အပြင် အသေးစား Memory Stick သုံးခု နှင့် ကင်မရာထဲ ထည့်ရသော SD Card တစ်ခု ပါဝင်သည်)

- ကဒ်တကာ ကဒ်… ကဒ်ပေါင်းစုံ ထည့်ထားသော Card Holder တစ်ခု…
(ဆိုင်အတော်များများမှာ လျှော့ဈေးဖြင့် ဝယ်ယူနိုင်သော ကဒ်၊ အသင်းဝင် ကဒ်တို့အပြင် အလုပ်နှင့် သက်ဆိုင်သော အမည်နာမ ရာထူးများ ပါဝင်သော နာမည်ကဒ်ပြား အချို့ ပါဝင်သည်)

- တစ်ထွာကျော်ကျော် ရှည်သော ဝက်မှင်ဘီး တစ်ချောင်း (အလှအပ ရေးရာ)

- လက်တဝါး အရွယ် မရှိ တရှိ ကြည့်မှန် အဝိုင်းတချပ်(အလှအပ ရေးရာ)

- Crabtree & Evelyn မှ Gardeners Hand Therapy တံဆိပ် Hand Lotion (အလှအပ ရေးရာ)

- ချည်သား ပုဝါ အနက်ရောင်တစ်ထည် (အေးသောနေရာများတွင် ခြုံလွှားရန်)

- Panadol Extra တစ်ကဒ် (ဆယ်လုံးတွင် သုံးလုံး သောက်ပြီး)

- လက်ပတ်နာရီ တစ်လုံး (ဓါတ်ခဲ အား ကုန်နေသောကြောင့် လမ်းကြုံလျှင် ဝင်လဲရန် ထည့်ထားမိဟန်တူသည်)

- ဘောပင် သုံးချောင်း (အနက် အနီ အပြာ) နှင့် အတူ လက်တစ်လုံးခန့် ထူပြီး အရှည် ငါးလက်မ၊ အကျယ် သုံးလက်မခန့်ရှိသော မှတ်စုစာအုပ် တစ်အုပ်

- အစိမ်းရောင် Post-it Note တစ်ခု (ဟိုကပ် ဒီကပ် ကပ်ရန် ထည့်ထားမိဟန်တူသည်)

- အနက်ရောင် Angry Birds ပုံ ပါသော တစ်ရှူး အခြောက် တစ်ထုတ် ၊ ခရမ်းရောင် တစ်ရှူးအစို တစ်ထုတ်

- Evian ရေသန့်ဘူး အသေးတစ်ဘူး (ရေ လက်တစ်လုံးစာလောက်သာ ကျန်)

- မဖေါက်ရသေးသော စာအိပ် သုံးလုံး (ဖုန်းဘေလ်၊ အကြွေးဝယ်ကဒ် ဘေလ် နှင့် Dior မှ ကုန်ပစ္စည်း အသစ် ကြော်ငြာသော ဖိတ်စာ)

- အနက်ရောင် Fancy လက်ကောက် အမာ တစ်ကွင်း (ဘာကြောင့် လည့်ထားမိမှန်းမသိ၊ ဘယ်အချိန်ထဲက ရောက်နေမှန်းလည်း မသိ)

- တနေ့က ဝယ်လာပြီး မှန်တင်ခုံပေါ် မရောက်သေးသော အနက်ရောင် ရေမွှေး တစ်ပုလင်း (Nuit by Hugo Boss)

- ဖုန်းခေါ် ကဒ် သုံးကဒ် (တစ်ကဒ်က သုံးပြီးသား သို့သော် အနည်းငယ် ကျန်နေသေးသည်ဟု ယူဆကာ မလွှင့်ပစ်ရသေး)

- စားလက်စ လိမ်မော်ရောင် Peach Mint Ricola တစ်ဘူး နှင့် အစိမ်းရောင် Eclipse Mints တစ်ဘူး

- ကျောက်ရောင်စုံများဖြင့် ပြုလုပ်ထားသော တစ်လက်မ အရွယ်ရှိ Hair Claw တစ်ခု

- ဖတ်ရင်း စာရေးစရာ ကုန်ကြမ်းအဖြစ် သိမ်းဆည်းထားမိသော သတင်းစာ ဖြတ်ပိုင်း နှစ်ရွက်

- Go Natural မှ ထုတ်လုပ်သော Macadamia Dream အမည်ရ Chewy Bar တစ်ချောင်းနှင့် Nut Fantastic Bar တစ်ချောင်း (ဆာသောအချိန် စားရန် ထည့်ထားမိသည်)

- တနေ့က သွားကြည့်ခဲ့သော ရှိုးမှ လက်မှတ်တစ်စောင်နှင့် အမှတ်တရ ပိုစ့်ကဒ် တစ်ခု

- အကြွေစေ့ အလွတ် လေးစေ့ (ကျပ်စေ့ နှစ်စေ့၊ ငါးမူးစေ့ တစ်စေ့ နှင့် ဆယ်ပြားစေ့ တစ်စေ့)

- ဗူးထဲမှ ထွက်ကျနေဟန်တူသော Ricola သုံးလုံး

- လုံးထွေးနေသော တစ်ရှူးစ တစ်ခုနှင့် စာရွက်ပိုင်း နှစ်ခု

အိပ်ရာပေါ်တွင် ပျံ့ကျဲနေသော ထိုအရာများကို ကြည့်ပြီး စောစောက တိုနေသော စိတ်များ ပျောက်ဆုံးက ရယ်ချင်စိတ်တို့က ကြီးစိုးလာသည်။ ဟုတ်ပါသည်… ထိုပစ္စည်းများအားလုံးသည် ကျွန်မ နေ့စဉ် ကိုင်ဆောင် လွယ်ပိုးနေသော လေးထောင့်စပ်စပ် သားရေအိတ်ထဲတွင် မှီတင်း နေထိုင်လျက်ရှိကြသော ပစ္စည်းများသာ ဖြစ်ပါသည်။ ထိုပစ္စည်းများ၏ စုစုပေါင်း အလေးချိန်မှာ သုံးကီလိုခန့် ရှိပြီး အိတ်၏ အလေးချိန်မှာ ကီလိုဝက်ခန့်ရှိမည် ဆိုသည်မှာလည်း စိုးစဉ်းမျှ ယုံမှားသံသယ ရှိရန် မလို…။

အရင်အချိန်များက နေ့စဉ် ကိုင်ဆောင်နေသော ထိုအိတ်ကို တခါမှ စေ့စေ့စပ်စပ် မကြည့်ခဲ့စဖူး…။ ယခုမူ ဘယ်ဖက် ပုခုံးမှ နာကျင်မှုအတွက် ဖြစ်နိုင်ခြေရှာကြည့်ရင်း နောက်ဆုံးတွင် တရားခံကို အမိအရ ရှာဖွေ ဖမ်းဆီးနိုင်သော အောင်နိုင်သူကြီး တစ်ယောက်ပမာ သဘောကျ နေမိပါသည်။ ကျွန်မ ဆက်တွေးမိသည်မှာ ရှင်းစရာရှိသောအရာများကို မရှင်းလင်းပဲ စုပြုံထည့်သိုရင်း လေးလံစွာ သယ်ပိုးထားရသောကြောင့် ပုခုံးတွင် ဒါဏ်ဖြစ်ခဲ့ရသကဲ့သို့ စိတ်ထဲတွင် ကိုယ်နှင့် မသက်ဆိုင်သော၊ မလိုအပ်သော အကြောင်းအရာများကို မြန်မြန်ဆန်ဆန် ရှင်းမထုတ်ပစ်ပဲ ကာလကြာရှည်စွာ သိုမှီးထားပါက စိတ်နှလုံး လေးလံပြီး ဒုက္ခရောက်နိုင်မည် ဟူ၍ ဖြစ်သည်…။

ထို့နောက် ပိုက်ဆံအိတ်ထဲမှ မလိုအပ်သည်များကို ရှင်းလင်းလိုက်ပါသည်။ အဆုံးတွင် သိသိသာသာ ပေါ့ပါးသွားသောအိတ်ကို ကိုင် ဆ ကြည့်ရင်း တစ်ယောက်တည်း ပြုံးစိစိဖြင့် ကျေနပ်နေစဉ် ဘေးနားမှ စားပွဲပေါ်တွင် တင်ထားသော ပြက္ခဒိန်ကို မျက်စိရောက်သွားသောအခါ အသံထွက်အောင် ရယ်လိုက်မိပါသည်…။ အဘယ်ကြောင့်ဆိုသော် ယနေ့သည် သြဂုတ်လ ၂၇ ရက်နေ့ ဖြစ်ပြီး ငယ်ငယ်က နောက်ရင်း ပြောင်ရင်း ဆိုလေ့ရှိသော “အိတ်မှောက် ဖာသွန် နှစ်ဆယ့်ခွန်” ဟူသော ရယ်စရာ စကားတစ်စ ခေါင်းထဲသို့ ရောက်လာသောကြောင့်ပင်…။




ဒီပိုစ့်ကို စာရေးဖေါ်တွေ အားလုံး ပျော်ပျော်ပါးပါး ရေးပေးဖို့ ချစ်ခင်စွာနဲ့ Tag ပါတယ်...
တစ်ယောက်ချင်းတော့ နာမည်တွေ ခေါ်ပြီး မ Tag တော့ဘူးနော်... အိတ်သွန် ဖါမှောက် ရေးပေးကြပါ... :D


Tuesday, August 20, 2013

ဖိနပ်လေး တစ်ရံ

ညီမ ခွန်မြလှိုင်ရဲ့ တက်ဂ်ပိုစ့်ပါ…။
ဖိနပ်လေးတစ်ရံ ဆိုတဲ့ ခေါင်းစဉ်နဲ့ လိုက်ဖက်အောင် ကိုယ် စီးခဲ့ဖူးတဲ့ (သို့) လက်ရှိ စီးနေတဲ့… ဖိနပ် တစ်ရံနဲ့ ပတ်သက်တဲ့ အမှတ်ရစရာ အကြောင်းအရာတွေကို ပြန်စဉ်းစားသော်လည်း ဘာမှ ရေရေရာရာ စဉ်းစားလို့ မရခဲ့ဘူး… ဘဝမှာ ဖိနပ်နဲ့ ပတ်သက်လို့ ထူးထူးခြားခြား အမှတ်ရစရာ ရှိမနေဘူး လို့ပဲ ပြောရမယ် ထင်ပါတယ်။ ဒါကြောင့် ဖိနပ်နဲ့ ပတ်သက်တဲ့ ယေဘုယျ အကြောင်းလေးတွေပဲ ရေးလိုက်တယ်…။ ခေါင်းစဉ်နဲ့ လွဲနေတဲ့ စာတစ်ပုဒ် ဆိုပါတော့…။

ဒေါက်မြင့်မြင့်ပါတဲ့ ဖိနပ်တွေစီးပြီး လမ်းလျှောက်ရတာ စိတ်ထဲ အလိုလိုနေရင်း ပိုလှပြီး Confidence ပိုရှိသလို ခံစားရပေမဲ့ ကိုယ့်အရပ်က သာမန် မြန်မာမိန်းကလေး တစ်ယောက်ရဲ့ Above Average မှာ ရှိနေတာမို့ သိပ်မြင့်တဲ့ ဒေါက်တွေ မစီးဖြစ်ပါဘူး။ အနည်းဆုံး နှစ်လက်မခွဲ၊ အများဆုံး သုံးလက်မ ဒေါက်လောက်ဆို တော်ပြီလို့ ဘရိတ်အုပ်ထားရတယ်။ တကယ်တော့ ကိုယ်တိုင်က ဖိနပ်ဆို မြင့်မှ စီးချင်တာရယ်…။ သို့သော်လည်း ကလန်ကလား အရပ် ကို ညှာတာ… နေရာတကာ ရှပ်ပျာ ရှပ်ပျာ လုပ်တတ်လွန်းတဲ့ ကိုယ့်ကိုယ်ကိုယ် ဖိနပ်အမြင့်စီးပြီး ချော်လဲလိုက်ရင် မသက်သာဘူးလို့ သတိတွေ အတန်တန် ပေးပြီး ဖိနပ်အမြင့်ကြီးတွေနဲ့ ကားမောင်းတာကို စိတ်မချတဲ့ မေမေ့စကားကို နားထောင်တဲ့ အနေနဲ့ သုံးလက်မ ထက် ပိုမြင့်တဲ့ ဖိနပ်တွေ မဝယ်မိဖို့ ကြိုးစားခဲ့ပါတယ်။

ဒေါက် ဆိုလို့ ပြောရအုံးမယ်…။ ကိုယ်က ခြေလှမ်းလိုက်တိုင်း အသံ အုပ်အုပ်လေးတွေ ထွက်တဲ့ ဒေါက်မျိုးကို သိပ်ကြိုက်တယ်…။ ဒေါက် ဆိုမှတော့ တဒေါက်ဒေါက် အသံပဲ ထွက်မှာပေါ့လို့ ထင်ရင် မှားသွားမယ်။ တံဆိပ်ကောင်းကောင်းနဲ့ ဈေး အသင့်အတင့် ကြီးတဲ့ ဖိနပ်အမျိုးအစားတွေဟာ ဒေါက် နိမ့်နိမ့် မြင့်မြင့် ကြီးကြီး သေးသေး လမ်းလျှောက်လိုက်တဲ့အခါ အသံလေးက အုပ်အုပ်လေးသာ ထွက်တတ်တယ်။ လမ်းသွားလိုက်တိုင်း သူများ နားကြားပြင်းကပ်ပြီး အများသူငါ သတိထားမိချင်စရာကောင်းအောင် တခွပ်ခွပ်၊ တဗျတ်ဗျတ်နဲ့ ပေါ့ပျက်ပျက် အသံ ဆူဆူတွေ မထွက်တတ်ဘူး။ အဲဒါကြောင့် ဖိနပ်ဝယ်ရင် စတိုးဆိုင်တွေမှာ ခင်းထားတဲ့ ကော်ဇောတွေပေါ်မှာထက် ကျောက်ပြား ကြွေပြား ခင်းထားတဲ့ နေရာတွေပေါ်မှာ လမ်းလျှောက်ကြည့်ပြီး ဒေါက်ရဲ့ အသံကို နားထောင်ကြည့်ဖို့ အမြဲ သတိထားတယ်။

ဖိနပ်ဝယ်ရင်း ကြုံခဲ့ရတဲ့ မခံချိမခံသာ ဖြစ်စရာ အကြောင်းတစ်ခုတော့ မှတ်မိနေသေးတယ်။
ငယ်ငယ်က စကော့ဈေးက နာမည်ကြီး ဖိနပ်ဆိုင် တစ်ဆိုင်မှာ ဖိနပ်ဝယ်ဖို့ ရွေးကြတော့ ပိန်ပိန်ရှည်ရှည် ကိုယ့်ကိုကြည့်ပြီး ဆိုင်ရှင်က ကိုယ် တောင်းတဲ့ ဖိနပ် လေး ငါး ရံ ချပေးတယ်…။ ဒီ့ထက် ဆိုဒ်ကြီးတာ ပေးပါလို့ ပြောပေမဲ့ သူက ခပ်ငယ်ငယ် ဖိနပ်တွေကိုသာ တွင်တွင် ယူချပေးတယ်။ ကိုယ့်ခြေထောက်အကြောင်း ကိုယ်သာသိတဲ့အတွက် အဲဒီဖိနပ်ဆိုဒ်တွေနဲ့ ဘယ်လိုမှ မတော်ဘူးလို့ သေချာနေတော့ သူ့ထက်ကြီးတဲ့ နံပါတ်တွေတောင်းမိတယ်။ ဒါပေမဲ့ ဆိုင်ရှင်က သူ့စိတ်မှန်းနဲ့ ယူချလာတာတွေပဲ ကိုယ့်ကို အတင်း ထိုးပေးတယ်။ ခက်လိုက်တာဆိုတာ…

အရင်တုန်းက ဖိနပ်ဆိုင်တွေဆိုတာ အခုလို စတိုးဆိုင်ကြီးတွေမှာ မြင်ရတဲ့ အခင်းအကျင်းမျိုးနဲ့ မဟုတ်ဘူး။ ဒီဇိုင်း တူရာ တူရာ ဖိနပ်တွေကို ပလတ်စတစ်အိတ် ထူထူကြီးတွေထဲမှာ တဖက်နဲ့ တဖက် လျှိုပြီး ထပ်ထားတာ။ အိတ်တစ်လုံးဆို ဖိနပ်အရံပေါင်း များစွာနဲ့…။ သူက တအိတ်ထဲက ဖိနပ် တရံကို ထုတ်… ပြီးရင် အိတ်ကို ပြန်ချည်… စင်ပေါ်ကို ပြန်တင်… နောက်တအိတ်ကို ချ… နောက်တရံထုတ်… အိတ်ကို ပြန်ချည်… သိမ်း… အဲဒီလိုနဲ့ ကိုယ့်ရှေ့မှာ ဖိနပ်တွေ ဆယ်ရံလောက် ဖြစ်လာတယ်…။ ကိုယ်ကလည်းး ကိုယ်နဲ့ တစ်ရံမှ မတော်ဘူးဆိုတာ သိနေတယ်… ကိုယ့်ပုံစံ ပိန်ညောင်ညောင်ကိုကြည့်ပြီး အထင်စမောတဲ့ သဘောပေါ့…။ ကိုယ်ပြောနေတာကိုလည်း သေသေချာချာ နားမထောင်ပဲ ဖိနပ်တွေသာ တစ်ရံပြီး တစ်ရံ တွင်တွင် ထုတ်ပေးနေတော့တယ်။

နောက်ဆုံးမှာ ထုတ်ပေးစရာ ဒီဇိုင်းကုန်သွားလို့လား ဘာလို့လဲတော့ မသိဘူး… ဖိနပ်ဆိုင်ရှင်က ဖိနပ်ထုတ်ပေးတာ ရပ်သွားပြီး ကိုယ့်အနား လာရပ်တယ်…။ အဲဒီအခါမှာ ကိုယ်က ဒါတွေ တစ်ရံမှ ကိုယ်နဲ့ မတော်ဘူးလို့ ပြောလိုက်တော့ သူ တော်တော်စိတ်တိုသွားပုံရတယ်။ ကိုယ့်ကိုလည်း ဖိနပ်တွေကို အတင်း စွတ်ခိုင်းပြန်တယ်… ခြေချောင်းလေးတွေကို အတင်း ရှေ့တိုးခိုင်းပြီး အနောက်ဖက်က ဖနောင့် လွတ်အောင် စီးခိုင်းတယ်…။ ဘယ့်နှယ့်… တော်မှ မတော်တာကြီးကို… နောက်ဆုံးတော့ သူ စိတ်တိုတိုနဲ့ လက်လျှော့သွားတယ်… ဒါနဲ့ ကိုယ်က ကိုယ်ကြိုက်နေတဲ့ ဖိနပ်လေးတစ်ရံကို ရွေးထုတ်ပြီး ဒီဖိနပ်မျိုး ဒီထက် ကြီးတာ ပေးပါလား… လို့ မရဲတရဲ တောင်းမိတယ်။

ဒီအခါမှာ တော်တော်ကျွဲမြီးတိုနေပုံရတဲ့ ဦးလေးကြီးက ဘာပြန်ပြောလိုက်သလဲဆိုတော့ "လူစီးတဲ့ ဖိနပ်ထဲမှာ ဒီအရွယ်က အကြီးဆုံးပဲ..." တဲ့…. ကဲ… ကြည့်ပါအုံး ပြောပုံက… ကိုယ်ပြောတာတော့ သေသေချာချာ နားမထောင်ပဲနဲ့ သူကပဲ တပြန် စိတ်တိုရတယ် ရှိသေးလို့ စဉ်းစားပြီး စိတ်ဆိုး မာန်ဆိုးနဲ့ လက်ထဲ ကိုင်ထားမိတဲ့ ဖိနပ်ကို ဘုတ် ဆို ပစ်ချပြီး ဆိုင်ထဲက လှည့်ထွက်ခဲ့တယ်။ အဖြစ်က အဲဒီလိုပါ…

စက်မှုတက္ကသိုလ် ကျောင်းသူဘဝ တလျောက်လုံးမှာတော့ ရှားရောင် ကတ္တီပါဖိနပ် အပါးလေးတွေပဲ စီးဖြစ်တယ်…။ အဲဒီဖိနပ်လေးတွေဟာ ရှပ်ပွပွတွေ ယောလုံချည် တိုတိုတွေနဲ့ သိပ်လိုက်ဖက်တယ်လို့ ထင်မိတာပဲ…။ ပြီးတော့ စီးရတာလည်း ပေါ့ပေါ့ပါးပါး သွက်သွက်လက်လက် ရှိလှတယ်။ အဲဒီ ရှားရောင် ရင့်ရင့် ကတ္တီပါ ဖိနပ်အပါးလေးနဲ့အတူ ခြေထောက်တွေ ခြေချောင်းတွေ ခြေသည်းတွေကိုလည်း အမြဲတမ်း သန့်ရှင်းနေအောင် ဂရုစိုက်ခဲ့တယ်။ ခြေသည်းနီလည်း မှန်မှန်ဆိုးခဲ့တယ်။ ကိုယ့်ခြေထောက်လေးတွေကို ကိုယ်ပြန်ကြည့်မိတိုင်း သဘောတကျ ရှိလှတယ်။

ဆိုက်ကိုလို့ ဆိုရမလားပဲ…။ လူတွေ့ရင် ခြေထောက်ကို အရင် ကြည့်တတ်တဲ့ လူစားထဲမှာ ကိုယ်တစ်ယောက်လည်း အပါအဝင်ပါ။ ခြေထောက်တွေကို ကြည့်ချင်လို့ ခေါင်းငုံ့ပြီး လမ်းလျှောက်တတ်တာလား… ခေါင်းငုံ့ပြီး လမ်းလျှောက်တတ်လို့ ခြေထောက်တွေကိုပဲ အရင်မြင်ပြီး ခြေထောက်တွေကိုပဲ သတိထားမိလာတာလား ဆိုတာကတော့ ခုထိ အဖြေမရှိတဲ့ ပုစ္ဆာပါပဲ…။

အရေးထဲမှာ မဆီမဆိုင် ကြော်ငြာဝင်ရရင် ကိုယ့်ရဲ့ other half ကို တွေ့တုန်းကတော့ သူ့ ခြေထောက်တွေကို လုံးဝဆို လုံးဝမှ သတိမထားဖြစ်တာပါ…။ ဘာတွေကို သတိထားမိပြီး ဘာတွေက ဆွဲဆောင်သွားသလဲဆိုတာတော့ လာမမေးနဲ့… ပြောမပြဘူး… သတ်ချင် သတ်သွားလိုက်…။ နောက် တော်တော်ကြီးကြာမှ သတိထားမိတော့ သူ့ခြေထောက်တွေဟာ ကိုယ် သတ်မှတ်ထားတဲ့ စံချိန် စံညွှန်းနဲ့ အကိုက်ညီကြီး မဟုတ်တာ တွေ့ရတယ်။ ဒါပေမဲ့ မတတ်နိုင်တော့ဘူး… လွန်ကုန်ပြီ… (((ဟမ်))) ဒါနဲ့ သူ့ကိုပဲ ကိုယ့်အကြိုက်တွေ ပြောပြပြီး စည်းရုံးရေး ဆင်းရတော့တာပေါ့…။ အဖြစ်က အဲဒီလိုပါ…

ဒီရောက်တော့ ဖိနပ်ဝယ်ရတာ အတော်ကြီး အဆင်တပြေရှိလှတာ တွေ့ရတယ်။ လူစီးတဲ့ဖိနပ်ထဲမှာ ဒါ အကြီးဆုံးပဲ လို့ ပြောစရာမလိုလောက်အောင် အရွယ်အစား အစုံ ဝယ်လို့ရတယ်။ လက်မဝက် စီသာ ကွာတဲ့ ဆိုဒ်စုံစုံကို စင်ပေါ်ကနေ ကိုယ်တိုင် ယူချပြီး စိတ်ရှည်လက်ရှည် ရွေးချယ်နိုင်တယ်။ ဒီလိုနဲ့ ကိုယ့်ဆီမှာ ဖိနပ်ဗူးတွေ တပုံကြီး ဖြစ်လာပြန်တယ်။

ဖိနပ်တွေကို ပုံစံလေး ကြိုက်လို့ ဝယ်… ပါးတာလေး လိုချင်လို့ ဝယ်… ဒေါက်ကလေး လှလို့ ဝယ်… ထိပ်ပိတ်လေး လိုချင်လို့ ဝယ်… ခြေသည်းနီလေးတွေပေါ်ချင်ပြန်တော့ ထိပ်ပွင့်ကလေး ဝယ်… ရုံးစီးဖို့ Formal ဖြစ်တာလေး ဝယ်… ပိတ်ရက်စီးစရာ ပေါ့ပေါ့ပါးပါး ဖြစ်တာလေး ဝယ်… ဟိုနား ဒီနား ဆင်းရင် စီးစရာ Flip Flop လေးတွေ... Slipper လေးတွေ…. လမ်းလျှောက်ရင် စီးစရာ Walking Shoes တွေက တမျိုး… အဲဒီလို အမျိုးမျိုး စိတ်တိုင်းကျ ဝယ်လို့ရတိုင်း ဝယ်မိပြန်တယ်။ အဲဒီလို ဝယ်မိခြင်းရဲ့ အကျိုးဆက်ကတော့ ဖိနပ်တွေကို မြင်ရအောင် စင်ပေါ်မှာ လှလှပပ တင်ထားတော့လည်း ဖုန်တက်တယ်… အပြင်ထွက်ခါနီး စီးမယ်ဆိုရင် အဆင်သင့်မဖြစ် ဖုန်သုတ်ရသေးတယ်...။ ဖုန်မတက်အောင် ဗူးတွေထဲ ထည့်ထားပြန်တော့လည်း အလွယ်တကူ မမြင်ရတော့ တကူးတက ယူပြီး မစီးဖြစ်ပြန်ဘူး...။ အဲဒီလို မစီးတာ ကြာတော့ ဖိနပ်တွေက ဟိုကွာ ဒီကွာလေးတွေ ဖြစ်လာတယ်…။ တလောကပဲ Leather Shoes သုံးရံ အဲလိုဖြစ်သွားလို့ စိတ်နာနာနဲ့ ပစ်လိုက်ရတယ်။ ဒါကြောင့် အခု နောက်ပိုင်းမှာ ဖိနပ်တွေကို စည်းနဲ့ ကမ်းနဲ့ပဲ ဝယ်တော့တယ်။ အဖြစ်က အဲဒီလိုပါ…

Bonus အနေနဲ့ ရှူးဖိနပ်တွေနဲ့ ပတ်သက်တဲ့ Tips လေး တစ်ခုတော့ ဝေမျှချင်ပါတယ်…။ အများသူငါ သိနေပြီးသားလည်း ဖြစ်နိုင်ပါတယ်…။ အဲဒါကတော့ ရှူးဖိနပ်တွေ စီးရင် ဖြစ်လေ့ဖြစ်ထရှိတဲ့ ဖနောင့်နေရာမှာ ပွန်းတာ… ခြေချောင်းအပေါ်လေးတွေမှာ ပွန်းတာ.. ဖိနပ်ပေါက်တာမျိုးတွေ မဖြစ်ရအောင် ကာကွယ်တဲ့နည်းပါ…။ ငယ်ငယ်က ကြားဖူးသလို မစီးခင်မှာ ဖိနပ် တဖက်ကို ခုနှစ်ချက်စီ ကိုက်ရတဲ့ နည်း မဟုတ်ပါဘူး...။ ရှူးဖိနပ်အသစ်တွေ မစီးခင်မှာ ဖနောင့် (နောက်ပိတ်) နေရာတွေ… အရှေ့ဖက်က ခြေချောင်းလေးတွေနဲ့ ထိနေတဲ့ နေရာတွေကို Lotion တခုခုကို တရက် နှစ်ကြိမ်နှုန်းနဲ့ သုံးရက်လောက် လိမ်းထားပြီးမှ စီးကြည့်ပါ…။ တကယ်ပဲ သိသိသာသာ ဘာအနာတရမှ မဖြစ်တာကို တွေ့ရပါလိမ့်မယ်…။ Lotion ကတော့ Body Lotion / Hand Lotion ဘာ Lotion မဆို လိမ်းလို့ ရပါတယ်…။ ဖိနပ်မှာ လိမ်းရမှာနော်… မှားပြီး ခြေထောက်မှာ မလိမ်းကြနဲ့အုံး…း-)

ဒါလေးတွေကတော့ ကိုယ် လောလောဆယ် စီးနေတဲ့ ဖိနပ်လေးတွေပါ…း-)


ရေးကောင်းကောင်းနဲ့ ရေးလာလိုက်တာ စာကို ဘယ်လို အဆုံးသတ်ရမယ်မှန်း မသိတော့လို့ ဒီနေရာမှာပဲ တုံးတိတိနဲ့ ရပ်ထားလိုက်ပါရစီ… Tag Post ဖြစ်တဲ့အတွက် စာရေးဖေါ် အားလုံးကို Tag ပါတယ်... စိတ်ဝင်စားရင် ရေးပေးကြပါနော်... တော်သေးပြီ…။



Sunday, August 18, 2013

မြင်တွေ့သမျှ ပြောပြပါမည် (၃)

မနေ့ညနေက ခရီတာဧရာ ခန်းမမှာ ကျင်းပတဲ့ စွယ်တော်ရိပ် သုခုမည ပွဲကို သွားခဲ့ပါတယ်…။
စွယ်တော်ရိပ်ပွဲကို နှစ်စဉ်လုပ်နေကျ ဖြစ်သော်လည်း မနှစ်က ၂၀၁၂ မှာ မလုပ်ဖြစ်တဲ့အတွက် ဒီနှစ် ပွဲ ကြော်ငြာတွေ့တော့ ဝမ်းသာသွားပါတယ်။ ညနေ ငါးနာရီ တိတိမှာ ထူးခြားတဲ့ အစီအစဉ်တခုနဲ့အတူ အခန်းအနားကို စတင်မယ်လို့ Facebook မှာ ရေးထားတာ တွေ့ရတာမို့ အချိန်မီ အရောက် သွားခဲ့ပါတယ်။ ငါးနာရီ တိတိ မဟုတ်သော်လည်း ငါးနာရီ နဲ့ ဆယ့်ငါးမိနစ် မှာ ပွဲကို စပါတယ်။

အဲဒီ ခန်းမကို ဟိုးတနှစ်က စာပေဟောပြောပွဲတုန်းက တစ်ခေါက် ရောက်ဖူးပါတယ်…။ ဒီတစ်ခေါက် ခန်းမထဲရောက်တော့ သတိထားမိတာကတော့ အရင်နဲ့ မတူ ထူးခြား သပ်ရပ်တဲ့ အဆင်အပြင်ပါ။ ကျွန်မထင်တာ မမှားဘူးဆိုရင် ထိုင်ခုံတွေရော၊ အောက်က ကြမ်းခင်း ကော်ဇောတွေရော အသစ်တွေ လို့ ထင်ပါတယ်။ ပြီးတော့ တတန်းနဲ့ တတန်းလည်း ထိုင်ခုံတွေ ခြားထားတာ အရင်ကလို ဒူးတိုက်မနေပဲ အနည်းငယ် ပိုကျယ်ဝန်းလာပါတယ်….။ သန့်စင်ခန်းကတော့ အရင်လိုပဲ ခန်းမရဲ့ အရှေ့ညာဖက်မှာ ရှိနေတုန်းပါ။ ဒါပေမဲ့ အသစ် ပြန်လည် ပြုပြင်ထားတဲ့အတွက် သန့်ရှင်း သပ်ရပ်နေတာ တွေ့ရပါတယ်။

ပွဲစစချင်းမှာ ပုပ္ပါးမယ်တော်ကို ပူဇော်ပသတဲ့ ကကွက်၊ ပွဲကြိုက်ခင် သီချင်း အဆိုနဲ့ အက၊ ခေတ် လေးခေတ် ရခိုင်လူမျိုးတို့ရဲ့ ဝတ်စား ဆင်ယင်မှု ရိုးရာကို ဖေါ်ပြတဲ့ ကကွက် တွေနဲ့ စပါတယ်။ ရိုးရာအက လှလှပပတွေ မမြင်ရတာ ကြာနေပြီဆိုတော့ စိတ်ထဲမှာ တော်တော် ကြည်ကြည်နူးနူးနဲ့ နှစ်သက် သဘောကျမိပါတယ်။ အဲဒီနောက်မှာ ကပြတာကတော့ မောရ မာယာ ဆိုတဲ့ အစီအစဉ်ပါ… အဲဒီ ကိန္ဒရီ ကိန္ဒရာ ကကွက်မှာ ကတဲ့ မင်းသား မင်းသမီး နှစ်ယောက်စလုံး တကယ် အက ကောင်းကြတာ တွေ့ရတယ်။ ပြီးတော့ သူတို့ရဲ့ ဝတ်စုံတွေ သိပ်လှတယ်လို့ သိသိမှတ်မှတ် သတိပြုမိပါတယ်…။

အဲဒီနောက်မှာတော့ ဂီတပဒေသာလို့ ခေါ်တဲ့ တခန်းရပ် ပြဇာတ်ဆန်ဆန် ကကွက်… အဲဒါပြီးတော့ ပန်းကောက်တေး သီချင်းနဲ့ တေးသရုပ်ဖေါ် အစီအစဉ်ပါ။ ပန်းကောက်တေး သီချင်းကို ငယ်ငယ်တုန်းကသာ ကြားဖူးပြီး နောက်ပိုင်းမှာ မကြားရတာ ကြာလှပြီ ဖြစ်လို့ အခုလို မမျှော်လင့်ပဲ ပြန်ကြားရတော့ တော်တော် သဘောကျမိပါတယ်။ အဲဒီလိုချစ်စရာသီချင်းလေးကို လိုက်လိုက်ဖက်ဖက် ရွေးချယ် ကပြတဲ့ စိတ်ကူး အတွေးလေးကိုလည်း တကယ် သဘောကျမိပါတယ်။ ပန်းကောက်တေး တေးသရုပ်ဖေါ် ပြီးတော့ မင်းသား မင်းသမီး စုံတွဲ သုံးတွဲရဲ့ စန်းနွေဦး ခေတ်ဆန်း နှစ်ပါးသွား အစီအစဉ်ပါ။ အကတွေ များနေလို့ ပျင်းသလိုလို ဖြစ်လာတဲ့ အချိန်မှာ မေဓါဝီနဲ့ ဗေဒါရီ တခန်းရပ် ပြဇာတ်ကို ကပါတယ်။ ရယ်လည်း ရယ်ရ ကြည့်လို့လည်း ကောင်းတဲ့ ပြဇာတ်လေးပါ။ အဲဒါပြီးတော့ သင်္ကြန်အမှတ်တရအဖြစ် ရေတွေ စိုကုန်ပြီ သီချင်းနဲ့ အဆို အက… သီချင်းလိုက်ဆိုရင်း လက်ခုတ်တီးရင်းမှာပဲ တွေးမိကြတာက ဒါပြီးရင် ပထမပိုင်းတော့ ပြီးလောက်ပြီ.. ညနေစာ စားရတော့မယ်လို့ပါ…။

ဒါပေမဲ့ ချစ်သော ငွေတောင်သူ လို့ အမည်ရတဲ့ ကကွက်တခု လာပြန်ပါတယ်…။ ဗိုက်တွေလည်း ဆာနေကြပြီမို့ အဲဒီကကွက်မှာ လူတွေ လှုပ်လှုပ်ရွရွနဲ့ မငြိမ်လှတော့ပါဘူး..။ အချိန်ကလည်း အတော်လင့်နေပြီမို့ ညနေစာ စားဖို့ ကြေငြာတဲ့အသံကို မျှော်နေကြပါတယ်။ အဲဒါပြီးတော့ စားရပြီဟဲ့လို့ ထင်ထားရာကနေ နောက်ထပ် အစီအစဉ်တခုအတွက် ဆက်ကြေငြာတော့ အပြင်ထွက်တော့မလို စားရတော့မလို ဖြစ်နေကြတဲ့ ပရိတ်သတ်ကြီးလည်း နေရာမှာ ပြန်ထိုင်လိုက်ကြတာ တွေ့ရပါတယ်။ ပြဇာတ်ကတော့ အထေ့ အငေါ့လေးတွေနဲ့ ပေါ့ပေါ့ပါးပါး ရယ်ရပါတယ်…။ ဝ.ဝ.က ဆိုတာ ဝိညာဉ် ဝင်မှု ကြီးကြပ်ရေး ဆိုလို့ ရယ်လိုက်ရတာ…။ နာရီကြည့်လိုက်တော့ အချိန်ကလည်း ရှစ်နာရီခွဲကျော်ကျော်ဆိုတော့ နာရီဝက်နီးပါး ကပြနေတဲ့ ဒီပြဇာတ်ပြီးရင်တော့ ညစာ စားရတန်ကောင်းရဲ့ လို့ ထင်ထားမိတာပေါ့…။

ပြဇာတ်လည်း ပြီးရော အစီအစဉ်ကြေငြာသူတွေ တခေါက် ပြန်ထွက်လာပြီး Hip Hop တေးသရုပ်ဖေါ်လို့ ကြေငြာပြန်ပါတယ်…။ သူငယ်ချင်းအချို့ကတော့ အပြင်ထွက်လာခဲ့… စားလို့ရနေပြီလို့ Message လှမ်းပို့ပါတယ်။ ဒါပေမဲ့လည်း စင်ပေါ်မှာ ကပြနေတဲ့ ကလေးတွေကို အားနာတာကတကြောင်း၊ စားလို့ရပြီလို့ တရားဝင် မကြေငြာသေးတာက တကြောင်းမို့ ထွက်မသွားဖြစ်ပါဘူး…။ အဲဒီ Hip Hop အကတွေ ပြီးမှ ညစာ စားလို့ရပြီ ဆိုတဲ့အကြောင်း ကြေငြာပါတယ်။

ညစာအနေနဲ့ ကျွေးတာတော့ ဖေါ့ဗူးအဖြူရောင်တွေနဲ့ ထည့်ထားတဲ့ ထမင်းကြော်နဲ့ ရေသန့်ဗူး တဗူးစီပါ။ မြန်မာပိုင် ဟိုတယ်တစ်ခုက စပွန်ဆာပေးတယ်လို့ သိရပါတယ်။ အားနာနာနဲ့ ပြောရရင် စားရတာ တော်တော်လေးကို အဆင်မပြေတဲ့ ထမင်းကြော်ပါ။ အရသာ မကောင်းရုံတင်မက တချို့ဗူးတွေမှာဆို ထမင်းကြော်က တဝက်လောက်ပဲ ပါတာ တွေ့ရပါတယ်။ အသားစ တချို့ကို တွေ့လို့ ကြက်သားနဲ့ ကြော်ထားတယ်လို့ ယူဆပါတယ်… ဒါပေမဲ့ ကြက်သားဖတ်ကို ဝါးကြည့်တော့ ဆီနံ့လိုလို အနံ့တမျိုးရပါတယ်…။ တိုတိုပြောရရင်တော့ အရင်ပွဲတွေမှာ စားရတဲ့ ဒန်ပေါက်ထမင်းတို့… ဆီထမင်းနဲ့ ငါးခြောက်ကြော်တို့လောက်ကို ခံတွင်းမတွေ့တဲ့ ညစာပါ…။ စားသောက်ပြီး အထဲပြန်ဝင်ချိန်မှာ ရေသန့်ဗူးတွေ ရုံထဲကို ပြန်မယူသွားရဘူး ဆိုတဲ့ စည်းကမ်းအတိုင်း သောက်လက်စ ရေဗူးတွေကို အပြင်မှာပဲ ထားခဲ့ရပါတယ်... (နည်းနည်းတော့ wasted ဖြစ်တယ်လို့ ခံစားရပါတယ်) အဲဒီလောက် ပြောနေ တားနေတဲ့ကြားထဲကတောင် ရေဗူးတွေကို ဖွက်ပြီး ရုံထဲ ယူလာတဲ့သူတွေကိုလည်း ရယ်ချင်စဖွယ် တွေ့ရပြန်ပါသေးတယ်...။

ညစာစားချိန် ၁၅ မိနစ် ပြီးရင် ပွဲပြန်စမယ်လို့ ကြေငြာထားတဲ့အတိုင်း တကယ် ပြန်စပါတယ်…။ ပရိတ်သတ်ကလည်း စားမကောင်းကြလို့လား… ဆာဆာနဲ့ မြန်မြန် သွက်သွက် စားလိုက်ကြလို့လား… ဗူးတွေမှာ ထမင်းကြော်က တဝက်လောက်ပဲ ပါလို့လား… မသိ… အရင်ပွဲတွေလိုမဟုတ်ပဲ ရုံထဲကို ၁၅ မိနစ်အတွင်းမှာ ပြန်ရောက်လာကြပါတယ်…။

ဒုတိယပိုင်းအနေနဲ့ ကပြတာကတော့ ပရိတ်သတ်ကြီး မျှော်လင့် စောင့်စားနေတဲ့ စွယ်တော်ရိပ်ရဲ့ အငြိမ့်ခန်းပါ။ မင်းသမီးချောလေး နှစ်လက်နဲ့ အတူ လူရွှင်တော် သြဘာ၊ ချိန်သီး၊ ဓါတ်ကြိုးနဲ့ ပူလီ တို့ပါဝင်ပါတယ်…။ တော်တော်လေး ရယ်ရပါတယ်…။ ဒါပေမဲ့ ဒီနှစ်မှာ ပြက်စရာ ပြက်လုံး နည်းသွားသလိုပဲ… လို့ အနားက သူငယ်ချင်းနဲ့ ပြောဖြစ်ပါတယ်…။ အရင်တုန်းကတော့ မြန်မာပြည်က အဆီအငေါ် မတည့်မှုတွေ၊ အစိုးရအပေါ် မကျေနပ်ချက်တွေ၊ ဒီက သံရုံးရဲ့ ဆက်ဆံရေး အဆင်မပြေမှုတွေနဲ့ အတူ ထေ့စရာ ငေါ့စရာ ပြက်လုံးတွေများပြီး ပြက်ရတာလည်း ပိုပြီး ထိထိမိမိနဲ့ ချက်ကျ လက်ကျ ရှိလှတယ်လို့ ထင်မိပါတယ်။ အခုတော့ ၁၅၀၀ တန် တယ်လီဖုန်း မဲနှိုက်ရတာလောက်… ရန်ကုန်မှာ ကားလမ်းတွေ ကျပ်တာလောက်… သစ်ပင်တွေ ခုတ်တာလောက်သာ ပြောဖြစ်တာကို တွေ့ရပါတယ်။ တဖက်က တွေးတော့လည်း သရော်စရာ ကလော်စရာ နည်းပါးသွားတာဟာ ကောင်းလာတဲ့ လက္ခဏာပဲ မဟုတ်လား… လို့ သူငယ်ချင်းကို ပြောရင်း ကြံဖန် ကျေနပ်ရပါသေးတယ်။ အဲဒီနောက်မှာတော့ အချိန်ကန့်သတ်ချက်အရ လူရွှင်တော်တွေ ပြက်လုံး တကွက် ကျန်နေသေးသော်လည်း ည ၁၁ နာရီမှာ ရွှေမိုး ငွေမိုး သီချင်းနဲ့အတူ ပွဲကို သိမ်းလိုက်ရပါတယ်…။



ဒီပွဲမှာ အရင်နှစ်တွေ အရင်ပွဲတွေကလို မိတ်ဆွေ ဘလော့ကာတွေ များများစားစား မတွေ့ခဲ့ရပါဘူး…။ ကျွန်မတွေ့သလောက်ကတော့ ပွဲအစကနေ အဆုံး ဓါတ်ပုံရိုက်ပေးနေတဲ့ ဂျစ်တူး (မုံရွာ) ရယ်၊ သူငယ်ချင်း ချစ်ကြည်၊ တန်ခူး၊ စင်စင်၊ TOI နဲ့ ခမမ တို့ပါပဲ…။ ပွဲရှိတာကို မသိလို့ပဲလား… အလုပ်တွေပဲ မအားကြလို့လား… လို့ တွေးနေမိပါတယ်။ နောက်တခုက ဒီပွဲကို Sky Net ကလည်း လာရောက် ရိုက်ကူးတယ်လို့ သိရပါတယ်…။ ဒီတော့ နောက်ရက် အနည်းငယ်ကျရင် မြန်မာပြည်က Sky Net ပရိသတ်တွေ ကြည့်ကြရမယ်လို့ ထင်ပါတယ်။

ခြုံကြည့်ရရင် မနေ့ညက ပွဲဟာ အလွန် ကောင်းမွန်ပြီး လှပ သေသပ်တဲ့ ပွဲတစ်ပွဲ ဖြစ်ပါတယ်။ ဒီလို ပွဲတစ်ပွဲဖြစ်ဖို့ စီစဉ်ရတာ လွယ်တဲ့ ကိစ္စတစ်ခု မဟုတ်ပါဘူး။ ပွဲစီစဉ်သူတွေ၊ ဇာတ်ညွှန်း ဇာတ်ကွက် စီစဉ်သူတွေ၊ ကိုယ်တိုင် ကိုယ်ကျ ပါဝင်ကပြသူတွေဟာ အလုပ်တာဝန်တွေ ကိုယ်စီ၊ မိသားစုတာဝန်တွေ ကိုယ်စီနဲ့ မအားမလပ်တဲ့ကြားက အချိန်ပေးပြီး ဒီပွဲကို ဖြစ်မြောက်အောင် ကြိုးစားခဲ့ကြရလို့ စွယ်တော်ရိပ်အဖွဲ့သူ အဖွဲ့သား တယောက်ချင်းစီရဲ့ ဝါသနာနဲ့ အားထုတ်မှုကို တကယ်ပဲ လှိုက်လှိုက်လှဲလှဲ ချီးကျူးမိပါတယ်…။ နောင်နှစ်များမှာလည်း အခုလိုပဲ စွယ်တော်ရိပ်ပွဲကို လှလှပပ စည်စည်ကားကား ကျင်းပနိုင်ဖို့ မျှော်လင့် ဆုတောင်းပါတယ်…။



မြင်တွေ့သမျှ ပြောပြပါမည် (၁)
မြင်တွေ့သမျှ ပြောပြပါမည် (၂)