Monday, September 24, 2018

ပျော်ရွှင်မှု မိုးရေစက်များ

ဒီနေ့ဟာ မိုးနေ့ပဲ။
မိုးချည်းပဲရွာပြီး လေမတိုက်တဲ့အချိန်ဆိုရင် မိုးစက်တွေ မိုးပေါ်က ကျလာပုံဟာ အဖြူရောင် ဒေါင်လိုက်မျဉ်းပြိုင်တွေအတိုင်း ညီညာ ဖြောင့်တန်းလို့။ ဒေါသ အနည်းငယ်စွက်နေဟန်တူတဲ့ အဲဒီမိုးရေစက်တွေကပဲ သစ်ပင်တွေပေါ်က ကြွေလုကြွေခင် အရွက်ခြောက်တွေနဲ့ ပွင့်ဖတ်တွေကို တစ်ခါတည်း ခြွေချသွားသေးတယ်။ သစ်ပင်ခြေရင်းမှာတော့ ညိုဝါဝါ အရောင်အဆင်းနဲ့ ရွက်ကြွေတွေဟာ ပွင့်ဖတ်အနွမ်းတွေနဲ့ ရောနှောပြီး အနည်းငယ် လှုပ်ရှားလွန့်လူးလို့၊ မိုးရေစက်တွေက မရပ်မနား ကျနေတော့ သူတို့လေးတွေ နာကျင်နေမှာပေါ့နော်။ သစ်ရွက်လေးတွေလည်း နာကျင်မှုကို သိကြတာပဲ။ ပွင့်ဖတ်နွမ်းနွမ်းတွေကလည်း နာကျင်မှုကို သိကြတာပဲ။ ကျွန်တော် မနက်တိုင်း အစာကျွေးနေကျ မိညောင်လို့ နာမည်ပေးထားတဲ့ ကြောင်ကလေးကတော့ မိုးစက်တွေနဲ့ လွတ်အောင် ရှောင်ပုန်းနားနေစရာ နေရာလေးတစ်ခုကို အထိတ်ထိတ် အလန့်လန့် မျက်နှာနဲ့ လိုက်ရှာနေတယ်။ မကြာခင်မှာပဲ သူ့ရဲ့ အသိဉာဏ်လေးရှိသလောက်နဲ့ ရှာထားတဲ့ သစ်ပင်ခပ်သေးသေးတစ်ပင်အောက်မှာ ငြိမ်ပုပြီး ထိုင်နေလေရဲ့။ အမွှေးညိုလေးတွေမှာလည်း မိုးရေစက်တွေ စိုစိုစွတ်စွတ်၊ မျက်လုံးဝိုင်းနဲ့ သူ့မျက်နှာသေးသေးလေးကလည်း သနားစရာလေး။ မိုးတွေ ရွာပေမယ့် လမ်းပေါ်မှာလည်း လူတွေက ထီးကိုယ်စီနဲ့ ဟိုဒီ သွားလာလှုပ်ရှားနေကြမြဲ၊ တစ်ချက် တစ်ချက် လေပြင်းပြင်းတိုက်လိုက်ရင်တော့ သူတို့ဟာ ထီးလက်ကိုင်တွေကို ခပ်တင်းတင်းဆုတ်ထားလိုက်ကြတယ်။ မိုးကာအရှည်တွေနဲ့ ကိုယ့်ကိုယ်ကိုယ် ကာကွယ်လိုက်ကြသူတွေကိုလည်း တွေ့ရဲ့။ ကားတွေ ဆိုင်ကယ်တွေလည်း အရှိန်နှေးနှေးပေမယ့် အသွားအလာ မပျက်ပါ။ အခုလို သည်းသည်းမည်းမည်းရွာနေတဲ့နေ့မျိုးမှာတောင် ရှောင်လွှဲလို့ မရတဲ့ စားဝတ်နေရေးတွေအတွက် တာဝန်တွေ ကိုယ်စီရှိကြတယ် ထင်ပါရဲ့နော်။

•••••

အဲဒီမြင်ကွင်းတွေနဲ့ မိုးရေစက်တွေကိုငေးကြည့်ရင်း ငယ်ငယ်က မိသားစုစုံလင်တဲ့ မိုးနေ့တွေကို ပြန်သတိရမိတယ်။ ပျော်ရွှင်မှုတွေ ပြည့်နှက်နေတဲ့ နေ့စွဲတွေ…။ အိမ်ငယ်လေးတစ်လုံးထဲမှာ ဖေဖေရယ် မေမေရယ် မောင်လေးရယ် ကျွန်တော်ရယ် နောက်ပြီး ကြောင်ဖြူကလေးတစ်ကောင်ရယ်ပေါ့။

မိုးတွေ သည်းလာပြီဆိုရင် အိမ်ထဲကို မိုးပက်မှာစိုးတော့ ပြတင်းပေါက်တွေ အကုန်လုံးပိတ်ထားရတယ်။ ဖေဖေက ကလေးတွေ အအေးမမိစေနဲ့၊ အိမ်ထဲမှာ နွေးနွေးထွေးထွေး နေကြဟေ့… လို့ ဆော်သြလေ့ရှိတယ်။ ရုံးပိတ်ရက် ကျောင်းပိတ်ရက်ဆိုပေမယ့် အပြင်သွားစရာ အကြောင်းအရာတွေ၊ သာရေး နာရေး လူမှုရေး အစရှိတဲ့ ခေါင်းစဉ်တွေလည်း ထူးထူးထွေထွေ ရှိမနေပါဘူး။ ပိတ်ရက်တွေတိုင်းဟာ အေးအေးဆေးဆေး သက်တောင့်သက်သာ အနားယူလို့ရတဲ့ နေ့ရက်တွေပါပဲ။ ရုပ်မြင်သံကြားကလည်း အခုလို နှစ်ဆယ့်လေးနာရီ မရဘူး၊ ညဖက်မှ လာတာဆိုတော့ နေ့လည်နေ့ခင်းတွေဟာ မိသားစု အနားယူဖို့ အပန်းဖြေဖို့ သက်သက်ပါပဲ။ အချိန်ရှိသရွေ့ တယ်လီဖုန်းတွေ၊ တက်ပလက်တွေလည်း ငုံ့ကြည့်နေစရာမရှိတာမို့ ကျွန်တော်တို့တွေ စာအုပ်ကိုယ်စီနဲ့ စောင်ထဲမှာ လုံးထွေးလို့၊ နေ့လည် တစ်နာရီခွဲကနေ နှစ်နာရီအထိ လာလေ့ရှိတဲ့ မြန်မာ့အသံ အင်္ဂလိပ်ပိုင်း အစီအစဉ်က သီချင်း သုံးပုဒ်ကို စောင့်နားထောင်လို့။ Abba အဖွဲ့ ဒါမှမဟုတ် Boney M အဖွဲ့တွေက သီချင်းမျိုး လာတဲ့နေ့ဆိုရင် ကျွန်တော်တို့ ရသလောက် လိုက်ဆိုရင်း စိတ်လှုပ်ရှား ပျော်ရွှင်လို့။ နေ့လည် သုံးနာရီ ကော်ဖီချိန်ရောက်တော့ မေမေဖျော်နေတဲ့ လက်ရွေးစင် ကော်ဖီရဲ့ အနံ့ဟာ တစ်အိမ်လုံး မွှေးပျံ့နေတာ။ ကော်ဖီသောက်လို့ ရပြီဟေ့ ဆိုရင် အိပ်ရာထဲ စောင်တွေထဲက ထလာကြပြီး မိသားစုမုန့်ပုံးထဲက ဘီစကစ်အဝိုင်းလေးတွေနဲ့ ကော်ဖီပူပူနဲ့ တို့စားကြတာပဲ။ မောင်လေးက မိသားစုမုန့်ပုံးပေါ်က ပုံကို လက်နဲ့ထောက်ရင်း ဖေဖေ မေမေ မမ သားသားလို့ ရေရွတ်လိုက်ရင်တော့ အကုန်လုံး ရယ်မောရပြန်တာ။ အဲဒီမုန့်ပုံးကို မြင်တိုင်း သူအမြဲပြောနေကျ၊ သူပြောတိုင်းလည်း ကျွန်တော်တို့ အားလုံး (ဘယ်တော့မှ မရိုးနိုင်ပဲ) ပျော်ပျော်ပါးပါး ရယ်မောနေကျ။ ကော်ဖီသောက် မုန့်စားပြီးရင်တော့ စောင်ထဲပြန်ဝင်ပြီး စာဖတ်ကြတာပဲ။

သိလား... ကြောင်ဖြူလေးကလည်း ချမ်းတတ်တယ်။ စောင်ထဲကို ဝင်ချင်လို့ သူ့လက်ကလေးနဲ့ လူတွေကို လိုက် လိုက် တို့တယ်။ သဘောကောင်းတဲ့မောင်လေးက စောင်ကိုဖွင့်ပေးလိုက်ရင် တိုးဝင်သွားပြီး ခွေအိပ်နေတော့တာ။ မောင်လေးက ကာတွန်းဖတ်ပြီး တခစ်ခစ်ရယ်ရင် ကြောင်လေးက သူ့ကို မြှူတယ်ထင်ပြီး ထဆော့တတ်သေးတယ်။ မောင်လေးက နားထဲမှာ နားကြပ်တပ်ပြီး သီချင်းနားထောင်ရင်တော့ ကြောင်လေးက သူပါ နားထောင်ချင်သလို မျက်လုံးဝိုင်းလေးတွေနဲ့ ကြည့်နေတတ်တယ်။ သူ့နားထဲကို နားကြပ်ထည့်ပေးရင် အစပိုင်းမှာ နည်းနည်းထိတ်လန့်သလို ခေါင်းကို ခါထုတ်တတ်တယ်။ သိပ်ဆူတဲ့ သီချင်းကို ကြောင်ဖြူလေးက မကြိုက်ဘူး။ အေးအေးဆေးဆေး သီချင်းမျိုး ဖွင့်ပြီး အသံကို နည်းနည်းတိုးပေးလိုက်ရင်တော့ ငြိမ်ပြီး နားထောင်နေတာပဲ။ နားကြပ်တစ်ခုကို မောင်လေးနဲ့သူနဲ့ ကြိုးကလေးသွယ်ပြီး တစ်ယောက် တစ်ဖက်စီ နားထောင်နေကြတဲ့မြင်ကွင်းဟာ ပျော်စရာ ပြီးတော့ ချစ်စရာလေး။ အခုခေတ်လို ကင်မရာတွေ လက်ကိုင်ဖုန်းတွေ အလွယ်တကူ မပိုင်ဆိုင်ကြသေးတဲ့ အချိန်ဆိုတော့ အဲဒီကြောင်ကလေးမှာ အမှတ်တရ ဓါတ်ပုံမရှိရှာဘူး။

စာဖတ်ရတာ ပျင်းလာပြီ ညောင်းလာပြီ ဆိုရင်တော့ မိုးရွာတာ ကြည့်ဦးမယ်ဆို စောင်တွေထဲက ထွက်၊ ပြတင်းပေါက်ကို နည်းနည်းချင်းစီ ဟပြီး ဖွင့်ရတယ်။ ဟော... မိုးက စဲနေပြီပဲ... လို့ ကျွန်တော်က အသံကျယ်ကျယ်နဲ့ အော်လိုက်ရင်တော့ အားလုံး အခန်းအပြင်ရောက်လာကြတာပဲ။ ပိတ်ထားတဲ့ တံခါးတွေ ခန်းဆီး လိုက်ကာတွေ ဖွင့်လိုက်ကြတယ်။ ပြီးရင်တော့ ပြတင်းပေါက်ကမြင်ရသမျှ မြင်ကွင်းကို ရုပ်ရှင်ပြကွက်တစ်ခုလို မရိုးနိုင်ပဲ ကြည့်ကြပြန်တယ်။ အိမ်ရှေ့က ဓါတ်ကြိုးတန်းမှာ တွဲခိုနေတဲ့ မိုးရေစက်အလုံးလေးတွေကို လှမ်းကြည့်ရတာ ကလေးဘဝက ပျော်ရွှင်စရာတွေထဲက တစ်ခုအဖြစ် အခုထိ အမှတ်ရနေတုန်းပဲ။ ဆပ်ပြာပူဖေါင်းလေးများ အချိန်စေ့ရင် သူ့အလိုလို မှိန်ဖျော့ ပါးလျပြီး ဖေါက်ကနဲ ပေါက်သွားတတ်ကြသလို အဲဒီရေစက်လေးတွေကလည်း သူတို့အလေးချိန်ကို သူတို့ ထိန်းမထားနိုင်တဲ့အခါကျရင် ဖျတ်ဆို ပြုတ်ကျသွားကြတာ။ ဓါတ်ကြိုးတန်းတွေပေါ် ခိုတွေ ကျီးကန်းတွေ လာနားပြီး ရုတ်တရက် ထပျံကြရင်တော့ ရေစက်တွေ တော်တော်များများ တစ်ချိန်တည်း ပြုတ်ကျသွားတတ်တယ်။ ငြူစူရကောင်းစေလို့ မထင်ပါဘူး။ ကလေးပီပီ ပျော်ရွှင် ရယ်မောနေခဲ့တာပါပဲ။

မိုးစဲသွားတဲ့ကောင်းကင်ဟာ စောစောကလို မှုန်မှိုင်းမနေတော့ဘူး၊ အပြာရောင်သမ်းစပြုလာပြီ။ သစ်ရွက်တွေကလည်း မိုးရေစက်တွေက ရေချိုးပြီး အလှဆင်ပေးလိုက်သလို စိမ်းစိုလင်းလက်နေတာပဲ။ အဲဒီလို သန့်ရှင်းနေတဲ့ သစ်ပင်၊ သစ်ရွက်တွေ ပန်းပွင့်ရောင်စုံတွေ၊ မြက်ခင်းတွေနဲ့ အိမ်ရှေ့က လမ်းလေးတွေကို ပြပြီး ကျွန်တော်တို့ကိုလည်း ကလေးတွေ သန့်ရှင်းအောင် ရေချိုးကြတော့ လို့ မေမေက ပြောတယ်။ ရေမိုးချိုးပြီးတော့ ကျွန်တော်တို့ မောင်နှမက ညနေစောင်း နေဝင်ချိန်လေးကို သီချင်းနားထောင်ရင်း စောင့်ကြည့်၊ ဖေဖေက အိမ်ထဲမှာ စာဖတ်၊ မေမေကတော့ ညစာ ချက်နေတာပေါ့။ ကြောင်ဖြူလေးက ကျွန်တော်တို့အနားမှာ ငြိမ်ငြိမ်သက်သက် လာထိုင်လို့ သူလည်း မေမေ့လက်ရာ ညစာကို မျှော်နေပုံပဲ။ ခဏနေတော့ မီးအားမပြည့်တပြည့် မီးပွင့်နီကျင်ကျင်လေးတွေ ဖွင့်ပြီး မိသားစု ညစာ အတူတူစားကြတာပေါ့။ ဘယ်လောက် ပျော်စရာကောင်းတဲ့ အချိန်တွေလဲ။

•••••

ရေးလက်စ စာ တစ်ပိုင်းတစ်စမှာ သတိရလို့ အိမ်အပြင်ကို လှမ်းကြည့်လိုက်တော့ အခုနက ဒေါကြီးမောကြီးနဲ့ ရွာနေတဲ့မိုးဟာ တိတ်သလောက် ဖြစ်နေပြီ။ မိုးသားနဲ့ ညအမှောင်နဲ့ အနည်းငယ် ရောနှောစပြုနေပြီ။ နေဝင်တာကိုလည်း မသိလိုက်ရပါလားလို့ တွေးရင်း ငယ်ငယ်က မိုးနဲ့ အခုမိုးကို (အလိုလို) နှိုင်းယှဉ်ကြည့်မိလျက်သား ဖြစ်သွားတယ်။ ငယ်ငယ်တုန်းက ငေးမောနေကျ၊ မြင်ဖူးနေကျ မိုးဟာ ဒီနေ့ ရွာသွားတဲ့ မိုးလို သစ်ပင်ပေါ်က သစ်ရွက်ခြောက်တွေကို ဒေါနဲ့ မောနဲ့ ခြွေချခဲ့ပုံလည်း မရပါဘူး၊ သစ်ပင်ခြေရင်းမှာ နာကျင်မှုနဲ့ လူးလွန့်နေတဲ့ ရွက်ခြောက်တွေ ပွင့်ဖတ်အနွမ်းတွေလည်း မရှိကြပါဘူး။ သစ်ပင် သစ်ရွက်တွေနဲ့ ပန်းရောင်စုံတွေဟာ ရေချိုးထားသလို ပကတိ သန့်ရှင်းကြည်လင်ပြီး စိမ်းစိုလို့၊ ကျွန်တော်တို့အားလုံးလည်း စိတ်ရောကိုယ်ပါ အေးမြငြိမ်းချမ်းလို့သာ ကျန်နေခဲ့တာပါ။ ဒီနေ့ရွာသွားတဲ့မိုးကတော့ဖြင့်… ကြည့်ပါဦး… ရေစိုနေတဲ့ ဒါဏ်ရာရ သစ်ရွက်ခြောက်တွေနဲ့ ပွင့်ဖတ်ကြွေ အပိုင်းအစတွေက နေရာအနှံ့၊ နာကျင်မောပန်းနေဟန်တူတဲ့ သစ်ပင်ကြီးတွေက ခပ်ငြိမ်ငြိမ်၊ အုန်းလက်အကျိုးအပဲ့တွေနဲ့ သစ်ကိုင်းခြောက်တစ်ချို့ကတော့ လူသွားစင်္ကြန်လမ်းပေါ်မှာ ဖရိုဖရဲ ကန့်လန့်ဖြတ် လဲကျလို့။ လူတွေ ကားတွေကလည်း အနားမနေနိုင်၊ သူတို့ကိစ္စနဲ့သူတို့ လှုပ်ရှားသွားလာနေမြဲ။ မိုးစက်လေးတွေတွဲခိုနေတဲ့ ဓါတ်ကြိုးတန်းတွေလည်း မတွေ့ရ၊ ခုနက မိုးစိုနေတဲ့ကြောင်လေး မိညောင်ကတော့ ကြောက်တဲ့ အရှိန် ပြေသေးဟန်မတူ၊ ခေါ်တာတောင် လှည့်ကြည့်ဖေါ်မရဘူး၊ သစ်ပင်အောက်မှာ ပုံစံမပျက် ဝပ်နေတုန်း။ အဲဒီမြင်ကွင်းတွေကြည့်ရင်း၊ ငယ်ငယ်က မိုးနေ့တွေကို ပြန်သတိရရင်း စာရွက်ဖြူဖြူပေါ်မှာ ကျွန်တော်ချရေးမိတဲ့ စာကြောင်းတွေကလည်း မိုးရေစက်တွေ ထိခတ်ခံထားရသလို မျှော်လင့်မထားတဲ့ ဝမ်းနည်းခြင်းတွေနဲ့ စိုစွတ်နေပါလား။ မိုးရွာပြီးစခြင်း အတူတူကို ငယ်ငယ်က မိုးနေ့တွေနဲ့ မတူပဲ ပျော်စရာမကောင်းတော့တာ ဘာကြောင့်ပါလိမ့်။

အရင်ကတော့ ကျွန်တော်ကပဲ အလွယ်တကူ ပျော်ရွှင်တတ်လို့လား၊ ပျော်ရွှင်စရာတွေကပဲ ကျွန်တော့်ဆီ အလွယ်တကူ ရောက်လာတတ်လို့လား မသိဘူး၊ အရာရာတိုင်းဟာ ပျော်ရွှင်စရာတွေချည်းပဲ၊ တွေးကြည့်ရင် လှိုက်လှဲပျော်ရွှင်ခဲ့ရတဲ့ နေ့စွဲတွေ၊ အချိန်တွေ၊ အဖြစ်အပျက် အကြောင်းအရာတွေ တော်တော်များပါတယ်။ ကြိုးတန်းပေါ်က မိုးရေစက်တွေဟာလည်း ပျော်ရွှင်မှုပဲ၊ တဖျတ်ဖျတ်လှုပ်ခါနေတတ်တဲ့ ခန်းဆီးစလေးဟာလည်း ပျော်ရွှင်မှုပဲ၊ သွပ်မိုးပေါ်ကို မိုးစက်တွေကျတဲ့အသံကလည်း ပျော်ရွှင်မှုပဲ၊ မိသားစု မုန့်ပုံးထဲက ဘီစကစ်ချပ်တွေဟာလည်း ပျော်ရွှင်မှုပဲ၊ ရေဒီယိုက လာလေ့ရှိတဲ့ Boney M ရဲ့ River of Babylon နဲ့ Abba ရဲ့ Super Trouper ကလည်း ပျော်ရွှင်မှုပဲ၊ ရှုမဝမဂ္ဂဇင်းထဲက ဝါကျင့်ကျင့်စာရွက်လေးတွေကလည်း ပျော်ရွှင်မှုပဲ၊ တဂျစ်ဂျစ် အသံမြည်အောင်လှည့်ပြီး ဆက်ရတဲ့ အမည်းရောင်တယ်လီဖုန်းတစ်လုံးဟာလည်း ပျော်ရွှင်မှုပဲ၊ မီးရောင်မှိန်မှိန်နဲ့ ဧည့်ခန်းလေးဟာလည်း ပျော်ရွှင်မှုပဲ။ ဖေဖေ မေမေ မောင်လေး... ပြီးတော့ ကြောင်ဖြူလေး… ပြောရရင် အရာရာဟာ ပျော်ရွှင်မှုတွေ ပြည့်နှက်လို့ပါပဲ။

အခုအချိန်မှာတော့ ပျော်ရွှင်မှုဆိုတာ ဘာကိုခေါ်တာပါလိမ့်လို့ တွေးရင်း တွေးရင်း အရာရာဟာ ဇဝေဇဝါဖြစ်လာခဲ့တယ်။ ဘယ်အရာကမှ ထူးထူးခြားခြား ပျော်စရာကောင်းလှချည့်လို့ မခံစားရတော့တာလည်း တော်တော် ကြာနေပြီ။ အများသူငါတွေ အားကျ ငေးမောကြရတဲ့ တန်ဖိုးကြီးပစ္စည်းတွေ၊ နေရာဒေသ အသစ်အဆန်းတွေ၊ အရသာရှိလှပါတယ်ဆိုတဲ့ စားကောင်းသောက်ဖွယ်တွေ၊ ဆန်းသစ်ခေတ်မီတဲ့ ရုပ်ဝတ္ထုပစ္စည်းတွေ… ဘယ်အရာမျိုးတွေကမှ ကျွန်တော့်စိတ်ကို ပျော်ရွှင်လာအောင် မစွမ်းဆောင်နိုင်ခဲ့ပါဘူး။ တစ်ခါတစ်ခါ မျက်စိလည် လမ်းမှားပြီး ရောက်လာတတ်တဲ့ ပျော်ရွှင်မှုအပိုင်းအစ ခပ်သေးသေးတွေဟာလည်း အစစ်အမှန်တွေ မဟုတ်ကြလို့ ထင်ပါရဲ့၊ ကျွန်တော့်ဆီမှာ ဘယ်တော့မှ ကြာကြာမနေတတ်ကြဘူး၊ လှိုက်လှဲဝမ်းသာ ပျော်ရွှင်ရတော့မလိုလိုနဲ့ ထင်ယောင်ထင်မှား ဖြစ်ပြီး ခဏနေတော့ သူ့အလိုလို အငွေ့ပျံ ပျောက်ကွယ်သွားတတ်တာတွေချည်းပါပဲ။

တကယ်ပဲ ပျော်စရာမကောင်းတော့ဘူးနော်၊ ဘယ်လိုမှ မပျော်တတ်တော့အောင် ကိုယ်ရော စိတ်ပါ ထုံပေပေဖြစ်သွားပြီတယ် ထင်တယ် လို့ တစ်ယောက်တည်း ရွတ်ဆိုညည်းတွားနေရင်း တစ်နေ့ပြီး တစ်နေ့ (မကုန်ချင်လည်း) ဒီလိုပဲ ကုန်ရပြန်တယ်။ စိတ်ပါတဲ့နေ့တွေမှာဆိုရင်တော့ သတိရသမျှကို ဟိုတစ်စ ဒီတစ်စ (အခုလို စာကြောင်းတွေ) ချရေးဖြစ်တယ်။ ပြန်ဖတ်လိုက်မိတဲ့အခါတိုင်း မိုးတွေ တစ်စက်တစ်ပေါက်မှ ရွာမနေပါပဲနဲ့ ကိုယ့်ရင်ကို အေးမြပြီး ကိုယ့်မျက်ဝန်းကို အလိုလို စွတ်စိုလာစေနိုင်တဲ့ စာကြောင်းတွေပေါ့။

သက်ဝေ
(၂၆ မေ - ၂၆ ဇူလိုင်၂၀၁၈)

၂၀၁၈ အောက်တိုဘာလထုတ် Idea Magazine တွင် ဖေါ်ပြပြီးဖြစ်သည်


Wednesday, August 1, 2018

• တစ်ခါက လက်ဆောင် •

အခန်းတံခါးကို ဖွင့်လိုက်တော့ တံခါးအဝက ကြမ်းပြင်ပေါ်မှာ ဖဲကြိုးအနက်ရောင်စည်းထားတဲ့ လက်ဆောင်ထုပ်တစ်ခုကို မမျှော်လင့်ပဲ တွေ့လိုက်ရတယ်။ တွေ့တွေ့ခြင်း ဒါဟာ လက်ဆောင်ထုပ်ရယ်လို့ အတတ်ပြောနိုင်တာကလည်း သေသေသပ်သပ် လှလှပပ ထုပ်ပိုးပြီး ဖဲကြိုးနဲ့ ပန်းပုံဖေါ်ပြီး စီးနှောင်ထားတာကို မြင်လိုက်ရလို့ပဲ။ ရုတ်တရက် ကောက်ယူမယ် ပြင်ပြီးမှ စိတ်ထဲမှာ တစ်မျိုးဖြစ်သွားပြီး လက်ကို အသာ ပြန်ရုပ်လိုက်တယ်။ ပြီးတော့ အဲဒီအထုပ်ကလေးကို သေသေချာချာ ကြည့်နေမိတယ်။ လေးထောင့်မကျတကျ လက်တစ်ဝါးသာသာအရွယ်ရှိတဲ့ ရှည်မျောမျော လက်ဆောင်ထုပ်ကလေးဟာ ဖဲကြိုးအနက်ရောင်ကို ပန်းပွင့်ပုံပေါ်အောင် ခွေလိပ် ချည်ထားရုံသာမက ထုပ်ထားတဲ့ ထုပ်ပိုးစက္ကူကလည်း အနက်ရောင်နဲ့ပဲ။ အနက်ရောင်မှ ဘာအစက်အပြောက်၊ ဘာအဆင်ဒီဇိုင်း၊ ဘာပန်းပွင့် တစ်ပွင့်တလေမှ မပါတဲ့ အနက်ရောင်ပြောင်ပြောင် စက္ကူလေးနဲ့။ ဒီလက်ဆောင်ကို အိမ်ခန်းဝအရောက် ပို့လိုက်တဲ့သူဟာ ကိုယ် အနက်ရောင်ကို သိပ်ကြိုက်မှန်းသိတဲ့သူတွေထဲက တစ်ယောက်ယောက်များလား ဆိုတဲ့ အတွေးနဲ့ စိတ်ထဲမှာ နည်းနည်းတော့ လှုပ်ရှားသွားခဲ့တယ် ဆိုတာကိုတော့ ဝန်ခံရမှာပဲ။

အဲဒီနောက်… 
မိနစ်ပိုင်းလေးမှာ ဖြစ်ပျက်သွားတဲ့ အဖြစ်တွေကတော့ စာနဲ့ ရေးပြလို့ မရအောင်ကို မြန်ဆန်လွန်း… ပြီးတော့ နည်းနည်းလည်း ဆန်းကြယ်လွန်းနေတယ်။ အနားက စားပွဲပေါ်မှာရှိတဲ့ ရေပုလင်းထဲက လက်ကျန်ရေကို အကုန် မော့သောက်လိုက်တယ်၊ ပြီးတော့ အသက်ကို ဝအောင်ရှူ၊ စိတ်ကို အတတ်နိုင်ဆုံး အေးချမ်းအောင်ထားပြီး အဖြစ်အပျက်ကို စာနဲ့ (ရေးတတ်သလောက်) ရေးပြနိုင်အောင် ကြိုးစား စာစီနေမိတယ်။

*****

ဒီလိုလေ…
အခန်းဝမှာ တွေ့ရတဲ့ လက်ဆောင်ထုပ်လေးကို အနည်းငယ် လှုပ်ရှားနေတဲ့ စိတ်အစဉ်နဲ့ ကောက်ယူလိုက်တယ်။ စိတ်လှုပ်ရှားတယ်လို့ ဆိုရတာကလည်း ဒီအထုပ်ကလေးထဲမှာ ဘာတွေ ပါလာသလဲဆိုတာကို သိချင်စိတ်ထက် ဒါလေး ဘယ်က ရောက်လာတာလဲ၊ ဘယ်သူကများ တတန်တက စီစဉ်ပြီး ပို့လွှတ်လိုက်တာလဲ၊ မွေးနေ့နဲ့ မနီး၊ ခရစ်စမတ်၊ နှစ်သစ်ကူး စတဲ့ အမှတ်ရစရာ နေ့စွဲတွေနဲ့လည်း ဘယ်လိုမှ မနီးစပ်လှတဲ့ အခုလိုအချိန်မျိုးမှာ ဒီလက်ဆောင်ဟာ ဘာအထိမ်းအမှတ်အတွက်များ ရောက်လာတာလဲဆိုတာကို သိချင်စိတ်က ပိုများရတယ်။ ပြီးတော့ အပျော်စိတ်ကလေးလည်း တစ်ဝက်တစ်ပျက် စွက်လို့။ အင်းလေ… စဉ်းစားကြည့်ပါဦး… မနက်စောစော အခန်းတံခါးဝမှာ လက်ဆောင်လေးတစ်ခု ရောက်နေတယ်ဆိုတာ (တဆိတ်တော့) ပျော်စရာကောင်းတယ်လို့ မထင်မိဘူးလား။

လက်ဆောင်ထုပ်လေးကို ကောက်ယူပြီး အခန်းထဲလှည့်ဝင်၊ အခန်းတံခါးကိုလည်း (ဘယ်သူမှ ဝင်လာလို့ မရအောင်) သေသေချာချာ သော့ကို နှိပ်ပြီး ပိတ်လိုက်တယ်။ ပြီးတော့ အဲဒါလေးကို စားပွဲပေါ်မှာ ညင်ညင်သာသာ (တယုတယ) ချတယ်။ ပန်းပွင့်ပုံ ဖဲကြိုးခွေလေးထဲက အစ တစ်စကို ဆွဲယူလိုက်တော့ အလိုက်သင့် ပါလာတယ်။ ဆက်ဆွဲလိုက်တော့ ချည်ထားတဲ့ ပန်းပွင့်လေးက တဖြည်းဖြည်းနဲ့ အကုန် ပြေလျော့သွားတယ်။ လက်ထဲမှာ အသာ ဆ ပြီး ကိုင်ကြည့်ရသလောက်ကတော့ လက်ဆောင်ဟာ လေးထောင့်ဘူး အမာလေးတစ်ခုပဲ၊ အထဲမှာ ဘာရှိနိုင်မလဲ ဆိုပြီး လှုပ်ကြည့်တော့ ဘာသံမှ မကြားရဘူး။ ဘယ်လို လက်ဆောင်မျိုးပါလိမ့်…

အတွေးနဲ့အတူ အနက်ရောင်ထုပ်ပိုးစက္ကူကို ဖြေစရာ အစ လိုက်ရှာတယ်။ ထောင့်တစ်နေရာမှာ ခေါက်ချိုးထားတဲ့ အရာလေးတွေ့တော့ အဲဒီနေရာကနေ စပြီး စက္ကူကို ခပ်ဖြေးဖြေး ခွာကြည့်တယ်။ ပိုးသားလိုပြောင်ချောနေတဲ့ စက္ကူဆိုတော့ အခါများစွာမှာ ဖွင့်ဖေါက်ကြည့်ဖူးတဲ့ လက်ဆောင်ထုပ်တွေလုို ပုံမကျ ပန်းမကျ စုတ်ပြဲသွားတာမျိုးမဟုတ်ပဲ အလိုက်သင့်လေး ကွာလာတာကို တွေ့ရတယ်။ အို… အထဲက ဘူးကလေးကလည်း အနက်ရောင်ပါလား။ ဘူးကတော့ ရိုးရိုး စက္ကူဘူးပဲ၊ အပေါ်ဖက်အခြမ်းကို မပြီး ဖွင့်လိုက်ရတဲ့ ဘူးမျိုး။ ဘူးကို ဖွင့်ဖို့ တခဏတော့ တုံ့ဆိုင်းနေသေးတယ်… စိတ်ထဲမှာ တစ်မျိုးပဲ။ အနက်ရောင်တွေကလည်း များလှချည့်… အရာရာဟာ ကိုယ်အင်မတန်နှစ်သက်တဲ့ အနက်ရောင်တွေနဲ့။ ဒီလိုသာဆို ပို့လိုက်တဲ့သူဟာ ကိုယ့်အကြောင်းနဲ့ ကိုယ့်အကြိုက်ကို တော်တော်ကြီး သိနေတဲ့သူတွေထဲက တစ်ယောက်ယောက်ပဲ ဖြစ်ရမယ်လို့ စိတ်လှုပ်ရှားတဲ့ကြားက ခန့်မှန်းနေမိသေးတယ်။ ဘူးပေါ်မှာ သို့… ဘယ်သူ ဘယ်ဝါ လို့ အစချီထားတဲ့ ရည်ညွှန်း စာလေး တစ်လုံးတစ်လေ၊ ဒါမှမဟုတ် ကိုယ့်နာမည် အတိုကောက် စာလုံး၊ ဒါမှမဟုတ် ပေးပို့သူရဲ့ နာမည်စာလုံးလေး၊ လက်မှတ်လေး၊ နေ့စွဲလေး စတဲ့ အမှတ်အသား တစ်ခုခုများ ပါလိမ့်နိုးနဲ့ ဘူးကို လှည့်ပတ်ပြီး ရှာကြည့်နေမိတယ်။ တကယ်က အနက်ရောင်ပေါ်မှာ စာလုံးပေါ်အောင် ရေးဖို့ဆိုတာ ခက်သားလား။ တခါတခါတော့ စာရေးကရိယာတွေ ရောင်းတဲ့ ဆိုင်မှာ ရွှေရောင် ငွေရောင် မင်ချောင်းတွေထည့်ထားပြီး စက္ကူအနက်ရောင်ပေါ်မှာ ရေးလို့ ရတယ်လို့ စာတမ်းထိုးထားတဲ့ ဘောပင်မျိုး တွေ့ဖူးတယ်။ အဲလို အထူးတလည်ပြုလုပ်ထားတဲ့ မင်တစ်ခုခုနဲ့မှ ရေးလို့ရမှာ။ ကြည့်ရသလောက်တော့ ဘာအမှတ်အသား၊ ဘာစာလုံး တစ်လုံးတစ်လေမှ မတွေ့ရဘူး။ ဒါနဲ့ပဲ အဲဒီဘူးလေးရဲ့ အဖုံးကို အသာ မပြီး ဖွင့်ကြည့်ဖို့သာ ကြိုးစားရတော့တာ။

ဘူးကိုဖွင့်အပြီးမှာ မြင်လိုက်ရတဲ့ မြင်ကွင်းဟာ ကိုယ့်ကို တခဏတော့ အသက်ရှူရပ်သွားစေတယ်။ တကူးတကလို့ ယူဆရပြီး သေသေချာချာ (လှလှပပ သေသေသပ်သပ်) စီစဉ်ကြံရွယ်ပြီး အခန်းဝကို အရောက် ပေးပို့လိုက်တဲ့ လက်ဆောင်ဟာ အဲဒါတဲ့လား။ ဖြစ်မှ ဖြစ်ရလေ လို့ ရေရွတ်ရင်း ဝမ်းနည်းစိတ်နဲ့အတူ စားပွဲပေါ်က မြင်ကွင်းကို မမှိတ်မသုန် ငေးကြည့်နေမိတယ်။ ခွေခေါက်နေတဲ့ ဖဲကြိုးအနက်ရောင်၊ ထုပ်ပိုးစက္ကူ အနက်ရောင်၊ လေးထောင့်ဘူး အနက်ရောင်နဲ့အတူ ဘူးထဲက ထွက်လာတဲ့ လက်ဆောင်။ နှမြောတသစိတ်၊ ဝမ်းနည်းစိတ်၊ ယူကျုံးမရစိတ်တွေနဲ့အတူ ဖြစ်ရလေ လို့ နောက်ထပ်တစ်ကြိမ် ရေရွတ်မိပြန်တယ်။ ဒါလေးကို သိစေဖို့ အဲဒီလောက်တောင် အပင်ပန်းခံစရာ လိုလို့လားကွယ်… တကယ်ပဲ ဝမ်းနည်းစရာ။

ဝမ်းနည်းစိတ်နဲ့အတူ အတွေးထဲကို မေးခွန်းတွေ အများကြီး ရောက်လာကြတယ်။ လူတွေဟာ တစ်ယောက်ကို တစ်ယောက် ဘာကြောင့်များ မုန်းကြတာလဲ/ ဘာကြောင့်များ မုန်းချင်ကြတာလဲ/ ဘာကြောင့်များ မုန်းဖို့ ကြိုးစားကြတာလဲ/ ပြီးတော့ အဲဒီ မုန်းတယ်ဆိုတာကြီးကို ဘာကြောင့်များ သိသာ ထင်ရှားစွာ မြင်စေချင်ကြတာလဲ/ မသိ သိအောင် ဘာကြောင့်များ ထုတ်ဖေါ် ပြသချင်ကြတာလဲ။ လူ့အသိုင်းအဝိုင်းမှာ တစ်ယောက်က တစ်ယောက်ကို မုန်းတီးဖို့ ဘယ်လို စိတ်အခြေခံနဲ့ ဘယ်လို အကြောင်းအရာတွေကများ တွန်းအားပေးနေကြတာလဲ။ အဲဒီလို အမေးစကားတွေနဲ့အတူ အမုန်းကြောင့်ဖြစ်လာတဲ့ နောက်ဆက်တွဲကိစ္စတွေကိုလည်း တရှည်တလျား ဆက်တွေးနေမိတယ်။

တကယ်တော့ အမုန်းဆိုတာ ကြိုတင် ကာကွယ်ဆေးမရှိတဲ့ ရောဂါဆိုး - ရောဂါပြင်းပြင်း တစ်ခုပဲ။ အဲဒီရောဂါဖြစ်နေတဲ့အချိန်မှာလည်း သက်သာအောင် ကုသပေးဖို့ ဆေးမရှိဘူး၊ ဆေးရှိခဲ့ရင်လည်း ဘယ်လိုမှ မတိုးနိုင်ဘူး။ အမုန်းတရားဟာ လူတွေကြားမှာ လွယ်လင့်တကူ ကူးစက် ပျံ့ပွားတတ်သလား၊ မကူးစက်အောင်ရော ထိန်းချုပ်လို့ ရနိုင်သလား/ မရနိုင်ဘူးလား ဆိုတာကတော့ လူ့အသိုင်းအဝိုင်းက လူတစ်ဦးချင်း တစ်ယောက်ချင်းစီရဲ့ ကိုယ်ခံစွမ်းအားနဲ့ပဲ သက်ဆိုင်လိမ့်မယ် ထင်ရဲ့။ ကိုယ်ခံအားကောင်းတဲ့သူမှာ အနာရောဂါ ပိုးမွှားတွေ လွယ်လင့်တကူ ဝင်ရောက် ကူးစက်ဖို့ ခက်ခဲသလိုပါပဲ… မေတ္တာတရားကြီးမားတဲ့၊ နှလုံးသား နွေးထွေးတဲ့ သူတွေဆီကို အမုန်းဟာ ရုတ်တရက် တိုးဝင်ဖို့ မလွယ်ကူတတ်ပါဘူး။ ဒါကြောင့်လည်း မုန်းကြတယ် ဆိုတဲ့သူတွေကိုတွေ့တိုင်း သူတို့ရဲ့ နှလုံးသားတွေ အခုထက် အဆပေါင်းများစွာ များစွာ ပိုပြီး နွေးထွေးလာစေဖို့၊ စစ်မှန်တဲ့ အမုန်းမဲ့ မေတ္တာတရားတွေ တစထက် တစ တိုးပွားရှင်သန်လာစေဖို့၊ ပြီးတော့ အနာ ရောဂါဆိုးကြီးတစ်ခုအဖြစ်နဲ့ ပတ်ဝန်းကျင်ကို ဖြန့်ဝေတာမျိုး မလုပ်မိစေဖို့၊ လူ့အသိုင်းအဝိုင်းထဲမှာ (အလွယ်တကူ) ကူးစက် ပြန့်နှံ့မသွားစေဖို့အတွက်သာ အထပ်ထပ် ဆုတောင်းပေးနေမိတာပါပဲ။ ကိုယ့်အတွက်ကတော့ ဒီ့ထက် ကိုယ်ခံအားကောင်းအောင်၊ ဘယ်လိုအမုန်းမျိုးကိုမဆို သက်တောင့်သက်သာခံယူရင်း မေတ္တာထားနိုင်အောင် ကြိုးစားရင်းပေါ့…


အခုလောက်ဆို ကိုယ့်အခန်းဝကိုရောက်လာတဲ့ အနက်ရောင်လက်ဆောင်ထုပ်လေးရဲ့ အထဲမှာ ဘာတွေပါလာတယ်ဆိုတာ အတန်အသင့်တော့ ရိပ်မိလောက်ရောပေါ့။ ဘဝမှာ (မမျှော်လင့်ပဲရခဲ့တဲ့) ထူးထူးခြားခြား လက်ဆောင်တစ်ခုမို့ အကောင်း အဆိုး တန်ဖိုးမဖြတ်နိုင်ပါဘူး၊ ပြီးတော့ (စွဲလမ်း စုံမက်စရာ လက်ဆောင်တစ်ခု မဟုတ်သည့်တိုင်) အမှတ်တရ မပျောက်ပျက်အောင်လည်း သေသေချာချာ သိမ်းဆည်းထားဖြစ်မှာပါ။ ရည်ရွယ်ချက်ရှိရှိ သေသေချာချာ ကြံရွယ်စီစဉ်ပြီး ရောက်အောင် ပို့ပေးလိုက်တဲ့သူကိုလည်း ကောင်းမွန်စွာ လက်ခံရရှိကြောင်းနဲ့ ကျေးဇူးတင်ရှိကြောင်းကို ဒီနေရာကနေ အသိပေးလို့ရနိုင်မလား ဆိုတဲ့ မျှော်လင့်ချက် သေးသေးလေးနဲ့ ဒီစာကို ရေးပါတယ်…

သက်ဝေ
(၁၆ ဒီဇင်ဘာ ၂၀၁၇)

မိုးမခမဂ္ဂဇင်း - ဇူလိုင်လ ၂၀၁၈ တွင် ဖေါ်ပြပြီးဖြစ်သည်။

Thursday, June 14, 2018

Loving can hurt...?



• Love hurts •

ချစ်ခြင်းဟာ နာကျင်ရတယ်။ 
အစဉ်အမြဲမဟုတ်တောင် အခါများစွာမှာတော့ ချစ်ခြင်းဟာ (တကယ့်ကိုပဲ) နာကျင်ရပါတယ်။ အချစ်ကို လက်လွှတ်ဆုံးရှုံးရမှ၊ ချစ်တဲ့သူက ငြင်းပယ်တာ ခံလိုက်ရမှ၊ တခြားသူတွေနဲ့ ပျော်ရွှင်နေတာကို ငေးမောရင်း မနာလိုဝန်တိုနေရမှ၊ တစ်ယောက်တည်း အထီးကျန်ရင်း လွမ်းဆွေးနေရမှ နာကျင်ရတာ မဟုတ်ပါဘူး။ အချစ်ကို ပိုင်ဆိုင်နေရချိန်တွေမှာလည်း နာကျင်မှုတွေဟာ (ဖိတ်ခေါ်စရာမလိုပါပဲ) သူ့နည်းသူ့ဟန်နဲ့ ရောက်လာတတ်တာပါပဲ။ ဟိုးမှာ မြင်နေရတဲ့ မြက်ခင်းစိမ်းတွေဟာလည်း နာကျင်မှုပဲ၊ ကောင်းကင်ပေါ်က တိမ်တစ်စဟာလည်း နာကျင်မှုပဲ၊ River Seine ထဲကို ပစ်ချဖို့ ကြိုးစားမိတဲ့ သော့တစ်ချောင်းဟာလည်း နာကျင်မှုပဲ၊ သီချင်းတစ်ပုဒ်၊ စာတစ်ကြောင်း၊ စကားတစ်ခွန်း၊ ပန်းချီကားတစ်ချပ်၊ အကြည့်တစ်ချက်နဲ့ နွေးထွေးတဲ့ အထိအတွေ့တစ်ခု၊ ပြီးတော့ အလှမ်းဝေးနေတဲ့ ဆုံမှတ်တွေ၊ တိတ်တဆိတ် သိမ်းဆည်းထားရတဲ့ လွမ်းဆွတ်တမ်းတမှုတွေ၊ (ဒီလိုပဲ) ခပ်လှမ်းလှမ်းကနေ (ပြုံးရင်း) ငေးကြည့်နေလိုက်ရတဲ့ အဖြစ်တွေ… အနာကျင်ရဆုံးပဲ။ ချစ်ခြင်းရဲ့ အတိမ်အနက်ကိုလိုက်လို့ နာကျင်မှု ပုံရိပ်တွေသာ အမျိုးမျိုး ပြောင်းသွားမယ်၊ နာကျင်ရတာကတော့ အမှန်ပါ။ ဒါပေမယ့် အဲဒီချစ်ခြင်းကြောင့်ပဲ ကြည်နူး ချမ်းမြေ့ရ၊ ဝမ်းသာ ပျော်ရွှင်ရ၊ စိတ်ရော ကိုယ်ပါ သက်တောင့် သက်သာဖြစ်ရတဲ့ အချိန်တွေလည်း (အနည်းငယ်) ရှိခဲ့ဖူးတယ်ဆိုတာတော့ ဝန်ခံရမှာပဲ။ တကယ်တော့ ချစ်ခြင်းဟာ စကားလုံးတွေနဲ့ အဓိပ္ဗါယ်ဖွင့်ဆိုလို့ မစွမ်းနိုင်အောင် ဆန်းကြယ်လှပါတယ်။

လူတိုင်း လူတိုင်းဟာ ကိုယ်စီဘ၀တွေမှာ အပြစ်ကင်းစင်ပြီး လှပဆန်းကြယ်တဲ့၊ အစစအရာရာ ပြီးပြည့်စုံတဲ့ ချစ်ခြင်းမျိုးကိုသာ အလိုရှိကြ၊ တောင့်တတတ်ကြစမြဲ ဖြစ်ပေမယ့် တခါတရံမှာ ကိုယ်တိုင် ကြိုတင် မမြင်နိုင်တဲ့၊ ကိုယ်တိုင် မျှော်လင့်မထားတဲ့ တစ်ထောင့်တစ်နေရာကနေ သူ့အလိုလို ရောက်ရှိ ဖြစ်တည်လာတတ်တဲ့ နားလည်ဖို့လည်း သိပ်ခက်တဲ့ ချစ်ခြင်းမျိုးတွေ၊ လွယ်လင့်တကူ ကြိုဆို လက်ခံယူလို့မရပဲ ငဲ့ညှာထောက်ထားစရာ၊ သတိထား ထိန်းချုပ်စရာတွေနဲ့ ပြည့်နှက်နေတတ်တဲ့ ချစ်ခြင်းမျိုးတွေအပြင် တစ်ယောက်နဲ့ တစ်ယောက် ဖွင့်ဟစရာမလိုပဲ နားလည်ရင်း နှလုံးသားထဲမှာ (ထာဝစဉ်) နွေးထွေးစွာ အမြစ်တွယ် ရှင်သန်နေနိုင်တဲ့ လေးနက်တဲ့ ချစ်ခြင်းမျိုးတွေလည်း ရှိနေတတ်စမြဲပါ။

ဘယ်လို ချစ်ခြင်းမျိုးမဆို နာကျင်မှုကနေ (ဘယ်တော့မှ) မလွတ်မြောက်နိုင်တဲ့ ချစ်ခြင်းတွေလို့ ကိုယ်ကတော့ နာမည်တပ်ချင်တာပါပဲ…

သက်ဝေ
(၂၇ ဒီဇင်ဘာ ၂၀၁၇)

၂၀၁၈ ဖေဖေါ်ဝါရီ - Idea Magazine က Loving can hurt...? ဆိုတဲ့ မေးခွန်းအတွက် ရေးပါတယ်...

Friday, February 2, 2018

အသံမြည်နေတဲ့ တံခါး

တံခါးဟာ အသံမြည်နေတယ်။
ဟုတ်တယ်… တံခါးအများစုဟာ အဖွင့် အပိတ်လုပ်လိုက်တိုင်းမှာ အသံမြည်နေတတ်တယ်။ ဖြည်းဖြည်းပိတ်ရင် အသံတိုးတိုးမြည်သလို ကြမ်းကြမ်းပိတ်မိရင်တော့ အသံကျယ်ကျယ်မြည်တယ်။ တံခါးဂျက်ကို ဖြုတ်လိုက်ရင် ဒါမှမဟုတ် ဂျက်ကို ထိုးလိုက်ရင် ဂျောက်ကနဲ အသံမြည်တယ်။ တံခါးလက်ကိုင်ဘုလုံးလေးကို နှိပ်လိုက်ရင် ကလစ်ဆို အသံမြည်တယ်၊ တံခါးပတ္တာ ကြပ်နေရင် အသံမြည်သလို ပတ္တာချောင်နေရင်လည်း တကျွီကျွီနဲ့ မြည်ပြန်တယ်။ တံခါးရွက်နဲ့ ဘောင်နဲ့ ထိခတ်မိရင်လည်း အသံမြည်တယ်။ ဆိုတော့ တံခါးတစ်ချပ်ဟာ အချိန်မရွေး အသံတစ်မျိုး ဒါမှမဟုတ် တစ်မျိုးထက်ပိုတဲ့ အသံတွေ မြည်နိုင်တာပဲ။ ဒါ ဘာများ ထူးဆန်းသလဲ။ တံခါး အသံမြည်တဲ့ ကိစ္စကို ဘာလို့များ အရေးအရာ လုပ်ပြီး စကားထဲ ထည့်ပြောနေရတာလဲ။

ဒီလိုပါ။ ပြောရရင် အခုရောက်နေတဲ့ နေရာအသစ် အကြောင်းက စ ရလိမ့်မယ်။ ဟုတ်တယ် မကြာသေးခင် ရက်ပိုင်းမှာ အလုပ် နေရာအသစ်တစ်ခုကို ရွှေ့ပြောင်းဖို့ အကြောင်းဖန်လာခဲ့တယ်။ အဲဒီနေရာအသစ်ကိုရောက်ရောက်ချင်း အကြမ်းဖျဉ်း သတိထားမိ လေ့လာမိလိုက်တာကတော့ ခြေလှမ်းအနည်းငယ်လှမ်းပြီးတိုင်းမှာ ခပ်တိုတို တဆစ်ချိုး အကွေ့တွေနဲ့အတူ ပြတင်းပေါက်တွေနဲ့ တံခါးတွေ အများကြီးရှိနေတယ် ဆိုတာပဲ။ ပတ်ပတ်လည်နံရံတွေပေါ်မှာ မှန်ပြတင်းတွေ၊ တံခါးချပ်တွေနဲ့ ပြည့်နှက်နေတယ်။ တနည်းပြောရရင် ထွက်ပေါက်တွေ များတယ် ဆိုပါတော့။ ထွက်ပေါက်… ဟုတ်တယ် ထွက်ပေါက်တွေ များတယ်။ ထားပါတော့ ထွက်ပေါက်တွေအကြောင်းကို မပြောခင် လောလောဆယ်တော့ တံခါးတွေ အကြောင်းပဲ ဆက်ပြောကြတာပေါ့။

တံခါးချပ်တွေဟာ နေရာ အနှံ့အပြားမှာ ရှိနေတယ်။ တံခါးချပ်တွေရဲ့အရွယ်အစား၊ အမျိုးအစား၊ အရောင်အဆင်းတွေကတော့ အမျိုးမျိုးပဲ။ သစ်သားတံခါး၊ မှန်တံခါး၊ မှန်အကြည်နဲ့ တံခါး၊ မှန်ချပ်အနက်ရောင် (မှန်အနောက်) တွေနဲ့ တံခါး၊ မှန်နဲ့ သံပြားတွေ ရောစပ်ပြီး လုပ်ထားတဲ့ တံခါး၊ သံပြားတစ်မျိုးတည်းနဲ့ လုပ်ထားတဲ့တံခါး၊ ကြိတ်သားလို့ခေါ်တဲ့ သစ်သားအတုတွေနဲ့ လုပ်ထားတဲ့တံခါး၊ ပလပ်စတစ်အသားလို ပြောင်ချောချောနဲ့တံခါး၊ သစ်သားထက် ထူထဲခိုင်ခံ့တဲ့ ထုထည်ကြီးကြီး ဘောင်ထူထူနဲ့ တံခါး… တကယ်ကိုပဲ ပြောမပြတတ်အောင် အမျိုးအမည်စုံလင်လှတယ်။ တံခါးတွေ အမျိုးစုံလင်သလို တံခါးလက်ကိုင်တွေကလည်း အစုံပဲ။ လက်ကိုင်ဘု အလုံးနဲ့၊ စက်ဝိုင်းခြမ်းပုံ လက်ကိုင်ကွင်း လှလှနဲ့၊ လက်ကိုင် ရှည်မျောမျောနဲ့၊ သစ်သားပွတ်လုံးနဲ့၊ သံတန်းလို အတန်းလေးနဲ့… အဲဒီလို တံခါးလက်ကိုင်မျိုးစုံကိုလည်း တွေ့ရတယ်။ ပြီးတော့ တံခါးချပ်တွေတိုင်းမှာ နာမည်ကိုယ်စီ ကပ်လျက်သား ရှိကြတယ်။ ဒီတံခါးကို ဖွင့်လိုက်ရင် အထဲမှာ ဘာရှိနိုင်တယ် ဆိုတာကို ကြိုတင်အသိပေးတဲ့သဘောနဲ့ ရေးထိုးထားတာမျိုး။ အဲဒီနေရာကို ပထမဆုံး ရောက်တဲ့နေ့မှာ တံခါးတွေကို တစ်ချပ်ချင်း လိုက်ကြည့်တယ်။ တံခါးချပ်တွေပေါ်မှာ ကပ်ထားတဲ့ စာတမ်းတွေကိုလည်း တစ်ခုချင်းစီ လိုက်ဖတ်တယ် မှတ်တယ်။ တံခါးတွေ ဘယ်လောက်တောင် များသလဲဆို လမ်းတလျှောက် နာမည်ရေးထားတဲ့ တံခါးတွေကို လိုက်ဖတ်လာရင်း တဖြည်းဖြည်းနဲ့ မှတ်လို့ မနိုင်အောင် ရောနှောလာတယ်။ တချို့တံခါးတွေ နာမည်ပေးပုံက ဝေ့လည်လည်နဲ့ ထူးဆန်းတယ်။ တချို့တံခါးတွေမှာတော့ နိုင်ငံ နာမည်တွေ ပေးထားတယ်၊ စင်္ကာပူ၊ ဟောင်ကောင်၊ ကိုရီးယား၊ ထိုင်ဝမ်၊ ဂျပန်၊ မလေးရှား စသည်ဖြင့်။ တချို့တံခါးနာမည်တွေကတော့ ရှင်းတယ်။ အထဲမှာ ဘာရှိသလဲ၊ ဘာလုပ်တဲ့ အခန်းလဲ ဆိုတာကို တိတိကျကျ ဖေါ်ပြတဲ့ နာမည်မျိုးတွေ။ ဥပမာ အစည်းဝေးခန်း၊ သင်ကြားရေးအခန်း စသည်ဖြင့်။ တချို့အခန်းတွေဆို အထဲမှာ ပရိုဂျက်တာ ရှိသည် ဆိုတာမျိုးတောင် ရေးထားတာ တွေ့ရသေးတယ်။ အဲဒီလို…

လမ်းတလျှောက်တံခါးတွေကို ကြည့်ရင်း မှတ်လာလိုက်တာ လျှောက်စရာ လမ်းဆုံးပြီး အထွက်တံခါးကို ရောက်လာတဲ့အထိပဲ။ ဒါပေမဲ့ အခုနေပြန်မေးရင် ဘယ်အခန်းက ဘာလဲဆိုတာ ဘယ်လိုမှ သေသေချာချာ မမှတ်မိတော့ဘူး။ ပြီးတော့ အဲဒီတံခါးတွေဟာ ဘယ်တစ်ချပ်တလေလေးကမှ အလွယ်တကူ တွန်းဖွင့်လို့ မရနိုင်ဘူးလို့ ဒီနေရာကို အရင်ရောက်နေနှင့်သူတစ်ယောက်က ပြောပြတယ်။ ရပါတယ်… ကိုယ်ကလည်း တံခါးချပ်တွေကိုသာ စိတ်ဝင်တစားနဲ့ သဘောကျနှစ်သက်တာ၊ သူတို့ကို အလကားနေရင်း တွန်းဖွင့်ပြီး အထဲမှာ ဘာရှိသလဲ ဆိုတာ စပ်စပ်စုစု ကြည့်ဖို့ ဝါသနာပါသူတစ်ယောက်တော့ မဟုတ်ပေဘူး။ ဒီလိုနဲ့ အဲဒီတံခါးချပ်တွေ အများကြီးနဲ့ နေ့တဓူဝ လက်ပွန်းတတီး ထိတွေ့လာရရင်းက သူတို့တွေနဲ့ တစတစ ရင်းနှီး ကျွမ်းဝင်လာခဲ့တယ်။

ဒီလိုနဲ့ တစ်နေ့မှာ အညိုရောင်ရင့်ရင့် သစ်သားတံခါးထူထူတစ်ချပ်ကို ဖွင့်ဖို့ အကြောင်းဖန်လာတယ်။ အဲဒီတံခါးချပ်ဆီကိုရောက်ဖို့ တံခါးတွေ အများကြီးကို ကျော်ဖြတ်သွားရတယ်။ ပထမဆုံးတစ်ကြိမ် အသွားလမ်းမှာ ကိုယ်တိုင်ဖြတ်ကျော်ခဲ့ရတဲ့ တံခါးဘယ်နှစ်ချပ်ရှိတယ်ဆိုတာကို ရေတွက်ဖို့ စဉ်းစားပေမယ့် တကယ်တမ်း လျှောက်သွားတဲ့အချိန်မှာ တစ်ချပ်နဲ့ တစ်ချပ် ဘယ်လိုမှ မတူတဲ့ တံခါးတွေကို လေ့လာရင်း ရေတွက်ဖို့ မေ့လျော့နေခဲ့တယ်။ ဒီလိုနဲ့ ဒုတိယတစ်ကြိမ်၊ တတိယတစ်ကြိမ်… အဲဒီ တတိယအကြိမ်မှာတော့ လမ်းတလျောက် ကျော်ဖြတ်ခဲ့ရတဲ့ တံခါးချပ်တွေကို သတိတရ ရေတွက်ပြီး မှတ်သားလာခဲ့တယ်။ စုစုပေါင်း ၁၂ ချပ်။ အော်… ဒါနဲ့ မေ့တော့မလို့။ အပေါ်မှာ ပြောခဲ့ဖူးသလို အဲဒီနေရာမှာ ဘယ်တံခါးကိုမှ လွယ်လင့်တကူ တွန်းဖွင့်လို့ မရဘူးဆိုတာလေ။ ဟုတ်တယ်… တံခါးချပ်တွေတိုင်းကို ကိုယ်ပေါ်မှာ ရှိတဲ့ ပစ္စည်း တစ်ခုမဟုတ် တစ်ခုကို အသုံးပြုပြီး ဖွင့်လှစ် ကျော်ဖြတ်ရတယ်။ တချို့နေရာတွေမှာ လက်မကို နှိပ်ရတယ်။ တချို့နေရာတွေမှာ မီးလုံးအနီရောင်လေးကို ဖိရတယ်။ တချို့နေရာတွေမှာ မျက်လုံးနဲ့ တည့်တည့်ကြည့်ရတယ်။ တချို့နေရာတွေမှာ လည်ပင်းမှ အသင့်ဆွဲထားတဲ့ ကဒ်ပြားကို ကပ်လိုက်ရတယ်။ ဖြစ်ပုံ ပြောပါတယ်… အဲဒီလို ဖိတန်တာ ဖိ၊ နှိပ်တန်တာနှိပ်၊ ကပ်တန်တာ ကပ်ပြီးမှ ကိုယ်သွားလိုရာ ခရီးကို ရောက်တယ်။ အခု အထူးပြုပြောပြမယ့် တံခါးကတော့ တံခါးဝက အမည်းရောင် ရှည်မျောမျော အတန်းလေးမှာ လည်ပင်းမှာ ချိတ်ဆွဲလာတဲ့ ကဒ်ပြားလေးကို ကပ်လိုက်ရတယ်။ ဒါဆို ထပ်ကနဲ အသံတမျိုးထွက်လာပြီး တံခါးဟာ လက်နဲ့အသင့် တွန်းဖွင့်လို့ရတဲ့ အနေအထားကို ရောက်တယ်။

ဟုတ်ပြီ… တံခါးဟာ လက်နဲ့ အသင့်တွန်းလို့ရတဲ့ အနေအာထားကို ရောက်ပြီဆိုရင် ကိုယ့်ကိစ္စ တစ်ဝက် အထမြောက် အောင်မြင်ပြီပေါ့။ ခက်နေတာက အဲဒီတံခါး အဖွင့်မှာ ကြားလိုက်ရတဲ့ အသံတစ်ခုပဲ။ ကြားကြားချင်းမှာ ဘေးကို လှည့်ကြည့်လိုက်မိတယ်။ ပတ်ဝန်းကျင်မှာ ဘယ်သူမှ ရှိမနေဘူး။ အဲဒီအခန်းထဲမှာ ဆောင်ရွက်စရာ ကိစ္စဝိစ္စ ပြီးလို့ ပြန်ထွက်တော့ လေးထောင့်စပ်စပ် ခလုတ်အဖြူတစ်ခုကို နှိပ်ရပြန်တယ်။ အဲဒီတော့မှ တံခါးက ပြန်ပွင့်တယ်။ အဲဒီအချိန်မှာ ဟိုအသံကို ပြန်ကြားလိုက်ရတာပဲ။ စိတ်ထဲမှာတော့ တမျိုးပဲ… ဒါပေမယ့် အဲဒီအချိန်မှာ အခန်းရှေ့က ဖြတ်သွားတဲ့ လူတစ်စုကြောင့် သူတို့တစ်ယောက်ယောက်ဆီက အသံပဲ ဖြစ်မှာပါလေလို့ တွေးပြီး အခန်းထဲက ပြန်ထွက်လာခဲ့တယ်။ ဖြစ်ချင်တော့ နောက်တစ်နေ့မှာ အဲဒီအခန်းကို သွားရဖို့ အကြောင်ပေါ်လာပြန်တယ်။ အပေါ်မှာပြောခဲ့သလိုပဲ တံခါးကို ဖွင့်တယ်။ အဲ့ဒီအခါမှာ ဟိုအသံကို ခပ်တိုးတိုး ကြားလိုက်ရပြန်တာပဲ။ ဒါ မနေ့က အသံမျိုးပဲ။ အသာအယာ ပြန်စေ့ပိတ်သွားတဲ့ တံခါးကို လှည့်ကြည့် လှည့်ကြည့် လုပ်ရင်း အခန်းထဲမှာ လုပ်စရာရှိတာတွေ လုပ်ရတယ်။ ဘာကြာမှာလဲ ဆယ်မိနစ်ပေါ့။ ကိစ္စပြီးလို့ အပြင်ပြန်ထွက်ချိန်မှာ အခန်းထဲ ဝင်လာတဲ့ အမျိုးသမီး နှစ်ယောက်ရဲ့ ဟေး… မင်္ဂလာမနက်ခင်းပါ ဆိုတဲ့ နှုတ်ဆက်သံကြောင့် တံခါးဆီက အသံကို ကြားဖို့ အခွင့်မသာလိုက်ဘူး။ ဒီလိုနဲ့ အခန်းအပြင် ပြန်ရောက်လာတယ်။

တတိယနေ့ကတော့ ထူးခြားတယ်။ ပြောရရင် အလုပ်ပိတ်ရက်။ အဲဒီနေ့မှာ အလုပ်လာတဲ့သူ စုစုပေါင်းဟာ သုံး လေးယောက်ထက် မပိုဘူး။ ဖြစ်ချင်တော့ အဲဒီအခန်းမှာ ပစ္စည်းတစ်ခု သွားယူဖို့ လိုအပ်လာတယ်။ အခန်းရှေ့ရောက်ပြီး တံခါးကိုဖွင့်လိုက်တဲ့အချိန်မှာ အဲဒီအသံကို ပီပီသသကြားရတော့တာပဲ။ ကျောထဲက စိမ့်ကနဲဖြစ်သွားတာ ကိုယ့်ဟာကိုယ် သတိထားလိုက်မိတယ်။ ကျောချမ်းတယ် ဆိုတာ ဒါမျိုးလား လို့ တွေးရင်း ရယ်မောရင်း ကိုယ့်ဟာကိုယ် ရဲဆေးတင်ရတယ်။ လုပ်စရာရှိတာ မြန်မြန်လုပ်ပြီး အခန်းအပြင် ပြန်ထွက်လာခဲ့တယ်။ အထွက်မှာလည်း အသံကို သေသေချာချာ ကြားလိုက်ရပြန်တယ်။ နည်းနည်းခြောက်ခြားသွားတယ်ဆိုတာတော့ ဝန်ခံရမှာပဲ။ ဒီနေရာမှာ ဘာသံမို့ ခြောက်ခြားရတာလဲ လို့ မေးစရာရှိလာတယ်။ ခက်တာက အဲဒါ ဘာသံလို ပြောမပြခင် ကိုယ့်နားကို ကိုယ်တိုင် သေချာဖို့၊ ကိုယ်တိုင် အတည်ပြုဖို့ လိုအပ်နေတယ်။ ဒါနဲ့ အဲဒီအခန်းကို (အကြောင်းမရှိ အကြောင်းရှာပြီး) နောက်တစ်ခေါက် သွားလိုက်တယ်။ ထုံးစံအတိုင်း တံခါးတွေ အထပ်ထပ် ကျော်ဖြတ်ပြီး အဲဒီတံခါးချပ်အရှေ့ကို ရောက်လာခဲ့တယ်။ တံခါးအနားကို ရောက်တယ်၊ ကပ်စရာရှိတာကို ကပ်လိုက်တယ်။ အဲဒီအချိန်အထိ ဟိုအသံကို မကြားရသေးဘူး။ နောက်တဆင့်အနေနဲ့ တံခါးလက်ကိုင်ကို အသာလှည့်လိုက်တယ်။ ဒါလည်း ပုံမှန်အသံပါပဲ။ အိပ်ခန်းတံခါးတွေကို ဖွင့်ရင် ကြားရလေ့ရှိတဲ့ အသံမျိုးပဲ။ အခုအချိန်အထိ အရာရာဟာ ပုံမှန်ပါပဲ။

ဟုတ်ပြီ… တံခါးလက်ကိုင်ကို လှည့်ပြီး တံခါးချပ်ကို တွန်းအဖွင့် တံခါးဟာ လူတစ်ကိုယ်စာ သာသာ ဟ သွားချိန်မှာ အသံကို ကြားလိုက်ရတာပဲ။ အသံဟာ အမျိုးသမီးတစ်ယောက်ရဲ့ ခပ်ကြိတ်ကြိတ် ညည်းညူလိုက်တဲ့အသံမျိုး၊ နာမကျန်း အဖျားတက်နေလို့ ညည်းညူလိုက်တဲ့အသံမျိုး၊ ဝေဒနာတစ်ခုခုကြောင့် မခံမရပ်နိုင် ပွင့်အံထွက်လာတဲ့အသံမျိုး၊ အသံဟာ မထူးဆန်းပေမယ့် အသံထွက်လာပုံ အသံထွက်လာတဲ့ အခိုက်အတံ့နဲ့ အသံထွက်လာတဲ့ နေရာကတော့ ထူးဆန်းလှတယ်။

တံခါးချပ်ကို တွန်းဖွင့်ပြီး အဝင်မှာ အဲဒီအသံကို ကြားရပေမယ့် အဲဒီအခန်းထဲကို ဝင်လိုက်ပြီး တံခါးချပ် သူ့အလိုလို ပြန်ပိတ်သွားတဲ့အချိန်မှာတော့ အသံကို မကြားရတော့ပြန်ဘူး။ တံခါးဟာ သူ့ဟာသူပဲ အေးအေးချမ်းချမ်း ပြန်ပိတ်သွားခဲ့တယ်။ အခန်းထဲမှာ ဟိုလှည့် ဒီလှည့်နဲ့ ငါးမိနစ်လောက် အချိန်ဖြုန်းလိုက်တယ်။ အခန်းထဲက ပြန်ထွက်ခါနီးမှာ ထုံးစံအတိုင်း အဖြူရောင်ခလုတ်ကို နှိပ်ရတယ်။ ပြီးတော့ တံခါးကို တွန်းဖွင့်လိုက်တယ်။ ဟော… အသံကြားရပြန်ပြီ။ မခံမရပ်နိုင်တဲ့ ညည်းတွားသံပေပဲ။ ဒါပေမယ့် ခပ်တိုးတိုးနဲ့ ညင်သာတယ် ခေါ်ရမယ်။ တစ်ယောက်ယောက်က အိပ်နေရင်း ယောင်ယမ်း ညည်းညူမိတာမျိုးရော မဖြစ်နိုင်ဘူးလား လို့ တွေးမိတယ်။ ဒါပေမဲ့ ဒီနေရာဟာ လူတစ်ဦးတစ်ယောက် လာအိပ်နေလို့ရတဲ့ နေရာမျိုးတော့ မဟုတ်ဘူး။ အခန်းအပြင်ရောက်တော့ လူက နည်းနည်း မောဟိုက်စပြုနေတယ်။ တံခါးဟာ သူ့အလိုလို ပြန်ပိတ်သွားတယ်။ အသံအနည်းငယ် ကြားရတယ်။

နောက်တစ်နေ့မှာလည်း ဒီလိုပဲ သွားတယ် ဖွင့်တယ် ညည်းညူသံကို နားထောင်တယ်၊ သေသေချာချာ စေ့ငုတယ်။ ညည်းညူနေတုန်းပဲ… အနီးအနားမှာ တစ်ယောက်ယောက်များ ရှိနေသလားဆိုပြီး ဘေးဘီဝဲယာ အခန်းပတ်ပတ်လည် မြင်နိုင်သမျှ လျှောက်ကြည့်တယ်။ ဒီအခန်းနားမှာ တစ်ယောက်ယောက်များ ထိုင်နေသလား၊ လမ်းလျှောက်နေသလား၊ လဲပြိုကျနေသလား လိုက်ကြည့်တယ်၊ ဒါပေမဲ့ သံသယဖြစ်စရာ တစုံတရာ မတွေ့ရဘူး။ ဘာကို မြင်ရမယ်ထင်ပြီး လိုက်ကြည့်နေတာလဲ ဆိုတဲ့ မေးခွန်း၊ တုန်လှုပ်နေသလား ဆိုတဲ့ မေးခွန်းကို ကိုယ့်ဟာ ကိုယ် ပြန်မေးမိတယ်။ အဖြေကတော့ ရေရေရာရာ မရှိဘူး။ သိချင်ရုံ သက်သက် တနည်းပြောရရင် စပ်စုချင်ရုံ သက်သက်ပဲ။

တစ်ရက်ပြီးတစ်ရက် အချိန်တွေ ရွေ့လျားလာခဲ့တာ ဒီနေ့ဆို ဒီအလုပ်ကို ပြောင်းလာတာ တစ်လပြည့်တယ်။ ခါတိုင်းလိုပဲ လုပ်စရာရှိတာတွေ လုပ်ရင်း ဟိုအခန်းကို သွားဖို့ အကြောင်းပေါ်လာပြန်တယ်။ နေ့တိုင်းနီးပါးရောက်နေတဲ့ အခန်း၊ ရောက်တိုင်းလည်း ကြားနေကျ ညည်းတွားသံသဲ့သဲ့… ဆိုတော့ ဘာမှ ထူးထူးခြားခြား မခံစားရတော့ဘူး။ ဒါပေမဲ့ ဒီနေ့တော့ စိတ်ထဲမှာ တမျိုးပဲ။ မသွားချင်သလိုဖြစ်နေတယ်။ ဒါနဲ့ ဘေးကတစ်ယောက်ကို အဖေါ်လိုက်ခဲ့ပေးမလား မေးကြည့်တော့ ရှောရှောရှူရှူပဲ လိုက်မယ် သူလည်း အဲဒီအခန်းထဲမှာ ယူစရာတစ်ခုရှိတယ် တဲ့။ နှစ်ယောက်သား စကားလေးတပြောပြောနဲ့ အတူတူ လျှောက်သွားကြတယ်။ ခပ်လှမ်းလှမ်းကနေ မြင်နေရတဲ့ အဲဒီ အခန်းရှေ့မှာ လူသုံး လေးယောက်… ကုန်းကုန်းကွကွနဲ့။ သူတို့အားလုံးက တစ်ခုခုကို တညီတညွတ်တည်း ငုံ့ကြည့်နေကြတယ်။ အနားရောက်တော့ အတူပါလာတဲ့အဖေါ်က ခြေလှမ်းသွက်သွက်နဲ့ အဲဒီလူတွေကြားထဲကို တိုးဝင်သွားတယ်။ ကိုယ်ကတော့ နေရာမှာ ခြေစုံရပ်လျက်သား… စိတ်ထဲ ဘာကြောင့်မှန်းမသိ… အလိုလိုနေရင်း တစ်ခုခုတော့ မှားယွင်းနေသလို ခံစားရတယ်။

စက္ကန့်ပိုင်းလေးပဲ… သူပြန်ထွက်လာတယ်။ အိမ်မြှောင်အသေတစ်ကောင် ပြုတ်ကျနေတာတဲ့… ဖြစ်ရလေ အိမ်မြှောင်အသေများ ဘာဆန်းလို့ ဝိုင်းကြည့်နေကြသလဲ လို့ စိတ်ထဲက ပြောလိုက်မိတယ်။ အဲဒီအိမ်မြှောင်ဟာ အရွယ် အတော်ကြီးတယ် ပြောရရင် တောက်တဲ့နီးပါးရှိတယ် တဲ့၊ တံခါးကြားမှာထဲ ညပ်ပြီး အသက်ပျောက်ရဟန်တူတယ် တစ်ကိုယ်လုံး ပြားကပ်နေတာပဲတဲ့။ အဲဒီအထိလည်း စိတ်ထဲဘယ်လိုမှ မနေသေးဘူး။ အိမ်မြှောင်တွေရဲ့ဘဝမှာ ဒါဟာ ဖြစ်လေ့ဖြစ်ထရှိတဲ့ကိစ္စတစ်ခုပဲ မဟုတ်လား။ ဒါပေမဲ့ သူက ဆက်ပြောတယ်… အဲဒီအိမ်မြှောင်ဟာ ခေါင်းပေါ်မှာ ဆံပင်တွေ ရှိနေတာက သိပ်ထူးဆန်းတယ်တဲ့။ ဒါကတော့ နည်းနည်း တစ်မျိုးပဲ။ ဖြစ်နိုင်ခြေရှိတာကို ရှင်းရှင်းလင်းလင်းတွေးပြီး အမှိုက်တွေ ဘာတွေနဲ့ လုံးထွေးပြီး တံခါးညပ်သွားတာမျိုး ဖြစ်မှာပေါ့ လို့ လှမ်းပြောလိုက်တယ်။ ပြီးတာနဲ့ ဖွင့်ထားလက်စ တံခါးကနေ အခန်းထဲကို ဝင်လာခဲ့တယ်။ အခန်းထဲမှာ လုပ်စရာရှိတာ လုပ်နေရင်းမှာ အတူပါလာတဲ့ အဖေါ်က ဖုန်းခေါ်စရာရှိလို့ သူပြန်နှင့်မယ်နော် ဆိုပြီး အရင်ပြန်သွားတယ်။ ကိုယ့်အလုပ်ပြီးလို့ ပြန်ထွက်လာတော့ အခန်းအပြင်မှာ ဘယ်သူမှ မရှိတော့ဘူး၊ ခုနက ပြောတဲ့ အိမ်မြှောင်အသေရော ဆံပင်ခြည်ဆိုတာတွေရော ဘာဆို ဘာမှ မရှိတော့ဘူး။ တစ်ယောက်ယောက်က ရှင်းလင်း သိမ်းဆည်းသွားဟန်တူတယ်။ ဒါပေမဲ့… အဲဒီအခန်းကနေ လေး ငါး ဆယ် လှမ်းလောက် လျှောက်လာအပြီးမှာတော့ စိတ်ထဲမှာ တစုံတခုကို ဖျတ်ကနဲ သတိရသွားတယ်။ အဲဒီတော့ ခုနက အခန်းဖက်ကို နောက်ပြန်လှည့်မိတယ်။ အသံမြည်တဲ့တံခါးကို ဖွင့်နေကျအတိုင်း ဖွင့်လိုက်တယ်။ အလို… ဘာသံမှ မကြားရပါလား။ ကိုယ့် နားကို ကိုယ်တိုင် မယုံနိုင်ဖြစ်ရတယ်။ ပြန်ပိတ်တယ် ပြန်ဖွင့်တယ်… ကြားနေကျအသံ - တိုးညှင်းပေမယ့် ပီသတဲ့ ညည်းညူသံ- ဘာအသံမှ မကြားရတော့ဘူး။ သေချာချင်တဲ့စိတ်နဲ့ တံခါးကို ခြောက်ခါထက်မနည်း အဖွင့်အပိတ်လုပ်ကြည့်တယ်။ ဘာသံမှ မကြားရတာ တကယ် သေချာပြီ ဆိုမှ အဲဒီနေရာကနေ ပြန်ထွက်လာခဲ့တယ်။

* * * * *

နောက်တနေ့မနက်မှာ တံခါးဟာ အသံမြည်သေးလား မမြည်တော့ဘူးလားဆိုတာ ပိုသေချာအောင် အဲဒီအခန်းကို သွားကြည့်ဦးမယ်ဆိုတဲ့ စိတ်နဲ့ အိမ်ကနေ ခါတိုင်းထက် စောပြီး ထွက်လာခဲ့တယ်။ အလုပ်ကိုရောက်တော့ စားပွဲပေါ်မှာ စာအိတ်ဖြူတစ်လုံး တင်ထားတာ တွေ့ရတယ်။ ထိုင်ခုံမှာ ဝင်မထိုင်သေးခင် မတ်တပ်ရပ်လျက်ကပဲ စာအိတ်ကို ဖွင့်ကြည့်လိုက်တယ်။ အထဲမှာ စာရွက်ခေါက်တစ်ခုနဲ့အတူ ငွေစက္ကူ အနည်းငယ် ရှိနေတယ်။ စာရွက်ထဲမှာ ရေးထားတဲ့ အကြောင်းအရာကတော့ ဒီရုံးမှာ သန့်ရှင်းရေးလုပ်နေတဲ့ အန်တီ ပြီးခဲ့တဲ့ တစ်ပတ်က ကားတိုက်ခံရလို့ ဆေးရုံတင်ထားတာ၊ မနေ့ကပဲ ဆုံးပါးသွားလို့ တတ်နိုင်သလောက် ကူငွေထည့်ဖို့ အကြောင်းပဲ။ (ဒီကရုံးတွေမှာက သာရေး နာရေးဆို ဒီနည်းနဲ့ပဲ အလှူငွေ / ကူငွေ ကောက်လေ့ရှိတယ်။ ကိုယ်ထည့်ချင်သလောက်ငွေကို စာရွက်ပေါ်မှာ နာမည်နဲ့အတူရေးပြီး ပိုက်ဆံကို စာအိပ်ထဲထည့်၊ တစ်ယောက်ပြီး တစ်ယောက် လက်ဆင့်ကမ်းလိုက်ကြတာမျိုး။) ဖြစ်မှဖြစ်ရလေလို့ တွေးပြီး စာရွက်ပေါ် နာမည်ရေးနေရင်းမှာ အခန်းထဲကိုဝင်လာတဲ့ အမျိုးသားနှစ်ယောက် သူတို့အချင်းချင်း ပြောနေကြတဲ့ စကားသံတွေက - အာရုံမစိုက်ရပါပဲ - နားထဲကို တန်းတန်းမတ်မတ် ရောက်လာခဲ့တယ်။ သူတို့ပြောနေတာ တခြးတော့မဟုတ်… ဆုံးပါးသွားတဲ့ သန့်ရှင်းရေး အန်တီအကြောင်းပဲ။ အန်တီဟာ သန့်ရှင်းရေးအလုပ်သမား ဖြစ်သော်ငြားလည်း သူ့အလုပ်ကိုသူ အင်မတန်လေးစားတဲ့အကြောင်း၊ တော်ရုံနေမကောင်းဖြစ်ရင်တောင် အလုပ်နားရက် ယူလေ့မရှိတဲ့အကြောင်း၊ အဲဒီနေ့က အလုပ်ကို အလာ ရုံးရှေ့က ကားလမ်းကို ဖြတ်အကူးမှာ မူးလဲသွားပုံရပြီး ရုတ်တရက် အရှိန်မထိန်းနိုင်တဲ့ ကားက ဖြတ်ကြိတ်သွားတဲ့အကြောင်းနဲ့ သူ့ခေါင်းတစ်ခြမ်းဟာ လမ်းမပေါ်မှာ ပြားကပ်သွားတဲ့အကြောင်း၊ ပြီးတော့ ဒီလောက်ကြီးမားတဲ့ ဝေဒနာကြီးကို တစ်ပတ်လောက် ခံစားသွားရသေးတယ် ဆိုတဲ့ အကြောင်းတွေ…
သူတို့ပြောနေတဲ့ စကားတွေနားထောင်ရင်း လူက မူးရိပ်ရိပ်ဖြစ်လာတာမို့ နားထင်ကို လက်နဲ့ထောက်ပြီး နေရာမှာ ခပ်မြန်မြန်ထိုင်ချလိုက်ရတယ်။

သက်ဝေ
(၁၅ သြဂုတ် ၂၀၁၇)
 
- ၂၀၁၇ November လ - Idea မဂ္ဂဇင်းတွင် ဖေါ်ပြပြီးဖြစ်သည်။

 
 

Monday, October 16, 2017

အလုပ်လုပ်ရင်း ကစားလို့ရတဲ့ ပျော်စရာ ဂိမ်းတွေ

ဂိမ်း ဆိုတာကို လွယ်လွယ်ပြောရရင် ကစားနည်းတွေပေါ့။

ဂိမ်းဆိုတဲ့ ကစားနည်းတွေကို ကစားကြတယ် ဆိုတဲ့နေရာမှာ အပျော်သဘောနဲ့ ကစားကြသလို ပြိုင်ပွဲတွေနဲ့ သူ့ထက်ငါ အနိုင်ရအောင် ကြိုးစားယှဉ်ပြိုင် ကစားကြတာမျိုးလည်း ရှိတာပဲ။ သို့သော် ဂိမ်း လို့ ဆိုလိုက်ရင် တော်တော်များများက အားကစားနဲ့ ဆက်နွှယ်နေတဲ့ ကိုယ်လက်လှုပ်ရှား ကစားနည်းတွေကို မမြင်ပဲ ကွန်ပျူတာဂ်ိမ်း၊ တီဗီဂိမ်း၊ စမတ်ဖုန်းတွေ တက်ပလက်တွေနဲ့ ကစားရတဲ့ အွန်လိုင်း အော့ဖ်လိုင်း ဂိမ်းတွေကိုသာ အရင် မြင်သွားတတ်ကြတယ်။ အဲဒါအပြင် ဂိမ်း ကစားတယ်ဆိုတာ ကလေးတွေလုပ်တဲ့ အလုပ်၊ ကလေးတွေနဲ့သာ ဆိုင်တဲ့ကိစ္စလို့လည်း မြင်လေ့ရှိကြတယ်။ လူကြီးတွေ ဂိမ်းကစားမိရင် ကလေးမဟုတ် သူငယ်မဟုတ် မကြီးမငယ်နဲ့ ဂိမ်းကစားနေရကောင်းလား လို့တောင် ထင်မြင်တတ်ကြပါသေးတယ်။ ဒါပေမဲ့ အခုနောက်ပိုင်း လက်ကိုင်ဖုန်းတွေနဲ့ တက်ပလက်တွေ လူတကာလက်ထဲ ပေါပေါများများ ရောက်လာတဲ့အချိန်မှာ ဂိမ်းဆိုတာ ကလေးငယ်တွေကိုသာ ရည်ရွယ်တာမဟုတ်ဘူးလို့ လူတိုင်း သိလာ မြင်လာကြပါတယ်။ ကျောင်းနေစ ကလေးအရွယ်ကစလို့ ဟိုးလူကြီးတွေအထိ အသက်အရွယ်နဲ့လိုက်လို့ ကစားရတဲ့ ဂိမ်း ကစားနည်းပေါင်း အမျိုးအမည် မရေမတွက်နိုင်အောင် ရှိလာပါတယ်။ သုံးတတ်ရင် ဆေး၊ မသုံးတတ်ရင် ဘေး ဆိုသလိုပဲ ဂိမ်းကစားခြင်းရဲ့ အကျိုးအပြစ်တွေ အများကြီးရှိတာကိုလည်း တွေ့လာရပါတယ်။ တချို့တွေကတော့ ဂိမ်း လို့ ဆိုလိုက်ရင် အလကား အပိုအလုပ်တွေ၊ အချိန်ဖြုန်းတဲ့ ကိစ္စတွေလို့ ဝေဖန်တတ်ကြတယ်။ တချို့ကလည်း အချိန်တွေ ပိုနေလို့၊ ဘာမှ လုပ်စရာ မရှိလို့၊ ဒါမှမဟုတ် တခုခုကို စောင့်ဆိုင်းနေရချိန်မှာ အချိန်ကုန် မြန်အောင် လို့ ဂိမ်းကစားနေတာပါလို့ ဆင်ခြေပေးသလို ပြောတတ်ကြတယ်။ ဘာပဲပြောပြော ဂိမ်း နဲ့ ပတ်သက်ရင် အပျော် ဆိုတာကိုပါ တတွဲတည်း မြင်လေ့ရှိကြတာကတော့ ငြင်းလို့ မရပါဘူး။ တကယ်တော့ ဂိမ်း ဆိုတာ ကလေးတွေနဲ့သာ သက်ဆိုင်တဲ့ အဲဒီ အပျော်အပါးကိစ္စ ဆိုတာထက် အများကြီး ပိုပါတယ်။

ဘာကြောင့် အဲဒီလို ပြောရတာလဲ… ဘာတွေများ ပိုလို့လဲ… ဂိမ်း ကစားတယ် ဆိုတာ အပျော်ပဲ မဟုတ်ဘူးလား လို့ မေးလာမယ်ဆိုရင်… မဟုတ်ပါဘူး လို့ ကျွန်မက ငြင်းပြီး မဟုတ်တဲ့အကြောင်းကိုလည်း အခုလို ပြောပြချင်ပါတယ်။ အဲဒါကတော့ ကျွန်မတို့ နေ့စဉ်ကျင်လည်နေကြရတဲ့ လုပ်ငန်းခွင်ထဲမှာ ဂိမ်းကစားကြတဲ့အကြောင်းပါ။

အများအားဖြင့် မနက် ရှစ်နာရီ ကနေ ညနေ ခြောက်နာရီလောက်အထိ ရုံးမှာ ကွန်ပျူတာကို မျက်နှာချင်းဆိုင်လို့ အလုပ်လုပ်ကြရသူတွေအတွက် အလုပ်ရဲ့ စိတ်ဖိစီးမှုကို လျှော့ချနိုင်စေဖို့၊ နေ့စဉ် ဆင်တူရက်စွဲတွေထဲမှာ ပျင်းရိညည်းငွေ့ မနေစေဖို့၊ စိတ်ကြည်လင်ပြီး လန်းဆန်း တက်ကြွလာစေဖို့၊ အကြံကောင်း ဥာဏ်ကောင်းတွေနဲ့ တီထွင်ဖန်တီးနိုင်တဲ့ စွမ်းအားတွေ တိုးပွားလာစေဖို့၊ မျက်စိရော လူရော စိတ်ပါ အညောင်း အညာပြေစေဖို့၊ လုပ်ငန်းခွင်ထဲမှာ လုပ်ဖေါ်ကိုင်ဖက် အချင်းချင်း ပိုပြီး ချစ်ခင်ရင်းနှီးမှုရှိလာစေဖို့… အစရှိတဲ့ ရည်ရွယ်ချက်တွေနဲ့ တလတကြိမ် နှစ်ကြိမ် အဆင်ပြေသလို အလုပ်ထဲမှာ ဂိမ်းကစားဖြစ်ကြပါတယ်။ အလုပ်ထဲမှာ ဂိမ်းကစားကြတယ်ဆိုတော့ နည်းနည်းတော့ ထူးဆန်းကောင်း ထူးဆန်းနေလိမ့်မယ်။ ဒါပေမယ့် အဲဒီလိုအချိန်တွေ တကယ်ရှိပါတယ်၊ တကယ်လည်း လိုအပ်ပါတယ်။ ပြီးတော့ အလုပ်ပျက် အကိုင်ပျက် ဖြစ်ရတဲ့အထိလည်း အချိန်ယူစရာ မလိုပါဘူး။ အဲဒီလို ပေါ့ပေါ့ပါးပါး ကစားလေ့ရှိတဲ့ ရုံးတွင်း ဂိမ်း ကစားနည်းတွေထဲက တချို့ကို မျှဝေချင်ပါတယ်။

*****
အဲဒီနေ့က နေ့လည် ထမင်းစားပြီးချိန် နေ့လည် နှစ်နာရီလောက်မှာ ကျွန်မတို့ဌာနကို အုပ်ချုပ်သူ လူကြီးက စက္ကူအိပ် အညိုရောင်အထုပ်ကို အခန်းထဲက စားပွဲပေါ်မှာ လာချပြီး အားလုံး ဒီနားကို လာကြ… လို့ ခေါ်ပါတယ်။ သူယူလာတဲ့ အထုပ်ထဲက ပစ္စည်းတွေကို ကြည့်လိုက်တော့ တခါသုံး စက္ကူခွက်၊ တခါသုံး ဝါးတူ တွေ၊ ပြီးတော့ ဆေးလုံးလေးတွေနဲ့တူတဲ့ M & M တံဆိပ် ရောင်စုံချောကလက်ထုပ်တွေကို တွေ့ရပါတယ်။ M & M ရောင်စုံ ချောကလက်လုံးလေးတွေကို သိကြတယ် မဟုတ်လား၊ ဟိုးအရင်က မြန်မာ့အသံနဲ့ တီဗီမှာ ကြော်ငြာတယ်လေ၊ “ချောကလက်လေးတွေ တန်းစီ…” တို့ “ပါးစပ်ထဲမှာသာ ပျော်ပြီး လက်မှာ မပျော်တဲ့ တို့ချောကလက်” တို့ ဆိုတာ… (ဒီနေရာမှာ ပျော်တယ် ဆိုတာ melt ဖြစ်တာ - အရည်ပျော်တာကို ဆိုချင်တာ ဖြစ်ပါတယ်) အဲဒီ ချောကလက်လုံးလေးတွေပါ။ အားလုံးက ဒီချောကလက်တွေနဲ့ ဝါးတူတွေ စက္ကူခွက်လေးတွေကို ဘာလုပ်ဖို့ ယူလာတာပါလိမ့်လို့ တွေးပြီး ကြံရာမရ ဖြစ်နေချိန်မှာ သူကပဲ စပြီး တယောက်ကို စက္ကူခွက် တခုနဲ့ တူတစုံစီ ယူစေပါတယ်။ ပြီးတော့ ချောကလက်ထုပ်တွေကို သူကိုယ်တိုင်ပဲ ဖေါက်ပြီး ပလတ်စတစ်ဇလုံ ခပ်ကြီးကြီး တခုထဲ လောင်း ထည့်ပါတယ်။ တဆက်တည်းမှာ သူ့လက်ကိုင်ဖုန်းကို ထုတ်ပြီး တမိနစ် တိုင်မာ ပေးထားကြောင်း ကျွန်မတို့ကို ပြပါတယ်။ ပြီးတော့ ကျွန်မတို့ အားလုံးကို စားပွဲပတ်ပတ်လည်မှာ နေရာယူခိုင်းပါတယ်။

သူ တိုင်မာစတဲ့ အချိန်မှာ ကျွန်မတို့က တူနဲ့ ခုနက ရောင်စုံချောကလက်လုံးတွေကို စက္ကူခွက်လေးတွေထဲ ယူထည့်ကြရမှာပါ။ ပြိုင်ပွဲစည်းကမ်းအနေနဲ့ ချောကလက်လုံးတွေကို တူနဲ့ပဲ ယူရမယ်၊ လမ်းမှာ ပြုတ်ကျကျန်နေခဲ့တဲ့ ချောကလက်လုံးတွေကို ပြန်မကောက်ပဲ ဒီတိုင်းထားရမယ်၊ ဇလုံထဲကနေ စက္ကူခွက်ထဲကို တူနဲ့ ညှပ်ပြီး အမိအရ ပါလာတဲ့ ချောကလက်လုံးတွေကိုသာ ရေတွက်မယ်လို့ ပြောပါတယ်။ အိုကေ… အားလုံး အဆင်သင့်ဖြစ်ပြီဆို စမယ်လို့ ပြောပါတယ်။ ကျွန်မတို့ အားလုံး တူ တပြင်ပြင် လက် တပြင်ပြင်နဲ့ ရောင်စုံ ချောကလက်လုံးတွေကို ကောက်ယူဖို့ အသင့်ဖြစ်နေကြပါပြီ။

သူက Ready… One, Two, Three… Go လို့ အော်လိုက်တဲ့အချိန်မှာ ကျွန်မတို့ အားလုံး ချောကလက်လုံးတွေကို တူနဲ့ လှမ်းယူပြီး လက်တဖက်မှာ ကိုင်ထားတဲ့ စက္ကူခွက်လေးထဲ ထည့်ကြပါတယ်။ ပြောင်ချောချော ရောင်စုံချောကလက်လုံးပိစိလေးတွေဟာ တူနှစ်ချောင်းကြားမှာ ရှောရှောရှူရှူ ပါလာတဲ့သူက ပါလာ၊ ပြုတ်ကျခဲ့တဲ့သူက ပြုတ်ကျ၊ ခွက်လေးထဲအထိ ပါလာလို့ သဘောကျတဲ့ ရယ်မောသံ၊ လမ်းတဝက်မှာ ပြုတ်ကျလို့ မချင့်မရဲ ကြိတ်မနိုင်ခဲမရ အော်သံတွေလည်း ဆူညံ… ပျော်လိုက်ကြတာ ကလေးငယ် တွေလိုပဲ။

တမိနစ်ပြည့်ချိန်မှာ သူက အားလုံး တူတွေချပြီး ရပ်တော့ လို့ ပြောပါတယ်။ ပြီးတော့ တယောက်ကို ရောင်စုံချောကလက် ဘယ်နှစ်လုံးရသလဲ ရေတွက်ကြရပါတယ်… အများဆုံးရတဲ့သူကို သူ အသင့်ယူလာတဲ့ ဆုလေး ထုတ်ပေးပါတယ်။ ဆုကလည်း သိပ်တော့ ထွေထွေထူးထူး မဟုတ်ပါဘူး ကော်ဖီမတ်ခွက်လေး တလုံးပါပဲ။ ဒါပေမဲ့ အဲဒီနေ့က ကျွန်မတို့ အားလုံး ရောင်စုံချောကလက်လုံးတွေ စားရင်း ရယ်မော ပျော်ရွှင်ကြရတယ်၊ တခဏ လန်းဆန်းပေါ့ပါးသွားရုံသာမက နောက်နေ့တွေအထိ ပြန်ပြောပြီး ပျော်ကြရတယ်။ အချိန်လည်း များများ မလို၊ ကြီးကြီးကျယ်ကျယ်လည်း ကြိုတင်ပြင်ဆင်စရာ မရှိ၊ ချောကလက်လည်းစားရတဲ့ ပေါ့ပေါ့ပါးပါး ကစားနည်း တခုပါပဲ။

*****
နောက်တကြိမ်ကတော့ ကျွန်မတို့ ဌာနတခုလုံး စာရင်းစစ်ဝင်မယ့် ရက်နီးနေလို့ ခေါင်းမဖေါ်နိုင်အောင် အလုပ်များနေချိန်ပါ။ နေ့လည်စာ စားဖို့ မိနစ်နှစ်ဆယ်လောက်အလိုမှာ ကျွန်မတို့ လူကြီးက စားစရာတွေလို့ ထင်ရတဲ့ အထုတ်တွေနဲ့ အခန်းထဲကို ရောက်လာပါတယ်။ ခါတိုင်းလည်း သူက အဲဒီလိုပဲ စားစရာတွေ အမြဲ ဝယ်လာနေကျပါ။ Hi everyone လို့ နှုတ်ဆက်ပြီး အခန်းထဲ ဝင်လာပါတယ်… အလုပ်တွေ ဖိစီးနေတာကြောင့် သူ့ကို ပြန်နှုတ်ဆက်တဲ့ အသံက နည်းနည်းပဲ ရှိပါတယ်။ ပြီးတော့ သူက ယူလာတဲ့ အထုတ်တွေကို အခန်းအလယ်က စားပွဲရှည်ပေါ်မှာ တင်လိုက်ပါတယ်။ ကိုယ့်အလုပ်ဇောနဲ့ကိုယ် ခေါင်းမဖေါ်နိုင်တဲ့ ကျွန်မတို့ကို သူက ဒီကိုလာကြဟေ့ လို့ လှမ်းခေါ်ပါတယ်။ အနားရောက်တော့ လူရေပြီး အဖွဲ့ နှစ်ဖွဲ့ ခွဲခိုင်းပါတယ်။ အဲဒီအချိန်အထိ ကျွန်မတို့ကို အလုပ်အသစ်တွေ ထပ်ပေးဖို့ အဖွဲ့ခွဲခိုင်းတယ်ပဲ ထင်နေမိတာပါ။ သူယူလာတဲ့ အထုတ်တွေကို မျက်စိတချက် ဝေ့ကြည့်လိုက်တော့ ပဲလုံးလေးတွေကို တွေ့လိုက်ရပါတယ်။ ခါတိုင်းလည်း အပျင်းပြေဝါးဖို့ ပဲလုံးလေးတွေဝယ်လာတတ်ပါတယ်။ ဒါပေမယ့် ဗူးတခုခု၊ ဒါမှမဟုတ် ပုလင်းထဲ တခါတည်း ထည့်ပြီးမှ ယူလာတတ်တာပါ။ အခုကတော့ အထုတ်လိုက်ပဲ။

ဘာပဲဖြစ်ဖြစ် သူခိုင်းတဲ့အတိုင်း ကျွန်မတို့ လူစု အဖွဲ့ နှစ်ဖွဲ့ ခွဲလိုက်ပါတယ်၊ စိတ်မပါ လက်မပါ… ပြီးတော့ အနည်းငယ် တွန့်ဆုတ် လေးကန်တဲ့ အပြုအမူတွေကိုယ်စီနဲ့ဆိုတာ ဝန်ခံရမှာပဲ။ ကျွန်မတို့ ဌာနမှာ စုစုပေါင်း ဝန်ထမ်း ဆယ့်ငါးယောက်ရှိပါတယ်။ အဲဒီနေ့က စာရင်းကိုင်တယောက်က ကလေးနေမကောင်းလို့ ခွင့်ယူထားတာမို့ ဆယ့်လေးယောက်ကျန်တာနဲ့ တဖွဲ့ကို ခုနှစ်ယောက်စီ အညီအမျှ ခွဲလို့ ရလိုက်ပါတယ်။ အဲဒီလို နှစ်ဖွဲ့ခွဲပြီးတော့ သူက ဘယ်အချိန်က သွားယူလာမှန်းမသိတဲ့ ပလတ်စတစ်ဇလုံ သုံးခုကို ထုတ်လိုက်ပါတယ်။ အဲဒီအချိန်မှာ ကျွန်မတို့ သိသွားပြီ။ အားလုံးက ဟေးးး ကနဲ တပျော်တပါး အော်လိုက်ကြတယ်။

သူယူလာတဲ့ ပဲလုံးလေးတွေက နှစ်မျိုးပါ။ တခုက Kidney Bean လို့ ခေါ်ကြတဲ့ နီညိုညို ပဲလုံးကြော်တွေ ဖြစ်ပြီး နောက်တခုကတော့ Chick Pea လို့ ခေါ်ကြတဲ့ ကုလားပဲလုံးလို ပဲတွေပါ။ အဲဒီ အရွယ်မတူ အရောင်မတူတဲ့ ပဲနှစ်ထုပ်ကို သူက ဇလုံတခုထဲ ရောထည့်ပြီး ဇလုံကို ဆန်ပြာသလို အလွယ်တကူ လှုပ်ခါပြီးတော့ ပဲလုံးတွေကို ရော သမ စေပါတယ်။ ပြီးတော့ ကျွန်မတို့ အဖွဲ့တဖွဲ့ကို ဇလုံ တလုံးစီ ပေးပါတယ်။ အချိန် တမိနစ်ပေးမယ် တဖွဲ့က နီညိုရောင်ပဲလုံးတွေကို ရွေး၊ နောက်တဖွဲ့က အဝါရောင် ပဲလုံးတွေကို ရွေးပြီး ကိုယ့်ဇလုံထဲ ကိုယ် ထည့်ရမယ် လို့ ပြောပါတယ်။ သူက စ ဆိုတဲ့ အချိန်မှာ ကျွန်မတို့ ပဲလုံးတွေ ရွေးကြပါတယ်။ ကျွန်မ နေရတဲ့ အဖွဲ့က နီညိုရောင် ပဲလုံးတွေ ရွေးရပါတယ်။ ဘယ်သူ့ ဘယ်သူမှ မကြည့်နိုင်ပဲ ကိုယ်လိုတဲ့ ပဲလုံးကို သူ့ထက်ငါ အလုအယက် ရွေးယူကြပါတယ်။ တမိနစ်ပြည့်ပြီ… အားလုံး ရပ်တော့ ဆိုတာတောင် မရပ်နိုင်ပဲ ဆက်ကောက်နေမိသေးတယ်။ ပြီးတော့ သူက ပဲ ဇလုံ နှစ်ခုကို ကြည့်ပြီး အရောင်မတူတဲ့ မလိုတဲ့ ပဲလုံးတွေကို ဖယ်ထုတ်စေပါတယ်။ နောက်တော့ အခန်းထဲမှာ ပစ္စည်းချိန်ဖို့ အသင့်ရှိနေတဲ့ ချိန်တွယ်စက်လေးနဲ့ ချိန်ပါတယ်။ ကျွန်မတို့ နီညိုရောင် အဖွဲ့က ပဲလုံး အလေးချိန် သုံးရာဂရမ်နဲ့ အနိုင်ရပါတယ်။ ပဲလုံး အဝါရောင်ကောက်တဲ့အဖွဲ့က နှစ်ရာ့ရှစ်ဆယ်ဂရမ်ပဲ ရတာပါ။ အနိုင်ရတဲ့ ကျွန်မတို့ ခုနှစ်ယောက်ကို သူက ပိုက်ဆံ ခုနှစ်ဆယ် ထုတ်ပေးပြီး တယောက် တဆယ်ယူ၊ နေ့လည်စာဝယ်စားကြလို့ ပြောပြီး တဟားဟား ရယ်မောရင်း အခန်းထဲက ထွက်သွားပါတယ်။ နှစ်ဆယ်ဂရမ်နည်းလို့ ရှုံးသွားတဲ့ အဖွဲ့က ကျွန်မတို့ကို မနာလုိုဖြစ်ပြီး ပဲလုံးတွေနဲ့ ပစ်ပေါက်ကြပါတယ်။ သူတို့ပဲလုံးတွေကို ရှောင်ရင်း တိမ်းရင်း ရယ်မောရင်း ကျွန်မတို့ နေ့လည်စာ ဆင်းစားကြပါတယ်။

ကိုယ့်ရဲ့ အဖွဲ့ကို အလုပ်ခွင်ထဲမှာ အမြဲတမ်း ပျော်ရွှင်အောင် ထားတတ်တဲ့၊ မကြာခဏ အခုလို ဂိမ်းသေးသေးလေးတွေ ကစားဖို့ ယူဆောင်လာတတ်တဲ့ သူ့ရဲ့ ကစားနည်းတွေက ဒါတင် မကပါဘူး၊ နောက်ထပ် အများကြီး ရှိနေပါသေးတယ်။ တခါတလေ လုပ်လက်စ အလုပ်တွေရပ်ခိုင်း အားလုံးကို Microsoft Word ဖွင့်ခိုင်းပြီး ကြိုက်တဲ့ စာရိုက်ကြဆိုပြီး ခိုင်းတတ်တယ်။ ခေါင်းထဲက ထွက်သလို ရိုက်ချင်ရင်ရိုက်၊ ဒါမှမဟုတ် အနားက စာအုပ်တခုခုထဲက စာကြောင်းတွေကို ကူးရိုက်ချင်ရိုက်၊ တမိနစ်ပြည့်ရင် ရပ်ခိုင်းပြီး စာလုံး (Words) အရေအတွက် အများဆုံး ရိုက်နိုင်တဲ့သူကို ဆုချတာမျိုး၊ လက်ကိုင်ဖုန်းတွေကနေ သူ့ဆီကို စာတို ဘယ်နှစ်စောင် ပို့နိုင်သလဲ ပြိုင်တာမျိုး၊ သီချင်းတပုဒ်ကို ခပ်ကျယ်ကျယ် ဖွင့်ပြီး အခန်းထဲဝင်လာပြီးတော့ သီချင်းနာမည်နဲ့ အဆိုတော်နာမည်ကို သူ့ဆီ မက်ဆေ့ခ်ျ ပို့ခိုင်းတာမျိုး၊ အဖွဲ့ နှစ်ဖွဲ့ ခွဲပြီး လေမှုတ်ပူဖေါင်းတွေ ဝယ်လာပြီး ပြိုင်မှုတ်ခိုင်းတာမျိုး… အမျိုးမျိုး ကစားရပါတယ်။ အချိန်ကလည်း ဆယ်မိနစ် ဆယ့်ငါးမိနစ်ထက် ပို မကုန်ပါဘူး။

*****
အလုပ်ခွင်ထဲမှာ တနေ့ တနေ့ ခေါင်းစိုက်အောင်လုပ်နေရင်းမှာပဲ ပျော်စရာအချိန် အခိုက်အတံ့လေးတွေ၊ လုပ်ဖေါ်ကိုင်ဖက် အချင်းချင်း ရင်းနှီးချစ်ခင်မှု စည်းလုံးမှု ပိုစေတဲ့ အခိုင်အတံ့လေးတွေကို အခုလို ဂိမ်းကစားရင်း ဖန်တီးယူလို့ ရနိုင်တယ်ဆိုတာ ကျွန်မအတွက်တော့ သေချာပါတယ်။ ဆိုတော့… ဂိမ်းဆိုတာ ကလေးမှ ဆော့ရမယ်၊ အားမှ ဆော့ရမယ်၊ အချိန်ပိုမှ ဆော့ရမယ်၊ သတ်မှတ်ထားတဲ့ နေရာရောက်မှ ဆော့ရမယ်ဆိုတာ ဘယ်ဟုတ်ပါ့မလဲ။ ပြီးတော့ ဂိမ်း ကစားတယ် ဆိုတာ အပျော်အပါး ကိစ္စ၊ အချိန်ပိုမှ လုပ်ရတဲ့ ကိစ္စ၊ အလကား အချိန်ဖြုန်းရုံသက်သက် ကိစ္စတခုလို့ရော ယူဆလို့ရနိုင်သေးရဲ့လားလို့ စဉ်းစားနေမိတာပါပဲ…။

သက်ဝေ

(၃၁ ဇူလိုင် ၂၀၁၇)

(၂၀၁၇ စက်တင်ဘာလ Gamer Magazine ငါးနှစ်ပြည့် အထူးထုတ်တွင် ဖေါ်ပြပြီး ဖြစ်သည်)