မင်းသမီးရဲ့ အနှေးရုပ်ရှင်

- အဲဒီ အမျိုးသမီးကို လူအများက မင်းသမီး ဟု ခေါ်ကြ -

ပြကွက် (၁)

မင်းသမီးဟာ ဝဲ - ယာ တဖက်တချက်မှာ တာဝန်ရှိသူတွေ - ကိုယ်ရံတော်တွေ ခြံရံပြီး ခန်းမထဲက ထွက်အလာ - မင်းသမီးဟာ ပါးလွှာသော်လည်း အရှေ့ပိုင်းတပိုင်းလုံး လည်ပင်းအထိ လုံခြုံတဲ့ အဖြူရောင် တန်ဖိုးကြီး ပိုးဂါဝန်ရှည်ကို သေးသွယ်တဲ့ ခန္ဒာကိုယ်မှာ အချိုးတကျ ဝတ်ဆင်ထား - ကျောဖက်မှာ သိုင်းထားတဲ့ ကြိုးသေးသေးလေး နှစ်ချောင်းကလွဲလို့ ခါးဆစ်ထိအောင် ဝတ်လစ်စလစ် - မင်းသမီးဟာ ချွန်မြလှပတဲ့ လေးလက်မ ဒေါက်သေးသေးလေးနဲ့ ရွှေအိုရောင် ကြိုးသိုင်းဖိနပ်ကိုစီးလို့ အနီရင့်ရင့် အမွေးပွ ကော်ဇောပေါ်ကို - တလှမ်းချင်း တလှမ်းချင်း - ကနွဲ့ကလျ လှပစွာ လျှောက်အလာ ရှည်လျားစွာ ဝဲနေတဲ့ ဂါဝန်စဟာ အနီရောင် ကော်ဇောနဲ့ တင့်တယ်စွာ မဟာမိတ်ဖြစ် - အရောင်စုံ မီးပွင့်တွေအကြား ကင်မရာမင်းတွေရဲ့ ဖျိုးဖျိုးဖြတ်ဖြတ် မီးရောင်တွေကြားမှာ လိမ်မော်နီရောင် ပြေပြေ သုတ်လိမ်းထားတဲ့ ပိပိရိရိ သေသပ်ပြီး ပုံကျ လှပတဲ့ နှုတ်ခမ်းပါးကနေ - ပန်းရင့်ရောင် ပါးပြင် - မို့ - တက်လာသည်အထိ - အပြုံးလဲ့လဲ့ကို အဆက်မပြတ် ချွေချ - တချက် တချက်မှာ ရှေ့တူရှူကို လှမ်းနေရင်းကနေ အနောက်ဖက်ကို ခေါင်းလေး စောင်းငဲ့လို့ မခို့တရို့ - လည်ပြန် ပြုံးပြ - မင်းသမီး ဖြတ်သွားတဲ့လမ်းတလျှောက်မှာ အကောင်းစား နာမည်ကြီး ရေမွှေးနံ့တွေ ဝေ့ဝဲ သင်းပျံ့ - အလှပြင်ထားတဲ့ ကိုးနှစ် ဆယ်နှစ်အရွယ် ကလေးမလေးတယောက်က ခရမ်းရောင် သစ်ခွတွေပါတဲ့ ပန်းစည်းခပ်ကြီးကြီးတစည်း မင်းသမီးကို လှမ်းပေးပြီး နှုတ်အဆက် မင်းသမီးရဲ့ အပြုံးတွေ ပိုပြီး လင်းလက်သွား ကင်မရာက မီးပွင့်တွေလည်း ပို လက်သွား - မင်းသမီးဟာ အနီရောင် ကော်ဇောတလျှောက် လှလှပပ ကြွကြွရွရွ လှမ်းလျှောက်အပြီးမှာ တံခါးလက်ကိုင် အသင့်ဖွင့်ပေးထားတဲ့ အနက်ရောင် ကားကြီးထဲကို ညင်သာစွာ ဝင်ထိုင် - ညာလက်ကလေး ကို အသာအယာ မြောက်ပြီး လက်ပြ နှုတ်ဆက် - စဉ်မှာ - ရာ ထောင် သောင်းမက ကြိတ်ကြိတ်တိုးနေတဲ့ ပရိသတ်က မင်းသမီးရဲ့ မျက်နှာတခြမ်းနဲ့ အပြုံးတစကို မြင်ရဖို့အရေး သူ့ထက်ငါ အရှေ့ကိုရောက်အောင် အလု အယက် တိုးဝှေ့ကြ - မင်းသမီးရဲ့ အမည်နာမကို ရေရွတ်ရင်း လက်တွေ ဝှေ့ယမ်းလို့ မင်းသမီးကို အားပါးတရ နှုတ် ဆက် ကြ -

ပြကွက် (၂)

မင်းသမီး စီးလာတဲ့ အနက်ရောင် ကားကြီးဟာ ခြံဝင်းကျယ်တခုထဲ ဝင်သွားအပြီး နန်းတော်တမျှ ကြီးကျယ် ခန်းနားတဲ့ အဆောက်အဦးတခုရှေ့မှာ ရပ် - ကားရပ်လိုက်တယ်ဆိုရင်ပဲ မင်းသမီးဟာ ကားတံခါးကို ဝုန်းကနဲ - လာဖွင့်ပေးတဲ့သူကို မစောင့် - သူ့ဟာသူ - ကြမ်းတမ်းစွာ တွန်းဖွင့်ပလိုက် - တံခါး အပွင့်မှာ ဂါဝန်ရှည်ကို လုံးထွေးပြီး မ - ကိုင်ရင်း ဆိုးဆိုးဆတ်ဆတ် ခြေလှမ်းနဲ့ အတူ ကားပေါ်က အဆင်း - ပါးစပ်ကလည်း အိမ်အကူ - လို့ ယူဆရတဲ့ - မိန်းကလေးတယောက်ရဲ့ နာမည်ကို ခပ်ကျယ်ကျယ် အော်ခေါ်ရင်း - လက်က ကိုင်ထားတဲ့ ပန်းစည်းကို လှေခါးရင်းတနေရာကို လွှင့်ပစ်လိုက်ရင်း - ခြေထောက်မှာ စီးထားတဲ့ ရွှေအိုရောင် ကြိုးသိုင်းဖိနပ်ကို ခပ်ရမ်းရမ်း ကန်ချွတ်လိုက်ရင်း - ဂါဝန် ဖြူလွလွကို - မညှာမတာ - လုံးထွေး ပင့်ကိုင်ရင်း လှေခါးထစ်တွေကို ခြေသံ ပြင်းပြင်း နဲ့ လှမ်းတက်အသွား စောင့်ကြိုနေကြတဲ့ အခြွေအရံတွေ အိမ်အကူတွေကို ခပ်ကြမ်းကြမ်း အမိန့်ပေး စေခိုင်းသံတွေနဲ့ အတူ ဆဲရေး တိုင်းထွာတဲ့ စကားလုံးတွေနဲ့ ပစ်ပေါက် - ကြားကြားသမျှ လူအကုန်က ဦးခေါင်းကို ကြမ်းပြင်နဲ့ ထိလုနီးပါး ညွတ်ပြီး မင်းသမီးရဲ့ အမိန့်ကို နာခံကြ - မင်းသမီးရဲ့ ချောမွေ့ လှပတဲ့ မျက်နှာဟာ မျက်နှာဖုံးအတုကို ခွာချလိုက်သကဲ့သို့ - မျက်လုံးနီနီ - နှာယောင် ကောက်ကောက် - ရှည်လျား ချွန်မြ သွားစွယ်များ - သွေးစွန်းနေသော နှုတ်ခမ်းရဲရဲများဖြင့် - တမဟုတ်ချင်း အရုပ်ဆိုးကာ အ ကျည်း တန် သွား -

ပြကွက် (၃)

အဖြူရောင် လင်းလင်း အိပ်ခန်းတခု နံရံတွေ ပြူတင်းပေါက် ဘောင်တွေကလည်း အဖြူရောင် - ပန်းနုရောင် လွှမ်းတဲ့ ချည်သားစစ်စစ် အိပ်ယာဖုံး နဲ့ ပန်းနုရောင် ဇာခန်းဆီးရှည် - ကနုတ်ပန်းတွေ စီခြယ်ထားတဲ့ ပရိဘောဂအစုံ နှင်းဆီဖြူတွေ ထိုးစိုက်ထားတဲ့ ပန်းအိုးတွေက နေရာ အတော်များများမှာ နေရာယူ - ခရစ်စတယ် စီခြယ်တဲ့ မီးဆိုင်း - ဂီတသံ တိုးညင်းစွာ ပျံ့လွင့် - မင်းသမီးရဲ့ အိပ်ခန်း - မင်းသမီးဟာ ခေါင်းက ဆံပင်တွေကို ဖြေလျော့ ကိုယ်ပေါ်မှာ ရှိနေတဲ့ ဂါဝန်ရှည်ကို ဖြေလျော့ အိပ်ရာဘေး စားပွဲပေါ်က ဆေးလိပ်ဘူးနဲ့ မီးခြစ်ကို လှမ်းယူ ဆေးလိပ်မီးခိုးတွေကြားထဲ အချိန်အတော်ကြာ နစ်မျောအပြီးမှာ အိပ်မက်ယောင်သူတယောက်လို တစုံတခုကို အရူးအမူး လိုက်လံ ရှာဖွေ ပါးစပ်ကလည်း ဆဲရေး တိုင်းထွာသံ တစွန်းတစနဲ့အတူ မျက်စိနား လက်နား နီးစပ်သမျှ ပစ္စည်းတွေကို တခုမကျန် တွန်းထုတ် - ပစ်ပေါက် - ကန်ကျောက် - နောက်ဆုံးမှာ သူလိုချင်တာကို ရှာ ဖွေ တွေ့ ရှိ သွား - အဖြူရောင် ဆေးပြား သေးသေးလေး နှစ်ပြား - ကို - ခရစ်စတယ် ဖန်ခွက် လှလှလေးထဲက ရေနဲ့အတူ မော့ချလိုက် - ပြီးတော့ ဖန်ခွက်ကို အခန်းထောင့် တနေရာကို ပစ်ပေါက်လိုက် - ခွမ်း - ဖန်ခွက် အစိတ်စိတ် အမွှာမွှာ ကွဲကြေသွား - ပြီးတာနဲ့ အိပ်ယာပေါ်ကို အရုပ်ကြိုးပြတ် ခွေ ခေါက် လှဲ ချ - လဲ ကျ - တိမ်တွေလား - နဂါးငွေ့လား -

ပြကွက် (၄)

မင်းသမီး ဝတ်ဆင်ခဲ့တဲ့ ညနေခင်း ပွဲတက် ပိုးဂါဝန်ရှည်ဟာ ကုတင်ခြေရင်း ဆေးလိပ်ပြာခွက်ထဲက မီးမငြိမ်းသေးတဲ့ သောက်လက်စ ဆေးလိပ်တိုနဲ့ ထိ တွေ့ မိတ် ဆက် ရင်း တငွေ့ငွေ့ လှိုက်စား - တ မြည့် မြည့် နဲ့ - တ တိ တ တိ - လူ မ သိ သူ မ သိ - လောင် ကျွမ်း နေ -

- အဲဒီ အမျိုးသမီးကို လူအများက မင်းသမီး ဟု ခေါ်ကြ -

White Cane

စာဖတ်သူများ မိတ်ဆွေများနဲ့ သူငယ်ချင်း ညီအကို မောင်နှမများကို White Cane ဆိုတဲ့ Online Library လေးတခုနဲ့ မိတ်ဆက်ပေးချင်ပါတယ်…။ ဒီ Library လေးကို မျက်မမြင် ကိုအေးချမ်းသူနဲ့ အတူ သူ့ရဲ့ အွန်လိုင်းသူငယ်ချင်း မဖူးပြည့်စုံတို့က စတင် တည်ထောင်ထားပါတယ်…။ ဒီ Library လေးကို အမြင်အာရုံချို့ယွင်းနေကြတဲ့ လူငယ် လူရွယ်တွေအတွက် ရည်ရွယ်ပါတယ်။ အဲဒီ Library လေးနဲ့ ပတ်သက်လို့ White Cane Online Library ကို စတင် ဖန်တီးသူ မဖူးပြည့်စုံက အခုလို ပြောပြခဲ့ပါတယ်…။

“တချို့ မြို့နဲ့ နီးတဲ့ မျက်မမြင်ကျောင်းတွေမှာ စာဖတ်ပေးတဲ့ volunteer တွေ ရှိပေမယ့် တချို့ အလှမ်းဝေးတဲ့ နေရာတွေမှာ Volunteer က မရှိသလောက်ဘဲဆိုတော့ ကလေးတွေကို စာဖတ်ပေးမယ့်သူ မရှိပါဘူး။ အမြင်အာရုံ ချို့ယွင်းနေတယ်ဆိုတာ့ တဖက်မှာ အသိဥာဏ်ကလည်း တော်တော်လေး နိမ့်နေပါတယ်။ ဆယ်တန်းလို့သာ ဆိုတယ်… တချို့ ကိစ္စတွေမှာ သာမန် ငါးတန်း ခြောက်တန်း ကလေးလောက်တောင် မသိတာမျိုးတွေလည်း ဖြစ်နေပါတယ်။ အဓိက ကတော့ စာဖတ်နည်းလို့ လို့ ယူဆပါတယ်…။

နောက်ပြီး စိတ်မကောင်းစရာက သူတို့ရဲ့ အသက်မွေးဝမ်းကျောင်းပါ။ ဆရာတွေ ဆရာမတွေကတော့ စေတနာအပြည့်နဲ့အကောင်းဆုံးဖြစ်အောင် လုပ်ပေးနေကြပါတယ်။ သို့ပေမယ့် ကိုယ့်နိုင်ငံရဲ့အခြေအနေကြောင့် သာမန်လူတွေတောင် အလုပ်ရဖို့ခက်ခဲနေတဲ့အတွက် မျက်မမြင်တွေအတွက် အလုပ်အကိုင်လမ်းက မရှိသလောက်ပါပဲ။ သူတို့ကို ကျောင်းတွေမှာ အနှိပ်နဲ့ ကြိမ်ထိုး သင်ပေးပါတယ်။ မျက်မမြင် အနှိပ်ဆိုတာက ဘယ်မှာများ တွင်ကျယ်ပါသလဲ။ နောက် ကြိမ်ထိုးဆိုတာကလဲ ခေတ်ကုန်သွားပြီ။ တော်တော်ကြိုးစားတဲ့သူမှ ဂျပန်မှာ သုံးလ လေးလ စသည်ဖြင့် အနှိပ်ပညာတို့၊ ကွန်ပျူတာပညာတို့ သင်ကြရပါတယ်။ နောက် ကျောင်းမှာ ဆရာ (သို့မဟုတ်) ဝန်ထမ်းပြန်လုပ်ကြရပါတယ်…။ ဒီလိုအခွင့်အရေးတွေကလည်း တကယ်တော့ ကျေင်းသား တရာမှာ ခြောက်ယောက် ခုနှစ်ယောက်ပဲ ရရှိနိုင်တာပါ။ သာမန် ကျောင်းသားကတော့ အလုပ်ရရင်ရ မရရင်တော့ ဒီလိုပဲ ဝေဝေဝါးဝါးနဲ့ ပြီးသွားကြတာပါ။ တချို့ဆို ဒီထက် ဆိုးတဲ့ အခြေအနေတွေ ရောက်သွားတတ်ကြပါတယ်…။ တကယ်ကို ဝမ်းနည်းစရာပါ…။

အဲဒီလိုအခြေအနေမျိုးမှာ ကိုယ်က အများကြီး လုပ်ပေးနိုင်သေးတာ မဟုတ်ပေမယ့်လည်း သူတို့လေးတွေ အသိဥာဏ်လေး ပိုမိုပွင့်လင်း လာစေဖို့အတွက် ကိုယ့်ဖက်က ကူညီနိုင်တာကတော့ စာဖတ်ခြင်း တမျိုးသာ ဖြစ်ပါတယ်… အဲဒီလို ရည်ရွယ်ချက်နဲ့ White Cane ကို အစပြုထားပါတယ်…”

ပြည့်ပြည့်စုံစုံကို ဒီနေရာ မှာ ဆက်လက် ဖတ်ရှုနိုင်ပါတယ်...။

ဒါကြောင့် အခု ဒီပိုစ့်ကို လာဖတ်ကြတဲ့ စာဖတ်သူမိတ်ဆွေ သူငယ်ချင်းတွေထဲမှာ စာကူဖတ်ပေးနိုင်မယ့် စေတနာရှင်တွေကို ဖိတ်ခေါ်ချင်ပါတယ်။ အပန်းမကြီးဘူးဆိုရင် တနေ့ တနေ့ ကိုယ့်ရဲ့ ကိုယ်ပိုင်အချိန်တွေထဲက မိနစ်အနည်းငယ်လေး သူတို့အတွက် စာဖတ်ပေးနိုင်ကြဖို့ မျှော်လင့်ပါတယ်။ နေ့စဉ် ကိုယ်ဖတ်နေကျ စာတွေထဲက သတင်းတပုဒ်ဖြစ်ဖြစ်၊ ဆောင်းပါး တပုဒ် ဖြစ်ဖြစ်၊ ဝတ္ထုတပုဒ်ပဲဖြစ်ဖြစ် မိမိနှစ်သက်ရာ (သို့) ကောင်းနိုးရာရာ တခုခုကို အသံထွက် ဖတ်ပေးကြမယ်ဆိုရင် White Cane Library ကနေ ဝမ်းမြောက်ဝမ်းသာစွာနဲ့ လက်ခံ ကြိုဆိုချင်ပါတယ်…။

ဒီနေရာ မှာ အသံဖိုင်လ်အတွက် အကူအညီပေးနိုင်မယ့် အချက်တချို့ကို ရေးထားပါတယ်…။

ကိုယ်ဖတ်ပြီးတဲ့ အသံဖိုင်တွေကို မဖူးပြည့်စုံရဲ့ အီးမေးလ် asonepyezone2@gmail.com ကို ဖြစ်စေ၊ ကျွန်မရဲ့ အီးမေးလ် thetwai.blog@gmail.com ကို ဖြစ်စေ…  ပို့ပေးကြပါလို့ White Cane Admin များရဲ့ ကိုယ်စား ကျေးဇူးတင်စွာနဲ့ တောင်းခံလိုက်ပါတယ်…။

Breaking News - အခုလောလောဆယ်မှာ တွေ့ရတဲ့ပြဿနာကတော့ အသံဖိုင်လ်တွေဟာ File Size သိပ်ကြီးနေတဲ့အတွက် Email နဲ့ ပို့ရတာ အဆင်မပြေတဲ့ ပြဿနာပါ… ဒီအတွက် Media Fire, Drop Box, File Den စတဲ့ Online Storage တခုခုမှာ Upload လုပ်ပြီးမှ Link ပေးလာခဲ့ရင် ပိုအဆင်ပြေမယ်လို့ ထင်ပါတယ်…။

ပြိုင်တူကတဲ့ပွဲ

ပြိုင်တူကတဲ့ပွဲဟာ ကောင်းခန်းကို ရောက်နေတယ် သူတို့ဟာ ဆန်းပြားလှပတဲ့ ကကြိုးအသစ်တွေကို ဖန်တီး တီထွင်ကြတယ် ပြီးတော့ ကကြိုးတွေ တကြိုးပြီး တကြိုး မမောနိုင် မပန်းနိုင် ကပြ အသုံးတော်ခံကြတယ် တဖက်ရဲ့ ကကြိုးကို တဖက်က ကြည့်တယ် တဖက်ရဲ့ ကကြိုးကို တဖက်က ညှိတယ် ဒါပေမယ့် ကကြိုးတွေကတော့ ရှေ့ နောက် မညီညာဘူး သူတို့ဟာ သံစဉ်တွေကို အပြိုင်အဆိုင် ရှာကြတယ် ပြီးတော့ သံတူ ကြောင်းကွဲ သီချင်းတွေကို တလှည့်စီ သီဆိုကြတယ် တဖက်ရဲ့ အသံက မာန်ပါတယ် တဖက်ရဲ့အသံက ထန်လာတယ် ဒါပေမယ့် အသံတွေကတော့ နရီ စည်းဝါး မညီညာဘူး သူတို့ဟာ တဖက်နဲ့တဖက် အကဲခတ်ကြတယ် တဖက်ရဲ့ ခြေလှမ်းကို တဖက်က ကြည့်နေတယ် တဖက်ရဲ့ စိတ်မှန်းကို တဖက်က သိနေတယ် တဖက်ရဲ့ အမူအကျင့်ကို တဖက်က မွေးစားတယ် တခါတရံမှာ တဖက်က ပညာသားပါတယ် တဖက်က လူအင်အားသာတယ် တဖက်ရဲ့အမှားကို ထောက်ဖို့ တဖက်က ကြိုးစားတယ် တဖက်ရဲ့ ဟာကွက်ကို တဖက်က အသာ နှက်တယ် တဖက်က ခပ်ကျဲကျဲ လှမ်းရင် တဖက်က ခပ်စိတ်စိတ် လိုက်တယ် တခါတရံမှာ တဖက်နဲ့ တဖက် ချိန်ညှိပြီး ပြိုင်တူလှမ်းတဲ့အခါလည်း လှမ်းကြတယ် မျက်နှာဖုံးစွပ် ကိုယ်စီနဲ့ ခြေကို အသာ ဖေါ့လို့ ခပ်ဖွဖွ လှမ်းတဲ့အခါလည်း လှမ်းကြတယ် တဖက်က အတိတ်ကို ဖွက်တယ် တဖက်က အရိပ်ကို ရှက်တယ် တဖက်က ပရိယာယ်ပါးတယ် တဖက်က မာယာများတယ် တဖက်က သိက္ခာကို တန်ဖိုးထားတယ် တဖက်က စိတ်နာသလို ပြန်ကြိုးစားတယ် သာတဲ့ဖက်က နှလုံးလှတယ် နာတဲ့ဖက်က အပြုံးမြတယ် ပွဲက စတော့မယ် သေချာတာကတော့ တကယ် ကြည့်ကောင်းမယ့် ပွဲပဲ သူတို့ဟာ မြွေ မြွေခြင်းမို့ ခြေမြင်ကြတယ် - တကယ်တော့ မြွေမှာ ခြေရှိလား မရှိလားဆိုတာ သူတို့ မစဉ်းစားနိုင်ကြဘူး - သူတို့ဟာ ကိုယ့်ကိုယ်ကိုယ် ဆွဲတင်လိုစိတ်ရှိတယ် တဖက်ကို ထိုးချလိုစိတ်တော့ မရှိကြဘူးလို့ (ထင်ရတယ်) သူတို့ဟာ တဖက်နဲ့တဖက် မခန့်လေးစား မထီမဲ့မြင် သရော်လှောင်ပြောင် စော်ကား မော်ကား မနာလို ဝန်တိုစိတ်တွေ မရှိကြဘူးလို့ (ထင်ရတယ်) သူတို့ဟာ ပွဲမစခင် စင်နောက်မှာ တယောက်ကိုတယောက် လှိုက်လှဲ ဖေါ်ရွေစွာ လက်ဆွဲ နှုတ်ဆက်ကြတယ် ဝိုင်ခွက်တွေရဲ့ နှုတ်ခမ်းချင်း ထိတိုက်သံကို ကြားလိုက်ရတယ် ပြီးတော့ ခပ်အုပ်အုပ် ဆဲရေးသံ တချို့ နဲ့ တောက်ခေါက်သံ တချို့ အဲဒီအချိန်မှာပဲ ပွဲကြည့်ပရိတ်သတ်တွေဟာ ပွဲခင်းထဲကို ဖိတ်စာမပါပဲ တဖွဲဖွဲ ရောက်လာကြတယ် အခုဆိုရင် ပြိုင်တူကတဲ့ပွဲဟာ သေချာပေါက် ကောင်းခန်းကို ရောက်နေပြီ…

ချစ်သူ ဖတ်ဖို့ စာ

အချိန်များ တရက်ပြီးတရက် ကုန်လွန်လာခဲ့ပြီ။
ကုန်လွန်သွားခဲ့သော နေ့ရက်တွေတိုင်းမှာ အချိန်စေ့သွားလျှင် သူ့အလိုလို ထပေါက်ကွဲတော့မည့် ချိန်ကိုက်ဗုံးတလုံးကို ရှေ့တွင်ချကာ သည်အတိုင်း ထိုင်ကြည့်နေရသူတယောက်၏ ခံစားချက်နှင့် ဆင်ဆင်တူသော ခံစားချက်မျိုး ကျွန်မထံမှာ ရှိနေခဲ့သည်။

အနီးကပ်ဆုံး လူနှစ်ယောက်အကြားမှာ မသိမသာ တိုးဝှေ့ဝင်ရောက်လာသော တိတ်ဆိတ်ခြင်း၊ အေးစက်ခြင်း၊ သွေ့ခြောက်ခြင်း၊ သူစိမ်းဆန်ခြင်း စသည့် အခြင်းအရာများကို ပုံမှန်အခြေအနေသို့ ပြန်လည် ရောက်ရှိလာစေရန် ကျွန်မတို့ စကားပြောကြရလိမ့်မည်…။ အရင်အချိန်တွေတုန်းကလို လွတ်လပ်သော လှိုက်လှဲ နွေးထွေးမှုမျိုး ကျွန်မတို့အကြားကို ပြန်လည် ခေါ်ဆောင်လာဖို့ရာ ကျွန်မတို့ စကားပြောကြရလိမ့်မည်။ တအုံနွေးနွေးနှင့် မပွင့်မလင်းဖြစ်နေသော အရာများကို ရှင်းရှင်းလင်းလင်းဖြစ်သွားစေရန် ကျွန်မတို့ စကားပြောကြရလိမ့်မည်။ အနိုင် အရှုံး တွက်ချက်ရန်မလို… သို့သော် ပွင့်လင်းဖို့ လိုအပ်သည်။ သာသည် နာသည် သဘောထားရန် မလိုသော ဆွေးနွေးမှုမျိုး၊ အထင်သေး နှိမ့်ချခြင်းမဟုတ်သော ထောက်ပြ ပြောဆိုခြင်းမျိုးများအပြင် တဖက်သတ် အပြစ်တင် စွတ်စွဲ ထိုးနှက် ဝေဖန်ခြင်းမျိုး မဟုတ်သော အကြံပြု အကြံပေးမှုများလည်း လိုကောင်း လိုနိုင်သည်။ သူ့စိတ်ထဲမှာ ဘာတွေရှိနေသည်လဲ ဆိုသည်ကို မြင်သာလာအောင် စကားလမ်းကြောင်း ဖွင့်ပေးရန်၊ သူ့စကားများမှတဆင့် သူ့သဘောထားကို သေသေချာချာ စေ့ငုမိစေရန် ကျွန်မ သူနှင့် စကားပြောဖို့ အမှန်တကယ်ကို လိုအပ်နေပေပြီ…။ ဘဝတလျှောက်လုံးမှာ သူနှင့် ပတ်သက်သမျှ အရာရာကို အလိုက်သင့် အလျားသင့် လက်ခံတတ်၊ အစဉ် နားလည်ပေးနေတတ် သူတယောက် ဖြစ်သော်လည်း သည်တကြိမ်မှာတော့ ကျွန်မ ငြိမ်သက်စွာ ခြေစုံရပ်၍ မနေနိုင်ပြီ…။

ဟုတ်ပါပြီ… ကျွန်မတို့ စကားပြောကြရမည်…။
သူနှင့် ကျွန်မ မျက်နှာချင်းဆိုင် စကားပြောဆိုဖို့ရာ မည်သည့်အချိန်က အကောင်းဆုံးဖြစ်မည်လဲ…။ သေချာသည်ကတော့ နှစ်ဦးသား တူညီစွာ အားလပ်မည့် ညနေခင်းအချိန်တွေမှာပဲ ဖြစ်ဖို့များမည်…။ သို့ဆိုလျှင်… သာယာသော လေညှင်း နော့နော့ တိုက်ခတ်သည့် ညနေခင်းများမှာ စိမ်းမြမြ မြက်ခင်းပြင်ကျယ်ကို မျက်နှာမူ၍ လက်ချင်း ချိတ်တွဲကာ လမ်းလျှောက်နေစဉ် အချိန်မျိုးမှာလား… ပင်လယ်ကို ဖြတ်တိုက်လာသော လေကို မျက်နှာမော့ကာ တဝကြီးရှိုက်သွင်းလိုက်သော အချိန်မျိုးမှာလား… လမ်းလျှောက်ရာမှ အပြန် မီးရောင် ညိုဝါဝါအောက်မှ ညစာ ထမင်းဝိုင်းမှာ ဝိုင်နီတခွက်ကို သူ့လက်ထဲ ကမ်းပေးရင်း စကား စရမှာလား… ညစာ စားပြီးချိန်များမှာ ထုံးစံအတိုင်း သူ့ပုခုံးမှာ နွဲ့မှီရင်း ရုပ်ရှင်တကားကို အတူတူကြည့်နေစဉ် အချိန်မျိုးမှာ စကားစလိုက်ရမှာလား…။ ဒါမှမဟုတ်… မီးရောင် ပြာလဲ့လဲ့ဖြင့် လှပနေသော အိပ်ခန်း… ဟင့်အင်း… သည်လိုတော့လည်း မဖြစ်နိုင်ပြန်…။ ကျွန်မ သူ့ကို စကားပြောချိန်များမှာ သူ ပျော်ရွှင်နေသလား… သူ စိတ်ညစ်ညူးနေသလား… သူ လက်ခံချင်ရဲ့လား… သူ နားထောင်ချင်ရဲ့လား… သူ တုံ့ပြန်ချင်ရဲ့လား… စသည့် သူ့ စိတ်အစဉ်ကို သူ့မျက်နှာပေါ်မှာ၊ သူ့ မျက်လုံးများထဲမှာ ကျွန်မ ဖတ်ရှုရန် မလွဲမသွေ လိုအပ်နေဦးမည်လေ…။

နောက်တခုက သူ့ ထံမှ တုံ့ပြန်စကားကိုလည်း ကျွန်မ မေ့ထား၍ မဖြစ်ပြန်ချေ။ ပြောရလျှင် သူက သွေးအေးတတ်သူ၊ ရေငုံနှုတ်ပိတ်တတ်သူ၊ ခွန်းတုန့်ပြန်ဖို့ နှုတ်နှေးတတ်သူ၊ ထိပ်တိုက်မတိုးပဲ တိတ်တဆိတ် ရှောင်ဖယ်တတ်သူ…။ ကျွန်မက သွေးပူတတ်သူ၊ ဟောဟောဒိုင်းဒိုင်း ပြောဆိုတတ်သူ၊ မကျေနပ်လျှင် မကျေနပ်သလို ခပ်ရမ်းရမ်း မြည်တွန် တောက်တီးတတ်သူ၊ စိတ်ရင်း စေတနာမှန်သော်လည်း နှုတ်ထွက် မချိုသာတတ်သူ၊ စကားလုံး လှလှ မရွေးတတ်သူ…။ သို့သော်လည်း အခုကိစ္စမှာတော့ သည်လိုကိုင်တွယ်ဖို့ရာ မလွယ်ကူလှမှန်း ဖာသာ သိနေခဲ့သည်။

ကျွန်မ စဉ်းစားနေရသည်...။ သည်အတိုင်းတော့ မဖြစ်... မပြောလို့ လုံးဝ မရ…။ တနည်းနည်းနှင့် ပြောတော့ ပြောမှ ဖြစ်မည်။ စကားဖြင့်ပြောလျှင် အလိုမကျသံ၊ အားမလို အားမရသံ၊ အပြစ်တင်ချင်သောအသံ၊ စိတ်လက် မရှည်သောအသံ၊ စိတ်ထိခိုက် ဝမ်းနည်းသံ… နောက်ဆုံးမှာ စိတ်ဆိုး ဒေါသသံ... စသောအသံများ ဘယ်လိုနည်းနှင့်မျှ မပါဝင်ပါ ဟု အာမခံနိုင်ပါမည်လော။ မသေချာပါ... တကယ်ကြီးကို မသေချာပါ...။

ချာချာလည်နေသော အတွေးများအဆုံးမှာ ပြောစရာရှိသည်များကို စာဖြင့်သာ ရေးသားပြောဆိုရန် ဆုံးဖြတ်လိုက်တော့သည်။ နှုတ်တရာ စာတလုံး ဟူသော စကားကို ကျွန်မ သတိရတော့ နောက်ကျိနေသော စိတ်အစဉ်ကြားမှာပင် ပြုံးမိသေးသည်…။ စကားကျွံလျှင် နှုတ်မရ ဟုသော စကားကို သတိရမိပြန်တော့ စာရေးဖို့ ပိုပို သေချာခဲ့ရသည်…။ မည်သို့ပင် ဖြစ်စေ ကျွန်မ စာ စ ရေးတော့မည်…။

ကျွန်မ ရေးသားထားသော စာထဲတွင် ကျွန်မ၏ ရင်ထဲမှ ထုထည်ကြီးမားသော ချစ်ခြင်းမေတ္တာနှင့် စေတနာတို့ကို မြင်နိုင်စေရမည်…။ ကျွန်မ၏ နှလုံးသားထဲမှ ဂရုဏာစိတ်လွှမ်းသော ကြင်နာခြင်းများကို မြင်နိုင်စေရမည်…။ ကျွန်မ၏ အတွေးများထဲမှ သင့်တင့်မျှတ၍ မှန်ကန်ကောင်းမွန်သော ဝေဖန်ချက်များကို မြင်နိုင်စေရမည်…။ ကျွန်မ၏ စကားလုံးများထဲမှ သာယာနာပျော်ပြီး နားခံသာသော အပြစ်တင်စကားများကို မြင်နိုင်စေရမည်…။ ကျွန်မ၏ အပြောများထဲမှ ငြင်းဆန်နိုင်စရာ မရှိသော အကြံပြုချက်များကို မြင်နိုင်စေရမည်…။

စကားဖြင့် ပြောလျှင် ပြင်မရ နှုတ်မရသော အမှားအယွင်းများ ပါသွားနိုင်သော်လည်း စာဖြင့် ရေးရသည့်အခါ မှာတော့ အဆင်ပြေလှသည်။ စကားလုံး အသုံးအနှုန်းများကို သင့်တော်အောင်၊ ချောမွေ့အောင် စိတ်တိုင်းမကျမချင်း ပြင်ဆင် စစ်ဆေးနိုင်သည်မှာ စာဖြင့် ရေးသား ပြောဆိုရခြင်း၏ အားသာချက်ဖြစ်သည်။ ထိုစာကို ကျွန်မ ရေးသားနေစဉ်အချိန်မှာရော၊ ရေးသားပြီးသွားသောအခါမှာပါ အထပ်ထပ် အပြန်ပြန် အလှန်လှန် ဖတ်ရှုကာ စကားလုံးတို့ သိုသိုသိပ်သိပ်ဖြစ်စေရန်၊ မလိုအပ်သော ဇာတ်ဆန်ခြင်းတို့ ပါမသွားစေရန်၊ ချွန်မြသော ထိုးနှက်ချက်များ ပါမသွားစေရန်၊ သူစိမ်းဆန်သော ခါးသီးခြင်းများ ပါမသွားစေရန်၊ စာဖတ်ရသူ၏ ကိုယ် စိတ် နှလုံး သုံးပါးစလုံး စိုးစဉ်းမျှ နာကျင်ထိခိုက်ခြင်း အလျဉ်းမရှိစေရန် အကြိမ်ကြိမ် ဂရုတစိုက် တည်းဖြတ် ပြင်ဆင်ခဲ့သည်…။

ရက်အတန်ကြာ ရေးသား ပြင်ဆင် ဖြတ်တောက် ဖြည့်စွက်အပြီးမှာတော့ ထိုစာကို ကျွန်မ စာတိုက်မှတဆင့် သူ့ထံ လှမ်းပို့လိုက်သည်…။ နောက်ထပ် ရက်အနည်းငယ်အတွင်းမှာ သူ့လက်ထဲကို ထိုစာ မလွဲမသွေ ရောက်သွားပေလိမ့်မည်။ ထိုစာကို သူဖတ်ပြီးလျှင် ကျွန်မအပေါ် မည်သို့ တုံ့ပြန်လာမည်ဆိုသည်ကို နှစ်ဦးသား အတူရှိနေနိုင်မည့် ညနေခင်းအချိန်တွေမှာ ကျွန်မ ရင်ခုန်လှိုက်မောစွာ စောင့်မျှော်နေဆဲ….

ကျွန်မ၏ ကမ္ဘာ

ကျွန်မမှာ ကိုယ်ဝန်ရှိနေပြီဟု သိလျှင် သိချင်း စိတ်ကူးအတွေးထဲမှာ မြင်ယောင်လိုက်မိသည်က အသားဖြူဖြူ အရပ်ရှည်ရှည် မျက်လုံး နက်နက် ဆံပင် နက်နက်နှင့် အချောစားကြီး မဟုတ်သော်လည်း ဥာဏ်ရည် ထက်မြက်ကာ သွက်သွက်လက်လက် ချက်ချက်ချာချာနှင့် ချစ်စဖွယ်ကောင်းသော သမီးကလေး တယောက်သာ ဖြစ်သည်။ ကျွန်မနှင့် အတူတူ ဈေးတကာ ဈေး လှည့်ပတ်ပြီး shopping ထွက်ရန်၊ ကျွန်မနှင့် အဝတ် ဆင်တူတွေ ဝယ်ယူ ဝတ်ဆင်ရန်၊ မိန်းကလေးတို့ ကြိုက်တတ်သော လမ်းဘေးစာ ချဉ်ချဉ်စပ်စပ်များကို အိမ်က လူကြီးများ မသိအောင် တိတ်တိတ်ကလေး သွားစားရန်၊ ကျွန်မနှင့် တိုးတိုးဖေါ် တိုင်ပင်ဖေါ် သမီးကလေး တယောက်အဖြစ် နေ့စဉ်နေ့တိုင်း စိတ်ကူး မြင်ယောင်ကာ ကြည်နူး ပျော်ရွှင်နေခဲ့မိသည်။ ကျွန်မ၏ အတွေးကို အမျိုးသားအား ပြောပြမိတော့ “ခင်ဗျားလို သမီးဆိုးဆိုးလေးဆို ကျွန်တော် သမီးနှစ်ယောက် ထိန်းရတော့မှာပေါ့…” ဟု မချိသွားဖြဲ ပြောရှာသည်။

သည်လိုနှင့် သားလေးလား သမီးလေးလား သိရန် အာထရာဆောင်း ရိုက်ရမည့်နေ့ကို ရောက်လာခဲ့သည်။ ထိုနေ့မနက် အိပ်ရာမှ နိုးနိုးချင်း စိတ်ထဲမှာ တမျိုးဖြစ်နေခဲ့သည်။ ဘာဖြစ်နေမှန်း ကိုယ့်ကိုကိုယ် သေသေချာချာ ဆန်းစစ်ကြည့်လိုက်သောအခါ အရင်ကလို သမီးလေးလိုချင်တာ မဟုတ်တော့ပဲ သားလေးသာ လိုချင် တောင့်တသောစိတ် ဖြစ်နေသည်ကို တွေ့ရသည်။ တချိန်လုံး သမီးလေးသာ လိုချင်နေခဲ့သော ကျွန်မ၏ စိတ်များ ထိုနေ့ မနက်မှာပင် ရုတ်ချည်း ပြောင်းလဲသွားခဲ့တာ အံ့သြစရာ… ထိုနေ့ မနက်က ဆေးခန်းမသွားခင် မရှိမဲ့ ရှိမဲ့ အချိန်လေးမှာ ဘုရားရှိခိုးရင်း သားလေးဖြစ်ပါစေ ဟု တတွတ်တွတ် ဆုတောင်းနေခဲ့မိတော့သည်။

ကျွန်မ ဆုတောင်း ပြည့်ခဲ့ပါသည်။ အာထရာဆောင်း ရိုက်ပေးသော ဆရာဝန်မက ယောင်္ကျားလေး… ဟု ပြောလိုက်သောအခါ ကျွန်မ တသက်မှာ တခါမှ မပျော်ဖူးသော အပျော်မျိုး၊ တခါမှ မခံစားဖူးသော ကြည်နူး ပီတိမျိုးဖြင့် ပြောမပြတတ်အောင် ဝမ်းသာ ပျော်ရွှင်ခဲ့ရပါသည်။ ကျွန်မဗိုက်ထဲမှာ ရှိနေသော ကလေး သေးသေးလေးဟာ သားကလေး တဲ့ ဟူသော ကြည်နူး ပီတိကို တစိမ့်စိမ့် ခံစားရင်း ကျွန်မ မျက်နှာမှာ တချိန်လုံး ပြုံးရွှင်နေခဲ့ပါသည်။ အမျိုးသားကတော့ ဘာလေးဖြစ်ဖြစ် ချစ်မည်ဟု ပြောထားပြီးသားမို့ ထူးထူးခြားခြား ပျော်ရွှင်မှုမျိုးကို မပြပါ။ အရာရာကို ထိန်းသိမ်း မျိုသိပ်တတ်ပြီး ခံစားချက်ကို လူမြင်အောင် မပြတတ်သော သူ့အကျင့်ကြောင့် ဖြစ်ပါလိမ့်မည်။ အပျော်လွန်ကာ ခုန်ဆွ ခုန်ဆွ ဖြစ်နေသော ကျွန်မကို ကြည့်ကာ “ထ တော့ မခုန်လိုက်ပါနဲ့ ငြိမ်ငြိမ်နေပါ ကြီးတော်လေး…” ဟု ပြောသော သူ့စကားသံမှ အပျော်များကိုတော့ ကျွန်မ ကူးစက်ခံစား၍ ရခဲ့ပါသည်။

*****

သားကလေး မွေးလာသောအခါ အားလုံးက တညီတညွတ်တည်း အဖေနှင့် တူသည်ဟု ပြောကြသည်။ ဒီလောက် မွေးပေါက်စ နီတာရဲလေး… ဘာမှ ရေရေရာရာ ခွဲခြား မရခင်မှာ အဖေနဲ့တူသည်ဟူသော အပြောကို ကျွန်မ နည်းနည်းမှ ခံစား၍ မရပါ…။ ကျွန်မ၏ ဝမ်းဗိုက်အတွင်းမှာ ကိုးလ ဆယ်လ ရှင်သန် နေထိုင်ခဲ့သော၊ နေ့တဒူဝ ကျွန်မ စားသောက် နေထိုင် လှုပ်ရှား ဆောင်ရွက်သမျှ အကောင်း အဆိုး အားလုံးကို ကျွန်မနှင့်အတူတူ မျှဝေ ခံစားကာ သွေးတူ သားတူ ကြီးပြင်းလာခဲ့သော၊ ကျွန်မ၏ ဗိုက်ကို ခွဲစိတ်၍ မွေးဖွားခဲ့ရသော ဤသားကလေးသည် တူချင်းတူ ကျွန်မနှင့်သာ တူသင့်သည် မဟုတ်ပါလော။ သားကလေး ရက်သားမှာပင် ကလေးက အဖေနဲ့ တူတာတော့… ဟူသည့် အပြောတွေကို ကျွန်မ တိတ်တဆိတ် မုန်းတီး နာကျင်နေခဲ့မိပါသည်။

သို့သော်လည်း သူများတွေ ဘယ်လိုပြောပြော အပြစ်ကင်းစင်လှသော သားကလေးက ကျွန်မအတွက် ကမ္ဘာပေါ်တွင် ချစ်စရာအကောင်းဆုံး လူသားလေးတယောက်သာ ဖြစ်တော့သည်။ သားလေးသာ ကျွန်မ၏ ဘဝ ကျွန်မ၏ ကမ္ဘာ ဖြစ်လာခဲ့သည့်အပြင် ကမ္ဘာကြီးလောက်ကို ချစ်ရသောကြောင့် သားလေးကို ကမ္ဘာလုံး ဟုပင် ခေါ်မိသည်…။ အေးဆေးပြီး အငိုအရယ် နည်းလှသော သားလေးကို မျက်တောင်မခတ် ကြည့်နေရင်း အသက်ရှုရန်ပင် မေ့နေခဲ့ကြောင်း ကျွန်မကိုယ် ကျွန်မ ကြိမ်ဖန်များစွာ သတိထားမိလာသောအခါ ဆရာမ ဂျူး ရေးသားသော တဦးတည်းသော သား ဝတ္ထုကို အခေါက်ခေါက် အခါခါ ပြန်ဖတ်ရင်း သက်ပြင်းရှည်ကြီးများကို မကြာခဏ ချဖြစ်ခဲ့ပါသည်။

ကျွန်မ၏ ကမ္ဘာလုံးလေး တဖြည်းဖြည်း ကြီးလာပြီ… အများသူငါတွေ ပြောကြသလို ကလေးက အဖေနဲ့ တူတာတော့.. ဟူသော အသံတချို့ ပျောက်သွားပြီး ကလေးက အဖေနဲ့ အမေ ရောပြီး တူတာပဲ… ဟု ပြောတတ်လာကြပါသည်။ ထိုစကားကို စ ပြောသူ ကျွန်မ အချစ်ဆုံးသူငယ်ချင်း၏ လက်ကို ဆုတ်ကိုင်၍ သားလေးက ငါနဲ့လဲ တူလာတာ သေချာပါတယ်နော်… ဟု တဖွဖွ မေးနေခဲ့မိပါသည်။ သားကို သူ့အဖေနဲ့ တူတာ မနာလို တိုရှည်ဖြစ်ပြီး အမေနဲ့ မတူမှာ စိုးရိမ်နေသော ကျွန်မကို အမျိုးသားက မကြာခဏ ရယ်မော နောက်ပြောင်နေတတ်ပါသည်။

*****

သားလေးသည် အရွယ်နှင့်မလိုက်အောင် ထက်မြက် ထူးချွန်ပြီး အစစ အရာရာမှာ တည်ငြိမ် ရင့်ကျက် နားလည်နေခဲ့သည်။ သားကို မျက်စိအောက်က အပျောက်မခံနိုင်အောင် အကဲပိုခဲ့သော ကျွန်မ… သားလေး ပထမဆုံး ကျောင်းစတက်သည့်နေ့က မျက်ရည် တွေတွေကျကာ ရူးချင်သလိုလို ဖြစ်သွားခဲ့ပါသည်။ ကျောင်းမသွားခင် တပတ်လောက်ကတည်းက သားကို ကျောင်းအကြောင်း ပြောပြပြီး တူညီဝတ်စုံလေးများ ဝတ်ဆင်ကာ ကျောင်းတက်ကြသော ကလေးများကို လိုက်ပြခဲ့ပါသည်။ ကျောင်း မကြောက်အောင် ပုံပြင်စာအုပ်များ အရုပ်ကလေးများပါသော စာအုပ်များမှတဆင့် သားကို ကျောင်းနှင့် မိတ်ဆက်ပေးထားပြီးသား ဖြစ်သော်လည်း စိတ်ထဲမတော့ တထင့်ထင့်နှင့်…။ ထိုနေ့က ကျွန်မကိုယ်တိုင် သားကို ကျောင်းလိုက်ပို့ပါသည်။ ကျောင်းရှေ့မှာ ကားရပ်ပေးလိုက်သောအခါ လာကြိုသော ဆရာမကလေး၏ လက်ကိုဆွဲကာ အမေလုပ်သူကို တချက်ကလေးမျှ လှည့်မကြည့်ပဲ ကျောင်းထဲသို့ ဝင်သွားသော သားကို ကျွန်မ အံ့သြတကြီး ကြည့်နေမိပါသည်။ ဘုရားရေ… သံယောဇဉ်ကတော့ ခပ်ပြတ်ပြတ်ထဲကပါလား…။ တဆက်တည်းမှာပင် ကျွန်မ၏ ချစ်လှစွာသော ခင်ပွန်း၊ သား၏ ဖခင်ဖြစ်သူကလည်း ၃ နှစ်သားထဲက သူ့ မိဘများနှင့် ခွဲကာ ကြီးတော်များ ဘကြီးများနှင့် တနယ်တကျေးမှာ နှစ်အတန်ကြာ လိုက်ပါ နေထိုင်ခဲ့ဖူးသည်ကို ပြန်အမှတ်ရမိတော့ ကျွန်မ တယောက်တည်း ပြုံးရယ်မိပါတော့သည်။

တစ တစ ကြီးပြင်းကာ လူလားမြောက်လာသော သားကလေးသည် ရုပ်ရည်အားဖြင့် အဖေနှင့်သာ တူသည် ဟု ပြော၍ မရတော့ချေ။ အဖေရော အမေပါ နှစ်ယောက်စလုံးနှင့် တူသည်ဟု ပြောကြတော့ အကျေနပ်ကြီး ကျေနပ်နေရသူမှာ ကျွန်မဖြစ်သည်။ သို့သော် သားကလေး၏ အမူအယာ အကျင့်စရိုက် အပြုအမူ အပြောအဆို အနေအထိုင်များ ကြိုက်နှစ်သက်သောအရာများ အားလုံးမှာ သူ့အဖေနှင့် ချွတ်စွပ်တူနေသည်ကို အခြားသူများက အလွယ်တကူ မသိနိုင်သော်လည်း သားနှင့်အတူ အချိန်ပြည့် ရှိနေသော ကျွန်မကတော့ ကောင်းကောင်းကြီး သိနေခဲ့ပါသည်။

သားကလေး လေးဖက်သွားတတ်သောအချိန်က ဖြစ်ပါသည်။ တညနေ ကျွန်မ ခေါင်းလျှော်ပြီး ဆံပင်များကို ခြောက်လွယ်အောင် မစည်းပဲ သူ့အတိုင်း ချထားချိန်မှာ သားကလေးက လေးဖက်တွားကာ ကျွန်မအနားကို ရောက်လာပါသည်။ သားလေး လက်ထဲတွင်မူ ဆံပင်စည်းသော သိုးမွေးကွင်း အနီရောင်လေးကို သူ့လက်ချောင်း ဖေါင်းဖေါင်းကလေးနှင့် ကိုင်လျက်… ကျွန်မမှာ သားကလေးကိုတလှည့် ခေါင်းစည်းသော ကွင်းကလေးကို တလှည့် ကြည့်ရင်း အံ့သြစိတ်ကို ထိန်းမရအောင် ဖြစ်ခဲ့ရပါသည်။ သားကလေး၏ ဖေဖေက ကျွန်မ၏ ခါးကျော်သော ဆံပင်ရှည်များကို နှစ်သက် မြတ်နိုးသော်လည်း ဆံပင်များကို မစည်းပဲ သည်အတိုင်း ချထားလျှင် မကြိုက်ချေ။ ဆံပင်ရှည်များကို မဖြတ်နိုင်သော ကျွန်မကလည်း သူ့စကားကို နားထောင်၊ သူ့အကြိုက်ကို လိုက်ကာ အမြဲ စည်းနှောင်ထားသည်သာ။ ယခုလည်း ငါးလကျော် ခြောက်လနီးနီး ရှိပြီး စကားပင် မပြောတတ်သေးသော သားကလေးက ကျွန်မ ဆံပင် ချထားသည်ကို နှစ်သက်ပုံမရ…။ ဆံပင်များကို စည်းနှောင်ရန် ခေါင်းစည်းကွင်းကလေးကို လေးဖက်တွားကာ လာပေးသည်လေ…။ သူတို့ သားအဖ နှစ်ယောက် တူညီပုံများကို ရေးပြနေရလျှင်ဖြင့် ကျွန်မစာမှာ ဆုံးနိုင်မည် မထင်။

*****

သားကလေး အသက် ၈ နှစ် အထိ ကျွန်မ အလုပ်မလုပ်ပဲ သားကို အရိပ်တကြည့်ကြည့်နှင့် အချိန်များအားလုံး သားကို ပေးခဲ့သည်။ သားကလေးနှင့် ကျွန်မသည် သားလေး ကျောင်းသွားနေသော အချိန်မှလွဲ၍ တခြားအချိန်များမှာ လုံးဝ မခွဲခွာဖူးပါ။ ကျွန်မ ချစ်ရသော သားကလေးသည် အေးဆေးသည်။ စကားနည်းသည်။ ပြောစရာရှိလျှင်တော့ ချက်ကျ လက်ကျ ပြောတတ်သည်။ ဘာမှ မပူဆာတတ်၊ ကွန်ပလိန်း မတက်တတ်၊ မလိမ်ညာတတ်၊ ဟန်မဆောင်တတ်၊ အချိန်တော်တော်များများမှာ စာဖတ်နေတတ်တာ များသည်။ မှတ်ဥာဏ်ကောင်းသည်။ အတန်းထဲမှာ စာတော်သောကလေး၊ ကိုယ့်ကိုကိုယ် ယုံကြည်မှု အပြည့်ရှိသော၊ စည်းကမ်းရှိပြီး မပျင်းတတ်သော စံပြ ကျောင်းသားလေး တယောက် ဖြစ်သည်။ ကျွန်မက စကားများသည် အပေါင်းအသင်းများသည် ပူညံပူညံ ပွစိပွစိ လုပ်တတ်သည် ဥာဏ်ကောင်းသော်လည်း ဝီရိယမရှိ၊ ကိုယ့်ကိုကိုယ်လည်း ယုံကြည်မှု မရှိ၊ တခုခုဆို ပျင်းရိကာ အတတ်နိုင်ဆုံး အချိန်ဆွဲတတ်သည်။ ထိုသို့သော ယေဘုယျ အကြောင်းအရာလေးတွေမှာ သားကလေးသည် ကျွန်မနှင့် တူမနေသည့်အတွက်မူ ကျွန်မ များစွာ ဝမ်းသာ ခဲ့ရသည်။

ကျွန်မက ခရက်ဒစ်ကဒ် အေတီအမ်ကဒ်တွေ ဘယ်လောက်ပင် ပါပါ၊ အိပ်ထဲ ပိုက်ဆံအရွက်မပါလျှင် မနေတတ်သူတယောက်ဖြစ်သောကြောင့် အမြဲလိုလို စိုးရိမ်တကြီးဖြင့် သားကို မုန့်ဖိုး ပိုပိုလျံလျံ ပေးတတ်သည်။ သားကတော့ ထိုမုန့်ဖိုးတို့ကို လိုအပ်သလောက်သာ သုံးပြီး ပိုသမျှကို စုဆောင်းတတ်သည်။ အကြွေစေ့တွေ များလာလျှင် ပိုက်ဆံ အရွက်များနှင့် လဲလှယ်ကာ စုသည်။ ထို့ထက် ပို များလာလျှင် ဒေါ်လာ ဝယ်စုသည်။ ဘုရားရေ… ကျွန်မဘဝမှာ ပိုက်ဆံစုသည့်အလုပ်ကို တခါမှ မလုပ်စဖူး…။

သားလေးတို့ ကျောင်းတွေသည် မနက် ၇ နာရီ ကျော်မှာ အရောက်သွားရသည်။ ထိုအခါ သားလေး အိပ်ရာမှ ထသည့် အချိန်မှာ ၆ နာရီ ၁၅ မိနစ် ဖြစ်သည်။ ယခုအချိန်အထိ သားလေးကို ကျောင်းသွားဖို့ တခါမှ ခက်ခက်ခဲခဲ မနှိုးခဲ့ရချေ။ သည်နေရာမှာတော့ စောစောအိပ်ပြီး စောစောထတတ်သော အဖေတူ သားကလေးသည် မနက် ထရန် Alarm ပေးထားပြီး အိပ်ရာထ ရေချိုး အဝတ်လဲ မနက်စာ စား စသည်ဖြင့် အစီအစဉ်အတိုင်း စနစ်တကျ လှုပ်ရှားသူ ဖြစ်သည်။ သူတို့ သားအဖနှစ်ယောက် ၆ နာရီ ၄၅ လောက် အိမ်က ထွက်ကြချိန်မှာ ကျွန်မက နိုးတဝက် အိပ်တဝက်ဖြင့်သာ အိပ်ယာထဲမှာ ကျန်ခဲ့စမြဲ…။

သားကလေး အသက် ၁၂ နှစ်မှာ နှစ်ဖက်သော မိဘ ဖိုးဖွား ညီအကို မောင်နှမတွေ စုံလင်စွာဖြင့် ရှင်ပြုပေးလိုက်သည်။ ခေါင်းပြောင်ပြောင် လုံးလုံးလေးနှင့် ကိုရင် ဝဝကလေးကို ကြည့်ရင်း ကြည်နူးစွာဖြင့် ချစ်ခင်စိတ်များ တိုးပွားရသည်။ တခါမှ အိမ်နဲ့ အဝေးမှာ ခွဲမအိပ်ဖူးသော သားကလေးအတွက် တကြောင့်ကြကြ ဖြစ်နေရသည်။ သားဖေဖေကလည်း အလုပ်မအားသောကြောင့် သားနှင့်အတူ ရဟန်း မဝတ်နိုင်။ သို့သော်လည်း သားကလေးသည် သာသနာ့ဘောင်တွင် ကိုးရက် တိုင်တိုင် ပျော်မွေ့ခဲ့သည်။ သူ့ကို စိတ်မချသောကြောင့် မနက်တခေါက် ညတခေါက် သွားကြည့်ခြင်းကို သူက မနှစ်သက်။ တတိယမြောက်နေ့တွင်မူ နောက်နေ့တွေမှာ လာကြည့်ရန်မလိုတော့ကြောင်း၊ သူ အစစ အဆင်ပြေကြောင်း စိတ်ပူရန် မလိုကြောင်းနှင့် သူ ကိုရင်ထွက်မည့်နေ့ မှသာ လာတော့ရန် အတိအလင်းပင် ဖွင့်ပြောခဲ့သည်။ အမေနှင့် အနီးကပ် လက်ပွန်းတတီးနေခဲ့သော သားမို့ အမေကို လိုအပ်သည်ထက် ပို၍ တွယ်တာနေလေမည်လား ဟူသော ကျွန်မ၏ ပူပူပန်ပန် အတွေးများသည် သား၏ ပြတ်သားသော စကားအောက်တွင် ကွယ်ပျောက်သွားခဲ့သည်။ သံယောဇဉ်နည်းတာ ကောင်းတာပေါ့လေ မခံစားရဘူးပေါ့… ဟု ဖြေသိမ့်ကာ တွေးနေမိသည်။ ပြောရလျှင် ကျွန်မက စိတ်နှလုံး ပျော့ပျောင်းပြီး အရာရာကို ချစ်ခင်တွယ်တာတတ် သံယောဇဉ်ကြီးတတ်သူတယောက်…။ ချစ်တတ်သော သူများသည် မချစ်တတ်သော သူများထက် ပို၍ ထိခိုက်နာကျင် ခံစားရတတ်စမြဲ မဟုတ်လား… သားပိစိလေး ကြီးလာရင် အချစ်ကြောင့် ထိထိခိုက်ခိုက် မခံစားရဖို့အရေး ကြိုတင် တွေးဆ ပူပန်နေတတ်သော အမေတယောက်၏ အတ္တများမှာ တဆိတ်တော့ အံ့သြစရာပင်…

ဖိနပ် အဝတ်အစား အသုံးအဆောင် ဘယ်အရာကိုမှ မပူဆာတတ်သော၊ ဗိုက်ဆာနေချိန်များမှာ ဗိုက်ဆာတယ် ဟု မပြောတတ်ပဲ ရေခဲသေတ္တာကို ဖွင့်ပြီး စားစရာ ရှာနေတတ်သော၊ အဝတ်ဆိုလျှင် အရောင်မှိန်မှိန်များကိုသာ နှစ်သက်တတ်သော၊ ကြိုက်နှစ်သက်သော တီရှပ်များ ဘောင်းဘီများကို ဘယ်အချိန်မှာ မဆို ဘယ်လိုလမ်းမျိုးကို မဆို ထပ်ခါတလဲလဲ ဝတ်တတ်သော၊ ဆီများများနှင့် ကြော်ထားသော အစားအစာများ၊ ပေါင်မုန့် ကြက်ဥ ချိစ် ဝက်ပေါင်ခြောက် ဝက်အူချောင်း စသော အနောက်တိုင်း အစားအစာများကို ကြိုက်နှစ်သက်သော၊ အရာရာမှာ စည်းစနစ်ကျသော၊ ပိုက်ဆံ စုတတ်သော၊ သံယောဇဉ် အတွယ်အတာ နည်းပါးပုံရသော၊ လက်ချိုးရေတွက်၍ ရနိုင်လောက်အောင် နည်းပါးသော သူငယ်ချင်းမိတ်ဆွေများကို ခပ်မှန်မှန်သာ ဆက်ဆံ ခင်မင်တတ်သော၊ မလိုအပ်ပဲ အလွန်အကျွံ အားမနာတတ်သော၊ စိတ်ခံစားမှုများကို လွယ်လင့်တကူ ထုတ်မပြတတ်သော… စသည့် သားလေး၏ အကျင့်စရိုက်များမှာ တနေ့ထက် တနေ့ အဖေနှင့်သာ တူလာသည်ကို ကျွန်မ ဘယ်လိုမျှ မငြင်းနိုင်ပါချေ။ ကျွန်မနှင့်ကတော့ ထိုအချက်တွေအားလုံးမှာ ဆန့်ကျင်ဖက်… မွေးထားရသော အမေနှင့် အနည်းငယ်ကလေးမျှပင် မတူရကောင်းလားဟု သားကို ငြူစူလျှင်လည်း သားအဖနှစ်ယောက်စလုံးက ကျွန်မကို ချစ်စနိုး လှောင်ပြောင်ကာ အသံထွက်အောင် ရယ်မောနေကြသည်သာ။

*****

သို့သော် သားကလေးသည် အိမ်အောက်တွေမှာ ပုံစံအမျိုးမျိုးဖြင့် တွေ့ရတတ်သော ကြောင်ကလေးများကို ချစ်ခင်နှစ်သက်စွာဖြင့် မီမီ မီမီ ဟု လိုက်ခေါ်တတ်သည်။ တခါတရံ ကြိုးကလေး တန်းလန်းဖြင့် သခင်တွေနောက် ကောက်ကောက် ကောက်ကောက် လိုက်နေတတ်သော ခွေးပုလေးများကို လိုချင်သည်ဟု ပြောတတ်သည်။ ပလတ်စတစ်ဗုံးလေးများထဲမှာ တလှုပ်လှုပ်ဖြင့် ဆော့ကစားနေတတ်သော Hamster လေးများကို ဝယ်ပေးမလားဟု မေးတတ်သည်။ အင်း… သည်လိုဆိုပြန်တော့ သားကလေးသည် ကျွန်မထင်သလောက် နှလုံးသားအေးစက်ကာ သံယောဇဉ်နည်းပါးသောသူတယောက်တော့ဖြင့် မဟုတ်တန်ရာ…

တခါ သားတို့ ကျောင်းက Art Lesson အတွက် ပန်းချီဆွဲစရာ ဆေးတွေ စုတ်တံတွေ ဝယ်ပေးရပြန်သည်။ သူဆွဲသော ပန်းချီကားများမှာ အများအားဖြင့်တော့ ကျွန်မသိပ်မသိသော ကာတွန်းဇာတ်ကောင် ပုံများဖြစ်သည်။ သားကလေး ဆွဲသော ပုံများမှာ အသက်ပါကာ တူလွန်းသဖြင့် သူငယ်ချင်းများက ပိုက်ဆံပေးကာ ဝယ်ယူကြသည် ဟု သားကပြန်ပြောသောအခါ ကျွန်မ ရင်ဘတ်ကို ဖိရသည်။ သားရယ်… သူငယ်ချင်းတွေကို ပိုက်ဆံနဲ့ ရောင်းရတာ အားနာစရာကြီး… အလကားပေးလိုက်ရောပေါ့… ဟု ပြောမိသောအခါ သားက သူရင်းနှီးထားရသည်များ နှင့် ပေးလိုက်ရသော အချိန်တို့ကို တွက်ပြကာ သူ့ လက်ရာအတွက် ဤမျှသော ငွေကြေးကို ယူရန် သင့်တော်ကြောင်း စီးပွားရေးပညာရှင်ကြီး တယောက်နှယ် စနစ်တကျ ကျွန်မကို ရှင်းလင်း ပြောဆိုပြလေသည်။

သားကလေး အသက် ၁၀ နှစ်ကျော်ကျော်တွင် သီချင်းနားထောင်ရန် iPod ဝယ်ပေးပါ ဟု ပြောလာသောအခါ အူလှိုက် အသည်းလှိုက် ပျော်ရွှင်စွာ လိုက်ဝယ်ပေးသူမှာ ကျွန်မဖြစ်သည်။ ကျွန်မ၏ သားကလေးသည် သီချင်း ဂီတနှင့် ပျော်မွေ့တတ်ပြီကော…။ သားဖေဖေသည် ဂီတနှင့် ပတ်သက်လျှင် တီးလုံးသံ သက်သက်ကိုပင် တခါတရံမှ နားထောင်တတ်သူလေ…။ သိပ်မကြာခင်မှာ သားကလေးက iPod နှင့် တွဲနားထောင်ရန် သူစုထားသော မုန့်ဖိုးဖြင့် Beats Headphone တခု ဝယ်လာပြန်သည်။ သူ့အတန်းဖေါ် သူငယ်ချင်းများနှင့် ဆင်တူ ဝယ်ကြသည် ဟု ဆိုသည်။ ထိုပစ္စည်းမှာ ဈေးမသေးလှချေ။ ပိုက်ဆံနှင့် ပတ်သက်လာလျှင် စည်းကမ်းတကျ သုံးစွဲတတ်သော်လည်း သူတို့ လိုချင်သောအရာဆိုလျှင် ဘယ်လောက်ပင်ဈေးကြီးကြီး နည်းနည်းမှ အနှမျော အတွန့်တိုမရှိပဲ ဝယ်တတ်သော အကျင့်မှာ သူ့ အဖေနှင့် ချွတ်စွတ်။ ထိုကျသင့်ငွေကို ကျွန်မ ပြန်ပေးချင်လိုက်သည်မှာ လက်ကို ယားနေသည်။ သို့သော် သားဖေဖေက ထားလိုက် သူ့ဟာသူ ကြိုက်တာ သုံးပစေ… နေရာတိုင်း လိုက်ပြန်မပေးနေနဲ့… ဟု တိုးတိုးပြောကာ တားမြစ်သောကြောင့် ကျွန်မမှာ မအီမလည်နှင့် ငြိမ်နေလိုက်ရသည်။ သောကြာည စနေည လို ညမျိုးမှာ နားမှာ Headphone တပ်ရင်း အိပ်ယာထဲမှာ သီချင်းနားထောင်ကာ ဇိမ်လုပ်နေတတ်သော သားကိုကြည့်ပြီး ကျွန်မ ဝမ်းသာရသည်။ အင်း.. ဒီလိုဆိုတော့လည်း ကျွန်မသားကလေးသည် သည်အဖေ သည်အမေ နှစ်ယောက်စလုံးနှင့် မျှမျှတတ တူညီနေတာပါပဲလား ဟု ကျွန်မ ကျေကျေနပ်နပ်ကြီး လက်ခံမိပါသည်။

သားတယောက်တည်း ပျင်းစရာကြီး ညီမလေး တယောက်လောက် မလိုချင်ဘူးလား ဟူသော အမေးကို ခါးခါးသီးသီး ငြင်းဆန်သော သားကလေးသည် သူ၏ တဝမ်းကွဲ ညီလေး ညီမလေးများအကြားမှာ လူကြီးဆန်ဆန် မျှမျှတတ အလိုက်သင့် အလျားသင့် ပေါင်းသင်း ဆက်ဆံတတ်သည်ကို တွေ့မှ ကျွန်မ စိတ်အေးရတော့သည်။ သားကလေးကို ကိုယ့်အတွက်သာသိပြီး တကိုယ်ကောင်းဆန်ဆန် နေတတ်သော အတ္တကြီးသည့် လူကလေးတယောက် မဖြစ်စေချင်ပါ။

သားကလေး ကြီးလာရင် အိမ်ထောင်မပြုပဲ မေမေတို့နဲ့ပဲ နေမလား ဟူသော အတ္တကြီးမားလှသော မေးခွန်းမျိုးကို ကျွန်မ နှစ်ကြိမ် သုံးကြိမ် မေးခဲ့ဖူးပါသည်။ မလိမ်ညာတတ်သော ဟန်မဆောင်တတ်သော သားကလေးက ကျွန်မ စိတ်ချမ်းသာစရာ အဖြေမျိုး မပေးခဲ့ပါ။ Generation ပျောက်သွားမှာပေါ့ ဟူသော လူကြီးဆန်ဆန် သူ့အပြောမှာ ကျွန်မ ငိုရအခက် ရယ်ရ အခက်။ နောက်ကို ဤသို့သော မေးခွန်းမျိုးကို ဘယ်တော့မှ ထပ်မမေးမိရန်သာ ကိုယ့်ကိုကိုယ် ဆုံးမရသည်။ အလားတူပင်… နောက်ကို မမေးရန် ဆုံးဖြတ်ထားသော မေးခွန်းတခုမှာ ဖေဖေနဲ့ မေမေ ဘယ်သူ့ကို ပိုချစ်သလဲ ဟူသော မေးခွန်းဖြစ်သည်။ စကားစပြောတတ်သော အချိန်မှစကာ ယခုအချိန်အထိ ထိုမေးခွန်း၏ အဖြေမှာ တသမတ်တည်း… နှစ်ယောက်စလုံးကို အတူတူ ချစ်တယ် ၅၀ - ၅၀ ပဲ ဟူ၍သာ ဖြစ်သည်။ ကျွန်မ လိုချင်သော မေမေ့ကို ပိုချစ်တယ် ဟူသော အဖြေမျိုး မရသော်လည်း သားကလေး၏ ရိုးသား ဖြောင့်မှန်သော အဖြေလေးကို ကျွန်မ မက်မောပါသည်။ တခါတရံတွင်မူ ကျွန်မက သားရယ် သားလေးကို မေမေက မေမေ့ဗိုက်ထဲမှာ အကြာကြီး ခေါ်ထားရတာလေ… မေမေ့ကို နည်းနည်းတော့ ပိုချစ်သင့်တာပေါ့… ဟု အထွန့်တက်ကာ ကျီစယ်မိပါသည်။ ထိုအခါ သားလေးက မေမေကလည်း မေမေတယောက်တည်း သားကို မွေးလို့မှ မရတာ… ပါပါ မရှိရင် သားသား မရှိ၊ မေမေ မရှိရင် သားသား မရှိလေ… ဒါကြောင့် အတူတူပဲ ချစ်တာပေါ့… ဟူသော စကားကို ဒိုးဒိုးဒေါက်ဒေါက် ပြန်ပြောပါသည်။ ထိုမျှသာမက သူတို့ ကျောင်းမှာ သင်ရသော Human Fertilization နှင့် သက်ဆိုင်သော အကြောင်းအရာများကိုပါ ရှင်းလင်းပြောပြရန် စကားစတတ်ပါသေးသည်။ ထိုအချိန်မျိုးတွင် ဘုရားရေ ဟု အကြိမ်ပေါင်းများစွာ ရေရွတ်ရင်း စားစရာ တခုခု ရှာပေးပြီး သူတို့ သားအဖကို ပါးစပ်မြန်မြန်ပိတ်ခိုင်းရသူမှာ ကျွန်မသာ…။

သားကလေးသည် ကျွန်မလိုပင် ကြောင်ကလေး ခွေးကလေးတွေကို ချစ်တတ်သည်၊ သီချင်းတွေ နားထောင်တတ်သည် စာဖတ်တတ်သည်။ အင်္ဂလိပ်လိုသာမက တရုတ်လိုပါ အက်ဆေး လှလှတွေ ရေးတတ်သောကြောင့် မကြာခဏ ပြိုင်ပွဲတွေ ဝင်ရသည်။ ဆုတွေ ရသည်။ English Literature ကို အတန်းထဲမှာ အမှတ်အများဆုံး ရတတ်သည်။ တခါတရံမှာ ကျွန်မ မတတ်သော ပန်းချီဆွဲခြင်း အမှုကို ပြုတတ်သည်။ ကျန်တာတွေမှာ ကျွန်မနှင့် မတူသော်လည်း ထိုအချက်များမှာ ကျွန်မနှင့်တူနေသည်ကို ကျွန်မ အလွန် ကျေနပ်ရသည်။ တနေ့ တနေ့ ထိုကမ္ဘာလုံးလေး ဘယ်နေရာမှာများ ကျွန်မနှင့် တူလာလေမည်ကို ကြည့်ရသည်မှာ အမော…။

တရက်ကတော့ သားလေး၏ ရေချိုးခန်းအဝင်ဝရှိ စင်ကလေးပေါ်တွင် စာအုပ် တအုပ်တွေ့ရသည်။ နောက် တရက် နှစ်ရက် သုံးလေးရက် ကျွန်မ ဆက်တိုက် သတိထားကြည့်မိသောအခါ သားလေးသည် ရေချိုးခန်းဝင်လျှင် စာအုပ်ဖတ်နေတတ်ကြောင်း သေချာသွားသည်။ ထိုအခါ သားဖေဖေကို သားဆီမှာ ကျွန်မနှင့်တူသော အချက် တချက် ထပ်တိုးလာပြီဟု အကျိုးအကြောင်း ပြောပြရင်း ဝမ်းပမ်းတသာ သတင်းပေးမိသောအခါ သားဖေဖေက ကျွန်မကို အရူးမ ဟု နာမည်ပေးလေတော့သည်။

သို့သော် သားကလေးသည် သင်္ချာတွက်လျှင် အလွန် ရှမ်းတတ်သည်ကို တဖြေးဖြေးနှင့် ကျွန်မ သိလာခဲ့သည်။ မြတ်စွာဘုရား… တချိန်လုံး အဖေနဲ့ တူနေခဲ့သမျှ ဒီနေရာမှာတော့ အလွဲကြီး လွဲပါပေါ့လားဟု တွေးရင်း စိတ်မသက်မသာ ဖြစ်ရသည်။ ဟုတ်သည်… ကျွန်မ ငယ်ငယ်က သချာင်္မှာ ရှမ်းတတ်လွန်းသောကြောင့် ဆရာမများက ရှမ်းမ ဟု ခေါ်ကြသည်။ အခုတော့ သားကလေးက သည်လို မကောင်းတဲ့ အချက်မှာ ကျွန်မနှင့် ချွတ်စွတ် တူနေလေပြီကော…။ သားကလေးသည် သချာင်္ပုစ္ဆာများတွင် အပေါ်တကြောင်းမှာ 7 ဟု ရေးထားသော်လည်း နောက်တကြောင်းတွင် 9 ဖြစ်သွားတတ်သည်။ အပေါ်တဆင့်မှာ ရေးထားသော အနှုတ်လက္ခဏာက အောက်တဆင့် ရောက်သောအခါ အပေါင်း ဖြစ်သွားသည်။ မေးခွန်းထဲက ဂဏန်းများကို အဖြေလွှာထဲ ကူးရေးရာမှာ တလွဲကူးရေးတတ်သည်။ အဖြေမှန် ရပြီးသည့်တိုင် အောက်ဆုံးမှာ Answer = ဟု အဖြေထိုးသောအခါ တလွဲကူးရေးတတ်ပြန်သည်။ သချာင်္ဆို ဘယ်တော့မှ ၁၀၀ ပြည့်သည်မရှိ၊ အမှတ်များမှာ ဟိုက ဒီက ဆီလို အပေါက်ရှာပြီး ရော့နေလေတော့သည်။ ထိုအခါ တအိမ်လုံးက Like Mother, Like Son ဟု ဝမ်းမြောက်ဝမ်းသာ ထောပနာ ပြုကြလေသည်။ တူမယ့် တူတော့လည်း တလွဲ… သားရယ်…

*****

အခုဆိုလျှင် ချစ်ရသော ကျွန်မ၏ သား ကမ္ဘာလုံးလေး အသက် ၁၄ နှစ် ပြည့်ပြီးသွားပြီ။ ဖေဖေ မေမေတို့ထက်လည်း အရပ် ပိုရှည်သွားပြီ။ လူကြီးလေးတယောက်နှင့်လည်း အတော်ကို တူလာပြီ။ ငယ်ငယ်က ကျွန်မနှင့် မတူသောကြောင့် အလိုမကျခဲ့ရသမျှ အခုအချိန်မှာတော့ ဘာမှ ထူးထူးခြားခြား မခံစားနေတော့ပြီ။ သားလေး သူ့ဖေဖေဆီက ကောင်းတဲ့ အကျင့်လေးတွေ ရတာကိုလည်း ကြည်ဖြူပေးလိုက်မည်။ ကျွန်မနှင့် မကောင်းတဲ့ အကျင့်လေးတွေ လာတူနေတာကိုလည်း ဒီတိုင်း ရယ်ကာ မောကာ ကြည့်နေလိုက်မည်။ ဖေဖေ မေမေတို့ရဲ့သားဟာ ဖေဖေ မေမေ နှစ်ယောက်စလုံးနဲ့ မျှမျှတတ တူရပေမပေါ့…။

ရှေ့လျှောက် သားကလေးကို သူ ဝါသနာပါသော လမ်းကို ဖြောင့်ဖြောင့်ဖြူးဖြူး လျှောက်နိုင်ရန်၊ သူ ဖြစ်ချင်သော ဆန္ဒများ မတိမ်းမစောင်းပဲ ဖြစ်မြောက်စေရန် ကျွန်မ လိုအပ်သလို ကူညီ ပံ့ပိုးပေးမည်။ ကိုယ်က မိဘပဲ ဟုဆိုကာ ကလေးကို အနိုင်ယူပြီး ကိုယ်လိုချင်သလို ပုံစံခွက်ထဲ အတင်း ထိုးသွင်းထည့်တတ်သော မိဘမျိုး ကျွန်မ မဖြစ်ချင်ပါ။ စုန်ရေသာ ရှိပြီး ဆန်ရေ မရှိသော မိဘမေတ္တာအကြောင်း ပါးစပ်မှ ထုတ်ဖေါ် ပြောပြစရာမလိုပဲ သားကလေး သိနေအောင် ကျွန်မ အစဉ်အမြဲ ကြိုးစားနေမည်သာ…။

သက်ဝေ
(၂၂ မေ ၂၀၁၂)

July 2012 - International Look Magazine