ခရီးသွားဧည့်သည်များ၊ ပိုင်ရှင်မဲ့ ခွေးများနှင့် ခွေးရူးအန္တရာယ်

မကြာသေးတဲ့ တစ်ညနေက အိမ်နီးချင်း စင်္ကာပူနိုင်ငံသား အမျိုးသမီးတစ်ယောက်နဲ့ အိမ်အောက်မှာတွေ့လို့ နှုတ်ဆက်ရင်း စကားပြောဖြစ်တော့ သူ ပြီးခဲ့တဲ့လက မြန်မာပြည်ကို အလည်သွားခဲ့တဲ့အကြောင်း ပြောပြပါတယ်။ သဘာဝက ပေးထားတဲ့ တောတောင် ရေမြေတွေနဲ့ သိပ်လှတဲ့နိုင်ငံ၊ လည်စရာ ပတ်စရာ ကြည့်စရာ စိတ်ဝင်စားစရာ နေရာဒေသတွေ အများကြီး ရှိတဲ့နိုင်ငံ၊ နောက်တစ်ခေါက် မဖြစ်မနေ ထပ်သွားချင်စရာကောင်းတဲ့ နိုင်ငံ ဖြစ်တယ် လို့ ဆိုတယ်။ သူတို့က Tour Group နဲ့သွားတာဖြစ်ပြီး ဆယ်ညအိပ် ဆယ့်တစ်ရက်ခရီးမှာ ရန်ကုန်၊ ပုဂံညောင်ဦး၊ ပုပ္ပါး၊ မန္တလေး၊ ဟဲဟိုး၊ အင်းလေးနဲ့ ပင်းတယမြို့တွေကို ရောက်ခဲ့တယ် လို့ ပြောပါတယ်။ ပုဂံဘုရားတွေကို အချိန်ယူပြီး အေးအေးဆေးဆေး ဖူးခွင့်ရလို့ အထူးပဲ ကြည်နူး ကျေနပ်ရကြောင်း၊ ဘုရားဖူးဧည့်သည်တွေကို ဘုရားပေါ်တက်ပြီး နေဝင်ချိန်ကြည့်ဖို့ ဓါတ်ပုံရိုက်ဖို့ ခွင့်မပြုတော့တာဟာ မှန်ကန်တဲ့ လုပ်ရပ်ဖြစ်ကြောင်းနဲ့အတူ မန္တလေးကျုံးကို သဘောကျပြီး ဦးပိန်တံတားက ပတ်ဝန်းကျင်က မြင်ကွင်းတွေဟာ အင်မတန်မှ လှပတဲ့အကြောင်း (သူက U Bain Bridge - ယူဘိန် Bridge လို့ အသံထွက်လို့ ခဏကြောင်ပြီး စဉ်းစားလိုက်ရသေးတယ်။) ဖေါင်တော်ဦးဘုရားကို ရွှေသင်္ကန်း ကပ်လှူခဲ့ရတဲ့အကြောင်း၊ အင်းလေးရေပြင်ပြာနဲ့ ပင်းတယကိုလည်း ကြိုက်နှစ်သက်တဲ့အကြောင်း ပြောပါတယ်။ 

ရန်ကုန်မှာတော့ ရွှေတိဂုံ၊ ဆူးလေဘုရားနဲ့ ဗိုလ်ချုပ်ဈေးကို ရောက်ခဲ့တယ် ကရဝိတ် ရောက်ခဲ့တယ်၊ နေရေးထိုင်ရေး စားရေးသောက်ရေး အစစ အရာရာ အဆင်ပြေတဲ့အကြောင်းတွေ ပြောအပြီးမှာ တစ်ခုပဲ... စိတ်မရှိပါနဲ့နော် ဆိုပြီး အားတုံ့အားနာနဲ့ ပြောတာက လမ်းမပေါ်မှာ လမ်းသွယ်ထဲမှာ ဟိုနား ဒီနားမှာ ပိုင်ရှင်ရှိဟန်မတူတဲ့ ခွေးလေခွေးလွင့်တွေက နေရာအနှံ့ ရှိနေတာ အဆင်မပြေဘူး၊ သူ ကြောက်တယ်တဲ့။ ဒါကြောင့် တချို့ နီးနီးနားနား နေရာတွေကို လမ်းလျှောက်သွားချင်ပေမယ့် မသွားရဲဘူး၊ Grab ခေါ်ရတယ်။ သူ့သူငယ်ချင်းတစ်ယောက် ရန်ကုန်ကို အလည်သွားရင်း ခွေးကိုက်ခံထားရဖူးတော့ သူပိုကြောက်နေတာလည်း ဖြစ်နိုင်ပါတယ်လို့ ပြောလာတယ်။ နိုင်ငံခြား ခရီးသွားဧည့်သည်တွေ များများလာစေချင်ရင် အဲဒီ လမ်းဘေးက ပိုင်ရှင်မဲ့ ခွေးတွေကို အရင်ဆုံး တစ်ခုခု စီစဉ်နိုင်ရင် ပိုကောင်းမယ်လို့ အကြံပေးချင်ပါတယ် တဲ့။ သူ့စကားအဆုံးမှာ ကျွန်မ ဆက်တွေးစရာ အတွေးစတွေ အများကြီးနဲ့ ကျန်ခဲ့ပါတယ်။ မြန်မာပြည်ကို အလည်သွားတဲ့ နိုင်ငံခြားသားတွေဆီက လမ်းဘေးခွေးနဲ့ပတ်သက်လို့ ကျွန်မ ကြားရတာ ဒါပါနဲ့ဆို လေးကြိမ်မြောက်ပါ။ ပထမနဲ့ ဒုတိယအကြိမ်က အလုပ်တာဝန်နဲ့သွားတဲ့ လုပ်ဖေါ်ကိုင်ဖက်တွေဆီက ဖြစ်ပြီး တတိယအကြိမ်ကတော့ အမေရိကန်နိုင်ငံသား မိတ်ဆွေတစ်ယောက်ဆီကပါ။ သူတို့ပြောစကားတွေ အားလုံးက အတူတူပါပဲ။ ခွေးရူးအန္တရာယ်ဟာ ဘယ်လောက် ကြောက်စရာကောင်းတယ်ဆိုတာ အဲဒီက လူတွေ မသိကြတာလား ဆိုတဲ့ မေးခွန်းတောင် ပါပါသေးတယ်။ 

ကျွန်မအတွေးတွေက အဲဒီမှာတင်ရပ်မနေပဲ ဟိုးတစ်နှစ်က အကိုတစ်ယောက် သူ့အိမ်ရှေ့ သူထိုင်နေတုန်း ဘယ်ကဘယ်လို ရောက်လာမှန်း မသိတဲ့ ခွေးတစ်ကောင်က အသားလွတ် လာကိုက်သွားတာ၊ ကိုက်တာမှ သူ့တစ်ယောက်တည်းတောင် မဟုတ် လမ်းပေါ်မှာ အေးအေးသက်သာ လမ်းလျှောက်သွားနေတဲ့ ကျောင်းသားလေးတစ်ယောက်နဲ့ နောက်ထပ် လူကြီးတစ်ယောက်ကိုပါ ဆက်တိုက် ကိုက်သွားသေးတာ၊ နောက်ကျွန်မ သူငယ်ချင်းတစ်ယောက်လည်း ကားတွေကို ရှောင်ပြီး လမ်းဘေးကပ်လျှောက်နေရင်း ရေမြောင်းထဲက တက်လာတဲ့ခွေးက လှမ်းကိုက်လိုက်တာ၊ ခွေးတွေက ကိုက်ပြီး ထွက်ပြေးသွားတာဆိုတော့ စောင့်ကြည့်ဖို့ကလည်း မလွယ်... လိုအပ်သမျှ ဆေးကုသမှုတွ အမြန်ဆုံးလုပ်ပြီး မိသားစုတွေ သောကကိုယ်စီနဲ့ ရင်တထိတ်ထိတ် စောင့်ကြည့်နေခဲ့ရတဲ့ နေ့ရက်တွေအကြောင်း၊ တချို့တွေက အိမ်က ထမင်းကျန် ဟင်းကျန်တွေ ချကျွေးထားပြီး တစ်ခုခုလည်းဖြစ်ရော သူတို့နဲ့ ဘာမှ မဆိုင်သလို မေးမရ မြန်းမရ တာဝန်မဲ့ နေတတ်ကြတာတွေအကြောင်းကို ပြန်သတိရရင်း သူတို့ပြောတာ ဟုတ်တယ်လို့ တွေးနေတုန်း ဒီနေ့မနက်မှာ စာရေးဖေါ် မိတ်ဆွေ ကိုလင်းသူရိယနွယ် “7 days နေ့စဉ်သတင်းစာ” မှာ ရေးထားတဲ့ ဆောင်းပါးတိုလေးကို ဖတ်လိုက်ရပါတယ်။ ဆောင်းပါးရှင် ကိုလင်းသူရိယနွယ်က စင်္ကာပူနိုင်ငံမှာ နေထိုင်ပြီး အင်ဂျင်နီယာ အလုပ်လုပ်နေတဲ့ စာရေးဆရာတစ်ယောက်ပါ။ 

"ပိုင်ရှင်မဲ့ခွေး ခွေးရူးရောဂါ ပြဿနာနှင့် ပြည်သူ့ အသံ" ဆိုတဲ့ ခေါင်းစဉ်အောက်က ဆောင်းပါးရှင်ရဲ့အသံကို အခုလို ကြားသိရပါတယ်။

"လမ်းဘေး ခွေးလေခွေးလွင့်တွေကို ထိန်းသိမ်းပေးဖို့ တောင်းဆိုမှုအပေါ်မှာ ကျွန်တော့်အနေနဲ့ ထောက်ခံပါတယ်။ ထိန်းသိမ်းပေးဖို့ ဆိုတဲ့နေရာမှာ အဆိပ်ချတဲ့နည်းနဲ့ ဖြေရှင်းဖို့ မဟုတ်ပါဘူး။ တခြား ဖြေရှင်းနည်းတွေရှိပါတယ်။ အဲဒီကိစ္စနဲ့ ပတ်သက်ပြီး ကျွန်တော် ဆောင်းပါးတစ်ပုဒ်လည်း ရေးခဲ့ဖူးပါတယ်။

ကျွန်တော်လက်ရှိနေထိုင်နေတဲ့ စင်ကာပူနိုင်ငံမှာလည်း တချိန်က အလားတူပြဿနာမျိုး ကြုံတွေ့ခဲ့ရပါတယ်။ တိရိစ္ဆာန်တွေကို ညှဉ်းပမ်းနှိပ်စက်သူတို့ရဲ့ဘေးက ကာကွယ်ပေးတဲ့ အဖွဲ့အစည်းနဲ့အတူ တာဝန်ရှိ အဖွဲ့အစည်းတွေ ပူးပေါင်းပြီး ဖြေရှင်းကြရတာပါ။ ခွေးတွေကို ဘေးလွတ်ရာ နေရာမှာ ခြံတွေခတ်ပြီး ထားတယ်။ အထီးအမ အတူထားပေမဲ့ သားကြောဖြတ်ပြီး နောက်ထပ် မပေါက်ဖွားနိုင်အောင် ထိန်းချုပ်ထားလိုက်ပါတယ်။

အဲဒီလို ထားတဲ့ ခွေးတွေအတွက် လိုအပ်တဲ့ စရိတ်စကကို fund raising လုပ်ကြပါတယ်။ ဥပမာ ကျောင်းသား ကျောင်းသူတွေက တိရိစ္ဆာန်ချစ်သူများ ပရဟိတ အဖွဲ့လေးတွေ ဖွဲ့ပြီး ကျောင်းပိတ်ရက်တွေမှာ လူစည်ကားတဲ့ ကားဂိတ်တွေ၊ ဘူတာရုံတွေမှာ အလှူခံထွက်ကြတယ်။ အဲဒီကရတဲ့ ငွေတွေကို ခွေးတွေ အသုံးစရိတ်အတွက် လှူဒါန်းကြပါတယ်။ အဲဒီလို လုပ်တဲ့အတွက်လည်း ကျောင်းတွေက ဒီကျောင်းသားတွေကို လူမှုရေးဘာသာရပ် အတွက် အမှတ်တွေ ပေးပါတယ်။

ထိန်းသိမ်းထားတဲ့ ခွေးလေခွေးလွင့် မျိုးဆက်တစ်ဆက် ကုန်ဆုံးသွားချိန်မှာ နောက်ထပ် မျိုးဆက် မကျန်တော့တဲ့အတွက် အခုအချိန်မှာဆိုရင် စင်ကာပူနိုင်ငံရဲ့ လမ်းတွေပေါ်မှာ ခွေးလေခွေးလွင့်တွေ လုံးဝ မရှိတော့ပါဘူး။ ဒါကြောင့်ဒါဟာ အကောင်းဆုံး ဖြေရှင်းနည်း ဖြစ်မယ်လို့ ကျွန်တော်ယူဆပါတယ်။"

****

သူရေးထားတာကို ကျွန်မ ရာနှုန်းပြည့် သဘောတူ ထောက်ခံပါတယ်။ အခုလို သဘောတူ ထောက်ခံဖို့ရာ ခိုင်လုံတဲ့ အကြောင်းတွေကလည်း ရှိနေပါတယ်။ ဒီလိုပါ... လွန်ခဲ့တဲ့ နှစ်အနည်းငယ်က WHO (World Health Organization) ရဲ့ စစ်တမ်းအရ မြန်မာနိုင်ငံဟာ ခွေးရူးရောဂါ အများဆုံးဖြစ်ပွားတဲ့နိုင်ငံတစ်ခု ဖြစ်တယ်လို့ သိရပါတယ်။ မြန်မာနိုင်ငံ ကျန်းမာရေးဝန်ကြီးဌာနရဲ့ စစ်တမ်းအရဆို တစ်နှစ်ကို ခွေးကိုက်မှု ၆၀၀,၀၀၀ (ခြောက်သိန်း) ခန့်ရှိပြီး ခွေးရူးရောဂါ ဖြစ်ပွားမှုက တစ်ထောင်လောက်ရှိတယ်လို့ ဆိုပါတယ်။ ဆိုတော့ တွက်ကြည့်လိုက်ရင် တစ်ရက်ကို လူ ၁၆၀၀ ကျော် ခွေးကိုက်ခံနေကြရတယ်ပေါ့။ ဘယ်လောက်များတဲ့ ကိန်းဂဏန်းတွေပါလိမ့်...

တိရိစ္ဆာန်တွေကို ချစ်ခင်တတ်တဲ့သူဟာ နှလုံးသားတွေ နွေးထွေးတဲ့သူ၊ သူတပါးကို ကြင်နာ သနားတတ် ကိုယ်ချင်းစာနာတတ်တဲ့သူတွေ ဖြစ်တယ်လို့ စာတွေထဲမှာ ကျွန်မ ဖတ်ဖူးပါတယ်။ ကျွန်မကိုယ်တိုင်ကလည်း ခွေးလေးတွေ ကြောင်လေးတွေ အပါအဝင် အိမ်မွေးတိရိစ္ဆာန် အကောင်လေးတွေကို အင်မတန် ချစ်ခင်တတ်ပါတယ်။ သံယောဇဉ်တွေ များရလွန်း ပူလောင်ရလွန်းတာကတစ်ကြောင်း၊ မွေးထားပြီး သေသေချာချာ ဂရုမစိုက်နိုင် တာဝန်မကြေနိုင်ရင် ခက်မှာစိုးတာက တစ်ကြောင်းတို့ကြောင့် ကြောင်တစ်ကောင်နဲ့ ခွေးလေးတစ်ကောင်း မွေးအပြီး သူတို့လေးတွေ သေဆုံးသွားပြီးတဲ့နောက်မှာ ဘာအကောင်မှ ထပ်မမွေးတော့တာပါ။ အခုကိစ္စမှာလည်း လမ်းဘေးက ပိုင်ရှင်မဲ့ ခွေးလေခွေးလွင့်တွေကို အညှာအတာကင်းကင်းနဲ့ ကိစ္စတုံး လုပ်ပစ်ဖို့ ပြောနေတာ မဟုတ်ပါဘူး၊ အဖွဲ့အစည်းတစ်ခုခုက ဦးဆောင်၊ နည်းလမ်းတစ်ခုခု ရှာဖွေပြီး စနစ်တကျ ထိန်းသိမ်းပေးဖို့ ပြောချင်တာပါ။ ခွေးရူးရောဂါဆိုတာက ခွေးအချင်းချင်း တစ်ကောင်နဲ့ တစ်ကောင် ကိုက်ရင်းကနေ အလွယ်တကူ ကူးစက်ပျံ့ပွားလာတတ်တဲ့ ရောဂါမျိုးပါ။ ကိုယ့်ကို ကိုက်တဲ့ခွေးက တကယ်သာ ခွေးရူးရောဂါပိုး ရှိနေတာ သေချာခဲ့ရင် ကုရာနတ္ထိ ဆေးမရှိ၊ ဘာမှ လုပ်လို့မရပဲ အသက်ဆုံးရှုံးရမှာပါ။ ခွေးရူး မရူးကို စောင့်ကြည့်ဖို့ရာကလည်း လမ်းပေါ်မှာ နေနေတဲ့ ခွေးတွေမို့ ဘယ်က ရောက်လာတာမှန်းမသိ၊ ဘယ်သူကမှလည်း တာဝန်မခံ၊ တစ်ချို့ကျတော့လည်း ကျွေးတုန်းက ကျွေးထားပြီး တကယ်တမ်း သိချင်လို့ စုံစမ်း မေးမြန်းကြည့်တော့ ပိုင်ရှင်နာမည်ခံဖို့ မဆိုထားနဲ့ မသိဘူး မရှိဘူး ဘူးခံမယ် ဆိုတာတွေချည်းပါပဲ။ ခဏတဖြုတ် အလည်အပတ်ရောက်လာတဲ့ ခရီးသွားဧည့်သည်တွေသာမက၊ နေ့စဉ် လှုပ်ရှားသွားလာနေရတဲ့ လမ်းသွားလမ်းလာတွေအတွက်ပါ အင်မတန်မှ စိတ်ကြောင့်ကြစရာကောင်းတဲ့ အခြေအနေတစ်ခု ဖြစ်နေပါတယ်။ 

ဒါကြောင့် ခွေးကိုက်တဲ့အမှု လျော့ကျသွားစေဖို့၊ ခွေးရူးရောဂါ ဖြစ်ပွားပြီး အသက်ဆုံးရှုံးရသူဦးရေ နည်းပါးစေဖို့၊ အများပြည်သူတွေ လမ်းပေါ်မှာ စိတ်ချလက်ချ လုံခြုံစွာ သွားလာနိုင်ဖို့အတွက် ပိုင်ရှင်မဲ့ လမ်းဘေးက လေလွင့်ခွေးတွေကို စနစ်တကျ စီစဉ် ထိန်းသိမ်းစေလိုကြောင်း နိုင်ငံခြားသားတွေဆီက ပြန်ကြားရတဲ့ အသံတွေနဲ့ ကိုယ်သိသမျှ သတင်းအချက်အလက်တွေကို အခြေခံရင်း ဒီစာစုကို ရေးဖြစ်ပါတယ်။ ဒီစာစုထဲမှာ ဆောင်းပါးတိုလေးကို ထည့်သွင်း အသုံးပြုခွင့်ပေးတဲ့ ကိုလင်းသူရိယနွယ် ကို ဒီနေရာကနေ ကျေးဇူးတင်ကြောင်း ပြောကြားလိုပါတယ်။

သက်ဝေ

(၂၁ နိုဝင်ဘာ ၂၀၁၈)

- ၂၀၁၈ နိုဝင်ဘာ ၂၉ ရက် 7 Day Daily နေ့စဉ်သတင်းစာတွင် ဖေါ်ပြပြီးဖြစ်သည်။

အလုပ်လုပ်ရင်း ကစားလို့ရတဲ့ ပျော်စရာ ဂိမ်းတွေ

ဂိမ်း ဆိုတာကို လွယ်လွယ်ပြောရရင် ကစားနည်းတွေပေါ့။

ဂိမ်းဆိုတဲ့ ကစားနည်းတွေကို ကစားကြတယ် ဆိုတဲ့နေရာမှာ အပျော်သဘောနဲ့ ကစားကြသလို ပြိုင်ပွဲတွေနဲ့ သူ့ထက်ငါ အနိုင်ရအောင် ကြိုးစားယှဉ်ပြိုင် ကစားကြတာမျိုးလည်း ရှိတာပဲ။ သို့သော် ဂိမ်း လို့ ဆိုလိုက်ရင် တော်တော်များများက အားကစားနဲ့ ဆက်နွှယ်နေတဲ့ ကိုယ်လက်လှုပ်ရှား ကစားနည်းတွေကို မမြင်ပဲ ကွန်ပျူတာဂ်ိမ်း၊ တီဗီဂိမ်း၊ စမတ်ဖုန်းတွေ တက်ပလက်တွေနဲ့ ကစားရတဲ့ အွန်လိုင်း အော့ဖ်လိုင်း ဂိမ်းတွေကိုသာ အရင် မြင်သွားတတ်ကြတယ်။ အဲဒါအပြင် ဂိမ်း ကစားတယ်ဆိုတာ ကလေးတွေလုပ်တဲ့ အလုပ်၊ ကလေးတွေနဲ့သာ ဆိုင်တဲ့ကိစ္စလို့လည်း မြင်လေ့ရှိကြတယ်။ လူကြီးတွေ ဂိမ်းကစားမိရင် ကလေးမဟုတ် သူငယ်မဟုတ် မကြီးမငယ်နဲ့ ဂိမ်းကစားနေရကောင်းလား လို့တောင် ထင်မြင်တတ်ကြပါသေးတယ်။ ဒါပေမဲ့ အခုနောက်ပိုင်း လက်ကိုင်ဖုန်းတွေနဲ့ တက်ပလက်တွေ လူတကာလက်ထဲ ပေါပေါများများ ရောက်လာတဲ့အချိန်မှာ ဂိမ်းဆိုတာ ကလေးငယ်တွေကိုသာ ရည်ရွယ်တာမဟုတ်ဘူးလို့ လူတိုင်း သိလာ မြင်လာကြပါတယ်။ ကျောင်းနေစ ကလေးအရွယ်ကစလို့ ဟိုးလူကြီးတွေအထိ အသက်အရွယ်နဲ့လိုက်လို့ ကစားရတဲ့ ဂိမ်း ကစားနည်းပေါင်း အမျိုးအမည် မရေမတွက်နိုင်အောင် ရှိလာပါတယ်။ သုံးတတ်ရင် ဆေး၊ မသုံးတတ်ရင် ဘေး ဆိုသလိုပဲ ဂိမ်းကစားခြင်းရဲ့ အကျိုးအပြစ်တွေ အများကြီးရှိတာကိုလည်း တွေ့လာရပါတယ်။ တချို့တွေကတော့ ဂိမ်း လို့ ဆိုလိုက်ရင် အလကား အပိုအလုပ်တွေ၊ အချိန်ဖြုန်းတဲ့ ကိစ္စတွေလို့ ဝေဖန်တတ်ကြတယ်။ တချို့ကလည်း အချိန်တွေ ပိုနေလို့၊ ဘာမှ လုပ်စရာ မရှိလို့၊ ဒါမှမဟုတ် တခုခုကို စောင့်ဆိုင်းနေရချိန်မှာ အချိန်ကုန် မြန်အောင် လို့ ဂိမ်းကစားနေတာပါလို့ ဆင်ခြေပေးသလို ပြောတတ်ကြတယ်။ ဘာပဲပြောပြော ဂိမ်း နဲ့ ပတ်သက်ရင် အပျော် ဆိုတာကိုပါ တတွဲတည်း မြင်လေ့ရှိကြတာကတော့ ငြင်းလို့ မရပါဘူး။ တကယ်တော့ ဂိမ်း ဆိုတာ ကလေးတွေနဲ့သာ သက်ဆိုင်တဲ့ အဲဒီ အပျော်အပါးကိစ္စ ဆိုတာထက် အများကြီး ပိုပါတယ်။

ဘာကြောင့် အဲဒီလို ပြောရတာလဲ… ဘာတွေများ ပိုလို့လဲ… ဂိမ်း ကစားတယ် ဆိုတာ အပျော်ပဲ မဟုတ်ဘူးလား လို့ မေးလာမယ်ဆိုရင်… မဟုတ်ပါဘူး လို့ ကျွန်မက ငြင်းပြီး မဟုတ်တဲ့အကြောင်းကိုလည်း အခုလို ပြောပြချင်ပါတယ်။ အဲဒါကတော့ ကျွန်မတို့ နေ့စဉ်ကျင်လည်နေကြရတဲ့ လုပ်ငန်းခွင်ထဲမှာ ဂိမ်းကစားကြတဲ့အကြောင်းပါ။

အများအားဖြင့် မနက် ရှစ်နာရီ ကနေ ညနေ ခြောက်နာရီလောက်အထိ ရုံးမှာ ကွန်ပျူတာကို မျက်နှာချင်းဆိုင်လို့ အလုပ်လုပ်ကြရသူတွေအတွက် အလုပ်ရဲ့ စိတ်ဖိစီးမှုကို လျှော့ချနိုင်စေဖို့၊ နေ့စဉ် ဆင်တူရက်စွဲတွေထဲမှာ ပျင်းရိညည်းငွေ့ မနေစေဖို့၊ စိတ်ကြည်လင်ပြီး လန်းဆန်း တက်ကြွလာစေဖို့၊ အကြံကောင်း ဥာဏ်ကောင်းတွေနဲ့ တီထွင်ဖန်တီးနိုင်တဲ့ စွမ်းအားတွေ တိုးပွားလာစေဖို့၊ မျက်စိရော လူရော စိတ်ပါ အညောင်း အညာပြေစေဖို့၊ လုပ်ငန်းခွင်ထဲမှာ လုပ်ဖေါ်ကိုင်ဖက် အချင်းချင်း ပိုပြီး ချစ်ခင်ရင်းနှီးမှုရှိလာစေဖို့… အစရှိတဲ့ ရည်ရွယ်ချက်တွေနဲ့ တလတကြိမ် နှစ်ကြိမ် အဆင်ပြေသလို အလုပ်ထဲမှာ ဂိမ်းကစားဖြစ်ကြပါတယ်။ အလုပ်ထဲမှာ ဂိမ်းကစားကြတယ်ဆိုတော့ နည်းနည်းတော့ ထူးဆန်းကောင်း ထူးဆန်းနေလိမ့်မယ်။ ဒါပေမယ့် အဲဒီလိုအချိန်တွေ တကယ်ရှိပါတယ်၊ တကယ်လည်း လိုအပ်ပါတယ်။ ပြီးတော့ အလုပ်ပျက် အကိုင်ပျက် ဖြစ်ရတဲ့အထိလည်း အချိန်ယူစရာ မလိုပါဘူး။ အဲဒီလို ပေါ့ပေါ့ပါးပါး ကစားလေ့ရှိတဲ့ ရုံးတွင်း ဂိမ်း ကစားနည်းတွေထဲက တချို့ကို မျှဝေချင်ပါတယ်။

*****

အဲဒီနေ့က နေ့လည် ထမင်းစားပြီးချိန် နေ့လည် နှစ်နာရီလောက်မှာ ကျွန်မတို့ဌာနကို အုပ်ချုပ်သူ လူကြီးက စက္ကူအိပ် အညိုရောင်အထုပ်ကို အခန်းထဲက စားပွဲပေါ်မှာ လာချပြီး အားလုံး ဒီနားကို လာကြ… လို့ ခေါ်ပါတယ်။ သူယူလာတဲ့ အထုပ်ထဲက ပစ္စည်းတွေကို ကြည့်လိုက်တော့ တခါသုံး စက္ကူခွက်၊ တခါသုံး ဝါးတူ တွေ၊ ပြီးတော့ ဆေးလုံးလေးတွေနဲ့တူတဲ့ M & M တံဆိပ် ရောင်စုံချောကလက်ထုပ်တွေကို တွေ့ရပါတယ်။ M & M ရောင်စုံ ချောကလက်လုံးလေးတွေကို သိကြတယ် မဟုတ်လား၊ ဟိုးအရင်က မြန်မာ့အသံနဲ့ တီဗီမှာ ကြော်ငြာတယ်လေ၊ “ချောကလက်လေးတွေ တန်းစီ…” တို့ “ပါးစပ်ထဲမှာသာ ပျော်ပြီး လက်မှာ မပျော်တဲ့ တို့ချောကလက်” တို့ ဆိုတာ… (ဒီနေရာမှာ ပျော်တယ် ဆိုတာ melt ဖြစ်တာ - အရည်ပျော်တာကို ဆိုချင်တာ ဖြစ်ပါတယ်) အဲဒီ ချောကလက်လုံးလေးတွေပါ။ အားလုံးက ဒီချောကလက်တွေနဲ့ ဝါးတူတွေ စက္ကူခွက်လေးတွေကို ဘာလုပ်ဖို့ ယူလာတာပါလိမ့်လို့ တွေးပြီး ကြံရာမရ ဖြစ်နေချိန်မှာ သူကပဲ စပြီး တယောက်ကို စက္ကူခွက် တခုနဲ့ တူတစုံစီ ယူစေပါတယ်။ ပြီးတော့ ချောကလက်ထုပ်တွေကို သူကိုယ်တိုင်ပဲ ဖေါက်ပြီး ပလတ်စတစ်ဇလုံ ခပ်ကြီးကြီး တခုထဲ လောင်း ထည့်ပါတယ်။ တဆက်တည်းမှာ သူ့လက်ကိုင်ဖုန်းကို ထုတ်ပြီး တမိနစ် တိုင်မာ ပေးထားကြောင်း ကျွန်မတို့ကို ပြပါတယ်။ ပြီးတော့ ကျွန်မတို့ အားလုံးကို စားပွဲပတ်ပတ်လည်မှာ နေရာယူခိုင်းပါတယ်။

သူ တိုင်မာစတဲ့ အချိန်မှာ ကျွန်မတို့က တူနဲ့ ခုနက ရောင်စုံချောကလက်လုံးတွေကို စက္ကူခွက်လေးတွေထဲ ယူထည့်ကြရမှာပါ။ ပြိုင်ပွဲစည်းကမ်းအနေနဲ့ ချောကလက်လုံးတွေကို တူနဲ့ပဲ ယူရမယ်၊ လမ်းမှာ ပြုတ်ကျကျန်နေခဲ့တဲ့ ချောကလက်လုံးတွေကို ပြန်မကောက်ပဲ ဒီတိုင်းထားရမယ်၊ ဇလုံထဲကနေ စက္ကူခွက်ထဲကို တူနဲ့ ညှပ်ပြီး အမိအရ ပါလာတဲ့ ချောကလက်လုံးတွေကိုသာ ရေတွက်မယ်လို့ ပြောပါတယ်။ အိုကေ… အားလုံး အဆင်သင့်ဖြစ်ပြီဆို စမယ်လို့ ပြောပါတယ်။ ကျွန်မတို့ အားလုံး တူ တပြင်ပြင် လက် တပြင်ပြင်နဲ့ ရောင်စုံ ချောကလက်လုံးတွေကို ကောက်ယူဖို့ အသင့်ဖြစ်နေကြပါပြီ။

သူက Ready… One, Two, Three… Go လို့ အော်လိုက်တဲ့အချိန်မှာ ကျွန်မတို့ အားလုံး ချောကလက်လုံးတွေကို တူနဲ့ လှမ်းယူပြီး လက်တဖက်မှာ ကိုင်ထားတဲ့ စက္ကူခွက်လေးထဲ ထည့်ကြပါတယ်။ ပြောင်ချောချော ရောင်စုံချောကလက်လုံးပိစိလေးတွေဟာ တူနှစ်ချောင်းကြားမှာ ရှောရှောရှူရှူ ပါလာတဲ့သူက ပါလာ၊ ပြုတ်ကျခဲ့တဲ့သူက ပြုတ်ကျ၊ ခွက်လေးထဲအထိ ပါလာလို့ သဘောကျတဲ့ ရယ်မောသံ၊ လမ်းတဝက်မှာ ပြုတ်ကျလို့ မချင့်မရဲ ကြိတ်မနိုင်ခဲမရ အော်သံတွေလည်း ဆူညံ… ပျော်လိုက်ကြတာ ကလေးငယ် တွေလိုပဲ။

တမိနစ်ပြည့်ချိန်မှာ သူက အားလုံး တူတွေချပြီး ရပ်တော့ လို့ ပြောပါတယ်။ ပြီးတော့ တယောက်ကို ရောင်စုံချောကလက် ဘယ်နှစ်လုံးရသလဲ ရေတွက်ကြရပါတယ်… အများဆုံးရတဲ့သူကို သူ အသင့်ယူလာတဲ့ ဆုလေး ထုတ်ပေးပါတယ်။ ဆုကလည်း သိပ်တော့ ထွေထွေထူးထူး မဟုတ်ပါဘူး ကော်ဖီမတ်ခွက်လေး တလုံးပါပဲ။ ဒါပေမဲ့ အဲဒီနေ့က ကျွန်မတို့ အားလုံး ရောင်စုံချောကလက်လုံးတွေ စားရင်း ရယ်မော ပျော်ရွှင်ကြရတယ်၊ တခဏ လန်းဆန်းပေါ့ပါးသွားရုံသာမက နောက်နေ့တွေအထိ ပြန်ပြောပြီး ပျော်ကြရတယ်။ အချိန်လည်း များများ မလို၊ ကြီးကြီးကျယ်ကျယ်လည်း ကြိုတင်ပြင်ဆင်စရာ မရှိ၊ ချောကလက်လည်းစားရတဲ့ ပေါ့ပေါ့ပါးပါး ကစားနည်း တခုပါပဲ။

*****

နောက်တကြိမ်ကတော့ ကျွန်မတို့ ဌာနတခုလုံး စာရင်းစစ်ဝင်မယ့် ရက်နီးနေလို့ ခေါင်းမဖေါ်နိုင်အောင် အလုပ်များနေချိန်ပါ။ နေ့လည်စာ စားဖို့ မိနစ်နှစ်ဆယ်လောက်အလိုမှာ ကျွန်မတို့ လူကြီးက စားစရာတွေလို့ ထင်ရတဲ့ အထုတ်တွေနဲ့ အခန်းထဲကို ရောက်လာပါတယ်။ ခါတိုင်းလည်း သူက အဲဒီလိုပဲ စားစရာတွေ အမြဲ ဝယ်လာနေကျပါ။ Hi everyone လို့ နှုတ်ဆက်ပြီး အခန်းထဲ ဝင်လာပါတယ်… အလုပ်တွေ ဖိစီးနေတာကြောင့် သူ့ကို ပြန်နှုတ်ဆက်တဲ့ အသံက နည်းနည်းပဲ ရှိပါတယ်။ ပြီးတော့ သူက ယူလာတဲ့ အထုတ်တွေကို အခန်းအလယ်က စားပွဲရှည်ပေါ်မှာ တင်လိုက်ပါတယ်။ ကိုယ့်အလုပ်ဇောနဲ့ကိုယ် ခေါင်းမဖေါ်နိုင်တဲ့ ကျွန်မတို့ကို သူက ဒီကိုလာကြဟေ့ လို့ လှမ်းခေါ်ပါတယ်။ အနားရောက်တော့ လူရေပြီး အဖွဲ့ နှစ်ဖွဲ့ ခွဲခိုင်းပါတယ်။ အဲဒီအချိန်အထိ ကျွန်မတို့ကို အလုပ်အသစ်တွေ ထပ်ပေးဖို့ အဖွဲ့ခွဲခိုင်းတယ်ပဲ ထင်နေမိတာပါ။ သူယူလာတဲ့ အထုတ်တွေကို မျက်စိတချက် ဝေ့ကြည့်လိုက်တော့ ပဲလုံးလေးတွေကို တွေ့လိုက်ရပါတယ်။ ခါတိုင်းလည်း အပျင်းပြေဝါးဖို့ ပဲလုံးလေးတွေဝယ်လာတတ်ပါတယ်။ ဒါပေမယ့် ဗူးတခုခု၊ ဒါမှမဟုတ် ပုလင်းထဲ တခါတည်း ထည့်ပြီးမှ ယူလာတတ်တာပါ။ အခုကတော့ အထုတ်လိုက်ပဲ။

ဘာပဲဖြစ်ဖြစ် သူခိုင်းတဲ့အတိုင်း ကျွန်မတို့ လူစု အဖွဲ့ နှစ်ဖွဲ့ ခွဲလိုက်ပါတယ်၊ စိတ်မပါ လက်မပါ… ပြီးတော့ အနည်းငယ် တွန့်ဆုတ် လေးကန်တဲ့ အပြုအမူတွေကိုယ်စီနဲ့ဆိုတာ ဝန်ခံရမှာပဲ။ ကျွန်မတို့ ဌာနမှာ စုစုပေါင်း ဝန်ထမ်း ဆယ့်ငါးယောက်ရှိပါတယ်။ အဲဒီနေ့က စာရင်းကိုင်တယောက်က ကလေးနေမကောင်းလို့ ခွင့်ယူထားတာမို့ ဆယ့်လေးယောက်ကျန်တာနဲ့ တဖွဲ့ကို ခုနှစ်ယောက်စီ အညီအမျှ ခွဲလို့ ရလိုက်ပါတယ်။ အဲဒီလို နှစ်ဖွဲ့ခွဲပြီးတော့ သူက ဘယ်အချိန်က သွားယူလာမှန်းမသိတဲ့ ပလတ်စတစ်ဇလုံ သုံးခုကို ထုတ်လိုက်ပါတယ်။ အဲဒီအချိန်မှာ ကျွန်မတို့ သိသွားပြီ။ အားလုံးက ဟေးးး ကနဲ တပျော်တပါး အော်လိုက်ကြတယ်။

သူယူလာတဲ့ ပဲလုံးလေးတွေက နှစ်မျိုးပါ။ တခုက Kidney Bean လို့ ခေါ်ကြတဲ့ နီညိုညို ပဲလုံးကြော်တွေ ဖြစ်ပြီး နောက်တခုကတော့ Chick Pea လို့ ခေါ်ကြတဲ့ ကုလားပဲလုံးလို ပဲတွေပါ။ အဲဒီ အရွယ်မတူ အရောင်မတူတဲ့ ပဲနှစ်ထုပ်ကို သူက ဇလုံတခုထဲ ရောထည့်ပြီး ဇလုံကို ဆန်ပြာသလို အလွယ်တကူ လှုပ်ခါပြီးတော့ ပဲလုံးတွေကို ရော သမ စေပါတယ်။ ပြီးတော့ ကျွန်မတို့ အဖွဲ့တဖွဲ့ကို ဇလုံ တလုံးစီ ပေးပါတယ်။ အချိန် တမိနစ်ပေးမယ် တဖွဲ့က နီညိုရောင်ပဲလုံးတွေကို ရွေး၊ နောက်တဖွဲ့က အဝါရောင် ပဲလုံးတွေကို ရွေးပြီး ကိုယ့်ဇလုံထဲ ကိုယ် ထည့်ရမယ် လို့ ပြောပါတယ်။ သူက စ ဆိုတဲ့ အချိန်မှာ ကျွန်မတို့ ပဲလုံးတွေ ရွေးကြပါတယ်။ ကျွန်မ နေရတဲ့ အဖွဲ့က နီညိုရောင် ပဲလုံးတွေ ရွေးရပါတယ်။ ဘယ်သူ့ ဘယ်သူမှ မကြည့်နိုင်ပဲ ကိုယ်လိုတဲ့ ပဲလုံးကို သူ့ထက်ငါ အလုအယက် ရွေးယူကြပါတယ်။ တမိနစ်ပြည့်ပြီ… အားလုံး ရပ်တော့ ဆိုတာတောင် မရပ်နိုင်ပဲ ဆက်ကောက်နေမိသေးတယ်။ ပြီးတော့ သူက ပဲ ဇလုံ နှစ်ခုကို ကြည့်ပြီး အရောင်မတူတဲ့ မလိုတဲ့ ပဲလုံးတွေကို ဖယ်ထုတ်စေပါတယ်။ နောက်တော့ အခန်းထဲမှာ ပစ္စည်းချိန်ဖို့ အသင့်ရှိနေတဲ့ ချိန်တွယ်စက်လေးနဲ့ ချိန်ပါတယ်။ ကျွန်မတို့ နီညိုရောင် အဖွဲ့က ပဲလုံး အလေးချိန် သုံးရာဂရမ်နဲ့ အနိုင်ရပါတယ်။ ပဲလုံး အဝါရောင်ကောက်တဲ့အဖွဲ့က နှစ်ရာ့ရှစ်ဆယ်ဂရမ်ပဲ ရတာပါ။ အနိုင်ရတဲ့ ကျွန်မတို့ ခုနှစ်ယောက်ကို သူက ပိုက်ဆံ ခုနှစ်ဆယ် ထုတ်ပေးပြီး တယောက် တဆယ်ယူ၊ နေ့လည်စာဝယ်စားကြလို့ ပြောပြီး တဟားဟား ရယ်မောရင်း အခန်းထဲက ထွက်သွားပါတယ်။ နှစ်ဆယ်ဂရမ်နည်းလို့ ရှုံးသွားတဲ့ အဖွဲ့က ကျွန်မတို့ကို မနာလုိုဖြစ်ပြီး ပဲလုံးတွေနဲ့ ပစ်ပေါက်ကြပါတယ်။ သူတို့ပဲလုံးတွေကို ရှောင်ရင်း တိမ်းရင်း ရယ်မောရင်း ကျွန်မတို့ နေ့လည်စာ ဆင်းစားကြပါတယ်။

ကိုယ့်ရဲ့ အဖွဲ့ကို အလုပ်ခွင်ထဲမှာ အမြဲတမ်း ပျော်ရွှင်အောင် ထားတတ်တဲ့၊ မကြာခဏ အခုလို ဂိမ်းသေးသေးလေးတွေ ကစားဖို့ ယူဆောင်လာတတ်တဲ့ သူ့ရဲ့ ကစားနည်းတွေက ဒါတင် မကပါဘူး၊ နောက်ထပ် အများကြီး ရှိနေပါသေးတယ်။ တခါတလေ လုပ်လက်စ အလုပ်တွေရပ်ခိုင်း အားလုံးကို Microsoft Word ဖွင့်ခိုင်းပြီး ကြိုက်တဲ့ စာရိုက်ကြဆိုပြီး ခိုင်းတတ်တယ်။ ခေါင်းထဲက ထွက်သလို ရိုက်ချင်ရင်ရိုက်၊ ဒါမှမဟုတ် အနားက စာအုပ်တခုခုထဲက စာကြောင်းတွေကို ကူးရိုက်ချင်ရိုက်၊ တမိနစ်ပြည့်ရင် ရပ်ခိုင်းပြီး စာလုံး (Words) အရေအတွက် အများဆုံး ရိုက်နိုင်တဲ့သူကို ဆုချတာမျိုး၊ လက်ကိုင်ဖုန်းတွေကနေ သူ့ဆီကို စာတို ဘယ်နှစ်စောင် ပို့နိုင်သလဲ ပြိုင်တာမျိုး၊ သီချင်းတပုဒ်ကို ခပ်ကျယ်ကျယ် ဖွင့်ပြီး အခန်းထဲဝင်လာပြီးတော့ သီချင်းနာမည်နဲ့ အဆိုတော်နာမည်ကို သူ့ဆီ မက်ဆေ့ခ်ျ ပို့ခိုင်းတာမျိုး၊ အဖွဲ့ နှစ်ဖွဲ့ ခွဲပြီး လေမှုတ်ပူဖေါင်းတွေ ဝယ်လာပြီး ပြိုင်မှုတ်ခိုင်းတာမျိုး… အမျိုးမျိုး ကစားရပါတယ်။ အချိန်ကလည်း ဆယ်မိနစ် ဆယ့်ငါးမိနစ်ထက် ပို မကုန်ပါဘူး။

*****

အလုပ်ခွင်ထဲမှာ တနေ့ တနေ့ ခေါင်းစိုက်အောင်လုပ်နေရင်းမှာပဲ ပျော်စရာအချိန် အခိုက်အတံ့လေးတွေ၊ လုပ်ဖေါ်ကိုင်ဖက် အချင်းချင်း ရင်းနှီးချစ်ခင်မှု စည်းလုံးမှု ပိုစေတဲ့ အခိုင်အတံ့လေးတွေကို အခုလို ဂိမ်းကစားရင်း ဖန်တီးယူလို့ ရနိုင်တယ်ဆိုတာ ကျွန်မအတွက်တော့ သေချာပါတယ်။ ဆိုတော့… ဂိမ်းဆိုတာ ကလေးမှ ဆော့ရမယ်၊ အားမှ ဆော့ရမယ်၊ အချိန်ပိုမှ ဆော့ရမယ်၊ သတ်မှတ်ထားတဲ့ နေရာရောက်မှ ဆော့ရမယ်ဆိုတာ ဘယ်ဟုတ်ပါ့မလဲ။ ပြီးတော့ ဂိမ်း ကစားတယ် ဆိုတာ အပျော်အပါး ကိစ္စ၊ အချိန်ပိုမှ လုပ်ရတဲ့ ကိစ္စ၊ အလကား အချိန်ဖြုန်းရုံသက်သက် ကိစ္စတခုလို့ရော ယူဆလို့ရနိုင်သေးရဲ့လားလို့ စဉ်းစားနေမိတာပါပဲ…။

သက်ဝေ

(၃၁ ဇူလိုင် ၂၀၁၇)

(၂၀၁၇ စက်တင်ဘာလ Gamer Magazine ငါးနှစ်ပြည့် အထူးထုတ်တွင် ဖေါ်ပြပြီး ဖြစ်သည်)

လ က် ထ ပ် ပြီး စ အ ချိ န် နှ င့်ေ ငွေ ကြး စီ မံ ခ န့် ခွဲ မှု

တစ်ယောက်နဲ့ တစ်ယောက် မေတ္တာမျှပြီး ဘ၀တစ်ခုအဖြစ် ပေါင်းစည်းထူထောင်ကြတဲ့အချိန်မှာ နောက်ထပ် အရေးကြီးတဲ့ ပေါင်းစည်းစရာတစ်ခု ကျန်ရှိနေပါသေးတယ်။ အဲဒါက ဘာလဲဆိုတော့ ကိုယ့်ရဲ့ လက်ရှိ လစဉ်ဝင်ငွေတွေကို အတူတကွ ပူးပေါင်းကြဖို့ပါ။ ဒီနေရာမှာ တစ်ယောက်နဲ့တစ်ယောက် ၀င်ငွေမညီမျှမှုဟာ အရေးမကြီးပါဘူး။ အရေးကြီးတာက သွေးမတော် သားမစပ် သူစိမ်းနှစ်ယောက် တစ်ဘ၀စာ လက်တွဲကြတဲ့အခါ တစ်ယောက်ကို တစ်ယောက် မေတ္တာစစ်နဲ့ ချစ်ခင်ဖို့၊ နားလည်မှုရှိဖို့သာမက ငွေကြေးသုံးစွဲမှုနဲ့ စီမံခန့်ခွဲမှုတွေမှာလည်း ပွင့်လင်းမှုရှိကြဖို့ပါ။ ပတ်ဝန်းကျင်မှာ မကြာခဏ ကြားနေရတဲ့ ဇနီးမောင်နှံတွေရဲ့ အိမ်ထောင်ရေး အဆင်မပြေမှုတွေထဲမှာ ငွေကြေးကိစ္စဟာ အကြီးမားဆုံးပြဿနာတစ်ခု ဖြစ်နေတတ်ပါတယ်။ အဲဒီလိုဖြစ်ရတာတွေဟာ ငွေကြေး ဆင်းရဲတာ ချမ်းသာတာထက် တစ်ယောက်ကို တစ်ယောက် ပွင့်လင်းမြင်သာ မရှိတာ၊ စိတ်ချယုံကြည်မှု မရှိတာတွေနဲ့ သံသယတွေအပေါ်မှာ အများကြီး အခြေခံနေတာ တွေ့ရပါတယ်။ တချို့ဆို လက်မထပ်ရသေးခင် အချိန်မှာတောင် ငွေကြေးကိစ္စကြောင့် စကားပြော အဆင်မပြေတွေဖြစ်ပြီး ပြဿနာတွေ ဖြစ်တတ်ကြသေးတယ်။ ဒါကြောင့် အခုမှ လက်ထပ်ပြီး အိမ်ထောင်တစ်ခု၊ ဘ၀ခရီးလမ်းတစ်ခုကို အစပြုလျှောက်လှမ်းကြမဲ့ ဇနီးမောင်နှံတို့အတွက် ငွေကြေးသုံးစွဲမှု၊ စီမံခန့်ခွဲမှုတို့နဲ့ ပတ်သက်ပြီး သတိပြုသင့်တဲ့ အချက် အနည်းငယ်ကို ကိုယ့်အတွေ့အကြုံနဲ့ ယှဉ်ပြီး ပြောပြချင်ပါတယ်။

ပထမအချက်ကတော့ အပေါ်မှာ ပြောခဲ့သလို နှစ်ဦးစလုံးရဲ့ လစဉ်ဝင်ငွေ ဘယ်ရွေ့ ဘယ်မျှဆိုတာကို မှတ်သားပြီး အကောင့်တစ်ခုထဲမှာ အတူတကွ ပေါင်းစည်းလိုက်ဖို့ပါ။ အဲဒီလို ပေါင်းစည်းလိုက်မှသာ နှစ်ယောက်ပေါင်း တစ်လအတွက် ၀င်ငွေ၊ ထွက်ငွေနဲ့ အသုံးစရိတ်တွေကို ချင့်ချိန် ညှိနှိုင်းလို့ရမှာ ဖြစ်တယ်။ ကျွန်မတို့ဆီမှာ အဓိက ပြဿနာရှိတာကတော့ ဘဏ်တွေက ဖောဖောသီသီပေးထားတဲ့ အကြွေးဝယ်ခွင့် ကဒ်ပြားတွေပါ။ လက်မှတ်ကလေး တစ်ချက်ထိုးလိုက်ရုံ၊ ဂဏန်းလေးတွေ နှိပ်လိုက်ရုံနဲ့ အလုပ်ဖြစ်၊ သုံးစွဲရတာ အင်မတန်လွယ်ကူ သက်သာပြီး ကိုယ်ဘယ်လောက် သုံးလိုက်လို့ သုံးလိုက်မိမှန်း မသိသာစေတဲ့ အဲဒီ အကြွေးဝယ်ခွင့်ကဒ်တွေဟာ ငွေကြေးစီမံခန့်ခွဲမှုအတွက် အင်မတန် ကြီးမားတဲ့ အနှောက်အယှက်တွေ ဖြစ်တာမို့ သတိကြီးကြီးထားပြီး သုံးစွဲသင့်ပါတယ်။ ဒါကြောင့်မို့ အဲဒီကဒ်တွေကို အကုန် ထုတ်၊ အသေအချာ စီစစ်ပြီး သိပ်အသုံးမလိုလှတဲ့ ကဒ်၊ နှစ်ယောက်စလုံးမှာ တစ်ယောက် တစ်ကဒ် ဆင်တူ ဖြစ်နေတဲ့ကဒ်တွေနဲ့ နှစ်စဉ်ကြေး ပေးရတာ များနေတဲ့ ကဒ်တွေကို အရင်ဆုံး ရှင်းပစ်ဖို့ လိုပါလိမ့်မယ်။ 

ဒုတိယအဆင့်အနေနဲ့ တစ်လ တစ်လကို ပုံမှန် ပေးရမဲ့ အသက်အာမခံ၊ ဆေးကုသစရိတ် အာမခံ၊ အိမ်ဖိုး၊ ကားဖိုး… အဲဒီ ကုန်ကျစရိတ်တွေအတွက် ပိုက်ဆံ သတ်သတ် ဖယ်ထားလိုက်ပါ။ ဒီမှာတော့ အိမ်နဲ့ကားကို လစဉ် အရစ်ကျ အကြွေးဝယ်စနစ်နဲ့ ၀ယ်ထားကြရတာမို့ တစ်လကို ဘယ်လောက်ပေးရမယ်ဆိုတာ သတ်သတ်မှတ်မှတ် ရှိတယ်။ အဲဒါပြီးရင်တော့ မကုန်မဖြစ် ကုန်ရမဲ့ တစ်လစာ မီတာခ၊ ရေဖိုး မီးဖိုး၊ တယ်လီဖုန်း အင်တာနက် လစဉ်ကြေးနဲ့ ၀င်ငွေခွန်တွေအပြင် လစဉ်ပုံမှန်လှူဒါန်းနေတဲ့ နေရာတချို့နဲ့ လူမှုရေးအသင်းအဖွဲ့တွေ ရှိခဲ့ရင် အဲဒီအတွက် ကုန်ကျမဲ့ငွေကို ဖယ်ထုတ်လိုက်ပါ။ ကျွန်မတို့နှစ်ယောက်ကတော့ အဲဒါတွေအပြင် ရသမျှ လခရဲ့ နှစ်ရာခိုင်နှုန်းကို လှူဖို့ဆိုပြီး သတ်သတ် ဖယ်ထားလေ့ရှိပါတယ်။ ဘုရားစင်မှာ ဗူးကလေးတစ်ခုနဲ့ သီးသန့် ထားပါတယ်။ နှစ်ရာခိုင်နှုန်းထဲမို့ နည်းလိုက်တာလို့ မထင်လိုက်ပါနဲ့၊ လစဉ်သာ မှန်မှန် စုသွားပါ။ လှူစရာ တန်းစရာ လိုအပ်လာတဲ့အချိန်မှာ အမြဲ လုံလောက်နေတတ်ပါတယ်။ 

တတိယအဆင့်အနေနဲ့ အိမ်တွင်း အသုံးစရိတ်ကို တစ်လ ဘယ်လောက် ဆိုပြီး ခန့်မှန်း သတ်မှတ်လိုက်ပါ။ အဲဒီ အိမ်အသုံးစရိတ်ဆိုတဲ့ ခေါင်းစဉ်အောက်မှာ တစ်လစာ အသား ငါး ဟင်းသီးဟင်းရွက်၊ သစ်သီး ကြက်ဥ ပေါင်မုန့် နွားနို့ စတဲ့ အစားအသောက်ကုန်တွေနဲ့ မီးဖိုချောင်သုံး သန့်ရှင်းရေး ပစ္စည်းတွေ၊ ဆပ်ပြာ၊ ခေါင်းလျှော်ရည်၊ သွားတိုက်ဆေး၊ သွားပွတ်တံ၊ တစ်ရှူး အစရှိတဲ့ အိမ်သုံးပစ္စည်း ၀ယ်ဖို့တွေ ပါဝင်ပါတယ်။ ကျွန်မကတော့ အဲဒါတွေကို အကြွေးဝယ်ကဒ်တစ်ခု သတ်သတ်မှတ်မှတ်ထားပြီး ဘယ်မှာပဲ ၀ယ်ဝယ် အဲဒီကဒ်ကိုပဲ သုံးပြီး ၀ယ်ပါတယ်။ ဒီတော့ တစ်လကို ဘယ်ဆိုင်မှာ ဘယ်နှစ်ခါ ၀ယ်တယ်၊ စုစုပေါင်း ဘယ်လောက် ကုန်တယ်ဆိုတာ စာရင်းလုပ်စရာမလိုပဲ နှစ်ယောက်စလုံး အလွယ်တကူ ပြန်ကြည့်နိုင်ပါတယ်။ ပြီးတော့ တချို့ရက်တွေမှာ ညနေစာတွေ အပြင်ထွက်စားတာ၊ ရုံးပိတ်ရက်မှာ ရုပ်ရှင်ကြည့်တာ၊ ကော်ဖီသောက်တာ အစရှိတဲ့ အပျော်အပါးကိစ္စတွေအတွက်ကို တစ်လ ဘယ်နှစ်ခါဆိုပြီး မှန်းခြေလေး သတ်မှတ်ပြီး အဲဒီအသုံးစရိတ်ထဲ ပေါင်းထည့်ထားနိုင်ရင် ပိုကောင်းတာပေါ့။

အဲဒါတွေ ပြီးရင်တော့ တစ်ယောက်ချင်းစီ တစ်လကို အသေးသုံး ဘယ်လောက်သုံးမယ် ဆိုတာကို သတ်မှတ်ပါ။ အသေးသုံးဆိုတဲ့နေရာမှာ ရုံးတက်ရတဲ့ရက်တွေမှာ နှစ်ယောက်စလုံး (ထမင်းဗူး မယူဘူးဆိုရင်) နေ့လည်စာ အပြင်မှာ စားတဲ့ စရိတ်၊ မုန့်ဖိုး၊ မိန်းကလေးဆိုရင် ဆံပင်ညှပ်တာ၊ လက်သည်းအလှပြင်တာ၊ တကိုယ်ရေ အလှကုန်ပစ္စည်းတချို့နဲ့ အ၀တ်အစားတို့ ဖိနပ်တို့ အတိုအထွာတွေ ၀ယ်တာမျိုးပေါ့။ ယောက်ျားလေးဆိုရင်တော့ သူ ကြိုက်တဲ့ အီလက်ထရွန်းနစ်ပစ္စည်းတို့ တခြား သူဝါသနာပါရာ ပစ္စည်းအတိုအထွာတွေ ၀ယ်တာမျိုးနဲ့ တချို့လတွေမှာ အ၀တ်အစား ၀ယ်တာမျိုးပေါ့။ အိမ်မှာတော့ ကျွန်မ အမျိုးသားက မော်တာတွေ၊ အင်ဂျင်ပိစိလေးတွေနဲ့ အပြင်မှာ လွှတ်လို့ရတဲ့ ရီမုတ်ကွန်ထရိုး လေယာဉ်ပျံလေးတွေ၊ အဲဒီလေယာဉ်တွေ နဲ့ပတ်သက်တဲ့ ပစ္စည်းတွေ၊ သူ့ ငါးကန်အတွက် လိုသမျှ ပစ္စည်းတွေ၊ သစ်ပင်တွေ ၀ယ်လေ့ရှိတယ်။ အ၀တ်အစားဝယ်ဖို့ကိုတော့ လေး ငါးလကြာမှ တစ်ခါ အတင်း တိုက်တိုက်တွန်းတွန်းနဲ့ ၀ယ်ခိုင်းရတတ်တယ်။ ကျွန်မလို စွတ်ကယ် စွတ်ကယ်နဲ့ တွေ့တိုင်း ၀ယ်လေ့မရှိဘူး။

အဲဒါတွေအားလုံး ဖယ်ပြီးရင်တော့ နှစ်ယောက်ပေါင်းဝင်ငွေထဲက ဘယ်လောက်ကုန်သွားပြီလဲ၊ ဘယ်လောက် ပိုသလဲ၊ ဒါမှမဟုတ် ကွက်တိပဲလား… အစရှိတာတွေကို ထင်ထင်ရှားရှား မြင်တွေ့နိုင်ပါပြီ။ တစ်လစာ မကုန်မဖြစ် ကုန်ရမှာတွေကို မြင်ရပြီးတဲ့အတွက် ကျန်တဲ့ အသုံးစရိတ်တွေကို လိုတိုးပိုလျှော့ လုပ်လို့ ရပါပြီ။ ဘယ်လောက် သုံး၊ ဘယ်လောက် ကျန်လို့ ဘယ်လောက် စုကြမလဲ၊ တစ်လကို အနည်းဆုံး ဘယ်လောက် စုနိုင်မလဲ ဆိုတာကိုလည်း ခန့်မှန်းလို့ ရသွားပါပြီ။ အဲဒီပေါ်မှာ မူတည်ပြီး နှစ်ဖက်မိဘတွေကို တစ်နှစ် ဘယ်လောက် ကန်တော့နိုင်မယ်၊ တစ်နှစ်ကို အနီးအနား ခရီးတိုလေး ဘယ်နှစ်ခု သွားနိုင်မယ်၊ တနှစ်ကို စတော့ခ် ရှယ်ယာ ဘယ်လောက်ဖိုးလောက် ရင်းနှီးမြှုပ်နှံနိုင်မယ်၊ အသက်ကြီးလာချိန်၊ အလုပ်က အငြိမ်းစားယူချိန်မှာ သုံးစွဲဖို့ ရည်ရှည်စုဆောင်းငွေ တစ်လကို ဘယ်လောက် သတ်မှတ်ပြီး စုဆောင်းနိုင်မယ် အစရှိတာတွေကိုလည်း ခန့်မှန်းခြေ တွက်ချက်လို့ ရပါပြီ။ 

အသေးစား အိမ်ပြင်တာ၊ ထမင်းစားစားပွဲ၊ ဆိုဖာ အစရှိတဲ့ အိမ်ထောင်ပရိဘောဂ အသစ်ဝယ်တာ၊ လက်ဝတ်လက်စား နည်းနည်းပါးပါး ၀ယ်တာ၊ တီဗီ အသစ်လဲတာ၊ ကော်ဖီဖျော်စက်၊ အသီးဖျော်စက်တွေလို မီးဖိုချောင်သုံး လျှပ်စစ်ပစ္စည်းတွေ… အဲဒါတွေကိုတော့ ကျန်ရှိနေတဲ့ ဘတ်ဂျက်ထဲကနေ ချိန်ဆပြီး အဆင်ပြေသလို ကြည့်သုံးကြတာပေါ့။ အဲဒီလို ကိုယ်လိုချင်တာလေးတွေ၊ အိမ်အတွက် တကယ်လည်း လိုအပ်မယ် ထင်တာလေးတွေကို စာရင်းမှတ်ထားပြီး တကယ် လို မလို နှစ်ခါလောက် ပြန်စဉ်းစားလိုက်ရင် ၀ယ်သင့် မ၀ယ်သင့် ချင့်ချိန်လို့ ရသွားတတ်တယ်။ စတိုးဆိုင်ကြီးတွေကို ရောက်သွားတိုင်း ကျွန်မက အိမ်အလှဆင်တဲ့ပစ္စည်း တိုတိုထွာထွာတွေ၊ ဖယောင်းတိုင်ရောင်စုံတွေ၊ ဖန်ပန်းအိုးတွေနဲ့ ပန်းကန် လှလှတွေ ၀ယ်ချင်လေ့ရှိပြီး အမျိုးသားကတော့ အမျိုးအစားကောင်းတဲ့ မီးဖိုချောင်သုံးပစ္စည်း ဒယ်အိုးတို့၊ ဒါးတို့၊ ဇွန်း ခက်ရင်းတို့၊ မီးလုံး မီးဆိုင်းလှလှတို့ အဲဒါမျိုးတွေကို ၀ယ်ချင်လေ့ရှိပါတယ်။ 

ပန်းချီကား၊ စာအုပ်စင်၊ စားပွဲနဲ့ အလှအပလေးတွေ တင်တဲ့ စင်မျိုးကိုတော့ နှစ်ယောက်စလုံး တိုင်ပင်နေစရာမလို အချိန်မဆိုင်းပဲ ၀ယ်ချင်လေ့ရှိကြတယ်။ Ikea လို အ်ိမ်နဲ့ပတ်သက်တဲ့ အလှဆင် ပစ္စည်းတွေ၊ ပရိဘောဂတွေ ရောင်းတဲ့ ဆိုင်မျိုးရောက်ရင် တစ်ယောက်ကို တစ်ယောက်က အပြန်အလှန် ထိန်းနိုင် သိမ်းနိုင်၊ ဆွဲနိုင် တားနိုင်မှ တော်ရုံကျတယ်။ မဟုတ်လို့ကတော့ အိမ်အလှပြင်ပစ္စည်း အသစ်တွေ၊ လှတပတတွေမြင်ရင် စိတ်တူကိုယ်တူ ၀ယ်မယ်ဆိုတာချည်းပဲ။ တခါတခါကျ ကိုယ်က လိုမယ် ထင်လို့၊ ကိုယ်လိုချင်လို့ ၀ယ်လိုက်တာပေမဲ့ တကယ်တမ်းမှာ အသုံးမတည့်လို့ ချောင်ထိုးထားရတဲ့ ပစ္စည်းတွေ ရှိနေတတ်တယ်။ ဒါကြောင့် မ၀ယ်ခင် နှစ်ခါပြန် စဉ်းစားဖို့ လိုကို လိုအပ်ပါတယ်။ တချို့ပစ္စည်းတွေက အခုချက်ချင်းဝယ်ဖို့၊ အရင်စလို ၀ယ်ဖို့ မလိုအပ်သေးဘူးဆိုရင် နှစ်လည်ဈေးရောင်းပွဲတို့၊ နှစ်ကုန် ဒီဇင်ဘာ ဇန်န၀ါရီ နဲ့ တရုတ်နှစ်သစ်ကူး လျှော့ဈေးနဲ့ ရောင်းတဲ့ ကာလတွေကို စောင့်ပြီး ၀ယ်သင့်ပါတယ်။ 

ငွေကြေးဆိုင်ရာ ကျွမ်းကျင်သူတွေရဲ့ အဆိုအရ အရေးပေါ်အသုံးစရိတ်အဖြစ် ကိုယ့်တစ်လတာ ကုန်ကျစရိတ်ရဲ့ သုံးဆကနေ ခြောက်ဆအထိ လက်ထဲမှာ အသင့်ဆောင်ထားနိုင်ရင် ကောင်းတယ်လို့ သိရတယ်။ သဘောကတော့ အပေါ်မှာတွက်ပြခဲ့တဲ့ မကုန်မဖြစ်တွေရယ်၊ အိမ်စရိတ်၊ ကိုယ့်ရဲ့ အသေးသုံးစရိတ်တွေရယ် ပေါင်းလိုက်လို့ တစ်လကို လေးထောင် ရှိတယ်ဆိုပါစို့… အဲဒါဆို ကိုယ့်လက်ထဲမှာ ပျမ်းမျှ တစ်သောင်းခွဲ၊ နှစ်သောင်းလောက်ကို အရေးပေါ်အသုံးစရိတ်အဖြစ် သီးသန့်ဆောင်ထားနိုင်ဖို့ပါ။ တခါတခါမှာ ကုန်ကျစရာတွေဟာ ကိုယ်မျှော်လင့်မထားတဲ့နေရာကနေ သူ့အလိုလို ပေါ်လာတတ်ကြတယ် မဟုတ်လား။ ကျန်းမာရေး၊ လူမှုရေး၊ သာရေး နာရေး စတဲ့ အထွေထွေကိစ္စတွေ ကြုံလာရရင်၊ ရုတ်တရက် များများစားစား ကုန်ကျစရာတွေ ပေါ်လာခဲ့ရင် လစဉ်ကုန်ကျစရိတ်ကို မထိခိုက်စေပဲ အဲဒီ အရေးပေါ်အသုံးစရိတ်ထဲကနေ သုံးနိုင်တာဟာ ကောင်းတဲ့ အချက်တစ်ခုပါ။ ဒါကြောင့် အရေးပေါ်အသုံးစရိတ်ကို သီးသန့် တွက်ချက်ပြီး ဖယ်ထားသင့်ပါတယ်။ ကျွန်မတို့ကတော့ နှစ်ယောက်နာမည်နဲ့ ပူးတွဲအကောင့်တစ်ခု ဖွင့်ပြီး အရေးပေါ်အသုံးစရိတ် ထားပါတယ်။ တကယ် အရေးပေါ် မလိုအပ်မချင်း မထိရ ဆိုတဲ့ အကောင့်ပေါ့။

အခုလို နှစ်ယောက်စလုံးရဲ့ လစဉ်ဝင်ငွေတွေကို ပေါင်းစည်းပြီး တစ်လအတွက် ၀င်ငွေ၊ ထွက်ငွေနဲ့ အသုံးစရိတ်ကို ချင့်ချိန် ညှိနှိုင်းလိုက်တဲ့ အကျိုးကတော့ ကုန်ကျစရိတ် တစ်ခုခုပေါ်လာရင် သူပေး ငါပေးနဲ့ အငြင်းပွားစရာ မလိုတော့ဘူး။ ပြီးတော့ ဘယ်သူက ပိုက်ဆံကိုင်ရမယ်၊ ဘယ်သူက စီမံခန့်ခွဲရမယ် ဆိုတဲ့ ကိစ္စမျိုးတွေ၊ ဘယ်သူက ဘယ်လောက်သုံးတယ်၊ သူသုံးတာ များတယ် ကိုယ်သုံးတာ နည်းတယ် စတဲ့ ပြဿနာမျိုးတွေ မရှိတော့ဘူး။ ကုန်ကျစရိတ်တွေ အားလုံးအပေါ်မှာ နှစ်ဦးသား တန်းတူညီတူ တာဝန်ရှိပြီး အနည်းအများနဲ့ အတိုးအလျော့ကိုလည်း သတိထားနိုင်သွားပါတယ်။ တချို့အိမ်ထောင်တွေမှာ ဖြစ်လေ့ဖြစ်ထရှိတဲ့ ဒီအိမ်ထောင်မှာ ဘယ်သူက ငွေကိုင်ရတယ် ဆိုတာမျိုး၊ ဘယ်သူက ဘယ်သူ့ဆီက လက်ဖြန့်တောင်းသုံးရတယ် ဆိုတာမျိုး၊ တစ်ယောက်ကို တစ်ယောက် မသိအောင် တိတ်တိတ် သိမ်းထားတဲ့ငွေတွေ (ဘတ်ငွေတွေ) ရှိနေတတ်တယ် ဆိုတာမျိုး… အဲလိုကိစ္စတွေ မရှိတော့ပါဘူး။

လက်ထပ်ပြီးစ ဇနီးမောင်နှံတွေဟာ တစ်နှစ်လုံးအတွက် ကိုယ့်ရဲ့ ငွေကြေးအခြေအနေကို ထင်ထင်ရှားရှား တွေ့မြင်နိုင်၊ လိုတာ ပိုတာကို ပွင့်ပွင့်လင်းလင်း ဆွေးနွေးပြောဆို တိုင်ပင်နိုင်ပြီး ကိုယ် အလိုရှိတဲ့ မိသားစုအစီအစဉ်ကို ဘယ်အချိန်လောက်မှာ စ နိုင်မယ်ဆိုတာကိုလည်း တွက်ချက် မှန်းဆလို့ရသွားပါပြီ။ အဲဒီလို အဆင့်တွေကို လတိုင်းပုံမှန် သတိထားပြီး စနစ်တကျ ကိုင်တွယ် သုံးစွဲမယ်ဆိုရင် လက်ထပ်ပြီးစ ဇနီးမောင်နှံတို့ကြားမှာ ငွေကြေးနဲ့ပတ်သက်ပြီး အထင်အမြင် လွဲစရာ၊ ကတောက်ကဆ ဖြစ်စရာ၊ အဆင်မပြေစရာကိစ္စမျိုးတွေ ဖြစ်မလာနိုင်တော့ပါဘူး။ အခုလို သီတင်းကျွတ်ကာလမှာ တစ်ယောက်လက်ကို တစ်ယောက် မြဲမြဲဆုပ်ကိုင်လို့ ရွှေလက်တွဲရင်း ဘ၀ခရီးကို စတင်လျှောက်လှမ်းကြမဲ့သူတိုင်း သာယာပျော်ရွှင်ပြီး အောင်မြင်တဲ့ အိမ်ထောင်တစ်ခုကို ပိုင်ဆိုင်နိုင်ကြပါစေလို့ ဆန္ဒပြု ဆုတောင်းပါတယ်။ 

သက်ဝေ
(၁၅ စက်တင်ဘာ ၂၀၁၅)

- ၂၀၁၅ အောက်တိုဘာလထုတ် Look Magazine တွင် ဖေါ်ပြပြီး ဖြစ်သည်

ကျွန်မ သိတဲ့ ပညာရေး

နိုင်ငံတစ်နိုင်ငံရဲ့ ပညာရေးစနစ်တွေမှာ ကောင်းတာနဲ့ ဆိုးတာ အစဉ်အမြဲ ဒွန့်တွဲနေလိမ့်မယ်လို့ ကျွန်မ ယုံကြည်ပါတယ်။ ကောင်းကွက်တွေ အများကြီး ရှိနိုင်သလို ကျွန်မတို့ မမြင်လိုက်တဲ့ လစ်ဟာနေတဲ့ အချက်တွေလည်း ရှိနေမှာမလွဲပါဘူး။ လောလောဆယ်မှာ ကျွန်မ လက်ရှိ နေထိုင်နေတဲ့ စကာင်္ပူနိုင်ငံရဲ့ ပညာရေးစနစ်တွေထဲက အကြောင်းအရာလေး တစ်ခုကို ပြောပြချင်ပါတယ်။ ကျွန်မနှစ်သက်မိတဲ့ ကောင်းကွက်ကလေး တစ်ခု ဆိုပါတော့…

ပြောရရင် စကာင်္ပူရဲ့ ပညာရေးစနစ်ကို ကြိုက်တဲ့မိဘတွေ ရှိသလို ကလေးအတွက် စိတ်ဖိစီးမှုများလွန်းတယ် ကလေးရော မိဘပါ ပင်ပန်းရတယ်ဆိုပြီး မနှစ်သက်တဲ့ မိဘတွေလည်း အတော်များများ ရှိနေတာ တွေ့ရပါတယ်။ ဒါဟာလည်း ဘယ်သူ့ဖက်ကမှ မမှားပါဘူး…။ စာလိုက်နိုင်တဲ့ကလေးတွေအတွက် တစ်တန်းပြီး တစ်တန်း သက်တောင့်သက်သာ ဖြတ်ကျော်သွားနိုင်ပေမဲ့ စာမလိုက်နိုင်တဲ့သူတွေအတွက်ကတော့ ကလေးနဲ့ မိဘတွေဟာ စိတ်ရော လူရော ပင်ပန်းကြရပါတယ်။ ဒါကလည်း ဒီစကာင်္ပူနိုင်ငံမှာမှ မဟုတ်… ဘယ်နေရာ ဘယ်ဒေသမှာမဆို ကြုံတွေ့ရမဲ့ အခြေခံသဘောတရားပါ။

ကျွန်မ သားကို စကာင်္ပူမှာ Kindergarten 1 ကနေ စပြီး ကျောင်းထားခဲ့ပါတယ်။ Kindergarten နှစ်တန်း (K1 & K2) ၊ Primary ခြောက်တန်း (Primary 1 to Primary 6) နဲ့ အခုဆို Secondary မှာ သုံးတန်း (Secondary 1, 2 3) တက်ပြီးပါပြီ…။ ဒီနှစ် Secondary 4 စ တက်ပါတယ်။ သားအတွက်ကတော့ တစ်တန်းပြီး တစ်တန်းကို အေးအေးသက်သာပဲ ကျော်ဖြတ်နိုင်ခဲ့ပါတယ်။ အင်မတန် ဥာဏ်ကောင်းသော်လည်း ကျွန်မ လိုချင်သလို (သို့) ကျွန်မ လိုချင်သလောက် ဖိဖိစီးစီးနဲ့ အားထုတ် ကြိုးစားတာမျိုးတော့ မရှိခဲ့ပါဘူး။ ယောက်ျားလေးပီပီ သက်တောင့်သက်သာ ပေါ့ပေါ့ပါးပါးနဲ့ အရာရာမှာ စိတ်အေးလက်အေးပါပဲ။ အတန်းထဲမှာ အတော်ဆုံး ကျောင်းသားတစ်ယောက် မဖြစ်ခဲ့သော်လည်း စာတော်တဲ့ ကျောင်းသားတစ်စုထဲတော့ နှစ်တိုင်း ပါခဲ့ပါတယ်။ တခါတခါတော့လည်း ကျွန်မ နောင်တရမိပါတယ်။ သူ့ဘ၀မှာ ပညာသင်ရမဲ့ နှစ်တွေ တော်တော်ကျန်သေးတာကြောင့် အတန်းငယ်တုန်းမှာ သက်သက်သာသာ နေပါစေဆိုပြီး လွှတ်ထားခဲ့တာ၊ အခြားသော မိဘတွေလို စာမှ စာ… တစာစာ အတင်း မတွန်းခဲ့တာတွေကြောင့် ကလေးက ပေါ့ပေါ့လေး နေတာ အကျင့်ပါသွားလေသလားပါပဲ။

ပြောပြချင်တဲ့ အကြောင်းကို စပါ့မယ်။
ပြီးခဲ့တဲ့နှစ်က သား Secondary 3 တက်ရပါတယ်။ Secondary 1 နဲ့ Secondary 2 နှစ်တန်းကတော့ တော်တော်လေး ပေါ့ပါးပါတယ်။ စာတွေလည်း သိပ်မများ၊ သိပ်လည်း မခက်ပါဘူး။ ကျူရှင်လည်း မလိုခဲ့ပါဘူး။ ဒီလိုနဲ့ Secondary 3 ရောက်လာပါတယ်။ ကိုယ် အထူးပြုချင်တဲ့ ဘာသာတွေ ရွေးရပါတယ်။ မလိုချင်တာတွေလည်း ဖြုတ်ခဲ့လို့ရပါတယ်။ သားကတော့ ဆရာဝန်လုပ်ရမှာစိုးလို့ ထင်ပါရဲ့ Biology နဲ့ Geography နှစ်ဘာသာ ဖြုတ်ခဲ့ပါတယ်။ သူကိုယ်တိုင် လေ့လာကျက်မှတ်ရမှာမို့ သူ ဆန္ဒရှိတဲ့ ဘာသာကို ယူစေပြီး မလိုချင်တာကို ချန်ထားခွင့် ပေးရပါတယ်။ သူတို့ ကျောင်းအုပ်ဆရာကြီးကိုယ်တိုင်က ကလေးတွေ ဘာသာရွေးခါနီးမှာ မိဘတွေ အားလုံးကို ခေါ်ပြီး ကလေး စိတ်တိုင်းကျ ဘာသာရွေးပါစေ… မိဘတွေက တားဆီးတာ.. ကိုယ့် စိတ်ကြိုက် အာဏာသုံးပြီး ရွေးခိုင်းစေတာမျိုး မလုပ်ဖို့ ပြင်းပြင်းထန်ထန် မှာကြားပါတယ်။ မိခင်တစ်ယောက်ပီပီ Biology ကို ဖြုတ်လိုက်တာ သိပ်မနှစ်သက်လှပေမဲ့ Maths ကို မယူမနေရ တစ်ဘာသာအပြင် နောက်တစ်ဘာသာ ဖြစ်တဲ့ Advanced Maths ကို သားရွေးချယ်လိုက်တဲ့အတွက် ကျွန်မ ကျေနပ်လိုက်ပါတယ်။

Secondary 3 ရဲ့ ပထမ တစ်လ နှစ်လ ကတော့ သူတို့အခေါ် (Honeymoon Period) တကယ့်ကို ပျားရည်ဆမ်း ကာလတွေပါ။ အတန်းအသစ်၊ ဘာသာရပ် အသစ်၊ ဆရာ ဆရာမ အသစ်တွေနဲ့ Orientation လုပ်ရတာ၊ Overseas Trip တွေ သွားရတာ၊ ပြန်လာတော့လည်း အဲဒီခရီးတွေက ပါလာတဲ့ ပစ္စည်းတွေကို ရောင်းချတဲ့ ရန်ပုံငွေဈေးရောင်းပွဲတွေ ပြင်ဆင်ရ စီစဉ်ရနဲ့ ပျော်ပျော်ပါးပါးကြီးပေါ့။ ဒီလိုနဲ့ Mid Term Test ကို ရောက်လာပါတယ်။ သင်ရိုးအသစ်တွေနဲ့ သိပ်အသားမကျသေးတာက တစ်ကြောင်း၊ အရင်နှစ်တွေကလိုပဲ ပေါ့ပေါ့လေးပဲ နေခဲ့တာက တစ်ကြောင်းတို့ကြောင့် အဲဒီ စာမေးပွဲမှာ Maths နှစ်ဘာသာနဲ့ Physics မှာ သားဟာ အောင်မှတ်ပဲ ရပါတယ်။ သူတို့ Secondary 3 Cohort တစ်ခုလုံး အမှတ်နည်းကြတယ်၊ ကျတဲ့သူတွေလည်း အများကြီးပဲ ဆိုပေမဲ့ သူ့ ကျောင်းသားဘ၀တလျောက်မှာ တစ်ခါမှ အဲဒီလောက် အမှတ်မနည်းဖူးတာကြောင့် သူလည်း တော်တော်လေး မျက်စိ မျက်နှာပျက်ပါတယ်။ နောက်ပြီး အဲဒီစာမေးပွဲက အမှတ်တွေက နှစ်ကုန်မှာ ဖြေရမဲ့ အတန်းတင်စာမေးပွဲကြီးမှာ ၃၀ ရာခိုင်နှုန်း ယူမှာပါ။

စကားစပ်လို့ ပြောပြရရင် ဒီမှာက တစ်တန်းကို စာမေးပွဲ သုံးကြိမ်စစ်လေ့ရှိပါတယ်။ Mid Term စာမေးပွဲက အမှတ် ရဲ့ ၃၀ ရာခိုင်နှုန်း၊ နောက် နှစ်လလောက်အကြာမှာ တစ်ကြိမ် စစ်တဲ့ စာမေးပွဲနဲ့ Course Work နှစ်ခုပေါင်း ရမှတ်ရဲ့ ၂၀ ရာခိုင်နှုန်နဲ့ စာမေးပွဲကြီးက ရမှတ်ရဲ့ ၅၀ ရာခိုင်နှုန်းကို အချိုးကျ တွက်ပြီး အတန်းတင်ပေးတဲ့ စနစ်ပါ။

ဒီတော့ Mid Term မှာ သုံးဘာသာ အမှတ်နည်းတဲ့ သား စိတ်ပူတာလည်း မဆန်းပါဘူး။ ကျွန်မကတော့ သား အမှတ်တွေအတွက် အတော်လေး စိတ်ပျက်ပေမဲ့ ကိုယ့်စိတ်ကို ကိုယ်လျော့ပြီး ဆူဆူပူပူ မလုပ်ခဲ့ပါဘူး။ အတန်းကြီးလာတာနဲ့ အမျှ စာမေးပွဲတွေဟာ အရင်ကလို ပေါ့ပေါ့လေး သဘောထားလို့ မရတော့ကြောင်း သား နားလည်အောင် ကောင်းကောင်းမွန်မွန်ပဲပြောပြပြီး နောက်ကို ဒီ့ထက်ပိုကြိုးစားဖို့နဲ့ ကျူရှင်လိုရင် စီစဉ်ပေးမယ်လို့ပဲ ပြောခဲ့ပါတယ်။ ကျွန်မကသာ အပြစ်မတင်ပဲ အဲဒီလို အေးအေးသက်သာ ပြောခဲ့ပေမဲ့ သူတို့ကျောင်းက သူတို့ကို အပြစ်ပေးပါတယ်။ သူတို့ အပြစ်ပေးပုံက ဒီလိုပါ။

သူတို့ကျောင်းက သူ့လိုပဲ အမှတ်နည်းသွားတဲ့ကလေးတွေ အားလုံး သူတို့ အမှတ်နည်းတဲ့ဘာသာရပ် တစ်ခုချင်းစီအတွက် ဘာသာရပ်ဆိုင်ရာ ဆရာ ဆရာမတွေဆီကို စာရေးရပါတယ်။ ဘယ်လိုရေးရတာလဲ ဆိုတော့… သူတို့ဟာ ဒီဘာသာမှာ ကောင်းကောင်းမကြိုးစားခဲ့လို့ အခုလို အမှတ်တွေ နည်းခဲ့တယ်၊ နောက် စာမေးပွဲမှာ အခုလို အမှတ်မနည်းအောင် ဘယ်လိုတွေ ပြင်ဆင်ပါ့မယ်၊ ဘယ်လိုတွေ လေ့လာပါ့မယ်၊ ဘယ်လိုတွေ ကြိုးစားအားထုတ်ပါ့မယ် ဆိုတဲ့အကြောင်း၊ သူတို့ရဲ့ အားနည်းချက် အားသာချက်တွေကို ကိုယ်တိုင် စဉ်းစဉ်းစားစားနဲ့ ထုတ်ဖေါ် ပြောဆိုပြပြီး ကိုယ်တိုင် ၀န်ခံချက်ရေးရတာမျိုးပါ။ အဲဒီလို ရေးပြီးတဲ့အခါမှာလည်း အောက်မှာ သူတို့ ကိုယ်တိုင် ကတိပြုတဲ့ အနေနဲ့ လက်မှတ်ထိုးရပါတယ်။ သားက သုံးဘာသာ အမှတ်နည်းတော့ သုံးရွက် ရေးရတာပေါ့။ သားက အဲဒီစာတွေ ရေးပြီး ခပ်မှိန်မှိန်မျက်နှာပေးနဲ့ ကျွန်မကို လာပြပါတယ်။ ရုတ်တရက် ကျွန်မက ဘာမှန်းမသိပဲ ကြောင်တောင်တောင်နဲ့ ဘာတွေပါလိမ့်… လို့ ထိတ်ကနဲ ဖြစ်သွားပါသေးတယ်။ နောက်မှ တဖြည်းဖြည်းနဲ့ သဘောပေါက်ပြီး ပြုံးနိုင်လာပါတယ်။

ကြည့်ပါအုံး… ၁၅ နှစ်အရွယ် ကျောင်းသားလေးကို လူကြီးတစ်ယောက်လို သဘောထားပြီး သူတို့ကိုယ် သူတို့ လေ့လာဆန်းစစ်ခိုင်းတာ၊ ပါးပါးလေးနဲ့ ၀န်ခံကတိပြုပြီး ချုပ်ကိုင်လိုက်တာ၊ နောက်ကို ဒီလို မဖြစ်ရအောင် သူတို့ကိုယ် သူတို့ သိဖို့ အတွက် ပေးလိုက်တဲ့ အပြစ်က ဘယ်လောက် ပညာသားပါပြီး လှပသလဲ လို့။ အရွယ်ရောက်စပြုလာပြီဖြစ်တဲ့ ကလေးတစ်ယောက်ကို ကြိမ်းမောင်း မာန်မဲတာတွေ၊ ဆူဆူပူပူတွေ လုပ်ပြီး အတင်းအကျပ် စေခိုင်းတာထက် အဆပေါင်းများစွာ ထိရောက်တဲ့ အပြစ်ပေးနည်းလေးမို့ ကျွန်မ တကယ်ပဲ သဘောကျမိပါတယ်။

လူတစ်ဦးချင်း တစ်ယောက်ချင်းစီရဲ့ ဘ၀တွေမှာ အဓိကကျတာက ကိုယ့်ကိုယ်ကိုယ် သိဖို့ပါပဲ။ ကိုယ် ဘာလဲ ဆိုတာ ကိုယ်တိုင် သိဖို့၊ ကိုယ့်အခြေအနေနဲ့ ကိုယ့်နေရာကို ကိုယ်တိုင် သိဖို့၊ ကိုယ် ဘာလိုအပ်တယ် ကိုယ် ဘာလိုချင်တယ်ဆိုတာ ကိုယ်တိုင် သိဖို့၊ ကိုယ့်ရှေ့ခရီးကို ဘယ်လိုဆက်လျှောက်ရမယ်၊ ဒီအတွက် ဘယ်လိုမျိုး ပြင်ဆင်မှုတွေ၊ ကြိုးစားအားထုတ်မှုတွေ ပြုလုပ်ရမယ်၊ ဘာတွေဆောင်လို့ ဘာတွေရှောင်ရမယ် ဆိုတာ ကိုယ်တိုင် သိဖို့က မရှိမဖြစ် အရေးကြီးတာပါ။ အဲဒီလိုတွေ သိနားလည်စေဖို့အတွက် လေ့ကျင့်ပေးတဲ့ အခြေခံ နည်းစနစ်တစ်ခု၊ ဘ၀နဲ့ယှဉ်လိုက်ရင် မပြောပလောက်တဲ့ကိစ္စ ခပ်သေးသေးတစ်ခုသာ ဖြစ်သော်လည်း ကလေးတွေရဲ့ ကိုယ်ရည်ကိုယ်သွေးနဲ့ သူတို့တွေရဲ့ အသိစိတ်ဓါတ်ကို အလင်းဖွင့်ပေးတဲ့ အကြောင်းလေး၊ ပြီးတော့ ကျွန်မ စိတ်ထဲ တကယ် နှစ်ခြိုက် သဘောကျမိတာလေးမို့ သိသိမှတ်မှတ်ထားပြီး ဒီစာကို ရေးပါတယ်။

သက်ဝေ
၅ မတ် ၂၀၁၄

(100% Magazine Volume 1, No. 2 တွင် ဖေါ်ပြပြီး ဖြစ်သည်)

Candy Crush နှင့် ဦးနှောက်ကို အလုပ်ပေးခြင်း

အခု ပြောပြမှာကတော့ Candy Crush လို့ အမည်ရတဲ့ ရောင်စုံသကြားလုံးတွေ ခွဲတဲ့ ဂိမ်းအကြောင်းပါ။
ဒီဂိမ်းကို ၂၀၁၂ ခု နိုဝင်ဘာလမှာ စတင်ခဲ့တာဆိုတော့ အခုဆိုရင် တနှစ်ကျော်ကျော် ရှိနေပြီပေါ့။ ၀ီကီက စာရင်းအရ ဒီဂိမ်းကို ၂၀၁၂ ဒီဇင်ဘာလ တစ်လထဲမှာ ဒေါင်းလုဒ် လုပ်သူပေါင်း တစ်သန်းကျော် ရှိခဲ့တယ်လို့ သိရပါတယ်။

အဲဒီလို ကျော်ကြားတဲ့ ဂိမ်းရဲ့ အခြေခံ သဘောတရားကတော့ ရိုးစင်းပါတယ်…။ လွယ်လွယ်ပြောရင် တူရာ တူရာ သကြားလုံးတွေ စုပြီး ခွဲခြေရတာ လို့ပဲ ဆိုကြပါစို့…။ အဲဒီလို တူရာတွေ ခွဲဖို့အတွက် အနည်းဆုံး အရောင်တူ ပုံသဏ္ဍာန်တူ သကြားလုံး သုံးလုံး သို့မဟုတ် သုံးလုံးထက် များတဲ့ သကြားလုံးတွေကို တစ်တန်းတည်းဖြစ်အောင် တစ်လုံးနဲ့ တစ်လုံး လှည့်ပတ်ပြီး နေရာရွှေ့ရင်း ခွဲရတာဖြစ်တယ်..။

ဒီဂိမ်းဟာ အစပိုင်းမှာ လွယ်ကူသယောင်ရှိပေမဲ့ နောက်ပိုင်း အဆင့်တွေ မြင့်လာတော့ တဆင့်ပြီး တဆင့် နည်းအမျိုးမျိုးနဲ့ မရိုးရအောင်၊ ခက်ပုံ ခက်နည်း မျိုးစုံနဲ့ ခက်လာတော့တာပါပဲ…။ တဆင့်နဲ့ တဆင့် ကစားပုံချင်း မတူအောင် ဖန်တီးထားတာမို့ ကစားလိုက် ရှုံးလိုက်နဲ့ လုံးချာလည်နေရင်းက အဲဒီဂိမ်းတီထွင်သူတွေကို အမြင်လည်းကပ်… အံ့လည်း အံ့သြပြီး တကယ်လည်း ချီးကျူးမိပါတယ်။ လောလောဆယ်မှာ ကျွန်ပျူတာကနေ ဆော့လို့ရတဲ့ အဆင့်ပေါင်း ၄၇၀ အထိ ရှိနေပေမဲ့ အိုင်ဖုန်း အိုင်ပက် စတဲ့ ပစ္စည်းတွေကနေ ဆော့ရင်တော့ အဆင့် ၄၁၀ အထိ ပဲ ရှိပါသေးတယ်…။

ဂိမ်းတစ်ကြိမ် ကစားနိုင်ဖို့အတွက် Life လို့ ခေါ်တဲ့ ကစားခွင့် အနည်းဆုံး တစ်ခု ရှိရမှာဖြစ်ပြီး Life ကုန်သွားရင်တော့ အချိန် နာရီဝက်ကို Life တစ်ခုနှုန်းနဲ့ ပြန်ပြည့်လာပါတယ်…။ အဲဒါကို စောင့်နေရတာ စိတ်မရှည်တဲ့သူများကတော့ အိုင်ဖုန်း အိုင်ပက် စတဲ့ ပစ္စည်းတွေရဲ့ နာရီကို ရှေ့တိုးပြီး Life တွေ ပြန်ပြည့်အောင် လုပ်ယူတတ်ကြပါသေးတယ်။

အဲဒီလို ခွဲတဲ့နေရာမှာ သကြားလုံးတွေချည်းပဲ လွယ်လွယ်ကူကူ ရှိနေသလားဆိုတော့ မဟုတ်ပါဘူး။ သကြားလုံးရောင်စုံတွေကြားမှာ နှောင့်ယှက်နေတဲ့ အတားအဆီးတွေကလည်း အများကြီး ရှိနေပါသေးတယ်။ တစ်ခုပြီး တစ်ခု ဆင့်ကာ ဆင့်ကာ ပေါ်လာတဲ့ ချောကလက်ပြားတွေ၊ အပေါ်က ပြုတ်ပြုတ်ကျလာတဲ့ လက်ပစ်ဗုံးတွေ… အချိန်ကန့်သတ်ချက်တွေ… စတဲ့ အနှောင့်အယှက် အပိတ်အဆို့တွေကိုလည်း အချိန်နဲ့ အမျှ ရှင်းလင်း ချေမှုန်းရပါသေးတယ်။

ဒီဂိမ်းမှာ စပါယ်ရှယ် သကြားလုံးတွေလည်း ရှိပါတယ်။ သူတို့နဲ့ တွဲစပ်ပြီး ဖေါက်လိုက်ရင် တစ်ကြိမ်ထဲနဲ့ သကြားလုံးပေါင်းများစွာ၊ အတားအဆီးပေါင်း များစွာကို ရှင်းလင်းသွားစေတဲ့ အတွက် အဲဒီ စပါယ်ရှယ် သကြားလုံးလေးတွေရအောင်လည်း ကြိုးစားရပါသေးတယ်။

အဲဒီ Candy Crush ဂိမ်းကို ကျွန်မ ၂၀၁၃ ဖေဖေါ်ဝါရီလဆန်းမှာ စပြီး ကစားခဲ့ပါတယ်…။ အခုဆိုရင် အဆင့် ၃၆၇ ကို ရောက်နေပါပြီ…။ သာမန်ဂိမ်းတစ်ခုလိုပဲ ရိုးစင်းတယ်လို့ ယူဆရတဲ့ ဒီဂိမ်းကို ကစားရင်း တဖြည်းဖြည်းနဲ့ သတိထားမိလာတာတွေ ရှိပါတယ်။ အဲဒါတွေက ဘာလဲ ဆိုတော့… ဒီဂိမ်းကို တော်ရုံတန်ရုံ ဇွဲနဲ့ ကစားလို့မရပါဘူး။ တဆင့်ပြီး တဆင့် ခက်ခဲလာတာတွေကို ဖြတ်ကျော်နိုင်ဖို့ ဥာဏ်သုံးပြီး စိတ်ရှည်ရှည်နဲ့ တစ်ဆင့်ချင်း ဆော့ရတာပါ။ တချို့ အဆင့်တွေမှာဆို ကျွန်မ ရက်ပေါင်းများစွာ ကြာတဲ့အထိ ဘယ်လိုမှ မကျော်နိုင်တာ… ။ စိတ်ထဲ တော်ပြီ… ဒီဂိမ်းကို မကစားတော့ဘူးဟာ လို့ လက်လျှော့ချင်လောက်အောင်ကို ဖြစ်မိတာ။ သို့သော်လည်း ကိုယ့်ရှေ့မှာ ရောက်နေကြတဲ့ ကစားဖေါ်တွေကို ကြည့်ပြီး အို… သူတို့တောင် ကစားနိုင်တာ ကိုယ်ဘာလို့ မရရမှာလဲ လို့ တွေးပြီး ပြန်ကစားလိုက်… တစ်ဆင့်တက်သွားရင် ပျော်ရွှင် ၀မ်းသာလိုက်နဲ့…။

စဉ်းစား တွက်ချက်ရတာတွေဟာ လူတွေရဲ့ ဦးနှောက်ကို ဖွံ့ဖြိုးစေတာလည်း အမှန်ပါ။ ဦးနှောက်ဆိုတာလည်း မသုံးပဲ ပစ်ထားရင် တုံးသွားတဲ့ ဒါးတစ်ချောင်းလိုပါပဲ…။ အစဉ် အသုံးပြုနေကာမှ မှတ်ဥာဏ်တွေ ကောင်းမွန် တိုးတက်စေမှာမို့ ခေါက်ရိုးကျိုးနေတဲ့ ပျင်းစရာ နေ့ရက်တွေကြားမှာ ဒီဂိမ်းလေးကို စွဲစွဲမြဲမြဲ ကစားဖြစ်နေပါတယ်…။

ဂိမ်းအကြောင်း ပြောရင်း တလက်စထဲမှာ Dementia ဆိုတဲ့ ရောဂါ အကြောင်းလေး နည်းနည်း ပြောပြချင်ပါတယ်။ Dementia ဆိုတာ လက်တင်ဘာသာစကားက ဆင်းသက်လာတာ ဖြစ်ပါတယ်။ De ဆိုတာ without လို့ အဓိပ္ပါယ်ရပြီး ment ကတော့ the roots of mind လို့ အဓိပ္ပါယ်ရပါတယ်။ Dementia ကို လွယ်လွယ် ပြောရရင်တော့ သတိမေ့တတ်တဲ့ ရောဂါတစ်ခုလို့ ပြောနိုင်ပါတယ်…။ အစောပိုင်း လက္ခဏာတွေကို အကြမ်းဖျင်း ပြောပြရမယ်ဆိုရင် တခုခု ချိန်းထားပြီး မေ့နေတာမျိုး၊ ကိုယ့်အနီးအနားက တွေ့နေ မြင်နေကျ မိတ်ဆွေ အပေါင်းအသင်းတွေရဲ့ နာမည်တွေ အလွယ်တကူ ခေါ်လို့ မထွက်တာမျိုး၊ စကားပြောနေရင်း တ၀က်တပျက်နဲ့ ကိုယ်ဘာပြောနေမှန်း မေ့သွားတာမျိုး၊ မနေ့က ဘာလုပ်ခဲ့တယ် ဘယ်သွားခဲ့တယ် ဆိုတာကို နောက်တစ်နေ့မှာ သတိမရတတ်တာမျိုး၊ အိမ်မှာ ရှိပြီးသား ၀ယ်ပြီးသား ပစ္စည်းတွေကို ထပ်ထပ် ၀ယ်နေမိတာမျိုး၊ အကြောင်းမဲ့ စိတ်တိုလွယ် ဒေါသထွက်လွယ် ဖြစ်နေတာမျိုး၊ မကြာခဏ ဆာလောင်နေတာမျိုး… အဲဒါမျိုးတွေပါ။

အဲဒီလို Dementia ရောဂါကို ကာကွယ်နိုင်တဲ့ အခြေခံအချက်တချို့ကတော့ လေ့ကျင့်ခန်း ပုံမှန် ပြုလုပ်ခြင်၊ အစားအစာကို ကျန်းမာရေးနဲ့ ညီညွတ်အောင် စားသုံးခြင်း၊ လုံလောက်တဲ့ အိပ်ချိန်ကို ပုံမှန် အိပ်စက်ခြင်း၊ စိတ်ဖိစီးမှုများ နည်းပါးအောင် စနစ်တကျ စီမံခန့်ခွဲခြင်း၊ နေ့စဉ် လူမှုဘ၀ ပတ်ဝန်းကျင်မှာ အလိုက်သင့် ပျော်ရွှင်စွာ စီးမျော နေထိုင်ခြင်းတို့နဲ့အတူ ဦးနှောက်ကို အလုပ်ပေးခြင်း ဆိုတာလည်း တစ်ချက် ပါဝင်ပါတယ်…။

အဲဒီ ဦးနှောက်ကို အလုပ်ပေးခြင်း ဆိုတဲ့နေရာမှာ ဂိမ်းကစားတာလည်း တစ်ခု အပါအ၀င်ဖြစ်တယ် လို့ ခိုင်လုံတဲ့ သက်သေ အထောက်အထားများ၊ ဆေးပညာဆိုင်ရာ စာတမ်းများက ဆိုပါတယ်…။ အထိုက်အလျောက် စဉ်းစားတွေးတောရပြီး ဦးနှောက်ကို အသုံးပြုရတဲ့ Crossword Puzzle တွေ၊ Board Games တွေနဲ့ Scrabble တို့ Sudoku တို့လို ဂိမ်းမျိုးတွေကို ကစားပေးခြင်းဟာ Dementia ရောဂါကို တဖက်တလမ်းက ကာကွယ်ပေးနိုင်တယ် လို့ ဆိုပါတယ်။ အပေါ်မှာ ကျွန်မရေးခဲ့တဲ့ Candy Crush လို ဂိမ်းမျိုးဟာလည်း ဦးနှောက်ကို တွေးတော အလုပ်ပေးတဲ့ ဂိမ်းတစ်ခု ဖြစ်တာမို့ အချိန်အားများ ရှိခဲ့မယ်ဆိုရင် ကစားကြည့်ကြစေချင်ပါတယ်။

ဂိမ်းကစားတယ် ဆိုတာ ကလေးတွေအလုပ်လို့ ယေဘုယျ သတ်မှတ်ထားပြီး ကျွန်မတို့လို လူကြီးတစ်ယောက် ဂိမ်းကစားတယ်လို့ ဆိုလိုက်ရင် တော်တော်များများရဲ့ အမြင်မှာ အသက်အရွယ်နဲ့ မလိုက်ဖက်တာတွေ လုပ်နေတဲ့သူ ဒါမှမဟုတ် ကလေးကလားအလုပ်တွေ လုပ်နေတဲ့သူလို့ ဘေးကနေ ထင်မြင် ယူဆတတ်ကြပါတယ်…။ ဒါပေမဲ့လည်း လူကြီးတစ်ယောက်အတွက် တခါတခါမှာ အဲဒီလို အချိန်မျိုးတွေဟာ ရှိကို ရှိသင့်တယ်… တကယ်လည်း လိုအပ်ပါတယ်လို့ တွေးရင်း၊ ဂိမ်းတွေဆော့ရင်း ဒီစာကို ရေးပါတယ်…။



မှတ်ချက် - 2014 January - Gamer Magazine တွင် ဖေါ်ပြပြီး ဖြစ်သည်။

မိခင်တစ်ယောက်၏ မေတ္တာ နှင့် မိန်းမသားတစ်ယောက်၏ တန်ဖိုး

သားသမီးလိုချင်ရခြင်းအတွက် ကျွန်မရဲ့အကြောင်းပြချက် (၁၀) ချက် ဆိုတဲ့ ခေါင်းစဉ်အောက်မှာ အမျိုးသမီးတွေဆီက သားသမီးလိုချင်ရခြင်း၊ မလိုချင်ရခြင်း အကြောင်းလေးတွေလည်း သိဖို့စိတ်ဝင်စားပါတယ် လို့ ရေးထားတဲ့ ပန်ပန် ပိုစ့်ကို ဖတ်ပြီးပြီးချင်းမှာတော့ ရုတ်တရက် စိတ်ထဲ ရေးချင်သွားတာတွေ အများကြီိးပါပဲ။ ဒါပေမဲ့ တကယ်တမ်း ချရေးခါနီးမှာ စဉ်းစားရင်း စဉ်းစားရင်း လက်တွေက အလိုလို နှေးသွားးတယ်။ ဘာကြောင့်လဲ ဆိုတော့ သားသမီးဆိုတာ ကိုယ်လိုချင်တိုင်း၊ ကိုယ် တောင့်တတိုင်း လွယ်လင့်တကူ ရလာတတ်တဲ့ အရာမျိုး မဟုတ်လို့ပါ…။

ကျွန်မ အိမ်ထောင်ကျပြီးတဲ့ အချိန်က စလို့ သားကို ကိုယ်ဝန်ဆောင်စဉ်အချိန်၊ သားကို မွေးဖွားပြီးချိန်… အဲဒီအချိန်တွေမှာ ကျွန်မကိုယ် ကျွန်မ ဘာကြောင့် သားသမီး လိုချင်သလဲ လို့ တစ်ခါမှ ပြန်မမေးကြည့်ခဲ့ဖူးပါဘူး။ ကျွန်မ စိတ်ထဲမှာ သားသမီးနဲ့ ပတ်သက်လို့ အကြီးအကျယ်တွေ ကြိုတင် ကြံစည်ထားတာမျိုး၊ ရည်ရွယ်ထားတာမျိုး၊ စိတ်ကူးယဉ်ထားတာမျိုးလည်း ပြန်တွေးကြည့်တော့ ဘာတစ်ခုမှ တွေးလို့မရခဲ့ဘူး။ ကျွန်မ အမျိုးသားကလည်း ပင်ကိုယ် သဘာဝအရ အေးချမ်းသူ၊ စိတ်ခံစားမှုမှန်သမျှကို သိသိသာသာ ထုတ်ဖေါ် မပြတတ်တဲ့သူတစ်ယောက် ဖြစ်နေလေတော့… ဒီတော့ ကျွန်မတို့မှာ သားသမီးလိုချင်ရခြင်းအတွက် အကြောင်းပြချက် တချက်တလေမှ မရှိခဲ့တာ သေချာပါတယ်။

သို့သော်…
သားကို ကိုယ်ဝန်ဆောင်နေစဉ်အချိန်မှာတော့ ကျွန်မစိတ်တွေဟာ အလိုလို ပျော်ရွှင် ကြည်လင်နေတတ်တာ သတိထားမိပါရဲ့…။ ဒါပေမဲ့လဲ သားကလေးနဲ့ ပတ်သက်လို့ ဘာတွေမှ အများကြီး မတွေးထားခဲ့ဘူး... သားလေးကို ပြုစုပျိုးထောင်ဖို့အတွက် ဘာစာအုပ်မှလဲ မဖတ်ခဲ့ဘူး။ တစ်ခုပဲ ကျွန်မ ဆုတောင်းပါတယ်။ ကျွန်မ မွေးလာမဲ့ သားကလေးဟာ ကျန်းမာပြီး ကိုယ်လက်အင်္ဂါ ပြည့်စုံ ဖွံ့ဖြိုးတဲ့ သားကလေး၊ ဥာဏ်ရည် ဥာဏ်သွေး ထက်မြက်မဲ့ သားကလေး… ရှင်းရှင်းပြောရင်တော့ စာသင်လို့ ရမယ့် သားကလေးတစ်ယောက်သာ ဖြစ်ပါစေလို့ ကျွန်မ အမြဲ ဆုတောင်းခဲ့ပါတယ်။

ဒီလိုနဲ့ သားလေးရလာတော့ မိခင်တစ်ယောက်အနေနဲ့ သူ့အတွက် ကိုယ်တတ်နိုင်သမျှထဲက အကောင်းဆုံးတွေကိုသာ ပေးချင်မိတယ်...။ မိဘ အဖြစ်ကို ပီပီပြင်ပြင် ရောက်စေဖို့ တွန်းအား (Drive) က အဲဒီက စလာတယ် လို့ ဆိုနိုင်ပါတယ်…။ သူ့အတွက် ကျွန်မ လိုချင်တာ တချို့ကို ကျေကျေနပ်နပ် စွန့်လွှတ်ခဲ့ရတယ်။ ကျွန်မရဲ့ ဆန္ဒတွေကို အရင်ကလို ရှေ့တန်းတင်လို့ မရတော့ဘူးလို့ အလိုလို သိလာရတယ်။ ကိုယ်ဖြစ်ချင်တာတွေထက် ဖြစ်သင့်တာတွေကို ဦးစားပေးရမယ်လို့ နားလည်လာခဲ့တယ်။ ဒါတွေဟာ ဘာမှ ကြိုတင် ကြံစည်စရာ မလို၊ မိခင်တစ်ယောက်ရဲ့ သားသမီးအပေါ် အလိုအလျောက် ဖြစ်ပေါ်လာတဲ့ စိတ်စေတနာတွေပါ…။

သားကလေးဟာ ကျွန်မတို့ အတွက် ပျော်ရွင်မှုတွေနဲ့အတူ ကြည်နူးချမ်းမြေ့မှုတွေကို တပွေ့တပိုက် ယူဆောင်လာသူကလေး ဖြစ်တယ်။ သားကလေးကြောင့် မိဘမေတ္တာ ဆိုတာကို ပိုနားလည်လာတယ်။ သားကလေးကြောင့် ကျွန်မတို့ မိသားစုကလေးတစ်ခု ဖြစ်လာတယ်။ တစ တစနဲ့ သားကလေးဟာ ကျွန်မရဲ့ ကမ္ဘာ ဖြစ်လာတဲ့အပြင် သားကလေးရဲ့ မေမေ ခေါ်သံဟာ ကြားဖူးသမျှထဲမှာ အချိုဆုံး တေးသွားတစ်ခုလည်း ဖြစ်လာခဲ့ပါတယ်။ အဲဒီနောက်မှာတော့ သားကလေးကြောင့် ကျွန်မ လောဘတွေ ကြီးတတ်လာတယ်…။ ကိုယ်က သူ့ကို အကောင်းဆုံးတွေသာ ပေးချင်မိတာကိုး…။ ဒီတော့ သားကလေးနဲ့အတူ ကျွန်မတို့ ဆက်လျှောက်ရမဲ့လမ်းကို သေသေချာချာ စဉ်းစားရတယ်။ အရင်ကလို ကိုယ်နေချင်သလို နေ၊ ကိုယ် လုပ်ချင်သလို လုပ်၊ ကိုယ်လျှောက်ချင်သလို လျှောက်နေလို့ မဖြစ်တော့ဘူး ဆိုတာ သိလာတယ်။ ကိုယ် သူ့ကို ပေးချင်တာတွေအတွက် အချိန်၊ ငွေကြေး၊ ကိုယ်ကျိုး၊ အတ္တ… အစရှိတာတွေကို အများကြီး ပေးဆပ်ခဲ့ရပါတယ်။ ဒါပေမဲ့လည်း အဲဒီလို ပေးဆပ်ခဲ့ရတာတွေ အပေါ်မှာ စိုးစဉ်းမှ ငြိုငြင်မှု မရှိခဲ့တာ သူ့အပေါ် ထားခဲ့တဲ့ ကျွန်မရဲ့ မေတ္တာတွေပါပဲ...။

သားလေးနဲ့ ပတ်သက်လို့ သားဆီက ကျွန်မ သင်ယူရတာလေးတွေလည်း ရှိခဲ့ပါတယ်။ အခုအချိန်အထိလည်း သင်ယူနေရဆဲပါ…။ အဓိက ကတော့ သားအပေါ် ကျွန်မ တစ်ဦးတည်း ပိုင်ဆိုင်လိုစိတ်နဲ့ အတ္တတွေကို လျှော့ချပြီး စိတ်ကို ထားတတ်ဖို့ပါ…။ တဖြည်းဖြည်းနဲ့ အရွယ်ရောက်လာတဲ့သားကို သူ တစ်ခုခု တောင်းဆိုလာတဲ့အခါတိုင်း ခွင့်ပြုလို့ ရသမျှကို စည်းကမ်းဘောင်ထဲကနေ ခွင့်ပြုရင်း နားလည် လိုက်လျောတတ်တဲ့ မိခင်တစ်ယောက်ဖြစ်အောင်၊ သူ့ကို လူကြီးလေးတယောက်လို သဘောထား ဆက်ဆံရင်း သူ့ဆန္ဒတွေကို ရဲရဲဝံ့ဝံ့ ထုတ်ဖေါ် ပြောပြတတ်စေဖို့၊ ကိုယ်ဖြစ်စေချင်တာ တစ်ခုထဲကို ရှေ့တန်းတင်ပြီး သူ့ကို တဖက်သတ် တားဆီး ပိတ်ပင်တာမျိုး မလုပ်မိဖို့ လည်း ကျွန်မ သတိထားရပါတယ်။ ဒါတွေကတော့ သားကို ပဲ့ပြင် ထိန်းကျောင်းရင်း ကျွန်မ ရလာတဲ့ သင်ခန်းစာတွေပါ။

သားကလေးနဲ့ ပတ်သက်လို့ ကျွန်မမှာ ရည်မှန်းချက်၊ မျှော်လင့်ချက်နဲ့ ရည်ရွယ်ချက်တွေ များများစားစား ပြောပြစရာ မရှိခဲ့ပါဘူး။ ရှိခဲ့တယ် ဆိုရင်လည်း ဒါဟာ သူ့ အကျိုးအတွက်ပဲ ဖြစ်ပါလိမ့်မယ်…။ ဥပမာ ပြောရရင် သူ အတန်းထဲမှာ စာတော်အောင်၊ အမှတ်များများရအောင် ကြိုးစားစေချင်တဲ့ စိတ်ဟာ သူ့အတွက်နဲ့ သူ့ ရှေ့ရေးအတွက်သာ ဖြစ်တယ်…။ မိခင်တယောက်ဖြစ်တဲ့ ကျွန်မကတော့ သူ့အောင်မြင်မှုတိုင်းမှာ ကိုယ်တိုင် စိုက်ပျိုးထားတဲ့ အပင်လေး တစ်ပင် အသီး အပွင့်တွေ ဝေလာတာကို ကြည့်ရင်း ကြည်နူး ဂုဏ်ယူနေချင်တဲ့ စိတ်တစ်ခုထဲသာ ရှိပါတယ်…။

တစ်ဦးတည်းသောသား ဖြစ်နေတာက တစ်ကြောင်း၊ မြန်မာပြည်မှာ မြန်မာအသိုင်းအဝိုင်းကြားမှာ၊ ဆွေမျိုး ညီအစ်ကို မောင်နှမတွေကြားမှာ ကြီးပြင်းရတဲ့ သားကလေး မဟုတ်တာက တစ်ကြောင်း တို့ကြောင့် မိဘအပေါ်မှာ ကြင်နာ နွေးထွေးမှု၊ နားလည် သိတတ်မှု နည်းပါးမှာတော့ ကျွန်မ နည်းနည်း စိုးရိမ်မိပါတယ်။ အတတ်နိုင်ဆုံးတော့ ကျွန်မ သွန်သင်ပါတယ်။ ကျွန်မကိုယ်တိုင်က မိဘကို စေတနာ မေတ္တာအပြည့်နဲ့ ဂရုစိုက်တတ်တဲ့ သမီးတစ်ယောက် ဖြစ်လေတော့ ကိုယ့်စေတနာအတွက် တူသော အကျိုး ပြန်ရလိမ့်မယ်လို့ ကျွန်မ အမြဲမျှော်လင့်မိပါတယ်။

နောက် နှစ်လ ဆိုရင် ကျွန်မသားကလေး အသက် ဆယ့်ခြောက်နှစ် ပြည့်တော့မှာ…။ ကျွန်မ ဆုတောင်းခဲ့သလိုပဲ သားကလေးဟာ စိတ်ပိုင်းဆိုင်ရာအရရော၊ ရုပ်ပိုင်းဆိုင်ရာအရပါ တိုးတက်ဖွံဖြိုးတဲ့ လူကလေးတစ်ယောက် ဖြစ်တယ်။ ဘာသာတရား အဆုံးအမကြောင့် ယဉ်ကျေး လိမ်မာတဲ့ကလေးတစ်ယောက် ဖြစ်တယ်။ ဒါ့အပြင် ပင်ကိုယ် အရည်အသွေးရော ဥာဏ်ရည်ပါ ထက်မြက်တဲ့ ကလေးတစ်ယောက်လည်း ဖြစ်နေပါသေးတယ်။ မိခင်တစ်ယောက်ဖြစ်တဲ့ ကျွန်မဟာ ဒါတွေအတွက် အချိန်တိုင်း ကျေနပ် ပီတိ ဖြစ်မိပါတယ်။ ရှေ့ခရီးကို ဆက်လျှောက်ဖို့ ခွန်အားတွေကိုလည်း ဒီ ကျေနပ်ပီတိတွေက အားဖြည့်ပေးပါတယ်။

အခု ကျွန်မ ပြောခဲ့တာတွေအားလုံက လက်ရှိ မိခင်တစ်ယောက် ဖြစ်နေတဲ့ ကျွန်မရဲ့ သားအပေါ် ထားတဲ့ မေတ္တာ၊ စေတနာ၊ ကျေနပ်ခြင်း ပီတိနဲ့ သင်ယူပြီး သင်ယူဆဲ သင်ခန်းစာတွေ အကြောင်းပါ။

ဆက်ပြီးတော့ မိန်းမတစ်ယောက်ရဲ့ တန်ဖိုးအကြောင်း နည်းနည်းလေး ပြောပြချင်ပါတယ်…။
မနေ့ကညက ဒီမှာ ရုံတင်နေတဲ့ Oshin ဇာတ်ကား သွားကြည့်ဖြစ်ပါတယ်။ Oshin ဆိုတာ ကျွန်မတို့ ငယ်ငယ်က မြန်မာ့အသံကနေ ပြတဲ့ ဇာတ်လမ်းတွဲပါ။ အပိုင်းပေါင်း နှစ်ရာကျော်၊ သုံးရာနီးပါး ရှိတဲ့ ဒီဇာတ်လမ်းကို ရုပ်ရှင်ဇာတ်ကားတစ်ခုအနေနဲ့ နှစ်နာရီစာ ဘယ်လိုများ ပြမှာပါလိမ့်လို့ စိတ်ဝင်တစားနဲ့ သွားကြည့်တာပါ။ ဒါပေမဲ့ သူတို့က မူလ လက်ဟောင်း Oshin တစ်ကားလုံးမဟုတ်ပဲ Oshin ရဲ့ ငယ်ဘဝ အပိုင်းလေးကိုပဲ ရိုက်ထားတာပါ။ ကြည့်လို့တော့ ကောင်းပါတယ်…။

အတိုချုံးပြောပြရရင်တော့ Oshin တို့ မိသားစုမှာ စားစရာ ဆန်မရှိလို့ အိုရှင် မြို့ကိုသွားပြီး အလုပ်လုပ်ရတယ်။ သူ အလုပ်လုပ်တဲ့အိမ်က ပိုက်ဆံ ငါးမူးပျောက်လို့ သူ့ကို သူခိုး စွတ်စွဲလို့ အဲဒီအိမ်ကနေ သူ ထွက်ပြေးလာခဲ့တယ်။ အိမ်ပြန်ရောက်တော့ သူ့မိသားစု အဆင်မပြေတာတွေကို ပြန်တွေ့ပြီး နောက်တခေါက် သူ မြို့ကိုသွားပြီး အလုပ်လုပ်ရတယ်။ အဲလို အလုပ်လုပ်နေရင်း ပွဲတော်ရက်တစ်ရက်မှာ မထင်မှတ်ပဲ သူ့အမေကို ယောက်ျားတစ်စုနဲ့အတူ ဂေရှားမယ် အဖြစ်နဲ့ တွေ့လိုက်ရတယ်။ ခွဲခွာနေရတဲ့ အမေကို တွေ့လို့မှ မပျော်နိုင်၊ အမှောင်ထဲမှာ ၀မ်းနည်းအားငယ်စွာ ငိုနေတဲ့ အိုရှင်ကို သူ့ အိမ်ရှင် အဖွားကြီးက မိန်းမသားတစ်ယောက်ရဲ့ သဘာဝကို ပြောပြတဲ့ အခန်းလေး ပါပါတယ်။

အဲဒီမှာ ပြောသွားတဲ့ စကားလေးတော့… “None of us women work for our own benefit. We work for our parents, husbands and children.” တဲ့…။

မိန်းမသားတစ်ယောက်ရဲ့ တန်ဖိုးကို ဖေါ်ပြတဲ့ ဒီစကားဟာ အင်မတန် မှန်ကန်ပြီး သဘောကျစရာကောင်းတယ်လို့ ကျွန်မ ထင်ပါတယ်။ မိန်းမတစ်ယောက်ဟာ ပထမအဆင့်အနေနဲ့ သူ့မိဘအတွက် ကျေးဇူးပြု ရှင်သန်ခွင့်ရတယ်။ အဲဒါကမှ တစ်ဆင့်တက်လို့ အိမ်ထောင်ကျခဲ့ရင် သူဟာ ခင်ပွန်းအတွက် ချစ်ခြင်းမေတ္တာတွေကို အခြေပြုပြီး ရှင်သန်ခဲ့တယ်။ ပြီးတော့ အဲဒီ အိမ်ထောင်ကနေ ထွန်းကားလာတဲ့ သားသမီးတွေအတွက် ဆက်လက် ရှင်သန်ကြပါတယ်…။ တကယ်လို့များ သူတို့ဘဝမှာ အကြောင်းအကျိုး မညီညွတ်လို့ သားသမီး မထွန်းကားခဲ့ကြသည့်တိုင်အောင် မိန်းမတစ်ယောက်ဟာ အနည်းဆုံးတော့ မိဘနှစ်ပါးနဲ့ ခင်ပွန်းအတွက် အကောင်းဆုံး အကျိုးပြု ရှင်သန်နေကြတဲ့သူတွေ မဟုတ်လား…။ ဒါကို ကြည့်ခြင်းအားဖြင့် မိန်းမတစ်ယောက်ဟာ အိမ်ထောင် ကျသည်ဖြစ်စေ၊ အိမ်ထောင် မကျသည်ဖြစ်စေ၊ သားသမီး ထွန်းကားသည် ဖြစ်စေ၊ မထွန်းကားသည်ဖြစ်စေ ကိုယ်နဲ့ အနီးဆုံး ပတ်ဝန်းကျင်အပေါ် အကောင်းဆုံး ပေးဆပ်နိုင်တဲ့သူတွေဆိုတာ သိပ်သေချာပါတယ်။ တွေးကြည့်လိုက်ရင် အင်မတန်မှ ကျေနပ်စရာကောင်းပါတယ်…။

ဒါကြောင့် ကျွန်မ ချစ်ခင်ရတဲ့ မိတ်ဆွေ သူငယ်ချင်းတွေ၊ အစ်မတွေ ညီမတွေ အားလုံး တန်ဖိုးရှိတဲ့ မိခင်ဘဝ (သို့မဟုတ်) တန်ဖိုးရှိတဲ့ မိန်းမသားဘဝကို ပိုင်ဆိုင်ခွင့်ရနိုင်သူများ ဖြစ်ကြပါစေ လို့ ဆန္ဒပြုပါတယ်…။



ဒီပိုစ့်ကို ရေးဖြစ်အောင် အစပျိုးပေးတဲ့ ညီမ ပန်ပန် ကို ကျေးဇူးတင်ပါတယ်။ မကြာခင် ပိုင်ဆိုင်လာရတော့မယ့် မိသားစုဘဝလေးမှာ အစစ အရာရာ အဆင်ပြေ ပြည့်စုံပါစေ၊ ကျန်းမာ ချမ်းသာစွာနဲ့ ပျော်ရွှင်ချမ်းမြေ့ပါစေ လို့လည်း ဆုတောင်းပေးတယ်နော်…။

ဆယ်ပြားတန် ချောကလက်နှင့် ဆက်စပ်၍...

တနေ့က တီဗွီမှာ လာသွားတဲ့ အစီအစဉ်တစ်ခုထဲက အစိတ်အပိုင်းတစ်ချို့ ဆိုပါတော့…။

ချောကလက်ဆိုင် တစ်ဆိုင်မှာပါ…။
နာမည်ကြီး တံဆိပ်နဲ့ ချောကလက်… တစ်ခုကို သုံးကျပ် တန်ပါတယ်…။ အဲဒါကို ဆိုင်က တစ်ကျပ် လျှော့ပြီး တစ်ခု နှစ်ကျပ်နှုံးနဲ့ ရောင်းပါတယ်…။ တချိန်ထဲမှာပဲ နောက် နာမည်သိပ်မကြီးတဲ့ ဆယ်ပြားတန် ချောကလက်တစ်မျိုးကိုလည်း ကြော်ငြာတဲ့ သဘောမျိုးနဲ့ ရောင်းနေပါတယ်။ ဈေးဝယ်သူတွေဟာ ဆယ်ပြားတန် ချောကလက်ကို ယောင်လို့တောင်မှ လှည့်မကြည့်ကြပဲ ဈေးချထားတဲ့ နာမည်ကြီး ချောကလက်တွေကိုသာ ဝယ်ယူနေကြတာ တွေ့ရပါတယ်…။

နောက်တနေ့မှာ အရင်နေ့ကရောင်းခဲ့သလိုပဲ သုံးကျပ်တန် နာမည်ကြီး ချောကလက်ကို နှစ်ကျပ်နဲ့ ဆက်ရောင်းပါတယ်…။ ဒါပေမဲ့ ဆယ်ပြားတန် ချောကလက်တွေကိုတော့ တစ်ယောက် တစ်လုံး အမြည်းသဘောမျိုးနဲ့ အလကား ပေးပါတယ်…။ အဲဒီနေ့မှာ ဆိုင်ကို လာသမျှလူတွေဟာ သုံးကျပ်တန် အကောင်းစား ချောကလက်ကို တစ်ကျပ်တိတိ လျှော့ပြီး နှစ်ကျပ်နဲ့ ဈေးချရောင်းနေတာကို ဘယ်သူမှ ခေါင်းထဲ မရောက်ကြတော့ပါဘူး။ အလကားရမဲ့ ဆယ်ပြားတန် ချောကလက်တွေကိုသာ အချိန်ပေး တန်းစီ စောင့်ဆိုင်းရင်း အရယူနေကြပါတယ်။

အကောင်းစား ချောကလက်ကို ဈေးချချိန်မှာ နှစ်ကျပ်နဲ့ ပျော်ပျော်ကြီး ဝယ်စားရမဲ့အစား ဆယ်ပြားတန် အလကားပေးတဲ့ ချောကလက်နဲ့ တင်းတိမ်လိုက်ရတာ….။ အလကား (Free of Charge) ဆိုတဲ့ စကားလုံးရဲ့ လှည့်စားမှုအောက်ကို ဆယ်ပြားတန် ချောကလက်စားရင်း တည့်တည့်ကြီး ဝင်သွားရတာပါ။

အဲဒါနဲ့ ဆက်စပ်ပြီး ပြန်စဉ်းစားကြည့်တော့ မနက်ပိုင်း ရုံးချိန် Peak Hour မှာ ရထားခ ပြားဂဏန်းလောက် လျှော့ပေးတာကို လူတွေ အလုအယက် တက်သုတ်ရိုက်ပြီး သွားစီးနေကြတာ သူတို့ရဲ့ Quality of Life တွေ အင်မတန် ကျဆင်းတယ်လို့ ယူဆမိပါတယ်။ အလကားရတဲ့ ဆယ်ပြားတန် ချောကလက်ကို စားကြတဲ့သူတွေလိုပါပဲ…။ ရထားနဲ့ သက်ဆိုင်တဲ့ အဖွဲ့အစည်းကလည်း ရုံးချိန်မှာ ရထားကြပ်တဲ့ ကိစ္စကို ထိထိရောက်ရောက် မဖြေရှင်းပေးပဲ ရုံးချိန်ထက် စောတဲ့ ဒီအချိန်ကနေ ဒီအချိန် စီးရင် လျှော့ပေးတယ်ဆိုပြီး ဘူတာရုံ တချို့ အထွက်မှာ ရထားခကို မဖြစ်စလောက် ပြားဂဏန်းလေး လျှော့ပေးရင်း လေကျယ်နေတာပါ။

အမှန်ဆို အဲဒီ ပြားစွန်းလောက် သက်သာဖို့အရေး အိပ်ရာကလည်း စောစောထရတယ်… အလုပ်ကိုလည်း မလိုအပ်ပါပဲနဲ့ အချိန် စောပြီးရောက်နေရတယ်…။ မနက်စောစောလာလို့ ညနေ စောပြန်ရတဲ့ ရုံးဆို တော်သေးရဲ့… မဟုတ်လို့ကတော့ ကိုယ့်ရဲ့ အချိန်တွေ အပိုကုန်သွားတာသာ အဖတ်တင်မယ်။ မနက် ရုံးမလာခင် နာရီဝက်ဆိုတဲ့ အချိန်ဟာ ညနေစာအတွက် ဟင်းတစ်အိုးလည်း ချက်လို့ ပြီးနိုင်တယ်။ စာဖတ်နေရင် အနည်းဆုံး စာမျက်နှာ နှစ်ဆယ် အစိတ်လောက် ပြီးနိုင်တယ်။ စိတ်အေး လက်အေး ဘုရား ရှိခိုးလို့ရတယ်။ အိမ်သန့်ရှင်းရေး လုပ်အုံးမလား… ရသေးတယ်…။ မိန်းကလေးတစ်ယောက်အတွက် အေးအေးဆေးဆေး အလှပြင်လို့ ရသေးတယ်…။ အဲဒီလို အချိန်ကို ဘာမဟုတ်တဲ့ ပိုက်ဆံ ပြားဂဏန်းနဲ့ လဲလှယ်လိုက်ရတာ တော်တော်ကို မတန်တဲ့ ကိစ္စတစ်ခု လို့ ယူဆပါတယ်။ ပိုက်ဆံဟာ ပြန်ရှာလို့ရပေမဲ့ ကုန်သွားတဲ့ အချိန်တွေဟာ ဘာနဲ့မှ ပြန်အစားထိုးလို့ မရဘူးဆိုတာလည်း သတိပြုသင့်တယ်။

သေသေချာချာ ပြန်စဉ်းစားကြည့်ပါ…။ အလကားရတယ် ဆိုပြီး စားရရင် ဆယ်ပြားတန် ချောကလက်ပဲ ဖြစ်တော့မှာပေါ့…။ ဆယ်ပြားတန် ချောကလက်ရဲ့ အရသာဟာလည်း ဆယ်ပြားပဲ တန်မှာပေါ့…။ အဲဒီလိုပဲ ရထားခ ပြားဂဏန်း သက်သာတာကို ကြည့်လိုက်ရင် ကိုယ့်ရဲ့ အချိန်တွေ ဆုံးရှုံးမှုကိုလည်း မမေ့စေချင်ဘူး…။

လည်ဝယ်ပါးနပ်တဲ့ စီးပွားရေးလုပ်ငန်းရှင်တွေဟာ လူတို့ရဲ့ သည်းခြေကြိုက်ဖြစ်တဲ့ Discount ဆိုတဲ့စကားကို ထည်လဲ သုံးပြီး လူတွေကို လှည့်ဖျားနေကြတာ…။ ရှိသေးတယ်… Buy 1 Get 1 Free တို့… Minimum 3 Pieces တို့… 2nd Piece 50% Off တို့…. အများကြီး…။ အဲဒီလို သူတို့ရဲ့ လှည့်ကွက်တွေထဲကို အလွယ်တကူ ရောက်မသွားအောင်… ဘဝမှာ ဆယ်ပြားတန် ချောကလက်ကို တန်းစီ စားရုံနဲ့တင် ကိစ္စ ပြီးမသွားအောင်… သက်သာတယ် သက်သာတယ် ဆိုတိုင်း မျောပါမသွားအောင်... သတိထားဖို့ အများကြီးလိုသေးတယ်လို့ ကိုယ့်ကိုယ်ကိုယ် ဆင်ခြင်မိရင်း ဒီစာကို ရေးပါတယ်….။

တန်းစီခြင်းနဲ့ နေသားတကျ ဖြစ်နေသူများ (၂)

အရင်ပိုစ့်… တန်းစီခြင်းနဲ့ နေသားတကျ ဖြစ်နေသူများ ရဲ့ နောက်ဆက်တွဲပါ…။ တန်းစီခြင်းနဲ့ နေသားတကျ ဖြစ်တယ် ဆိုတဲ့နေရာမှာ တကယ်ပဲ တန်းစီရတာကို နည်းနည်းမှ မတွန့်ဆုတ်ပဲ အသားကျ ပျော်မွေ့တဲ့သူများရဲ့ အကြောင်းကို ပြောပြချင်တာ၊ ဒါပေမဲ့ ကျွန်မ တင်ပြပုံ ညံ့ဖျင်းသွားလို့ တန်းစီတာဟာ တစ်စက်မှ နှစ်သက်စရာ မကောင်းတဲ့ လုပ်ရပ်ကြီး လိုလို၊ အပိုအလုပ်ကြီးတစ်ခု လိုလို ဖြစ်သွားခဲ့တယ်။ အမှန်က လူအများနဲ့ အတူ ဆောင်ရွက်ရတဲ့ ကိစ္စတွေတိုင်းမှာ တန်းစီပြီး စောင့်ဆိုင်းခြင်းဆိုတာ သိပ်ကောင်းပါတယ်… စည်းကမ်းရှိရှိ စနစ်တကျ တန်းစီတာ အင်မတန်ကောင်းတဲ့ လုပ်ရပ်ပါ။

တကယ်တမ်း ကျွန်မ ပြောပြချင်တဲ့ တန်းစီပုံ တန်းစီနည်းက ဒီလိုပါ…။
လွယ်တာလေး ဥပမာ ပြရရင် iPhone (သို့) iPad စတဲ့ ပစ္စည်း အသစ်ထွက်တဲ့နေ့ဆို မနက် ဆယ်နာရီမှာ ဖွင့်မဲ့ ဆိုင်ကို ည အိပ်ပြီး တန်းစီကြတယ်။ တစ်ရက်လေးမှ မစောင့်နိုင်ပဲ ထွက်ထွက်ချင်း ကိုင်ချင်ကြတဲ့ ရောဂါပါ…။ ဝယ်လိုအားနဲ့ ရောင်းလိုအားနဲ့ကလည်း အမြဲတစေ မမျှတလေတော့ ဒီလိုမှ တန်းမစီရင် နောက်ထပ် တစ်ရက် နှစ်ရက် ကနေ တစ်ပတ်လောက်အထိ စောင့်ရမှာ ဆိုတော့ ဒီလိုပဲ ညအိပ် တန်းစီကြတာပါ။

တလောက ဒီမှာ H & M ဆိုတဲ့ အဝတ်အစားတွေ ရောင်းတဲ့ဆိုင် ဖွင့်ပါတယ်။ ပထမဆုံး စဖွင့်တဲ့နေ့မှာ ဝယ်တဲ့သူ တွေကို ဒေါ်လာ နှစ်ဆယ်တန် Gift Voucher ပေးမယ် လို့ ကြေငြာတယ်…။ ဒီက လူသားအပေါင်းတို့ဟာ အဲဒီ နှစ်ဆယ်တန် Gift Voucher ရဖို့အတွက် ညလုံးပေါက် ဆိုင်တံခါးရှေ့မှာ အိပ်ပြီး တန်းစီကြပါတယ်…။ အဲဒီလိုပါ…

စားသောက်ဆိုင်တွေထဲမှာ ကောင်းတယ်လို့ နာမည်ကြီးတဲ့ဆိုင် ဒါမှမဟုတ် တခုခု လျှော့ဈေး၊ ပရိုမိုးရှင်းရှိတဲ့ဆိုင်… စားဖို့ စဉ်းစားလိုက်ရင် အနည်းလေး နာရီဝက်ကနေ တနာရီ တန်းစီ စောင့်ရတယ်။ တန်းမစီနိုင်၊ မစောင့်နိုင်ရင် မစားရုံပဲလေ…။ သူတို့ကတော့ စိတ်ရှည်တယ်ဗျား… ဖုန်းလေးတွေ ကိုယ်စီ ကိုင်လို့ ဂိမ်းကစားရင်း ကိုယ့်အလှည့်ရောက်တဲ့အထိ စောင့်ကြတယ်…။

နာမည်ရ လျှပ်စစ်ပစ္စည်းတွေ ရောင်းတဲ့ ဆိုင်တခုဆို ဆိုင်ဖွင့်ချိန် မနက် ရှစ်နာရီမှာ ၄၂ လက်မ တီဗွီက ဘယ်နှစ်လုံး… ဟုမ်းသီရေတာ က ဘယ်နှစ်လုံး… အဝတ်လျှော်စက် ရေခဲသေတ္တာ ဘယ်နှစ်လုံး… စသည်ဖြင့် ဦးရာလူစနစ်နဲ့ ရောင်းမယ်လို့ ကြော်ငြာတယ်။ ဈေးကလည်း တော်တော်လေး သက်သက်သာသာ ရောင်းပါတယ်။ လျှပ်စစ် ရေနွေးအိုးတို့ ပေါင်မုန့်ကင်စက်တို့ ဘာတို့ဆို ကိုးဒေါ်လာ ဆယ်ဒေါ်လာလောက်နဲ့ကို ချရောင်းတာပါ။ အဲဒီမှာလည်း အပေါ်မှာ ပြောခဲ့သလို နောက်တနေ့ ဖွင့်မဲ့ ဆိုင်တံခါးရှေ့မှာ ညအိပ် ညနေ တန်းစီပြီး စောင့်ဆိုင်း ဝယ်ယူကြပါတယ်။ အဲဒီမြင်ကွင်းတွေအတွက် ကျွန်မမှာသာ ရင်သပ်ရှုမော ဖြစ်ရတာ သူတို့ကတော့ တကယ့်ကို နေသားတကျ၊ မမောမပန်း၊ အေးအေးလူလူ နဲ့ သက်သက်သာသာ တန်းစီကြတာပါ…။

စကားကြုံလို့ ဆက်ပြောပါအုံးမယ်…
တလောက Mc Donald မှာ အပတ်စဉ် ကြာသာပတေးနေ့တိုင်း Hello Kitty တစ်မျိုးကျစီ ရောင်းပါတယ်။ တစ်ပတ် တစ်ကောင်… ငါးပတ်စာအတွက် ငါးကောင်နဲ့ အိမ်ကို မှာစားရင် ရနိုင်တဲ့ Delivery Kitty လေးက တကောင်၊ စုစုပေါင်း ခြောက်ကောင်ပါတဲ့ Hello Kitty Set ပါ…။ အပတ်စဉ် ကြာသာပတေးနေ့မှာ ဆိုင်တိုင်းမှာ လူကြိတ်ကြိတ်တိုး တန်းစီရပါတယ်။ ပြောရရင် ဆိုင်အပြင်ကို လျှံထွက်အောင် စီနေတဲ့ လူတန်းကြီးထဲမှာ ကလေးသူငယ် တယောက်မှ မပါပါဘူး။ အားလုံး လူကြီးတွေပါ။ အဲဒီမှာမှ နောက်ဆုံးတစ်ပတ်မှာ ရောင်းတဲ့ Singing Bone အမည်ရ အမည်းရောင်အကောင်လေးကို သူတို့က Limited Edition လို့ ကြော်ငြာလိုက်ပါတယ်။ ပွဲကြီးပွဲကောင်းပါပဲ…။

အဲဒီ အရုပ်လေးကို ၂၄ နာရီဖွင့်တဲ့ Mc Donald ဆိုင်တွေမှာ ဗုဒ္ဗဟူးနေ့ ည ၁၂ နာရီက စပြီး ရောင်းမှာ ဖြစ်သလို ပုံမှန် ဆိုင်တွေကတော့ ကြာသာပတေးနေ့ မနက် ၆ နာရီမှာ စ ရောင်းမှာ ဖြစ်ပါတယ်။ ဒီတော့ Hello Kitty Crazy တွေဟာ ဗုဒ္ဗဟူးနေ့ည မှာ စပြီး တန်းစီကြရမှာ ဖြစ်ပါတယ်။

အမှန်ကို ဝန်ခံရရင် ကျွန်မလည်း အဲဒီ Hello Kitty အရုပ်လေး တွေကို သိပ်ချစ်ပါတယ်။ အရင်အပတ်တွေက ရောင်းသမျှ အကုန်ရပြီးသားပါ…။ ကျွန်မ ဝယ်လို့မရတဲ့ တတိယအပတ်မှာ ညီမလေး မေဇင်က ဝယ်ပြီး လက်ဆောင်ပေးပါတယ်၊ နောက်တစ်ပတ်မှာတော့ အမျိုးသားက သူ့ အလုပ်ထဲက Hello Kitty Crazy တွေနဲ့ အတူတူ စုမှာပြီး ဝယ်ထားပေးပါတယ်...။ ဒီတော့ Collection တစ်စုံလုံး အပြည့်ဖြစ်ရလေအောင် နောက်ဆုံးအရုပ်ကိုလည်း ကျွန်မ တော်တော်လေး လိုချင်ပါတယ်။ သဘောကောင်းတဲ့ အမျိုးသားက အိမ်နားက ၂၄ နာရီဖွင့်တဲ့ ဆိုင်မှာ ဗုဒ္ဗဟူးနေ့ည ၁၂ နာရီမှာ လိုက်ဝယ်ပေးမယ်လို့ ပြောပါတယ်။ ဒီလိုနဲ့ အဲဒီညမှာ ညစာ စားသောက်ပြီး အေးအေးဆေးဆေးပေါ့… ည ၁၁ နာရီလောက်ကျ သွားလိုက်မယ်ပေါ့.. တန်းစီရလည်း ခဏပေါ့လို့ တွေးထားတုန်း… ည ကိုးနာရီ မထိုးခင်မှာ ဘဝတူတွေဆီက ဖုန်းဝင်လာပါတယ်။ ဆိုင်တွေမှာ တန်းစီနေတဲ့ လူတန်းတွေ အရှည်ကြီး ဖြစ်နေပြီတဲ့… ဝယ်မယ်ဆို မြန်မြန် သွားကြတော့တဲ့…။ ဘုရားရေ အခါ တစ်သိန်း တ ပြီး အိမ်နဲ့ တော်တော်လေး လှမ်းတဲ့… လူသွားလူလာ နည်းမယ်လို့ ထင်ရတဲ့ (ဆိုလိုတာက MRT ရထား ဘူတာနဲ့ ဝေးလို့ အလွယ်တကူ လူမလာနိုင်တဲ့) ဆိုင်ကို သွားပါတယ်…။ ကိုယ့်ကိုယ်ကိုယ်တော့ လည်လှပြီပေါ့…။

အဲဒီဆိုင်ရောက်တော့ ကားပါ့ကင် အဝင်မှာ တန်းစီနေရထဲက သိလိုက်ပြီ… အခြေအနေမကောင်းပါလားလို့…။ ကားရပ်ပြီး ဆိုင်နားသွားလိုက်တော့ ထင်ထားတာထက် ပိုဆိုးနေပါတယ်…။ ကိုယ့်ရှေ့မှာ ဘယ်အချိန်ထဲက စီနေမှန်းမသိတဲ့ လူ နှစ်ရာလောက် ရှိနေပါပြီ…။ ဒါနဲ့ ဟိုဟို ဒီဒီ ဖုန်းဆက်ကြည့်တော့ မိတ်ဆွေတွေက အိမ်နဲ့ နီးတဲ့ Park တခုမှာ ကားနဲ့ Drive Through ဝယ်ဖို့ အကြံပြုကြပါတယ်…။ ရရင် သူတို့အတွက်လည်း ပိုဝယ်ခဲ့ပါ… သူတို့ရနိုင်ရင်လည်း ကျွန်မအတွက် ပိုဝယ်လာခဲ့မယ်လို့ ညှိနှိုင်း သဘောတူကြပါတယ်။ အဲဒီအချိန်အထိ ကိုယ်တွေ တော်တော်လေး လည်လှပြီ လို့ တွေးနေမိတုန်းပါ…။

Park ထဲက ဆိုင်ကို သွားတော့ ဆိုင်နဲ့ အဝေးကြီးမှာထဲက ကားတွေ တန်းစီနေပါပြီ…။ ပြီးတော့ အဲဒီ ကားတန်းဟာ လုံးဝ မရွေ့ပါဘူး။ ကားနဲ့ ဝင်ဝယ်လို့ရရင် ကားနဲ့ဝယ်… ကျွန်မကတော့ လူတွေ အခြေအနေကြည့်မယ်ဆိုပြီး ကားပေါ်က ဆင်းလာခဲ့ပါတယ်။ တွေ့ပါပြီ… လူတွေ တန်းစီနေတဲ့နေရာ… ခုနက နေရာထက် နှစ်ဆ လောက် ပိုများပါတယ်။ ပြီးတော့ ရဲကားရော၊ လုံခြုံရေးကားတွေနဲ့ ယူနီဖေါင်းဝတ်လူတွေ လည်း ရောက်နေပါပြီ…။ ကားနဲ့ စီတဲ့သူတွေကိုလည်း တစ်နေရာမှာ ရဲကားနဲ့ ပိတ်ပြီး ဖြတ်ချထားပါတယ်… လုံးဝ အဝင်မခံ၊ အရှေ့ကို လည်း လုံးဝ ပေးမတိုးတော့ပါဘူး။

နာရီကြည့်တော့ ည ဆယ်နာရီတိတိပါ။ သေချာတာက နောက် နှစ်နာရီ ဒီနေရာမှာ တန်းစီနေရမယ်… Limited Edition ဆိုတော့ ရမယ် မရဘူးလည်း မသေချာ…။ ဒီတော့ အောင်မြင်စွာ ဆုတ်ခွာခဲ့ပါတယ်။ ကျွန်မထက် စိတ်ရှည်တဲ့ အမျိုးသားက နောက်တစ်နေရာကို လိုက်ပို့ပြန်ပါတယ်…။ အဲဒီနေရာက ရုံးတွေနားဆိုတော့ ရုံးချိန်မဟုတ်ရင် လူနည်းလိမ့်မယ်လို့ သူ တွေးပုံရပါတယ်…။ အထင်နဲ့ အမြင် တက်တက်စင်အောင် လွဲပါတယ်။ ကားတန်းရှည်တွေဟာ ဆိုင်ဝင်း အဝင်ဝရဲ့ ဘယ်ဖက်ကရော ညာဖက်ကပါ တန်းစီနေတာ မြင်မကောင်းပါပဲ…။ လူတန်းကြီးကလည်း တွန့်လိမ်ခွေခေါက်နေတာ အရှည်ကြီးမှ အရှည်ကြီးပါ။ လုံခြုံရေးတွေ ရဲတွေကလည်း ခုနနေရာကထက် ပိုများပါတယ်…။

ပတ်ဝန်းကျင်မှာ ကိုယ့်ထက် လည်တဲ့သူတွေ အများကြီး ရှိနေပါလားလို့ ကောင်းကောင်း သဘောပေါက်သွားပါပြီ။ ဒါနဲ့ပဲ ပြန်ကြပါစို့ လို့ ပြောပြီး ပြန်လာတာ…။ အ်ိမ်နဲ့ အနီးဆုံး ဆိုင်နားအရောက်မှာ အပြင်က လှမ်းကြည့်တော့ လူသိပ်များပုံမရဘူး… တစ်ချက်ဝင်ကြည့်လိုက်လေ ဆိုလို့ ကျွန်မ ဆင်းကြည့်ပါတယ်။ လူတန်းရှည်ကြီးပဲ တွေ့ရပါတယ်။ တန်းစီနေတဲ့ လူတန်းရှည်ကြီးနောက်မှာ ကျွန်မ မယောင်မလည် ဝင်ရပ်တော့ အရှေ့ကပ်လျက်က တရုတ်လေးက နောက်ဆုံးအခြေအနေမှာ ဖြစ်သွားတဲ့ တိုကင်စနစ်အကြောင်း ရှင်းပြပါတယ်။ သူတို့က ရှိနေတဲ့ အရုပ် အရေအတွက်အရ တစ်ယောက်ကို အများဆုံး လေးခုပဲ ရောင်းနိုင်မယ် ဆိုပြီး ရှေ့ဆုံးက တန်းစီနေသူတွေက စပြီး တိုကင်တွေ ဝေလိုက်တယ်တဲ့…။ လူ တစ်ရာလောက်မှာ တိုကင်တွေ ကုန်သွားပါတယ် တဲ့။ ဒီတော့ တိုကင်ရတဲ့သူတွေသာ ဝယ်ခွင့်ရှိမှာပါ။ ပြီးတော့ တရုတ်ကလေးက ဆက်ပြောပါတယ်… No more token.. Hopeless.. တဲ့…။ သူ့ရဲ့ စိတ်ပျက်လက်ပျက်ပုံစံကို ရယ်ချင်နေတဲ့ ကျွန်မက ခေါင်းညိတ်ပြပြီး ဟုတ်ပါပြီ… ဒါဆို နင်ကရော ဘာလို့ တန်းစီနေတုန်းပဲလဲ ဆိုတော့ သူက Try my luck… ခပ်တိုးတိုး လို့ ပြန်ပြောပါတယ်။ ဝယ်လို့ မရနိုင်တော့ပါဘူး ဆိုတာတောင် မျှော်လင့်ချက်ကို မစွန့်လွှတ်ပဲ ဆက်ပြီး တန်းစီနေချင်တဲ့ သူပါလားရယ်လို့ လေးစားမိပါတယ်…။

နောက်တနေ့မနက် သတင်းစာထဲမှာ မျက်နှာဖုံးမှာ စာလုံး အမဲကြီးနဲ့ ပါလာတာလည်း Hello Kitty အကြောင်းပါပဲ….။ စီရင်း တန်းရင်း နေရာလုကြ ရန်တွေဖြစ် အော်ကြ ဟစ်ကြ နဲ့ ဗီဒီယိုတွေလည်း အင်တာနက်ပေါ် တက်လာပါတယ်။ အဲဒီညက အချိန်မီ တန်းမစီနိုင်လို့ မရခဲ့တဲ့ Singing Bone အကောင်လေးကို နောက်တနေ့မှာ အမျိုးသားက eBay က နေ ၄၅ ဒေါ်လာနဲ့ မှာပြီး ဝယ်ပေးပါတယ်။ ပုံမှန်ဈေးက တစ်ကောင်ကို လေးဒေါ်လာနဲ့ ပြား ခြောက်ဆယ်ပါ…။ ဘာပဲပြောပြော နောက်ဆုံးတော့ ကျွန်မမှာ Hello Kitty တစ်စုံစာ ရှိသွားပါတယ်။ မနေ့ကလည်း Despicable Me ရုပ်ရှင်ထဲက အရုပ်လေးတွေကို ကြိတ်ကြိတ်တိုး တန်းစီကြပြန်ပါသေးတယ်…။ အရုပ်မရလို့ စိတ်ပျက်လက်ပျက် ဖြစ်နေသူတွေလည်း ဒုနဲ့ ဒေးပါ။

တကယ်တမ်း ကျွန်မ ပြောပြချင်တဲ့ တန်းစီခြင်းမှာ နေသားတကျ ဖြစ်နေသူများ နဲ့ သူတို့ရဲ့ တန်းစီပုံ တန်းစီနည်းက အဲဒီလိုပါ…။ ကြားရတာ အံ့အားသင့်စရာလည်း ကောင်း၊ ရယ်ချင်စရာလည်း ကောင်းမှန်း သိပေမဲ့ တခါတရံမှာ မသိမသာနဲ့ ကိုယ်တိုင်တောင် ရောနှော ပါဝင်သွားတတ်သေးတာမျိုး….

တန်းစီခြင်းနဲ့ နေသားတကျ ဖြစ်နေသူများ

အပူပင် အကြောင့်ကြမဲ့စွာနဲ့ အေးအေးလူလူ ရှေ့ဆင့် နောက်ဆင့် တန်းစီနေကြတဲ့ လူတန်းရှည်ရှည်တွေကို တွေ့တိုင်း ကျွန်မစိတ်ထဲမှာ တစ်ခုခု အလိုမကျသလို ခံစားရစမြဲပါ။ တန်းစီနေကြတယ် ဆိုတဲ့နေရာမှာ အရေးပါတဲ့ လုပ်ငန်းဆောင်တာတွေအတွက် မဖြစ်မနေ တန်းစီနေတဲ့သူတွေကို အသာ ဖယ်ထားပြီး အခု လတ်တလောမှာ ဟိုနားတစ်စု၊ ဒီနားတစ်စု တွေ့နေ မြင်နေရတဲ့ လူတန်းရှည်တွေဟာ ဘာအတွက်များပါလဲ လို့ ကျွန်မ စပ်စပ်စုစု လေ့လာမိတယ်။ ကျွန်မကိုယ်တိုင်ကတော့ ကိုယ်ပိုင်အချိန်နည်းလွန်းသူ၊ စောင့်ဆိုင်းခြင်းကို အကြောင်းမဲ့ ပျင်းရိတတ်သူ ပီပီ တမျှော်တခေါ် တန်းစီယူမှ ရလာမဲ့ အရာတွေကို တတ်နိုင်သမျှ ရှောင်လေ့ရှိတယ်။ ဒါတင်မက အေးအေးလူလူ စီတန်းနေကြတဲ့သူတွေကို ကြည့်ပြီး သူတို့နှယ့် အချိန်တွေ ပိုနေရန်ကော လို့ မနာလိုဖြစ်မိလား… ဖြစ်မိပါရဲ့…။

ဒါပေမဲ့လည်း ကျွန်မရောက်နေတဲ့ ဒီကျွန်းပိစိလေးမှာက နေရာတကာမှာ တန်းစီကြရတယ်။ တန်းစီခြင်းဟာ နေ့စဉ်ဘ၀ထဲက အစိတ်အပိုင်းတစ်ခုလို့ ဆိုရမလောက်ကို နေရာတိုင်းမှာ တန်းစီကြရပါတယ်။ စည်းကမ်းရှိတယ် လို့ ပြောရင် ရသားပေါ့…။ ဘယ်လိုတွေ တန်းစီသလဲ ဆိုရင်တော့ ပြောမကုန်ပါပဲ…။ လှေခါးတက်ဖို့က စလို့ တန်းစီရတယ်။ ကားစီးဖို့လည်း တန်းစီရတယ်။ ကားငှားဖို့လည်း တန်းစီရတယ်၊ အစားစားဖို့လည်း တန်းစီရတယ်၊ ယုတ်စွအဆုံး အများသုံးအိမ်သာတွေမှာလည်း အခန်းအပြင်လျှံနေတဲ့အထိ တန်းစီပြီး စောင့်ရတတ်ပါတယ်။ ဘယ်လို ၀န်ဆောင်မှုကိစ္စမျိုးမဆို လူနည်းနည်း များလာတာနဲ့ အလိုလိုနေရင်း လူတန်းရှည်ကြီးတစ်ခုဖွဲ့လို့ စောင့်ဆိုင်းကြရတဲ့ အဖြစ်ပါ။ တချို့နေရာတွေမှာတော့ တိုကင်လေးတွေ ပေးထားတာမို့ ကိုယ့်အလှည့်မရောက်ခင်မှာ အဆင်ပြေတဲ့ တစ်နေရာမှာ သက်တောင့်သက်သာ ထိုင်စောင့်နေရတတ်တာမျိုးတွေလည်း ရှိပါသေးတယ်။

မနက်စောစော အခမဲ့ ဝေငှတဲ့ သတင်းစာတစ်စောင် ရဖို့အတွက် တန်းစီရတယ်။ ရထားဘူတာ အဝင်ဝမှာ တစ်ရှူးပေပါ အထုတ်ကလေးတွေ အခမဲ့ ဝေနေတာကို ရဖို့အတွက် တန်းစီရတယ်။ ရထားဘူတာနဲ့ မနီးမဝေးက ကုန်တိုက်တွေကို ပြေးဆွဲတဲ့ အခမဲ့ ဘတ်စ်ကားကြီးတွေ စီးရဖို့အတွက် တန်းစီရတယ်။ ဒါတွေက ကိုယ် အခမဲ့ ရဖို့ အတွက် စီရတာတွေမို့ အသာ ထားလိုက်ကြစို့…။ သူ့ထက် ဆိုးတာတွေက… ရိုးရိုး Food Center တွေမှာ စားစရာ တစ်ခုခု ဝယ်ဖို့အတွက် တန်းစီရတယ်။ စားစရာ ရပြီး ပြန်တော့ ထိုင်စားစရာ နေရာ တစ်နေရာစာလေး အတွက်လည်း တန်းစီ စောင့်ဆိုင်းရတယ်။ ဈေးကြီးကြီး ပေးစားရတဲ့ နာမည်ရ ဆိုင်မျိုးမှာတောင်မှ ဆိုင်အဝင်ဝက Wait to be Seated လို့ ရေးထားတဲ့ ဆိုင်းဘုတ်လေး ရှေ့မှာ တန်းစီ စောင့်ဆိုင်းရပါသေးတယ်။ အဝတ်အစား ဝယ်မယ်ဆိုလည်း ကိုယ်နဲ့ သင့် မသင့်၊ တော် မတော် အရင် စမ်းဝတ်ကြည့်ဖို့လိုတယ် မဟုတ်လား… ဆိုတော့ အဲဒီလို အဝတ်လဲခန်းအတွက်လည်း တန်းစီရတယ်။ ဝတ်ကြည့်ပြီးလို့ နှစ်သက်လို့ ဝယ်မယ် တန်ရာတန်ဖိုး ပေးချေတော့မယ် ဆိုလည်း Cashier ရှေ့မှာ အဝတ်လေးတွေ ကိုယ်စီ ပိုက်လို့ တန်းစီကြရပြန်တယ်။ ဘယ်နေရာမှာမဆို တန်းစီစောင့်ဆိုင်းနေရတဲ့ အချိန်တွေဟာ ကျွန်မ အမုန်းဆုံး အချိန်တွေပါပဲ…။ ဒါကြောင့် အလွန်အမင်း မလွှဲသာ မရှောင်သာ အချိန်မျိုးကလွဲရင် တန်းစီရတဲ့ နေရာတွေကို ကျွန်မ ရှောင်လေ့ရှိပါတယ်။

အဲဒီလို တန်းစီနေကြသူတွေကို လေ့လာလိုက်တဲ့အခါမှာ တစ်စုံတစ်ခုကို လိုအပ်လို့ စီကို စီမှ ဖြစ်မှာမို့လို့ တန်းစီကြရတာမျိုးနဲ့ သိပ် အရေးမပါတာတွေအတွက် (သို့မဟုတ်) တစ်ခုခုကို အခမဲ့ လိုချင်တာတွေ အတွက် အချိန်နဲ့ ငွေကြေးကို အလဲအလှယ်လုပ်လို့ တန်းစီတာမျိုးရယ်လို့ နှစ်မျိုး တွေ့ရပါတယ်။ ဒါက ကျွန်မရဲ့ ပုဂ္ဂလိက ဆန်တဲ့ ထင်မြင်ချက် သက်သက်ပါ။ အမှန်ကတော့ တန်းစီနေတဲ့သူတိုင်းမှာ ကျွန်မ သေသေချာချာ မသိနိုင်တဲ့ အရေးပါမှုတွေ ကိုယ်စီ ရှိနေကြမှာ မလွဲပါ။

တနေ့က အိမ်နားက ဈေးလေးကိုအသွား… ပိတ်ထားတဲ့ အလူမီနီယံတံခါးရှေ့မှာ စီတန်းနေတဲ့ လူတန်းရှည်တစ်ခုကို တွေ့ရတယ်။ ကြည့်လိုက်တော့ အသက်ကြီးကြီး အမျိုးသမီး အချို့နဲ့ အသက်ငယ်ငယ် အမျိုးသမီးတွေ အများဆုံးပါဝင်တယ်။ အချိန်ကတော့ မနက် ဆယ်နာရီနီးနီး...။ ဒါနဲ့ ကျွန်မ သူတို့အနား ကပ်သွားပြီး အခြေအနေကို အကဲခတ်မိတယ်။ သူတို့ စီနေတာ ဆိုင်တစ်ဆိုင်ရဲ့ အရှေ့ မှာ ဆိုတော့ ဆိုင်နာမည်ကို မော့ကြည့်မိတယ်။ ဆိုင်နာမည်ကို တွေ့တော့ သိလိုက်တယ်၊ ဒါ ရွှေငွေ လက်ဝတ်လက်စားတွေ ရောင်းတဲ့ ဆိုင်ပဲ။ ဒီဆိုင်ရှေ့မှာ ဒီလို လူတန်းရှည်ကြီး စီနေတာ ဘာကြောင့်လဲ… တယောက်ကို ပုလဲ တစ်လုံး ဒါမှမဟုတ် စိန်တစ်လုံးစီ ပေးမှာ မို့လို့လား…။ မဖြစ်နိုင်လိုက်တာ…။ စပ်စုလက်စနဲ့ ဆိုင်တံခါးနားအထိ ကျွန်မ တိုးကပ်သွားမိတယ်။ အဲဒီမှာ တွေ့လိုက်ရတာက ဆိုင်ဖွင့်ဖွင့်ချင်း လာတန်းစီတဲ့သူ အယောက်ငါးဆယ်ကို ဈေးဝယ်အိတ် တစ်လုံးစီ လက်ဆောင်ပေးမယ်ဆိုတဲ့ ကြော်ငြာပဲ…။ ပြထားတဲ့ ဈေးဝယ်အိတ် ဆိုတာကလည်း ခပ်ညံ့ညံ့ ပလတ်စတစ်သား လက်ဆွဲ ဈေးဝယ်အိတ်လေးရယ်ပါ။ သူတို့ဆိုင်က ပစ္စည်းကို ဝယ်သည်ဖြစ်စေ၊ မဝယ်သည်ဖြစ်စေ လာတန်းစီရင်ကိုပဲ ဈေးဝယ်အိတ် တစ်လုံးစီ ရမယ် လို့ ကြော်ငြာထားတာ။ သူတို့ဆိုင်ကို လူတွေ ဂရုပြုမိအောင်ဆိုတဲ့ ရည်ရွယ်ချက်ကလွဲရင် ဘာများ ရှိအုံးမှာပါလဲ။ ကျွန်မလို လူမျိုးတွေချည်းသာဆိုရင်တော့ အဲဒီဆိုင်ရှေ့ လူတစ်ယောက်မှ ရှိမှာ မဟုတ်ဘူး။ အခုတော့ တွန့်လိမ် ကွေ့ကောက်နေတဲ့ လူတန်ရှည်းကြီးဟာ အကြံပိုင်လှတဲ့ စီးပွားရေးသမားတို့ရဲ့ လှည့်ကွက်တစ်ခုထဲ အချိုးတကျ စီးမျောပါဝင်လို့..။

အဲဒီလို အဖြစ်မျိုးတွေ နေရာတိုင်း လက်ညှိုးထိုး မလွဲဘူး ဆိုတာ တဖြည်းဖြည်းနဲ့ သိလာရတယ်။ ဟိုတလောက အုံးအုံးကြွက်ကြွက် ဖြစ်သွားတဲ့ Mc Donald က Hello Kitty အရုပ်ကလေးတွေရဖို့ တန်းစီရင်းမှာ ကြားဖြတ်ကြ၊ နေရာလုကြနဲ့ ရဲကားတွေ၊ လုံခြုံရေးတွေ ရောက်လာတဲ့အထိ ဖြစ်သွားတဲ့ အကြောင်းကလည်း သတင်းစာထဲမှာ စာလုံးအမဲတွေနဲ့ အထင်အရှား နေရာယူ လို့…။

တခါကတော့ တန်းစီတာနဲ့ ပတ်သက်လို့ ရယ်စရာကောင်းတဲ့ အဖြစ်တစ်ခု ကျွန်မ ကြုံခဲ့ဖူးတယ်။ အောချတ်ရဲ့ စနေနေ့ ညနေစောင်း ငါးနာရီဟာ လင်းလက်တဲ့ နေရောင်တွေအောက်မှာ လှပစွာ စည်ကားနေခဲ့တယ်။ ဟိုငေး ဒီငေးနဲ့ လမ်းလျှောက်လာရင်း တစ်နေရာ အရောက်မှာ ပလက်ဖေါင်းတလျောက် စီတန်းနေတဲ့ လူတွေကိုကြည့်ပြီး စိတ်ထဲ ဘာများ ပါလိမ့်ပေါ့။ သူတို့ ဦးတည်နေတဲ့ နေရာတလျောက်လုံးမှာက နာမည်ကြီး ကုန်တိုက်တွေချည်းပဲ…။ ဒီတော့ ဘယ်နေရာမှာ ဘာတွေများ ဈေးလျှော့နေတာလဲ လို့ မိန်းမပီပီ ကျွန်မ တွေးမိတယ်။ အဲဒီနေ့က ကိုယ်တိုင်ကလည်း ဈေးဝယ်ချင်လို့ လာတဲ့သူဆိုတော့ လျှော့ဈေးလေး ဘာလေးများ ရှိရင် ဆိုတဲ့ စပ်စုချင်စိတ်၊ သက်သာချင်စိတ်ကလေး တပိုင်းတစကလည်း ပါဝင်နေသေးသပေါ့။

အဲဒီလိုနဲ့ အစရှာမရတဲ့ လူတန်းကြီးနား ကျွန်မ အသာ တိုးကပ်သွားရင်း အေးစက်စက် မျက်နှာနဲ့ အမျိုးသမီးတွေ ကြားထဲမှာ အနည်းငယ်လေး ဖေါ်ရွေမယ် (သို့မဟုတ်) ကျွန်မ မေးတာလေးကို အရေးတယူ ပြန်ဖြေပေးနိုင်မယ်လို့ ထင်ရတဲ့ အမျိုးသမီးတစ်ယောက်အနားကို ချဉ်းကပ်သွားမိပါတယ်။ ဘာကို တန်းစီနေကြတာလဲ လို့ မေးခွန်းထုတ်လိုက်တော့ သူလည်း မသိပါဘူးတဲ့ ရှေ့မှာ လူတွေ တန်းစီနေတာ တွေ့တာနဲ့ တခုခုတော့ ထူးခြားလို့သာ စီနေတာ ဖြစ်ရမယ်လို့ ယူဆတဲ့ အတွက်ကြောင့် သူလည်း တွေ့တဲ့နေရာကနေ ၀င်စီနေလိုက်တာပါတဲ့…။ ဘုရားရေ… တန်းစီခြင်းမှာ သက်တောင့်သက်သာ ပျော်မွေ့နေသူမျိုးလည်း လောကမှာ ရှိပါသေးလား လို့ ရယ်ချင်စိတ်တ၀က်နဲ့ ကျေးဇူးတင်စကား ဆိုပြီး ကျွန်မ ပြန်လှည့်လာခဲ့ပါတယ်။ နောက်မှ ပြန်သိရတာကတော့ အဲဒီနေ့က တန်းစီတဲ့သူတွေဟာ Road Show တခုမှာ စီနေကြတာ ဖြစ်ပြီး တစ်ယောက်ကို ခေါက်ထီး တစ်ချောင်းစီ ရခဲ့ပါတယ် တဲ့…။

အမှန်ဆိုရရင် တန်းစီခြင်းဟာ စောင့်ဆိုင်းခြင်းပါပဲ… ပြီးတော့ ဒါဟာလည်း ဒီခေတ် ဒီအချိန်မှာ ရှိသင့်တဲ့၊ ကောင်းမွန်တဲ့ စနစ်တစ်ခုပါ။ ကိုယ့်အလှည့်ကို ရောက်ဖို့အတွက် နေရာလုရ တိုးရ ကြိတ်ရတာမျိုး မရှိပဲ အိနြေ္ဒရရနဲ့ စီတန်း စောင့်ဆိုင်းနိုင်တာမို့ လက်ခံသင့်၊ ကြိုဆိုသင့်တဲ့ စနစ်တစ်ခုလည်း ဖြစ်နေပါတယ်။ ဒါကို ကျွန်မ စိတ်မရှည်နိုင်သရွေ့ကတော့ မဖြစ်မနေ တန်းစီမှရမဲ့ အရေးကိစ္စတွေမှာ သေချာပေါက် ဒုက္ခတွေ ရောက်နေအုံးမှာပါပဲ…။ အကြောင်းအကျိုး ညီညွတ်တဲ့ တန်းစီခြင်းမျိုးမှာ အကျွမ်းတ၀င်၊ ပြီးတော့ နေသားတကျဖြစ်လာဖို့ကိုတော့ ကျွန်မ တဖြည်းဖြည်းချင်း ကြိုးစားနေဆဲပါ…။



စာကြွင်း - စာဖတ်သူ မိတ်ဆွေတို့ရော… တန်းစီခြင်းနဲ့ နေသားတကျ ဖြစ်ကြပါသလား… တန်းစီတာနဲ့ ပတ်သက်လို့ အကောင်း အဆိုး ဘာတွေများ အတွေ့အကြုံ ရှိကြပါသလဲ… ဘယ်လို အတွေးမျိုးတွေ တွေးမိကြပါသလဲ… ပြီးတော့ တစ်နေရာမှာ ဆယ့်ငါးမိနစ်ကျော် တန်းစီစောင့်ဆိုင်းခဲ့ဖူးတာ ဘယ်တုန်းက နောက်ဆုံးလဲ ဆိုတာရော မှတ်မိကြပါသလား ဆိုတာလေးတွေ သိချင်မိပါတယ်… ပိုစ့်တခု အနေနဲ့ ရေးဖြစ်ရင်လည်း ဖတ်ချင်ပါတယ်… မှတ်ချက်မှာလည်း ရေးထားခဲ့လို့ ရပါတယ်နော်…

မှတ်ချက် - 2013 September - Look Magazine တွင် ဖေါ်ပြပြီး ဖြစ်သည်။

ကျွန်မ ကစားဖြစ်သော ဂိမ်း (သို့) Hay Day

အရင်တလက ကလေးငယ်တွေ ဂိမ်းကစားတာနဲ့ ပတ်သက်ပြီး ဘယ်လို ထိန်းချုပ်သင့်တယ်… ဘယ်လို သတိထားသင့်တယ်ဆိုတဲ့အကြောင်းကို ရေးခဲ့ပါတယ်…။ ဒီတခါတော့ ကျွန်မ ကစားဖြစ်တဲ့ ဂိမ်းတွေ၊ ပြီးတော့ ကျွန်မ ဘာကြောင့် ဂိမ်းကစားဖြစ်တယ် ဆိုတာနဲ့ ကစားနေတဲ့ ဂိမ်းတွေထဲက တခုဖြစ်တဲ့ Hay Day ဆိုတဲ့ ဂိမ်းအကြောင်းလေး ရေးပြချင်ပါတယ်…။

မှတ်မိသလောက် ပြောရရင် ပထမဆုံး ဂိမ်းကစားဖြစ်တော့ ကျွန်မ အသက် နှစ်ဆယ်ကျော်ပါပြီ။ အခွေထည့်ရတဲ့ စက်ကလေးကို တီဗီနဲ့ ချိတ်ဆက်ပြီး ကစားရလို့ တီဗီဂိမ်းလို့ ခေါ်ကြတယ်။ ကျွန်မ ကစားတဲ့ ဂိမ်းနာမည်ကတော့ မာရီယို တဲ့…။ မာရီယိုဆိုတဲ့ ကောင်ကလေး သွားရာလမ်းတလျှောက်မှာ ပိုက်ဆံလေးတွေ ခေါင်းနဲ့ တိုက်ယူ၊ အခက်အခဲတွေကို ကျော်နိုင်လွှားနိုင်တဲ့ အားအင်တွေရအောင် မှိုပွင့်လေးတွေကို ခူးစားရင်း တတောက်တောက်နဲ့ လျှောက်သွားနေတဲ့ ဂိမ်းလေးပါ။ အင်မတန်မှ ရိုးစင်းပြီး ချစ်စရာကောင်းပါတယ်။ နောက်တခုကတော့ Tetris ဆိုတဲ့ ဂိမ်းလေးပါ။ သူကတော့ နည်းနည်း ပညာသားပါပါတယ်။ ပုံသဏ္ဍာန်စုံ လေးထောင့်တုံးလေးတွေကို နေရာကျအောင် ချပေးရတာပါ။ သူ့နေရာနဲ့သူ အံဝင်ခွင်ကျ မဖြစ်တာတွေ များလာရင် တဖြည်းဖြည်းနဲ့ ရှုံးတာပါပဲ…။

အဲဒီနောက် ကွန်ပျူတာတွေ အသုံးများလာတဲ့အချိန်မှာ ကစားဖြစ်တာကတော့ Mine Sweeper ဆိုတဲ့ ဗုံးဖေါက်တဲ့ ဂိမ်းလေးပါ။ သူလည်း စဉ်းစားပြီး ကစားရတော့ နည်းနည်းတော့ အပျင်းပြေပါတယ်။ သူများတွေ ကစားကြတဲ့ ဖဲချပ်တွေတော့ စိတ်ကို မ၀င်စားတာမို့ မကစားဖြစ်ပါဘူး။ ကြာလာတော့လည်း အဲဒီ ကွန်ပျူတာ ဂိမ်းတွေက ရိုးသွားတာမို့ ဂိမ်းတွေကို အရှင်း မကစားဖြစ်တော့သလောက်ပါပဲ…။ အဲဒီနောက်ပိုင်း Facebook မှာ တော်တော်များများ ကစားကြတဲ့ Pet Society ကို ခဏ ကစားဖြစ်ပါတယ်။ ချစ်စရာကောင်းတဲ့ ဂိမ်းလေးပါ။ ဒါပေမဲ့ သိပ်တော့ စွဲစွဲလမ်းလမ်း မဟုတ်ပါဘူး။

လွန်ခဲ့တဲ့ နှစ်နှစ်ကျော်လောက်မှာ တက်ပလက်တွေ အိုင်ပက်တွေ ပေါ်လာတော့ အရောင်တွေ အရုပ်တွေ သိပ်လှတဲ့ ဂိမ်းတွေရဲ့ ဆွဲဆောင်မှုကြောင့် ကျွန်မ ဂိမ်းတွေ ပြန်ကစားဖြစ်ပါတယ်။ တခြားလူကြီးတွေအတွက်တော့ မသိဘူး… ကျွန်မမှာတော့ အဲဒီလို ဂိမ်းတွေ ပြန်ကစားဖြစ်ဖို့အတွက် လုံလောက်တဲ့ အကြောင်းပြစရာ တချို့ ရှိနေပါတယ်။

တခုခုကို စောင့်ဆိုင်းနေရချိန်တွေဟာ လိုအပ်တာထက် ပိုပြီး ရှည်ကြာလွန်းတဲ့အခါမှာ ဂိမ်းကစားရင်း အချိန်တွေကို စောင့်ပါတယ်။ ကောင်းသလား ဆိုးသလား ကြိုတင် မသိနိုင်တဲ့ အဖြေတခုကို စိတ်တထင့်ထင့် ရင်တမောမောနဲ့ စောင့်နေရတဲ့ အချိန်မျိုးမှာ စိတ်ကို တည်ငြိမ်အောင် မထားနိုင်တဲ့အခါ အနည်းအကျဉ်းတော့ မေ့မေ့ပျောက်ပျောက်ဖြစ်အောင် ဂိမ်းကစားပါတယ်။ အာရုံတွေ ပျံ့လွင့်လို့ အတွေးတွေ စုစည်းလို့မရတဲ့ အချိန်မျိုးမှာ ဂိမ်းကစားပါတယ်။ စိတ်က တွေးချင်ရာတွေးနေတဲ့ မျက်လုံးက ဟိုငေး ဒီငေး မဖြစ်ရလေအောင်၊ တခုခု လုပ်စရာရှိတယ် ဆိုရုံလေး ရှိနေအောင် ဂိမ်းကစားပါတယ်။ ပတ်ဝန်းကျင်မှာ လှုပ်ရှားနေကြတဲ့သူတွေကို ဟိုကြည့် ဒီကြည့်နဲ့ လိုက်မကြည့်လိုတဲ့ အချိန်မျိုးမှာ စိတ်ဝင်စားစရာ အလုပ်တခု လုပ်နေသလို ဂိမ်းကစားပါတယ်။ အဓိက ကတော့ တခုခုကို စောင့်ဆိုင်းနေရတဲ့ အချိန်တွေအတွက် ဂိမ်းကစားဖြစ်တယ်လို့ ဆိုချင်တာပါ။ ဆင်ခြေတွေလို့ ပေးတယ်လို့ ပြောရင်လည်း ခံရမှာပါပဲ…

ကျွန်မ ကစားဖြစ်တဲ့ ဂိမ်းတွေက တော်တော်လေး များပါတယ်…။ ၀က်တွေကို ပစ်ခတ် ထုနှက်ရတဲ့ Angry Birds ၊ ဈေးတန်းလေးဖွင့် ဆိုင်ခန်းလေးတွေ ဖွင့်ပြီး ပိုက်ဆံသိမ်း ရတဲ့ Snoopy’s Street Fair ၊ ရုပ်ရှင်တောင် ရိုက်ကြတဲ့ Smurfs အကောင်လေးတွေ၊ နောက်ပြီးတော့ ဓါတ်လှေခါးနဲ့ တထပ်ပြီး တထပ် အိမ်လည်ထွက်လို့ရတဲ့ Dream Heights ၊ အခုနောက်ပိုင်းမှာ လူတိုင်းလိုလို ကစားကြတဲ့ Candy Crush နဲ့ Hay Day…

အဲဒီလို ကစားဖြစ်တဲ့အထဲမှာ ကျွန်မကို လှလှပပလေး ဆွဲဆောင်တဲ့ ဂိမ်းကတော့ Hay Day ပါ။

တကယ်တော့ အဲဒီ Hay Day ဆိုတဲ့ ဂိမ်းလေးက ရိုးရှင်းပါတယ်။ ကလေးကြိုက်လို့တောင် ပြောနိုင်ပါတယ်။ သို့သော်လည်း သူ့မှာ သိမ်မွေ့လှပတဲ့ ပညာလေး ခပ်ပါးပါး ပါပါတယ်။ ကျွန်မတို့ လက်တွေ့ဘ၀နဲ့ ဆက်စပ်နေတဲ့ အကြောင်းအရာ တော်တော်များများ Hay Day မှာ ပါဝင်နေတယ်။ အဲဒါတွေသာမက ကိုယ်နဲ့ အတူ ကစားကြတဲ့ အိမ်နီးချင်း မိတ်ဆွေတွေရဲ့ စိတ်ဓါတ်နဲ့ အမူအကျင့်တွေကိုလည်း ဒီဂိမ်းလေးကနေ တဆင့် ခပ်ပါးပါးလေး တွေ့နိုင် မြင်နိုင်ပါသေးတယ်။

ဂိမ်းရဲ့ သဘောကတော့ ခြံကလေးနဲ့ စိုက်ပျိုးရေး မွေးမြူရေး လုပ်တာပါ။ နွားမွေးမယ် နွားနို့ရမယ်… ရတဲ့ နွားနို့နဲ့ ထောပတ်တို့ ချိစ်တို့ လုပ်ရောင်းမယ်…။ ပြောင်းဖူး စိုက်မယ်… ပြီးရင် ပြောင်းဖူး ပေါက်ပေါက်တွေ လုပ်မယ် ရောင်းမယ်။ သိုးလေးတွေ မွေးမယ်… သိုးမွေး ညှပ်ပြီး ဆွယ်တာလေးတွေ ထိုးရောင်းမယ်။ ၀က်ကလေးတွေ မွေးမယ်… ပြီးရင် ဟမ်တို့ ဘေကွန်တို့ ရလာတဲ့အခါ ဟမ်ဘာဂါတို့၊ ဘေကွန်နဲ့ လုပ်တဲ့ မုန့်တွေ လုပ်ရောင်းမယ်။ အဲဒီလို ရောင်းလို့ရတဲ့ ပိုက်ဆံကို စုထားပြီး သူ့ထက် အဆင့်မြင့်တဲ့ ကိတ်မုန့်ဖုတ်စက်တို့၊ အချိုရည်စက်တို့၊ ဒီ့ထက် အဆင့်မြင့်လာရင် ရေခဲမုန့်လုပ်တဲ့စက်၊ သကြားလုံး လုပ်တဲ့စက်… အဲဒီလို စက်တွေ ၀ယ်မယ်…။ အဲဒီလိုပါ…

အို… အဲဒီလို ဂိမ်းများ စိတ်ဝင်စားစရာ ဘာရှိလို့လဲ… လို့ ပြောရင်လည်း ရပါတယ်။ ဒါပေမဲ့ စိတ်ကို အပန်းပြေစေပြီး အချိန်တွေ ကုန်လို့ ကုန်မှန်းမသိအောင် တကယ်ကိုပဲ ပျော်စရာ ကောင်းပါတယ်။ ပြောရရင် အစပိုင်းမှာတော့ တော်တော်လေး ရုန်းကန်ရပါတယ်။ ကိုယ့်မှာ ရှိတဲ့ ကြက်ဥလေး နွားနို့လေးနဲ့ ဂျုံပင်လေးတွေ ပန်းသီးပင်လေးတွေကနေပြီး အရောင်းအ၀ယ် စ ရပါတယ်။ ရောင်းလို့ ရသမျှ ပိုက်ဆံလေးတွေကို စုဆောင်းပြီး စက်တွေ ၀ယ်ရပါတယ်…။ အဲဒီအချိန်မှာ ပိုက်ဆံ ရှာရတာ တော်တော် ခက်ပါတယ်။ ရသမျှလေးတွေကိုလည်း အဆင့်မြင့် စက်ကရိယာတွေ ၀ယ်နိုင်ဖို့ ကျစ်ကျစ်ပါအောင် စုဆောင်းရပါတယ်။ ကိုယ့်ထက် အဆင့်မြင့်နေတဲ့သူတွေရဲ့ ခြံကျယ်ကျယ် လှလှတွေကို သွားသွားပြီး သွားရည်ကျရပါတယ်။ ကိုယ့်ဆီမှာ လွယ်လွယ်ကူကူ မရနိုင်သေးတဲ့ ပစ္စည်းမျိုး သူတို့ရောင်းတဲ့အခါဆို ၀မ်းပမ်းတသာနဲ့ သွားဝယ်ရပါတယ်။ အဲဒီလိုခြံတွေမှာကျတော့ စက်ကရိယာ ပစ္စည်းတွေ အမျိုးအမည် စုံလင်ပြီး ဖြစ်နေလေတော့ ပိုက်ဆံအတွက် ပူစရာ မလိုတာကြောင့် သူတို့ ခြံထွက်ပစ္စည်းတွေနဲ့ အသီးအနှံတွေကို ဈေးပေါပေါနဲ့ ချရောင်းနိုင်တာကိုလည်း အားကျစဖွယ် တွေ့ရပါတယ်။

အဲဒီ ဂိမ်းမှာ ပျော်စရာကောင်းတာ နောက်တခုကတော့ ကာဂို သဘောင်္ကြီးက ပစ္စည်းတွေကို လေးနာရီ ကြိုတင် အော်ဒါမှာထားပြီး လာဝယ်တာပါပဲ…။ ကုန်ပစ္စည်းတမျိုးကို ကွန်တိန်နာ သုံးခု လေးခု နဲ့ ပစ္စည်း သုံးမျိုး တင်ပေးရပါတယ်။ ကိုယ့်မှာရှိတဲ့ ပစ္စည်းနဲ့ သဘောင်္မှာ ကုန်အပြည့် မဖြည့်နိုင်တဲ့အခါ အိမ်နီးချင်းတွေကိုလည်း အကူအညီတောင်းနိုင်ပါတယ်။ ပြည့်စုံပြီး ပိုလျှံတဲ့ အိမ်နီးချင်း မိတ်ဆွေတွေက အကူအညီတောင်းနေတဲ့ သဘောင်္တွေကို ကုန်တွေ လာဖြည့်ပေးတတ်ပါတယ်။

နောက်ပိုင်းမှာ ကိုယ့်မှာ ပိုက်ဆံ လုံလုံလောက်လောက်ရှိလာပြီ… စက်တွေလည်း ၀ယ်ပြီးပြီ ဆိုတဲ့ အချိန်မှာ အရင်က ရှားပါးခဲ့တဲ့ ပစ္စည်းတွေဟာ လိုရင် လိုသလို ရနိုင်အောင် အလျှံအပယ် ပေါများလာပါတယ်။ အဲဒီလိုအချိန်မှာ သင်္ဘောတင်ဖို့ ကုန်ပစ္စည်း အကူအညီတောင်းသူတွေကို လိုက်ရှာပြီး သူတို့ လိုအပ်တဲ့ ပစ္စည်းတွေကို လိုက် ကူညီဖြစ်ပါတယ်။ စီးပွားရေးလုပ်ငန်း လည်လည်ပတ်ပတ်ရှိလာတော့ လူမှုရေးလုပ်ငန်းတွေဖက်ကို လှည့်နိုင်တဲ့ သဘောပါပဲ…။ ငွေကြေးကိစ္စ ပူစရာမရှိတော့တဲ့အတွက် ခြံထဲမှာ သီးပင် စားပင်လေးတွေကို အရင်ကလို ခူးမရောင်းတော့ပဲ အသီးအပွင့်တွေ ဝေေ၀ဆာဆာနဲ့ လှလှပပ စိုက်ပျိုးထားရင်း၊ အကောင်လေးတွေကို အစာရေစာ မပြတ်အောင် ကျွေးမွေးရင်း၊ ခြံထွက်ပစ္စည်းလေးတွေကို ဈေးသက်သက်သာသာနဲ့ ရောင်းချရင်း၊ အိမ်နီးချင်း သူငယ်ချင်းတွေကို ကူညီရင်း နဲ့ ဘ၀ကို အေးအေးသက်သာ ဖြတ်သန်းလာတတ်ကြတဲ့ သဘောပါ။

နောက်တခုက အဲဒီဂိမ်းကနေတဆင့် ကစားသူတွေရဲ့ စိတ်နေ စိတ်ထားနဲ့ သူတို့ရဲ့ အမူ အကျင့်လေးတွေကို မသိမသာ တွေ့နိုင် မြင်နိုင်တယ် ဆိုတဲ့ အကြောင်းလေးကိုလည်း ပြောပြချင်ပါသေးတယ်။ အရာရာကို စနစ်တကျ သပ်သပ်ရပ်ရပ် စီစဉ်တတ်တဲ့သူတွေရဲ့ ခြံကလေးတွေဆို အပင်လေးတွေကို စနစ်တကျ စီတန်း စိုက်ပျိုးလို့… တနေရာနဲ့ တနေရာ ဖြတ်သန်း သွားစရာ လာစရာ လမ်းကလေးတွေ ခင်းလို့… သကြားစက် ကိတ်မုန့်ဖုတ်စက် အချိုရည်ထုတ်တဲ့စက် ရေခဲမုန့် လုပ်တဲ့စက်… စတဲ့ စက်တွေကို တနေရာထဲမှာ စုပြုံပြီး ပြီးစလွယ် ချထားတာမျိုးမဟုတ်ပဲ သူ့နေရာနဲ့သူ ခြံကလေး ၀င်းကလေး ခတ်ပြီး ထားလို့… သီးပင် စားပင်လေးတွေနဲ့ အလှစိုက် ပန်းပင်လေးတွေကိုလည်း စီစီရီရီ လှလှပပ စိုက်ပျိုးလို့… အချို့ဆို ရွှေငွေ လက်ဝတ်လက်စား လုပ်တဲ့နေရာမှာဆို အုတ်တံတိုင်း အခိုင်အခံ့နဲ့ ကာထားပြီး အစောင့် တပ်သားလေးတွေတောင် ချထားတတ်သေးတာမျိုး… အဲဒီလို လူသားဆန်တာလေးတွေကို တွေ့ရတတ်ပါတယ်။

တချို့ကျတော့ သူများလိုအပ်နေတာ၊ အကူအညီတောင်းနေတာကို တွေ့သော်လည်း အလွယ်တကူ ကူညီလေ့မရှိတတ်ပါဘူး။ ဆိုလိုတာက အိမ်နီးချင်း တယောက်က သဘောင်္အတွက် စတော်ဘယ်ရီ ကိတ် သုံးလုံး အကူအညီတောင်းထားတယ်။ တကယ်ဆို သူ့မှာ စတော်ဘယ်ရီကိတ်တွေ သုံးလုံးမက ရှိနေမယ်… ဒါပေမယ့် သူ မကူညီလိုက်ပါဘူး။ သူ့မှာ ရှိနေတဲ့ ပစ္စည်းတွေကို သူ့ဟာသူပဲ သိမ်းထား ဆောင်ထားတတ်တာမျိုး…။ ဟော… သူ့သင်္ဘောလည်း လာရော.. အကုန် သူ့ဟာသူ ဖြည့်ပြီး တင်လိုက်ရော…။ အဲလို သူများကိုလည်း မကူညီ… သူ့အတွက်လည်း သူများကို အကူအညီမတောင်းခံလိုတဲ့ All by myself လူစားမျိုးတွေ ရှိနေတာကိုလည်း ပြုံးချင်စရာ တွေ့ရပါတယ်။ တချို့ကတော့ ကစားတာ Level အတော်ကြီး မြင့်နေသောလည်း ပစ္စည်းတွေ ရောင်းတဲ့အခါ ဈေးလျှော့ရောင်းတာ မတွေ့ရပါဘူး။ ပုံမှန်ဈေး အမြင့်အတိုင်းပဲ ရောင်းပြီး ပိုက်ဆံတွေ စုထားတတ်ကြတဲ့ လောဘမျိုးတွေလည်း ပြုံးချင်စဖွယ် တွေ့ရပြန်ပါတယ်…။

တရက်က ကျွန်မမှာရှိတဲ့ ပစ္စည်းတွေကို ဈေးသက်သက်သာသာနဲ့ ချရောင်းလိုက်ပါတယ်။ နောက်တနေ့ကျတော့ ကျွန်မရဲ့အကောင့်ထဲမှာ follower တွေ အများကြီး ရောက်နေတာ တအံ့တသြ တွေ့လိုက်ရပါတယ်။ ဆိုလိုတာက ဈေးသက်သက်သာသာနဲ့ ရောင်းတဲ့ ဆိုင်ကို နောက်လည်း လာဝယ်ရအောင် တန်းစီဖို့ ရောက်လာကြတဲ့ သဘောပါ။ ကြည့်ပါအုံး… ဘယ်လောက် လူသားဆန်လိုက်သလဲနော်…။

အစပိုင်းမှာ ရုန်းကန်ရတဲ့ အခြေအနေ.. တဖြည်းဖြည်းနဲ့ လုပ်ငန်း လည်ပတ်လာတဲ့အခါမှာ တော်တော်လေး ချောင်လည်လာတဲ့ အခြေအနေ… နောက်ပိုင်းကျတော့ သက်တောင့် သက်သာလေးနဲ့ လိုအပ်နေတဲ့နေရာတွေမှာ လိုက်ကူညီ… သိးပင်စားပင်လေးတွေကို အလှစိုက် ခြံကလေးကို အဖိုးတန် ပစ္စည်းလှလှတွေနဲ့ အလှဆင်ပြီး နေသွားနိုင်တဲ့ အခြေအနေ… အဲဒီလို အခြေအနေ အဆင့်ဆင့်တွေဟာလည်း လက်တွေ့ဘ၀မှာ ဖြစ်နေတာတွေနဲ့ တထပ်တည်း တူညီနေပါသေးတယ်။ လောကကြီးမှာ တွေ့လေ့ တွေ့ထ ရှိတဲ့ လူအမျိုးမျိုးရဲ့ အမူအကျင့် အမျိုးမျိုး၊ စရိုက် အမျိုးမျိုးတွေဟာ ဒီ Hay Day ဆိုတဲ့ ဂိမ်းမှာ လှလှပပလေး ထင်ဟပ်နေတယ်လို့ ကျွန်မ ထင်ပါတယ်။

နောက်တခုက ဒီဂိမ်းကို အတူတူ ကစားနေကြတဲ့ သူငယ်ချင်းတွေဟာ လောလောဆယ်မှာ အပြင်မှာ ကိုယ်စီ ဘ၀တွေအတွက် ရုန်းကန် လှုပ်ရှားနေကြရင်း အဲဒီလို ကိုယ်တိုင် ကိုယ်ကျ စိုက်ပျိုးရေး မွေးမြူရေး မလုပ်နိုင်ကြသေးတဲ့ သူတွေ ချည်းပါပဲ…။ ဒါပေမဲ့လည်း စိတ်ကူးအတွေးထဲမှာတော့ အသက်ကြီးလာတဲ့ တနေ့ကျရင် အခုလို ခြံကလေး ၀င်းကလေးနဲ့ နားနားနေနေ နေရင်း တနိုင်တပိုင် စိုက်ပျိုးရေး မွေးမြူရေးလေးတွေ လုပ်ပြီး ဘ၀ကို အေးအေးချမ်းချမ်း ဖြတ်သန်းလိုစိတ်ရှိကြတဲ့သူတွေ ဖြစ်တာမို့ အခု ဒီဂိမ်းကလေးကို စွဲစွဲလမ်းလမ်း ဖြစ်နေကြတာ သေချာပါတယ်။ ဒါကြောင့် စာဖတ်သူ မိတ်ဆွေတို့လည်း အခါအခွင့်ကြုံရင် အဲဒီ Hay Day ဆိုတဲ့ ဂိမ်းကလေးကို ခဏဖြစ်ဖြစ် တစေ့တစောင်း အကဲခတ်ရင်း ကစားကြည့်ကြပါလို့ တိုက်တွန်းချင်ပါတယ်။



မှတ်ချက် - 2013 July - Gamers Magazine တွင် ဖေါ်ပြပြီး ဖြစ်သည်။

ဂိမ်းကစားခြင်းကို ဘယ်လို ထိန်းချုပ်ကျော်ဖြတ်ကြမှာလဲ

အခုလို အိုင်တီခေတ်မှာ ကြီးပြင်းလာတဲ့ ကလေးငယ် အများစုဟာ အသက်အရွယ်ကို လိုက်လို့ သူတို့နဲ့ သင့်တော်တဲ့ ဂိမ်းတွေကို တီဗီ၊ ကွန်ပျူတာ နဲ့ တက်ပလက်တွေ၊ လက်ကိုင်ဖုန်းတွေကနေ တဆင့် ကစားတတ်လာကြပါတယ်။ ဂိမ်း ဆိုတဲ့နေရာမှာ တီဗွီနဲ့ ဆက်ပြီးကစားရတဲ့ ကိုယ်လက်လှုပ်ရှားမှုဖြစ်စေတဲ့ Wii လို ဂိမ်းမျိုး၊ Play Station, X-Box လို ဂိမ်းမျိုး တွေအပြင် ကွန်ပျူတာမှာ ရိုးရိုးတန်းတန်း ဒေါင်းလုဒ် ချပြီး ကစားရတဲ့ ဂိမ်းတွေရှိသလို အင်တာနက်ကို ချိတ်ဆက်ပြီးမှ ကစားရတဲ့ အွန်လိုင်းဂိမ်းတွေ… စသည်ဖြင့် ဂိမ်းတွေ အမျိုးမျိုး ရှိပါတယ်။

တိုက်ခန်းနဲ့ နေရတဲ့ ကလေး၊ ဆော့စရာ မြေကျယ်ကျယ် မရှိတဲ့ကလေးတွေဟာ မိဘတွေ မအားလပ်လို့ ကစားကွင်းကို အချိန်တိုင်း လိုက်မပို့နိုင်တဲ့အခါ သူ့ရဲ့ အချိန်ပိုတွေအတွက် ဂိမ်းကစားလိုပါတယ်။ သစ်ပင် ပန်းပင်တွေ ဝေေ၀ဆာဆာနဲ့ ခြံကျယ် ၀န်းကျယ်မှာ ပြေးလွှား ခုန်ပေါက် ဆော့ကစားလို့ရတဲ့ ကလေးကလည်း အချိန်တန်ရင် သူများနည်းတူ ဂိမ်းကစားချင်ပါတယ်။ အိမ်မှာ ကွန်ပျူတာ မရှိတဲ့ ကလေးတွေကလည်း ဆိုင်မှာသွားပြီး တနာရီ ဘယ်လောက်ဆိုတဲ့ သတ်မှတ်ဈေးနှုန်းနဲ့ ဂိမ်းကစားကြပါတယ်။ မိဘတွေအနေနဲ့ကလည်း ကိုယ့်ကလေးကို မျက်စိအောက်မှာ ငြိမ်ငြိမ်သက်သက် ကစားနေတာကို တွေ့လိုတဲ့အခါ တီဗွီဂိမ်း၊ ကွန်ပျူတာဂိမ်း၊ လက်ကိုင်ဖုန်းက ဂိမ်း… အစရှိတဲ့ ဂိမ်းတွေကို ကစားဖို့ ခွင့်ပြုဖြစ်ပါတယ်။

သုတေသန စာတမ်းတခုမှာ ဖတ်လိုက်ရတာက ကလေးတွေဟာ ပြင်ပကမ္ဘာကို တစ တစ နဲ့ လျှစ်လျှူရှုလာကြပြီး သူတို့ရဲ့ အချိန်တော်တော်များများကို အင်တာနက်မှာ ဂိမ်းကစားရင်း ကုန်ဆုံးစေပါတယ် တဲ့…။ အဲဒီလို ကစားတဲ့အခါမှာ ယောက်ျားလေးတယောက်ဟာ ပျမ်းမျှအားဖြင့် တပတ်ကို အနည်းဆုံး ဂိမ်းကစားချိန် ဆယ့်သုံးနာရီ ရှိပြီး မိန်းကလေးတယောက်ဟာ ငါးနာရီ ရှိတယ်လို့ ဆိုပါတယ်။ အဲဒီလို ကလေးတိုင်းနီးနီး ခုံမင် စွဲမက်စွာ ဂိမ်းကစားကြတဲ့ ခေတ်ထဲမှာ မိဘတွေဟာ ကလေးတွေ ဂိမ်းကစားနေတာနဲ့ ပတ်သက်လို့ ဘယ်လို သတိထားသင့်သလဲ၊ ဘယ်လို ထိန်းချုပ်သင့်သလဲ ဆိုတဲ့ အချက်ကို အဓိကထား ပြောချင်ပါတယ်။

ပထမဆုံးအဆင့်အနေနဲ့ အသက် တနှစ်ကျော်ကျော် နှစ်နှစ်နီးပါး အရွယ် ကလေးငယ်လေးတွေကို ကြည့်ရအောင်…။ စကားတောင် သွက်သွက် မပြောနိုင်သေးတဲ့ အဲဒီအရွယ် ကလေးငယ်လေးတွေဟာ သူတို့ရဲ့ ဖေဖေ မေမေတွေဆီက လက်ကိုင်ဖုန်းလေးတွေကို ယူပြီး တောင်နှိပ် မြောက်နှိပ် နှိပ်ရမှန်း သိနေပါပြီ။ အဲဒီကမှ တဆင့်တက်ပြီး ဘောလုံးဖေါက်တဲ့ ဂိမ်းမျိုးလေးတွေကို သူတို့ လက်ပိစိလေးတွေနဲ့ တို့ကာ ထိကာ ကစားတတ်စပြုလာပြီး ဘောလုံးလေးတွေ ဖေါက်ကနဲ ဖေါက်ကနဲ ပေါက်သွားတဲ့အခါမှာ သဘောကျ နှစ်ခြိုက်စွာ ခိုးခိုးခစ်ခစ်နဲ့ ရယ်မောတတ်နေကြပါပြီ…။ အဲဒီအချိန်မှာ သူတို့လက်ထဲကနေ ဖုန်းကို ပြန်ယူမိရင် ကျွက်ကျွက်ညံအောင် အော်ဟစ် ငိုယိုပြီး သူတို့ ဆန္ဒလေးတွေကို ထုတ်ဖေါ်ပြသတတ်နေပါပြီ…။ သို့သော်လည်း အဲဒီအရွယ်လေးတွေကို အာရုံပြောင်းရတာ အနည်းငယ် လွယ်ကူသေးတဲ့အတွက် သိပ်ပြဿနာ မကြီးသေးဘူးလို့ ဆိုနိုင်ပါတယ်…။

ဒုတိယအဆင့် - အသက် နှစ်နှစ်ကနေ အသက် ခြောက်နှစ် ပတ်ဝန်းကျင်ကိုရောက်လာတဲ့အခါ ကလေးတွေဟာ လက်ကိုင်ဖုန်းထဲက ဂိမ်းကို ဆော့ရုံနဲ့ အားမရတော့ပါဘူး။ တက်ပလက်တွေ ကွန်ပျူတာတွေက ဂိမ်းတွေကို စိတ်ပါဝင်စားစွာ ဆော့ချင်၊ ဆော့တတ်တဲ့ အရွယ်တွေ ဖြစ်လာကြပါပြီ။ အဲဒီအရွယ်မှာ မိဘတွေက ကိုယ့်သားသမီးလေးတွေကို တတ်ချင် သိချင်စိတ်တွေနဲ့အတူ အေ ဘီ စီ စာလုံးလေးတွေ ပါတဲ့ ဂိမ်းမျိုး၊ ကလေးသီချင်းလေးတွေ ဆိုတဲ့ ဂိမ်းမျိုးတွေကို လိုလို ချင်ချင်နဲ့ ပေးဆော့ကြပါတယ်။ ကွန်ပျူတာ ကီးဘုတ်ကနေတဆင့် အေ ဘီ စီ လေးတွေ တောင်တလုံး မြောက်တလုံး ရိုက်တတ်လာရင် မိဘတွေမှာ ကျေနပ် ကြည်နူးလို့…။ အဲဒီလို ဆော့ရင်းနဲ့ ကလေးတွေဟာ အဲဒီ ပစ္စည်းတွေနဲ့အတူ ဂိမ်း ဆိုတာကို စတင် စွဲလမ်းသွားကြပါတယ်။

အဲဒီနေရာမှာ ပြဿနာရှိလာတာကတော့ သူတို့လေးတွေရဲ့ မျက်စိပါ။ မသိ နားမလည်သေးတဲ့အရွယ်ဆိုတော့ အလင်းရောင် လုံလောက်တဲ့နေရာမှာ ဆော့ဖို့တွေ၊ မျက်စိနဲ့ အနည်းဆုံး တပေ အကွာမှာ ထားပြီး ကြည့်ဖို့တွေ ဘာတွေ သူတို့ မသိပါဘူး။ ကစားချင်တာ တခုပဲ သိပါတယ်။ ကစားတဲ့ထဲကို အာရုံရောက်သွားရင် တဖြည်းဖြည်းနဲ့ မျက်လုံးနဲ့ နီးနီးကပ်ကပ် ကြည့်နေမိတယ် ဆိုတာလည်း သူတို့ မသိတော့ပါဘူး။ ဂိမ်း ဆိုတဲ့ အမျိုးကလည်း အဲဒီလောက်အထိ စွဲပါတယ်။ အဲဒီလို သူတို့ကစားနေတဲ့ အချိန်မှာ မိဘကသာ သေသေချာချာ ဂရုမစိုက်ခဲ့ဘူး၊ ကလေးငြိမ်နေရင် ပြီးရောဆိုပြီး အလိုလိုက်ခဲ့၊ အချိန်ကို အကန့်အသတ်ထားပြီး မထိန်းချုပ်ခဲ့ဘူးဆိုရင် သူတို့လေးတွေရဲ့ မျက်စိတွေကို များစွာ ထိခိုက်နိုင်ပါတယ်။ မျက်စိရှေ့မှာတင် အသက် လေးနှစ်၊ ငါးနှစ်အရွယ်မှာ မျက်စိအားနည်းလို့ မျက်မှန်တပ်လိုက်ရတဲ့ ကလေးငယ်လေးတွေ တော်တော်များပါတယ်။

ကျောင်းစတက်ရတဲ့အရွယ် အသက် ခြောက်နှစ်ကနေ ဆယ်နှစ် ဆယ့်နှစ်နှစ်အရွယ် ကလေးတွေကို ကျွန်မအပါအ၀င် ကျွန်မပတ်ဝန်းကျင်က မိဘ အများစုကတော့ ကလေးတွေနဲ့ အပေးအယူလုပ်ပြီး အချိန် အကန့်အသတ်နဲ့ ဂိမ်းကစားခွင့်ပြုကြတာ တွေ့ရပါတယ်။ ဥပမာ - ကျောင်းကပြန်ရောက်ပြီး ခဏ အနားယူတဲ့အချိန်မှာ ဂိမ်း တနာရီဆော့ပြီးရင် နေ့လည် တရေး အိပ်ရမယ်နော်… ဒါမှမဟုတ်… တရေးအိပ်လို့ အိပ်ယာနိုးရင် ဂိမ်း တနာရီ ကစားရမယ်… ဒါမှမဟုတ် ကျောင်းကပါလာတဲ့ အိမ်စာတွေ ပြီးရင် ဂိမ်း တနာရီ ပေးကစားမယ်… စသည်ဖြင့် ကလေးတွေကို သင့်တင့် မျှတတဲ့ အပေးအယူတွေလုပ်ပြီး ဂိမ်းကစားခြင်းဆိုတဲ့ ခေါင်းစဉ်ကို ဖြတ်ကျော်ကြပါတယ်။ သူတို့တွေ ကစားတဲ့ ဂိမ်းတွေကိုလည်း တစေ့တစောင်း အကဲခတ်ရပါတယ်။ အွန်လိုင်းဂိမ်းတွေမှာ သူတို့အရွယ်နဲ့ မသင့်တော်တဲ့ ဂိမ်းတွေလည်း အများကြီး ရှိနေတာကိုး…။ အရာရာကို စူးစမ်းတတ်တဲ့ အရွယ်လေးတွေ ဖြစ်နေတာမို့ ဂိမ်းတခု ဆော့နေရင်းကနေ ဖြတ်ကနဲ ဖြတ်ကနဲ ပေါ်လာတတ်တဲ့ ကြော်ငြာတွေကတဆင့် နောက်ထပ် ဂိမ်းတွေ တခုကနေ တခု… အဲဒီမှာ ကလေးတွေ မကစားသင့်တဲ့ ဂိမ်းတွေ၊ မမြင်သင့်တဲ့ စာမျက်နှာတွေဆီ ရောက်မသွားဖို့ကိုလည်း မိဘတွေ တော်တော်လေး သတိထားရပါတယ်။

အဲဒီလို အပေးအယူနဲ့ ဂိမ်းကစားစေတဲ့အခါ သတ်မှတ်ထားတဲ့ အချိန်ပြည့်တဲ့အခါမှာ ကလေးတိုင်းလိုလိုမှာ တွေ့ရတဲ့ ပြဿနာကတော့ ဈေးဆစ်ကြတာပါ…။ ဂိမ်းကစားတာဟာ တော်တော်လေး ရပ်ရခက်တဲ့အတွက် နောက် ငါးမိနစ်… နောက် ဆယ် မိနစ်… စသည်ဖြင့် အချိန်ပိုတွေ တိုးတောင်းတတ်ကြပါတယ်။ တခါ နှစ်ခါ အလိုလိုက်နိုင်ပေမယ့် အဲဒီလို အခါတွေ များလာရင်တော့ နည်းနည်းလေး လေသံ မာမာပြောမှ သူတို့ ရပ်တန့်ကြပါတယ်…။ ပြီး မအိပ်ချင် အိပ်ချင်နဲ့ အိပ်ယာပေါ် မှောက်ရက်ကြီး သွားမှောက်နေတဲ့ ကလေးတွေ၊ အသံတိတ် ဆန္ဒပြတဲ့ ကလေးတွေလည်း အများကြီးပါ။ ဟုတ်ပါတယ်… အဲဒီလို အနေအထားမျိုးကို ကလေးတွေ အသက် ဆယ်နှစ် ဆယ့်နှစ်နှစ်လောက်အထိ ကျွန်မတို့ လိုတိုး ပိုလျော့နည်းနဲ့ ထိန်းချုပ်နိုင်ပါသေးတယ်…။

အသက် ဆယ့်နှစ်နှစ်ကျော်သွားတဲ့ ကလေးတွေ၊ အလယ်တန်းကျောင်းရောက်တဲ့ ကလေးတွေမှာ သူတို့ ကိုယ်ပိုင် Laptop လေးတွေ ကိုယ်စီ ၀ယ်ကြ ကိုင်ကြ အသုံးပြုကြရပါပြီ…။ မိဘတွေ အနေနဲ့ သူတို့ကို အချိန်မရွေး လက်လှမ်းမီနိုင်စေဖို့၊ အကြောင်းကိစ္စ တစုံတရာရှိရင် လွယ်လင့်တကူ ဆက်သွယ်နိုင်စေဖို့ လက်ကိုင်ဖုန်းလေးတွေကိုလည်း အသုံးပြုခွင့် ပေးရပါပြီ။ အဲဒီအချိန်မှာ ကလေးတွေ ဂိမ်းကစားတာကို ထိန်းချုပ်ဖို့ တော်တော်လေး ခက်ခဲသွားပါပြီ။ သူတို့ကို နားလည်အောင်၊ နားဝင်အောင်၊ ဂိမ်းကစားခြင်းနဲ့ ပတ်သက်ပြီး အကောင်း အဆိုးကို ခွဲတတ်အောင်၊ အိပ်ချိန် စားချိန် မျှမျှတတဖြစ်အောင် အကျိုးသင့် အကြောင်းသင့် ပြောပြရင်း ထိန်းချုပ်ဖို့သာ ရှိပါတော့တယ်။

သတင်းစာတွေမှာ မကြာခဏ ကြားနေ ဖတ်နေရတဲ့ ဂိမ်းကစားရင်း ထမင်းမေ့ ဟင်းမေ့ဖြစ်ပြီး အားပြတ် လဲကျပြီး သေဆုံးရတဲ့ အကြောင်းတွေ၊ အမေလုပ်သူက ဂိမ်းကစားတာ ကလေးကို အစာကျွေးဖို့ မေ့နေလို့ ကလေးလေး သေသွားရတဲ့ အကြောင်းတွေ၊ ဂိမ်းထဲမှာ သူ့ထက်ငါ အနိုင်ရအောင် ကစားရင်း အပြင်မှာပါ ရန်သူတွေဖြစ်ပြီး တယောက်တယောက် အညှိုးတကြီးနဲ့ သတ်ဖြတ်ကြတဲ့ အကြောင်းတွေ… အဲဒါတွေကို နမူနာထား ပြောပြပြီး အလွန်အကျွံ မဖြစ်အောင် ထိန်းဖို့သာ ရှိပါတယ်။ လုံးဝကြီး မကစားရဘူးရယ်လို့ ယတိပြတ် ဖြတ်ပစ်လိုက်ဖို့တော့ တကယ်ကိုပဲ မလွယ်ကူလှပါဘူး။

ဒါကြောင်း မိဘတွေအနေနဲ့ ကလေးတွေကို ဂိမ်းကစားခွင့် ပြုတဲ့အခါ ကိုယ့်ကလေးရဲ့ အသက်အရွယ်နဲ့ စိတ်အခြေအနေပေါ် မူတည်ပြီး သူတို့ကစားသင့်တဲ့ ဂိမ်းလေးတွေကို ကိုယ်တိုင် ရွေးချယ်ပေးစေချင်ပါတယ်။ ကစားနေတဲ့ ဂိမ်းအပေါ်မှာ အရမ်းကို စိတ်အားထက်သန်နေတဲ့ကလေး၊ တဖက်ကို အနိုင်ရလိုစိတ် ကြီးမားလှတဲ့ကလေး၊ ထိုးခုတ် သတ်ဖြတ်တာတွေကို သိပ်ခုံမင်နေတဲ့ကလေးမျိုးတွေကို တဖြည်းဖြည်းနဲ့ အလွန်အကျွံဖြစ်မလာရလေအောင် ဂိမ်းလေးတွေ ပြောင်းပေးသင့်ပါတယ်။ နောက်တခုက အခွေနဲ့ ကစားရတဲ့ ဂိမ်းတွေမှာ အသက်အရွယ် ကန့်သတ်ချက်တွေ ပါပါတယ်…။ အဲဒါကို သေသေချာချာ ကြည့်ပြီးမှ ကလေးရဲ့ အသက်နဲ့ လိုက်လျောညီထွေဖြစ်တဲ့ ဂိမ်းမျိုးကို ၀ယ်ပေးသင့်ပါတယ်။ ဖြစ်နိုင်ရင် မ၀ယ်ပေးခင်မှာ ငှားပြီး ကစားကြည့်စေတာမျိုး… ပြီးတော့ တခါတရံမှာ ကိုယ်တိုင် ကလေးနဲ့ အတူတူ ဂိမ်းဝင်ကစားပြီး ကလေးရဲ့ စိတ်ဓါတ်လေးကို မသိမသာနဲ့ အကဲခတ် လေ့လာဖို့လည်း လိုအပ်ပါသေးတယ်။ နောက်တခုကတော့ ကလေးကို အချိန်အကန့်အသတ်နဲ့ ကစားစေဖို့ရယ်၊ အများသူငါ (မိသားစု) မြင်ရတဲ့ နေရာမှာ ကစားစေဖို့လည်း လိုအပ်ပါတယ်။ ဒါမှလည်း ဂိမ်းထဲမှာ ဘယ်လိုပုံတွေ ပါသလဲ၊ ကိုယ့်ကလေး ဘယ်လိုဂိမ်းတွေကစားနေသလဲ၊ ဘယ်လိုအရုပ်တွေ ကြည့်နေသလဲ ၊ သူတို့နဲ့ သင့်တော်သလား မသင့်တော်ဘူးလား… စသည်ဖြင့် အလွယ်တကူ သိနိုင် မြင်နိုင်မှာ ဖြစ်ပါတယ်။

ခေတ်ရေစီးကြောင်းအရ ကလေးတွေကို ခွင့်ပြုရ လိုက်လျောရတဲ့အထဲမှာ ဂိမ်းကစားခြင်းဆိုတဲ့ ခေါင်းစဉ်ဟာ တဖြည်းဖြည်းနဲ့ နေရာယူ ကျယ်ပြန့်လာတာ တွေ့နေရပါတယ်။ ဒါကြောင့် မိဘများအနေနဲ့ ကိုယ့်ကလေးတွေရဲ့ အသက်အရွယ်၊ စိတ်ပိုင်းဆိုင်ရာ အနေအထား၊ ကျန်းမာရေး အခြေအနေ စတာတွေနဲ့ လိုက်လျောညီထွေဖြစ်တဲ့ ဂိမ်းတွေကို အချိန်အကန့်အသတ်နဲ့ ကစားတတ်အောင် သတိထားပြီး ဂရုစိုက်ကြဖို့ အကြံပြုလိုပါတယ်။



မှတ်ချက် - ၂၀၁၃ မေလ - Gamers Magazine တွင် ဖေါ်ပြပြီး ဖြစ်သည်။