ကြာ သ ပေ တးေ န့ သ ည် ခ ရ မ်းေ ရာ င်

ယနေ့ ကြာသပတေးနေ့ ဖြစ်သည်။ ကြာသပတေးနေ့ကို ကိုယ်စားပြုသော အရောင်မှာ ခရမ်းရောင် ဖြစ်သည်ဟု တိတိကျကျ ဆိုကြသည်။ ခက်နေသည်က သိစိတ်ထဲမှာရော မသိစိတ်ထဲမှာပါ ကြာသပတေးနေ့ကို ချစ်ခင်နှစ်သက်သလောက် ခရမ်းရောင်ကို အနည်းငယ်မျှ နှစ်သက်၍ မရခြင်းပင် ဖြစ်သည်။ ထိုအချိန်လေး အတွင်းတွင် တစ်စုံတစ်ယောက်က ကြာသပတေးနေ့နှင့် ခရမ်းရောင်တို့ အစစ အရာရာမှာ လိုက်ဖက်ညီသည်၊ ကြာသပတေးကို ချစ်လျှင် ခရမ်းရောင်ကိုပါ တတွဲတည်း ချစ်ခင်သင့်သည်ဟု ဆိုလာခဲ့တာ ဖြစ်သည်။ ထိုအဆိုကို မှန်၏ မမှန်၏ ငြင်းချက်မထုတ်သေးမီ ခရမ်းရောင်ကို အနီးကပ်လေ့လာဖို့ လိုသည်ပဲ ဟု ဆုံးဖြတ်လိုက်သည်။

ဆိုခဲ့သည့်အတိုင်း ခရမ်းရောင်ကို အရင် လေ့လာခဲ့သည်။ ခရမ်းရောင်အကြောင်းကို ဖတ်ရှုလေ့လာမိသလောက် ပြောပြရသော် ခရမ်းရောင်သည် အနီနှင့် အပြာတို့၏ ပေါင်းစပ်မှု ရလာဒ်တစ်ခု ဖြစ်သည်။ ခရမ်းရောင်သည် တရားမျှတခြင်းကို ဖေါ်ဆောင်သည်။ ခရမ်းရောင်သည် စိတ်နှလုံး အေးချမ်းငြိမ်သက်မှုကို ကိုယ်စားပြုသည်။ ခရမ်းရောင်သည် သစ္စာတရား၏ ပြယုဒ်တစ်ခု ဖြစ်သည်။ ခရမ်းရောင်ကို ကလေးသူငယ်များကလည်း ချစ်ခင်ကြသည်။ ကလေးတို့ချစ်သော ဝဝဖိုင့်ဖိုင့် ဘာနီအရုပ်သည် ခရမ်းရောင် ဖြစ်သည်။ ထိုအချက်အလက်များအပြင် နာမည်ကျော် လာဗင်ဒါများသည် ခရမ်းရောင်၊ မကြာသေးမီက ကိုယ်တိုင်ကိုယ်ကျမြင်တွေ့ခဲ့ရသော ကျူးလစ်ပန်းတစ်ချို့သည် - အံ့သြဖွယ်ရာ - ခရမ်းရောင်၊ မျက်နှာချင်းဆိုင် အိမ်ခန်းရှေ့တွင် ချိတ်ဆွဲထားသော အောခစ်ပန်းအိုးထဲတွင် ပွင့်အာနေသော ပန်းများသည် ခရမ်းရောင်၊ တိုက်တိုက်ဆိုင်ဆိုင်၊ အနားမှ လှစ်ကနဲ ဖြတ်ပြေးသွားသော ကလေးမလေးတစ်ယောက်၏ ဂါဝန်သည် ခရမ်းရောင်၊ ခေါင်းတစ်ခြမ်းကိုက် ဝေဒနာခံစားရတိုင်း မလွှဲမရှောင်သာ သောက်သုံးနေရသော အကိုက်အခဲပျောက်ဆေးကဒ်မှ ဆေးလုံးများသည် ခရမ်းရောင်၊ ဆိုးနေမကျသောကြောင့် မှန်တင်ခုံအံဆွဲအောက်ခြေ ထောင့်တစ်နေရာမှာ ကပ်နေသော နှုတ်ခမ်းနီဗူးသည် ခရမ်းရောင်၊ လက်ဆောင်ရထားပြီး မဖေါက်ရသေးသော Bvlgari Omnia ရေမွှေးဗူးနှင့် Coach တံဆိပ် မျက်မှန်ကိုင်းကလေးသည် ခရမ်းရောင်၊ သူငယ်ချင်း ၀ယ်လာပေးသော ဂျက်ကက်ကလေးသည် ခရမ်းရောင်၊ ဘာကြောင့် ရွေးချယ် ၀ယ်ယူခဲ့မှန်းမသိ၊ ၀ယ်ထားပြီး မရေးဖြစ်သေးသော အသစ်စက်စက် ဘောပင်တစ်ချောင်း၏ ကိုယ်ထည်သည် ခရမ်းရောင်…

ဤသို့ဖြင့် ခရမ်းရောင်ကို ကိုယ်နှင့်အနီးအနား နေရာအနှံ့အပြားတွင် အမှတ်မထင် ရှာဖွေတွေ့ရှိခဲ့သည်။ ထိုမျှသာမက အဆိုတော် မင်းသား၏ ခရမ်းရောင်မိုး၊ ခရမ်းပြာ အိပ်မက်၊ ဝေးခဲ့ပြီ ပန်းးခရမ်းပြာရေ… တစ်ခါတရံမှာ အိပ်မက်လို…ဟူသော သီချင်းစာသား၊ ကာကွယ်ရန်လိုအပ်သော ခရမ်းလွန်ရောင်ခြည်၊ ယုတ်စွအဆုံး ရေခဲသေတ္တာထဲမှ ဟင်းသီးဟင်းရွက်များထားသော အကန့်ငယ်ထဲမှနေ၍ ကိုယ့်ကို လှောင်ပြောင်ဟန်အပြည့်ဖြင့် လှဲလျောင်းနေသော ခရမ်းသီးတစ်လုံး… ဘုရားရေ… မယုံနိုင်စရာ၊ ကိုယ် မနှစ်သက်လှသော ခရမ်းရောင်က သည်မျှ ထင်ရှားနေတာပါလား။ ထို့အပြင် ၀ီကီပီးဒိယ အဆိုအရ အနုပညာမြတ်နိုးသူ အများစု၏ အလေးထား အရေးပေးမှုကို ခံရသောအရောင်မှာလည်း ခရမ်းရောင်ပင် ဖြစ်သည်ဟု သိလိုက်ရသောအခါ ဦးခေါင်းတစ်ခုလုံး အဆမတန်ကြီးသွားသလို ခံစားလိုက်ရသည်။ အတော်အစွမ်းရှိကာ ထင်ပေါ်ကျော်ကြားသော ခရမ်းရောင်ပါပေ။ အဆိုးဆုံးကတော့ ထိုခရမ်းရောင်သည် ကိုယ်ချစ်လှစွာသော ကြာသပတေးနေ့ကို ကိုယ်စားပြုနေခြင်းပင် ဖြစ်တော့သည်။

ကိုယ်ချစ်သော ကြာသပတေးနေ့မှာမူ ခရမ်းရောင်ကဲ့သို့မဟုတ်။ ပကတိ ဖြူစင် ရိုးသားကာ ရှင်းလင်းလှသည်။ ကိုယ်ထင် ကုတင်ရွှေနန်း မဟုတ်ပါလား။ ပြောရလျှင် သောကြာနေ့ မရောက်မချင်းသည် ကြာသပတေးနေ့ပင် ဖြစ်သည်။ (သည်စကားကို - ဟမ် - လိုသူများ- ဟမ် - နိုင်ပါသည်)။ ကြာသပတေးနေ့သည် တနင်္ဂနွေမှ စတင်ရေတွက်လျှင် စတုတ္ထမြောက်နေ့ ဖြစ်သော်လည်း စနေနေ့မှ စတင် ရေတွက်ပါမူ ပဉ္စမမြောက်နေ့သာ ဖြစ်သည်။ ပြက္ခဒိန်ပေါ်တွင် အကွက်ချ ရေတွက်သည့်နေ့အပေါ် မူတည်၍ ပြောင်းလဲရွေ့လျားတတ်သောနေ့ ဖြစ်သည်။ ကိုယ့်အတွက်တော့ ကြာသပတေးနေ့သည် ပါးနီပြေပြေလေး ခြယ်သထားသော မိန်းမပျိုကလေးတစ်ယောက်ကဲ့သို့ လှပလန်းဆန်းနေတတ်သော နေ့တစ်နေ့၊ ထို့အတူ ကြည်နူးဖွယ်ရာများဖြင့် အစဉ် ပြည့်နှက်နေတတ်သော နေ့တစ်နေ့လည်း ဖြစ်သည်။ ကြာသပတေးနေ့သသည် နို့ဆီများများထည့်ကာ ဇွန်းတစ်ချောင်းတပ်ထားသော ကော်ဖီခွက်တစ်ခွက်၏ မမွှေရသေးသော သစ်လွင်မှုနှင့် ဆင်တူသလို အနှစ်မပေါက်သေးသော ကြက်ဥကြော် ၀ိုင်းဝိုင်းကလေးနှင့်လည်း တူသေးသည်။ ဆရာကြီး ဂျွန်စတိန်းဘက်ခ် ရေးသားခဲ့သော စာအုပ်များအနက် ချိုသော ကြသပတေးနေ့ဟူသော စာအုပ်မှာ အလွန်နာမည်ကျော်ခဲ့သည်ကို ပြန်သတိရမိသည်။

ထို့အပြင် လှပအေးချမ်းသော ကြာသပတေးနေ့ နံနက်ခင်းတွင် ပါးဖေါင်းဖေါင်းနှင့် ချစ်စဖွယ်ကောင်းလှသော သားကလေးတစ်ယောက်ကို လူ့လောကထဲသို့ခေါ်ဆောင်လာခွင့် ရရှိခဲ့သည်။ ကိုယ့်ဘ၀အတွက် အရေးအပါဆုံး တစ်ဦးတည်းသောသားကလေးသည် ကြာသပတေးသား၊ အဓိပတိဖွား ဖြစ်သည်ဟူသော အချက်တစ်ချက်နှင့်ပင် ကိုယ် ကြာသပတေးကို အပြည့်အ၀ ချစ်ခင်စွဲလမ်းရန် မလုံလောက်သေးဘူးလား။ ခရမ်းရောင်ကို မချစ်သော်လည်း ကြာသပတေးနေ့ကို စိတ်လွတ်လက်လွတ် ချစ်ခင်စုံမက်ခွင့်တော့ဖြင့် ရှိနိုင်သည် မဟုတ်ဘူးလား။

ပြောရလျှင် ကြာသပတေးနေ့အတွက် ရေးထားခဲ့သော သည်မှတ်စုကို ကြာသပတေးနေ့တွင် အပြီးသတ်မည်ဟု မှန်းထားခဲ့သည်မှာ ဟိုးလွန်ခဲ့သော ကြာသပတေးနေ့ပေါင်း များစွာကတည်းက ဖြစ်သည်။ သို့သော်လည်း ကြာသပတေးနေ့နှင့်အတူ ခရမ်းရောင်အကြောင်းက တတွဲတွဲ(သို့မဟုတ်) ကန့်လန့် ကန့်လန့် ဖြစ်နေခဲ့သောကြောင့် စာမှာ အဆုံးသတ်၍ မရနိုင်ခဲ့ချေ။ ဖြတ်သန်း ကုန်လွန်ခဲ့သော ကြာသပတေးနေ့ပေါင်းများစွာမှာ သည်မှတ်စုကို ဆက်ရေး၍လည်း မရ၊အဆုံးသတ်ဖို့ ဆိုတာ ဝေးလှသည်။ သည်လိုနှင့် တစ်ပတ်ပြီး တစ်ပတ် အချိန်တွေ ကြာလာခဲ့သည်။ အသစ် အသစ်သော နေ့စွဲများ၏ နောက်တွင် များစွာသော ကြာသပတေးနေ့တို့ ဟောင်းနွမ်းဆွေးမြေ့စွာ ကျန်နေရစ်ခဲ့သည်။ ထိုအကြောင်းကို မိတ်ဆွေတစ်ဦးကို ပြောပြမိသောအခါ သူက ပြန်ပြောသည်။ ဘာမှ စိတ်မပူ့ပါနဲ့ မင်းဘ၀မှာ နောက်ထပ် ကြာသပတေးနေ့တွေ အများကြီး ရှိနေသေးတာပဲ… တဲ့။ ကြည့်ပါအုံး… ကျေးဇူးတင်စရာ ကောင်းလိုက်တာ။ သိပ်ဟုတ်တာပဲ… ဘ၀မှာ ကိုယ့်ထံကို ရောက်လာဦးမည့် ကြာသပတေးနေ့ပေါင်း များစွာ ကျန်နေ / ရှိနေလိမ့်ဦးမည် ဆိုသည်ကို အစက ဘာကြောင့်များ မတွေးမိတာပါလိမ့်။
ပြီးတော့ သူက ပြောသေးသည်။ ကြာသပတေးနေ့ကို ချစ်သလို မင်း မနှစ်သက်တဲ့ ခရမ်းရောင်အပေါ်မှာလည်း ကြည်ကြည်လင်လင်၊ သက်တောင့်သက်သာ သဘောထားကြည့်လိုက်ပါ၊ မကြာခင် ခရမ်းရောင်နဲ့ အဆင်တပြေ ဖြစ်လာပါလိမ့်မယ်… တဲ့။ သူ့ပြောစကားကိုသဘောကျ၊ မျက်စိစုံမှိတ်ကာ ကျေကျေနပ်နပ်ကြီး လိုက်နာ ယုံကြည်ပစ်လိုက်သည်။

ထိုယုံကြည်မှုနှင့်အတူ သက်တောင့်သက်သာဖြစ်မှုများတွင် ပျော်ဝင်လာရင်း ကြာသပတေးနေ့နှင့် သူ၏ သင်္ကေတ ခရမ်းရောင်ကိုပါ တဖြည်းဖြည်း နှစ်လို ချစ်ခင်စိတ်တို့ ၀င်လာခဲ့သည်။ တချိန်တည်းမှာပင် ခရမ်းရောင်အဆင်းရှိ အသုံးအဆောင် ပစ္စည်းများကို နှစ်ခြိုက်ခုံမင်စ ပြုလာခဲ့တာ ဖြစ်သည်။ ခရမ်းရောင် အ၀တ်များကို တကူးတက ရှာဖွေဝယ်ယူစ ပြုလာသည်။ မေမေ ယူလာပေးသောခရမ်းဆွဲ ရင်ထိုးကလေးကို ရှပ်ကော်လာ အဖျားလေးတွင် မရဲတရဲ ချိတ်တွယ်စ ပြုလာသည်။ ထို့အပြင်ခရမ်းရောင် လာဗင်ဒါခင်းများ ရှိရာဆီသို့ ခရီးဆန့်ဖြစ်ခဲ့သည်။ ခရမ်းရောင် ကျူးလစ်ပန်းများကို နှစ်လိုစွာ ဓါတ်ပုံရိုက်ကာ မကြာခဏလည်း ပြန်ကြည့်ဖြစ်ခဲ့သည်။ ခရမ်းရောင် Bvlgari Omnia ရေမွှေးဗူးကို ဖေါက်ကာ ဆွတ်ဖြန်းစ ပြုလာသည်။ ပန်းခရမ်းပြာ ဗေဒါလည်း ကမ်းစပ်နားမှာ ငြိတွယ်… နန်းတံတားဖြူ နေရာလေး တေးသံလွှမ်းစေကွယ်… ဟူသော သီချင်းစာသားကို မကြာခဏ တီးတိုး သီဆိုတတ်လာသည်။ ကျေနပ်စရာ။ ချစ်ခြင်းမေတ္တာတွင် သက်တောင့်သက်သာ ဖြစ်မှုသည် မျှော်လင့်ထားသည်ထက် အဆပေါင်းများစွာ ပို၍ အရေးပါသည်ပဲ။

အချုပ်ဆိုရသော် သည်လို ကြာသပတေးနေ့မျိုးတွင် ရှပ်လက်တို/လက်ရှည် ခရမ်းရောင်များကို ဂျင်းဘောင်းဘီ အရောင်ရင့်ရင့်နှင့် တွဲဖက် ၀တ်ဆင်ထားပြီး၊ ခရမ်းရောင် အသုံးအဆောင်များ ဟိုနားတစ်စ ဒီနားတစ်စ တပ်ဆင် ကိုင်ဆောင်ကာ ပြုံးရယ်ချိုမြ၊ သက်တောင့်သက်သာ ခြေလှမ်းများနှင့် လမ်းလျှောက်နေသူတစ်ယောက်ကို တွေ့ပါက အများကြီး မတွေးပါနှင့်၊ စိတ်ကူးမလွဲပါနှင့်။ သက်ဝေ ဟု သာ ခပ်ကျယ်ကျယ်လေး လှမ်းခေါ်လိုက်ပါ။ ကိုယ့်အိတ်ကလေးထဲမှာ အသင့်ယူဆောင်လာသော ခရမ်းရောင် ကျူးလစ်ပန်းတစ်ပွင့် (သို့မဟုတ်) ခရမ်းရောင် လာဗင်းဒါးပန်းခြောက်တစ်ခက်နှင့်အတူ ခရမ်းရောင်စက္ကူဖြင့် ထုတ်ပိုးထားသာ ကက်ဗျူရီ ချောကလက်တစ်ပြားကို လက်ဆောင်အဖြစ် သင် ရရှိနိုင်မည်ဖြစ်ပါသည်။

(၃ ဇူလိုင် ၂၀၁၄)

ချစ်သော ချစ်သူများ သက်တောင့်သက်သာဖြစ်မှုတွင် အချိန်ပြည့် ပျော်ဝင်စီးမျောနိုင်ပါစေ။

ကျွန်မ သိတဲ့ ပညာရေး

နိုင်ငံတစ်နိုင်ငံရဲ့ ပညာရေးစနစ်တွေမှာ ကောင်းတာနဲ့ ဆိုးတာ အစဉ်အမြဲ ဒွန့်တွဲနေလိမ့်မယ်လို့ ကျွန်မ ယုံကြည်ပါတယ်။ ကောင်းကွက်တွေ အများကြီး ရှိနိုင်သလို ကျွန်မတို့ မမြင်လိုက်တဲ့ လစ်ဟာနေတဲ့ အချက်တွေလည်း ရှိနေမှာမလွဲပါဘူး။ လောလောဆယ်မှာ ကျွန်မ လက်ရှိ နေထိုင်နေတဲ့ စကာင်္ပူနိုင်ငံရဲ့ ပညာရေးစနစ်တွေထဲက အကြောင်းအရာလေး တစ်ခုကို ပြောပြချင်ပါတယ်။ ကျွန်မနှစ်သက်မိတဲ့ ကောင်းကွက်ကလေး တစ်ခု ဆိုပါတော့…

ပြောရရင် စကာင်္ပူရဲ့ ပညာရေးစနစ်ကို ကြိုက်တဲ့မိဘတွေ ရှိသလို ကလေးအတွက် စိတ်ဖိစီးမှုများလွန်းတယ် ကလေးရော မိဘပါ ပင်ပန်းရတယ်ဆိုပြီး မနှစ်သက်တဲ့ မိဘတွေလည်း အတော်များများ ရှိနေတာ တွေ့ရပါတယ်။ ဒါဟာလည်း ဘယ်သူ့ဖက်ကမှ မမှားပါဘူး…။ စာလိုက်နိုင်တဲ့ကလေးတွေအတွက် တစ်တန်းပြီး တစ်တန်း သက်တောင့်သက်သာ ဖြတ်ကျော်သွားနိုင်ပေမဲ့ စာမလိုက်နိုင်တဲ့သူတွေအတွက်ကတော့ ကလေးနဲ့ မိဘတွေဟာ စိတ်ရော လူရော ပင်ပန်းကြရပါတယ်။ ဒါကလည်း ဒီစကာင်္ပူနိုင်ငံမှာမှ မဟုတ်… ဘယ်နေရာ ဘယ်ဒေသမှာမဆို ကြုံတွေ့ရမဲ့ အခြေခံသဘောတရားပါ။

ကျွန်မ သားကို စကာင်္ပူမှာ Kindergarten 1 ကနေ စပြီး ကျောင်းထားခဲ့ပါတယ်။ Kindergarten နှစ်တန်း (K1 & K2) ၊ Primary ခြောက်တန်း (Primary 1 to Primary 6) နဲ့ အခုဆို Secondary မှာ သုံးတန်း (Secondary 1, 2 3) တက်ပြီးပါပြီ…။ ဒီနှစ် Secondary 4 စ တက်ပါတယ်။ သားအတွက်ကတော့ တစ်တန်းပြီး တစ်တန်းကို အေးအေးသက်သာပဲ ကျော်ဖြတ်နိုင်ခဲ့ပါတယ်။ အင်မတန် ဥာဏ်ကောင်းသော်လည်း ကျွန်မ လိုချင်သလို (သို့) ကျွန်မ လိုချင်သလောက် ဖိဖိစီးစီးနဲ့ အားထုတ် ကြိုးစားတာမျိုးတော့ မရှိခဲ့ပါဘူး။ ယောက်ျားလေးပီပီ သက်တောင့်သက်သာ ပေါ့ပေါ့ပါးပါးနဲ့ အရာရာမှာ စိတ်အေးလက်အေးပါပဲ။ အတန်းထဲမှာ အတော်ဆုံး ကျောင်းသားတစ်ယောက် မဖြစ်ခဲ့သော်လည်း စာတော်တဲ့ ကျောင်းသားတစ်စုထဲတော့ နှစ်တိုင်း ပါခဲ့ပါတယ်။ တခါတခါတော့လည်း ကျွန်မ နောင်တရမိပါတယ်။ သူ့ဘ၀မှာ ပညာသင်ရမဲ့ နှစ်တွေ တော်တော်ကျန်သေးတာကြောင့် အတန်းငယ်တုန်းမှာ သက်သက်သာသာ နေပါစေဆိုပြီး လွှတ်ထားခဲ့တာ၊ အခြားသော မိဘတွေလို စာမှ စာ… တစာစာ အတင်း မတွန်းခဲ့တာတွေကြောင့် ကလေးက ပေါ့ပေါ့လေး နေတာ အကျင့်ပါသွားလေသလားပါပဲ။

ပြောပြချင်တဲ့ အကြောင်းကို စပါ့မယ်။
ပြီးခဲ့တဲ့နှစ်က သား Secondary 3 တက်ရပါတယ်။ Secondary 1 နဲ့ Secondary 2 နှစ်တန်းကတော့ တော်တော်လေး ပေါ့ပါးပါတယ်။ စာတွေလည်း သိပ်မများ၊ သိပ်လည်း မခက်ပါဘူး။ ကျူရှင်လည်း မလိုခဲ့ပါဘူး။ ဒီလိုနဲ့ Secondary 3 ရောက်လာပါတယ်။ ကိုယ် အထူးပြုချင်တဲ့ ဘာသာတွေ ရွေးရပါတယ်။ မလိုချင်တာတွေလည်း ဖြုတ်ခဲ့လို့ရပါတယ်။ သားကတော့ ဆရာဝန်လုပ်ရမှာစိုးလို့ ထင်ပါရဲ့ Biology နဲ့ Geography နှစ်ဘာသာ ဖြုတ်ခဲ့ပါတယ်။ သူကိုယ်တိုင် လေ့လာကျက်မှတ်ရမှာမို့ သူ ဆန္ဒရှိတဲ့ ဘာသာကို ယူစေပြီး မလိုချင်တာကို ချန်ထားခွင့် ပေးရပါတယ်။ သူတို့ ကျောင်းအုပ်ဆရာကြီးကိုယ်တိုင်က ကလေးတွေ ဘာသာရွေးခါနီးမှာ မိဘတွေ အားလုံးကို ခေါ်ပြီး ကလေး စိတ်တိုင်းကျ ဘာသာရွေးပါစေ… မိဘတွေက တားဆီးတာ.. ကိုယ့် စိတ်ကြိုက် အာဏာသုံးပြီး ရွေးခိုင်းစေတာမျိုး မလုပ်ဖို့ ပြင်းပြင်းထန်ထန် မှာကြားပါတယ်။ မိခင်တစ်ယောက်ပီပီ Biology ကို ဖြုတ်လိုက်တာ သိပ်မနှစ်သက်လှပေမဲ့ Maths ကို မယူမနေရ တစ်ဘာသာအပြင် နောက်တစ်ဘာသာ ဖြစ်တဲ့ Advanced Maths ကို သားရွေးချယ်လိုက်တဲ့အတွက် ကျွန်မ ကျေနပ်လိုက်ပါတယ်။

Secondary 3 ရဲ့ ပထမ တစ်လ နှစ်လ ကတော့ သူတို့အခေါ် (Honeymoon Period) တကယ့်ကို ပျားရည်ဆမ်း ကာလတွေပါ။ အတန်းအသစ်၊ ဘာသာရပ် အသစ်၊ ဆရာ ဆရာမ အသစ်တွေနဲ့ Orientation လုပ်ရတာ၊ Overseas Trip တွေ သွားရတာ၊ ပြန်လာတော့လည်း အဲဒီခရီးတွေက ပါလာတဲ့ ပစ္စည်းတွေကို ရောင်းချတဲ့ ရန်ပုံငွေဈေးရောင်းပွဲတွေ ပြင်ဆင်ရ စီစဉ်ရနဲ့ ပျော်ပျော်ပါးပါးကြီးပေါ့။ ဒီလိုနဲ့ Mid Term Test ကို ရောက်လာပါတယ်။ သင်ရိုးအသစ်တွေနဲ့ သိပ်အသားမကျသေးတာက တစ်ကြောင်း၊ အရင်နှစ်တွေကလိုပဲ ပေါ့ပေါ့လေးပဲ နေခဲ့တာက တစ်ကြောင်းတို့ကြောင့် အဲဒီ စာမေးပွဲမှာ Maths နှစ်ဘာသာနဲ့ Physics မှာ သားဟာ အောင်မှတ်ပဲ ရပါတယ်။ သူတို့ Secondary 3 Cohort တစ်ခုလုံး အမှတ်နည်းကြတယ်၊ ကျတဲ့သူတွေလည်း အများကြီးပဲ ဆိုပေမဲ့ သူ့ ကျောင်းသားဘ၀တလျောက်မှာ တစ်ခါမှ အဲဒီလောက် အမှတ်မနည်းဖူးတာကြောင့် သူလည်း တော်တော်လေး မျက်စိ မျက်နှာပျက်ပါတယ်။ နောက်ပြီး အဲဒီစာမေးပွဲက အမှတ်တွေက နှစ်ကုန်မှာ ဖြေရမဲ့ အတန်းတင်စာမေးပွဲကြီးမှာ ၃၀ ရာခိုင်နှုန်း ယူမှာပါ။

စကားစပ်လို့ ပြောပြရရင် ဒီမှာက တစ်တန်းကို စာမေးပွဲ သုံးကြိမ်စစ်လေ့ရှိပါတယ်။ Mid Term စာမေးပွဲက အမှတ် ရဲ့ ၃၀ ရာခိုင်နှုန်း၊ နောက် နှစ်လလောက်အကြာမှာ တစ်ကြိမ် စစ်တဲ့ စာမေးပွဲနဲ့ Course Work နှစ်ခုပေါင်း ရမှတ်ရဲ့ ၂၀ ရာခိုင်နှုန်နဲ့ စာမေးပွဲကြီးက ရမှတ်ရဲ့ ၅၀ ရာခိုင်နှုန်းကို အချိုးကျ တွက်ပြီး အတန်းတင်ပေးတဲ့ စနစ်ပါ။

ဒီတော့ Mid Term မှာ သုံးဘာသာ အမှတ်နည်းတဲ့ သား စိတ်ပူတာလည်း မဆန်းပါဘူး။ ကျွန်မကတော့ သား အမှတ်တွေအတွက် အတော်လေး စိတ်ပျက်ပေမဲ့ ကိုယ့်စိတ်ကို ကိုယ်လျော့ပြီး ဆူဆူပူပူ မလုပ်ခဲ့ပါဘူး။ အတန်းကြီးလာတာနဲ့ အမျှ စာမေးပွဲတွေဟာ အရင်ကလို ပေါ့ပေါ့လေး သဘောထားလို့ မရတော့ကြောင်း သား နားလည်အောင် ကောင်းကောင်းမွန်မွန်ပဲပြောပြပြီး နောက်ကို ဒီ့ထက်ပိုကြိုးစားဖို့နဲ့ ကျူရှင်လိုရင် စီစဉ်ပေးမယ်လို့ပဲ ပြောခဲ့ပါတယ်။ ကျွန်မကသာ အပြစ်မတင်ပဲ အဲဒီလို အေးအေးသက်သာ ပြောခဲ့ပေမဲ့ သူတို့ကျောင်းက သူတို့ကို အပြစ်ပေးပါတယ်။ သူတို့ အပြစ်ပေးပုံက ဒီလိုပါ။

သူတို့ကျောင်းက သူ့လိုပဲ အမှတ်နည်းသွားတဲ့ကလေးတွေ အားလုံး သူတို့ အမှတ်နည်းတဲ့ဘာသာရပ် တစ်ခုချင်းစီအတွက် ဘာသာရပ်ဆိုင်ရာ ဆရာ ဆရာမတွေဆီကို စာရေးရပါတယ်။ ဘယ်လိုရေးရတာလဲ ဆိုတော့… သူတို့ဟာ ဒီဘာသာမှာ ကောင်းကောင်းမကြိုးစားခဲ့လို့ အခုလို အမှတ်တွေ နည်းခဲ့တယ်၊ နောက် စာမေးပွဲမှာ အခုလို အမှတ်မနည်းအောင် ဘယ်လိုတွေ ပြင်ဆင်ပါ့မယ်၊ ဘယ်လိုတွေ လေ့လာပါ့မယ်၊ ဘယ်လိုတွေ ကြိုးစားအားထုတ်ပါ့မယ် ဆိုတဲ့အကြောင်း၊ သူတို့ရဲ့ အားနည်းချက် အားသာချက်တွေကို ကိုယ်တိုင် စဉ်းစဉ်းစားစားနဲ့ ထုတ်ဖေါ် ပြောဆိုပြပြီး ကိုယ်တိုင် ၀န်ခံချက်ရေးရတာမျိုးပါ။ အဲဒီလို ရေးပြီးတဲ့အခါမှာလည်း အောက်မှာ သူတို့ ကိုယ်တိုင် ကတိပြုတဲ့ အနေနဲ့ လက်မှတ်ထိုးရပါတယ်။ သားက သုံးဘာသာ အမှတ်နည်းတော့ သုံးရွက် ရေးရတာပေါ့။ သားက အဲဒီစာတွေ ရေးပြီး ခပ်မှိန်မှိန်မျက်နှာပေးနဲ့ ကျွန်မကို လာပြပါတယ်။ ရုတ်တရက် ကျွန်မက ဘာမှန်းမသိပဲ ကြောင်တောင်တောင်နဲ့ ဘာတွေပါလိမ့်… လို့ ထိတ်ကနဲ ဖြစ်သွားပါသေးတယ်။ နောက်မှ တဖြည်းဖြည်းနဲ့ သဘောပေါက်ပြီး ပြုံးနိုင်လာပါတယ်။

ကြည့်ပါအုံး… ၁၅ နှစ်အရွယ် ကျောင်းသားလေးကို လူကြီးတစ်ယောက်လို သဘောထားပြီး သူတို့ကိုယ် သူတို့ လေ့လာဆန်းစစ်ခိုင်းတာ၊ ပါးပါးလေးနဲ့ ၀န်ခံကတိပြုပြီး ချုပ်ကိုင်လိုက်တာ၊ နောက်ကို ဒီလို မဖြစ်ရအောင် သူတို့ကိုယ် သူတို့ သိဖို့ အတွက် ပေးလိုက်တဲ့ အပြစ်က ဘယ်လောက် ပညာသားပါပြီး လှပသလဲ လို့။ အရွယ်ရောက်စပြုလာပြီဖြစ်တဲ့ ကလေးတစ်ယောက်ကို ကြိမ်းမောင်း မာန်မဲတာတွေ၊ ဆူဆူပူပူတွေ လုပ်ပြီး အတင်းအကျပ် စေခိုင်းတာထက် အဆပေါင်းများစွာ ထိရောက်တဲ့ အပြစ်ပေးနည်းလေးမို့ ကျွန်မ တကယ်ပဲ သဘောကျမိပါတယ်။

လူတစ်ဦးချင်း တစ်ယောက်ချင်းစီရဲ့ ဘ၀တွေမှာ အဓိကကျတာက ကိုယ့်ကိုယ်ကိုယ် သိဖို့ပါပဲ။ ကိုယ် ဘာလဲ ဆိုတာ ကိုယ်တိုင် သိဖို့၊ ကိုယ့်အခြေအနေနဲ့ ကိုယ့်နေရာကို ကိုယ်တိုင် သိဖို့၊ ကိုယ် ဘာလိုအပ်တယ် ကိုယ် ဘာလိုချင်တယ်ဆိုတာ ကိုယ်တိုင် သိဖို့၊ ကိုယ့်ရှေ့ခရီးကို ဘယ်လိုဆက်လျှောက်ရမယ်၊ ဒီအတွက် ဘယ်လိုမျိုး ပြင်ဆင်မှုတွေ၊ ကြိုးစားအားထုတ်မှုတွေ ပြုလုပ်ရမယ်၊ ဘာတွေဆောင်လို့ ဘာတွေရှောင်ရမယ် ဆိုတာ ကိုယ်တိုင် သိဖို့က မရှိမဖြစ် အရေးကြီးတာပါ။ အဲဒီလိုတွေ သိနားလည်စေဖို့အတွက် လေ့ကျင့်ပေးတဲ့ အခြေခံ နည်းစနစ်တစ်ခု၊ ဘ၀နဲ့ယှဉ်လိုက်ရင် မပြောပလောက်တဲ့ကိစ္စ ခပ်သေးသေးတစ်ခုသာ ဖြစ်သော်လည်း ကလေးတွေရဲ့ ကိုယ်ရည်ကိုယ်သွေးနဲ့ သူတို့တွေရဲ့ အသိစိတ်ဓါတ်ကို အလင်းဖွင့်ပေးတဲ့ အကြောင်းလေး၊ ပြီးတော့ ကျွန်မ စိတ်ထဲ တကယ် နှစ်ခြိုက် သဘောကျမိတာလေးမို့ သိသိမှတ်မှတ်ထားပြီး ဒီစာကို ရေးပါတယ်။

သက်ဝေ
၅ မတ် ၂၀၁၄

(100% Magazine Volume 1, No. 2 တွင် ဖေါ်ပြပြီး ဖြစ်သည်)

ကကြိုးနှစ်ဆယ့်တစ်

ဘလော့ဂါ အိန်ဂျယ်လှိုင် ဒုတိယမြောက် စီစဉ်ထုတ်ဝေ တဲ့ ကကြိုးနှစ်ဆယ့်တစ် (အွန်လိုင်းရသဝတ္ထုတိုများ စုစည်းမှု) စာအုပ်လေးနဲ့ မိတ်ဆက်ပေးချင်ပါတယ်။

ကကြိုးနှစ်ဆယ့်တစ် မှာ ကျွန်မအပါအ၀င် စာရေးသူ ဘလော့ဂါ (၂၁) ဦး ပါဝင် ရေးသား ထားပြီး AMK Creation က လှပသေသပ်စွာ ဖန်တီးပေးထားပါတယ်။ အနုပညာပန်းများ ခြံရံထားတဲ့ စာရေးသူ မောင်နှမများရဲ့ နှလုံးသား ပဲ့တင်သံများနဲ့အတူ ဘဝ ရသ အစစ်များကို ခံစားကြရမယ် ဆိုတာ ယုံကြည်တယ်လို့ စီစဉ်သူ ညီမ အိန်ဂျယ်က ပြောပြပါတယ်။

ဒီစာအုပ်လေးမှာ ကျွန်မ ၀တ္ထုတို တစ်ပုဒ် ပါပါတယ်။ ၀တ္ထုလေး နာမည်က မေ့လျော့ခံ… ပါ။
ဘ၀မှာ ကိုယ့် အတ္တနဲ့ ကိုယ့်ဆန္ဒတွေကို ရှေ့တန်းမတင်ပဲ အခါများစွာမှာ နှုတ်ဆိတ်၊ မြိုသိပ်ပြီး ထိန်းချုပ်နေခဲ့တဲ့ အချိန်တွေ များလာတဲ့အခါ မိန်းမသားတစ်ယောက်ရဲ့ ဖြစ်တည်မှု၊ သဘာဝနဲ့ ခံစားချက်တွေကို ပတ်ဝန်းကျင်က နားမလည်နိုင်၊ မမြင်နိုင်တော့ပဲ လျှစ်လျှူရှုခံ၊ မေ့လျော့ခံရတဲ့ အမျိုးသမီးတစ်ယောက်၊ မိန်းမ သဘာဝနဲ့ ဖြစ်ရိုးဖြစ်စဉ်တွေကို တွန်းလှန်ချင်ပေမဲ့ တကယ်တမ်းမှာ သူဟာ အများနည်းတူ မိန်းမပီသပြီး စိတ်နှလုံး နွေးထွေး နူးညံ့တဲ့ မိန်းမသားတစ်ယောက်သာ ဖြစ်တယ် ဆိုတာ နားလည်လက်ခံလိုက်ရတဲ့ အမျိုးသမီးတစ်ယောက် အကြောင်းကို အတတ်နိုင်ဆုံး ပီပြင်အောင် ပုံဖေါ်ရေးဖွဲ့ထားပါတယ်။

ဒီစာအုပ်လေးကို မေလ ၇ ရက်နေ့ မှာ စတင်ထုတ်ဝေမှာဖြစ်ပြီး မေလ ၈ ရက်မှာ မြန်မာ့ခေတ်က တာဝန်ယူ ဖြန့်ချီမှာ ဖြစ်ပါတယ်။ ရန်ကုန်မြို့မှာ Ocean ၊ Lion City ၊ Taw Win, Asia Light စတဲ့ နေရာများမှာ ၀ယ်ယူနိုင်မှာဖြစ်ပါတယ်။ မန္တလေး၊ တောင်ကြီး၊ မော်လမြိုင်၊ နေပြည်တော် စတဲ့ မြို့များကိုတော့ နောက် ၅ ရက်လောက်နေရင် ရောက်ရှိနိုင်မယ်လို့ သိရပါတယ်။ ချစ်ခင်ရတဲ့ စာဖတ်ပရိသတ်တွေအားလုံး "မိုင်တိုင်နှစ်ဆယ်" တုန်းကလိုပဲ "ကကြိုးနှစ်ဆယ့်တစ်" ကိုလည်း လှိုက်လှိုက်လှဲလှဲ အားပေးကြမယ်လို့ မျှော်လင့်ပါတယ်။

သီရိလင်္ကာ ခရီးစဉ် (၅)

စွယ်တော်ဖူးပြီး အပြန်မှာ မနေ့က ဆိုင်လေးမှာပဲ မနက်စာ ဝင်စားကြပါတယ်။ ထုံးစံအတိုင်း နံပြား၊ ပလာတာ၊ တိုရှည် နဲ့ ကြက်သား အာလူးဟင်း၊ ဘာခေါ်မှန်းမသိတဲ့ ပလာတာ နုတ်နုတ်စင်းကြော်။ ကျွန်မကတော့ အဲဒါတွေ မစားတတ်တာမို့ ဘယာကြော်နဲ့ ကမ္ဘာ့အချိုဆုံး လဖက်ရည်ကို သောက်နိုင်သလောက် သောက်ပြီး ခဏပြန်နားကြပါတယ်။ နားပြီးရင်တော့ မြတ်စွာဘုရား ခြေတော်ရာ ချန်ခဲ့တဲ့ ဘုရားကိုဖူးဖို့ ဟိုး တောင်ပေါ်မြို့လေးကို သွားကြမယ်လို့ ဆိုပါတယ်။ ကျွန်မကတော့ တောင်ပေါ် ဆိုတဲ့အသံကြားတာနဲ့ အလိုလို ပျော်နေမိတယ်။ မြေပြန့်နဲ့မတူ သိသိသာသာ ကွဲပြားခြားနားစွာ လှပတဲ့ မြင်ကွင်းတွေရယ်၊ လင်းလက်တဲ့ နေရောင်ခြည်အောက်မှာ အေးစိမ့်စိမ့်လေး ဖြစ်နေတတ်တဲ့ ရာသီဥတုရယ်၊ ပြီးတော့ ကျွန်မချစ်တဲ့ တိမ်တွေနဲ့ အနီးကပ် ဆုံတွေ့ရတတ်တဲ့ အဲဒီ တောင်ပေါ်မြို့တွေဟာ ကျွန်မရဲ့ All time favourite တွေပါ။

ဒါတွေကတော့ တောင်ပေါ်အတက် လမ်းကလေးတွေပါ။

နွေဦးက ခြောက်သွေ့သလို ထင်ရပေမဲ့ သူ့နည်းသူ့ဟန်နဲ့တော့ သိပ်လှနေတာပါပဲ။

ဒါကတော့ မြတ်စွာဘုရား ခြေတော်ရာ ချန်ခဲ့တဲ့ ဘုရား လို့ သိရပါတယ်။ နေသိပ်ပူတော့ အကြာကြီးထိုင်မဖူးနိုင်ခဲ့ပါဘူး။ လူတစ်စုကတော့ စေတီကို ထုံးသင်္ကန်း အသစ် ကပ်လှူနေကြတာကို တွေ့ခဲ့ရပါတယ်။ (ပုံထဲမှာ ကြည့်ရင် သေးသေးလေး မြင်နိုင်ပါတယ်) ဒီလောက် ခြစ်ခြစ်တောက် ပူတဲ့နေရောင်အောက်မှာ ထုံးသင်္ကန်းလှူနေကြသူတွေရဲ့ သဒ္ဗါတရားနဲ့ သူတို့ရဲ့ ကုသိုလ်တွေအတွက် သာဓုသုံးကြိမ် ခေါ်မိပါတယ်။ 

ဗစ်တိုးရီးယား ရေကာတာပါ။ သီရိလကာင်္နိုင်ငံရဲ့ အကြီးဆုံး ရေကာတာ တစ်ခုဖြစ်ပြီး နိုင်ငံအတွက် ရေအားလျှပ်စစ် အများဆုံး ထုတ်ပေးတဲ့ ရေကာတာကြီးပါ။ အဲဒီကိုရောက်တော့ ညနေ သုံးနာရီခွဲ… နေသိပ်ပူနေလို့ ကားပေါ်က မဆင်းတော့ပဲ လှမ်းရိုက်လိုက်တဲ့ပုံတွေပါ။

မနက်ကလည်း အစောကြီးထခဲ့ရတာမို့ လူကြီးတွေလည်း တော်တော်လေး ပင်ပန်းနေကြပြီ။ ဒီတော့ ဘုရားဖူးပြီး ပြန်နားကြမယ်လို့ စီစဉ်လိုက်ပါတယ်။ ဒါ အပြန်လမ်းပါ။ တောင်တွေကို ကွေ့ကာ ပတ်ကာ ဖေါက်ထားတဲ့ လမ်းတွေပေမဲ့ ကားမောင်းသူက ကျွမ်းကျင်ပြီး စိတ်ရှည်တော့ စိတ်ချလက်ချ နဲ့ သက်တောင့်သက်သာ စီးလို့ရခဲ့ပါတယ်။ 

ဗောဓိညောင်ပင်ရဲ့ နွေဦးအလှ၊ ညောင်ရွက်လေးတွေ လေထဲမှာ တဖျတ်ဖျတ် လှုပ်ခတ်နေတာကို ကြည့်ပြီး ဆည်းလည်းလှိုက်သံကို သတိရမိပါတယ်။

တောင်ပေါ်ကအဆင်း အပြန်လမ်းမှာ ခဏနားရင်း အအေးတို့ သစ်သီးတို့ အပြင် လှမ်းတွေ့နေရတဲ့ ပြောင်းခင်းထဲက လတ်လတ်ဆတ်ဆတ် ချိုးထားတဲ့ ပြောင်းဖူးတွေကို မီးဖိုပြီး ချက်ချင်း ပြုတ်ရောင်းတဲ့ ဆိုင်လေးတစ်ဆိုင်မှာ ပြောင်းဖူးပြုတ် ဝင်စားကြသေးတယ်။ သူတို့က ပြောင်းဖူးပြုတ်ကို မစားခင်မှာ ဆားရည်ထဲကို စိမ်ပေးတယ်။ ဒီမှာစားရတဲ့ Sweet Corn တွေလို မချိုသော်လည်း သဘာဝအတိုင်း လတ်ဆတ်တာမို့ စားလို့ ကောင်းပါတယ်။ ဒါကတော့ အဲဒီ ဆိုင်ဘေးမှာ တွေ့ခဲ့တဲ့ စပါးခင်းလေးပါ။ စပါးပင်ကို နီးနီးကပ်ကပ် မတွေ့မမြင်ရတာ တော်တော်ကြီးကို ကြာနေပြီမို့ အခုလိုတွေ့တော့ ဝမ်းသာပြီး ဓါတ်ပုံ ရိုက်ခဲ့ပါတယ်။ 

ဒါကတော့ ကန္ဒီမြို့ထဲကို ပြန်ဝင်လာတဲ့ လမ်းမကြီးပါ။ ဟိုးတောင်ပေါ်မှာ ထုံးသင်္ကန်းနဲ့ ရုပ်ပွားတော်ကြီးတစ်ဆူကို လှမ်းပြီး ဖူးမျှော်နိုင်ပါတယ်။

တိမ်တွေက သိပ်လှတာပဲလို့ ကိုယ်ပြောရင် မင်း ယုံလိုက်ပါ။ (တိမ်နဲ့ ချည်တဲ့ကြိုး - ဂျူး)

မနက်ဖြန်ကျရင် လဖက်ခင်းတွေရှိတဲ့ တောင်ပေါ်မြို့လေးတစ်မြို့ကို သွားလည်ပါအုံးမယ်။ အဲဒီဖက်မှာ လဖက်ခင်းတွေအပြင် Little England ဆိုတဲ့ နေရာလေးရယ်၊ မယ်သီတာကို ဒဿဂီရိ က ခိုးယူလာပြီး ဖွက်ထားခဲ့တဲ့နေရာရယ်ကိုပါ သွားကြဖို့ စီစဉ်ထားပါတယ်။ ကျွန်မနဲ့ အတူတူ လိုက်လည်ကြပါအုံးနော်…။



- ၂၀၁၅ အောက်တိုဘာလထုတ် Living Fashion Magazine တွင် ဖေါ်ပြပြီး ဖြစ်သည်

Thanks Note - ကျွန်မ အရင်ပို့စ်တွေမှာ Kandy ဆိုတဲ့ မြို့နာမည်ကို ကန်ဒီလို့ပဲ ရေးနေခဲ့မိတာ။ တနေ့ကမှ မိတ်ဆွေတစ်ယောက်က စာလုံးပေါင်းအမှန်က ကန္ဒီ ဖြစ်ရမယ်လို့ လှမ်းပြောလာပါတယ်။ အဲဒါကြောင့် အခု ပြင်ရေးလိုက်ပါပြီ၊ ရေးပြီးခဲ့တဲ့ ပိုစ့်အဟောင်းတွေမှာလည်း လိုက်ပြင်ပါ့မယ်။ စာလုံးပေါင်း အမှန်ကို ပြောပြပေးတဲ့အတွက် ကျေးဇူးအကြီးကြီးတင်ပါတယ်နော်။း)

သီရိလင်္ကာ ခရီးစဉ် (၄)

အိပ်ရာက အစောကြီးထ၊ ရေချိုး ကော်ဖီသောက်ပြီး၊ အင်္ကျီအဖြူနဲ့ ဘောင်းဘီအဖြူဝတ်၊ လူကြီးတွေကတော့ အင်္ကျီအဖြူနဲ့ လုံချည်၊ ပုဆိုး အဖြူ၊ ပုဝါအဖြူတွေနဲ့ ဖွေးဖွေးလှုပ်နေတဲ့ အဖွဲ့… စွယ်တော်ဖူးဖို့ မနက် ငါးနာရီမှာ အဆင်သင့် ဖြစ်နေကြပါပြီ။
 
စွယ်တော်ကျောင်းဝင်းရှေ့ကို ရောက်တော့ မနက် ငါးနာရီခွဲကာနီးပြီ။ မီးအလင်းရောင် ၀ါကျင်ကျင်လေးအောက်မှာ တွေ့ရတဲ့ စွယ်တော်ကျောင်း။

ဘုရားမှာ ကပ်ဖို့ ကျောင်း အ၀င်ဝမှာ ရောင်းနေတဲ့ ကြာပန်းတွေ ဝယ်ကြတယ်။ “ကြာဖြူ ကြာနီ ကြာညိုနှောလို့ တို့လယ်တောမှာ ပွင့်ကြတယ်…” ဆိုတဲ့ ကဗျာလေးကို သတိတရဖြစ်ရအောင်ပဲ အရောင်စုံ ကြာပန်းတွေက သိပ်လှပါတယ်။ ပြီးတော့ ဒီမှာ တွေ့ရခဲတဲ့ အင်ကြင်းပန်းပွင့် အကြီးကြီးတွေ၊ လှလိုက်တာဆိုတာ ဘယ်လိုပြောပြရမှန်းတောင် မသိဘူး။ ဒီမှာကြည့်ပါအုံး…

ဒါကတော့ စွယ်တော်ကျောင်းထဲအဝင် လမ်းကလေးရဲ့ အမိုးခုံးလေးပါ။

စကားစပ်လို့ ပြောပြရရင် စွယ်တော်ကျောင်းဟာ ဘုရားဖူးတွေအတွက် တစ်ရက်ကို သုံးကြိမ် ဖူးခွင့်ပေးပါတယ်။ အခုလို မနက်အာရုံ တစ်ချိန်၊ နေ့လည် တစ်ချိန်နဲ့ ညနေပိုင်း တစ်ချိန်ပါ။ ပြီးတော့ အ၀င်အထွက် လုံခြုံရေးအတွက် တော်တော်လေး ကြပ်ကြပ်မတ်မတ်နဲ့ စည်းကမ်းတကျ ရှိတာကို တွေ့ရပါတယ်။ ရပ်နီးရပ်ဝေး ဘုရားဖူးတွေကလည်း နေ့စဉ် အရမ်းများတာကိုး။ သေသေချာချာ စစ်ဆေးပြီးမှ အမျိုးသားတွေက တစ်ခြမ်း၊ အမျိုးသမီးတွေက တစ်ခြမ်း သပ်သပ်စီ ဝင်ကြရပါတယ်။ စွယ်တော်ကျောင်းအကြောင်း ပြည့်ပြည့်စုံစုံ ဖတ်ချင်ရင်တော့ Temple of Tooth – Sri Lanka လို့ Google မှာ ရှာလို့ရပါတယ်။

စွယ်တော်ဖူးဖို့ ကိုယ့်ထက်အရင် အစောကြီး ကြိုရောက်နေနှင့်ကြတဲ့ ဘုရားဖူးတွေ။
ဆွမ်းအုပ်ပုံ စတီးလ်ခွက်ကလေးတွေ၊ ကြွေခွက်ကလေးတွေ၊ မြေခွက်ကလေးတွေနဲ့ ဆွမ်းကပ်ကြပြီး ပန်းတွေကိုတော့ အပွင့်လိုက် ခြွေပြီး ကပ်ထားတာ တွေ့ရပါတယ်။

ဒါကတော့ စွယ်တော် ကိန်းဝပ်စံပါယ်ရာ နေရာကို အပြင်ဖက်က တွေ့ရတဲ့ပုံပါ။ အထဲမှာတော့ ဓါတ်ပုံရိုက်ခွင့်မပြုပါဘူး။ ညာဖက်ခြမ်းကနေ တန်းစီပြီး ဝင်၊ ပြီးတော့ စွယ်တော်ကို ဆယ်စက္ကန့် လောက် အာရုံပြုပြီး ဖူး၊ ပြီးတာနဲ့ ဘယ်ဖက်ပေါက်ကနေ ပြန်ထွက်ပဲ။ မွေးကင်းစ ကလေးငယ်လေးတွေနဲ့ လသားအရွယ် ကလေးငယ်လေးတွေကို ချီပိုးထားတဲ့ အမျိုးသမီးတွေကိုတော့ တစ်စု စုထားပြီး သပ်သပ် ဝင်ဖူးခွင့်ပြုတာ တွေ့ရပါတယ်။ အခု ပုံမှာတွေ့ရတဲ့ လေးထောင့် အကာအရံထဲမှာထိုင်နေတဲ့ ဘုရားဖူးတွေကတော့ သူတို့ဆီက VIP တွေလို့ ယူဆရပါတယ်။ အေးအေးလူလူ ထိုင်ပြီး ဘုရားဖူးခွင့်ရကြတယ် ဆိုပါတော့။

ဒါကတော့ စွယ်တော်ကျောင်းတိုက်ထဲက တစ်နေရာပါ။ Shrine Area လို့ ရေးထားတာ တွေ့ရပါတယ်။

Shrine Area ကို တည့်တည်ရအောင် သေသေချာချာ ချိန်ရိုက်တာ စောင်းဖြစ်အောင် စောင်းသွားသေးတယ်။ (ဂါးးးးးးးးးးးးးးးးးးးးးး လို့ အော်ချင်လိုက်တာ)

ဘုရားဖူးပြီး အပြင်ရောက်တော့ မိုးလင်းစပြုနေပြီ။ ဒါကတော့ ကျောင်းဝင်းထဲက နေရာ တစ်ချို့ပါ။

အလင်းရောင်အောက်က စွယ်တော်ကျောင်း။

ဒါကတော့ ကျောင်းဝင်း တစ်နေရာပါ။

စွယ်တော်ကျောင်းက အပြန် ခဏနားပြီး တောင်ပေါ်မြို့လေးတစ်မြို့ကို ဆက်သွားဖြစ်ပါတယ်။ အဲဒါပါ ဆက်ရေးလိုက်ရင် ဓါတ်ပုံတွေ သိပ်များသွားမှာစိုးလို့ ဒီနေရာမှာပဲ ရပ်ထားလိုက်မယ်နော်။ နောက်တစ်ပိုစ့်ကို မြန်မြန် ဆက်တင်ပါ့မယ်။


- ၂၀၁၅ စက်တင်ဘာလထုတ် Living Fashion Magazine တွင် ဖေါ်ပြပြီး ဖြစ်သည်