Wednesday, December 26, 2012

အကူး အပြောင်း

ပြီးခဲ့တဲ့ ရက်အနည်းငယ်က မှတ်မှတ်ရရ ဖတ်လိုက်ရတဲ့ သတင်းကတော့ အမေရိကန်နိုင်ငံရဲ့ အပတ်စဉ်ထုတ် Newsweek ဆိုတဲ့ ထိပ်တန်း မဂ္ဂဇင်း အကြောင်းပါ။ အဲဒီမဂ္ဂဇင်းဟာ သက်တမ်းအားဖြင့် ၁၉၃၃ ကနေ ၂၀၁၂ အထိ… နှစ်ပေါင်း ရှစ်ဆယ် ရှိခဲ့ပါပြီ။ တိတိကျကျ ပြောရရင် ပထမဆုံး Newsweek စာစောင်ကို ၁၉၃၃ ခု ဖေဖေါ်ဝါရီလ ၁၇ ရက် မှာ ထုတ်ဝေခဲ့ပါတယ်။ အဲဒီ Newsweek မဂ္ဂဇင်းဟာ အခု ၂၀၁၂ ဒီဇင်ဘာလ ၃၁ ရက်နေ့မှာ ပုံနှိပ်ထုတ်ဝေမှုကို ရပ်တန့်လိုက်မှာဖြစ်ပြီး အွန်လိုင်း မဂ္ဂဇင်းတခု အနေနဲ့သာ ဆက်လက် ရပ်တည်တော့မှာ ဖြစ်တယ်လို့ သိရပါတယ်။

လွန်ခဲ့တဲ့ ၂၀၀၅ ခုနှစ်က စပြီး မဂ္ဂဇင်းစာအုပ်ရဲ့ ရောင်းအားဟာ ပုံမှန်ရောင်းအား စာအုပ်ရေ သုံးသန်းကနေ (ငါးဆယ်ရာခိုင်နှုန်း) တသန်းခွဲကို သိသိသာသာ ကျဆင်းလာတယ်… ကြော်ငြာစာမျက်နှာတွေဟာလည်း ၈၀ ရာခိုင်နှုန်းကျော်အထိ ကျဆင်းသွားပြီး နှစ်စဉ် အရှုံးနဲ့ ရင်ဆိုင်နေရတယ် လို့ သိရပါတယ်။ ဒါတွေအပြင် ပုံနှိပ် ထုတ်ဝေရာမှာ ကုန်ကျစရိတ်၊ ဖြန့်ဝေတဲ့ အခါ ကုန်ကျရတဲ့ စရိတ်တွေကလည်း တဖြည်းဖြည်းနဲ့ ကြီးမြင့်လာတာကြောင့် အခုလို ဆုံးဖြတ်ရခြင်းဖြစ်တယ်လို့ တာဝန်ရှိသူများက ဆိုပါတယ်။

သို့သော် အခုလို ပုံနှိပ်ကနေ အွန်လိုင်းကို အပြောင်းအလဲမှာ ပုံနှိပ်ခ၊ ပို့ဆောင်ခ၊ ဖြန့်ဖြူးခ အစရှိတဲ့ စရိတ်တွေက သက်သာသွားမှာ ဖြစ်သလို တဖက်က ကြော်ငြာစာမျက်နှာတွေဆီက ရနေတဲ့ ပုံမှန်ဝင်ငွေတွေကတော့ လျော့နည်းသွားမှာ ဖြစ်ပါတယ်။

ဒါကတော့ ၁၉၃၃ ဖေဖေါ်ဝါရီလ ၁၇ ရက်မှာ ပထမဆုံး ထုတ်ဝေတဲ့ စာစောင်နဲ့ ၂၀၁၂ ခုနှစ် ဒီဇင်ဘာလ ၃၁ ရက်နေ့ နေ့စွဲနဲ့ ထုတ်ဝေလိုက်တဲ့ နောက်ဆုံး ပုံနှိပ် စာစောင်ဖြစ်ပါတယ်။ နောက်ဆုံးစာစောင်မှာ Manhattan Headquarters ပုံကို အဖြူ အမည်း နှစ်ရောင်နဲ့ မျက်နှာဖုံး ပြုလုပ်ထားပြီး #LAST PRINT ISSUE ဆိုတဲ့ စာလုံးမှာ PRINT ဆိုတဲ့ စာလုံးကို အနီရောင်နဲ့ ရေးထားတာ တွေ့ရမှာပါ။



ဒီလို ပုံနှိပ်မဂ္ဂဇင်းကနေ အွန်လိုင်းကို ပြောင်းလဲထုတ်ဝေလိုက်တဲ့ အဖြစ်ကို Newsweek မဂ္ဂဇင်းရဲ့ အယ်ဒီတာဟောင်း ဖြစ်သူ Mr. Brown က နောက်ဆုံးထုတ် စာအုပ် မျက်နှာဖုံးနဲ့အတူ Bitter Sweet, Wish us Luck လို့ သူ့ရဲ့ တွစ်တာ အကောင့်မှာ ရေးသားခဲ့ပါတယ်…။

ပုံနှိပ်တွေ တိမ်ကောလာပြီး အွန်လိုင်း ဒစ်ဂျစ်တယ်လ် စာပေတွေ ပိုထွန်းကားလာတာဟာ ကောင်းတယ် ဆိုးတယ် ပြောဖို့ တကယ်ကိုပဲ ခက်လှပါတယ်။ အဲဒီအကြောင်းနဲ့ ဆက်စပ်လို့ စကာင်္ပူမှာ နာမည်ကြီး စာအုပ်ဆိုင်တွေ တဆိုင်ပြီး တဆိုင် ပိတ်ကုန်ကြတဲ့ အကြောင်းကို စာအုပ်စာပေ လူ့မိတ်ဆွေ ဆိုပြီး ပိုစ့်တခု ရေးဖြစ်ခဲ့ပါသေးတယ်။

စာအုပ်ဆိုင်တွေ ပိတ်ရခြင်းရဲ့ အဓိကကျတဲ့ အချက်က စာအုပ်တွေ ရောင်းအားကျလာလို့ ဆိုတော့ ဘာဖြစ်လို့ အဲဒီလို ရောင်းအားကျရတာလဲ ဆိုတာ စဉ်းစားစရာပါ။ လူအများစုဟာ စာမဖတ်ကြတော့တာ မဖြစ်နိုင်ပဲ စာဖတ်သူတွေဟာ စာအုပ်တွေကို အပိုင်ဝယ်မဖတ်ကြတော့လို့ ဆိုတာက ပိုဖြစ်နိုင်ပါတယ်။ ပြောရရင် ဒီခေတ်မှာ စာအုပ်တွေရဲ့ ဈေးနှုန်းကလည်း သေးမှ မသေးတော့တာကိုး…။ နောက်တခုက ကွန်ပျူတာကတဆင့် ဖတ်လို့ရတဲ့ E Book ယဉ်ကျေးမှုတွေ ထွန်းကားလာပြီး သွားရင်းလာရင်း အလွယ်တကူ သယ်ယူပြီး နေရာမရွေး ကိုင်ဖတ်သွားလို့ရတဲ့… စာအုပ်ပေါင်း မြောက်များစွာ သိုမှီး သိမ်းဆည်းထားလို့ရတဲ့… iPad တို့ Kindle တို့လို ပစ္စည်းတွေကြောင့်လည်း ပုံနှိပ်စာအုပ်တွေရဲ့ ရောင်းအား ကျဆင်းလာတာ ဖြစ်နိုင်ပါသေးတယ်…။

ဘာပဲ ပြောပြော စာဖတ်လိုတဲ့သူတွေကတော့ ပုံနှိပ်ပဲ ဖြစ်ဖြစ် အွန်လိုင်းက ဒစ်ဂျစ်တယ်လ်တွေကိုပဲ ဖြစ်ဖြစ် အလျဉ်းသင့်သလို ဖတ်ရှုနေကြအုံးမှာလို့ ယုံကြည်ပါတယ်။ စိတ်ဝင်စားရင်တော့ Newsweek ရဲ့ နောက်ဆုံး ပုံနှိပ်မဂ္ဂဇင်းကို အမှတ်တရ ၀ယ်ပြီး သိမ်းထားဖို့ တိုက်တွန်းလိုပါတယ်…။ နောင် ဆယ်နှစ် (သုို့မဟုတ်) အနှစ် နှစ်ဆယ်လောက် ကြာလာတဲ့ အခါမှာ ဒါတွေဟာ အလွန် ရှားပါးပြီး အဖိုးတန်တဲ့အရာတွေ ဖြစ်ချင် ဖြစ်နေမှာ…



ဒါကတော့ အိမ်မှာ သိမ်းထားဖို့ တနေ့က သွားဝယ်လာတဲ့ Last Print Issue ပါ…။ အမျိုးသားက သူ့စိတ်ကူးနဲ့ သူ ဘောင်သွင်းထားတာ ဖြစ်ပြီး ကျွန်မအတွက်ကတော့ အဆင်သင့်လေး ဓါတ်ပုံရိုက်ဖို့ ဖြစ်လာပါတယ်…း))



မှတ်ချက် - ၂၀၁၃ မတ်လ - Look Magazine တွင် ဖေါ်ပြပြီး ဖြစ်သည်။

Friday, December 14, 2012

ပုဒ်မ / မ ချ ဖြစ် တဲ့ / ညနေ // မှ // ပုဒ်မ / ချ ဖြစ် တဲ့ / ညနေ သို့

တကယ်တော့ အဲဒီ ညနေဟာ ပုဒ်မ // မ ချ ဖြစ် တဲ့ // ညနေ တခုသာ ဖြစ်တယ် //
စာတကြောင်းရဲ့ အဆုံးသတ်မှာ ပုဒ်မတခု ချပေးဖို့ သေသေချာချာ လို အပ် မှန်း သိပေမယ့် /
အဲဒီညနေက ရေးသမျှ စာကြောင်းတိုင်းမှာ / ပုဒ်မ မချဖြစ်ခဲ့ဘူး //
အမှန် တကယ် မေ့လျော့နေလို့ပဲ ဖြစ်စေ / တမင် မေ့ချင်ယောင် ဆောင်နေရင်းပဲဖြစ်စေ /
အဲဒီညနေမှာ ပုဒ်မ မချဖြစ်ခဲ့ဘူး //
မလိုအပ်လို့ပဲ ဖြစ်စေ / မှားယွင်းလိုလို့ပဲ ဖြစ်စေ / အဲဒီညနေမှာ ပုဒ်မ မချဖြစ်ခဲ့ဘူး //

တယောက်ရဲ့ အပြုံးကို တယောက်က တသက်စာ အမိအရ သိမ်းဆည်းထားဖို့ ကြိုးစားတဲ့ / အဲဒီညနေမှာ ပုဒ်မ မချဖြစ်ခဲ့ဘူး //
တိမ်တွေ ပျံလာတာကို မော့ကြည့်ပြီး သံစဉ် စာသား မရေရာတဲ့ သီချင်းတပုဒ်ကို ဆိုညည်းမိတဲ့ / အဲဒီညနေမှာ ပုဒ်မ မချဖြစ်ခဲ့ဘူး //
ဟိုး စင်္ကြ၀ဠာအဆုံးအထိ စိတ်ကူးအတွေးတွေ ဖြန့်ကျက်ရင်း ကာရန်မညီညာတဲ့ ကဗျာတပုဒ်ကို ရေးစပ်မိတဲ့ /
အဲဒီညနေမှာ ပုဒ်မ မချဖြစ်ခဲ့ဘူး //
တကယ်က အဲဒီညနေမှာ ပုဒ်မတွေဟာ အနီးအနားမှာပဲ ပျောက်ချင်းမလှ ပျောက်ဆုံးနေခဲ့တာ //
သတိရလို့ လိုက် ရှာ ကြည့် ပြန်တော့လည်း တွေ့ရသမျှ ပုဒ်မတွေဟာ ပုဒ်မ မပီသခဲ့ဘူး //

ကြည့်ပါအုံး - - -
သည်းကြီးမဲကြီး ရွာနေတဲ့ ဒီဇင်ဘာရဲ့ မိုးစက်တွေအောက်မှာ မိုးစိုရင်း တွန့်လိမ်နေတဲ့ ပုဒ်မတခု /
စီတန်း ချိတ်ဆွဲထားတဲ့ ခရစ်စမတ် ကြယ်မီးပုံး ရောင်စုံတွေအောက်မှာ ဆေးသားပျက် အရောင်မှိန်နေတဲ့ ပုဒ်မတခု /
စည်စည်ကားကား ပွဲတော်ကြားမှာ ပိတ်မိရင်း လမ်းပျောက်နေတဲ့ ပုဒ်မတခု /
ဟိုး ရှေ့နားက သစ်တောအုပ် စိမ်းစိမ်းလေးထဲမှာ တိတ်တဆိတ် ငုံ့လျှိုး ပုန်းကွယ်နေတဲ့ ပုဒ်မတခု /
မီးမှိန်မှိန် အခန်းကျဉ်းလေးထဲမှာ အသက်ရှူ မ ၀ တ ၀နဲ့ အကျဉ်းကျနေတဲ့ ပုဒ်မတခု /
မနာလို ၀န်တိုသူတွေရဲ့ လက်ထဲမှာ မောက်မာ ၀ံ့ကြွားနေတဲ့ ပုဒ်မတခု /
ရထား သံလမ်းနဲ့ ရထားဘီးတို့ ပွတ်တိုက်သံတွေ ကြားမှာ ညပ် ပါ ကျိုး ပဲ့နေတဲ့ ပုဒ်မတခု /
ကမ်းစပ် တနေရာက မြက်ရိုင်းပင်ရှည်တွေကြားမှာ နွံ နစ် ညစ်ထေးနေတဲ့ ပုဒ်မ တခု /
ပစ္စည်း အဟောင်း - သတင်းစာ အဟောင်း - နာရီ အဟောင်း - ကာလ အဟောင်း - ဒေသ အဟောင်း - အဟောင်းတကာ့ အဟောင်း အနွမ်းတွေကြားမှာ / အင်္ဂါမစုံတော့တဲ့ ပုဒ်မတွေ / ပုဒ်မရယ်လို့ မပီပြင်တော့တဲ့ ပုဒ်မတွေ / ဟို တ ခု ဒီ တ ခု / နေ ရာ အ နှံ့ ပျံ့ ကျဲ လို့ //

နောက်ဆုံးမှာ မဖြစ်မနေ ပုဒ်မ ချရမယ့် ညနေ တခုကို ရောက်လာခဲ့တယ် //
ချစရာ ပုဒ်မ ရှာမတွေ့လို့ ကြံရာမရတဲ့အဆုံး ဆုံမှတ်မရှိ ဖြောင့်တန်း ယှဉ်ပြိုင်နေတဲ့ မျဉ်းပြိုင် လှလှ နှစ်ကြောင်းကို လိုက်ရှာခဲ့တယ် // ဘူတာရုံရှေ့မှာ တွေ့တယ် //
ရထားတွေ မလာသေးခင် အချိန်မှာ / သို့မဟုတ် / ရထားတွေ ခုတ်မောင်းသွားပြီးတဲ့ အချိန်မှာ / တိတ်တဆိတ် / သယ်ယူလာပြီး ပုဒ်မနေရာမှာ အစားထိုးလိုက်တယ် //

မကြာခင်အချိန် အတွင်းမှာပဲ / ညနေဟာ / မဆုံးနိုင်အောင် ရှည်လျားလှတဲ့ ပုဒ်မ အကြီးကြီးတချောင်းနဲ့ အတူ /
ပိတ် ဆည်း ဆွံ့ အ မှောင် မိုက် ရင်း / နိဂုံးချုပ် သွားတော့တယ် //
ဟုတ်တယ် / ဒီညနေဟာ ပုဒ်မ // ချ ဖြစ် တဲ့ // ညနေပဲ //


Tuesday, November 13, 2012

အိမ်နီးချင်းအကြောင်း သိကောင်းစရာ

မပြောချင်ဘူး… မပြောချင်ဘူး… ပြောကို မပြောချင်ဘူး… ဆိုတာ တကယ်တော့ ပြောကို ပြောချင်လွန်းလို့ အစပြုလာတဲ့ စကားပဲ…။ ခက်တာက မပြောပဲ နေလို့ရရင် ဘယ်သူက လေအကုန်ခံပြီး ပြောချင်မလဲ… ဒါပေမယ့် အခုလို မပြောလိုက်ရ မချင်း စိတ်ထဲ တနုံ့နုံ့နဲ့… နေလို့လည်း တယ်မကောင်းလှဘူး…။ ဒါကြောင့် ပြောမှပဲ ဖြစ်တော့မယ်ဗျာ…

ဒီလိုဗျ…
ကျွန်တော်တို့မှာ အိမ်နီးချင်း မိတ်ဆွေ မိသားစုတစုရှိတယ်…။ မိသားစုချင်း အတော်အတန် ခင်မင်ကြတယ် ဆိုပါတော့…။ အဓိကကတော့ အမျိုးသမီးချင်း ခင်မင်နေကြတာပါ…။ အိမ်ချင်းကလည်း နီးတော့ အမျိုးသမီးချင်းသာမက… ကလေးတွေ အချင်းချင်းလည်း အဖေါ် အလှော်တွေရလို့… ဒီတော့ အမျိုးသမီးနှစ်ယောက်ကလည်း နေ့လည်နေ့ခင်း ကလေး ကျောင်းကြို ကျောင်းပို့၊ ကျူရှင် ကြို ပို့… ဈေးသွား စသည်ဖြင့် တနေ့ တနေ့ တတွဲတွဲနဲ့…။ ဘယ်နေရာမှာ ဘာတွေ ဈေးလျှော့နေပဟ… ဆိုလည်း သူတို့နှစ်ယောက်ပဲ အပြေးကလေး သွားကြတယ်…။ ဒီမှာရှိတဲ့ ဘုန်းကြီးကျောင်းက ကထိန်တို့ ၀ါဆိုတို့ ဘာညာတွေ တရားပွဲတွေလည်း အတူတူ သွားကြတယ်။ ကလေးတွေ ကစားကွင်းပို့ရင်းလည်း မိုးတိုးမတ်တပ် စကားတွေ တဖေါင်ဖေါင်နဲ့ အဆင်ပြေနေတာ သူတို့ နှစ်ယောက်ပဲ…။ ဟိုတလောက ဒီမှာ လာသွားတဲ့ အိုင်စီရှိုးတောင် သူတို့နှစ်ယောက် အတူတူ သွားကြပါသေးရော…။ ကျွန်တော်လည်း ကိုယ်တိုင်က ၀ါသနာမပါလေတော့ ကလေးထိန်းရင်း စာတအုပ်နဲ့ အိမ်မှာ နေကျန်ခဲ့တယ်…။ အဆင်ပြေပြေပါပဲ….

အဲ… သူ့ အမျိုးသားကတော့ ခပ်ရိုးရိုး ခပ်အေးအေးထဲကပါ… ကျွန်တော်နဲ့ တခါတလေတွေ့လည်း ဟိုအကြောင်း ဒီအကြောင်း အလ္လာပ သလ္လာပ အနည်းငယ်ကလွဲလို့ ပြောစရာ တယ်မရှိလှဘူး…။

ကျွန်တော့ မိန်းမကတော့ ပြောပြလေ့ရှိတယ်…။ အိမ်နီးချင်း အမျိုးသမီး စိတ်ကောင်းရှိကြောင်း၊ ကူညီတတ်ကြောင်း၊ ငွေကြေး ပြည့်စုံကြောင်း၊ အလှူအတန်း ရက်ရောကြောင်း၊ အသုံးအစွဲ လက်ဖွာကြောင်း… စသည်ဖြင့်ပါ…။ တခါတခါ သူများဝယ်တိုင်း လိုက်ဝယ်ချင်တဲ့ အိမ်က မိန်းမကို နည်းနည်းတောင် ဘရိတ်အုပ်ရသေးတယ်…။ ဘယ့်နှယ့်ဗျာ… ဟိုမိန်းမက ပိုက်ဆံအိပ်တလုံးကို ဒေါ်လာ ထောင့်ခြောက်ရာနဲ့ အွန်လိုင်းက မှာပြီး ၀ယ်သတဲ့… ကြည့်ရတာ အားကျနေပုံပဲ… ဒါမျိုးတော့ အားမကျနဲ့ မိန်းမရေ… ကိုယ့်မှာ မွေးထားတဲ့ ကလေးတွေ ရှေ့ရေးက ရှိသေးတယ် မဟုတ်လား… ဒီခေတ်ကြီးထဲ စစ်စစ်စီစီနေနိုင်မှ တော်ရုံကျတာနော်… လို့ မသိမသာ စကားသွင်းရသေးတယ်…။

ဒီလိုနဲ့ တနေ့မှာ အိမ်က မိန်းမက စကားစ လာတယ်…။ လေသံက တမျိုးပဲ… တခုခုကို မကျေမနပ် ဖြစ်နေသလိုမျိုး…။ သူ့စကားအရ သူ့မွေးနေ့မှာ ဟိုအိမ်နီးချင်း အမျိုးသမီးက ရန်ကုန်က ပါတိတ်ဝမ်းဆက်ကို မှာပြီး လက်ဆောင်ပေးသတဲ့… ပြီးတော့ ပြောသေးတာတဲ့… မွေးနေ့အမှီ လူကြုံမရ ရအောင်ရှာပြီး တကူးတက မှာထားရတာ ဆိုပဲ…။ ဒါ ဘာဖြစ်သလဲ… မွေးနေ့လက်ဆောင်ပေးတာပဲ ဘာ ပေးပေးပေါ့… ဆိုတော့ သူက မဟုတ်ပြန်ဘူး။ ဒီမှာ အတူတူ ၀ယ် ချမ်းသွားလာနေတာပဲ လက်ဆောင်ပေးချင်းပေး ဒီက ပစ္စည်းတခုခုသာ ၀ယ်ပေးသင့်တာပေါ့တဲ့… ဒီပါတိတ်ဝမ်းဆက်ကို သူ ဒီမှာ ဘယ်လိုဝတ်မလဲ တဲ့… မိန်းမများ ခက်ပုံ…။ အိုကွာ… မင်းမ၀တ်ချင်လည်း သူများပေးချင်ပေး သိမ်းချင်လည်း သိမ်းထားလိုက်ပေါ့… လို့ စကားတိုတိုပဲ ပြန်ပြောလိုက်တယ်…။ မိန်းမလည်း မကျေမနပ်နဲ့ ဆောင့်ဆောင့် ဆို လှည့်ထွက်သွားတယ်…။ မိန်းမနှယ့်… ခက်လိုက်တာ… သူများတကာကို မကောင်းမြင်တတ်တာ လွန်ရော ဆိုတဲ့ အပြစ်တင်စကားကိုတော့ လည်ချောင်းဝမှာတင် ထားလိုက်ပါတယ်… မဟုတ်ရင် ကျွန်တော်တို့ချင်း စကားများကြရမှာလေ…။

အဲ… ဒီလိုနဲ့ နေလာလိုက်တာ တနေ့ကျတော့ မြန်မာပြည်က စာသင်ကျောင်းတကျောင်း ပြန်လည် မွမ်းမံ ပြင်ဆင်ရေးအတွက် ကုသိုလ်ပြုစရာ အလှူခံပေးဖို့ ကိစ္စပေါ်လာတယ်…။ ရန်ကုန်က လှမ်းပို့လိုက်တဲ့ အလှူခံ ဖြတ်ပိုင်းတွေ လက်ထဲရောက်လာတော့ လင်မယား နှစ်ယောက် နီးစပ်ရာ မိတ်ဆွေ သူငယ်ချင်းတွေဆီကို အလှူခံ ထွက်ကြတယ်…။ လှူကြပါတယ်… တတ်အားသရွေ့ လှူကြပါတယ်… ရေကြည်ရာ မြက်နုရာမှာ ရောက်နေကြတဲ့သူတွေအဖို့မှာက အခုလိုလေး အလှူခံမှ အဆင်တပြေနဲ့ လှူဖြစ်ကြတာ မဟုတ်လား…။ အလှူငွေတွေဟာ ထင်ထားတာထက် တော်တော်လေး ရလို့ မိန်းမကလည်း ၀မ်းတွေသာနေတယ်။ ထည့်ဝင်လှူတန်းကြသူတွေကလည်း အခုလို အချိန်ကုန်ခံ လူအပင်ပန်းခံပြီး အိမ်တိုင်ရာရောက် အလှူခံ ဖြတ်ပိုင်းတအုပ်နဲ့ အလှူလိုက်ခံပေးတဲ့ ကျွန်တော်တို့ ဇနီးမောင်နှံကို တပြုံးပြုံးနဲ့ သဘောတွေ ကျလို့ပေါ့…။

ဒီလိုနဲ့ ဟို အိမ်နီးချင်း မိသားစုဆီ အလှူခံဖို့ ရောက်တော့… အကျိုးအကြောင်း ပြောပြအပြီးမှာ အမျိုးသမီးက အင်း အဲ နဲ့… အိမ်ခန်းထဲ ၀င်သွားပြီး အတော်လေးကြာမှ ပြန်ထွက်လာတယ်…။ သူ့လက်ထဲမတော့ မြန်မာငွေစက္ကူ တထပ်နဲ့…။ ကျွန်တော်တို့လည်း ရုတ်တရက်တော့ အံ့သြသွားတာဗျာ…။ ဒါပေမယ်လည်း ဟန်မပျက်ပဲ အလှူငွေတွေ လက်ခံပါတယ်…။ ဗျာ… ဘယ်လောက်လှူလိုက်တာလဲ… ဟုတ်လား… ဟုတ်ကဲ့ခင်ဗျာ… မြန်မာငွေ ကျပ် ငါးထောင်တိတိပါ…။ တထောင်တန် လေးရွက်ရယ် ကျန်တာတွေကတော့ ရာတန်တချို့နဲ့ ငါးဆယ်တန် ခပ်နွမ်းနွမ်းလေးတွေတောင် ပါသေးသဗျ…။ ငွေလက်ခံဖြတ်ပိုင်း ရေးမယ့်ဟန်ပြင်နေတဲ့ မိန်းမ လက် နည်းနည်း တွန့်သွားတာ မြင်လိုက်တယ်…။ သူ့ကြည့်ပြီး ကျွန်တော်လည်း နည်းနည်း ရယ်ချင်သွားတယ်… ဒါပေမယ့် သူ ရေးနေတာကို ကျွန်တော် သေသေချာချာ ကြည့်နေလိုက်တယ်… တော်ကြာ ရေးရင်းနဲ့ လက်က အရင် ရေးနေကျအတိုင်း စကာင်္ပူဒေါ်လာ ငါးထောင် တိတိ ဆိုမှဖြင့် ကျွန်တော်တို့ အကျိုးနည်းရချည်ရဲ့ဗျာ…။

အခုတလော ကျွန်တော်လည်း ရုံးမှာ အလုပ်များနေလို့ ကျန်တဲ့ အိမ်ကိစ္စ ကလေး ကိစ္စတွေ လှည့်မကြည့်ဖြစ်ဘူး။ မိန်းမကလည်း အလိုက်တသိနဲ့ အနှောက်အယှက် မပေးဘူး… ပြောရရင် ပူညံပူညံ သိပ်မလုပ်ဖူးပေါ့ဗျာ…။ ဒါပေမယ့် တနေ့မှာ ကလေးတွေကို ကျူရှင်သင်ပေးတဲ့ ဆရာမ ကို သီတင်းကျွတ် ကန်တော့စရာ လက်ဆောင်ဝယ်ချင်လို့ အားတဲ့ တနေ့ Shopping Center တခုကို လိုက်ပို့ပေးပါလားလို့ မိန်းမက စကားစလာတယ်…။ အဲ… စကားကြုံလို့ ပြောရရင် အဲဒီဆရာမက မြန်မာပြည်မှာ တကယ် ဆရာမလုပ်လာတဲ့ ကျောင်းဆရာမအစစ်ဗျ… ကလေးတွေအပေါ် စေတနာလည်းရှိတယ် စာသင်လည်း သိပ်ကောင်းတယ်… ဒီတော့လည်း မြန်မာ့ရိုးရာ ထုံးထမ်းစဉ်လာနဲ့ အညီ သီတင်းကျွတ်မှာ ကန်တော့တယ်ဆိုတာ ဖြစ်သင့်တဲ့ ကိစ္စတခုပေပဲ…။ ခါတိုင်းတော့ ဒီကိစ္စတွေ ကျွန်တော်တောင် မသိလိုက်ရပဲ သူရယ် ဟို အိမ်နီးချင်း မိန်းမရယ် အတူတူ ဆောင်ရွက်နေကျဗျ…။ အခုမှ ထူးထူးဆန်းဆန်း… ဒါပေမယ့် ကျွန်တော် ဘာမှ မမေးလိုက်ပါဘူး… သောကြာနေ့ ညနေ ရုံးဆင်းရင် လိုက်ပို့မယ်လို့ ပြောလိုက်တယ်…။

ဆရာမအတွက် မိန်းမက ပုဝါ တထည် ၀ယ်တာတွေ့တယ်။ ပြီးတော့ လက်ပွေ့အိပ် ကြီးကြီးတလုံး ၀ယ်တယ်…။ နောက်တော့ ထုံးစံအတိုင်း ကော်ဖီမှုန့် ဘီစကစ် စတဲ့ စားဖွယ်သောက်ရာ အချို့…။ ဈေးဝယ်ပြီး အပြန်လမ်းမှာ မိန်းမက ပြောတယ်… ဟိုအမျိုးသမီးက သူ့ကို မွေးနေ့လက်ဆောင်ပေးသလိုပဲ ကလေးတွေ ဆရာမကို သီတင်းကျွတ်မှာ ကန်တော့ဖို့ ရန်ကုန်ကနေ ပါတိတ် လှမ်းမှာ ထားပြီးသားတဲ့…။ အဲဒီ ပါတိတ်အပြင် သူ့အိမ်မှာရှိတဲ့ မုန့်ဟင်းခါးထုပ်တို့ လဖက် နဲ့ အကြော်စုံတို့ပါ ပါမှာတဲ့…။ ဒီကိစ္စနဲ့ ပတ်သက်လို့ ကျွန်တော့အနေနဲ့ ဘာမှ ပြောစရာ မရှိပါဘူး… ဒါပေမယ့် ဟိုတခါ အလှူခံတုန်းက ထည့်လွှတ်လိုက်တဲ့ မြန်မာငွေ ကျပ် ငါးထောင်ကို သတိရသွားတော့ စိတ်ထဲ နည်းနည်း တမျိုးဖြစ်သွားတယ်…။

ကလေးတွေ ကျောင်းပိတ်ရက်ရောက်ခါနီးပြီ…။ ဒီနှစ်တော့ ကျွန်တော်တို့ မြန်မာပြည် မပြန်ပဲ ကလေးတွေကို နီးနီးနားနား ယိုးဒယားဖြစ်ဖြစ် မလေးရှုားဖြစ်ဖြစ် အလည်အပတ် ပို့မလား တွေးထားတယ်။ အဲ… တမနက် ရုံးသွားခါနီး အ၀တ်လဲနေတုံးမှာ မိန်းမက လာပြောတယ်…။ ဒီကျောင်းပိတ်ရက်မှာ ဟို အိမ်နီးချင်း မိသားစု မြန်မာပြည် ပြန်ကြလိမ့်မယ်တဲ့…။ မပြန်ခင် အိမ်မှာ ထမင်းလာစားပါလို့လည်း ဖိတ်ကြားသတဲ့…။ အေးလေ… ဒါဆိုလည်း သွားစားကြတာပေါ့… မင်းတို့ အဆင်ပြေမယ့်ရက်သာ ချိန်းလိုက်ပါလို့ ပြောပြီး ရုံးကို ထွက်လာခဲ့တယ်…။

ထမင်းစားဖိတ်တဲ့နေ့မှာ မိန်းမက အဲဒီအိမ်ကို ယူသွားစရာ မုန့်ပဲ သွားရည်စာတွေ အချိုရည်တွေကို ပြင်ဆင်လို့…။ တိုတိုပြောရရင် စနေနေ့ တညနေမှာ သူတို့အိမ်က ဖိတ်တဲ့ ထမင်းဝိုင်းကို ရောက်သွားရော ဆိုကြပါစို့ဗျာ…။

ဟား… ထမင်းဝိုင်းမှာ ဟင်းခွက်တွေက အများကြီးပါပဲ…။ ဒါနဲ့ တခုချင်းစီကို အသာ စေ့ငုကြည့်လိုက်တယ်…။ ကုလားပဲနဲ့ ကြာဆံဟင်း၊ ငါးရံ့ခြောက်ဖုတ် ဆီဆမ်း၊ ဆတ်သားခြောက်ဖုတ် ဆီဆမ်း၊ သရက်သီး သနပ်က အစိမ်းသနပ် တမျိုး အချိုသနပ်က တမျိုး နှစ်မျိုးဗျ…။ ပြီးတော့ ဘာလချောင်ကြော်လို့ ခေါ်ကြတဲ့ ငါးပိကြော်… နောက်ဗူးသေးသေးလေးတခုထဲကဟာက ငါးပိထောင်း ထင်တယ်…။ နောက်ပြီး ၀က်အူချောင်းကြော်… ဟင်းတွေကြည့်ပြီး ကျွန်တော့စိတ်ထဲ တမျိုးဖြစ်လာလို့ မိန်းမကို လှမ်းကြည့်လိုက်တော့ မိန်းမမျက်နှာလည်း သိပ်မကောင်းဘူးဗျ…။ အိမ်ရှင်အမျိုးသမီးကတော့ ပါးစပ်ကလည်း ရွှန်းရွှန်းတွေ ဝေလို့… လက်ကလည်း ဟင်းတွေကို ကျွန်တော်တို့ ပန်းကန်တွေထဲ ခပ်ထည့်ပေးနေတယ်။

ထမင်းပန်းကန်ထဲ ဆမ်းထည့်ထားတဲ့ ပဲဟင်းနဲ့ ထမင်းကို နယ်လိုက်တော့ နှာခေါင်းထဲ အောက်သိုးသိုးအနံ့လို အနံ့တမျိုး ရလာတယ်…။ စိတ်ထင်လို့ ဖြစ်မှာပါလေ ဆိုပြီး ဆက်စားတယ်… ၀က်အူချောင်းတဖတ်ကို ကိုက်လိုက်တဲ့အခါ ဆီချေးနံ့က ထောင်းကနဲပဲ…။ မျိုမချနိုင်လို့ အသာ ပြန်ထုတ်ပြီး အိမ်ရှင် အမျိုးသမီး အလစ်မှာ ထမင်းတချို့နဲ့ ဖုံးပြီး ပန်းကန်ဘေးမှာ ပုံထားလိုက်ရတယ်…။ ဒါဆိုလည်း ငါးပိကြာ်လေးနဲ့ပဲ ထမင်း တလုပ် နှစ်လုပ်ဝင်အောင် ဆက်စားလိုက်ပါမယ်လေ လို့ အားနာနာနဲ့ ငါးပိကြော် တဇွန်း ခပ်ယူလိုက်တယ်…။ ကြက်သွန်ဖြူကြော် အ၀ိုင်းလေးတွေနဲ့ ငါးပိကြော်ကတော့ အဆင်ပြေလောက်မှာပါ လို့ တွေးပြီး ပါးစပ်ထဲ အထည့်… အခုနကလိုပဲ ဆီချေးနံ့လိုလို ဟောင်းနေတဲ့ အောက်သိုးသိုး အနံ့မျိုး ရလာပြန်တယ်…။ ပြီးတော့ ကြက်သွန်ဖြူကြော်တွေရဲ့ ပျဉ်းတွဲတွဲ စေးကပ်ကပ် အထိအတွေ့…။ အဲဒါတွေကို ဘယ်လိုမှ မျိုချလို့ မရပဲ ဒုက္ခနဲ့ လှလှနဲ့ တွေ့နေတုန်း အိမ်ရှင်အမျိုးသမီးရဲ့ လက်ကိုင်ဖုန်းက အသံမြည်လာလို့ ဖုန်းသွားပြောချိန်နဲ့ အံကိုက်မှာ တိုင်ပင်ထားသလိုပဲ… ကျွန်တော်တို့ လင်မယားနှစ်ယောက်စလုံး ထမင်းပန်းကန် ကိုယ်စီကိုင်ပြီး ထမင်းဝိုင်းကနေ ပြိုင်တူ ဆတ်ကနဲ ထလိုက်ကြတယ်…။ အဲ… အိမ်ရှင်အမျိုးသားကတော့ ခပ်အေးအေးပဲ ဘာမှ မဖြစ်သလိုပဲ ထမင်းတွေ ဆက်စားနေတာတွေ့တော့ ကျွန်တော်ဖြင့် အံ့သြလို့ကို မဆုံးဘူး…။

သွန်စရာရှိတာတွေကို တွေ့တဲ့ အမှိုက်ပုံးထဲ ကဗျာကရာ သွန်ထည့်ပြီး အိမ်ရှင် အမျိုးသမီး ထမင်းဝိုင်းနား ပြန်မ၀င်လာခင်မှာပဲ ထမင်းစားခြင်းအမှုကို ခပ်မြန်မြန် လက်စသတ်လိုက်ကြတယ်။

ပြောလက်စနဲ့ ဆက်ပြောရရင် ထမင်းစားအပြီး ရေနွေးကြမ်းဝိုင်းမှာကလည်း မာဆတ်ဆတ် အေးစက်စက် ကောက်ညှင်းရွှေကြည်၊ ပြီးတော့ ပျော့တွဲတွဲ အကြော်စုံရယ် ညစ်ထပ်ထပ် အရောင်အဆင်းရှိတဲ့ ပုဇွန်ခြောက်ရယ်နဲ့ ရောနှောထားတဲ့ လဖက်သုပ်… ဒါတောင် အိမ်ရှင် အမျိုးသမီးက ပြောသေးသဗျာ… ဒါ ရွှေပုဇွန်ခြောက်တဲ့… အရသာက သိပ်ချို သိပ်ကောင်း ဆိုပဲ…။ ကျွန်တော်တို့ လင်မယားနှစ်ယောက်လည်း ရေနွေးကြမ်းပူပူတွေပဲ ဖိသောက်ပြီး ပြန်မယ်အလုပ်မှာ အိမ်ရှင် အမျိုးသမီးက စကားစလာတယ်…။

တခြားတော့ မဟုတ်ပါဘူး…. သူတို့ ခရီးသွားနေတဲ့ အချိန် တလခွဲအတွင်းမှာ သူတို့ အိမ်က အလှမွေးငါးတွေကို အစာကျွေးပေးဖို့ ငါးကန်ကို ကျွန်တော်တို့အိမ်ကို ရွှေ့ထားချင်ပါသတဲ့ ခင်ဗျ…။ ပြီးတော့ ငါးတွေဟာ အဖိုးတန် ငါးတွေ ဖြစ်တဲ့အတွက် ငါးကန်အတွက် မီးချောင်းကို နှစ်ဆယ့်လေးနာရီ ထွန်းထားပေးရပါမယ် တဲ့… အဲ… ငါးစာကိုတော့ သူတို့ အသင့်ဝယ်ထားပါသတဲ့… အကယ်၍များ ငါးစာ ကုန်သွားခဲ့သည်ရှိသော် တိုက်နံပါတ် --- အောက်က ငါးဆိုင်မှာ စေတနာလျောက် ၀ယ်ယူ ကျွေးမွေးထားနိုင်ပါတယ်တဲ့ ခင်ဗျ…

ကိုင်း… ကောင်းကြသေးရဲ့လားဗျာ…
လက်စသတ်တော့ ကျွန်တော်တို့ကို ညစာ ထမင်းဖိတ်ကျွေးတာ အဲဒါကြောင့်ကိုး လို့ အခုမှ သဘောပေါက်သွားတယ်…။ ကျွန်တော်တို့လည်း မကြာသေးခင်လေးကမှ ကြိတ်မှိတ်မျိုချထားခဲ့ရတဲ့ အောက်သိုးသိုး ထမင်းလုပ်တချို့ရယ် လက်ထဲကိုင်ထားတဲ့ သောက်လက်စ ရေနွေးကြမ်းခွက်ရယ်နဲ့ ငြင်းရတခက် ယူရတခက်နဲ့ လက်ပူးလက်ကြပ်ကြီးတွေကို ဖြစ်လို့ဗျာ…။

အိမ်ရှင်အမျိုးသမီးကတော့ ကျွန်တော်တို့ မငြင်းလောက်ဖူးဆိုတာ အပိုင်တွက်ထားပုံပဲ…။ သူ့ယောက်ျားကို "မောင်ရေ… ကို--- နဲ့ မ--- တို့က ခင်တို့ ငါးလေးတွေကို မွေးပေးထားမယ်တဲ့… ငါးကန် ရွှေ့ဖို့ ပြင်ပါအုံး… လောလောဆယ် ငါးလေးတွေကိုတော့ ရေပုံးတခုနဲ့ သပ်သပ်ထည့်ထားကြတာပေါ့…" လို့ အသံချိုလွင်လွင်လေးနဲ့ လှမ်းပြောနေသဗျ…။ ကျွန်တော့ မိန်းမကတော့ မျက်နှာတော်တော်ပျက်နေပြီး ကျွန်တော့ကို ကုလားထိုင်အောက်ကနေ ခြေထောက်ချင်းတို့ပြီး မသိမသာ အချက်ပြတယ်…။ ကျွန်တော်လည်း ဘာပြန်ပြောရမလဲ စဉ်းစားနေတုန်းမှာ အိမ်ရှင်အမျိုးသမီးက မီးဖိုခန်းထဲကနေ ကျွတ်ကျွတ်အိတ် အထုတ်ကြီးတထုပ်ကိုင်ပြီး ထွက်လာပြန်တယ်…။ ပြီးတော့ ကျွန်တော်တို့အနားကို လာချပေးရင်း ပါးစပ်ကလည်း ဒါတွေဟာ စားသောက်ဖွယ်ရာတွေဖြစ်ပြီး ကျွန်တော်တို့အိမ်အတွက် လက်ဆောင်လို့ ရှင်းလင်း ပြောပြနေသေးတယ်…။

အိတ်ထဲကို တစွန်းတစ လှမ်းမြင်ရသလောက်ကတော့ ဖေါက်လက်စ မကြော်ရသေးတဲ့ ငါးမုန့်ကြော်ထုပ်၊ ပုန်းရည်ကြီးထုပ်၊ မြောင်းမြဒေါ်ချို မုန့်ဟင်းခါးထုပ်၊ သုံးလက်စ ငြုတ်သီးမှုန့်ထုပ်၊ ပဲကြာဆံ ဆန်ကြာဆံထုပ်တွေ၊ တ၀က်တပျက် သုံးထားတဲ့ ကုလားပဲ၊ မွှေး ပဲမှုန့်အကျက်…။ ဒါတင်မကသေးဘူးဗျ… ရေခဲသေတ္တာထဲက အခုမှ ထုတ်ယူလာဟန်တူတဲ့ စိုစိစိ ပန်းသီး လေး ငါးလုံး၊ လိမ်မော်သီး သုံးလုံး၊ ကီဝီသီး တဗူးနဲ့ စပျစ်သီး ဗူးတ၀က်ခန့်တွေလည်း ပါလာသေးတယ်…။ ဒါတွေကို အိမ်မှာ တလခွဲ ဒီတိုင်းထားပစ်ခဲ့မယ့်အစား အမှန်တကယ် စားသုံးမယ့်သူတွေရဲ့ လက်ထဲ ပေးထားခဲ့တာ ကုသိုလ်ရတာမို့ အခုလို စီစဉ်ရတာ ဖြစ်ကြောင်း… မဟုတ်လဲ အပြင်က ၀ယ်စားနေရမယ့် အတူတူ သူပေးတာကို ယူလိုက်စေချင်ကြောင်း… သူဟာ အကျွေးအမွေး အပေးအကန်းမှာ လွန်စွာ ရက်ရောသူ တယောက်ဖြစ်ကြောင်း၊ လူတဖက်သားအပေါ်မှာ အန်မတိ အင်မတန် စေတနာ သဒ္ဒါတရား ကြွယ်ဝတတ်သူတယောက်ဖြစ်ကြောင်း… စကားလုံးလှလှတွေ စီကာပတ်ကုံး ပြောနေသေးတာ…။

ကျွန်တော်တို့ လင်မယားနှစ်ယောက်လည်း တယောက်မျက်နှာ တယောက်ကြည့်ရင်း၊ ကျွန်တော်တို့ရှေ့မှာ ရောက်နေတဲ့ နည်းနည်းနောနောမဟုတ်တဲ့ လက်ဆောင်ထုပ် ဆိုတာကြီးကို ကြည့်ရင်း ငြင်းစရာ စကားလုံး ရှာမရဖြစ်နေတယ်… ခက်ပုံ ခက်နည်းက ဟင်းပွဲပေါင်းများစွာနဲ့ ထမင်းဝိုင်းကြီးကလည်း ကျွန်တော်တို့ရှေ့မှာ လောလောလတ်လတ်ကြီး ရှိနေသေး… ပြီးတော့ လက်ထဲမှာ ကိုင်ထားတဲ့ သောက်လက်စ ရေနွေးကြမ်းပန်းကန်… တလုပ်စားဖူး သူ့ကျေးဇူးဆိုတဲ့ မြန်မာစကားပုံ… ဘယ်ကစလို့ ဘာစကား ပြန်ပြောရမှန်းမသိပဲ မျက်နှာတွေ ခပ်ပျက်ပျက်နဲ့ အိုးတိုး အမ်းတမ်းကြီးတွေကို ဖြစ်ရော….

အေးဗျာ… ဒီလိုနဲ့ နောက်ဆုံးမှာတော့ တပေခွဲလောက်ရှိတဲ့ မီးချောင်း နှစ်ချောင်းပါဝင်တဲ့ ငါးကန်ကြီး… ဟိုလက်ဆောင်ထုပ်ကြီးနဲ့ အတူ ကျွန်တော်တို့ အိမ်ရောက်လာပါလေရော…။ သူတို့လင်မယားက ငါးကန်ကြီးနဲ့ စင်ကို တကြိမ်၊ ငါးတွေ ထည့်ထားတဲ့ ရေပုံးနဲ့ ငါးစာတွေ၊ ငါးကန်မှာ ဆင်ရတဲ့ Filter တွေနဲ့အတူ အစောက ပြောခဲ့တဲ့ လက်ဆောင်ထုပ်ကြီးရယ်ကို တကြိမ် အိမ်အရောက် လိုက်ပို့ပေးသွားသဗျ…။



သူတို့လင်မယား ပြန်သွားကြပြီး ကလေးတွေကတော့ အဖေ အမေတွေရဲ့ အရိပ်အကဲကို နည်းနည်းမှ သတိထားမိကြပုံ မပေါ်ဘူး၊ ကစားစရာ အသစ်တခုရသလိုပဲ… ငါးကန်ဘေးမှာ ၀ိုင်းနေကြရင်း ငါးစာကျွေးဖို့ သူ့အလှည့် ကိုယ့်အလှည့် ငြင်းခုံ လုယက်ပြီး အချိန်ခွဲနေကြလေရဲ့…။ ကျွန်တော်ကတော့ ငါးကန်က မီးချောင်းတွေ ၀ပ်ဘယ်လောက်ရှိလဲ… ရေသန့်တဲ့ Filter ကရော ၀ပ်ဘယ်လောက်ရှိမလဲ… တနာရီကို မီတာ ဘယ်လောက် စားမလဲ… နှစ်ဆယ့်လေးနာရီဆို ဘယ်လောက်… တလခွဲဆိုရင် ဘယ်လောက်ဖြစ်သွားမလဲ… စသည်ဖြင့် စိတ်တွက်နဲ့ အလုပ်များနေတုန်းမှာ မိန်းမကတော့ မီးဖိုခန်းထဲမှာ အခုနက လက်ဆောင်ထုပ်ထဲက ပစ္စည်းတွေကို တခုချင်း အမှိုက်ပစ်တဲ့ အပေါက်ကနေ (စိတ်ဆိုး မာန်ဆိုးနဲ့) တဒုန်းဒုန်း တဒိုင်းဒိုင်း အသံတွေ မမြည် မြည်အောင် ကြိုးစားပမ်းစားလုပ်ပြီး ပစ်ချနေလေရဲ့….

အဲ့လိုပါ…
မပြောချင်ဘူး မပြောချင်ဘူး… ပြောကို မပြောချင်ဘူး ဆိုတာ တကယ်တော့ ပြောကို ပြောချင်လွန်းလို့ အစပြုတဲ့ စကားပါဗျာ…။




မှတ်ချက် - ၂၀၁၃ ဧပြီလ - စတိုင်သစ် (New Style) Magazine တွင် ဖေါ်ပြပြီး ဖြစ်သည်။

Saturday, November 10, 2012

ဟင်းချက်သောနေ့ (၂)

ယနေ့ကြွလာ မိတ်သဟာ ချမ်းသာ ကိုယ်စိတ်မြဲပါစေ…
ခရီးတိုလေးတခု သွားဖို့ နားရက်အနည်းငယ် ယူထားလို့ လူက အလိုလိုနေရင်း အပျော်ကြီး ပျော်နေပါတယ်…
ဘယ်သွားမှာလဲ ဆိုရင်တော့ တိမ်တိုက်တွေ၊ တောင်တန်းတွေ၊ ပင်လယ်ပြာပြာတွေနဲ့ နီးစပ်ခွင့်ရနိုင်မယ့် နေရာတခု ဆိုပါစို့….

နားရက်တွေထဲက ဒီနေ့ Day (1) အနေနဲ့ အိမ်ရှင်းပါတယ်… ပြီးတော့ ဈေးမသွားပဲ ရေခဲသေတ္တာထဲမှာ ရှိသမျှတွေကို စုစည်းပြီး ဟင်းဖြစ်အောင် ကြံဖန် စီမံပါတယ်။ ပြောရရင် မိဘနှစ်ပါး ရန်ကုန်ပြန်သွားပြီးထဲက အိမ်မှာ ခေါက်ဆွဲပြုတ် တလှည့် ကြက်ဆီထမင်း တလှည့် အပြင်ထွက်စားတာ တလှည့်နဲ့ ဖြစ်သလို စီစဉ် စားသောက်နေရာကနေ ဒီနေ့ မနက်မှာ ဖဘက ဟင်းလျာတွေ ကြည့်၊ ဗစ်ရဲ့ အုန်းနို့ခေါက်ဆွဲကို ကြည့်၊ တီတီဆွိရဲ့ ရခိုင်မုန့်တီတွေ ကျောက်ကျောတွေ ကြည့်အပြီးမှာ လူက အလိုလိုနေရင်း ချက်ချင် ပြုတ်ချင်စိတ်တွေ ပေါ်ပေါက်လာပါတယ်…။

ဒီလိုနဲ့ ရေခဲသေတ္တာထဲ မွှေလိုက်တဲ့ အခါမှာ ပထမဆုံး ကြိတ်ထားပြီးသား ၀က်သားအကြေတွေ တွေ့ပါတယ်။ ပြီးတော့ မေမေယူလာတဲ့ သေးသေးလှီးထားပြီးသား မျှစ်ချဉ်တချို့ကို တွေ့တော့ အိမ်မှာ အနံ့ နံချင်လည်း နံပါစေတော့လေ ဆိုပြီး ၀က်သားအကြေနဲ့ ခုနက မျှစ်ချဉ်လေးတွေကို ငရုတ်သီး စပ်စပ်နဲ့ ကြော်ပါတယ်…

ကျန်တဲ့ ၀က်သားအကြေတွေကို ကြက်သွန်ုဖြူ ဂျင်းနဲနဲ ကြက်ဥတလုံး Tempura မှုန့်တို့ ရောနယ်ပြီး ၀က်သားလုံး (ပြား) ကြော် ကြော်လိုက်ပါတယ်…။ ပုံထဲမှာ ၀က်သားလုံးကြော်တွေနားမှာ တွေ့ရတဲ့ စိမ်းစိမ်းတွေက ဆလတ်ရွက် တချို့ပါ။ ဓါတ်ပုံထဲမှာ လှအောင် တမင်သက်သက် လှီးထည့်ထားတာပါ...

အသီးအရွက် တခုခု ချက်ဖို့ စဉ်းစားတော့ ဘူးသီးတလုံး တွေ့ပါတယ်…။ ဒါနဲ့ ဘူးသီးကို ကလေး လူကြီးမရွေး သုံးဆောင်နိုင်ဖို့ အဖြူထည် အချိုချက်ကို အိမ်က ပို့ပေးထားတဲ့ ငါးခူမွှေနဲ့ ချက်ပါတယ်။ မျှစ်ချဉ်နံ့ လွှမ်းမိုးနေတဲ့ မီးဖိုချောင်ကို စပါးလင်နံ့နဲ့ ရောနှောသွားစေခြင်း အလို့ငှာ ဘူးသီးဟင်းထဲကို စပါးလင် တချောင်း ထုထည့်လိုက်ပါတယ်…။


ဒီလိုလေး ဆိုတော့ ဟင်းစပ်တည့်တယ်လို့ ထင်ရပါတယ်…။

ဒါတွေတင်ပဲလားဆိုတော့ မဟုတ်ပါဘူး…
မချက်ရင် အရှင်း ချက်ရင် ရပ်လို့မရတော့တဲ့ အန်တီသက်ဝေဟာ ရေခဲသေတ္တာထဲမှာ ထောပတ်အသစ် တခဲရယ် အုန်းနို့ တထုပ်ရယ် စားပွဲပေါ်မှာ အမှည့်ခံထားတဲ့ ငှက်ပျောသီးတဖီးရယ်ကို တွေ့လိုက်တဲ့အတွက် ခေါင်းထဲမှာ မီးသီးလေး တလုံး လက်ကနဲ လင်းသွားပါတယ်။ အုန်းနို့က အမှန်ဆို အုန်းနို့ကျောက်ကျော လုပ်စားချင်လို့ ၀ယ်ထားတာပါ… အဲဒီအတွက် ကျောက်ကျောအမှုန့်ထုပ်လေးတွေလည်း အဆင်သင့်ရှိနေပါတယ်။ ဒါပေမယ့် ကျောက်ကျောထုပ်က အထားခံသေးတယ်… ငှက်ပျောသီးက အထားမခံဘုးလို့ တွေးပြီး ငှက်ပျောသီး ဆနွင်းမကင်း လုပ်ဖို့ ပြင်ပါတော့တယ်…


ပါဝင်တဲ့ပစ္စည်းတွေကတော့ တွေ့တဲ့အတိုင်းပါပဲ... လုပ်ရတာလည်း အရမ်းလွယ်ပါတယ်... အားလုံး ရောနယ်ပြီး ဗန်းကို ထောပတ်သုပ်ပြီး အာဗင်ထဲ ၁၅၀ ဒီကရီနဲ့ တနာရီ ထည့်လိုက်တာပါပဲ...။ ဒီတခါတော့ အိမ်မှာ အဆင်သင့်ရှိနေတဲ့ မွှေး ရွှေကြည်မှုန့် အနည်းငယ်လည်း ထည့်လိုက်ပါတယ်… ဘိန်းစေ့ကတော့ ထည့်ဖို့ မေ့သွားတယ်... ဒါပေမယ့်လည်း စားလို့ တော်တော်လေး ကောင်းပါတယ်…

ဒီလောက်နဲ့တင် အရှိန်သတ်လို့ မရနိုင်သေးတဲ့အတွက် ကျန်နေတဲ့ ထောပတ် တ၀က်နဲ့ Short Bread လို့ ခေါ်တဲ့ နံကထိုင် ဆက်လုပ်ပါတယ်… အာဗင်သုံးတာ မီတာ အတော်တက်တတ်တာမို့ မျက်စောင်းထိုးနေတဲ့ သူ့ကို ရဲရဲဝံ့ဝံကြီး မသိချင်ယောင် ဆောင်ရင်း Short Bread အတွက် ဆက်လက်ပြင်ဆင်ပါတယ်… လုပ်နည်းကတော့ Youtube မှာကြည့်ပါတယ်… Evy ဆီကလည်း ကြည့်ပါတယ်… လှလှပပတွေ ပြင်ဖို့ ဆင်ဖို့ စိတ်မရှည်တတ်တဲ့၊ သပ်သပ်ရပ်ရပ်မရှိပဲ ပြီးစလွယ်လုပ်တတ်တဲ့ ထုံးစံအတိုင်း Short Bread လေးတွေဟာ အတို အရှည် အထူ အပါး မညီကြပါဘူး… တွေ့တဲ့အတိုင်းပါပဲ… အမြင်မလှပေမယ့် အရသာကတော့ ထူးထူးခြားခြား ကောင်းမွန်ပါတယ်...


အားလုံး ချက်ပြုတ် ပြီးစီးတော့ ရေချိုး ထမင်းစား လုပ်ထားတဲ့ မုန့်တွေ ဆက်စား…. ပြီးတော့ Download ချစရာ မလိုပဲ တိုက်ရိုက်ကြည့်လို့ရတဲ့ Watch32 ကနေ မကြည့်စဖူး ရုပ်ရှင် တကား တိတိ ကို လဖက်တဗူး ဘေးချလို့ ပြီးဆုံးအောင် ကြည့်လိုက်ပါတယ်…။ ရုပ်ရှင်နာမည်က Last Night ပါ… ပေ့ါပေါ့ပါးပါး အချစ်ဇာတ်လမ်းလေးတခုပါပဲ…။ အိမ်ထောင်ရေးမှာ အရေးကြီးတဲ့ သစ္စာတရား နဲ့ ထိန်းချုပ်နိုင်စွမ်းအားကို လှလှပပလေး ပြသွားတဲ့ ဇာတ်ကားလေးပါ…။ ကြည့်ရတာ ချစ်စရာ ကောင်းပါတယ်…။

ရုပ်ရှင်ကြည့်ပြီးတော့ ဒီပိုစ့်ကို ရေးပါတယ်…
ယနေ့ကြွလာ မိတ်သဟာ ချမ်းသာ ကိုယ်စိတ်မြဲပါစေ… (အလဲ့)




Thursday, November 8, 2012

ညနေ သုံးနာရီ


အမှန်ဆိုရလျှင် ညနေ သုံးနာရီဟူသော အချိန်သည် တဆိတ်တော့ ကိုးလိုး ကန့်လန့်နိုင်လှသော အချိန်တခုသာ…။ ညနေ သုံးနာရီသည် တခုခုကို ပြုလုပ်ရန် အနည်းငယ် နောက်ကျ နေပြီဟု တွေး၍ ရနိုင်သလို အနည်းငယ် စောနေသေးသည် ဟု တွေး၍ ရနိုင်သော အချိန်လည်း ဖြစ်သည်။ ထို့အပြင် ညနေ သုံးနာရီသည် ရှေ့တိုးရမလို နောက်ဆုတ်ရမလိုနှင့် မတင်မကျဖြစ်နေသော ခံစားမှုတခုကို ပေးစွမ်းနိုင်သည့် အချိန်ဟုလည်း ကိုယ်ပိုင် ခံစားချက်တခုအနေဖြင့် ကောက်ချက်ချ ကြည့်ချင်ပါသည်။

ညနေ သုံးနာရီ…
အလုပ်နားရက်များတွင် နေ့လည်စာ စားအပြီး အိပ်ရာပေါ်တွင် စာအုပ်တအုပ်နှင့် လှဲခွေနေရာမှ မျက်လုံးများ မှေးစင်းကာ အိပ်ချင်လာသော အချိန်သည် ညနေ သုံးနာရီ ဖြစ်သည်။ အလုပ်တက်ရသော နေ့ရက်တိုင်းတွင် အလွန်တရာ ပျင်းရိစွာဖြင့် အိပ်ငိုက်ချင်နေသောအချိန်သည် ညနေ သုံးနာရီ ဖြစ်သည်။ အစည်းအဝေးတခုတွင် ကြားဖြတ် အနားယူပြီး ကော်ဖီသောက်ရန် အချိန်သည် ညနေ သုံးနာရီ ဖြစ်သည်။ ကောင်မလေးတယောက်က ကောင်လေးတယောက်ကို ချစ်အဖြေပေးရန် သာယာလှပသော ပန်းခြံတခု (သို့မဟုတ်) တနေရာရာသို့ ချိန်းဆို ခေါ်ယူသောအချိန်သည် ညနေ သုံးနာရီ ဖြစ်သည်။ မျက်မမြင် လူမည်း အဆိုတော် Stevie Wonders ၏ I just called to say I love you သီချင်း ရေဒီယိုမှာ လာလေ့ရှိသော အချိန်သည် ညနေ သုံးနာရီ ဖြစ်သည်။ အိမ်အနီးရှိ မူလတန်းကြို ကျောင်းတကျောင်းမှ ကလေးများ ပတ်ဝန်းကျင် လေ့လာရေးအတွက် နှစ်ယောက်တတွဲ လက်ချင်း ချိတ်ကာ လျှောက်သွားကြသော အချိန်သည် ညနေ သုံးနာရီ ဖြစ်သည်။

တိုက်တိုက်ဆိုင်ဆိုင် အိမ်ရှေ့မှ ဖြတ်သွားသော ကောင်မလေးတယောက် ၀တ်ဆင်ထားသော တီရှပ် နောက်ကျောမှာ ရေးဆွဲထားသော နာရီပုံတွင် ညွှန်ပြနေသော လက်တံသည် ညနေ သုံးနာရီ ဖြစ်သည်။ နှစ်ပေါင်းများစွာ ဝေးကွာနေခဲ့သော ရပ်ဝေးမှ သူငယ်ချင်းတယောက် ဖုန်းဆက်လာသော အချိန်သည် ညနေ သုံးနာရီ ဖြစ်နေပြီး သူနှင့် တွေ့ဆုံကာ စကားပြောရန် ချိန်းဆိုသော အချိန်မှာလည်း လာမည့် သောကြာနေ့ ညနေ သုံးနာရီပင် ဖြစ်နေခဲ့သည်။ စိတ်လှုပ်ရှားဖွယ် အိမ်ပြန်ခရီးတခုတွင် လေယာဉ်ပြေးလမ်းပေါ်သို့ လေယာဉ်ပျံ ဘီးချသော အချိန်သည် ညနေ သုံးနာရီ ဖြစ်သလို အိမ်ရှေ့မှ အနီရောင် စာတိုက်ပုံးထဲသို့ (မျှော်နေသော) စာများ ရောက်လာတတ်သော အချိန်မှာလည်း ညနေ သုံးနာရီ ပင်ဖြစ်သည်။ မွေးနေ့တွင် ချစ်သူ ခင်သူများဆီမှ လက်ဆောင်များ ပန်းစည်းများ လက်ခံရရှိသော အချိန်၊ အလုပ်နှင့်ပတ်သက်သော ကောင်းသတင်းများ၊ မိသားစုနှင့်ပတ်သက်သော ၀မ်းမြောက်ဖွယ်သတင်းများ ကြားရသော အချိန်တွေသည်လည်း အံ့သြဖွယ်ကောင်းလောက်အောင် တိုက်တိုက်ဆိုင်ဆိုင် ညနေ သုံးနာရီတွေမှာ ဖြစ်နေလေသည်။

ထိုမျှသာမက အချစ်ဆုံးသူငယ်ချင်းတယောက်၏ မိခင်ဖြစ်သူ ကွယ်လွန်ကြောင်း သတင်းကို သိရသော အချိန်သည် ညနေ သုံးနာရီ ဖြစ်သည်။ စီးနင်းလာသော အငှားကား လမ်းခုလတ်တွင် ဘီးပေါက်ကာ ရပ်တန့်သွားသော အချိန်သည် ညနေ သုံးနာရီ ဖြစ်နေသေးသည်။ သုံးလက်စ ကွန်ပျူတာလေး အမည်းရောင် စကရင်ကြီး ဖြစ်ပြီး ရုတ်တရက် ပျက်စီးသွားသော အချိန်သည် ညနေ သုံးနာရီ ဖြစ်သည်။ ရေးလက်စ ဘောပင် မှင်ကုန်သွားသော အချိန်၊ စိတ်ပါလက်ပါ ဟင်းချက်သောနေ့က ဟင်းအိုး ရေခန်းကာ တူးကပ်သွားသော အချိန်၊ ရေချိုးခန်းထဲမှာ ရေပိုက် ပိတ်ပြီး ရေတွေ လျှံကျလာသောအချိန်… စသည့် သေးသေးမွှားမွှား ဖြစ်ရပ်များကို ကြုံတွေ့ခဲ့ရသော အချိန်သည်လည်း ပြောရရင် ညနေ သုံးနာရီသာ…။

ပြောခဲ့သလိုပင်…
ဘ၀မှာ ကောင်းခြင်း ဆိုးခြင်းများ ရောနှောနေသော ညနေ သုံးနာရီပေါင်း များစွာကို လက်ခံ ကြုံဆုံခဲ့ရဖူးသည်။ ထို ညနေ သုံးနာရီများကို ချစ်သည်လည်း မဟုတ်… မုန်းသည်လည်း မဟုတ်… သို့သော်လည်း စိတ်ထဲတွင် မှတ်မှတ်ရရ သတိတော့ ထားဖြစ်နေသည်မှာ အသေအချာ…။ နေ့ရက်တွေတိုင်းမှာ ညနေ သုံးနာရီနားနီးလာလျှင် လက်မှာ ပတ်ထားသော နာရီကို အလိုလိုနေရင်း ငုံ့ကြည့်ဖြစ်သည်။ အနည်းဆုံး မော်နီတာ ညာဖက် အပေါ်ထောင့်မှ ဂဏန်းလေးများဖြင့် ပြသော နာရီကို ကြည့်မိတတ်သည်။ မည်မျှပင် အလုပ်များနေစေကာမူ ညနေ သုံးနာရီတ၀ိုက်တွင် စိတ်က အလိုလိုနေရင်း နာရီကို သတိထားကာ ကြည့်မိနေတတ်သည်။ စကားဝိုင်းတခုတွင် ထိုအကြောင်းကို စကားစပ်၍ ပြောပြဖြစ်သောအခါ ညနေ သုံးနာရီများကို စွဲလမ်းသော ပြဿနာ… ဟု မိတ်ဆွေတယောက်က ကောက်ချက်ချဖူးသည်။ သူ ပြောတာ ဟုတ်ပါလိမ့်မည်…။

ညနေ သုံးနာရီကို သည်မျှ စွဲလမ်းသူ တယောက်ကို မျှော်လင့်မထားသော အဖြစ်အပျက်တခုနှင့် တိုက်ဆိုင် ကြုံတွေ့ခဲ့စေသော အချိန်သည် ညနေ သုံးနာရီ ဖြစ်သလို ထိုအဖြစ်အပျက်၏ နောက်ဆက်တွဲ ဟု ဆိုနိုင်သော အဖြေ ရလာဒ်တခုအတွက် စိတ်နှလုံး ပင်ပန်း မောဟိုက်စွာ စောင့်မျှော်ရန် ချိန်းဆိုခံလိုက်ရသော အချိန်သည်လည်း တိုက်တိုက်ဆိုင်ဆိုင် ညနေ သုံးနာရီသာ ဖြစ်လို့ နေခဲ့လေသည်။

ဘုရားရေ… အခု ညနေ သုံးနာရီထိုးရန် မိနစ်အနည်းငယ်သာ လိုတော့သည်…။
လက်ထဲမှ လက်ပတ်နာရီ၊ နံရံပေါ်မှ တိုင်ကပ်နာရီ၊ လက်ကိုင်ဖုန်းမှာ ပေါ်နေသော နာရီ… ထိုနာရီများ အားလုံးသည် သုံးနာရီထိုးရန် မိနစ်အနည်းငယ်သာ လိုတော့ကြောင်း တညီတညွတ်တည်း ပြသနေကြသည်။ မကြာခင်မှာ တခုခုကို သေသေချာချာ သိရတော့မည်…။ အဖြူ အမည်း သဲကွဲတော့မည်…။ စိတ်လှုပ်ရှားစွာဖြင့် လက်ဖ၀ါး အချင်းချင်း မသိမသာ ပွတ်တိုက် နေမိသည်။ လက်ချောင်းများ၏ အေးစက်သော အထိအတွေ့ကို လျှစ်လှူရှုကာ မသိလိုက် မသိဖာသာ ထားချင်သော်လည်း မရ…။ လေအေးပေးစက်ကြောင့် လက်ဖျားတွေ လိုသည်ထက် ပိုအေးနေသည်ဟု တဖက်သတ် ကောက်ချက်ဆွဲလိုက်သည်။

အခန်းကျယ်ကြီး တခုထဲမှာ ဟိုလျှောက် ဒီလျှောက် လျှောက်နေကြသူများ၊ မိုးတိုးမတ်တပ် ရပ်နေကြသူများ၊ ကောင်တာတွင် ငွေရှင်းရန် စောင့်နေကြသူများ၊ ကော်ဖီဖျော်စက်မှာ ကော်ဖီယူသောက်ရန် တန်းစီနေသူများ၊ စကားစမြည် ပြောဆိုနေကြသူများ၊ တိတ်ဆိတ်ငြိမ်သက်စွာ ထိုင်နေကြသူများ များစွာ ရှိနေသည်။ ထိုလူများ အကြားမှာ မိမိနာမည်ကို ခေါ်လျှင် မကြားလိုက်မည်စိုးသောကြောင့် နားကို အတတ်နိုင်ဆုံး စွင့်ရင်း အသံတွေတိုင်းကို အာရုံစိုက်နေမိသည်။ ကိုယ့်နာမည်ခေါ်လျှင် ချက်ချင်း ထသွားနိုင်ရန်လည်း ခါးကို မတ်ကာ ခန္ဒာကိုယ်ကို အသင့် အနေအထားဖြင့် ပြင်ထိုင်လိုက်မိသည်။ မတည်ငြိမ်သော စိတ်အတွေးတို့ဖြင့် နာရီကို နောက်တခါ ထပ်ကြည့်လိုက်သောအခါ နာရီလက်တံများသည် သုံးနာရီထိုးရန် နှစ်မိနစ်သာ လိုတော့သည်ဟု ညွှန်ပြနေကြသည်။ သက်ပြင်းတချက်ကို ဖြေးညှင်းစွာ ချနေချိန်မှာ နာမည်ခေါ်သံကို ပီပီသသ ကြားလိုက်ရသည်…။ လာပါပြီ… လာပါပြီ… ဟု ပါးစပ်က ရေရွတ်ရင်း တချိန်တည်းမှာ လူကလည်း မိမိသွားရမည့် အခန်းဝသို့ သွက်လက်စွာ ရောက်သွားခဲ့သည်။

အခန်းတံခါးကို တွန်းဖွင့်ကာ ၀င်သွားလိုက်ပြီး သူတို့ ညွှန်ပြရာ စားပွဲဘေးမှ ထိုင်ခုံတွင် အသာအယာ ၀င်ထိုင်လိုက်သည်။ စားပွဲတဖက်မှာ ထိုင်နေသော ရုပ်ရည် သန့်ပြန့်ကာ အထင်ကြီး လေးစားချင်စရာ၊ အားကိုးချင်စရာ တည်ငြိမ် အေးချမ်းသော အသွင်အပြင်ရှိသူ ဆရာဝန်ကြီးက နှစ်လိုဖွယ် အပြုံးနှင့် အတူ နှုတ်ဆက်လေသည်။ နှစ်သိမ့်ပြုံးလေလား… အားပေးပြုံးလေလား… မ၀ံ့မရဲတွေးမိစဉ်မှာ အာရုံတွေ မှောင်မိုက် ထွေပြားစွာ အေးခဲနေခဲ့သည်။ မြန်မြန်ပြောလိုက်ပါတော့လား…. အဖြေက ဘာလဲဟင်… ဟု သိချင်ဆန္ဒ ပြင်းပြစွာဖြင့် တဲ့တိုးကြီး မေးချလိုက်ချင်သော်လည်း လည်ချောင်းဝတွင် တစုံတခုက လာရောက် ပိတ်ဆို့နေသလို… အသံက အပြင်သို့ ထွက်မလာ…။

ထိုစဉ် ပရင်တာသံ တဂျစ်ဂျစ်ကို ကြားလိုက်ရသည်။ ဟော… ဒါဆို သိရတော့မည်… တခုခုကို ပြတ်ပြတ်သားသား သဲသဲကွဲကွဲ သိရတော့မည်…။ စားပွဲအောက်မှ အေးစက်နေသော လက်ဖ၀ါးနှစ်ဖက်ကို အချင်းချင်း တင်းကြပ်စွာ ဆုတ်ကိုင်ထားမိသည်။ အကောင်းဆုံးကို မျှော်လင့်ထားသလို အဆိုးဆုံးအတွက်လည်း တွက်ဆ ပြင်ဆင်ထားခဲ့ပြီး ဖြစ်သည်။ သို့သော်လည်း အခုအချိန်မှာတော့ ကြိုးစားပမ်းစား တင်းထားရသော အားအင်များ အကုန် ပျောက်ဆုံးနေကြသည်။ ရင်ထဲမှာ တထိတ်ထိတ် တုန်ခါလျှက် ကိုယ့်ရင်ခုန်သံကို ကိုယ် ပြန်ကြားမိနေသလို…။ ထိုအချိန်မှာပဲ မျက်စိရှေ့မှောက်ကို စာရွက်ဖြူ တစ ရောက်လာခဲ့တာ ဖြစ်သည်…။

ေ၀၀ါးသော မျက်လုံးအစုံက ရုတ်တရက် ဘာကိုမှ မမြင်မတွေ့နိုင် ဖြစ်နေသေးသည်။ မျက်တောင်များကို အနည်းငယ် ပုတ်ခတ် ပုတ်ခတ် လုပ်ရင်း အမြင်အာရုံကို ကြည်လင်စေလိုက်သည်။ မျက်စိအောက်မှ စာရွက်ပေါ်တွင် ရေးထားသော စာလုံးများထဲမှ အရေးကြီးသော စာလုံးတလုံးကိုသာ ကျီးကန်းတောင်းမှောက် ရှာဖွေနေမိသည်…။

“ဟာ…”

ထိုင်နေရာမှ ထမခုန်မိအောင် သတိကြီးစွာ ထားလိုက်ရသည်…။ သို့သော် နှုတ်ဖျားမှ အလိုအလျောက် ထွက်ကျသွားသော ၀မ်းသာ အံ့သြသော အာမေဋိတ်သံ ခပ်ကျယ်ကျယ်ကိုမူ မည်သို့မျှ မထိန်းချုပ်လိုက်နိုင်တော့ချေ။ သူ့ကို ကြည့်ရင်း ကြည်လင်စွာ ပြုံးနေသော ဆရာဝန်ကြီးနှင့် ဘေးနားမှ သူနာပြုဆရာမလေး နှစ်ယောက်ကို တယောက်တလှည့်စီ လိုက်ပြုံးပြရင်း ဘာပြောရမှန်းမသိအောင် ထူးထူးခြားခြား ၀မ်းသာနေခဲ့တာ ဖြစ်သည်။

ရက်ပေါင်း အတန်ကြာ ကြောင့်ကြ စိုးထိတ်ခဲ့ရသော ပူပန်ခဲ့ရသော သောကများစွာ၊ တွေးလိုက်မိသော အချိန်တွေတိုင်းမှာ အရှင်လတ်လတ် အေးခဲ သေဆုံးသွားခဲ့ရသော အကြောက်တရားများစွာ၊ သိလိုသည်များကို ရှာဖွေဖတ်ရှုရင်း စိုးရိမ်စိတ်ဖြင့် တုန်ခါနေသော လက်ထဲမှ လွတ်ကျခဲ့ရသော စာအုပ်ပေါင်း များစွာ၊ လူအများနှင့် မတွေ့မဆုံချင်ပဲ တကိုယ်တည်း အခန်းအောင်းနေခဲ့သော နေ့ပေါင်းများစွာ၊ စားမ၀င်သော နေ့များနှင့် အိပ်မပျော်သော ညပေါင်းများစွာ၊ တရိပ်ရိပ် ကျဆင်းနေသော ကိုယ်အလေးချိန်၊ ပုံမှန်မဟုတ်သော သွေးတိုးနှုန်းများနှင့် သွေးခုန်နှုန်းများ၊ သေချာသလောက် ရှိနေပြီဟု ယူဆပြီး တိတ်တိတ်ကလေး ငိုကြွေးခဲ့ရသော အချိန်များ၊ ဘယ်သူ့ကိုမှ အပြစ်တင်၍ မရ… ဆိုးလှသော ကံကြမ္မာကိုသာ အဖန်တလဲလဲ ပုံချရင်း မောပန်းနွမ်းနယ်ခဲ့ရသော အချိန်များ၊ ပြုခဲ့သော ကုသိုလ် ကောင်းမှုများကို လက်ချိုးရေတွက်ရင်း ဘုရားကိုသာ အာရုံပြုနေခဲ့ရသော အချိန်များ...

အို… အခုအခါမှာတော့ ထိုအရာတွေအားလုံးသည် စာရွက်ဖြူဖြူပေါ်မှ စာလုံးလေးတလုံးအောက်တွင် အငွေ့ပျံကာ ကွယ်ပျောက်သွားကြပြီ ဖြစ်သည်။

ကြည့်ပါအုံး…
ဖေါ်မပြတတ်အောင် နက်ရှိုင်း သိပ်သည်းလှသော အပျော်များ အတွေးများဖြင့် ငြိမ်သက်နစ်မျောသွားသည်မှာ အချိန်ဘယ်လောက်ကြာသွားသည် မသိ…။ ထပ်တူ ၀မ်းသာသော၊ နားလည် စာနာသော အပြုံးများဖြင့် ၀ိုင်းကြည့်နေကြသူများကို တွေ့လိုက်ရတော့မှ လက်ရှိအခြေအနေကို ပြန်လည် သတိရသွားတာဖြစ်သည်။ အပြုံးချိုချိုဖြင့် သူနာပြုဆရာမလေးက ရှေ့မှာ ချထားသော စာရွက်ဖြူလေးကို လေးခေါက် ခေါက်ကာ စာအိပ်ဖြင့် ထည့်ပေးသည်။ ထိုစာအိပ်လေးကို တယုတယ လှမ်းယူလိုက်ရင်း သူတို့အားလုံးကို ကျေးဇူးတင်စကားဆိုရင်း ၀မ်းသာအပြုံးဖြင့် နှုတ်ဆက်ကာ ထိုအခန်းထဲမှ ထွက်လာခဲ့သည်။

တိုက်ဆိုင်မှု ဟု ဆိုရမည်လား… မတော်တဆမှု ဟု ဆိုရမည်လား…
ကူးစက်ဆေးရုံတခုတွင် ၀န်ထမ်းတဦး၏ ပေါ့ဆမှုကြောင့် ဝေဒနာရှင်တဦး၏ လက်ဖျံကြောအတွင်းမှ ထုတ်ယူလိုက်သော သွေးစက်လက်နှင့် ဆေးထိုးအပ်တချောင်း မတော်တဆ လွတ်ကျ လွင့်စင်ပြီး ဘေးနားမှာ ဖြတ်လျှောက်လာသော ကိုယ့်ခြေခုံပေါ်သို့ တည့်တည့်မတ်မတ် စိုက်ဝင် စူးနစ် သွားခဲ့သော အချိန်သည် နွေရာသီတခု၏ ပူစပ်ပူလောင် ညနေခင်း သုံးနာရီ အချိန်မှာ ဖြစ်သည်။ စိုးရိမ် ထိတ်လန့်မှု၊ ကြောက်ရွံ့ တုန်လှုပ်မှု၊ မရေရာ မသေချာမှုတို့ဖြင့် စိတ်ဆင်းရဲ ကိုယ်ဆင်းရဲဖြစ်နေရသော ရက်ပေါင်းများစွာကို ကျော်လွန်လာခဲ့ပြီးနောက် အဖြေမှန်ကို စစ်ဆေးပြီး အစစ အရာရာ သန့်စင် ကင်းရှင်းကြောင်း စာတမ်းပါ စာရွက်ဖြူလေးတရွက်ကို လက်ဝယ်ပိုင်ဆိုင်ခွင့်ရခဲ့သော အချိန်သည်လည်း တိုက်တိုက်ဆိုင်ဆိုင် ညနေ သုံးနာရီ တိတိမှာပင် ဖြစ်နေလေတော့သည်။

အမှန်ဆိုရလျှင် ညနေ သုံးနာရီဟူသော အချိန်သည် တဆိတ်တော့ ကိုးလိုး ကန့်လန့်နိုင်လှသော အချိန်တခုသာ… သို့သော် ညနေ သုံးနာရီတွေတိုင်းမှာ တိုက်တိုက်ဆိုင်ဆိုင် ဖြစ်ပေါ်လာတတ်သော ထူးခြား ဖြစ်စဉ်များကြောင့် ထို ညနေ သုံးနာရီတွေကို အရင်ကထက် ပို၍ စွဲစွဲလမ်းလမ်း သတိပြုမိနေဦးမည်မှာ အသေအချာပင်…



နှစ်နှစ်ပြည့် မျက်ရှု အွန်လိုင်း မဂ္ဂဇင်းအတွက် ရေးဖြစ်တဲ့ အက်ဆေးလေးပါ
ဒီနေရာ မှာလည်း ဖတ်လို့ရပါတယ်…

၂၀၁၃ ဧပြီလ - Look Magazine တွင် ဖေါ်ပြပြီး ဖြစ်သည်။


Monday, November 5, 2012

အသည်း အသက်နဲ့ ထပ်တူ


မနေ့က ညကိုးနာရီခွဲ သတင်းကြေငြာချိန်မှာ ဖြစ်ပါတယ်။
အမှတ်တမဲ့ နားထဲဝင်လာတဲ့ သတင်းကြေငြာသံတခုကြောင့် တီဗီကို လှမ်းကြည့်လိုက်မိပါတယ်…။ တမိနစ်လောက် ရှိတဲ့ သတင်းကြေငြာချက်ကို နားထောင်အပြီးမှာ စိတ်ထဲ ၀မ်းသာ ကြည်နူးသလိုလို၊ ၀မ်းနည်းမိသလိုလို ဝေခွဲမရတဲ့ ခံစားမှုတခုကြောင့် အဲဒီသတင်းနဲ့ ပတ်သက်တဲ့ စာမျက်နှာတချို့ကို လိုက်ရှာပြီး ဖတ်ဖြစ်ပါတယ်…။ အခု အဲဒီသတင်းလေးကို ကြည်နူးစရာ ဇာတ်လမ်းလေးတခုအနေနဲ့ “အသဲ အသက်နဲ့ ထပ်တူ” လို့ ခေါင်းစဉ်တပ်ပြီး ဝေမျှလိုက်ပါတယ်…။ ဇာတ်လမ်းလေးက ဒီလိုပါ…

Su Dan ဟာ အသက် ၃၂ နှစ်အရွယ် အမျိုးသမီးတယောက်ဖြစ်ပြီး ဘေဂျင်းမြို့မှာ နေထိုင်ပါတယ်။ ၂၀၀၂ ခုနှစ်မှာ Tian ဆိုသူနဲ့ အိမ်ထောင်ပြုခဲ့ပြီး ကွန်ပျူတာနဲ့ ပတ်သက်တဲ့ Company တခုကို တည်ထောင်ပြီး အသက်မွေးဝမ်းကျောင်းခဲ့ပါတယ်…။ သူတို့ ဇနီးမောင်နှံမှာ ခြောက်နှစ်အရွယ် သမီးလေးတယောက် ရှိပါတယ်…။ သို့သော် Su Dan တို့ ဇနီးမောင်နှံဟာ သူတို့ Company ရဲ့ စီမံခန့်ခွဲမှုရေးရာကိစ္စတွေနဲ့ ပတ်သက်ပြီး အကြီးအကျယ် စကားများကြရာက စိတ်မြန်လက်မြန်နဲ့ ၂၀၁၂ ဂျူလိုင်လမှာ ကွာရှင်းပြတ်စဲခဲ့ကြပါတယ်…။


အဲဒီလို ကွာရှင်းပြတ်စဲပြီး နှစ်လအကြာမှာ Tian ဟာ အသဲကင်ဆာ (Liver Cirrhosis) ဝေဒနာ ခံစားနေရပြီလို့ သိလိုက်ရပါတယ်…။ ဒီရောဂါအတွက် အသဲအစားထိုးပြီး ကုသဖို့ အသဲ အလှူရှင်တယောက် အရေးတကြီး လိုအပ်နေပါပြီ…။ သို့သော် Tian အရှေ့မှာ အဲဒီလို အသဲအစားထိုး ကုသဖို့ အသဲအလှူရှင်ကို တန်းစီပြီး စောင့်နေကြတဲ့ လူနာ ဆယ်ယောက် ရှိနေပါတယ်…။


အဲဒီသတင်းကို ကြားရတဲ့ Su Dan ဟာ သူမရဲ့ ခင်ပွန်းဟောင်းဖြစ်သူ Tian ရဲ့ အသက်ကို ကယ်တင်နိုင်ဖို့အတွက် သူမရဲ့ အသဲ တစိတ်တပိုင်းကို ခွဲဝေမျှပေးဖို့ ဆေးရုံက Ethics Review Committee ကို ခွင့်တောင်းပါတယ်…။ ကံကောင်းချင်တော့ သူမရဲ့ သွေးအုပ်စု၊ Tissue Type အစရှိတာတွေကလည်း လူနာဖြစ်သူ Tian ရဲ့လိုအပ်ချက်နဲ့ ထပ်တူ ကိုက်ညီနေပါတယ်…။


ဒီနေရာမှာ ပြောစရာရှိတာက တရုတ်နိုင်ငံရဲ့ ဥပဒေ စည်းကမ်း စည်းမျဉ်းအရ အခုလို ကိုယ်ခန္ဒာ အစားထိုး ကုသတဲ့နေရာမှာ အသက်ရှင်လျက်ရှိတဲ့ အလှူရှင်ဟာ လူနာရဲ့ ဆွေမျိုးသားချင်း (သို့မဟုတ်) ဇနီး ခင်ပွန်း တော်စပ်သူ တယောက်ယောက် ဖြစ်ရပါမယ်…။ အဲဒါကြောင့် Su Dan ဟာ သူ ချစ်တဲ့ သူ့ ခင်ပွန်းရဲ့ အသက်ကို ကယ်တင်ဖို့အတွက် ဥပဒေနဲ့ ကိုက်ညီအောင် Tian နဲ့ ပြန်လည် လက်ခံပြီး လက်ထပ် ထိမ်းမြားခဲ့ပါတယ်။


သို့သော်လည်း Ethics Review Committee အဖွဲ့ဝင်များက Su Dan ရဲ့ တောင်းဆိုမှု နောက်ကွယ်မှာ ငွေကြေးနဲ့ ဆက်စပ် ပတ်သက်မှု တစုံတရာ ရှိနေနိုင်တယ်လို့ ယူဆတာကြောင့် Su Dan ရဲ့ တောင်းဆိုမှုကို ပယ်ချလိုက်ပါတယ်။


ကံကောင်းချင်တော့ အဲဒီ အသဲအစားထိုးကုသဖို့ တာဝန်ရှိတဲ့ ဆရာဝန်ကြီးက Su Dan ဟာ သူ့ ခင်ပွန်းဖြစ်သူကို တကယ် စစ်စစ်မှန်မှန် ချစ်မြတ်နိုးလို့ အခုလို သူ့အသဲကို အစားထိုးစေပြီး Tian အသက်ကို ကယ်တင်လိုတယ်ဆိုတာ နားလည်စွာနဲ့ လက်ခံတဲ့အတွက် Su Dan ကို ဒုတိယ အခွင့်အရေးပေးခဲ့ပါတယ်…။ အဲဒါကြောင့် ပြီးခဲ့တဲ့ ဗုဒ္ဗဟူးနေ့က Su Dan ရဲ့ အသဲ တချို့ တ၀က်ကို Tian ဆီကို အစားထိုးပြီးတော့ ကုသပေးခဲ့ပါတယ်။ စုစုပေါင်း ၁၅ နာရီကြာမြင့်အပြီးမှာ နှစ်ယောက်စလုံးကို အောင်မြင်စွာ ခွဲစိတ်နိုင်ခဲ့ပါတယ်…။


အခုလို ခွဲစိတ်ကုသမှုအပြီးမှာ Tian ဟာ ဆေးရုံမှာ တပတ်ခန့် အနားယူ နေထိုင်ရမှာဖြစ်ပြီး အဲဒီနောက်မှာ သောက်ဆေးတချို့ကို ပုံမှန် သောက်နေရမှာကလွဲလို့ သာမန်လူကောင်း တယောက်လိုပဲ ကျန်းမာတဲ့သူ ဖြစ်သွားပါပြီ။ Su Dan ကလည်း ခွဲစိတ်ပြီး သုံးရက်အကြာမှာ ICU လို့ ခေါ်တဲ့ Intensive Care Unit ထဲမှာ ပုံမှန် လမ်းပြန်လျှောက်နိုင်ပါပြီ။ သူ့ဆီက ဖြတ်တောက်ပေးလိုက်လို့ ရော့ပါးသွားတဲ့ အသဲဟာ နောက် ခြောက်လအတွင်းမှာ ပုံမှန်အရွယ်အစားကို ပြန်လည် ပြည့်ဝလာမှာ ဖြစ်ပါတယ်။


သူတို့နှစ်ယောက်အကြောင်းကို သိကြတဲ့ သူတို့ပတ်ဝန်းကျင်က ဆွေမျိုး မိတ်ဆွေတွေ၊ ဆေးရုံအသိုင်းအ၀ိုင်းက ဆရာဝန်တွေ သူနာပြု ဆရာမတွေ အားလုံးက Su Dan ရဲ့ ချစ်ခြင်းမေတ္တာ နဲ့ အနစ်နာခံ စွန့်လွှတ်နိုင်မှုတို့ကို တသသနဲ့ ပြောမဆုံး ချီးကျူးမဆုံး ဖြစ်နေကြပါတယ်။


ဇာတ်လမ်းလေးကတော့ အဲဒါပါပဲ…။

အဲဒီဇာတ်လမ်းလေးကို အခုလို ဝေမျှအပြီးမှာ ကျွန်မ စိတ်ထဲမှာ တွေးမိတာ နှစ်ခု ရှိပါတယ်…။

ပထမတခုက ကိုယ်တိုင် ထူထောင်ထားတဲ့ အိမ်ထောင်တခုကို တော်ရုံတန်ရုံ စိတ်ဆိုးရုံ ဒေါသဖြစ်ရုံနဲ့ လွယ်လင့်တကူ ပြီးတော့ အလျင်စလို စိတ်လိုက်မာန်ပါ ကွာရှင်း ပြတ်စဲတာမျိုး မလုပ်ကြပဲ ဘာပဲဖြစ်ဖြစ် တယောက်ကို တယောက် ချစ်ခင်မြတ်နိုးတဲ့ စိတ်ကလေးနဲ့ နားလည်မှုရှိရှိ ညှိနှိုင်းယူကြရင် ကောင်းမှာပဲ လို့ တွေးမိပါတယ်။ လောလောဆယ်ကို ကျွန်မ ပါတ်ဝန်းကျင်မှာ အဲဒီလို အလျင်စလို ကွဲကြ ကွာကြတဲ့ ဇနီးမောင်နှံတွေနဲ့ ထစ်ကနဲရှိ ကွဲမယ် ကွာမယ် တကဲကဲဖြစ်နေတဲ့ ဇနီးမောင်နှံတွေ တော်တော်များများ ရှိနေလို့ပါ။


နောက်တခုကတော့ အမျိုးသမီးတွေမှာ ရှိကြတဲ့ မိခင်စိတ် ရောယှက်နေတဲ့ ကြီးမားတဲ့ မေတ္တာအကြောင်းပါ။ Su Dan ဟာ သူ့ ခင်ပွန်း Tian ကို တော်ရုံတန်ရုံ မေတ္တာစိတ်မျိုးနဲ့ အခုလို ဆုံးဖြတ်နိုင်ဖို့ မလွယ်လှပါဘူး။ တကယ်ကို လေးနက်တဲ့ မေတ္တာစိတ်နဲ့ ချစ်ခင် စာနာတဲ့စိတ်မျိုးရှိနေလို့သာ အခုလို ဆုံးဖြတ်နိုင်တာပါ။ ပြောရရင် ကျွန်မဟာ ပြင်းထန်တဲ့ Feminist တယောက် မဟုတ်ပါဘူး။ ဒါပေမယ့် Su Dan နေရာမှာ Tian သာ ဆို သူနဲ့ ကွာရှင်း ပြတ်စဲပြီးသား ဇနီးဟောင်းတယောက်ကို ခင်ပွန်းဟောင်းတယောက် အနေနဲ့ အခုလို မေတ္တာစိတ် အပြည့်ထားပြီး စွန့်စွန့်စားစား အသက်ကယ်နိုင်ပါ့မလား လို့ တွေးနေမိတာပါပဲ…။




မှတ်ချက် - ၂၀၁၂ ဒီဇင်ဘာလ - Look Magazine တွင် ဖေါ်ပြပြီး ဖြစ်သည်။

Reference က ဒီနေရာ မှာပါ


Sunday, November 4, 2012

တိုးတိတ်တမ်းတ

ခိုင်စိုးလင်း စီစဉ်တဲ့ သရဲမှတ်တမ်း (Ghost Record) E Book ဒီနေ့ ထွက်ပါပြီ…။
ပါဝင်ရေးသားကြသူများကတော့ ကိုကိုသက်၊ ကိုမျိုး၊ ချစ်ကြည်အေး၊ ခိုင်စိုးလင်း၊ ချိုပိန်းနောင်၊ စစ်ငြိမ်းဒီရေ၊ ဆူးခက်မင်း၊ ညီဇံလှ၊ နှင်းနဲ့မာယာ၊ ပန်ဒိုရာ၊ ဖိုးခွား၊ ဖိုးစိန်၊ မိုးလှိုင်ည၊ မြသွေးနီ၊ မှိုင်း (ဆေး - ၂)၊ သူရဿဝါ၊ သက်ဝေ၊ အော်ဂဲနီ၊ အောင်ဖြိုး သြမြိုင် နဲ့ အမည်မဖေါ်လိုသူ တဦး တို့ ဖြစ်ကြပါတယ်…။

ဒီနေရာ မှာ Download ချပြီး ဖတ်နိုင်ပါတယ်…။ ကိုယ်တိုင်က သရဲနဲ့ ရင်းနှီး ကျွမ်းဝင်မှုမရှိတဲ့ အတွက် သရဲအကြောင်း မပါ ပါအောင် အတော်ကို ကြိုးကြိုးစားစားနဲ့ ရေးထားခဲ့တဲ့ ဝတ္ထုတိုလေးကို ဖတ်ကြည့်ကြပါအုံး…


တိုးတိတ်တမ်းတ



အခန်းတံခါးက အခါများစွာကလိုပင် အလူမီနီယံ အကွက်စိပ်စိပ် တံခါးတထပ်၊ ကျွန်းရောင်လက်နေသော သစ်သားတံခါး တထပ်ဖြင့် တင်းတင်းစေ့ကာ ပိတ်ထားဆဲ…။ အယောင်ယောင် အမှားမှားဖြင့် တံခါးကို ခေါက်လိုက်မိသည်။ သို့သော် မည်သည့်အသံ တစုံတရာမျှ မထွက်လာချေ။ အကျင့်ပါနေသော လက်တို့က စလွယ်သိုင်းလွယ်နေကျ ပိုက်ဆံအိပ် အဖြူရောင်လေး၏ အရှေ့ဖက်ခြမ်းမှာ ထည့်ထားလေ့ရှိသော အိမ်သော့ကို လိုက်စမ်းကာ ရှာနေမိသည်။ သို့သော်လည်း ကိုယ်ပေါ်မှာ မည်သည့် ပိုက်ဆံအိပ် တစုံတရာမျှ ရှိမနေ။ ထိုအခါမှ သူမကိုယ်သူမ သတိတရ ငုံ့ကြည့်မိခဲ့တာ ဖြစ်သည်။ သူမကိုယ်ပေါ်မှာ အဖြူညစ်ညစ် (သို့) မီးခိုးရောင်ဖျော့ဖျော့ဟု ခေါ်ဆိုနိုင်သော ဇာနားတပ် ဂါဝန်ရှည်ရှည်ကို တွေ့ရသည်။ ခြေထောက်မှာတော့ မည်သည့်ဖိနပ် တစုံတရာမျှ မရှိ။ ထူးဆန်းသည်နော်…။ ပိုက်ဆံအိပ်များ၊ ဖိနပ်များကို အလွန်အမင်း နှစ်သက်တတ်သူ သူမဆီမှာ မည်သည့် ပိုက်ဆံအိပ် မည်သည့်ဖိနပ် တစုံတရာမျှ ရှိမနေပါလား…

ထိုစဉ်အချိန်မှာပင် တံခါးနှစ်ထပ်ကို လွန်မြောက်ကာ တဖက်ခြမ်းကို သိမ်မွေ့ညင်သာစွာဖြင့် သူမ ရောက်ရှိသွားခဲ့တာဖြစ်သည်။ အိမ်ထဲကို ရောက်သွားသောအခါ အရာရာသည် မပြောင်းမလဲ… သူ့နေရာနှင့်သူ စနစ်တကျ စီစီရီရီ ရှိနေသည်ကို အံ့သြဖွယ် တွေ့ရသည်။ ဧည့်ခန်းထဲမှ အနက်ရောင် မှန်စားပွဲငယ်ကလေးကို သူမ လက်ဖြင့် အသာအယာ တို့ထိကြည့်လိုက်သည်။ ခါတိုင်း သူမ တရက်တခါ သုတ်သင်နေကျ ဖုနမှုန့်နုနုလေးတွေ တစက်ကလေးမျှ ရှိမနေ…။ တီဗီဖန်သားပြင်… ထို့နောက် အရောင်ထွက်နေသော လယ်သာဆိုဖာ နက်နက်မှောင်မှောင်တွေ… ထူးဆန်းလိုက်တာ… သူမ နေ့စဉ် ရှင်းလင်း သုတ်သင်နေကျ နေရာများမှာ ဖုန်ဆို၍ တစက်ကလေးမျှ ရှိမနေပါလား…။ ဧည့်ခန်းပတ်ပတ်လည်ကို မျက်စိကစားလိုက်ရာ သူမ နေ့စဉ် ထိတွေ့နေကျ ကြည်လင် စိုလက်နေသော ကွန်ပျူတာ မော်နီတာ မှန်သားပြင်၊ ရွှေငါးကလေးများ လူးလာခေါက်တုန့် ပြေးလွှားနေသော အလှမွေး ငါးကန်မှ အမှုန်အမှိုက်ကင်းစင်ကာ တည်ငြိမ်ပြာလဲ့နေသော ရေပြင်ညီ၊ လောလောလတ်လတ် ရေဖျန်းထားပုံရသော ရေစက် ရေမှုန်လေးများ ခိုတွယ်နေဆဲ အိမ်တွင်း အလှစိုက်သစ်ပင်များမှ သစ်ရွက်စိမ်းလဲ့လဲ့တွေ… အိုး… မယုံနိုင်စရာ…။
ထိုအချိန်မှာပဲ သူမ တစုံတခုကို တွေးမိသွားတာဖြစ်သည်။

ကိုကို… အသံတိုးတိုးလေးဖြင့် သူမ ရေရွတ်လိုက်မိသည်…။ တုန့်ပြန်သံ တစုံတရာ ထွက်ပေါ်မလာ…။ ကိုကိုဟာ သည်လိုလူစားတော့ မဟုတ်တန်ရာဟု သူမ ပိုင်ပိုင်နိုင်နိုင်တွေးမိသော အခိုက်အတံ့လေးမှာ အသက်ကို တဝကြီး ရှုသွင်းလိုက်မိသည်။ ထို့နောက် ခြေလှမ်း ခပ်စိတ်စိတ်တို့ဖြင့် မီးဖိုခန်းထဲ ဝင်သွားလိုက်သည်။ သည်အချိန်ဆို ကိုကို ရုံးက ပြန်ရောက်လို့ ရိုက်စ်ကွတ်ကာဖြင့် နှစ်ယောက်စာ ထမင်းချက်နေပြီ ထင်၏။ လတ်လတ်ဆတ်ဆတ် ဟင်းသီးဟင်းရွက်ကြော်တပန်းကန်၊ ကြက်သား (သို့) ငါးအသားလွှာများကို သံလွင်ဆီအနည်းငယ် ကြက်သွန်ဖြူ ငြုတ်ကောင်းများများဖြင့် မီးပူပူမှာ ဟိုဖက် သည်ဖက်လှန်ကာ ကင်သလို ကြော်သလို လုပ်ထားသော ဟင်းတပန်းကန်ကို ထမင်းစားပွဲပေါ် အချိန်မီရောက်စေဖို့ စီစဉ် ချက်ပြုတ်နေပြီ ထင်၏။ ပြီးလျှင်တော့ အဆင်သင့် သုံးဆောင်ပါ ခင်ဗျာ… ဟူသော ရယ်သံတဝက်ဖြင့် သူမကို ထမင်းစား ခေါ်တော့မည် ထင်၏။
ထိုအတွေးတို့ဖြင့် သူမ ရဲတင်းသွားခဲ့တာ…။

မီးဖိုခန်းအဝမှနေ၍ ကိုကို ဟု ခပ်ကျယ်ကျယ်လေး အော်ခေါ်လိုက်မိသည်။ သို့သော် မီးဖိုခန်းမှာလည်း ဘယ်သူမှ ရှိမနေ။ မီးဖိုချောင်သုံးပစ္စည်းများကလည်း သူ့နေရာနှင့်သူ နေသားတကျ၊ သန့်ရှင်းကာ ပြောင်လက် တောက်ပစွာ…။ မနက်စောစော ဘုရားဆွမ်းတော်ကပ်သည့် ဖန်ပန်းကန်ငယ်ကလေးသည်ပင် ဆွမ်းတော်စွန့်ပြီး ဆေးကြောကာ မှောက်ထားဟန်မှာ သူမလက်ရာအတိုင်း ချွတ်စွတ်။ ကိုကိုကြော်နေကျ ကြက်ဥကြော်သည့် ဒယ်အိုးငယ်ကလေးမှာလည်း ကြော်ပြီးလျှင် အသည်းပုံထွက်သော ပုံစံခွက်ကလေးနှင့် အတူ တွဲလျက်သား…။ ကိုကို… ကိုကို… ကိုကို ဘယ်မှာလဲ…။ သူမ မရှိသည့်နောက်မှာ သူမ၏ ခြေရာ လက်ရာများအတိုင်း အိမ်ကို သန့်ရှင်း စင်ကြယ်ကာ တောက်ပနေအောင် ကိုကို့ကို ဘယ်သူကများ လာကူညီနေသလဲကွယ်…။ အတွေးနှင့်အတူ သူမ ခြေထောက်များ ယိုင်နဲ့လာတာ…

သို့သော် ကိုကိုသုံးနေကျ ရေချိုးဆပ်ပြာနံ့နှင့်အတူ ဆေးနံ့ပါသော ခေါင်းလျှော်ရည်နံ့ကို ရလိုက်သော အချိန်လေးမှာ သူမ ခြေလှမ်းများ တည့်မတ် သေချာသွားခဲ့ပြန်သည်။ ကိုကို ရေချိုးနေတာလားဟင်… ရေကျသံများ ကြားယောင်လာသလိုလို… သေချာတယ်… ဒါ ကိုကို ရေချိုးနေတာပဲ…။ အိပ်ခန်းနှင့် တွဲလျက် ရေချိုးခန်းကို သူမ၏ အမိန့်အတိုင်း ခြောက်ခြောက်သွေ့သွေ့ထားကာ အပြင်ရေချိုးခန်းမှာပင် ရေချိုး ခေါင်းလျှော် ကိုယ်လက် သုတ်သင်ရသည့် အခါတိုင်း ရေတောင် ကိုယ်ချိုးချင်တဲ့ဆီမှာ မချိုးရပါလားကွာ ဟု ငြူစူခြင်းကင်းသော ငြီးတွားမှုမျိုးဖြင့် ကိုကို ပြောလေ့ရှိသည်ကို သတိရသွားသောအခါ သူမ အသံထွက် ရယ်မောမိပါသည်။ သို့သော် ရယ်သံအက်အက်ကွဲကွဲက အပြင်ကိုရောက်မလာ… လည်ချောင်းဝမှာပင် ရပ်တန့်သွားသည် ထင်၏။

စေ့ပိတ်ထားသော ရေချိုးခန်းတံခါးကို သူမ အသာဖွဖွ ခေါက်မိသည်။ သို့သော် ဘာသံမှထွက်မလာ… ပိုမိုသေချာစေရန် သူမ ပါးစပ်ကလည်း အသံပြုကာ တံခါးကို ထပ်ခေါက်မိသည်။ သို့သော် သူမနားထဲမှာ ဘာသံမျှ မကြားရ။ စိတ်မရှည်နိုင်တော့သည့်အဆုံး ရေချိုးခန်းတံခါးကို တွန်းဖွင့်လိုက်သည်။ ဟင်… သူမ တွန်းဖွင့်သော်လည်း မပွင့်လာ… သို့သော် သူမကတော့ဖြင့် ရေချိုးခန်းထဲကို ရောက်နေပေပြီ။ သွားတိုက်ဆေး၊ သွားပွတ်တံ၊ မျက်နှာသစ်ဆပ်ပြာ၊ မုတ်ဆိတ်ရိတ်သော ပစ္စည်းကိရိယာစုံ၊ ရေချိုးဆပ်ပြာ၊ ခေါင်းလျှော်ရည် အစစ အရာရာသည် သူ့နေရာနှင့်သူ အံဝင်ခွင်ကျ။ ဘယ်အရာမှ ဖရိုဖရဲဖြစ်မနေ…။
ကိုကိုရေ… ဘယ်ရောက်နေတာလဲ…။

တအိမ်လုံး ဘယ်နားမှာမှ ကိုကိုရှိမနေ။ နောက်ဆုံးမတော့ ကိုကိုရှိနိုင်မည့်နေရာ တနေရာသာ ကျန်တော့သည်…။ ထိုနေရာကတော့ သူမတို့၏ အိပ်ခန်းသာ…

ကိုယ်ကို အသာဖေါ့ ခြေဖျားထောက် လျှောက်လှမ်းရင်း အိပ်ခန်းဆီသို့ ဦးတည်မိသည်။ ဤခြေလှမ်းမျိုးဖြင့် လှမ်းလျှောက်လိုက်တိုင်း သူမကို အနောက်ဖက်မှနေ၍ ဟိတ် ငတက်ပြားကလေး… ဟု ချစ်စနိုး ကျီစယ် နောက်ပြောင်ပြီး လာရောက် ဖက်တွယ် နမ်းရှိုက်တတ်သော ကိုကို့ကို အလွန်တရာ လွမ်းဆွတ်သွားပါသည်။ ယခုလည်း အခါများစွာကလိုပင် အနောက်ကနေ ကိုကို ရောက်လာမလား ဟု သူမ တိတ်တခိုး မျှော်နေမိပါသေးသည်။ သို့သော် ကိုကို ရောက်မလာပါ…။ သည်အချိန်မှာ ကိုကို အိမ်မှာ ရှိကို ရှိနေရမည်… သူမ သေချာသိနေပါသည်။ ညနေစောင်း အချိန်မတော်ကြီး ကိုကို အိပ်များနေသလား… သူမ ပြန်အလာကို စောင့်ရင်း ကိုကို အိပ်ပျော်နေလေပြီလား…။

အတွေးနှင့်အတူ အိပ်ခန်းဝကို အရောက်မှာ အိပ်ခန်းတံခါး ပိတ်ထားသည်ကို တွေ့ရသည်။ ဘုရား… ဘုရား… သူမ အသက်ရှုမှားကာ ရင်တွေ အဆမတန် ခုန်လာခဲ့သည်။ ကိုကို... ဘာဖြစ်လို့ အခန်းတံခါးကို ပိတ်ထားတာပါလိမ့်…။ အရင်ကဆို နှစ်ယောက်တည်းနေသော အိမ်ခန်းလေးပင် ဖြစ်လင့်ကစား သူမက အခန်းတံခါးကို မပိတ်တောင် စေ့ရုံ စေ့ထားမှ နှစ်သက်တတ်သူ… ကိုကိုက ဒါမှ လေဝင်လေထွက် ကောင်းတော့မပေါ့… ဟု ဆိုကာ အခန်းတံခါးကို တဆုံး ဖွင့်ထားတတ်သူ…။ အခုမူ အခန်းတံခါးက ပိတ်လျက်သား… ထူးဆန်းလိုက်တာ…

ကိုကိုရေ…
မောပန်းလှစွာသော မရေမရာ သံသယ အတွေးတချို့နှင့်အတူ သူမ ခြေလှမ်းတွေ ယိမ်းယိုင်ကာ လူက ကတုန်ကယင် ဖြစ်လာလေသည်။ သူမဝတ်ထားသော ဂါဝန်လက်ဖျားမှ နှင်းဆီပွင့်ပုံ ပန်းဇာ ဖြူဖြူလေးကို အကြောင်းမရှိ အကြောင်းရှာ ကိုင်တွယ် ပွတ်သပ်ကြည့်နေရင်း အိပ်ခန်းဝတွင် သူမ ခြေစုံရပ်လျက်သား…။ ထိုစဉ် အကြည့်တချက်က ပြူတင်းပေါက်နှင့် ကပ်လျက်မှ ဘုရားစင်ပေါ်ရှိ သပြေပန်းအိုးကလေးဆီသို့ မထင်မှတ်ပဲ ရောက်သွားခဲ့သည်။

ကြည့်ပါအုံး… စိမ်းစိုလက်နေသော အရွက်နုလေးများဖြင့် ဝေဆာ တင့်တယ်နေသော သပြေပင်ကလေးတွေ… သူမ နောက်ဆုံးတွေ့ခဲ့စဉ်က အရွက်နုကလေးများက ထွက်လု ထွက်ခင်… သို့သော် သူမ မရှိသော ရက်ပိုင်းအတွင်းမှာ အရွက်နုလေးတွေ တော်တော်ကြီးလာပါပေါ့လား…။ ကုန်လွန်ခဲ့သော ရက်တွေကို လက်ချိုးကာ ရေတွက်ကြည့်ချင်သော်လည်း သူမ ရေရေရာရာ မမှတ်မိတော့ချေ။

သူမ အကြည့်တို့ကို ဘုရားစင်မှ လွှဲဖယ်ကာ အိပ်ခန်းတံခါးဆီသို့ ပြန်လည် ဆွဲခေါ်လိုက်သည်။ တံခါးကို အသံမြည်အောင် ခေါက်လိုက်ရမည်လား… အဘယ်သို့ အသံပြုရပေမည်နည်း… သူမ ဝေခွဲမရ…။ အခန်းထဲမှာ ကိုကိုတယောက်တည်းရော ဟုတ်ပါ့မလား။ တခြားသူစိမ်းတယောက်ရော ရှိမနေနိုင်ဘူးလား…။ ထိုအတွေးတို့ နောက်မှာ ခြေထောက်များကို ကောင်းကောင်းထောက်၍ မရချင်တော့… ထို့ကြောင့် အခန်းတံခါးကို ကျောမှီကာ သူမ ထိုင်ချလိုက်ရသည်။

ကိုကိုရေ…
ကိုကိုရေ… ဟူသော ရေရွတ်သံ နောက်တကြိမ်မှာ ရှိုက်ငင်သံတွေအတူကပ်လျက် ပါလာခဲ့သည်။ အို… ကိုကိုများ ကြားသွားလေမည်လား…။ ထိုအသံတွေကို ကိုကိုကြားသွားလျှင် အနှောက်အယှက်များ ဖြစ်သွားလေမည်လား…။ တွေးနေရင်းမှာပင် သူမ ရှိုက်ကြီးတငင် ငိုနေမိကြောင်း သတိပြုမိသည်။ အင်း… အင်း… ကိုကိုက ငိုတာ မကြိုက်ဖူး… ချက်ချင်းပင် သူမ အငိုတိတ်လိုက်သည်။ ကြည်လင်သော စိတ်ထားလေးနှင့် မျက်နှာလေး ပြန်ရအောင် မိနစ်အနည်းငယ် အချိန်ယူလိုက်ရသည်။ ငိုထားသော မျက်နှာနီနီကို ကိုကို တွေ့မသွားစေချင်ပါ။ သို့သော် မျက်နှာကို ကြည့်ကောင်းအောင် ပြုပြင်စရာ ပေါင်ဒါဘူးလေး နှုတ်ခမ်းနီလေးမျှပင် သူမမှာ မပါလာခဲ့…။

ကဲပါလေ… ကိုကိုမေးတော့လည်း ပြောပြလိုက်ရုံပေါ့… ကိုကို့အနားမှာ တခြားမိန်းမ တယောက်ယောက်များ ရောက်နေမလားလို့ တွေးပူရင်း ငိုရသည်ပေါ့… သည်လိုဆိုလျှင်တော့ ကိုကိုက ပူစရာမရှိ ရှာကြံပြီး ပူနေသော အရူးမလေး ဟု ချီးကျူး ထောပနာ ပြုမည်မှာ အသေအချာ။

အခန်းတံခါး လက်ကိုင်ဘုကို အသာလှည့်လိုက်စဉ် အခိုက်အတံ့လေးမှာ ခုနက တည်ငြိမ်သွားသော စိုးရိမ်စိတ်များက တဖန် ပြန်လည်ကြီးစိုး နေရာယူလာကြပြန်သည်။ ဘာပဲ တွေ့တွေ့ ရင်ဆိုင်ရမှာနော်… ပြီးတော့ ကိုယ့်နေရာကို အစားထိုးရက်သူရယ်လို့ မစွတ်စွဲပဲ ကြည်ဖြူပေးရမှာနော်… ကိုကိုစိတ်ချမ်းသာဖို့က ကိုယ့်အတ္တထက် ပိုအရေးကြီးတယ်နော်… ကိုယ့်ကိုယ်ကို တဖွဖွ ဆိုဆုံးမရင်း ဘာမဆို ရင်ဆိုင်မည် ဟူသော ဆုံးဖြတ်ချက်တခုကို ခိုင်ခိုင်မာမာချကာ တံခါး လက်ကိုင်ဘုကို လှည့်ဖွင့်လိုက်သည်။ အို… တံခါးက ပေါ့ပေါ့လေးပဲ…

ဂါဝန်စကလေး လွင့်ကနဲ တချက်အဝှေ့မှာ သူမ အခန်းထဲကို ရောက်သွားသည်…။ အခန်းထဲမှာ မြင်လိုက်ရသော မြင်ကွင်းက သူမရင်ထဲကို စူးစူးရှရှ ဝင်ရောက်ကာ မူးဝေနောက်ကျိလျှက် နေရာမှာ ပုံလျက်သား လဲကျသွားခဲ့သည်။ သို့သော် သူမ၏ ဝိညာဉ်ကတော့ ရုပ်ရှင် အနှေးပြကွက်များထဲကလို လှလှပပ နိုးထကာ ဂါဝန်စလေး တလွင့်လွင့်ဖြင့် ကိုကိုရှိရာဆီကို တလှမ်းချင်း လှမ်းသွားပြီး ကိုကို့ နောက်ကျောကို ညင်သာစွာ ဖက်တွယ်လိုက်မိသည်။

ကိုကိုလား… ကိုကိုကတော့ သူမရဲ့ အထိအတွေ့ကို ဘာမှ မခံစားရသူတယောက်လို…။ အိပ်ရာဘေးမှ စာကြည့်စားပွဲတွင် ထိုင်ကာ စားပွဲပေါ်တွင် ထောင်ထားသော သူမတို့ ချစ်သူဖြစ်ကာစနေ့ရက်တွေက တယောက်နဲ့တယောက် မျက်နှာချင်းဆိုင် ခပ်ခွာခွာ ရပ်ရင်း၊ တယောက်ရဲ့ လက်ချောင်းတွေကို တယောက်က လှမ်းယူ ဆုတ်ကိုင်လို့၊ တယောက်ရဲ့ မျက်ဝန်းတွေထဲမှာ တယောက်က တယောက်ကို ဖွေရှာလို့၊ ကြည်ရွှင် ရယ်မောနေကြသော အနည်းငယ် ဟောင်းနွမ်းနေပြီဖြစ်သော မှန်ဘောင်လေးထဲမှ ဓါတ်ပုံကို မျက်တောင်မခတ် ငေးကြည့်နေခဲ့သည်လေ…။ ကိုကို့ နောက်ကျောကို ပါးဖြင့်မှီအပ်ကာ အသံမထွက်ပဲ သူမ ကြိတ်ရှိုက်ငင်နေခဲ့မိသည်။ ကိုကို့ကို အထင်လွဲချင်ချင် သံသယများဖြင့် ပူလောင်ခဲ့ရသော အချိန်များအတွက် သူမ အထပ်ထပ် တောင်းပန်ရင်း ငိုပြီးရင်း ငို… ငိုရတာကိုပဲ အရသာ တွေ့နေခဲ့သည်…။

သူမတို့ ဓါတ်ပုံကို စူးစူးစိုက်စိုက် ငေးကြည့်နေသော ကိုကို့ မျက်လုံးတွေ နီရဲနေမည်လား… ကိုကို မျက်ရည်ကျနေမည်လား… ကိုကို ပြုံးနေမည်လား… ကိုကို မဲ့နေမည်လား… စသော ကိုကို့မျက်နှာပေါ်မှ ခံစားချက်များကို သူမ ဖွေရှာကြည့်ရန် စိုးစဉ်းမျှ မလိုအပ်တော့ကြောင်းကို တချက်တချက် စည်းချက် မညီညာစွာ လှုပ်ခါသွားသော ကိုကို့ကျောပြင်မှ တဆင့်သော်လည်းကောင်း၊ လည်ပင်းတလျှောက် တင်းမာလာသော သွေးပြန်ကြောများ၏ လှုပ်ရှားမှုများမှ သော်လည်းကောင်း သူမ အသေအချာ ခံစားသိရှိနေခဲ့ပြီဖြစ်သည်။

ကိုကို…
သူမ မရှိသော နေ့ရက်တွေအတွက် ကိုကို့ကို သူမ စိတ်ချလိုက်တော့မည်…။
ကိုကို စိတ်ချမ်းသာဖို့… ကိုကို့ ဘဝမှာ ဆက်လက် နေပျော်ဖို့ သူမ အဝေးမှသာ ဆုတောင်းပေးတော့မည်။ သံသယ စူးစူးများ၊ မယုံသင်္ကာ စိုးရိမ်စိတ်များဖြင့် ကိုကို့အပါးကို သူမ နောက်တကြိမ် ချဉ်းကပ်ရန် ကြိုးစားတော့မည် မဟုတ်ပါ။ ကိုကို့ကျောပြင်ကို နောက်ဆုံးအကြိမ်အဖြစ် အသာအယာ ရှိုက်နမ်းအပြီးမှာ ဘာကိုမှ မချည်နှောင် မတွယ်တာနေတော့ပဲ ဝါဂွမ်းလေးတစလို တိုးတိတ်စွာ သူမ လွင့်မျောသွားခဲ့သည်…
နှုတ်ဆက်ခဲ့တယ် နော်… … ကိုကို…



Friday, October 12, 2012

လှော်တက်ဝယ်သူများနှင့် တညနေ

ဆိုင်အ၀ကနေ လှမ်းကြည့်လိုက်တယ်ဆိုရင်ပဲ စားပွဲတော်တော်များများမှာ လူပြည့်နေတာ တွေ့ရတယ်။ ကံကောင်းထောက်မစွာနဲ့ နှစ်ယောက်ထိုင် စားပွဲအလွတ် တလုံးကို တွေ့လိုက်လို့ ခြေလှမ်းတွေကို အရှိန်နည်းနည်း မြှင့်ပြီး ဆိုင်ထဲကို ၀င်သွားလိုက်တယ်။ စားပွဲထိုးဝန်ထမ်းတယောက်ကို လွတ်နေတဲ့ နှစ်ယောက်ထိုင် စားပွဲမှာ ထိုင်မယ့်အကြောင်းကို မျက်ရိပ်ပြပြီး အသိပေးလိုက်တယ်။ ပါးရည်နပ်ရည်ရှိလှတဲ့ စားပွဲထိုးကလေးက အစားအသောက် မှာဖို့ စာရင်းနဲ့အတူ သောက်ရေ ဖန်ခွက်တခွက်ကို စားပွဲမှာ လာချတယ်။ တကယ်ဆို နှစ်ယောက်ထိုင်စားပွဲမှာ သောက်ရေ ဖန်ခွက် နှစ်ခွက်တော့ လာချသင့်တယ် မဟုတ်ဖူးလား။ တကိုယ်ရည် တကာယသမားလို့ ဘယ်လိုအချက်တွေကို ကြည့်ပြီး သိသွားတာပါလိမ့်…။ မကျေမနပ်နဲ့ ခေါင်းကုတ်ရင်း (လုပ်မိလုပ်ရာ) ချောင်းတချက် ဟန့်လိုက်မိတယ်။

အစားအသောက်ကောင်းကောင်းရတဲ့ ဆိုင်တဆိုင်ရဲ့ ညနေခင်းဟာ တော်တော်လေး စည်စည်ကားကား ရှိလှတယ်။ ဆူညံသံတွေကို ကြောက်တတ်တဲ့သူ ဆိုရင်တော့ ဒီလိုဆိုင်မှာ လာမစားသင့်ပေဘူး။ အခုနက စားပွဲထိုးကလေး နောက်တခေါက် ပြန်ရောက်လာတယ်။ မှာတော့မလား ခင်ဗျာ… လို့ လာမေးတယ်။ ကိုယ့်ပုံက တစုံတယောက်ကို စောင့်နေတဲ့ ပုံမျိုး တကယ် မပေါက်ဖူး ဆိုတဲ့ သဘောပဲ။ အသားကင် အခေါက်ကင် ထမင်းပေါင်း တပွဲ၊ အကြော်စုံ တပွဲနဲ့ ထောပတ်သီးဖျော်ရည်တခွက် မှာလိုက်တယ်။ စားပွဲထိုးကလေးက အံ့အားသင့်သွားသလို တချက်ကြည့်တယ်။ တယောက်တည်း ဒါတွေ အကုန်စားမှာလား ဆိုတဲ့ အကြည့်မျိုး။ နောက်တယောက် လာအုံးမှာလေ… လို့ ပြောခွင့် ရချင်သွားတယ်။ ဒါပေမယ့် ၀မ်းနည်းစရာပဲ… ကိုယ်နဲ့အတူ ညစာ စားမယ့်သူ တယောက်မှ မရှိဘူး။


မှာစရာရှိတာ မှာအပြီး ဘေးဘီဝဲယာကို မျက်စိ ကစားမိတယ်။ ဘေးချင်းကပ်ရက် စားပွဲရှည်တခုမှာ အမျိုးသမီး အမျိုးသား တစု ထိုင်နေကြတယ်။ အသက်လေးဆယ်လောက်စီ ရှိကြပုံရတယ်။ သပ်သပ်ရပ်ရပ်တွေပဲ… မျက်နှာချင်းဆိုင် နံရံမှာ ကပ်ထားတဲ့ မှန်ချပ်တွေကတဆင့် မြင်နေရတာတော့ အမျိုးသမီး လေးယောက်နဲ့ အမျိုးသား ငါးယောက် စုစုပေါင်း ကိုးယောက်။ ရှေ့တည့်တည့်က စားပွဲမှာ ခပ်ငယ်ငယ် ကောင်လေးနဲ့ ကောင်မလေး…ချစ်သူ စုံတွဲတွေ ဖြစ်ကြဟန်တူတယ် ကြည်ကြည်လင်လင် ရယ်ရယ်မောမောနဲ့…။ သူတို့နဲ့ ရှေ့ဆင့် နောက်ဆင့် စားပွဲမှာတော့ အသားအရေ နီစပ်စပ် ဆံပင် ရွှေရောင်နဲ့ အနောက်နိုင်ငံသားမှန်း သေသေချာချာ သိသာထင်ရှားနေနေတဲ့ အမျိုးသားတယောက်နဲ့ အသားညိုညို ခေတ်ရှေ့ပြေး အဆင်အပြင်၊ မိတ်ကပ်မျက်နှာနဲ့ စကပ် ပေါင်လယ်လောက်နဲ့ အမျိုးသမီးတဦး… ကြည့်ရတာ အမျိုးသမီးက ကိုယ်တို့ ရိုးရာ အစားအစာတွေနဲ့ သူ့ရဲ့ အနောက်တိုင်းသားကို မိတ်ဆက်ပေးနေဟန်ပဲ…။

မှာထားတဲ့ စားစရာတွေရဖို့ မိနစ်နှစ်ဆယ်လောက် စောင့်ရပါမယ် လို့ စားပွဲထိုးကလေးက လာပြောတယ်။ စိတ်နည်းနည်း ညစ်သွားပေမယ့် ဘယ်တတ်နိုင်ပါ့မလဲ.. စားချင်တဲ့သူဆိုတော့ စောင့်ရမှာပေါ့…။ ဒီအချိန်မှာပဲ နားထဲကို ရယ်သံ မောသံတွေ ဇွန်းသံ ခက်ရင်းသံတွေ နဲ့အတူ စကားသံတွေ လှိမ့်ဝင်လာခဲ့တာ။

“ကိုယ်က အလုပ်လုပ်တယ်လေ… ၀ယ်ထားတဲ့ အ၀တ်အစား အသုံးအဆောင်တွေ အိမ်မှာနေရင်း ၀တ်ပစ်ရမှာစိုးလို့… လှတုန်း ပတုန်း အရွယ်ရှိတုန်းလေး ၀တ်ရ စားရ သုံးရတာမဟုတ်လား… ပြီးတော့ အလုပ်လုပ်ရတာ အပျင်းလည်း ပြေတယ်လေ… ပိုက်ဆံက သိပ်အရေးမကြီးပါဘူး…”

ဘေးချင်းကပ်ရက် စားပွဲက အသားဖြူဖြူ ခပ်၀၀ ကိုယ်လုံးနဲ့ အမျိုးသမီးက ကိုယ်ပေါ်မှာ ၀တ်ဆင်လာတဲ့ အင်္ကျီနဲ့ မြင်ရုံနဲ့ တန်ဖိုးကြီးမှန်း သိသာစေတဲ့ ပိုက်ဆံအိပ် ကြီးကြီးကို ဘေးလူတွေ မြင်အောင် သိသိသာသာ ပြရင်း ဘာမှ မဖြစ်သလို လေသံမျိုးနဲ့ ပြောတယ်။ ပြီးတော့ တဆက်တည်းမှာပဲ မျက်နှာချင်းဆိုင်က ပိန်ပိန်သေးသေး အမျိုးသမီးကို ယူရော အခု ဘာလုပ်နေလဲ... Working Mother လား... Home Maker ပဲ လား... လို့ ခပ်နှိမ်နှိမ်လေး လှမ်းမေးလိုက်တယ်။ ပိန်ပိန်အမျိုးသမီး မျက်နှာ ကွက်ကနဲ ပျက်သွားတာကို မျက်မှန်ထောင့်စွန်းကနေ မြင်ဖြစ်အောင် မြင်လိုက်ရတယ်…။ သူ ဘာပြန်ပြောမလဲ လို့ အသာ နားစွင့်လိုက်တော့…

“်ဘာလုပ်နေလဲ ဟုတ်လား… စိုးရေ.. ကိုယ် ဘယ်လိုဖြေလိုက်ရရင် ကောင်းမလဲ ဟင်…”

ပိန်ပိန်အမျိုးသမီးက ကြိုးစားပမ်းစား ဟန်လုပ် ပြုပြင်ထားရတဲ့ ရယ်သံချိုလွင်လွင်စွက်တဲ့ အသံမျိုးနဲ့ ဘေးနားက မျက်မှန်တပ် အမျိုးသမီးကို စစ်ကူတောင်းသလို အဖေါ်ညှိသလို လှမ်းမေးလိုက်တယ်။ မေးမယ့်သာ မေးတာပါ… စိုး ဆိုတဲ့ အမျိုးသမီးဆီက အဖြေကို မစောင့်ပဲ သူက တခါတည်း ဆက်ပြောတယ်…။

“ကိုယ် ဘာလုပ်နေလည်း ပြောပြရရင် ကားမမောင်းတတ်လို့ သားသမီးတွေကို ဟိုပို့ ဒီကြို ဒရိုင်ဘာ အလုပ် မလုပ်ရတာကလွဲရင် အိမ်မှာ လိုသမျှ အကုန်လုပ်ရတယ်လေ အေးရဲ့...”

အသားဖြူဖြူ ခပ်၀၀ အမျိုးသမီးနာမည်က အေး တဲ့…။ အဲဒီ အေး ဆိုတဲ့ အမျိုးသမီး နည်းနည်း လှုပ်လှုပ်ရှားရှား ဖြစ်သွားတယ်။ အံ့လည်း အံ့သြသွားပုံပဲ.. ပိန်ပိန်အမျိုးသမီးက သူ့မှာ ကားရှိကြောင်းကို လူစုံစုံမှာ ပါးပါးလေး ချပြသွားတာ မဟုတ်လား။ အေး က လှုပ်ရှားသွားးတဲ့ သူ့ကိုယ်သူ ဟန်မပျက်အောင် အသာ ပြန်ထိမ်းလိုက်ရင်း တဟင်းဟင်းနဲ့ ရယ်နေတယ်။ ပြီးတော့… “ဒီအကြော်လေး စားကောင်းတယ်နော်…” လို့ ပြောသံ ကြားလိုက်တယ်… ဒါ သိသိသာသာ စကားလမ်းကြောင်း လွှဲတာပဲ…။

အဲဒီအချိန်မှာပဲ ထမင်းပေါင်းရောက်လာလို့ ဘေးစားပွဲက အသံတွေကို ခဏမေ့သွားတယ်။ မစားဖြစ်တာ ကြာလို့လား မသိ… အငွေ့တထောင်းထောင်းနဲ့ ထမင်းပေါင်းဟာ အတော်လေး အရသာရှိတယ်။ စားနေရင်းက ဘေးစားပွဲက အမျိုးသမီးတွေထဲမှာ ထမင်းပေါင်း ကောင်းကောင်း လုပ်တတ်တဲ့သူများ ပါမလားလို့ မဆီမဆိုင် တွေးမိပြီး ကိုယ့်အတွေးနဲ့ ကိုယ် ရယ်ချင်သွားသေးတယ်။ ဒီအချိန်မှာပဲ အရှေ့စားပွဲက အသံတွေ နားထဲ ရောက်လာတာ။

အနောက်တိုင်းသားနဲ့ အတူထိုင်နေတဲ့ အမျိုးသမီးရဲ့ မိတ်ဆွေဖြစ်ဟန်တူတဲ့ အမျိုးသမီးတယောက် သူတို့ စားပွဲနားမှာ လာရပ်ပြီး စကားပြောနေတယ်။ မိန်းမပီပီ ခပ်ထေ့ထေ့ ခပ်ငေါ့ငေါ့ ပြောတဲ့ လေသံမျိုး…။

“မိန်းမ သိပ်ကောင်းစားနေတယ်ပေါ့… တွဲနေတာ ကြာပြီလား… ဟင်း ဟင်း ဟင်း… ငါ့လည်း မိတ်ဆက်ပေးအုံးလေ…”

အပြောခံရတဲ့ အမျိုးသမီးရဲ့ မျက်နှာ ပိုမော့သွားတယ်... ခေါင်းပေါ်က နီကျင်ကျင် ကောက်လိမ်လိမ် ဆံပင်ခွေတွေကို ဆတ်ကနဲ လက်နဲ့ သပ်တင်လိုက်ရင်း မကြာသေးပါဘူးဟာ သူက အတင်း လိုက်ကပ်နေတာ ငါကတော့ စဉ်းစားနေတုန်းပါ… လို့ ပြန်ပြောတယ်…။ ဒါပေမယ့် လေသံထဲမှာ ကျေနပ် ဝံ့ကြွားဟန်က အထင်းသား…။ နောက်တော့ မိတ်ဆက်ကြ လက်ဆွဲ နှုတ်ဆက်ကြ ရယ်မောသံတွေနဲ့အတူ သိပ်မပြေပြစ် မချောမွေ့လှတဲ့ အင်္ဂလိပ်စကားသံ တချို့ နားထဲဝင်လာတယ်။ ခဏနေတော့ အသံတွေ စဲသွားလို့ အသာ လှမ်းကြည့်လိုက်တာ စကပ်တိုဝတ် အမျိုးသမီးရဲ့မျက်နှာပေါ်မှာ အမျိုးအမည် ဖေါ်မပြတတ်တဲ့ အပြုံးတောက်တောက်တွေ ဝေပြီး သူ့ အဖေါ် ဆံပင်ရွှေရောင်နဲ့လူကို ညုတုတု အကြည့်တမျိုးနဲ့ ကြည့်လို့…။

မှာထားတဲ့ အကြော်စုံ ရောက်လာတယ်။ ဘူးသီးကြော် မြင်းခွာရွက်ကြော် တိုဟူးကြော် နဲ့ ကြက်သွန်ကြော်တွေ ပါဝင်တဲ့ အကြော်စုံ ပူပူနွေးနွေးကို အချဉ်ရည်နဲ့ တို့စားနေလိုက်တယ်။ ရေနွေးကြမ်းနဲ့ သောက်ရရင် ကောင်းမလား တွေးရင်း စားပွဲထိုး တယောက် လှမ်းခေါ်လိုက်တယ်။ ထောပတ်သီးဖျော်ရည်ကို အနားချပြီး ရေနွေးကြမ်းမှာလို့ ထင်တယ်။ စားပွဲထိုးလေးက အူကြောင်ကြောင်နဲ့ ကြည့်သွားတယ်။ ထားတော့…

“ကွန်ဒိုဝယ်ချင်ရင် အခု လက်ငင်း ၆၀ ရာခိုင်နှုန်း ပေးရမှာတဲ့… ကြားပြီးကြပြီလား…”

ဟော… စကားလမ်းကြောင်းက ကွန်ဒိုတွေဖက်ကို ဦးတည်သွားပြန်တယ်။ စိုး ဆိုတဲ့ အမျိုးသမီးက သူ့ လက်ကိုင်အိပ်ထဲက နှုတ်ခမ်းနီတောင့်ကို ထုတ်ယူပြီး မှန်မကြည့်ပဲ ကျွမ်းကျွမ်းကျင်ကျင် ဆိုးနေတာကို အရှေ့က မှန်ထဲကနေတဆင့် လှမ်းတွေ့လိုက်တယ်။ နှုတ်ခမ်းနီ ဆိုးလို့ပြီးသွားတော့မှ ကိုယ်ကတော့ ကွန်ဒိုတွေ မကြိုက်လှဘူး... ဈေးကြီးပြီး အခန်းကလည်း ကျဉ်းက ကျဉ်းနဲ့... ရေကူးကန် ပါတော့ရော ကိုယ်က တလလုံးမှာ ဘယ်နှစ်ရက် ဆင်းကူးနိုင်မှာမို့လဲ… တရက်တရက် ကိုယ့်အခန်းကနေ လှမ်းကြည့်ရင် ဗိုက်ပူသူတော်တွေ ရေထဲ ပက်လက်လှန်နေတာတွေပဲ တွေ့ရမှာ… လို့ မဲ့ကာ ရွဲ့ကာ ပြောတယ်။ စပျစ်သီး ချဉ်တယ် ဆိုတာ ဒါမျိုး ထင်ပါရဲ့…။ ပန်းဆီရောင် ရင့်ရင့် နှုတ်ခမ်းနီကိုမှ အားမနာ နှုတ်ခမ်းတလံ ပန်းတလံနဲ့ ပြောနေတာကို ရှေ့က မှန်ချပ်တွေကနေတဆင့် မြင်ဖြစ်အောင် မြင်လိုက်ရပြန်တယ်…။ သိပ်တော့ ကြည့်မကောင်းတာ အမှန်ပဲ…။

ခုနက ကားအကြောင်းကြားပြီး ငြိမ်သွားတဲ့ အေး ဆိုတဲ့ ဝဝ အမျိုးသမီး ခေါင်းပြန်ထောင်လာတယ်။

“အို… ဘာပဲဖြစ်ဖြစ် အေးကတော့ အသက်ကြီးလာရင် အလုပ်မလုပ်ပဲ ထိုင်စားလို့ရအောင် ကွန်ဒိုလေး တခန်းတော့ ဝယ်မှ ဖြစ်မယ်လို့ အိမ်ကလူကို ပြောထားတယ်… လူငှားတင်ထားရင် တလ ငါးထောင် ခြောက်ထောင်လောက်ကတော့ အသာလေး… လူမပင်ပန်းပဲ ငွေအရင်းစိုက်ရုံနဲ့ ပုံမှန်ဝင်ငွေ ရမယ့်အလုပ်မျိုးကို အခုထဲက စဉ်းစားထားမှ အဆင်ပြေမှာ…”

ကြည့်ရတာ လက်ထဲမှာ ငွေအလုံးအရင်း များများစားစား ရှိနေတဲ့ ပုံမျိုး… အခုချက်ချင်း ထ၀ယ်နိုင်တဲ့ လေသံမျိုး...။ ခုနက ကားရှိကြောင်း ပြောထားတဲ့ ပိန်ပိန်အမျိုးသမီး နှုတ်ဆိတ်သွားတယ်။ ပညာသားပါပါနဲ့ စကားလွှဲတယ်…

“အော်… ဒါနဲ့ အေးကို မေးမလို့.. အေး သမီးတွေ ကျူရှင် ဘယ်လိုပေးသလဲဟင်… အိမ်က သားအတွက် မေးတာပါ… သားက အခုမှ သုံးတန်းဆိုတော့ ငယ်တော့ ငယ်ပါသေးတယ်လေ… ဒါပေမယ့် ခုလောက်ထဲက ဆရာကောင်းကောင်းနဲ့ သေသေချာချာ သင်ထားရင် ကောင်းမလားလို့…”

အေးအတွက် နောက်တကြိမ် အကွက်ဝင်သွားပြန်တယ်…။ ကိုယ်လုံးဝဝကို တသိမ့်သိမ့် လှုပ်ခါ ရယ်မောရင်း “ကျူရှင်ဆရာမတွေက အစားစားရှိတယ်လေ… ကိုယ့်သမီးတွေ ကျူရှင်ဆရာမက ပထမတန်းစားတွေ ဈေးကတော့ ကြီးတယ် ဆရာ… တနာရီကို ရှစ်ဆယ် ပေးရတယ်… တပတ်ကို တဘာသာအတွက် အချိန် နှစ်နာရီနဲ့ လောလောဆယ်တော့ ခြောက်ဘာသာ ပေးထားရတယ်… ကိုယ့်လခရဲ့ ၀မ်း သာဒ်လောက်က သူတို့ နှစ်ယောက် ကျူရှင်ဖိုးနဲ့တင် ကုန်တာပါပဲ…” လို့ ခပ်ညည်းညည်းလေး ပြောလိုက်တယ်။

ကျန်တဲ့ အမျိုးသမီး သုံးယောက် အသံတိတ်သွားတယ်။ သူတို့တွေအားလုံးရဲ့ စိတ်ထဲမှာ ပေသီးတွေ ဂဏန်းပေါင်းစက်တွေချပြီး တော်တော်ကြီး အလုပ်များသွားဟန်တူရဲ့…။ အဲဒီအချိန်မှာ သူတို့လေးယောက်ထဲမှာ ဘာမှ များများစားစား မပြောပဲ တိတ်ဆိတ်နေတဲ့ ဆံပင်ရှည်ရှည်နဲ့ မျက်နှာဝိုင်းဝိုင်း အမျိုးသမီးလေးဆီက အသံထွက်လာတယ်…။

“ဒီကိစ္စမှာတော့ ကိုယ် ကံကောင်းတယ် ဆရာ… ကိုယ့်သမီးက သူ့ကျောင်းမှာ Top ပဲ… ဘာကျူရှင်မှ ပေးစရာမလိုဘူး… အခု XXX ဆိုတဲ့ ကျောင်းမှာ တက်နေတယ်လေ…” ဆိုပြီး နာမည်ကြီး ကျောင်းတကျောင်းရဲ့ အတိုကောက် အင်္ဂလိပ် စကားလုံး သုံးလုံးကို ရွတ်ပြတယ်။ ကျောင်းနာမည်ကြားရုံနဲ့တင် ရှိန်သွားစေတဲ့ ကျောင်း၊ စာတော်မှ အမှတ်များမှ တက်ခွင့်ရတဲ့ ကျောင်း ဆိုတာ တန်းကနဲ သိလိုက်တယ်။ အို ဟုတ်လား သမီးလေးက တော်လိုက်တာနော်… ဆိုတဲ့ စကားသံမျိုး (ဝတ်ကျေ တန်းကျေပဲ ဖြစ်ဖြစ်) ဘယ်သူ့ဆီကများ ထွက်လာမလဲ စောင့်နားထောင်နေပေမယ့် ဘာသံမှ မကြားရဘူး…။

အနားက ဖြတ်သွားတဲ့ စားပွဲထိုးလေးကို အေးဆိုတဲ့ တယောက်က ခေါက်ဆွဲကြော် ပါဆယ် နှစ်ပွဲ လှမ်းမှာတယ်… ကိုယ့် သမီးနှစ်ယောက်အတွက်လေ… လို့ ကျန်တဲ့သူတွေကို လှည့် ပြောတယ်…။ သူတို့နဲ့ အတူပါလာတဲ့ သူတို့ အမျိုးသားတွေလို့ ထင်ရတဲ့သူတွေကတော့ အေးအေးဆေးဆေး စကားပြောလိုက် စားလိုက်နဲ့…။ အမျိုးသမီးတွေ ပြောနေတာကို ဘာမှ စိတ်ဝင်စားဟန် မပေါ်ဘူး။ တချက်တချက်တော့ ရယ်သံခပ်သဲ့သဲ့ ထွက်လာတတ်တယ်…။

အကြော်စုံနဲ့ ရေနွေးကြမ်း ကုန်သလောက်ရှိသွားပြီ။ ထောပတ်သီးဖျော်ရည် စ သောက်တယ်။ ထောပတ်သီးရဲ့ ဆိမ့်သက်သက်အရသာ လျှာပေါ်ကို ရောက်လာတယ်။ အနောက်တိုင်းသားဟာ မုန့်ဟင်းခါးဖတ်သုပ်ကို စားရင်း မျက်နှာမှာ ချွေးတွေ သီးနေတယ်…။ သူ ဖြစ်နေပုံကို အသားညိုမလေးက ကြည့်ရင်း တခစ်ခစ်နဲ့ ရယ်နေတယ်…။ နောက်တော့ တစ်ရှူးတစယူပြီး ချွေးသုတ်ပေးနေတာ ရိပ်ကနဲ မြင်လိုက်တယ်…။ အခုနက သူတို့ကို စကားလာပြောတဲ့ အမျိုးသမီး အနားက တခါ ဖြတ်သွားပြန်တယ်…။ ပြန်တော့မှာမို့ လာနှုတ်ဆက်တာ…။ ဒါပေမယ့် သူ့မျက်လုံးတွေက ဟို အနောက်တိုင်းသားရဲ့ မျက်နှာပေါ်မှာ တရစ်ဝဲ၀ဲနဲ့… အထင်ကြီး လေးစား အားကျဟန်က အထင်းသား။ အဲဒီအမျိုးသမီး ထွက်သွားတော့ သက်ပြင်းတချက်ကို မသိမသာ ချလိုက်မိတယ်…။ ခက်တော့ ခက်နေပါပြီ…။

အစားလည်း စား အသံတွေလည်း ကြားနဲ့ အချိန် တော်တော်ကုန်သွားတယ်။ ပြန်သင့်ပြီလို့ တွေးပြီး ထောပတ်သီးဖျော်ရည်ကို လက်စသတ်ရင်း စားပွဲထိုးကို ခေါ်ပြီး ပိုက်ဆံရှင်းလိုက်တယ်။ ဆိုင်ထဲက ထွက်လာတဲ့ အချိန်မှာ လမ်းပေါ်မှာ လူတော်တော်ရှင်းစ ပြုနေပြီ…။ ဘူတာရုံထဲမှာလည်း လူရှင်းနေပြီ…။ အပြန်ရထားပေါ်မှာ ထောင့်ကောင်းကောင်းတနေရာမှာ ငိုက်မြည်းပြီး လိုက်ပါလာရင်း တခါက စာတအုပ်ထဲမှာ ဖတ်ဖူးတဲ့ လူနှစ်ယောက် လှော်တက် အပြိုင်ဝယ်ကြတဲ့အကြောင်း သတိရသွားတယ်…။ မိတ်ဆွေ တယောက်က ငါးပေရှည်တဲ့ လှော်တက် ၀ယ်တယ်လို့ သတင်းကြားတော့ နောက်တယောက်က သူ့ထက်သာအောင်ဆိုပြီး ခြောက်ပေရှည်တဲ့ လှော်တက် တချောင်း သွားဝယ်ခဲ့သတဲ့…။ အိမ်ပြန်ရောက်တော့ ၀ယ်လာတဲ့ လှော်တက်က ရှည်နေလို့ လှော်ရတာလည်း အဆင်မပြေ… လှေထဲလည်း ထည့်သိမ်းလို့ မရ… အိမ်ထဲမှာ ထောင်ထားဖို့လည်း မဆံ့နဲ့ ဘယ်နားထားရမှန်းမသိ ဘာလုပ်ပစ်ရမှန်းလည်း မသိပဲ ထော်လော် ကန့်လန့် ဖြစ်နေတဲ့ အကြောင်းလေး…။

Monday, October 8, 2012

Baby Small Talk


(Picture from Google)

မြန်မာမိသားစုတွေမှာ ကလေးကို စကား စပြောတဲ့အချိန်မှာ မြန်မာလိုသာ သင်ဖြစ် ပြောဖြစ်ကြတာ သဘာဝပါ။ ဒါပေမယ့် ရေကြည်ရာ မြက်နုရာ ဆိုသလိုပဲ တခြားနိုင်ငံတွေမှာ ရောက်နေတဲ့ မိသားစုတွေထဲက ကလေးငယ်တွေ ကျောင်းစတက်တဲ့အခါမှာတော့ ကလေးကို ဘယ်ဆရာမကမှ ဘယ်သူငယ်ချင်းကမှ မြန်မာလို လာပြောနေမှာ မဟုတ်ပါဘူး။ ဒီအတွက် မိဘတွေအနေနဲ့ ကိုယ့် ကလေးကို ကျောင်းမနေခင်အချိန် အိမ်မှာ ဒီလို small talk လေးတွေ တလုံးစ နှစ်လုံးစ ပေါ့ပေါ့ပါးပါး ပြောဆိုကြရင်း သူတို့လေးတွေ ကျောင်းမှာ၊ အတန်းထဲမှာ ဆရာမပြောတဲ့ စကား၊ ကလေးအချင်းချင်း ပြောဆိုကြတဲ့ နေ့စဉ်သုံး စကားလေးတွေကို စိမ်းမနေစေဖို့ ရည်ရွယ်ပြီး ဒီပိုစ့်ကို ရေးပါတယ်…။

Pain Pain – ဒါကတော့ စင်္ကာပူမှာ သုံးကြတဲ့ ကလေးစကားပါ… ရယ်စရာလေးနော်…။ တခုခု ထိခိုက်ဒါဏ်ရာရသွားရင် နာသွားလား သို့မဟုတ် နာနေတယ်ဆိုတာကို ပြောတာပါ။ သူငယ်ချင်းတယောက် သူ့သမီးက လက်ကလေး နာနေတာကို Mummy... Pain Pain… လို့ လာပြောတော့ တရုတ်လိုပြောတာလား ထင်ပြီး ဘာမှန်းမသိ ဖြစ်နေတာ တွေ့ဖူးပါတယ်…။ Pain here, Pain there ဆိုတဲ့ စကားမျိုးလည်း ပြောတတ်ကြပါသေးတယ်… ဟိုနားက နာ ဒီနားက နာ ပေါ့လေ…။

ဒါတွေကတော့ ကလေးတွေကို ထမင်းစားချိန် မုန့်စားချိန်တွေမှာ ဆရာမတွေက ပြောလေ့ရှိတဲ့ စကားတွေပါ။

Eat your own food - ကိုယ့်ပန်းကန်ထဲကဟာကို ကိုယ်စားဖို့
Chew properly - စားစရာကို ကောင်းကောင်း ဝါးစားဖို့
Eat little by little - ပါးစပ်ထဲ ပလုတ်ပလောင်း မစားဖို့
Some more please - မဝသေးရင် ထပ်တောင်းဖို့
Finish it up - ကုန်အောင်စားဖို့

Don’t waste foods - မလိုအပ်ပဲ သူများ some more ဆို ကိုယ်လည်း some more လို့ ထပ်တောင်းတတ်တဲ့ ကလေးတွေ တွေ့ဖူးတယ်။ ပြီးတော့ တကယ်တမ်းမှာ စားလို့ မကုန်တော့ဘူး… တခါ နှစ်ခါတော့ ဆရာမတွေက ဘာမှမပြောဘူး သိပ်များလာရင်တော့ အဲလို ပြောတတ်တယ်…

No sharing - တချို့ကျောင်းတွေမှာ ကလေးတွေအတွက် အိမ်ကနေ မုန့်ထည့်ပေးရတတ်ပါတယ်…။ အဲဒီအခါမှာ တယောက်နဲ့ တယောက်ပါလာကြတဲ့ မုန့်အမျိုးအမည်တွေ မတူကြတဲ့အခါ လဲစားတာတို့ လုစားတာတို့ ဖြစ်လာတတ်တယ်။ ပြီးတော့ ရန်ဖြစ်ကြ ငိုကြယိုကြပေါ့။ ဒီအတွက် ဆရာမတွေက အစထဲက ကိုယ့်ဟာကိုယ် စားကြဖို့ သတိပေးတတ်ကြတယ်။ စကာင်္ပူက ကျောင်းအများစုကတော့ အဲဒီလို မုန့်ယူသွားစရာ မလိုဘူး ကလေးအားလုံး ကျောင်းက ကျွေးတာပဲစားကြရတယ်…။

Tummy full - စားလို့ ဝသွားပြီ
Wipe your mouth - စားနေရင်း ပါးစပ်ပေနေရင်
Wash your hand - စားပြီးရင် လက်ဆေး
Wash your mouth - စားပြီးရင် ပါးစပ်ဆေး
Play time - ထမင်းစားပြီးရင် ကစားကွင်းကို ဆင်းကစားကြတော့မယ်…

အဲဒီအခါမှာ ဆရာမတွေက ကလေးတွေကို စည်းကမ်းတကျ သွားဖို့ သင်ပေးရတယ်...။

Line up - တန်းစီ…
One by One - တယောက်ချင်းစီ သွားမယ်
Two by two - နှစ်ယောက် တတွဲသွားမယ်

Be my partner - သားလေးက ပြန်ပြောပြတာ… ဆရာမက two by two line up လုပ်ဆိုတော့ သူက Partner ရှာနေတုန်း ကောင်မလေး တယောက်က Be my partner လို့ ပြောပြီး သူ့လက်ကို လာတွဲတာတဲ့… (မိခင်ဖြစ်သူ ရင်ခံသွားပြီး ထမင်း မစားနိုင်တဲ့ နေ့ပေါ့…)

Keep quiet - စကားများနေလို့ ပြောတာ
Quiet please - တိတ်တိတ်နေကြ…

ဒါတွေကတော့ ကစားကွင်းမှာ ဆရာမတွေက ကလေးတွေကို ထိန်းရင်း တတွတ်တွတ် ပြောနေကြတဲ့ စကားမျိုးတွေ…

No jumping
No running
Mind your step
Watch out
Come closer
Keep going…
Be careful / Careful baby
Be a good boy / Be a good girl
Don’t touch
Put it back
Sit side by side/ put side by side

ပြောစကားနားထောင်တဲ့ ကလေးတွေကို

Good boy Good girl
Oh.. you are so smart
Good job
Well done
Keep it up
Bravo… စသဖြင့် ချီးကျူးဖို့ မမေ့နဲ့အုံးနော်…

ကလေးတန်းလေးတွေမှာ Show & tell နဲ့ Speech & Drama ဆိုတဲ့ အစီအစဉ်လေးတွေရှိတယ်…

Show & tell ကတော့ ကိုယ်ကြိုက်တဲ့ ပစ္စည်းလေးတခုခုကို ကျောင်းကိုယူလာပြီး အဲဒီပစ္စည်းလေးအကြောင်း စီကာပတ်ကုံး ပြောပြကြရတာ… သားလေးက သူ သုံးနှစ်သားတုန်းက သင်္ကြန်မှာ သူတပ်ခဲ့ရတဲ့ နေကာမျက်မှန်အမည်းလေး ယူသွားပြီး မျက်မှန်လေးအကြောင်းရော မြန်မာသင်္ကြန်အကြောင်းရော ပြောပြလိုက်တယ်လေ…။ သူဘယ်လိုပြောတယ်ဆိုတာ ကိုယ်နားမထောင်ရ မကြားရပေမယ့် သူ့အတန်းဆရာမက သားလေး စကားပြော ကောင်းကြောင်း တွေ့တိုင်း တဖွဖွ ပြောနေတော့တာပဲ…။

Speech & Drama ကတော့ တေးသရုပ်ဖေါ်လို Play တွေလို သရုပ်ဆောင်ရတာမျိုးပေါ့…။ အဲလို အချိန်တွေမှာ ကလေးတွေ သိပ်ပျော်ကြတယ်…။ သဏ္ဍာန်လုပ် သရုပ်တူ ဆိုသလို လှုပ်ရှား ကခုန်ရင်း မမောနိုင် မပမ်းနိုင်…။

Stand at the corner - ဆိုတာကတော့ ကလေးတွေကို ပြောစကား နားမထောင်ရင် အပြစ်ပေးတာပါ…။ အခန်းထောင့် နံရံကို မျက်နှာမူလို့ ၁၀ မိနစ်ဖြစ်စေ ၁၅ မိနစ်ဖြစ်စေ မတ်တပ်ရပ်နေခိုင်းတာမျိုးပါ…

ကျောင်းက ပြန်လာတဲ့ ကလေးတွေကို ဆီးကြိုနှုတ်ဆက်စရာ စကားလေးတွေ…

How’s your school day?
What is the best part of your day?
Are you happy at school?
How’s your meal?
How’s your friends?

ဒါလေးတွေကတော့ နေ့စဉ်သုံး စကား လွယ်လွယ်လေးတွေပါ…

Put your cap
Take out your shoes
Put back your shoes
Tie your shoelace
Carry your bag
Bring your water bottle
Drink more water
Clap your hand…
Oh you are yawning…
Are you sleepy?
What happened?
How about me..?
Pass it to him / Pass it to me..
Move a bit
Don’t push me/ him
Don’t push the chair
Stand up / sit down
Put it back
Put properly…
Don’t be naughty
Let’s eat out…

ကိုယ်မှတ်မိသလောက် Small Talk လေးတွေ ရေးထားပါတယ်…။ ကလေးငယ်လေးတွေ ရှိတဲ့ မိဘတွေအတွက် အနည်းနဲ့ အများတော့ အသုံးဝင်လိမ့်မယ်လို့ မျှော်လင့်ပါတယ်…။




မှတ်ချက် - ဒီပိုစ့်ကို ရေးဖြစ်အောင် တိုက်တွန်းခဲ့တဲ့ စာရေးဖေါ် ကိုသီဟသစ် (အားမန်သစ်) ကို ကျေးဇူးတင်ပါတယ်။ ဒီတပတ်ထွက်တဲ့ ကလေးဂျာနယ်မှာ ဖေါ်ပြပြီး ဖြစ်ပါတယ်…။

Monday, September 24, 2012

လမ်းလျှောက်သူ

ပြောရလျှင် ကျွန်မက လူကြောက်သူတယောက်သာ ဖြစ်သည်။
ကျွန်မ အကြောင်းကို သေသေချာချာ မသိသူများက ကျွန်မ၏ ပုံစံကို အပြင်ပန်းမှကြည့်ကာ သွက်သွက် လက်လက်ရှိသည်… ပြောတတ် ဆိုတတ်ရှိသည်… ရဲရဲတင်းတင်းနှင့် ပြတ်သားစွာ ဆုံးဖြတ် လုပ်ကိုင်တတ်ပုံရသည်… အစရှိသော မှတ်ချက်များကို ဖေါဖေါသီသီ ပေးလေ့ရှိကြ၏။ သူတို့သည် ကျွန်မ၏ အရာရာကို မဝံ့မရဲနိုင်မှု၊ လူတော မတိုးချင်မှု၊ အစိုးရိမ်ကြီးမှု၊ တခုခုဆိုလျှင် ကြောင့်ကြ တွေဝေကာ ချီတုံချတုံနှင့် မပြတ်မသားနိုင်မှု စသည့် ကျွန်မ၏ အတွင်းစိတ်နှင့် ပင်ကိုစရိုက်များကို နည်းနည်းလေးမျှ မရိပ်မိကြချေ…။ လက်ချိုး ရေတွက်၍ ရနိုင်လောက်အောင် နည်းပါးသော ကျွန်မနှင့် အလွန်ရင်းနှီးသော သူငယ်ချင်းများပင်လျှင် တော်ရုံတန်ရုံ မရိပ်မ်ိကြ…။ အရေးကြုံလာမှ တစွန်းတစ သိသွားတတ်ကြသည်ချည်းသာ။ ထိုသို့ မရိပ်မိနိုင်အောင်များ ကျွန်မ ဟန်ကိုယ့်ဖို့နှင့် အလွန်တရာ ဟန်ဆောင်ကောင်းခဲ့ပါသလား ဟု ပြန်တွေးမိသည်မှာ အကြိမ်ကြိမ်…။

ဤသို့ လူကြောက်တတ်သော ကျွန်မ၏ အကျင့်ဆိုးများစွာအနက်က အလွယ်တကူ သိသာ ထင်ရှားသော အရာတခုကို ဖေါ်ပြရသော် လမ်းလျှောက်လျှင် ခေါင်းကို ငုံ့ကာ (သို့မဟုတ်) ခေါင်းငိုက်စိုက်ချကာ လျှောက်လေ့ရှိခြင်းပင် ဖြစ်သည်။ သူငယ်ချင်း အပေါင်းအသင်း နည်းပါးသောကြောင့် အချိန်အတော်များများမှာ ဘယ်သွားသွား ဘယ်လာလာ ကျွန်မ တယောက်တည်းသာ…။ ထိုအခါ ဘေးဘီ ဝဲယာကို အနည်းငယ်မျှ မျက်စိ မကစားတတ်ပဲ လမ်းကို ရှေ့ တပေ နှစ်ပေ သို့သာ တစိုက်မတ်မတ် ငုံ့ကြည့်ရင်း တွေးချင်ရာ တွေးကာ ကျွန်မ လမ်းလျှောက်တတ်သည်။ ပုခုံးကျော်ကျော် ရှည်လျားသော ညိုဖျော့ဖျော့ ဆံနွယ်များက ကျွန်မ မျက်နှာ သေးသေးလေးပေါ်တွင် အစဉ်အမြဲ ဖုံးကွယ် နေတတ်ကြသေးသည်။ ထိုအချက်သည်လည်း ကျွန်မ၏ မဝံ့မရဲဖြစ်နေတတ်သော အတွင်းစိတ်သဏ္ဍါန်ကို သွယ်ဝိုက်စွာ ဖေါ်ပြနေသည် ဟု သူငယ်ချင်းတယောက်က ထောက်ပြ ဝေဖန်ခဲ့ဖူးသည်…။

* * * * *

ဟိုးအရင် ခပ်ဝေးဝေး ကာလတခုတွင် ကျွန်မမှာ ညနေခင်း အညောင်းပြေ အညာပြေ အတူတူ လမ်းလျှောက်ထွက်ရန်၊ ရှုခင်းလှလှနေရာများသို့ ဓါတ်ပုံရိုက် ထွက်ရန်၊ ညနေစာ အတူ သွားစားရန်၊ စာကြည့်တိုက်များ စာအုပ်ဆိုင်များမှာ တမေ့တမော စာသွားဖတ်ရန် စာအုပ်တွေဝယ်ရန်၊ လူရှင်းရှင်း ကော်ဖီဆိုင်တခုမှာ ထိုင်ပြီး စာအုပ်တွေအကြောင်း ဓါတ်ပုံတွေအကြောင်း စကားတွေ အများကြီး ပြောရန်၊ ကျွန်မအကြောင်းကို ကျွန်မလောက် နီးနီး သိရှိ နားလည်ထားသော၊ ကျွန်မနှင့် ဘာသာစကားချင်း၊ အတွေး အရောင်ချင်း အကြိုက်ချင်း တူညီသော၊ ကျွန်မ အလွန်တရာ ရင်းနှီး ချစ်ခင်ရသော သူငယ်ချင်းတယောက် ရှိခဲ့ဖူးသည်။

အောချတ်လို လူထူထူ နေရာမျိုးတွင် သူနှင့် အတူ လမ်းလျှောက်တိုင်း ခြေလှမ်းအနည်းငယ်ခန့် အရောက်တွင် ငိုက်စိုက် ငိုက်စိုက်နှင့် လူအုပ်ကြားထဲ ရောနှောကာ သူနှင့် တကွဲတပြား ဝေးကွာသွားတတ်သော ကျွန်မကို သူ အမြဲလိုလို လိုက်လံ ရှာဖွေ ခဲ့ရဖူးသည်။ အရပ်မြင့်မားသော သူ့အတွက် လူတွေကြားထဲ ရောနှောနေသော ကျွန်မကို ရှာဖွေရသည်မှာ သိပ်မခက်ခဲလှသော်လည်း ဆံပင်များက ကျွန်မမျက်နှာပေါ်တွင် အမြဲလိုလို ဖုံးအုပ်နေတတ်သေးသည်ဖြစ်ရာ တခါတခါတွင် လူမှားမခေါ်မိစေရန် အလွန် သတိထားရသည်ဟု သူက ပြောပြတတ်ပါသည်။ ထိုအဖြစ်မျိုး အကြိမ်ကြိမ် ကြုံရဖန်များလာသောအခါ သူက ကျွန်မနှင့်အတူတူ အပြင်သွားမည်ကြံတိုင်း ထူးခြားသော အမှတ်အသားတခု ကျွန်မ၏ ပုခုံးပေါ်တွင် ဖြစ်စေ၊ ခေါင်းပေါ်တွင် ဖြစ်စေ ပြုလုပ်ထားရန် အကြံပြုလာပါသည်။ ဥပမာ - ရှောစောင် အဆင် လှလှတခု လည်ပင်းတွင် ပတ်ထားရန် (သို့မဟုတ်) ရုံးပိတ်ရက် ပေါ့ပေါ့ပါးပါး အဝတ်အစားဖြင့် သွားလာရသည့်နေ့မျိုးတွင် အဝတ်အစားနှင့် လိုက်ဖက်သော ဦးထုပ်တလုံး ဆောင်းလာရန် (သို့မဟုတ်) ဆံပင်ညိုညိုတွေပေါ်မှာ ဘီးကုတ် ကလစ် အဆင်ပြေရာ တခုခု ချိတ်တွယ် လာရန်… စသည်ဖြင့်…။ သူက အတည်ပြောနေသော်လည်း သူ့စကားအဆုံးတွင် ကျွန်မကတော့ ပြုံးရုံသာ ပြုံးနေလေ့ရှိပါသည်။

ယခုအချိန်မှာတော့ သူလည်း ကျွန်မနှင့် ဝေးလံသော နေရာဒေသ အသစ်တခုတွင် သူ့မိသားစုနှင့်အတူ အခြေတကျ ဖြစ်နေပြီမို့ အရင်အချိန်တွေကလို ကျွန်မကို အဖေါ်မလုပ်နိုင်တော့ပါ…။ လမ်းလျှောက်တိုင်း လူကွဲသွားသောကြောင့် သူ လိုက်လိုက် ရှာရသော၊ အပြင်ပန်းမှာ မာကျောကျော ကျွတ်ဆတ်ဆတ် ရှိနေသလောက် အတွင်းစိတ်က တိုးတိတ်စွာ မဝံ့မရဲနှင့် အားငယ်နေတတ်သော ကောင်မလေးတယောက်ကို သတိရနေဦးမည်လား… ကျွန်မ မသေချာပါ။ သူနှင့် အတူတူ သွားလာနေစဉ်အချိန်များက လမ်းလျှောက်လျှင် လူချင်း မကွဲကွာသွားစေရန် ကျွန်မ ပုခုံးကို ဖက်ထားခြင်း၊ ကျွန်မ လက်ကို တွဲကာ ဆုတ်ကိုင်ထားခြင်း (သို့မဟုတ်) သူ့ လက်မောင်းကို မှီတွယ်ထားစေခြင်း… စသည့် နည်းလမ်းများ ရှိသည်ကို သူ မသိပဲ နေလိမ့်မည် မဟုတ်ဟု ကျွန်မ ဆယ်လေး တလေး လောင်းရဲပါသည်…။ သို့သော်… ကံကြမ္မာသည် ကျွန်မကို နည်းနည်းလေးမျှပင် မျက်နှာသာ မပေးတတ်ခဲ့ပါ…။ ရှိပါစေတော့… …

ကျွန်မအနားတွင် သူ မရှိတော့သည့် နောက် သူနှင့် အတူတူ သွားနေကျ နေရာများကို ကျွန်မ တယောက်တည်း ငိုက်စိုက် ငိုက်စိုက်ဖြင့် သွားလာဖြစ်သောအခါ ကျွန်မအနားမှာ လစ်ဟာနေမှုကို သိသိသာသာ ခံစားရပါသည်။ စိတ်ထဲမှာ မကြည်လင်သောအချိန်များ ပို၍ များလာသောကြောင့်လား မသိ… ကျွန်မ ခေါင်းကို ငုံ့ကာ လမ်းလျှောက်ရခြင်းမှာ သိသိသာသာ နှစ်ချိုက် ပျော်ဝင်လာတာ ဖြစ်သည်။ သို့သော် ဘေးဘီဝဲယာကို စိုးစဉ်းမျှ မငဲ့ မစောင်းကြည့်ပဲ လျှောက်သွားရင်း စတိုးဆိုင်ကြီးတခုမှ မှန်တံခါးရွက်ကြီးနှင့် ဝင်တိုက်မိသော အခါ၊ စက်လှေခါးကို အတက်နှင့် အဆင်း မှား၍ စီးမိသောအခါ၊ ဓါတ်လှေခါးထဲမှ အထွက် ဈေးဝယ်လှည်းတခုကို ဝင်တိုက်မိသောကြောင့် ခြေမထိပ်မှာ ကွဲပြီး သွေးများ ထွက်လာသောအခါ၊ ရှေ့တည့်တည့်မှ အချက်ပေးသံ ဆူဆူညံညံဖြင့် လာနေသော စက်ဘီးသံကို မကြား၊ စက်ဘီးကိုလည်း မမြင်ပဲ အနားရောက်မှ ဟိုရှောင် သည်ရှောင်နှင့် လူမြင်ကွင်း လမ်းမကြီးပေါ်မှာ ထုတ်ဆီးတိုးသတဲ့သို့ ကို့ရို့ ကားယား ဖြစ်ရသောအခါ… ထိုအခါမျိုးတွင် ကျွန်မ တယောက်တည်း စိတ်ပျက်လက်ပျက် (သို့မဟုတ်) ဝမ်းနည်းစွာဖြင့် ရယ်မောနေခဲ့ဖူးပါသည်။

* * * * *

ထိုသို့ ခေါင်းငုံ့ကာ လမ်းလျှောက်ခြင်းသည် သာမန်ကိစ္စတခုဟု ထင်ထားသော်လည်း အခုတလောတွင် ကျွန်မကို ပြဿနာများစွာ ပေးနေကြောင်း သတိထားမိလာခဲ့သည်။ အကြောင်းမှာမူ ကျွန်မ လူများနှင့် မကြာခဏဆိုသလို ဝင်တိုက်နေမိခြင်းကြောင့်ပင်…။ ကျွန်မက လူတွေကို မမြင်ပဲ ဝင်တိုက်မိသည်လား… သို့တည်းမဟုတ် ကျွန်မလို ခေါင်းငုံ့ကာ ကိုယ့်လမ်းကိုယ် ကြည့်ရင်း လျှောက်တတ်သူတွေ ဒီမြို့လေးမှာ ပိုများလာသောကြောင့်လား… ကျွန်မ မစဉ်းစားတတ်ပါ။ သေချာသည်ကတော့ အခုတလော အတွန်း အတိုက်ပို၍ များလာခြင်းပင်။ ဝင်တိုက်မိမလို ဖြစ်တိုင်း ကိုယ့်ဖက်က မှန်သလား မှားသလား မစဉ်းစားနိုင်သေးခင်မှာ ဆောရီး ဆိုသော စကားလုံးကို တွင်တွင်သုံးကာ တောင်းပန်ဖြစ်ခဲ့သည်။ ကြာလာတော့ အနားမှာ လူတယောက်ယောက် ရောက်လာသလို ခံစားရတိုင်း ပါးစပ်က အကျင့်ကြီးပါနေကာ အလိုလိုနေရင်း ဆောရီး ဟု အော်တို ထွက်ချင်နေမိတော့သည်။

တညနေ ကျွန်မ စာကြည့်တိုက်မှ စာအုပ်ငှာပြီး အပြန်… လက်ထဲတွင် စာအုပ်များ တပွေ့တပိုက်နှင့်…။ စာကြည့်တိုက် အပြင်ရောက်တော့ မိုးက ရွာချင်သလိုလိုဖြစ်နေသည်ကို တွေ့ရသည်။ ထိုနေ့က ကျွန်မမှာ ထီးမပါခဲ့ပါ။ လေတချက်အဝှေ့တွင် မိုးသား ညိုမည်းမည်းတို့က ကောင်းကင်တခုလုံးကို မှောင်မိုက်သွားစေခဲ့တာ… ကျွန်မ လမ်းဆက်လျှောက်ရမည်လား စာကြည့်တိုက်ထဲ ပြန်ဝင်ရမည်လား တွေဝေနေဆဲ…။ ထို့နောက်မှာတော့ စာအုပ်များကို မိုးမစိုအောင် ထည့်စရာ အိတ်တခုခု ဝယ်ယူရန် စဉ်းစားမိရင်း စာကြည့်တိုက်ထဲသို့ ပြန်လှည့်အဝင်…

တစုံတယောက်နှင့် အရှိန်ပြင်းပြင်း ဝင်တိုက်လိုက်မိပြီ ဟု သိလိုက်သည်…။ နာကျင်မှုကြားမှပင် ဝင်တိုက်မိသူမှာ အမျိုးသားတယောက် ဟုလည်း အသေအချာ သိလိုက်ပါသည်…။ လက်ထဲမှာ ကိုင်ထားသော စာအုပ်များ အားလုံး ကြမ်းပေါ်သို့ တစစီ လွင့်စင် ပြုတ်ကျ ကုန်ကြသည်…။ ဆောရီး ဟူသော အက်ကွဲကွဲ တိုးရှရှ ကျွန်မအသံမှာ လည်ချောင်းဝကို ဖြတ်ပြီး ခြောက်သွေ့စွာ ထွက်ပေါ်လာခဲ့သည်။ မူးဝေ နောက်ကျိကာ ယိမ်းယိုင်သွားသော ခန္ဒာကိုယ်ကို အနီးရှိ နံရံဖက်ဆီသို့ ထိန်းကာ မှီတွယ်လိုက်မိသည်…။ ထုံးစံအတိုင်း မျက်နှာပေါ်မှ ဆံပင်များကြောင့် ဝင်တိုက်မိသူကို ဆံပင်တွေအကြားမှ ကြိုးစားပမ်းစား ရှာဖွေကြည့်နေဆဲ… ထိုသူက အနည်းငယ် ယိမ်းယိုင် ပျက်ပြားသွားသော သူ့ဟန်ချက်ကို ပြန်ပြင်လိုက်ကာ ကျွန်မကို လုံးဝ လှည့်မကြည့်ပဲ၊ စကားတစုံတရာ မဆိုပဲ ကျောခိုင်း ထွက်ခွာသွားခဲ့တာ ဖြစ်သည်။ သို့သော် သူ့နံဘေးမှာ သူနှင့် ပါလာဟန်တူသော မိန်းကလေးတယောက်ကို လှမ်းပြောလိုက်သော သရော် လှောင်ပြောင်ဟန် စွက်သည့် စကားတခွန်းကို ကျွန်မ ကြားဖြစ်အောင် ကြားလိုက်ရပါသည်…။

“အလကားပါကွာ… ဘေးနားမှာ ချစ်တယောက်လုံး ပါနေရက်သားနဲ့ ဇာတ်လမ်းလုပ်ပြီး လာ ဝင်တိုက်နေတယ်… ဟိုး ငယ်ငယ်တုံးက အထာတွေနဲ့… ဒါမျိုးတွေ ရိုးနေပြီ…”


အရှိန်ပြင်းစွာ တိုက်မိလိုက်သောကြောင့် မူးဝေနေသော ဝေဒနာထက် အဆပေါင်းများစွာ ပိုသော နာကျင်မှုမျိုးကို ကျွန်မ ခံစားလိုက်ရပါသည်။ နာကျင်နေသည့်ကြားမှပင် ကျွန်မလက်မှ လွတ်ကျသွားသော စာအုပ်များကို တအုပ်ချင်း ဖြေးညှင်းစွာ လိုက်လံ ကောက်ယူနေမိသည်။ စုစုပေါင်း စာအုပ် ခြောက်အုပ် လက်ထဲ ပြန်ရောက်လာအပြီးမှာ မျက်လုံးထဲ သူ့အလိုလို ပြည့်နှက်လာသော မျက်ရည်စများကို ကြိုးစားပမ်းစား သွေ့ခြောက်စေခဲ့ပြီး ကျွန်မ အသက်ကို တဝကြီး ရှူသွင်းလိုက်မိပါသည်…။

အရှေ့ဖက်ကို ဆက်လျှောက်ရမည်လား အနောက်ကို ပြန်လှည့်ရမည်လား မရေမရာ… ခြေလှမ်းများ နေသားတကျ မဖြစ်သေးခင်မှာ ရှိစု မဲ့စု သတ္တိများကို အကုန် ထုတ်သုံးရင်း ဆုံးဖြတ်ချက်တခုကို အခိုင်အမာ ချဖို့ ကြိုးစား တွေးတော နေမိတာ ဖြစ်သည်…။ သည်အတိုင်း ဆက်သွားလျှင် ဘယ်နည်းနှင့်မျှ အဆင်မပြေနိုင်…။ အမြဲတစေ ခေါင်းငုံ့ကာ လမ်းလျှောက်နေသ၍ တချိန်မဟုတ် တချိန်မှာ အခုလို အဖြစ်မျိုး နောက်ထပ် မကြုံနိုင်ဟု မည်သူက အာမခံနိုင်ပါမည်လဲ…။ သည်လို ပြင်းထန်သော (သို့မဟုတ်) သည့်ထက်ပို၍ နာကျင်စရာကောင်းအောင် ရင့်သီး လွဲမှားသော ကောက်ချက်မျိုး နောက်တခါ မကြားရနိုင်ဟု မည်သူက အာမခံနိုင်ပါမည်လဲ…။ သည့်ထက် ပိုဆိုးလျှင် ဝင်တိုက်မိရာမှ လဲကျကာ ထိခိုက် ကျိုးပဲ့ နာကျင်မှုများပင် ဖြစ်နိုင်ချေရှိသေးသည်။ ထိုနေ့မှ စတင်ကာ ကျွန်မ မျက်နှာကို ရှေ့တူရှုဆီသို့ တည့်တည့် ကြည့်ကာ လမ်းလျှောက်တတ်ဖို့ ကြိုးစားခဲ့တာ ဖြစ်သည်။

ကောင်းပြီ… ကျွန်မ ဆုံးဖြတ်ပြီးပြီ…။ ယနေ့မှစ၍ သွားလေရာ လာလေရာ လမ်းတလျှောက်မှာ ကျွန်မဖက်က စတင်ကာ တခြားသူတယောက်ကို လုံးဝ မတိုက်မိစေရ… အကယ်၍များ တစုံတယောက်က ကျွန်မကို မမြင်ပဲ အမှတ်တမဲ့ ဝင်တိုက်တော့မည်ဆိုလျှင် ကျွန်မက အရင် တင်ကြို မြင်နိုင်စေရမည်… ပြီးတော့ အသာအယာ ဘေးကို ဖယ်ထွက်ကာ ရှောင်ပေးလိုက်မည်ပေါ့… သူ့လမ်းကိုသူ လွတ်လွတ်ကင်းကင်း သွားပါစေ…။

* * * * *

သည်လို ဆုံးဖြတ်ချက်ချပြီး နောက်တနေ့ နံနက်မှာ ကျွန်မ အပြင်သွားရန် အိမ်မှ ထွက်လာခဲ့သည်။ စစချင်းမှာ မျက်နှာကို ရှေ့တည့်တည့်သို့ ဦးတည်ကာ ကြည့်ရန် အတော် ကြိုးစားခဲ့ရသည်။ မျက်လုံးများထဲသို့ တိုက်ရိုက် ထိုးဖေါက် ဝင်ရောက်လာသည့် နေရောင်ခြည် စူးစူး၏ ဒါဏ်ကို မသိမသာ ရှောင်လွှဲရင်း သတိထားနေသည့်ကြားမှ ခေါင်းက ငုံ့သွားပြန်သည်။ သို့သော် ရထားဘူတာ တခုစာခန့် လျှောက်အပြီးတွင်မူ ကျွန်မသည် မျက်နှာကို ရှေ့သို့ တည့်တည့်ကြည့်ကာ လမ်းလျှောက်ခြင်းဟူသော အဖြစ်နှင့် သူစိမ်းပြင်ပြင် မဟုတ်တော့ချေ။ ကျင့်သားရလာသော မျက်လုံးတို့ကလည်း အရှေ့တည့်တည့်မှသည် ဘေးဘီဝဲယာတို့ကို အသာ ငဲ့စောင်းကာ ကြည့်တတ်စ ပြုလာပြီ ဖြစ်သည်။

လမ်းဘေးတလျှောက်ဆီမှ စိမ်းစိုစို သစ်ပင်တန်းကလေးမှများ၊ လေပြေတချက် အဝှေ့တွင် ဝေ့ကာ ဝိုက်ကာ ကြွေလွင့်ကျလာသော သစ်ရွက်ခြောက်ကလေးများ၊ တကျီကျီ တကျာကျာ တေးဆိုနေကြသော ငှက်ရောင်စုံ ပေါက်စနလေးများ၊ ကျွန်မလိုပင် ကျောပိုးအိပ် ကိုယ်စီဖြင့် လမ်းလျှောက်နေကြသူများ၊ ကျန်းမာရေးအတွက် လေ့ကျင့်ခန်းယူ လမ်းလျှောက်နေကြသူများ ကားမှတ်တိုင်တွင် ရပ်ကာ ကားစောင့်နေကြသူများ၊ လမ်းကူးရန် မီးပွိုင့် မီးအစိမ်းကို ရပ်စောင့်နေကြသူများ၊ ပလက်ဖေါင်းပေါ်တွင် စက်ဘီးကိုယ်စီဖြင့် သွားလာနေကြသူများ၊ အပြေးလေ့ကျင့်နေကြသူများ၊ ကလေး လက်တွန်းလှည်းများ ကိုယ်စီနှင့် အမျိုးသမီးများ… ထိုမြင်ကွင်းများအပြင် ပျင်းရိလေးတွဲစွာ သန်းဝေရင်း အမှိုက်သိမ်းနေသော သန့်ရှင်းရေးဝန်ထမ်း နှစ်ယောက်၊ သုံးထုပ်ကို တဒေါ်လာဟု ရေရွတ်ရင်း ဝှီးချဲဖြင့် တစ်ရှူးပေပါ ရောင်းနေသော မသန်မစွမ်း အမျိုးသမီးတယောက်… အားလုံးသည် ကျွန်မ၏ မြင်ကွင်းထဲသို့ အရောင်စုံ အသွေးစုံ ခံစားမှု အစုံစုံဖြင့်… ။

ထိုအခါ လမ်းဘေးဝဲယာမှ မြင်ကွင်းများကို ငေးမော ခံစားရင်း လမ်းလျှောက်ရခြင်းအပေါ်တွင် ပထမဦးဆုံးအကြိမ်အဖြစ် နှစ်ချိုက်စွာ သာယာမိလာတာ ဖြစ်သည်။ ထို့အပြင် ကိုယ်လျှောက်မည့်လမ်းကို သေသေချာချာကြည့်ကာ တည့်မတ် ဖြောင့်တန်းစွာ လှမ်းလျှောက်တတ်လာခြင်း၊ မျက်နှာချင်းဆိုင်မှ လျှောက်လာနေသူများကို ဝင်မတိုက်မိစေရန် လှပ သေသပ်စွာ တိမ်းရှောင်တတ်လာခြင်း၊ ကျွန်မ၏ အနောက်ဖက်မှ ခပ်သုတ်သုတ်ခြေလှမ်းများဖြင့် ကျွန်မကို ကျော်ဖြတ်ကာ လျှောက်သွားကြသူများအတွက် ကိုယ်ကို အသာကျုံ့ပေးရင်း ကိုယ်နေဟန်ထား မပျက် ရှောင်တိမ်းပေးတတ်လာခြင်း စသည်တို့ကိုလည်း အောင်မြင်စွာ ဆောင်ရွက်နိုင်ခဲ့ကြောင်း ဝမ်းမြောက်ဖွယ် တွေ့ရလေသည်။

ထိုအချိန်မှာပဲ…
ကျွန်မ ခေါင်ငုံ့ကာ လမ်းလျှောက်တိုင်း လူချင်းကွဲသွားတတ်သောကြောင့် ငြိုငြင်ဟန် ပြတတ်သော ချစ်သူငယ်ချင်းတယောက်နှင့် ချွန်မြ စူးရှပြီး ရင့်သီးသော စကားလုံးတို့ဖြင့် ပစ်ပေါက်ကာ မျက်နှာကို ရှေ့တည့်တည့်သို့ ရဲရဲတင်းတင်း ကြည့်ရင်း လမ်းလျှောက်တတ်လာအောင် ပညာပေးခဲ့သော စာကြည့်တိုက်ရှေ့မှ အမျိုးသားတယောက်ကို ကျွန်မ ပြင်းပြင်းထန်ထန် သတိရနေခဲ့မိတာ ဖြစ်သည်။



မှတ်ချက် - ရွှေဒေါင်းတောင် အွန်လိုင်းမဂ္ဂဇင်း တွင် ဖေါ်ပြပြီး

Saturday, September 15, 2012

ဟင်းချက်သောနေ့ (၁)

အခုတလော အပြင်မှာစားဖြစ်သော ရက်တွေ တော်တော်ကို များနေသည်။ ထို့ကြောင့် ဒီနေ့တော့ အိမ်မှာ တခုခုချက်အုံးမှပဲဟု စဉ်းစားကာ ရေခဲသေတ္တာကို ဖွင့်လိုက်သည်။ ခဲနေသော ဘူးများကို တခုချင်းစီ အတင်း ပြုးပြဲ ကြည့်သည်။ ဘာချက်ရရင် ကောင်းမလဲ စဉ်းစားသည်။ သိပ်ဦးနှောက် မခြောက်လိုက်ရခင်မှာ… တနေ့က ဝယ်ထားသော ဝက်အူချိုတဗူး၊ ဝက်အသည်း တဗူးနှင့် အတူ ဟင်းသီးဟင်းရွက်များအကြားမှ ခပ်စိမ်းစိမ်း စိုက်ကြည့်နေသော သရက်သီး အစိမ်းနှစ်လုံးကို တွေ့လိုက်ရသည်။ ထိုအခါ ခေါင်းထိပ်မှာ မီးသီးလေးလင်းသွားသော ကာတွန်းကွက်ကို သတိရသွားသည်။ ဟုတ်ပြီ... ဝက်သားတုတ်ထိုး လုပ်မည်။ သရက်သီးကြော်မည်… သူများတွေ သရက်သီး ငပိချက်ဟု ခေါ်ကြမည် ထင်သည်။ ဒီကတော့ ငပိ မထည့်မှာမို့ သရက်သီးကြော်ဟုသာ လွယ်လွယ် ခေါ်ကြပါစို့…

သရက်သီးတွေကို ဒါးနဲ့ပေါက်


ကြက်သွန်နီ၊ ကြက်သွန်ဖြူ၊ ငြုတ်သီးအကြမ်းမှုန့် နှင့် ပုဇွန်ခြောက်မှုန့်တွေ အသင့်ပြင်


ဆနွင်းမှုန့်၊ ဆီ၊ ငန်ပြာရည် နှင့် အချိုမှုန့်များက သက်ဆိုင်ရာ ပုလင်းတွေထဲမှာ အသီးသီး ရှိနေကြ (ဓါတ်ပုံမရိုက်သော်လည်း မြင်ယောင်ကြည့်ကြစေချင်သည်)

ကြက်သွန်ဖြူ နီ ဆီသတ်


ကြက်သွန်အတော်နွမ်းတော့ ငြုတ်သီးအကြမ်းမှုန့်ထည့် မီးခပ်အေးအေးနဲ့ကြော်


ငြုတ်သီးတွေ ကျက်လောက်ပြီဆိုတော့ ပုဇွန်ခြောက်မှုန့် ထည့် မွှေ


တခဏအကြာမှာ သရက်သီးဒါးပေါက်တွေထည့် (ချက်နေရင်း သွားရည်ကျမှုကို ကာကွယ်ရန် ရေတခွက် သွားသောက်သည်)


ငါးမိနစ်ခန့် မွှေရင်း ငန်ပြာရည် အနည်းငယ်နှင့် (ဘေးဘီဝဲယာကို မသိမသာ ကြည့်ကာ) အချိုမှုန့် တဇွန်း အပြည့် ထည့်ပလိုက်သည်။ ဟော... ဒီမှာ သရက်သီးကြော်ရပြီ (ငြုတ်သီးစိမ်းတောင့်ကလေး တတောင့်တလေမျှပင် အိမ်မှာ မရှိသောကြောင့် သရက်သီးကြော်သည် လှသင့်သလောက် မလှ…)


တချိန်ထဲမှာ သကြား ကြက်သွန်ဖြူ ဂျင်းတို့ကို ဆီသတ်ပြီး ဝက်အူချိုနှင့် အသည်းတို့ကို တပါတည်း ဆီသတ်ကာ Pressure Cooker တွင် ၅ မိနစ်ခန့် ပေါင်းသည်။ ကြက်ဥ ၆ လုံး ပြုတ်သည်။ ပြီးတော့ ခုနက ပေါင်းအိုးထဲ ထည့်၊ အနားမှာ ဘယ်သူမှ မရှိတာ သေချာသည်မို့ အချိုမှုန့် တဇွန်းကို တည်တည်ငြိမ်ငြိမ်ဖြင့် ထည့်လိုက်နိုင်သည်။ ပြီးတော့ ၅ မိနစ်ခန့် ထပ်ပေါင်းသည်။ ထိုအခါ ပုံပါအတိုင်း ဝက်သားတုတ်ထိုး ဆန်ဆန် ဟင်းတခွက်ရ၏။


အားလုံးပြီးစီးသွားသောအခါ ထိုဟင်းနှစ်မျိုးကို စားပွဲပေါ်တင်လိုက်ကာ ရေနွေးကြမ်း နှစ်ခွက်ပါ ပြင်လိုက်ရင်း စားကြမယ်ဟေ့... ဟု ခပ်ကျယ်ကျယ်လေး ခေါ်လိုက်သည်။ မီးဖိုထဲသို့ သူ ဝင်လာသည်။ ထမင်းခူးရန် ပန်းကန်ပြား နှစ်ချပ်ယူကာ ထမင်းအိုးကို ဖွင့်လိုက်သည်။ ဒန်... ဟန်... ဟန်... ထမင်းကား မချက်ရသေးချေ။ သူ လှည့်ကြည့်နေသည်ကို မသိချင်ယောင်ဆောင်နေလိုက်သည်။ ဒီမှာ ဒီလောက် ချက်ပြုတ်ထားတာ ထမင်းချက်ဖို့ မေ့သွားတာ အပြစ်လာမပြောနဲ့… ဟူသော မျက်နှာပေးဖြင့်…

အချိန်ကြည့်လိုက်တော့ ၂ နာရီ ထိုးတော့မည် ခုနေမှချက်လျှင် နောက်ထပ် နာရီဝက်ခန့် စောင့်ရဦးမည်။ ဆန်အဖြူကို ချက်လျှင် ထိုမျှလောက်မကြာ.. သို့သော်အိမ်မှာက ဆန်အညိုစားသည်။ ချက်ရတာ ပိုကြာသည်။ ရှိစေတော့…

ထိုဝက်သားတုတ်ထိုး၊ ကြက်ဥ နှင့် သရက်သီးကြော်ကို ရေနွေးကြမ်း သောက်ရင်း ခပ်တည်တည်ဖြင့် သည်အတိုင်း ထိုင်စားလိုက်ကြသည်။ စားနေစဉ်မှာ သူက သူ့ဖုန်းကို မျက်နှာနား လာထိုးပြသည်။ သူပြလာသော ဓါတ်ပုံကိုကြည့်ကာ အသံထွက် ရယ်မောနေစဉ် သူက နောက်တပုံ ထပ်ပြသည်။ ထိုပုံကိုတွေ့သောအခါတွင်မူ မရယ်နိုင်တော့ချေ။

ပုံ (၁) မှာ ဘေစင်နှစ်ခြမ်းစလုံး ပြည့်နေသော၊ အသုံးပြုပြီး ပေရေနေသော အိုးခွက် ပန်းကန် ယောက်မ ဇွန်း တို့ ဖြစ်ကြပြီး ပုံ (၂) မှာ ချွေးတလုံးလုံးဖြင့် ညစ်ပတ် ပေတူးနေသော အိမ်ရှင်မ ပုံ ဖြစ်ပါသည်။ ထိုပုံများမှာ ပရိသတ်ကြီး မမြင်သင့်သော ပုံများ ဖြစ်နေသောကြောင့် ဝမ်းနည်းစွာဖြင့် ချန်လှပ်ထားခဲ့ရပါသည်။

တော်သေးပြီ…။



Thursday, August 30, 2012

အချဉ်ပေါက်သူတယောက်၏ အစာအိမ်ကို အဆင့်ဆင့် သရုပ်ခွဲ ကုသခြင်း

ဖြစ်စဉ် (၁) - စတင်ခြင်း

အေ့ - အေ့ - အနီးအနားမှ လူများ သည်းမခံနိုင်လောက်အောင် တအေ့အေ့ အသံဆိုးဆိုးဖြင့် လေချဉ်များ အဆက်မပြတ် တက်နေ - အေ့ - အစာအိမ် လမ်းကြောင်းတလျောက်မှ အက်ဆစ်များ တစိမ့်စိမ့် စီးဆင်း ထွက်ကျလာ သကဲ့သို့ သိ ရှိ ခံ စား နေရ - လည်ချောင်းဝမှ တဆင့် ပါးစပ်ထဲသို့ ရောက်လာသော အရည်တချို့မှ ချဉ်စုတ်စုတ် အရသာများ လျာဖျားကို တွန်း တိုက် ရောက် ရှိ ထိတွေ့ ခံ စား - ဝမ်းဗိုက်တခုလုံး စူးစူးဝါးဝါး နာ ကျင် ခံ ခက် - ဗိုက်ထဲမှာ အစာရှိလည်း နာ - အစာ မရှိလည်း နာ - ဒါဆိုရင် အစာအိမ်နာဖြစ်ဖို့ သေ ချာ နေ ပြီ - ကြော်အောင် - ငြာ - တဲ့ ကြော်ငြာလား - ကြော်အောင် - ညာ - တဲ့ ကြော်ညာလား - မသဲကွဲ - တကယ်ဆို အချဉ်ပေါက်နေတာ အစာအိမ် တနေရာထဲဆိုတာ ဟုတ် နိုင် ပါ့ မ လား - မျက်စိနှစ်ကွင်းမှ အမြင် အာရုံများ - နားရွက်ဖျားမှ အကြား အာရုံများ - နှာခေါင်းထိပ်မှ ကောင်း ဆိုး မွှေး နံ အနံ့ စုံ အာရုံများ - လျာဖျားမှ ချို ချဉ် ငန် ခါး ရသာစုံ အာရုံများ - ခန္ဒာကိုယ် တခုလုံးရှိ သွေးကြောပေါင်းစုံမှ အာရုံများ - မာခေါက်ခေါက် ခေါင်းခွံအောက်က ဖြူ ပျော့ပျော့ ဦးနှောက်များမှ စိမ့်ယို စီးဆင်းနေသော အတွေး အာရုံများ - ထိုထိုသော အာရုံ ခြောက်ပါးတို့မှ အချဉ်ပေါက်မှု အသီးသီး အတွက် အစာအိမ်တခုတည်းကို တရားခံရှာကာ အပြစ်များ အားလုံး စု ပုံ လွှဲ ချ - ဒါ တရားသလား - သို့သော် - ထို့ကြောင့် - အချဉ်ပေါက်နေသော အစာအိမ်ကို ဓါတ်ခွဲခန်းသို့ မီး နီ ပြာ လင်းလင်း - အဆက်မပြတ် ဥသြသံ ဆူဆူ - အဖြူရောင် အနီကြား -
ယာဉ်ကြော ပိတ်ဆို့မှု မရှိစေရန် - အမြန်ယာဉ်ဖြင့် သယ်ယူ ပို့ဆောင် -

ဖြစ်စဉ် (၂) - ပြင်ဆင်ခြင်း

စီတန်းနေသော အခန်းတံခါးချပ်များပေါ်မှ သုံးမြှောင့်ပုံသဏ္ဍာန် အနီရောင် မီးလုံးငယ်များ လင်းတခါ မှိန်တလှည့် - ဆံကေသာ အလှပြုပြင်ရေး ဆိုင်များမှာ တပ်ဆင်ထားသော မီးအိမ်များနှင့် သဘောတရားခြင်း ဆင်ဆင်တူ - မီးလင်း = အလုပ်ရှိ - အပေါ် အောက် တဆက်တည်း အပြာရောင် ဝတ်ရုံရှည်ကို ပြောင်းလဲ ဝတ်ဆင်ရင်း စိတ်ကြီးဝင်ချင်သလို ဖြစ်လာ - လင်းနို့ လူသားလေလား - ပင့်ကူ လူသားလေလား - မဟာ လူသားလေလား - ဖြစ်မှ ဖြစ်ရလေ - ကုတင်ဖြူဖြူပေါ်ရောက် - ဦးခေါင်းအထက်ဆီမှ စီးမိုးထားသော ထိန်ထိန်ညီး မီးလုံး ကြီးနှစ်လုံး၏ အရှိန်ကြောင့် အာရုံ ခြောက်ပါးအနက် အချို့သော အာရုံများ တမဟုတ်ချင်း ငြိမ်သက်သွားစဉ် - ရင်ညွန့်တနေရာမှ နှလုံးခုန်နှုန်းများ အဆတိုး၍ ခုန် ပေါက် မြန် ဆန် လှုပ် ရှားလာ - ခွင့်ပြုပါ - ဟူသော အသံ တစ ကြားရ - ဘယ်ဖက် လက်မောင်းမှ တစထက် တစ တင်းကျပ်လာသော စည်းနှောင်/ ချည်နှောင်မှု တခု - ညာဖက် လက်ဖျံမှ သွေးကြောထဲသို့ စူးစူး ချွန်ချွန် အရာတခု တိုးဝင် ထိုးဆွ - ကိုယ်တွင်းရှိ သွေးကြောများ တောက်လျောက် မီးစဖြင့် ထိုးသလို ပူလောင် - ခွင့် ပြု ပါ - အေးစက်စက် ကမ္ဘာငယ်မှာ အပြာလဲ့လဲ့ ဝတ်ရုံရှည် ဝတ်ဆင်ရင်း - မြစိမ်းရောင် မျက်နှာဖုံး တပ်ဆင်ရင်း - သွေးဆုတ် ဖြူဖျော့ နှုတ်ခမ်းကို တင်းတင်းစေ့ရင်း - လက်နှစ်ဖက်ကို ကိုယ့်ဘေးမှာ အလျားလိုက် ဖြောင့်တန်းစွာ ကပ်ထားရင်း - တခဏတာ ငြိမ်သက်စွာ အိပ် စက် နားခို - အာရုံ ခြောက်ပါးမှာ အချဉ်ပေါက်နေခြင်းမှ - တင်းပြည့် ကြပ်ပြည့် - ချုပ်ငြိမ်း - အ နား ရ သွား ခိုက် -

ဖြစ်စဉ် (၃) - စစ်ဆေးခြင်း

ခွင့်ပြုပါ - သေးငယ်သော မှန်ဘီလူးတပ် - ချွန်မြသော ကပ်ကြေးငယ် တပ် - ပိုက်တချောင်း အစာအိမ်အတွင်းသို့ လမ်းကျယ် လမ်းသွယ် များမှတဆင့် တွား သွား ဝင် ရောက် - အသေးစိတ် စပ်စု လေ့ လာ - လေးထောင့် ဖန်သားပြင်ပေါ်တွင် အစာအိမ် အတွင်းလွှာ နံရံ တလျောက် နီစပ်စပ် သွေးစို့စို့ ဒါဏ်ရာ အနာတရ များစွာကို အနှေးပြကွက်ဖြင့် ထင်ထင်ရှားရှား ရှာဖွေ တွေ့ရှိ - - စိမ်းဖန့်ဖန့် အက်ဆစ်ရည်များက နေရာအနှံ့ စိုစိုစွတ်စွတ် - ကြေညက်စွာ ဝါးမျိုထားခြင်း မရှိသော - သို့မဟုတ် - ကြေညက်အောင် ဝါး၍ မရနိုင်သော - သို့မဟုတ် - ကြေညက်အောင် ခြေနိုင်ခြင်းငှာ မစွမ်းသော - ငစိန်ဆန်ကြမ်း - ငြုတ်သီးမှုန့် မှိုတက် - ချဉ်ပေါင်ရွက် ကြမ်းကြမ်း - ဆိုးဆေးပါ အနီရောင် မျှစ် ရင့်ရင့် - အပေါစား ပြည်တွင်းဖြစ် ချက်အရက် ပြင်းပြင်း - အားလုံး ညိုညစ်စွာ လုံးထွေး ပေါင်းစည်း - ပုတ်အဲ့အဲ့ ချဉ်စူးစူး အနံ့ဆိုး - နှလုံး တချက်တိုး အခုန်မှာ ကိုယ်တွင်းမှ ပစ္စည်းများ နေရာ အရွေ့ - အကြမ်းစား ပစ္စည်းတို့က အနာများကို ရှတစွာ တိုက်ခိုက် ထိုးနှက် - အနာပေါ် တုတ်ကျ - အား -

ဖြစ်စဉ် (၄) - ကုသခြင်း

အရည်ကြည် သက်သက် နှစ်ရက် - ပျော့ပျောင်းသော အရည်စွက် အစာများ နှစ်ရက် - အပ်စူးစူးမှ တဆင့်လာသော ထိုးဆေးများ - ၂၄/၇ - သုံးရက် - ပိုးသတ်ဆေး အလုံး အခဲ အတောင့်များ ငါးရက် - နွားနို့ကဲ့သို့ ဖြူရော်ရော် ပျစ်ချွဲချွဲ ဆေး အရည်များ တခွက်ပြီး တခွက် ဆယ်ရက် - အိပ်ယာခင်း အဖြူ ခေါင်းအုံးအဖြူ စောင်အဖြူ - လူခေါ် အဝေးထိန်း စက်ခလုပ်ခုံ - ခွင့်ပြုပါ အစချီ သုံးနာရီခြား တခါ စစ်ဆေး တိုင်းထွာသော သက်ရှိ နှင့် သက်မဲ့ ကရိယာ - ရုပ်မြင်သံကြားပြစက် နှင့် အဝေးထိန်း စက်ခလုပ်ခုံ - လုပ်ဖေါ် ကိုင်ဖက်များထံမှ နှစ်သိမ့် သစ်သီး - ကဒ် - ပန်းစည်းများ - အားလုံးနှင့် အတူတူ - စုစုပေါင်း ဆယ်ရက် - စာရွက်ဖြူပေါ်ရှိ ဇယားကွက်မှာ ထိပ်စည်း ဂဏန်း တလုံး + နောက်ဆက်တွဲ သုည လေးလုံး - အစာအိမ် မဟုတ်သော ရင်တွင်း တနေရာမှ ဝေဒနာတချို့ ရုတ်ချည်း ပေါ်လာ - အား - ဟု ပင် အသံ မထွက်နိုင်တော့ -

ဖြစ်စဉ် (၅) - မှာကြားခြင်း (သို့) လိုက်နာ ဆောင်ရွက်ရန်

အစာအိမ် အချဉ်ပေါက်ရခြင်းမှာ သုံးဆောင်မိသော အရာများ အလွယ်တကူ အခဲမကြေခြင်း - သို့မဟုတ် - မကြေညက်ခြင်းတို့မှ စ တင် မြစ် ဖျား ခံ - ထို့ကြောင့် သုံးဆောင်ရန်ရှိသော အရာများကို ကြေညက်အောင် ကြိမ်ဖန်များစွာ ဝါး ပြီး မှ မျို ချ ရန် - မာကျော ကြမ်းတမ်းသော - အစာ ခြေရန် / ကြေရန် ခက်ခဲသော - ပူစပ်မှု / ပူလောင်မှု ရာခိုင်နှုန်း များသော - အဝင်လမ်းတလျောက် ထိ ခိုက် ကြမ်း ရှ စေသော - အရာများကို တတ်အားသ၍ ရှောင် ကြဉ် ရန် - ပြီးလွယ် စီးလွယ် ဝါးကာ အဆောတလျင် မျိုချခြင်းမျိုးမှလည်း ရှောင် ကြဉ် ရန် - ဖြစ်နိုင်လျင် ငစိန်ဆန် အစား ပေါ်ဆန်းမွှေး - ချဉ်ပေါင်ရွက် အစား ကြက်သား - မျှစ် အစား ပေါင်မုန့် - ငြုတ်သီးမှုန့် အစား ကြက်ဥ - ချက်အရက်ပြင်းများ အစား နိုင်ငံခြားဖြစ် နှစ်ချို့ဝိုင် တို့ကို အစားထိုး သုံးဆောင်ရန် - မသင့်တော်သော (သို့မဟုတ်) မတော်တဆ တွေ့မြင် ကြုံဆုံရသော အရာများ - မြင်မြင်ကရာ အလွယ်တကူ ရရှိနိုင်သော အရာများ ကို သတိကြီးစွာထားပြီး သုံး ဆောင် ရန် - သင့် - မ သင့် - စဉ်း စား ရန် - မလွှဲသာ မရှောင်သာ သုံးဆောင်မိပါက သေသေချာချာ ကြေကြေညက်ညက် ဖြစ်အောင် ကြိမ်ဖန်များစွာ ဝါးပြီးမှ လက် ခံ မျို ချ ရန် - ဗလုံး ဗထွေး လုံးချ မျိုချခြင်းမှ လုံးဝ ရှောင် ကြဉ် ရန် - မှားယွင်း သုံးဆောင်မိပါက အသင့်ဆောင်ထားသော အစာကြေ ဆေးလုံး ဆေးရည်များကို ကြို ကြို တင် တင် - အချိန်မီ - မှီ ဝဲ ထားရန် - တစုံတရာ အဆင်မပြေဖြစ်ခဲ့သည်ရှိသော် / ဖြစ်ခဲ့ပါက အထက်ပါ ဖြစ်စဉ် အဆင့်ဆင့်ကို အ စ မှ အ ဆုံး - အ စ မှ အ ဆုံး - တပတ်လည်အောင် ပြန်လည် ဆောင်ရွက်ရန် -

- အစာအိမ် အချဉ်ပေါက်ရခြင်းမှာ သုံးဆောင်မိသော အရာများ အလွယ်တကူ အခဲမကြေခြင်း - သို့မဟုတ် - မကြေညက်ခြင်းတို့မှ စတင် မြစ်ဖျားခံ -