~ နှစ်သစ်မှာ မင်္ဂလာပါ ~
ဒီနေ့ သက်ဝေ ရဲ့ ဘလော့ ကို စပြီး မိတ်ဆက်လိုက်ပါတယ်။ သက်ဝေ ဘလော့ရေးတယ်ဆိုတာက စာတွေ ကဗျာတွေ သိပ်ပြီး ရေးတတ်လွန်းလို့တော့ မဟုတ်ပါဘူး။ ကျောင်းတက်တုန်းကတော့ ကျောင်းကထုတ်တဲ့ စာစောင်တွေ မဂ္ဂဇင်းတွေမှာ နဲနဲပါးပါး ရေးခဲ့ဘူးတယ်။ အဲဒီတုန်းကတော့ ထုံးစံအတိုင်း သက်ဝေ . . . အနောက်က ကွင်းစကွင်းပိတ်နဲ့ ဘာ တက္ကသိုလ် ညာ တက္ကသိုလ် ပေါ့လေ။ အခုတော့ဖြင့် ဒါတွေနဲ့လည်း အတော်ဝေးကွာခဲ့ပြီမို့ ရိုးရိုးသားသားဘဲ သက်ဝေ ဆိုတဲ့ နာမည်နဲ့ပဲ မိတ်ဆက်လိုက်ပါတယ်။
ကျောင်းပြီးသွားတဲ့ နောက်ပိုင်း စာရေးခြင်းနဲ့ အတော် ကင်းကွာသွားရာက ဟိုတလောလေးကမှ မြန်မာဘလော့ တွေကို လိုက်ဖတ်ပြီး ကိုယ်တိုင် ဘလော့လေးတစ်ခု လုပ်ချင်စိတ်ကလေး ဖြစ်လာပါတယ်။ စိတ်ကသာရှိပြီး လူက အားလပ်ချိန်နည်းပါးတာရယ် နည်းပညာပိုင်း မကျွမ်းကျင်တာရယ် ကြောင့် ဒီဘလော့လေး တစ်ခုရဖို့ အချိန်တွေ အတော်ကုန်သွားပါတယ်။ အခုတော့ အတော်အသင့်လေး ဟုတ်လာပြီလို့ ယူဆပြီး သက်ဝေရဲ့ ဘလော့လေးကို အခုလို မိတ်ဆက် လိုက်ပါတယ်။
အခု 2008 January က စပြီး Post အသစ်လေးတွေ အချိန်ရရင် ရသလိုရေးသွားမှာပါ။
ဖတ်ကြည့်ပါ။ ဝေဖန်ပါ။ အကြံပြုပါ လို့အလေးအနက် ဖိတ်ခေါ်ပါတယ် နော်။
No comments:
Post a Comment
အမှတ်တရ ရေးခဲ့ပါ...