Wednesday, December 26, 2012

အကူး အပြောင်း

ပြီးခဲ့တဲ့ ရက်အနည်းငယ်က မှတ်မှတ်ရရ ဖတ်လိုက်ရတဲ့ သတင်းကတော့ အမေရိကန်နိုင်ငံရဲ့ အပတ်စဉ်ထုတ် Newsweek ဆိုတဲ့ ထိပ်တန်း မဂ္ဂဇင်း အကြောင်းပါ။ အဲဒီမဂ္ဂဇင်းဟာ သက်တမ်းအားဖြင့် ၁၉၃၃ ကနေ ၂၀၁၂ အထိ… နှစ်ပေါင်း ရှစ်ဆယ် ရှိခဲ့ပါပြီ။ တိတိကျကျ ပြောရရင် ပထမဆုံး Newsweek စာစောင်ကို ၁၉၃၃ ခု ဖေဖေါ်ဝါရီလ ၁၇ ရက် မှာ ထုတ်ဝေခဲ့ပါတယ်။ အဲဒီ Newsweek မဂ္ဂဇင်းဟာ အခု ၂၀၁၂ ဒီဇင်ဘာလ ၃၁ ရက်နေ့မှာ ပုံနှိပ်ထုတ်ဝေမှုကို ရပ်တန့်လိုက်မှာဖြစ်ပြီး အွန်လိုင်း မဂ္ဂဇင်းတခု အနေနဲ့သာ ဆက်လက် ရပ်တည်တော့မှာ ဖြစ်တယ်လို့ သိရပါတယ်။

လွန်ခဲ့တဲ့ ၂၀၀၅ ခုနှစ်က စပြီး မဂ္ဂဇင်းစာအုပ်ရဲ့ ရောင်းအားဟာ ပုံမှန်ရောင်းအား စာအုပ်ရေ သုံးသန်းကနေ (ငါးဆယ်ရာခိုင်နှုန်း) တသန်းခွဲကို သိသိသာသာ ကျဆင်းလာတယ်… ကြော်ငြာစာမျက်နှာတွေဟာလည်း ၈၀ ရာခိုင်နှုန်းကျော်အထိ ကျဆင်းသွားပြီး နှစ်စဉ် အရှုံးနဲ့ ရင်ဆိုင်နေရတယ် လို့ သိရပါတယ်။ ဒါတွေအပြင် ပုံနှိပ် ထုတ်ဝေရာမှာ ကုန်ကျစရိတ်၊ ဖြန့်ဝေတဲ့ အခါ ကုန်ကျရတဲ့ စရိတ်တွေကလည်း တဖြည်းဖြည်းနဲ့ ကြီးမြင့်လာတာကြောင့် အခုလို ဆုံးဖြတ်ရခြင်းဖြစ်တယ်လို့ တာဝန်ရှိသူများက ဆိုပါတယ်။

သို့သော် အခုလို ပုံနှိပ်ကနေ အွန်လိုင်းကို အပြောင်းအလဲမှာ ပုံနှိပ်ခ၊ ပို့ဆောင်ခ၊ ဖြန့်ဖြူးခ အစရှိတဲ့ စရိတ်တွေက သက်သာသွားမှာ ဖြစ်သလို တဖက်က ကြော်ငြာစာမျက်နှာတွေဆီက ရနေတဲ့ ပုံမှန်ဝင်ငွေတွေကတော့ လျော့နည်းသွားမှာ ဖြစ်ပါတယ်။

ဒါကတော့ ၁၉၃၃ ဖေဖေါ်ဝါရီလ ၁၇ ရက်မှာ ပထမဆုံး ထုတ်ဝေတဲ့ စာစောင်နဲ့ ၂၀၁၂ ခုနှစ် ဒီဇင်ဘာလ ၃၁ ရက်နေ့ နေ့စွဲနဲ့ ထုတ်ဝေလိုက်တဲ့ နောက်ဆုံး ပုံနှိပ် စာစောင်ဖြစ်ပါတယ်။ နောက်ဆုံးစာစောင်မှာ Manhattan Headquarters ပုံကို အဖြူ အမည်း နှစ်ရောင်နဲ့ မျက်နှာဖုံး ပြုလုပ်ထားပြီး #LAST PRINT ISSUE ဆိုတဲ့ စာလုံးမှာ PRINT ဆိုတဲ့ စာလုံးကို အနီရောင်နဲ့ ရေးထားတာ တွေ့ရမှာပါ။



ဒီလို ပုံနှိပ်မဂ္ဂဇင်းကနေ အွန်လိုင်းကို ပြောင်းလဲထုတ်ဝေလိုက်တဲ့ အဖြစ်ကို Newsweek မဂ္ဂဇင်းရဲ့ အယ်ဒီတာဟောင်း ဖြစ်သူ Mr. Brown က နောက်ဆုံးထုတ် စာအုပ် မျက်နှာဖုံးနဲ့အတူ Bitter Sweet, Wish us Luck လို့ သူ့ရဲ့ တွစ်တာ အကောင့်မှာ ရေးသားခဲ့ပါတယ်…။

ပုံနှိပ်တွေ တိမ်ကောလာပြီး အွန်လိုင်း ဒစ်ဂျစ်တယ်လ် စာပေတွေ ပိုထွန်းကားလာတာဟာ ကောင်းတယ် ဆိုးတယ် ပြောဖို့ တကယ်ကိုပဲ ခက်လှပါတယ်။ အဲဒီအကြောင်းနဲ့ ဆက်စပ်လို့ စကာင်္ပူမှာ နာမည်ကြီး စာအုပ်ဆိုင်တွေ တဆိုင်ပြီး တဆိုင် ပိတ်ကုန်ကြတဲ့ အကြောင်းကို စာအုပ်စာပေ လူ့မိတ်ဆွေ ဆိုပြီး ပိုစ့်တခု ရေးဖြစ်ခဲ့ပါသေးတယ်။

စာအုပ်ဆိုင်တွေ ပိတ်ရခြင်းရဲ့ အဓိကကျတဲ့ အချက်က စာအုပ်တွေ ရောင်းအားကျလာလို့ ဆိုတော့ ဘာဖြစ်လို့ အဲဒီလို ရောင်းအားကျရတာလဲ ဆိုတာ စဉ်းစားစရာပါ။ လူအများစုဟာ စာမဖတ်ကြတော့တာ မဖြစ်နိုင်ပဲ စာဖတ်သူတွေဟာ စာအုပ်တွေကို အပိုင်ဝယ်မဖတ်ကြတော့လို့ ဆိုတာက ပိုဖြစ်နိုင်ပါတယ်။ ပြောရရင် ဒီခေတ်မှာ စာအုပ်တွေရဲ့ ဈေးနှုန်းကလည်း သေးမှ မသေးတော့တာကိုး…။ နောက်တခုက ကွန်ပျူတာကတဆင့် ဖတ်လို့ရတဲ့ E Book ယဉ်ကျေးမှုတွေ ထွန်းကားလာပြီး သွားရင်းလာရင်း အလွယ်တကူ သယ်ယူပြီး နေရာမရွေး ကိုင်ဖတ်သွားလို့ရတဲ့… စာအုပ်ပေါင်း မြောက်များစွာ သိုမှီး သိမ်းဆည်းထားလို့ရတဲ့… iPad တို့ Kindle တို့လို ပစ္စည်းတွေကြောင့်လည်း ပုံနှိပ်စာအုပ်တွေရဲ့ ရောင်းအား ကျဆင်းလာတာ ဖြစ်နိုင်ပါသေးတယ်…။

ဘာပဲ ပြောပြော စာဖတ်လိုတဲ့သူတွေကတော့ ပုံနှိပ်ပဲ ဖြစ်ဖြစ် အွန်လိုင်းက ဒစ်ဂျစ်တယ်လ်တွေကိုပဲ ဖြစ်ဖြစ် အလျဉ်းသင့်သလို ဖတ်ရှုနေကြအုံးမှာလို့ ယုံကြည်ပါတယ်။ စိတ်ဝင်စားရင်တော့ Newsweek ရဲ့ နောက်ဆုံး ပုံနှိပ်မဂ္ဂဇင်းကို အမှတ်တရ ၀ယ်ပြီး သိမ်းထားဖို့ တိုက်တွန်းလိုပါတယ်…။ နောင် ဆယ်နှစ် (သုို့မဟုတ်) အနှစ် နှစ်ဆယ်လောက် ကြာလာတဲ့ အခါမှာ ဒါတွေဟာ အလွန် ရှားပါးပြီး အဖိုးတန်တဲ့အရာတွေ ဖြစ်ချင် ဖြစ်နေမှာ…



ဒါကတော့ အိမ်မှာ သိမ်းထားဖို့ တနေ့က သွားဝယ်လာတဲ့ Last Print Issue ပါ…။ အမျိုးသားက သူ့စိတ်ကူးနဲ့ သူ ဘောင်သွင်းထားတာ ဖြစ်ပြီး ကျွန်မအတွက်ကတော့ အဆင်သင့်လေး ဓါတ်ပုံရိုက်ဖို့ ဖြစ်လာပါတယ်…း))



မှတ်ချက် - ၂၀၁၃ မတ်လ - Look Magazine တွင် ဖေါ်ပြပြီး ဖြစ်သည်။

9 comments:

  1. လွမ်းစရာကြီးဗျာ.... သိပ်ကိုအောင်မြင်ခဲ့တဲ့ မဂ္ဂဇင်း.... ပုံနှိပ်အနေနဲ့လည်း ဆက်ရှိနေစေချင်တယ်....... ပြောသာပြောရတာပါ... ကိုယ်တိုင်ကလည်း အီးဘုတ်ပဲဖတ်ဖြစ်တာများတယ်..

    ခင်မင်စွာဖြင့်
    နိုင်းဟောက်စ်

    ReplyDelete
  2. အွန်လိုင်းခေတ်မှာ ပုံနှိပ်တွေ တစ်နေ့တစ်ခြားကျဆင်းလာပြီး အွန်လိုင်းဒစ်ဂျစ်တယ်တွေ တိုးတက်လာတဲ့အတွက် News-Week ကို အွန်လိုင်းမဂ္ဂဇင်း တစ်ခုအနေနဲ့ ဆက်လက်ရပ်တည်တော့မယ်ဆိုတာ စီးပွားရေးရှုထောင့်က မှန်ကန်တဲ့ဆုံးဖြတ်ချက်လို့ ထင်မြင်ယူဆမိတယ် မသက်ရေ။ ဗဟုသုတအတွက် ကျေးဇူးပါနော်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  3. စာအုပ်နဲ့ဖတ်ရတာကိုပဲ ကြိုက်တယ်။း((

    ReplyDelete
  4. Newsweek အဟောင်းတွေကို ဗလာစာအုပ်အဖုံးတွေ လုပ်ခဲ့ဖူးရုံအပြင် သေချာမဖတ်ခဲ့ဖူးဘူး..လှန်လှောကြည့်ရုံပဲ ..။ဒါပေမယ့် ပုံမနှိပ်တော့ဘူးသိရတော့လည်း ဝမ်းနည်းစရာလိုလို....

    ReplyDelete
  5. ပိတ်သွားတဲ့ စာအုပ်ဆိုင်တွေအကြောင်း
    ရပ်ဆိုင်းသွားတဲ့ စာအုပ်ထုတ်ဝေမှုအတွေအကြောင်း ဖတ်ရတိုင်း စိတ်ထဲမှာ နာကျင်သလို ခံစားမိတယ်
    ဒါပေမဲ့ ကိုယ်တိုင်လည်း အင်တာနက်အသုံးများလာတာနဲ့အမျှ စာအုပ်ကိုင်ပြီး စာဖတ်တဲ့အချိန် နည်းလာတာကို တကယ်ဝန်ခံမိပါတယ်။

    ReplyDelete
  6. ebook ဖတ်တာက
    စာအုပ်ကိုင်ပြီး အရသာမရှိတာတော့ အမှန်ပဲ
    ဒါပေမဲ့ အစ်မ ပြောသလိုပဲ
    စာဖတ်ချင်သူက
    ဘာပဲဖြစ်ဖြစ် ဖတ်နေမှာပဲ

    ReplyDelete
  7. စာဆို ဘာနဲ့ရေးရေး ဖတ်ချင်တယ်...။ ဖတ်ချင်တဲ့ စာဖြစ်ဖို့ပဲလိုတယ်။ တစ်ခုရှိတာက စာအုပ်ကျတော့ အိပ်ရာထဲ ဇိမ်ကျကျနဲ့ နှပ်ပြီး ဖတ်လို့ရတာပေါ့။ အပြောင်းအလဲတစ်ခုကို လက်ခံဖို့ အသင့်ဖြစ်သူနဲ့ မဖြစ်သေးသူတွေ ရှိနေဦးမှာပဲနော်။ ဒီမှာတော့ အဲ့လိုပြောလို့မရသေးဘူး.. တစ်လကို စာအုပ်ရေ ၂၀၀ကျော် ထွက်နေတယ်။ စာအုပ်ဟောင်းတွေ နောက်ပိုင်း ပိုဈေးကြီးလာမယ့် သဘောရှိတယ်၊

    ReplyDelete

အမှတ်တရ ရေးခဲ့ပါ...