Thursday, May 7, 2009

တွေ့ဖြစ်ကြတဲ့နေ့

တွေ့ဖူးချင်သူ ဆယ်ယောက် တဲ့…။ ထို ချစ်စရာ Tag ပိုစ့်လေးကို လူတော်တော်များများ ရေးပြီးနေကြပြီ…။ ဒီလို ရေးကြရင်းကနေ ဆယ်ယောက်ထဲဆို နည်းတယ် ဟုဆိုကာ တွေ့ချင်သူများကို နာမည်တွေနှင့် တန်းစီပြီး တွေ့ချင်ရခြင်း အကြောင်းလေးများ၊ အမှတ်ရစရာ အကြောင်းလေးများ စုံစုံလင်လင်နှင့် ဝေဝေဆာဆာ ရေးဖွဲ့ထားကြသည်ကိုလဲ ပျော်ရွှင် ကြည်နူးစွာဖြင့် ဖတ်ရသည်။ ကိုယ့်နာမည်ပါသော ပိုစ့်လေးတွေဆို တကယ်ကိုပဲ ဖတ်လို့ မဝနိုင်၊ အထပ်ထပ် အခါခါ ဖတ်မိရင်း သူငယ်ချင်း မိတ်ဆွေများကို တွေ့ချင်စိတ်များ ပို၍ ပို၍ တိုးပွားလာမိသည်။

ကိုယ်ပိုင်လေယာဉ်နှင့် ကမ္ဘာပတ်ပြီး သူငယ်ချင်းတွေဆီ လက်ဆောင်များနှင့်အတူ သွားတွေ့မည့်သူရှိသလို (ကိုယ်လဲ ကပ်လိုက်မယ်နော် လို့ စရန်သပ်ထားပြီးသား) ချစ်သောသူများ အားလုံးနှင့် တွေ့ချင်ပါသည်ဟု ဆိုကာ ချစ်စရာ ကဗျာလေးတပုဒ် လက်ဆောင်ပေးထားသူ တယောက်ကိုလဲ တွေ့ရသေးသည်။ ကိုယ်ကတော့ ပွေလီ ရှုပ်ထွေးသော နေ့ရက်တွေများပြီး တော်တော်နဲ့ မရေးဖြစ်.. ရေးဖြစ်တော့လဲ အလွန်နောက်ကျမှ ရေးရသူမို့ တွေ့ချင်ကြသူတွေ အချင်းချင်း တွေ့ဖြစ်ကြတဲ့ အခြေအနေအထိ ရောက်အောင် လိုရာဆွဲတွေးကာ ရေးလိုက်မိသည်။ ကိုယ့်ကို တွေ့ချင်ပါသည်ဟု မှတ်မှတ်ရရ ရေးထားသူများကိုလဲ ကျေးဇူးတွေ အများကြီးတင်ပါသည်။ ကိုယ်ကလဲ ချစ်ရသူ သူငယ်ချင်း မိတ်ဆွေ ညီအကို မောင်နှမများ အားလုံးကို အခါအခွင့်သင့်တဲ့ တနေ့နေ့မှာတော့ တကယ်ကိုပဲ တွေ့ဆုံချင်လှပါသည်။

ဝါသနာတူ၊ ရင်ခုန်သံတူ သူငယ်ချင်း မိတ်ဆွေများ အားလုံး၏ တွေ့ဆုံမှုတိုင်းမှာ ဤသို့သော ပျော်ရွှင်မှုများ၊ ချစ်ခင်ရင်းနှီးမှုများ၊ တွယ်တာမှု သံယောဇဉ်များ ကိုယ်စီ ကိုယ်စီ ထပ်တူညီအောင် ရှိနေလိမ့်မည်ဟု ခိုင်ခိုင်မာမာ ယုံကြည်နေသောကြောင့် နှစ်သက်ကြလိမ့်မည်ဟု မျှော်လင့်မိပါသည်။

သိင်္ဂီရေ… အမှတ်တရ Tag ထားတာ ကျေးဇူးပါ...။

အလုပ်တွေများနေလို့ အခုမှ ရေးရတယ်...။ ကျေနပ်တယ်နော်…။

* * * * * * *

ညတုန်းက ဖုန်းထဲမှာ ပြောဖြစ်ခဲ့သော “မနက်ဖြန်ကျရင် StarBuck ကော်ဖီဆိုင်လေးမှာ ဆုံကြမည်” ဟူသော စကားကို အထပ်ထပ် ပြန်လည်ကြားယောင်ရင်း စိတ်ထဲမှာ ရင်ခုန် လှုပ်ရှားနေမိသည်။ အင်း... တခါမှ မတွေ့ဖူးကြသောသူ နှစ်ယောက်၏ ပထမဆုံးအကြိမ် တွေ့ဆုံမှု… အဆင်မှ ပြေပါ့မလား… တော်တော်များ အူကြောင်ကြောင် နိုင်နေမည်လား ဟုတွေးရင်း ရယ်လဲ ရယ်ချင်နေမိသေးသည်။

Blog လေးတွေရေးကြပြီး ဘလော့ဂ် တခုနဲ့တခု သွားလာဝင်ထွက် နှုတ်ဆက်လည်ပတ်ရင်းမှ တယောက်ကို တယောက် မျက်မှန်းတန်းမိလာကြပြီး E Mail အပြန်အလှန် ပို့ကြရာမှ အစပြုကာ မမြင်ရသော သံယောဇဉ်ကြိုးများဖြင့် ရစ်နှောင်ထားသော အွန်လိုင်း မိတ်ဆွေတွေ ဖြစ်ခဲ့ကြသည်။ ပြီးတော့ G Talk မှ တဆင့် စာရေးပြီး စကားတွေ ပြောဖြစ်ကြသည်။ တယောက်အကြောင်း တယောက် အတန်အသင့် သိလာကြသည်။ ဝါသနာတူ၊ အကြိုက်ချင်းတူ၊ တန်ဖိုးထားသော အရာချင်း တထပ်တည်းကျ၊ အိပ်မက်ချင်းတူ၊ ရင်ခုန်သံချင်း ထပ်တူညီပြီး လျှောက်လှမ်းရာ လမ်းချင်းတူသော သူတယောက်မို့ လူချင်းလဲ တွေ့ခွင့်ရဖို့ မျှော်လင့်တောင့်တ နေခဲ့ကြသည်မှာ အချိန်တွေ တော်တော်ကြာခဲ့ပြီ။ အနေဝေးကြသူ နှစ်ယောက်မို့ တွေ့ဆုံနိုင်ခွင့် နဲပါးလိမ့်မည်ဟုလဲ ကိုယ်စီ သိနေကြသည်။ အတော်လေး ခင်မင် ရင်းနှီးလာချိန်မှာ ဘုရားရှိခိုးတိုင်း တွေ့ခွင့်ရဖို့ ဆုတောင်းဖြစ်သည် ဟု သူက ပြောပြသောအခါ အတိုင်းမသိ ဝမ်းသာ ကြည်နူးမိသည်။ ကိုယ်လဲ အမြဲ ဆုတောင်းနေပါ့မယ်ဟု ပြန်ပြောလိုက်သေးသည်။

သို့သော်… မျှော်လင့်မထားသော တနေ့တွင် အခြေအနေတခု၏ တွန်းပို့မှုကြောင့် ကိုယ်တို့နှစ်ယောက် အပြင်မှာ လူချင်းတွေ့ဆုံကြဖို့ အကြောင်းဖန်လာခဲ့လေသည်။ ထိုအကြောင်းကို သိသိချင်း သူ့ကို E Mail ပို့ကာ ပြောပြမိတော့ သူ့အပျော်တွေက ကိုယ့်ဆီကို သိသိသာသာကူးစက်…။ သိပ်ပျော်တာပဲ တဲ့…။ အထပ်ထပ် အခါခါ ပြောမိကြသည်။ တွေ့ကြရတော့မယ်နော် တဲ့…။ နေ့ရက်တွေ နာရီတွေကို လက်ရေချိုးကာ စောင့်စားရင်း တခါတခါ စိတ်တွေတောင်မှ မရှည်ချင်တော့…။ နှစ်ယောက်စလုံး (ကလေး ငယ်ငယ်လေးတွေလဲ မဟုတ်ပါပဲနဲ့ ) နာရီလက်တံတွေကို ဆွဲလှည့်ပစ်ချင်စိတ်တွေ ပေါက်နေကြတာ…။ တွေးကြည့်တော့ ရယ်စရာ တော်တော်ကောင်း…။

သူက ဒေသခံ အိမ်ရှင်မို့ ကော်ဖီဆိုင်ကို ချိန်းထားသောအချိန်ထက် တနာရီလောက် စောရောက်နေမည်ဟု ပြောခဲ့သည်။ ဟုတ်ပါပြီ... တွေ့ကြလျှင် ဘာက စ၍ပြောကြမလဲ ဟု ကိုယ် တွေးနေမိသည်။ ဟိုင်း (သို့မဟုတ်) ဟဲလို လို့ စတင် နှုတ်ဆက်လိုက်ရမည်လား…။ မြန်မာဆန်ဆန် မင်္ဂလာပါ ဆိုရင်ကော…။ အော်... ငါနှယ့်နော်… တွေ့တွေ့ချင်း တယောက်ကို တယောက် မှတ်မိကြပါမလား ဆိုတာ အရင်မစဉ်းစားပဲ နှုတ်ဆက်စကားတွေ ရွေးနေမိတယ်…။ သူကရော… ကိုယ့်ကို မြင်ရုံနဲ့ မှတ်မိနေပါ့မလား…။ ကိုယ်ကတော့ သူ့ကို မှတ်မိနေမယ် ထင်ပါရဲ့…။ သူက ဓါတ်ပုံထဲကနဲ့ အပြင်မှာနဲ့ သိပ်တော့ ကွာမနေလောက်ပါဘူး လို့ ထင်ရတာပဲ။ ဒီလိုတွေ ရောက်တတ်ရာရာ စဉ်းစားရင်း သူ့မျက်နှာကို စိတ်ထဲမှာ အလွတ်ရအောင် ကျက်မှတ်နေမိသေးသည်။ မနက်ဖြန်ရယ်… မြန်မြန်ရောက်ပါတော့…။

တကယ်တမ်းတွေ့ကြတော့ ညတုန်းက ဟိုဟို ဒီဒီ စဉ်းစား တွေးတောကာ ကြိုတင် ပူပန်နေရတာတွေ အားလုံး ဘာတခုမျှ မရှိတော့…။ ရိုးစင်း ရှင်းလင်းကာ ချစ်စရာကောင်းလှသော ကော်ဖီဆိုင်ရဲ့ ထောင့်နားက စားပွဲငယ်တခုမှာ ထိုင်ရင်း ကိုယ့်ကို နွေးထွေးလှိုက်လှဲသော အပြုံးတခုဖြင့် ဆီးကြိုနေသော သူ့ကို တွေ့လိုက်ရသည်။ သေချာတယ်… ဒါ ကိုယ်တွေ့ချင်တဲ့ သူငယ်ချင်းလေးပဲ…။ ထိုအပြုံးတခုမှ စလို့ ကိုယ်တို့နှစ်ယောက် တကယ့်ကို ငယ်ပေါင်းကြီးဖေါ်တွေပမာ ချက်ချင်းရင်းနှီး ကျွမ်းဝင်သွားတော့တာ…။ တွေ့ရတာ အရမ်းဝမ်းသာတယ်လို့ တယောက် တလှည့် ပြောနေမိသေး။ အပျော်တွေက နှစ်ယောက်စလုံးရဲ့ မျက်နှာပေါ်မှာ အထင်းသား…။

အလုအယက် ပြောဖြစ်ကြတဲ့ စကားတွေအများကြီးထဲမှာ အကြောင်းအရာတွေကလဲ ပေါင်းစုံ…။ ဒီကြားထဲ သူက ရယ်စရာတွေကလဲ အလွန်ပြောတတ်သေး..။ “ဒီလောက် ရယ်စရာပြောတတ်တာ မင်းက ဂျိုကာလုပ်တာလား” လို့ မေးပြီးတော့ တယောက်မျက်နှာ တယောက်ကြည့်ကာ ဟက်ဟက်ပက်ပက် ရယ်မောမိကြပြန်သည်။ ပြီးတော့ သူက ကိုယ့်ကို သေသေချာချာ ကြည့်ကာ “ဓါတ်ပုံထဲကထက် အရပ်ပိုရှည်လာတယ်” ဟု ပြောသည်။ ကိုယ်က “ဟာ.. မဖြစ်နိုင်တာ… ဒီအသက်အရွယ်မှာ အရပ်က ထပ်မထွက်နိုင်တော့ဘူးလေ” ဟုပြောကာ နောက်တခါထပ် ရယ်မောမိကြပြန်သည်။ ရယ်ပြီးရင်းရယ်… အပျော်စိတ်တွေဖြင့် အကြောင်းမဲ့ကို ရယ်မောမိနေကြသည်…။

ပြီးတော့ ကိုယ်ရေးတဲ့ ပိုစ့်တွေထဲက ဟိုအကြောင်း ဒီအကြောင်းတွေကို သူက စပ်စပ်စုစု မေးခွန်းတွေ လာထုတ်နေသည်။ သူ မေးလာတဲ့ မေးခွန်းတွေက "ဒီပိုစ့်လေးက ကိုယ်ပိုင် ခံစားချက်လား" တို့… "ဟိုပိုစ့်ထဲမှာ ရေးထားတဲ့ ကြက်ဥဟင်း တွေကို တကယ်ရော ချက်တတ်လို့လား" တို့... "G Talk ထဲမှာ အစိမ်းရောင် အစက်ကလေး တွေ ဘယ်နှစ်ခုတောင်ရှိနေတာလဲ" တို့… စသည်ဖြင့်ပေါ့…။ တချို့မေးခွန်းတွေက တော်တော်ဖြေရခက်သလေ...။ အဲဒီလို မေးခွန်းမျိုးတွေ တဖြည်းဖြည်းနဲ့ များလာတော့ “ဟေ့… ဒီမှာ... ကိုယ်ရေးတဲ့ ပိုစ့်တွေတိုင်းက Fiction နဲ့ Fact တွေကို ရောထွေးမပစ်နဲ့လေ… အရာ အားလုံးဟာ ကိုယ့် Personal တွေချည်းပဲတော့ ဘယ်ဖြစ်နိုင်ပါ့မလဲ” ဟု ခပ်ကျယ်ကျယ် ပြန်အော်မိတော့သည်။ ထိုအခါ သူက ကိုယ့်ကို မျက်လုံးအပြူးသားနှင့် ကြည့်ကာ “ဒီနဂါးလေးက တော်တော် စွာတာပါလား” တဲ့…။

ခဏကြာတော့ သူမှာထားတဲ့ ကော်ဖီကျကျကို သောက်လို့ အရမ်းကောင်းတာပဲလို့ ဆယ်ခါလောက်ပြောပြီး တရှိန်ထိုး မော့သောက်လေတော့ “ဒီကော်ဖီက တော်တော် ပြင်းတယ်... တခွက်လုံး အကုန်မသောက်နဲ့နော်” ဟု မပြောသာ ပြောသာဖြင့် ပြောလာသည်။ ဒီတော့ ကိုယ်က “ဟာ… ဘယ်လိုလဲကွာ… စေတနာက တဝက်ပဲရှိတာလား” ဟု သိသိကြီးနဲ့ ရန်လုပ်မိပြန်သည်။ ပြီးတော့ သူကပင် “ညက အိပ်ပျော်ရဲ့လား… ခေါင်းရော ကိုက်နေသေးလား” ဟု မမေ့မလျော့လဲ မေးသေးသည်။ ကြည့်စမ်းပါအုံး… သူငယ်ချင်းနှစ်ယောက်ရဲ့ ပထမဆုံးအကြိမ် တွေ့ဆုံမှုလို့ ဘယ်လိုမှ မထင်ရတဲ့ ချစ်ခင် ရင်းနှီးမှုတွေ… စိုးရိမ် ပူပန်မှုတွေ… သံယောဇဉ်တွေ…။

ပြီးတော့ သောက်လက်စ ကော်ဖီခွက်ကို အသာချကာ စကားတွေ အများကြီး ဆက်ပြောဖြစ်ကြသည်။ ကိုယ့်ရဲ့ ကလေးလေးတွေ အကြောင်းရေးတဲ့ ပိုစ့်တွေကို သူက ကြိုက်သတဲ့…။ အဲဒီကနေစပြီး ကိုယ့်ရဲ့ ဘလော့ဂ်လေးကို ခဏ ခဏ လာလည်ဖြစ်သွားတာ တဲ့…။ ဒီလိုဆိုလာတော့ ကိုယ်ကလဲ အားကျမခံ စာသိပ်မရေးပဲ ဓါတ်ပုံတွေသာ တင်ထားသော သူ့ဘလော့ဂ်လေးမှာ သူကိုယ်တိုင် ရိုက်တဲ့ ဓါတ်ပုံလေးတွေ သိပ်လှတယ်… ရှုခင်းလေးတွေကိုလဲ အရမ်းသဘောကျတယ် ဟု ပြောပြမိသေးသည်။ ပြီးတော့ ကိုယ့်ရဲ့ ပန်းကလေး သုံးပွင့်အကြောင်း ကတော့ လူတော်တော်များများ စိတ်ဝင်စားစရာ ပိုစ့်တခု ဖြစ်သွားသည် တဲ့…။ နောက်ထပ် ပန်းပွင့်လေးတွေအကြောင်း ရေးစရာ မရှိတော့ဘူးလား တဲ့…။ "အို.. ရှိတာပေါ့.. ကိုယ့်ကို မသိသေးသော၊ ကိုယ်ကသာ သိနေသော ဘလော့ဂ်ဂါ ပန်းပွင့်လေးတွေ အများကြီး ရှိနေသေးတာ” ဟု ခပ်ကြွားကြွားလေး ပြောမိတော့ သူက ပုခုံးကို တွန့်ကာ (မမ ခင်ဦးမေ ၏ လေသံအတိုင်း) “စုံထောက်ကြီး သက်ဝေ” ဟု ပြောင်ချော်ချော် ခေါ်လေသည်။

ဒီလိုနှင့် အချိန်တွေသာ ကုန်လာသည် စကားတွေကဖြင့် ပြောလို့ မကုန်နိုင်…။ အဆင်ပြေလျှင်တော့ မပြန်ခင် နောက်တရက် ထပ်တွေ့ကြမည် ဟု စဉ်းစားကာ အချိန်တန်တော့ အိမ်ပြန်ဖို့ ပြင်ရသည်။ နောက်တကြိမ် ထပ်တွေ့ဖြစ်ကြလျှင် Story City ဟူသော စိတ်ဝင်စားဖွယ်၊ ချစ်စဖွယ် နေရာလေးတခုကို လိုက်ပို့ပေးမည် ဟု ပြောလာသည်…။ ပြီးတော့ ကော်ဖီဆိုင်က အထွက်မှာ အမှတ်တရ ဓါတ်ပုံရိုက်ကြသေးသည်…။ ကြည်လင်နေသော အပျော်မျက်နှာများကြောင့် ဓါတ်ပုံတွေသည် လန်းဆန်းသစ်လွင်ကာ ခါတိုင်းထက် ပိုလှနေသည် ဟု သူက မှတ်ချက်ချတော့ မစွာရ မနေနိုင်သော ကိုယ်က “လူက နဂိုထဲက လှလို့ ဓါတ်ပုံက လှနေတာပါ” ဟု ပြောမိသေးသည်…။ ဆိုးလိုက်တာ တဲ့…။

* * * * * * *

အိမ်အပြန်လမ်းတလျှောက် ပြောဖြစ်ခဲ့ကြသော စကားလုံးများကို ပြန်တွေးရင်း ညကျရင်တော့ ပိုစ့်လေးတခု အမှတ်တရ ရေးဦးမည် ဟုလဲ စဉ်းစားနေမိသေး…။ ဒီလောက် မြန်မြန်ဆန်ဆန်ကြီး တွေ့ကြရလိမ့်မည်ဟု မျှော်လင့်မထားသောကြောင့် ထိုနေ့က တွေ့ဆုံမှုအတွက် နှစ်ယောက်စလုံး အံ့သြ ဝမ်းသာ ပျော်ရွှင် ကျေနပ်ခဲ့ကြသည်လေ..။

သံယောဇဉ်ဆိုသည်မှာ လူကို ပူလောင်စေသည် ဆိုသော်ငြားလည်း တခါတခါမှာတော့ ထိုသို့သော တွယ်တာမှု သံယောဇဉ်တို့၏ နောက်ကွယ်မှ မမြင်နိုင်သော စွမ်းအားများကြောင့်ပင် ကိုယ်တို့ဘဝတွေ ပိုပြီး အသက်ဝင် ရှင်သန်ရန် အားအင်တွေ တိုးပွားလာစေသည်လော ဟု လေးလေးနက်နက် စဉ်းစားတွေးတော နေမိပါတော့သည်…။



24 comments:

  1. Hey..too beautiful
    I love it...
    Story City too.:)
    Thanks

    ReplyDelete
  2. တွယ်တာမှု သံယောဇဉ်တို့ရဲ့ မမြင်နိုင်သော စွမ်းအားတွေကြောင့် ကိုယ်တို့ဘဝတွေ ပိုပြီး အသက်ဝင် ရှင်သန်ရန် အားအင်တွေ တိုးပွားလာစေတယ်ဆိုတာတော့ အမှန်ပဲ။
    သံယောဇဉ် တသီတတန်းနဲ့မို့ တကယ်ပဲ ဖြတ်ရခက်။

    မမရေးထားတာလေး စိတ်ကူးနဲ့ တွေ့ပြီး ဖတ်သွားတယ်။ အပြင်မှာ တကယ်ပဲ တွေ့ချင်လိုက်တာ။

    ReplyDelete
  3. စုံထောက်ကြီးသက်ဝေ... ဆိုးလိုက်တာ...
    ဒီလောက် ပြင်းတဲ့ ကော်ဖီ သူမို့ တခွက်လုံးကုန်အောင် သောက်နိုင်တယ်...ကိုယ်က ကော်ဖီ မကြိုက်ပါဘူး...သူကြိုက်လို့သာ..StarBuck ကိုရွေးရတာ...
    သက်ခေါ်ရာကို သီက လိုက်တဲ့ သဘောပါ...တွေ့ဖြစ်ခဲ့တာ တာ မဟုတ်ဘူး ဆိုရင်လည်း စိတ်ဆိုးပါနဲ့ ဝေရယ်

    တာ့..တာ...(ဖွထားခဲ့ပြန်ပြီ)

    ReplyDelete
  4. အမသက်ဝေ တွေ့ဖြစ်ကြတဲ့တနေ့။ ဘယ်နေ့ဖြစ်မလဲ ဟင်။
    ဓါတ်ပုံလေးတွေလည်း ရိုက်ကြ။ ကော်ဖီသောက်ရင်း ရယ်ကြ။
    တကယ်အဲလိုတွေ့ရရင် စကားတွေများ စွံ့အ နေမလား။
    နိနိကတော့ လူမှုရေးမပြေပြစ်သူမို့ ထုံးစံအတိုင်း ရှက်ရမ်းရမ်းပြီး ကော်ဖီတွေ လှိမ့်သောက်နေရမလား။
    ဒါမှမဟုတ် လက်သည်းလေးကိုက်နေရမလား။

    ReplyDelete
  5. အွန်လိုင်းမှာတွေ့ပြီး ခင်မင်ကြတာချင်းတူတူ တချို့တချို့ကတော့ တန်ဖိုးမထားကြဘူးနော် ..... လျှို့ဝှက်တတ်ကြတယ် ... ကိုယ်ကအရိုးခံ အမှန်ပြော ဆက်ဆံပေမယ့် တချို့ကဖြင့် မေးရင်မကြိုက် ရှောင်ပြေးတတ်လိုက်ကြတာ။ “သက်ဝေ” တို တွေ့ဆုံမှုလေးကို သဘောတကျ ဖြစ်မိပါတယ်... အားကျလိုက်တာနော်... :)

    ReplyDelete
  6. သက်ဝေရေ..လှပတဲ့ တွေ့ဆုံခန်းလေးပါလား..အဲဒီတယောက်ကို တိုးတိုးလေး သွားမေးမှနဲ့ တူတယ်.. သက်ဝေဆိုတာ ဘယ်သူများပါလဲ လို့..ဟဲဟဲ

    မအားရတဲ့ ကြားက လှပတဲ့ ပို့စ်လေးကို ရေးပေးတဲ့အတွက် ကျေးဇူးအများကြီး...

    ReplyDelete
  7. သြော်..ဒီလိုလား
    မြင်တော့ မြင်လိုက်သားပဲ..

    ReplyDelete
  8. ဟွန့်.. သူငယ်ချင်းလေးဆိုတော့.. ကိုယ် မဟုတ်တာ သေချာပြီ။ ဘာလဲ အဖွားကြီးတွေကိုတော့ မတွေ့ချင်ဘူး ဆိုတဲ့ သဘောလား.. ခုတော့ ကျမသိပြီ.. တပ်မတော်ရဲ့ သဘောထားအမှန်ဆိုတာလို.. သက်ဝေရဲ့ သဘောထားအမှန်.. :P

    ReplyDelete
  9. မသက်ဝေ..
    ဘယ်သူနဲ့ တွေ့ခဲ့တာလဲ..
    မသီတာနဲ့လား

    ReplyDelete
  10. ပေါက် မေးခွန်းကိုပဲ ထပ်မေးသွားတယ် သက်ဝေရေ....

    ReplyDelete
  11. သက်ဝေရယ် ကိုယ်တို့အကြောင်းတွေဘာလို့ရေးလိုက်တာလဲ

    ReplyDelete
  12. စုံထောက်ကြီး မသက်ဝေ.. ဘယ်တူနဲ့ တွေ့ခဲ့တာလဲ ဟဲဟဲ။

    ReplyDelete
  13. သက်ဝေရေ… ရေးထားတာလေးက စိတ်ဝင်စားစရာလေး… ပြီးတော့ သို့ လော..သို့ လော စဉ်းစားစရာလေးက ပေးခဲ့ပြန်တယ်… တို့ ဆိုရင်တော့ ကော်ဖီဆိုင်မှာ ချိန်းဖြစ်မှာ မဟုတ်ဘူး… ကော်ဖီမကြိုက်လို့ လေ… မမသီတာမဖြစ်နိုင်ဘူးနော်(ပြန်ဖွလိုက်တာ)… ဘာလို့ လဲဆိုတော့ ဒီထဲက တယောက်က အပြင်မှာ တခါမှ မတွေ့ ဘူးတဲ့ တယောက်ဆိုတော့… အင်း… နောက်မှ ကြိတ်မေးတော့မယ်… စကားမစပ် တို့ လဲ ဘလော့ဂါသက်ဝေအဖြစ်နဲ့  တွေ့ ချင်သေးတယ်…

    ReplyDelete
  14. မမ တကယ် strike နဲ့တွေ့တာလား။ g mail မှာ add တယ်ဆိုပြီး ဟိုတခါ စီဘောက်စ်မှာ တွေ့လိုက်တယ်။ သူက မိန်းကလေးလား၊ ယောကျာင်္းလေးလားဟင်။ ပေါက်တို့က မမstrike လို့ ခေါ်နေလို့ပါ။ ဟိ..
    မမ F (or) M ပဲ ဖြေပါ.. :)

    ReplyDelete
  15. မသက်ဝေက..strikeနဲ့သွားတွေ့တာကိုး။
း)

    ReplyDelete
  16. မသက်ဝေနဲ့တွေ့တာ သူများမဟုတ်ကြောင်း..လာပြေတာပါ အဟိ။
    နေတဲ့ဒေသဝေးတယ်။ ကော်ဖိလဲသောက်တယ်ဆိုတော့လေ။
    ဓါတ်ပုံတွေပဲတင်တာမဟုတ်ဘူး။ အကုန်တင်ပါတယ်။
    အထင်လွဲမှာစိုးလို့နော်။ ဟားဟား။
    mm

    ReplyDelete
  17. တွေ့ဖြစ်ကြဖို့ စိတ်ကူးလေးရသွားပါတယ်။ ကျေးဇူး

    ReplyDelete
  18. အပြင်မှာ မတွေ့ဖူးဘူး။ ကော်ဖီလဲသောက်တယ် ဆိုတော့ သေချာတာကတော့ ကိုယ်မဟုတ်တာပဲ :D အော် .. သူ .. သူ ... ဘယ်သူများလဲကွယ်းD

    ReplyDelete
  19. ကဲပြော..စထရိုက်ကတော့ ဝန်ခံနေပြီ။

    ReplyDelete
  20. Give me a chance too..I already save some money for
    more than star buck...
    Bar..buffet ...suki..what U want?
    ? :)

    ReplyDelete
  21. အမ လာတွေ့တယ်နော်..
    ကျနော့်ကို မတွေ့လိုက်ဘူးမလားးး

    ReplyDelete
  22. စထရွုက်နဲ့ တွေ့ချင်ရင် ဘီယာဆိုင်ကို ချိန်းမှတဲ့။

    ReplyDelete
  23. အဲ--- ကယ်ကြီးလား။
    ဒီကတော့.. အုပ်လိုက်ကြီး တွေ့မလို့ လုပ်နေတာ..
း)

    မသက်ဝေ ရဲ့ ရသ အရေးအသားလေး ကြိုတ်တယ်။ စိတ်လှုပ်ရှားစရာ။

    အရပ်ပိုရှည်လာသလိုဖြစ်နေတာ..ဖိနပ်ကြောင့် ဖြစ်မှာပေါ့။ ဟိုက..အရပ်ပု လို့ မနာလို ဖြစ်နေတာနေမယ်။း)

    စီဘောက်မှာ လာနှုတ်ဆက်ထားတာတွေ..ခုမှ တွေ့တယ်..မရယ်။ ခုမှ..ပုံမှန် ပြန်လည်ပတ်ဖြစ်တယ်။း)
    ခင်တဲ့-

    ReplyDelete
  24. ကိုမှုး Thanks you so much..

    ချိုသင်း... တွေ့ကြရဖို့ တကယ်မျှော်လင့်ပါတယ်...။ Strike က သူ့ကို မမလို့ခေါ်ရင် စိတ်ဆိုးမှာပေါ့...။

    မသီတာ... တွေ့ကြမယ်လေ.. ကိုယ်က ကော်ဖီသောက် သီတာက cheese Cake စားပေါ့.. ရတာပဲ...။

    နိနိ... ဘာမှမပူနဲ့ တွေ့လိုက်ရင် ပြောစရာစကားတွေ အများကြီး သူ့အလိုလို ပေါ်လာလိမ့်မယ်...။

    ကဗျာမလေး... ကျေးဇူးပါ။ ကိုယ်ဆီမှာ ရှိတဲ့ အစိမ်းရောင်အစက်ကလေးတွေ အားလုံးက တကယ်ကိုပဲ သိပ်ချစ်စရာကောင်းကြတယ်...။

    သိင်္ဂီ... Tag ပေးတာ ကျေးဇူး။ လှပတဲ့ ပိုစ့်လေးဆိုလို့လဲ ကျေးဇူး နောက်တခါ။ သက်ဝေ ဘယ်သူလဲဆိုတာ နောက်တော့ သိလာမှာပါ... ဟီဟိ

    ပန်ပန်... မြင်တာများ.. ခေါ်လိုက်ရောပေါ့ ပန်ပန်ရယ်...။

    ဆရာမ မမေငြိမ်း.. ချစ်တဲ့စိတ်နဲ့ သူငယ်ချင်းလေး လို့ ရေးလိုက်တာပါ။ သက်ဝေရဲ့ သဘောထား အမှန်ကတော့ ချစ်တဲ့သူတွေအားလုံးနဲ့ အခုချက်ချင်းကို တွေ့ချင်တာပါ...။

    ပေါက် နဲ့ မခင်မင်းဇော်... သီတာနဲ့တွေ့ခဲ့တာ ဟုတ်ပါဘူး.. သို့သော် သီတာ့လိုပဲ ချစ်ရတဲ့သူတယောက်နဲ့ တွေ့ခဲ့တာပါ...။ (ဆက်ဖွလိုက်ခြင်း...)

    အစုတ်ပလုပ် Strike... လာခဲ့.. သတ်မယ်...။ မမ လို့ ခေါ်လိုက်ရမလား.. ဟင်း...။

    ပုံရိပ်... အင်း... အားလုံးနဲ့တော့ စိတ်ကူးထဲမှာ တွေ့နေတာ အမြဲတမ်းပါပဲ...။

    တန်ခူး နဲ့ ဆွိ... အများကြီး မစဉ်းစားပါနဲ့လေ။ မကြာခင်မှာ တွေ့ကြမယ်နော်။

    အမည်မသိ နဲ့မမခင်ဦးမေ... Strike ရဲ့စကားကို တယ်ယုံကြတာကိုး... ဟဲဟဲ

    မွန်မွန်... ဒီကို လာတုန်းကတော့ မခေါ်ပဲနဲ့..။ လူဆိုး...။

    သင်းနွယ်... လာဖတ်တာ ကျေးဇူး...။ စိတ်ကူးထဲကလို တွေ့ပြီးပြီလား...။

    ကိုစုတ်ဖွား... Thank you very much. I love Suki... Haa.. Haa...

    မြတ်နိုး... ညီမကို တွေ့လိုက်ပါတယ်... စက်ဘီးလေးနဲ့ လာတာလေ...။

    ကိုစမ်းချောင်း... ကိုယ်စိတ်ဝင်စားတာပဲ ကိုယ်ပြောနေတယ်... ဟီဟိ

    မကေ... ကျေးဇူးပါ။ အဆင်ပြေတဲ့ တနေ့ တွေ့ကြတာပေါ့။ ကေနဲ့ တို့နဲ့ ဆုံဖူးပါတယ်...။
    ကေ မမှတ်မိတော့လို့ပါ...။

    ဝါသနာတူ၊ ရင်ခုန်သံတူ သူငယ်ချင်း မိတ်ဆွေများ အားလုံး မကြာခဏ တွေ့ဆုံနိုင်ကြပါစေ ဟု ဆုတောင်းပါသည်။

    ReplyDelete

အမှတ်တရ ရေးခဲ့ပါ...