ကိုယ်အလေးချိန်ကျလိုသူများအတွက် ထိရောက်သော နည်းလမ်း (သို့) Dukan Diet

အခုအချိန်မှာ လူအများစုရဲ့ နေထိုင်မှုစနစ်တွေ ပြောင်းလဲလာတာဟာ ခန္ဒာကိုယ် အလေးချိန် တိုးလာစေခြင်းရဲ့ လမ်းစ ဖြစ်နေပါတယ်။ အချိန်အတော်များများမှာ ကွန်ပျူတာကို မျက်နှာအပ်ရင်း စားပွဲနဲ့ ကုလားထိုင်မှာ ထိုင်ပြီး အလုပ်လုပ်ကြရတယ်။ အဲဒီလို ထိုင်နေရတဲ့ အချိန်တွေများလာတာနဲ့အမျှ ဗိုက်နဲ့ ခါးပတ်လည်မှာ မလိုလားအပ်တဲ့ အဆီပိုတွေ စုစည်းလာတတ်တာ လူတိုင်း သတိထားမိမှာပါ။ အဲဒါတွေအပြင် အလုပ်လုပ်နေရင်း စားပွဲပေါ်မှာ အသင့်ရှိနေတဲ့ အာလူးကြော်တို့ ချောကလက်တို့ အစရှိတဲ့ တိုတိုထွာထွာတွေကို ထိုင်ရာက မထတမ်း လက်လှမ်းပြီး စားနေမိတာလည်း ကိုယ်အလေးချိန်တိုးလာခြင်းကို ကောင်းကောင်းကြီး အထောက်အကူ ပြုနေပါတယ်။

အဲဒီလို ကိုယ်အလေးချိန်တိုးလာလို့ စိတ်ညစ် စိတ်ပျက်နေတဲ့ သူငယ်ချင်း မိတ်ဆွေတွေကို ကိုယ်အလေးချိန် လျှော့ဖို့ နည်းလမ်းလေးနဲ့ တခု မိတ်ဆက်ပေးချင်ပါတယ်။ အဲဒါကတော့ အခုတလောမှာ နာမည်ကြီးလာတဲ့ Dukan Diet ပါ။ ပြင်သစ်နိုင်ငံက ဆရာဝန်တဦးဖြစ်တဲ့ Dr. Pierre Dukan ဆိုသူက ရှာဖွေတွေ့ရှိတဲ့အတွက် Dukan Diet ရယ်လို့ အမည်တွင်ပါတယ်။

အခု ပြောပြမယ့် နည်းလမ်းရဲ့ အဓိက အချက်ကတော့ ကျွန်မတို့ နေ့စဉ်စားနေကျ အစားအစာတွေကို ပုံစံပြောင်းပေးလိုက်တာပါပဲ…။ အဲဒီ နည်းမှာ Phase 1 to 4 ဆိုပြီး အဆင့် လေးဆင့် ရှိပါတယ်…။ အဲဒါတွေကတော့…

Phase 1 – Attack
Phase 2 – Cruise
Phase 3 – Consolidation
Phase 4 – Permanent Stabilization တို့ ဖြစ်ပါတယ်။

Dukan Diet က သူများတွေနဲ့ မတူ တမူထူးခြားပါတယ်။ အကြမ်းအားဖြင့် ပြောပြရရင်…

Phase 1 – Attack Phase
ပထမဆုံး အဆင့်မှာ ပရိုတိန်း (အသားဓါတ်) ပါတဲ့ အစားအစာတွေကို ကြိုက်သလောက် စားလို့ရပါတယ်…။ ပြောရရင်တော့ (EAT AS MUCH AS YOU LIKE) လို့ ဆိုကြတယ်။ အဲဒီလို စားရင်းကနေ ငါးရက်မှာ ကိုယ်အလေးချိန် နှစ်ကီလိုကနေ သုံးကီလို အထိ ကျနိုင်ပါတယ်။ Pure Protein လို့ ပြောတဲ့အတိုင်း ပရိုတိန်း သက်သက်ပဲ စားရမှာနော်…။ အဲဒီလို စားရမယ့်အပြင် တနေ့ကို နာရီဝက်လောက် လမ်းလျှောက်နိုင်ရင် ပိုကောင်းပါတယ်။ ပြီးတော့ တနေ့ကို အနည်းဆုံး ရေ တစ်လီတာခွဲ သောက်ဖို့လည်း အရေးကြီးပါတယ်။ ဒီအဆင့်မှာ နှစ်ရက်ကနေ ဆယ်ရက်အထိ စားလို့ရပါတယ်။

ပရိုတိန်းပါတဲ့ အစားအစာ ၇၂ မျိုးရှိတဲ့အနက် ကျွန်မတို့အတွက် နေ့စဉ် အလွယ်တကူ ၀ယ်ယူ ချက်ပြုတ် စားသောက်နိုင်တာတွေကို အကြမ်းအားဖြင့် ပြောပြရရင် ကြက်သား၊ အမဲသား၊ ငါးအမျိုးမျိုး၊ ကြက်ဥ (အကာကို ကြိုက်သလောက် စားနိုင်ပြီး အနှစ်က တပတ်ကို သုံးလုံး ထက် မပိုရ)၊ အဆီထုတ်ထားတဲ့ နို့၊ ကော့တိတ်ခ်ျ ချိစ် နဲ့ အဆီမပါတဲ့ (Non-Fat) ဒိန်ချဉ်တို့ ဖြစ်ကြပါတယ်။ ဒီအဆင့်မှာ အဆီဓါတ်ပါဝင်မှု မြင့်မားတဲ့ ၀က်သား၊ သိုးသား၊ ဘဲသား တွေအပြင် ပဲမျိုးစုံကို လုံးဝ စားလို့မရပါဘူး။ အသား ငါးတွေကို ကြက်သွန်နီ၊ ကြက်သွန်ဖြူ၊ ဂျင်း၊ စပါးလင် အပါအ၀င် ဟင်းခတ်အမွှေးအကြိုင် အမျိုးမျိုးကို သုံးစွဲပြီး အရသာကောင်းအောင် ပြင်ဆင် ချက်ပြုတ်နိုင်ပါတယ်။ သို့သော် ဖြစ်နိုင်ရင် ကင်စားတာမျိုး ဆီလေး ပါတယ်ဆိုရုံနဲ့ ကင်တာမျိုး (Grill / Roast) ကတော့ အကောင်းဆုံးပါ။ အဲ့ဒါတွေနဲ့ အတူ တနေ့ကို Oat Bran တဇွန်းခွဲ (စားပွဲတင်ဇွန်း) ကိုလည်း အတူ တွဲစားသင့်ပါတယ်။

Phase 2 – Cruise Phase
ဒုတိယအဆင့်မှာကတော့ ပထမအဆင့်မှာ စားလို့ရတဲ့ ပရိုတိန်း (Protein) အားလုံးကို ဟင်းသီး ဟင်းရွက်တွေနဲ့ တွဲစားလို့ရပါပြီ။ စားဖို့ ခွင့်ပြုတဲ့ ဟင်းသီးဟင်းရွက်တွေထဲမှာ ကျွန်မတို့နဲ့ နီးစပ်တာတွေကို ပြောပြရရင် ခရမ်းသီး၊ ကညွတ်၊ ဂေါ်ဖီထုပ်၊ ပန်းပွင့်၊ ဘရိုကိုလီ၊ သခွားသီး၊ ဖရုံသီး၊ ဆလတ်ရွက် အပါအ၀င် အရွက်စိမ်းမျိုးစုံ၊ ဟင်းနုနွယ်နဲ့ မုန်လာဥ အဖြူ တို့ ဖြစ်ပါတယ်။ မုန်လာဥ အနီစားလို့ရပေမယ့် နေ့တိုင်း မစားသင့်သေးပါဘူး။ နောက်တခုက စားလို့ရတဲ့အထဲမှာ အာလူး လုံးဝ မပါပါဘူး။ ဒါကြောင့် အာလူးကို ရှောင်ပါ။ ဒီအချိန်မှာတော့ သုံးရက်ကို ကီလိုဝက် (တပေါင်) လောက် ကျနိုင်ပါတယ်။ ကိုယ်လိုချင်တဲ့ ကိုယ်အလေးချိန်ကို မရောက်မချင်း အဆင့် တစ်နဲ့ အဆင့် နှစ်ကို သုံးရက် (သို့) ငါးရက်… တလှည့်စီ စားရပါမယ်။

Phase 3 – Consolidation
အဆင့် တစ်နဲ့ အဆင့် နှစ်ကို တလှည့်စီ စားပြီးလို့ ကျွန်မတို့ လိုချင်တဲ့ ကိုယ်အလေးချိန်ကို ရောက်သွားပြီ ဆိုပါတော့… ။ အဲဒီအချိန်မှာ တတိယအဆင့် အနေနဲ့ အစားအစာတွေကို ပုံမှန် (Normal Diet) ပြန်စားလို့ရပါပြီ။ ဆင်ဆင်ခြင်ခြင်တော့ စားရမှာပေါ့နော်…။ ဒီ အဆင့်မှာ ငှက်ပျောသီးနဲ့ ချယ်ရီသီးကလွဲရင် ကျန်တဲ့ အသီးတွေကို စားလို့ရပါပြီ။ လွယ်လွယ်ပြောရရင် ပန်းသီး၊ သစ်တော်သီး၊ လိမ်မော်သီး… စသည်ဖြင့် တရက်ကို တလုံး စားနိုင်ပါပြီ။ နောက်ပြီး ထမင်းအဖြူ နဲ့ အာလူး ကို တပတ်မှာ နှစ်ကြိမ် စားနိုင်ပါပြီ။ ပဲ လည်း အနည်းငယ် စားနိုင်ပါပြီ။

ဒါ့အပြင် တပတ်ကို နှစ်ကြိမ် Celebration Meal စားလို့ရပါတယ်…။ ဆိုလိုတာက ပီဇာတို့ အာလူးချောင်းကြော်တို့ ရေခဲမုန့်တို့… အဲဒီလို ကိုယ်ကြိုက်တာတွေကို တပတ် နှစ်ကြိမ် စားလို့ရပါတယ်။ ၀ိုင်သောက်ချင်ရင်လည်း တဖန်ခွက် သောက်လို့ရပါတယ်။

ဒီအဆင့်မှာတော့ လက်ရှိ ကိုယ်အလေးချိန်ထက် ထပ်မကျနိုင်တော့ပါဘူး။ ဒါပေမယ့် တက်မလာအောင် ထိန်းထားပေးနိုင်ပါတယ်။ ဒီအဆင့်မှာ ဘယ်လောက်ကြာကြာ နေရ စားရမလဲ ဆိုတာကတော့ ကိုယ် ကျသွားတဲ့ အလေးချိန်နဲ့ ဆိုင်ပါတယ်။ ဥပမာ - အရင်အဆင့်နှစ်ခုမှာ ကိုယ်အလေးချိန် ဆယ်ပေါင် ကျခဲ့တယ်ဆိုရင် တပေါင်ကို ငါးရက် နှုန်းနဲ့ ရက်ပေါင်း ၅၀ ဒီအဆင့်မှာ နေလို့ရပါတယ်။

အဲဒီရက်တွေမှာ တနေ့ကို အနည်းဆုံး နာရီဝက် ကိုယ်လက်လှုပ်ရှား လေ့ကျင့်ခန်းလုပ်၊ တပတ်ကို တရက် ပထမ အဆင့်က အတိုင်း ပရိုတိန်း သက်သက် (Pure Protein) စား၊ နောက်တရက်မှာ ဒုတိယအဆင့် အတိုင်း ပရိုတိန်းနဲ့ ဟင်းသီးဟင်းရွက် တွဲစားရင်း ထိန်းထားနိုင်ရင် ပိုကောင်းတယ်လို့ ဆိုကြပါတယ်။ အစဉ်အလာ မပျက်လေးပေါ့…။

ဒီအဆင့်ဟာ ၀ိတ်ချသူတွေ အတွက် အခက်ဆုံး အဆင့်လို့ ဆိုကြတယ်။ ဘာကြောင့်လဲ ဆိုတော့ နံပါတ် တစ် အချက်က စားရတဲ့ ရက် ရှည်လို့ပါ။ နံပါတ် နှစ် အချက်ကတော့ ကိုယ်လိုချင်တဲ့ ကိုယ်အလေးချိန်ကို ရောက်နေပြီဖြစ်တာကြောင့် စိတ်ရော ကိုယ်ပါ ပေါ့ပါ့ရွှင်လန်းပြီး စည်းကမ်းကို အချိန်မရွေး ဖေါက်ပြီး စားချင်တာ စားမိနိုင်တာကြောင့်ပါ။

Phase 4 – Permanent Stabilization
ဒီအဆင့်ကတော့ ကိုယ့်ရဲ့ လက်ရှိ (ကျနေပြီးသား) ကိုယ်အလေးချိန်ကို ထိန်းထားဖို့ပါ။ အများစုက အခုလို Diet ကနေ ရပ်လိုက်တာနဲ့ ကိုယ်အလေးချိန်တွေ မြန်မြန်ဆန်ဆန်ကြီး တိုးလာတတ်တာမို့ အဲဒီအဖြစ်မျိုးကို မရောက်အောင် ထိန်းထားဖို့ လိုပါတယ်။ ဒီအဆင့်မှာလည်း တနေ့ကို Oat Bran နှစ်ဇွန်းစား၊ တနေ့ကို နာရီဝက် ကိုယ်လက်လှုပ်ရှားလုပ်၊ တပတ်ကို တခါ ပထမအဆင့်မှာလို ပရိုတိန်း သက်သက် စားရင်း မိမိလက်ရှိ ကိုယ်အလေးချိန်ကို ဆက်လက် ထိန်းသိမ်းထားဖို့ပါပဲ။

ဒီ နည်းစနစ် ရဲ့ အဓိက သော့ချက်ကတော့ အချိုဓါတ်၊ အဆီဓါတ်နဲ့ ကာဘိုဟိုက်ဒြိတ်တွေ စားတာကို သေသေချာချာ လျှော့ချလိုက်တာပါ..။ သို့သော်လည်း ဒီ နည်းဟာ လေ့ကျင့်ခန်း အပြင်းအထန်လုပ်ရတဲ့ ဝိတ်လျှော့နည်းတွေ၊ အစားတွေ လျှော့စားရတဲ့ နည်းတွေ၊ ဟင်းသီးဟင်းရွက်တွေပဲ များများစားရတဲ့ နည်းတွေထက် အများကြီး ထိရောက်တာကို တွေ့ရပါတယ်။ အသားတွေ ငါးတွေ ကြိုက်သလောက်စားရုံနဲ့ ဒီလောက် မြန်မြန်ကြီး ဝိတ်ကျတယ်ဆိုတာ စိတ်ထဲ အတော်လေး မယုံနိုင်စရာကောင်းတဲ့ အချက်ပါ။ ဒါပေမယ့် အဲဒါ တကယ် ဟုတ်ပါတယ်။

သို့သော်လည်း အရာရာတိုင်းမှာ ကောင်းကျိုးနဲ့ ဆိုးကျိုးဟာ ဒွန်တွဲနေတတ်တယ် မဟုတ်လား…။ Dukan Diet ကို လိုက်နာကြတဲ့သူတွေရဲ့ သုံးသပ်ချက်တွေမှာ ပြောလေ့ရှိကြတဲ့ ကောင်းကျိုးတွေကတော့ ပထမရက်ပိုင်း အနည်းငယ်အတွင်းမှာပဲ ကိုယ်အလေးချိန် သိသိသာသာ ကျဆင်းသွားတာကို မျက်ဝါးထင်ထင် တွေ့ကြရတာရယ်၊ စားခါနီးတိုင်း ကိုယ် စားမယ့် အစားအစာကို ကယ်လိုရီ တွက်နေစရာမလိုတာရယ်… ကျန်းမာရေးအတွက် ထိခိုက်စရာ ဘာမှ မရှိတာရယ် လို့ ဖတ်ရပါတယ်။

ဆိုးကျိုးအနေနဲ့ကတော့ နေ့စဉ် အသား ကြက်ဥ စတဲ့ ပရိုတိန်းတွေပဲ စားရတဲ့အခါ ကိုလက်စထရော တက်လာနိုင်တယ်လို့ ဆိုကြတယ်။ နောက်တခုက ဖိုင်ဘာ စားတာ နည်းသွားတယ်… ဒါကြောင့် Oat Bran နေ့တိုင်းစားပြီး ရေ တလီတာခွဲကနေ နှစ်လီတာ သောက်ပြီး ပြန်ဖြည့်ရတယ် လို့ ဆိုကြပါတယ်။

ဘာပဲဖြစ်ဖြစ် မိမိတို့ရဲ့ ကိုယ်အလေးချိန် ကျချင်ကြတဲ့သူတွေတွက်တော့ ဒီနည်းလမ်းဟာ အတော်လေး အထောက်အကူပြုတာ တွေ့ရပါတယ်။ ဒီ့ထက် ပြည့်ပြည့်စုံစုံကို သိချင်ရင် ဂူဂယ်လ် မှာ Dukan ဆိုပြီး ရိုက်လိုက်တာနဲ့ သူနဲ့ ပတ်သက်သမျှတွေ အများကြီး တွေ့ကြ ဖတ်ကြရမှာပါ။ တကယ်လည်း စိတ်ဝင်စားစရာ ကောင်းပါတယ်... ဖတ်ကြည့်ကြပါ…။ ကိုယ်အလေးချိန် ကျချင်သူများ ဒီ Dukan Diet နည်းကို စမ်းသပ်ပြီး စားကြည့်ကြပါလို့ လှိုက်လှိုက်လှဲလှဲ တိုက်တွန်းလိုက်ပါတယ်။



- 2013 January - Look Magazine တွင် ဖေါ်ပြပြီး -

မိုင်တိုင် နှစ်ဆယ်

ဖြတ်သန်းခဲ့ပြီးသော မိုင်တိုင်များစွာတွင် အချို့သည် အမှတ်တမဲ့မျှဖြင့် မေ့မေ့လျော့လျော့နှင့် ကွယ်ပျောက်သွားတတ်ကြပြီး၊ အချို့သည် အထင်ကရအဖြစ် ဘဝတွင် ထင်ထင်ရှားရှား ကမ္ဗည်းတွင် ကျန်ရစ်နေတတ်ကြသည်...

ဟုတ်ပါတယ်... မိုင်တိုင် နှစ်ဆယ် လို့ အမည်ရပါတယ်…။
ဒီစာအုပ်လေးကို ဘလော့ဂါ အိန်ဂျယ်လှိုင်က တာဝန်ယူ စီစဉ်ပြီး AMK Creation က လှပ သေသပ်စွာ ဖန်တီး ပုံဖော်ပေးခဲ့ပါတယ်... ။ ခင်မင်ရင်းနှီးကြတဲ့ မိတ်ဆွေ ဘလော့ဂါ အယောက် နှစ်ဆယ် ပါဝင်ရေးသားထားကြတဲ့ အွန်လိုင်း ရသ ဝထ္ထုတို စာအုပ်ကလေးပါ။ ဒီနေ့ ဇန်န၀ါရီလ ၂၂ ရက် မှာ စာပေလောက (၅) စာအုပ်တိုက် ကနေ စတင် ဖြန့်ချီမှာဖြစ်ပါတယ်။ ဒီ မိုင်တိုင် နှစ်ဆယ် စာအုပ်လေးဟာ ကျွန်မတို့ တယောက်ချင်းစီအတွက် အမှတ်တရ စိုက်ထူဖြစ်တဲ့ မိုင်တိုင်လေး တခုလည်း ဖြစ်ပါတယ်…။

ဒီစာအုပ်လေးမှာ ကျွန်မ အပါအ၀င် မိတ်ဆွေ ဘလော့ဂါများ ဖြစ်ကြတဲ့ မြစ်ကျိုးအင်း၊ အိမ့်ချမ်းမြေ့၊ သတိုး၊ မြသွေးနီ၊ ကိုဇော်၊ သက်တန့်ချို၊ ခင်လေးငယ် ဗညားရှိန်၊ ချော(အစိမ်းရောင်လွင်ပြင်)၊ မောင်ရေချမ်း၊ မိုးပန်းချီ၊ နေပိုင်၊ မြတ်မွန်၊ လက်ဝဲ၊ မြတ်ပန်းနွယ်၊ ကိုကိုးအိမ်(မန္တလေး)၊ ဂျွန်မိုး၊ အလင်းသစ် နဲ့ အိန်ဂျယ်လှိုင် တို့ ပါဝင် ရေးသားထားကြပါတယ်…။ စာဖတ်ပရိသတ်တွေ အားပေးကြလိမ့်မယ်လို့ မျှော်လင့်ပါတယ်…။

အဲဒီစာအုပ်ထဲမှာ ပါတဲ့ ကျွန်မရဲ့ ၀တ္ထုလေးနာမည်က ထာဝစဉ် ပါ။ အဲဒီစာလေးကို ရေးဖြစ်စေဖို့ စေ့ဆော်တဲ့ စိတ်ကူး အတွေးတချို့ကို မေတ္တာလက်ဆောင် ပါးလိုက်ပါတယ်…။

“လူတိုင်း လူတိုင်းဟာ ကိုယ်စီ ဘ၀တွေမှာ အပြစ် ကင်းစင်ပြီး လှပ ဆန်းကြယ်တဲ့ ချစ်ခြင်းမျိုးကိုသာ အလိုရှိကြ တောင့်တကြစမြဲ ဖြစ်ပေမယ့် တခါတရံမှာ ကိုယ်တိုင် ကြိုတင် မမြင်နိုင်တဲ့၊ မျှော်လင့်မထားတဲ့ တထောင့် တနေရာကနေ သူ့အလိုလို ဖြစ်ပေါ်လာတတ်တဲ့ ချစ်ခြင်းမျိုးတွေ၊ ကြိုဆို လက်ခံယူလို့ မရပဲ ငဲ့ညှာ ထောက်ထား ထိန်းချုပ်စရာတွေ ပြည့်နှက်နေတတ်တဲ့ ချစ်ခြင်းမျိုးတွေ အပြင် လူချင်း မနီးစပ်နိုင်သော်လည်း နှလုံးသားထဲမှာ ထာဝစဉ် နွေးထွေးစွာ အမြစ်တွယ် ရှင်သန်နေနိုင်တဲ့ လေးနက်တဲ့ ချစ်ခြင်းမျိုးတွေ ရှိနေတတ်တာကို တွေးမိတဲ့ အချိန်မှာ ဒီဝတ္ထုလေးကို ရေးဖြစ်ပါတယ်…”

အကူး အပြောင်း

ပြီးခဲ့တဲ့ ရက်အနည်းငယ်က မှတ်မှတ်ရရ ဖတ်လိုက်ရတဲ့ သတင်းကတော့ အမေရိကန်နိုင်ငံရဲ့ အပတ်စဉ်ထုတ် Newsweek ဆိုတဲ့ ထိပ်တန်း မဂ္ဂဇင်း အကြောင်းပါ။ အဲဒီမဂ္ဂဇင်းဟာ သက်တမ်းအားဖြင့် ၁၉၃၃ ကနေ ၂၀၁၂ အထိ… နှစ်ပေါင်း ရှစ်ဆယ် ရှိခဲ့ပါပြီ။ တိတိကျကျ ပြောရရင် ပထမဆုံး Newsweek စာစောင်ကို ၁၉၃၃ ခု ဖေဖေါ်ဝါရီလ ၁၇ ရက် မှာ ထုတ်ဝေခဲ့ပါတယ်။ အဲဒီ Newsweek မဂ္ဂဇင်းဟာ အခု ၂၀၁၂ ဒီဇင်ဘာလ ၃၁ ရက်နေ့မှာ ပုံနှိပ်ထုတ်ဝေမှုကို ရပ်တန့်လိုက်မှာဖြစ်ပြီး အွန်လိုင်း မဂ္ဂဇင်းတခု အနေနဲ့သာ ဆက်လက် ရပ်တည်တော့မှာ ဖြစ်တယ်လို့ သိရပါတယ်။

လွန်ခဲ့တဲ့ ၂၀၀၅ ခုနှစ်က စပြီး မဂ္ဂဇင်းစာအုပ်ရဲ့ ရောင်းအားဟာ ပုံမှန်ရောင်းအား စာအုပ်ရေ သုံးသန်းကနေ (ငါးဆယ်ရာခိုင်နှုန်း) တသန်းခွဲကို သိသိသာသာ ကျဆင်းလာတယ်… ကြော်ငြာစာမျက်နှာတွေဟာလည်း ၈၀ ရာခိုင်နှုန်းကျော်အထိ ကျဆင်းသွားပြီး နှစ်စဉ် အရှုံးနဲ့ ရင်ဆိုင်နေရတယ် လို့ သိရပါတယ်။ ဒါတွေအပြင် ပုံနှိပ် ထုတ်ဝေရာမှာ ကုန်ကျစရိတ်၊ ဖြန့်ဝေတဲ့ အခါ ကုန်ကျရတဲ့ စရိတ်တွေကလည်း တဖြည်းဖြည်းနဲ့ ကြီးမြင့်လာတာကြောင့် အခုလို ဆုံးဖြတ်ရခြင်းဖြစ်တယ်လို့ တာဝန်ရှိသူများက ဆိုပါတယ်။

သို့သော် အခုလို ပုံနှိပ်ကနေ အွန်လိုင်းကို အပြောင်းအလဲမှာ ပုံနှိပ်ခ၊ ပို့ဆောင်ခ၊ ဖြန့်ဖြူးခ အစရှိတဲ့ စရိတ်တွေက သက်သာသွားမှာ ဖြစ်သလို တဖက်က ကြော်ငြာစာမျက်နှာတွေဆီက ရနေတဲ့ ပုံမှန်ဝင်ငွေတွေကတော့ လျော့နည်းသွားမှာ ဖြစ်ပါတယ်။

ဒါကတော့ ၁၉၃၃ ဖေဖေါ်ဝါရီလ ၁၇ ရက်မှာ ပထမဆုံး ထုတ်ဝေတဲ့ စာစောင်နဲ့ ၂၀၁၂ ခုနှစ် ဒီဇင်ဘာလ ၃၁ ရက်နေ့ နေ့စွဲနဲ့ ထုတ်ဝေလိုက်တဲ့ နောက်ဆုံး ပုံနှိပ် စာစောင်ဖြစ်ပါတယ်။ နောက်ဆုံးစာစောင်မှာ Manhattan Headquarters ပုံကို အဖြူ အမည်း နှစ်ရောင်နဲ့ မျက်နှာဖုံး ပြုလုပ်ထားပြီး #LAST PRINT ISSUE ဆိုတဲ့ စာလုံးမှာ PRINT ဆိုတဲ့ စာလုံးကို အနီရောင်နဲ့ ရေးထားတာ တွေ့ရမှာပါ။

ဒီလို ပုံနှိပ်မဂ္ဂဇင်းကနေ အွန်လိုင်းကို ပြောင်းလဲထုတ်ဝေလိုက်တဲ့ အဖြစ်ကို Newsweek မဂ္ဂဇင်းရဲ့ အယ်ဒီတာဟောင်း ဖြစ်သူ Mr. Brown က နောက်ဆုံးထုတ် စာအုပ် မျက်နှာဖုံးနဲ့အတူ Bitter Sweet, Wish us Luck လို့ သူ့ရဲ့ တွစ်တာ အကောင့်မှာ ရေးသားခဲ့ပါတယ်…။

ပုံနှိပ်တွေ တိမ်ကောလာပြီး အွန်လိုင်း ဒစ်ဂျစ်တယ်လ် စာပေတွေ ပိုထွန်းကားလာတာဟာ ကောင်းတယ် ဆိုးတယ် ပြောဖို့ တကယ်ကိုပဲ ခက်လှပါတယ်။ အဲဒီအကြောင်းနဲ့ ဆက်စပ်လို့ စကာင်္ပူမှာ နာမည်ကြီး စာအုပ်ဆိုင်တွေ တဆိုင်ပြီး တဆိုင် ပိတ်ကုန်ကြတဲ့ အကြောင်းကို စာအုပ်စာပေ လူ့မိတ်ဆွေ ဆိုပြီး ပိုစ့်တခု ရေးဖြစ်ခဲ့ပါသေးတယ်။

စာအုပ်ဆိုင်တွေ ပိတ်ရခြင်းရဲ့ အဓိကကျတဲ့ အချက်က စာအုပ်တွေ ရောင်းအားကျလာလို့ ဆိုတော့ ဘာဖြစ်လို့ အဲဒီလို ရောင်းအားကျရတာလဲ ဆိုတာ စဉ်းစားစရာပါ။ လူအများစုဟာ စာမဖတ်ကြတော့တာ မဖြစ်နိုင်ပဲ စာဖတ်သူတွေဟာ စာအုပ်တွေကို အပိုင်ဝယ်မဖတ်ကြတော့လို့ ဆိုတာက ပိုဖြစ်နိုင်ပါတယ်။ ပြောရရင် ဒီခေတ်မှာ စာအုပ်တွေရဲ့ ဈေးနှုန်းကလည်း သေးမှ မသေးတော့တာကိုး…။ နောက်တခုက ကွန်ပျူတာကတဆင့် ဖတ်လို့ရတဲ့ E Book ယဉ်ကျေးမှုတွေ ထွန်းကားလာပြီး သွားရင်းလာရင်း အလွယ်တကူ သယ်ယူပြီး နေရာမရွေး ကိုင်ဖတ်သွားလို့ရတဲ့… စာအုပ်ပေါင်း မြောက်များစွာ သိုမှီး သိမ်းဆည်းထားလို့ရတဲ့… iPad တို့ Kindle တို့လို ပစ္စည်းတွေကြောင့်လည်း ပုံနှိပ်စာအုပ်တွေရဲ့ ရောင်းအား ကျဆင်းလာတာ ဖြစ်နိုင်ပါသေးတယ်…။

ဘာပဲ ပြောပြော စာဖတ်လိုတဲ့သူတွေကတော့ ပုံနှိပ်ပဲ ဖြစ်ဖြစ် အွန်လိုင်းက ဒစ်ဂျစ်တယ်လ်တွေကိုပဲ ဖြစ်ဖြစ် အလျဉ်းသင့်သလို ဖတ်ရှုနေကြအုံးမှာလို့ ယုံကြည်ပါတယ်။ စိတ်ဝင်စားရင်တော့ Newsweek ရဲ့ နောက်ဆုံး ပုံနှိပ်မဂ္ဂဇင်းကို အမှတ်တရ ၀ယ်ပြီး သိမ်းထားဖို့ တိုက်တွန်းလိုပါတယ်…။ နောင် ဆယ်နှစ် (သုို့မဟုတ်) အနှစ် နှစ်ဆယ်လောက် ကြာလာတဲ့ အခါမှာ ဒါတွေဟာ အလွန် ရှားပါးပြီး အဖိုးတန်တဲ့အရာတွေ ဖြစ်ချင် ဖြစ်နေမှာ…



ဒါကတော့ အိမ်မှာ သိမ်းထားဖို့ တနေ့က သွားဝယ်လာတဲ့ Last Print Issue ပါ…။ အမျိုးသားက သူ့စိတ်ကူးနဲ့ သူ ဘောင်သွင်းထားတာ ဖြစ်ပြီး ကျွန်မအတွက်ကတော့ အဆင်သင့်လေး ဓါတ်ပုံရိုက်ဖို့ ဖြစ်လာပါတယ်…း))

မှတ်ချက် - ၂၀၁၃ မတ်လ - Look Magazine တွင် ဖေါ်ပြပြီး ဖြစ်သည်။

ပုဒ်မ / မ ချ ဖြစ် တဲ့ / ညနေ // မှ // ပုဒ်မ / ချ ဖြစ် တဲ့ / ညနေ သို့

တကယ်တော့ အဲဒီ ညနေဟာ ပုဒ်မ // မ ချ ဖြစ် တဲ့ // ညနေ တခုသာ ဖြစ်တယ် //
စာတကြောင်းရဲ့ အဆုံးသတ်မှာ ပုဒ်မတခု ချပေးဖို့ သေသေချာချာ လို အပ် မှန်း သိပေမယ့် /
အဲဒီညနေက ရေးသမျှ စာကြောင်းတိုင်းမှာ / ပုဒ်မ မချဖြစ်ခဲ့ဘူး //
အမှန် တကယ် မေ့လျော့နေလို့ပဲ ဖြစ်စေ / တမင် မေ့ချင်ယောင် ဆောင်နေရင်းပဲဖြစ်စေ /
အဲဒီညနေမှာ ပုဒ်မ မချဖြစ်ခဲ့ဘူး //
မလိုအပ်လို့ပဲ ဖြစ်စေ / မှားယွင်းလိုလို့ပဲ ဖြစ်စေ / အဲဒီညနေမှာ ပုဒ်မ မချဖြစ်ခဲ့ဘူး //

တယောက်ရဲ့ အပြုံးကို တယောက်က တသက်စာ အမိအရ သိမ်းဆည်းထားဖို့ ကြိုးစားတဲ့ / အဲဒီညနေမှာ ပုဒ်မ မချဖြစ်ခဲ့ဘူး //
တိမ်တွေ ပျံလာတာကို မော့ကြည့်ပြီး သံစဉ် စာသား မရေရာတဲ့ သီချင်းတပုဒ်ကို ဆိုညည်းမိတဲ့ / အဲဒီညနေမှာ ပုဒ်မ မချဖြစ်ခဲ့ဘူး //
ဟိုး စင်္ကြ၀ဠာအဆုံးအထိ စိတ်ကူးအတွေးတွေ ဖြန့်ကျက်ရင်း ကာရန်မညီညာတဲ့ ကဗျာတပုဒ်ကို ရေးစပ်မိတဲ့ /
အဲဒီညနေမှာ ပုဒ်မ မချဖြစ်ခဲ့ဘူး //
တကယ်က အဲဒီညနေမှာ ပုဒ်မတွေဟာ အနီးအနားမှာပဲ ပျောက်ချင်းမလှ ပျောက်ဆုံးနေခဲ့တာ //
သတိရလို့ လိုက် ရှာ ကြည့် ပြန်တော့လည်း တွေ့ရသမျှ ပုဒ်မတွေဟာ ပုဒ်မ မပီသခဲ့ဘူး //

ကြည့်ပါအုံး - - -
သည်းကြီးမဲကြီး ရွာနေတဲ့ ဒီဇင်ဘာရဲ့ မိုးစက်တွေအောက်မှာ မိုးစိုရင်း တွန့်လိမ်နေတဲ့ ပုဒ်မတခု /
စီတန်း ချိတ်ဆွဲထားတဲ့ ခရစ်စမတ် ကြယ်မီးပုံး ရောင်စုံတွေအောက်မှာ ဆေးသားပျက် အရောင်မှိန်နေတဲ့ ပုဒ်မတခု /
စည်စည်ကားကား ပွဲတော်ကြားမှာ ပိတ်မိရင်း လမ်းပျောက်နေတဲ့ ပုဒ်မတခု /
ဟိုး ရှေ့နားက သစ်တောအုပ် စိမ်းစိမ်းလေးထဲမှာ တိတ်တဆိတ် ငုံ့လျှိုး ပုန်းကွယ်နေတဲ့ ပုဒ်မတခု /
မီးမှိန်မှိန် အခန်းကျဉ်းလေးထဲမှာ အသက်ရှူ မ ၀ တ ၀နဲ့ အကျဉ်းကျနေတဲ့ ပုဒ်မတခု /
မနာလို ၀န်တိုသူတွေရဲ့ လက်ထဲမှာ မောက်မာ ၀ံ့ကြွားနေတဲ့ ပုဒ်မတခု /
ရထား သံလမ်းနဲ့ ရထားဘီးတို့ ပွတ်တိုက်သံတွေ ကြားမှာ ညပ် ပါ ကျိုး ပဲ့နေတဲ့ ပုဒ်မတခု /
ကမ်းစပ် တနေရာက မြက်ရိုင်းပင်ရှည်တွေကြားမှာ နွံ နစ် ညစ်ထေးနေတဲ့ ပုဒ်မ တခု /
ပစ္စည်း အဟောင်း - သတင်းစာ အဟောင်း - နာရီ အဟောင်း - ကာလ အဟောင်း - ဒေသ အဟောင်း - အဟောင်းတကာ့ အဟောင်း အနွမ်းတွေကြားမှာ / အင်္ဂါမစုံတော့တဲ့ ပုဒ်မတွေ / ပုဒ်မရယ်လို့ မပီပြင်တော့တဲ့ ပုဒ်မတွေ / ဟို တ ခု ဒီ တ ခု / နေ ရာ အ နှံ့ ပျံ့ ကျဲ လို့ //

နောက်ဆုံးမှာ မဖြစ်မနေ ပုဒ်မ ချရမယ့် ညနေ တခုကို ရောက်လာခဲ့တယ် //
ချစရာ ပုဒ်မ ရှာမတွေ့လို့ ကြံရာမရတဲ့အဆုံး ဆုံမှတ်မရှိ ဖြောင့်တန်း ယှဉ်ပြိုင်နေတဲ့ မျဉ်းပြိုင် လှလှ နှစ်ကြောင်းကို လိုက်ရှာခဲ့တယ် // ဘူတာရုံရှေ့မှာ တွေ့တယ် //
ရထားတွေ မလာသေးခင် အချိန်မှာ / သို့မဟုတ် / ရထားတွေ ခုတ်မောင်းသွားပြီးတဲ့ အချိန်မှာ / တိတ်တဆိတ် / သယ်ယူလာပြီး ပုဒ်မနေရာမှာ အစားထိုးလိုက်တယ် //

မကြာခင်အချိန် အတွင်းမှာပဲ / ညနေဟာ / မဆုံးနိုင်အောင် ရှည်လျားလှတဲ့ ပုဒ်မ အကြီးကြီးတချောင်းနဲ့ အတူ /
ပိတ် ဆည်း ဆွံ့ အ မှောင် မိုက် ရင်း / နိဂုံးချုပ် သွားတော့တယ် //
ဟုတ်တယ် / ဒီညနေဟာ ပုဒ်မ // ချ ဖြစ် တဲ့ // ညနေပဲ //

အိမ်နီးချင်းအကြောင်း သိကောင်းစရာ

မပြောချင်ဘူး… မပြောချင်ဘူး… ပြောကို မပြောချင်ဘူး… ဆိုတာ တကယ်တော့ ပြောကို ပြောချင်လွန်းလို့ အစပြုလာတဲ့ စကားပဲ…။ ခက်တာက မပြောပဲ နေလို့ရရင် ဘယ်သူက လေအကုန်ခံပြီး ပြောချင်မလဲ… ဒါပေမယ့် အခုလို မပြောလိုက်ရ မချင်း စိတ်ထဲ တနုံ့နုံ့နဲ့… နေလို့လည်း တယ်မကောင်းလှဘူး…။ ဒါကြောင့် ပြောမှပဲ ဖြစ်တော့မယ်ဗျာ…

ဒီလိုဗျ…
ကျွန်တော်တို့မှာ အိမ်နီးချင်း မိတ်ဆွေ မိသားစုတစုရှိတယ်…။ မိသားစုချင်း အတော်အတန် ခင်မင်ကြတယ် ဆိုပါတော့…။ အဓိကကတော့ အမျိုးသမီးချင်း ခင်မင်နေကြတာပါ…။ အိမ်ချင်းကလည်း နီးတော့ အမျိုးသမီးချင်းသာမက… ကလေးတွေ အချင်းချင်းလည်း အဖေါ် အလှော်တွေရလို့… ဒီတော့ အမျိုးသမီးနှစ်ယောက်ကလည်း နေ့လည်နေ့ခင်း ကလေး ကျောင်းကြို ကျောင်းပို့၊ ကျူရှင် ကြို ပို့… ဈေးသွား စသည်ဖြင့် တနေ့ တနေ့ တတွဲတွဲနဲ့…။ ဘယ်နေရာမှာ ဘာတွေ ဈေးလျှော့နေပဟ… ဆိုလည်း သူတို့နှစ်ယောက်ပဲ အပြေးကလေး သွားကြတယ်…။ ဒီမှာရှိတဲ့ ဘုန်းကြီးကျောင်းက ကထိန်တို့ ၀ါဆိုတို့ ဘာညာတွေ တရားပွဲတွေလည်း အတူတူ သွားကြတယ်။ ကလေးတွေ ကစားကွင်းပို့ရင်းလည်း မိုးတိုးမတ်တပ် စကားတွေ တဖေါင်ဖေါင်နဲ့ အဆင်ပြေနေတာ သူတို့ နှစ်ယောက်ပဲ…။ ဟိုတလောက ဒီမှာ လာသွားတဲ့ အိုင်စီရှိုးတောင် သူတို့နှစ်ယောက် အတူတူ သွားကြပါသေးရော…။ ကျွန်တော်လည်း ကိုယ်တိုင်က ၀ါသနာမပါလေတော့ ကလေးထိန်းရင်း စာတအုပ်နဲ့ အိမ်မှာ နေကျန်ခဲ့တယ်…။ အဆင်ပြေပြေပါပဲ….

အဲ… သူ့ အမျိုးသားကတော့ ခပ်ရိုးရိုး ခပ်အေးအေးထဲကပါ… ကျွန်တော်နဲ့ တခါတလေတွေ့လည်း ဟိုအကြောင်း ဒီအကြောင်း အလ္လာပ သလ္လာပ အနည်းငယ်ကလွဲလို့ ပြောစရာ တယ်မရှိလှဘူး…။

ကျွန်တော့ မိန်းမကတော့ ပြောပြလေ့ရှိတယ်…။ အိမ်နီးချင်း အမျိုးသမီး စိတ်ကောင်းရှိကြောင်း၊ ကူညီတတ်ကြောင်း၊ ငွေကြေး ပြည့်စုံကြောင်း၊ အလှူအတန်း ရက်ရောကြောင်း၊ အသုံးအစွဲ လက်ဖွာကြောင်း… စသည်ဖြင့်ပါ…။ တခါတခါ သူများဝယ်တိုင်း လိုက်ဝယ်ချင်တဲ့ အိမ်က မိန်းမကို နည်းနည်းတောင် ဘရိတ်အုပ်ရသေးတယ်…။ ဘယ့်နှယ့်ဗျာ… ဟိုမိန်းမက ပိုက်ဆံအိပ်တလုံးကို ဒေါ်လာ ထောင့်ခြောက်ရာနဲ့ အွန်လိုင်းက မှာပြီး ၀ယ်သတဲ့… ကြည့်ရတာ အားကျနေပုံပဲ… ဒါမျိုးတော့ အားမကျနဲ့ မိန်းမရေ… ကိုယ့်မှာ မွေးထားတဲ့ ကလေးတွေ ရှေ့ရေးက ရှိသေးတယ် မဟုတ်လား… ဒီခေတ်ကြီးထဲ စစ်စစ်စီစီနေနိုင်မှ တော်ရုံကျတာနော်… လို့ မသိမသာ စကားသွင်းရသေးတယ်…။

ဒီလိုနဲ့ တနေ့မှာ အိမ်က မိန်းမက စကားစ လာတယ်…။ လေသံက တမျိုးပဲ… တခုခုကို မကျေမနပ် ဖြစ်နေသလိုမျိုး…။ သူ့စကားအရ သူ့မွေးနေ့မှာ ဟိုအိမ်နီးချင်း အမျိုးသမီးက ရန်ကုန်က ပါတိတ်ဝမ်းဆက်ကို မှာပြီး လက်ဆောင်ပေးသတဲ့… ပြီးတော့ ပြောသေးတာတဲ့… မွေးနေ့အမှီ လူကြုံမရ ရအောင်ရှာပြီး တကူးတက မှာထားရတာ ဆိုပဲ…။ ဒါ ဘာဖြစ်သလဲ… မွေးနေ့လက်ဆောင်ပေးတာပဲ ဘာ ပေးပေးပေါ့… ဆိုတော့ သူက မဟုတ်ပြန်ဘူး။ ဒီမှာ အတူတူ ၀ယ် ချမ်းသွားလာနေတာပဲ လက်ဆောင်ပေးချင်းပေး ဒီက ပစ္စည်းတခုခုသာ ၀ယ်ပေးသင့်တာပေါ့တဲ့… ဒီပါတိတ်ဝမ်းဆက်ကို သူ ဒီမှာ ဘယ်လိုဝတ်မလဲ တဲ့… မိန်းမများ ခက်ပုံ…။ အိုကွာ… မင်းမ၀တ်ချင်လည်း သူများပေးချင်ပေး သိမ်းချင်လည်း သိမ်းထားလိုက်ပေါ့… လို့ စကားတိုတိုပဲ ပြန်ပြောလိုက်တယ်…။ မိန်းမလည်း မကျေမနပ်နဲ့ ဆောင့်ဆောင့် ဆို လှည့်ထွက်သွားတယ်…။ မိန်းမနှယ့်… ခက်လိုက်တာ… သူများတကာကို မကောင်းမြင်တတ်တာ လွန်ရော ဆိုတဲ့ အပြစ်တင်စကားကိုတော့ လည်ချောင်းဝမှာတင် ထားလိုက်ပါတယ်… မဟုတ်ရင် ကျွန်တော်တို့ချင်း စကားများကြရမှာလေ…။

အဲ… ဒီလိုနဲ့ နေလာလိုက်တာ တနေ့ကျတော့ မြန်မာပြည်က စာသင်ကျောင်းတကျောင်း ပြန်လည် မွမ်းမံ ပြင်ဆင်ရေးအတွက် ကုသိုလ်ပြုစရာ အလှူခံပေးဖို့ ကိစ္စပေါ်လာတယ်…။ ရန်ကုန်က လှမ်းပို့လိုက်တဲ့ အလှူခံ ဖြတ်ပိုင်းတွေ လက်ထဲရောက်လာတော့ လင်မယား နှစ်ယောက် နီးစပ်ရာ မိတ်ဆွေ သူငယ်ချင်းတွေဆီကို အလှူခံ ထွက်ကြတယ်…။ လှူကြပါတယ်… တတ်အားသရွေ့ လှူကြပါတယ်… ရေကြည်ရာ မြက်နုရာမှာ ရောက်နေကြတဲ့သူတွေအဖို့မှာက အခုလိုလေး အလှူခံမှ အဆင်တပြေနဲ့ လှူဖြစ်ကြတာ မဟုတ်လား…။ အလှူငွေတွေဟာ ထင်ထားတာထက် တော်တော်လေး ရလို့ မိန်းမကလည်း ၀မ်းတွေသာနေတယ်။ ထည့်ဝင်လှူတန်းကြသူတွေကလည်း အခုလို အချိန်ကုန်ခံ လူအပင်ပန်းခံပြီး အိမ်တိုင်ရာရောက် အလှူခံ ဖြတ်ပိုင်းတအုပ်နဲ့ အလှူလိုက်ခံပေးတဲ့ ကျွန်တော်တို့ ဇနီးမောင်နှံကို တပြုံးပြုံးနဲ့ သဘောတွေ ကျလို့ပေါ့…။

ဒီလိုနဲ့ ဟို အိမ်နီးချင်း မိသားစုဆီ အလှူခံဖို့ ရောက်တော့… အကျိုးအကြောင်း ပြောပြအပြီးမှာ အမျိုးသမီးက အင်း အဲ နဲ့… အိမ်ခန်းထဲ ၀င်သွားပြီး အတော်လေးကြာမှ ပြန်ထွက်လာတယ်…။ သူ့လက်ထဲမတော့ မြန်မာငွေစက္ကူ တထပ်နဲ့…။ ကျွန်တော်တို့လည်း ရုတ်တရက်တော့ အံ့သြသွားတာဗျာ…။ ဒါပေမယ်လည်း ဟန်မပျက်ပဲ အလှူငွေတွေ လက်ခံပါတယ်…။ ဗျာ… ဘယ်လောက်လှူလိုက်တာလဲ… ဟုတ်လား… ဟုတ်ကဲ့ခင်ဗျာ… မြန်မာငွေ ကျပ် ငါးထောင်တိတိပါ…။ တထောင်တန် လေးရွက်ရယ် ကျန်တာတွေကတော့ ရာတန်တချို့နဲ့ ငါးဆယ်တန် ခပ်နွမ်းနွမ်းလေးတွေတောင် ပါသေးသဗျ…။ ငွေလက်ခံဖြတ်ပိုင်း ရေးမယ့်ဟန်ပြင်နေတဲ့ မိန်းမ လက် နည်းနည်း တွန့်သွားတာ မြင်လိုက်တယ်…။ သူ့ကြည့်ပြီး ကျွန်တော်လည်း နည်းနည်း ရယ်ချင်သွားတယ်… ဒါပေမယ့် သူ ရေးနေတာကို ကျွန်တော် သေသေချာချာ ကြည့်နေလိုက်တယ်… တော်ကြာ ရေးရင်းနဲ့ လက်က အရင် ရေးနေကျအတိုင်း စကာင်္ပူဒေါ်လာ ငါးထောင် တိတိ ဆိုမှဖြင့် ကျွန်တော်တို့ အကျိုးနည်းရချည်ရဲ့ဗျာ…။

အခုတလော ကျွန်တော်လည်း ရုံးမှာ အလုပ်များနေလို့ ကျန်တဲ့ အိမ်ကိစ္စ ကလေး ကိစ္စတွေ လှည့်မကြည့်ဖြစ်ဘူး။ မိန်းမကလည်း အလိုက်တသိနဲ့ အနှောက်အယှက် မပေးဘူး… ပြောရရင် ပူညံပူညံ သိပ်မလုပ်ဖူးပေါ့ဗျာ…။ ဒါပေမယ့် တနေ့မှာ ကလေးတွေကို ကျူရှင်သင်ပေးတဲ့ ဆရာမ ကို သီတင်းကျွတ် ကန်တော့စရာ လက်ဆောင်ဝယ်ချင်လို့ အားတဲ့ တနေ့ Shopping Center တခုကို လိုက်ပို့ပေးပါလားလို့ မိန်းမက စကားစလာတယ်…။ အဲ… စကားကြုံလို့ ပြောရရင် အဲဒီဆရာမက မြန်မာပြည်မှာ တကယ် ဆရာမလုပ်လာတဲ့ ကျောင်းဆရာမအစစ်ဗျ… ကလေးတွေအပေါ် စေတနာလည်းရှိတယ် စာသင်လည်း သိပ်ကောင်းတယ်… ဒီတော့လည်း မြန်မာ့ရိုးရာ ထုံးထမ်းစဉ်လာနဲ့ အညီ သီတင်းကျွတ်မှာ ကန်တော့တယ်ဆိုတာ ဖြစ်သင့်တဲ့ ကိစ္စတခုပေပဲ…။ ခါတိုင်းတော့ ဒီကိစ္စတွေ ကျွန်တော်တောင် မသိလိုက်ရပဲ သူရယ် ဟို အိမ်နီးချင်း မိန်းမရယ် အတူတူ ဆောင်ရွက်နေကျဗျ…။ အခုမှ ထူးထူးဆန်းဆန်း… ဒါပေမယ့် ကျွန်တော် ဘာမှ မမေးလိုက်ပါဘူး… သောကြာနေ့ ညနေ ရုံးဆင်းရင် လိုက်ပို့မယ်လို့ ပြောလိုက်တယ်…။

ဆရာမအတွက် မိန်းမက ပုဝါ တထည် ၀ယ်တာတွေ့တယ်။ ပြီးတော့ လက်ပွေ့အိပ် ကြီးကြီးတလုံး ၀ယ်တယ်…။ နောက်တော့ ထုံးစံအတိုင်း ကော်ဖီမှုန့် ဘီစကစ် စတဲ့ စားဖွယ်သောက်ရာ အချို့…။ ဈေးဝယ်ပြီး အပြန်လမ်းမှာ မိန်းမက ပြောတယ်… ဟိုအမျိုးသမီးက သူ့ကို မွေးနေ့လက်ဆောင်ပေးသလိုပဲ ကလေးတွေ ဆရာမကို သီတင်းကျွတ်မှာ ကန်တော့ဖို့ ရန်ကုန်ကနေ ပါတိတ် လှမ်းမှာ ထားပြီးသားတဲ့…။ အဲဒီ ပါတိတ်အပြင် သူ့အိမ်မှာရှိတဲ့ မုန့်ဟင်းခါးထုပ်တို့ လဖက် နဲ့ အကြော်စုံတို့ပါ ပါမှာတဲ့…။ ဒီကိစ္စနဲ့ ပတ်သက်လို့ ကျွန်တော့အနေနဲ့ ဘာမှ ပြောစရာ မရှိပါဘူး… ဒါပေမယ့် ဟိုတခါ အလှူခံတုန်းက ထည့်လွှတ်လိုက်တဲ့ မြန်မာငွေ ကျပ် ငါးထောင်ကို သတိရသွားတော့ စိတ်ထဲ နည်းနည်း တမျိုးဖြစ်သွားတယ်…။

ကလေးတွေ ကျောင်းပိတ်ရက်ရောက်ခါနီးပြီ…။ ဒီနှစ်တော့ ကျွန်တော်တို့ မြန်မာပြည် မပြန်ပဲ ကလေးတွေကို နီးနီးနားနား ယိုးဒယားဖြစ်ဖြစ် မလေးရှုားဖြစ်ဖြစ် အလည်အပတ် ပို့မလား တွေးထားတယ်။ အဲ… တမနက် ရုံးသွားခါနီး အ၀တ်လဲနေတုံးမှာ မိန်းမက လာပြောတယ်…။ ဒီကျောင်းပိတ်ရက်မှာ ဟို အိမ်နီးချင်း မိသားစု မြန်မာပြည် ပြန်ကြလိမ့်မယ်တဲ့…။ မပြန်ခင် အိမ်မှာ ထမင်းလာစားပါလို့လည်း ဖိတ်ကြားသတဲ့…။ အေးလေ… ဒါဆိုလည်း သွားစားကြတာပေါ့… မင်းတို့ အဆင်ပြေမယ့်ရက်သာ ချိန်းလိုက်ပါလို့ ပြောပြီး ရုံးကို ထွက်လာခဲ့တယ်…။

ထမင်းစားဖိတ်တဲ့နေ့မှာ မိန်းမက အဲဒီအိမ်ကို ယူသွားစရာ မုန့်ပဲ သွားရည်စာတွေ အချိုရည်တွေကို ပြင်ဆင်လို့…။ တိုတိုပြောရရင် စနေနေ့ တညနေမှာ သူတို့အိမ်က ဖိတ်တဲ့ ထမင်းဝိုင်းကို ရောက်သွားရော ဆိုကြပါစို့ဗျာ…။

ဟား… ထမင်းဝိုင်းမှာ ဟင်းခွက်တွေက အများကြီးပါပဲ…။ ဒါနဲ့ တခုချင်းစီကို အသာ စေ့ငုကြည့်လိုက်တယ်…။ ကုလားပဲနဲ့ ကြာဆံဟင်း၊ ငါးရံ့ခြောက်ဖုတ် ဆီဆမ်း၊ ဆတ်သားခြောက်ဖုတ် ဆီဆမ်း၊ သရက်သီး သနပ်က အစိမ်းသနပ် တမျိုး အချိုသနပ်က တမျိုး နှစ်မျိုးဗျ…။ ပြီးတော့ ဘာလချောင်ကြော်လို့ ခေါ်ကြတဲ့ ငါးပိကြော်… နောက်ဗူးသေးသေးလေးတခုထဲကဟာက ငါးပိထောင်း ထင်တယ်…။ နောက်ပြီး ၀က်အူချောင်းကြော်… ဟင်းတွေကြည့်ပြီး ကျွန်တော့စိတ်ထဲ တမျိုးဖြစ်လာလို့ မိန်းမကို လှမ်းကြည့်လိုက်တော့ မိန်းမမျက်နှာလည်း သိပ်မကောင်းဘူးဗျ…။ အိမ်ရှင်အမျိုးသမီးကတော့ ပါးစပ်ကလည်း ရွှန်းရွှန်းတွေ ဝေလို့… လက်ကလည်း ဟင်းတွေကို ကျွန်တော်တို့ ပန်းကန်တွေထဲ ခပ်ထည့်ပေးနေတယ်။

ထမင်းပန်းကန်ထဲ ဆမ်းထည့်ထားတဲ့ ပဲဟင်းနဲ့ ထမင်းကို နယ်လိုက်တော့ နှာခေါင်းထဲ အောက်သိုးသိုးအနံ့လို အနံ့တမျိုး ရလာတယ်…။ စိတ်ထင်လို့ ဖြစ်မှာပါလေ ဆိုပြီး ဆက်စားတယ်… ၀က်အူချောင်းတဖတ်ကို ကိုက်လိုက်တဲ့အခါ ဆီချေးနံ့က ထောင်းကနဲပဲ…။ မျိုမချနိုင်လို့ အသာ ပြန်ထုတ်ပြီး အိမ်ရှင် အမျိုးသမီး အလစ်မှာ ထမင်းတချို့နဲ့ ဖုံးပြီး ပန်းကန်ဘေးမှာ ပုံထားလိုက်ရတယ်…။ ဒါဆိုလည်း ငါးပိကြာ်လေးနဲ့ပဲ ထမင်း တလုပ် နှစ်လုပ်ဝင်အောင် ဆက်စားလိုက်ပါမယ်လေ လို့ အားနာနာနဲ့ ငါးပိကြော် တဇွန်း ခပ်ယူလိုက်တယ်…။ ကြက်သွန်ဖြူကြော် အ၀ိုင်းလေးတွေနဲ့ ငါးပိကြော်ကတော့ အဆင်ပြေလောက်မှာပါ လို့ တွေးပြီး ပါးစပ်ထဲ အထည့်… အခုနကလိုပဲ ဆီချေးနံ့လိုလို ဟောင်းနေတဲ့ အောက်သိုးသိုး အနံ့မျိုး ရလာပြန်တယ်…။ ပြီးတော့ ကြက်သွန်ဖြူကြော်တွေရဲ့ ပျဉ်းတွဲတွဲ စေးကပ်ကပ် အထိအတွေ့…။ အဲဒါတွေကို ဘယ်လိုမှ မျိုချလို့ မရပဲ ဒုက္ခနဲ့ လှလှနဲ့ တွေ့နေတုန်း အိမ်ရှင်အမျိုးသမီးရဲ့ လက်ကိုင်ဖုန်းက အသံမြည်လာလို့ ဖုန်းသွားပြောချိန်နဲ့ အံကိုက်မှာ တိုင်ပင်ထားသလိုပဲ… ကျွန်တော်တို့ လင်မယားနှစ်ယောက်စလုံး ထမင်းပန်းကန် ကိုယ်စီကိုင်ပြီး ထမင်းဝိုင်းကနေ ပြိုင်တူ ဆတ်ကနဲ ထလိုက်ကြတယ်…။ အဲ… အိမ်ရှင်အမျိုးသားကတော့ ခပ်အေးအေးပဲ ဘာမှ မဖြစ်သလိုပဲ ထမင်းတွေ ဆက်စားနေတာတွေ့တော့ ကျွန်တော်ဖြင့် အံ့သြလို့ကို မဆုံးဘူး…။

သွန်စရာရှိတာတွေကို တွေ့တဲ့ အမှိုက်ပုံးထဲ ကဗျာကရာ သွန်ထည့်ပြီး အိမ်ရှင် အမျိုးသမီး ထမင်းဝိုင်းနား ပြန်မ၀င်လာခင်မှာပဲ ထမင်းစားခြင်းအမှုကို ခပ်မြန်မြန် လက်စသတ်လိုက်ကြတယ်။

ပြောလက်စနဲ့ ဆက်ပြောရရင် ထမင်းစားအပြီး ရေနွေးကြမ်းဝိုင်းမှာကလည်း မာဆတ်ဆတ် အေးစက်စက် ကောက်ညှင်းရွှေကြည်၊ ပြီးတော့ ပျော့တွဲတွဲ အကြော်စုံရယ် ညစ်ထပ်ထပ် အရောင်အဆင်းရှိတဲ့ ပုဇွန်ခြောက်ရယ်နဲ့ ရောနှောထားတဲ့ လဖက်သုပ်… ဒါတောင် အိမ်ရှင် အမျိုးသမီးက ပြောသေးသဗျာ… ဒါ ရွှေပုဇွန်ခြောက်တဲ့… အရသာက သိပ်ချို သိပ်ကောင်း ဆိုပဲ…။ ကျွန်တော်တို့ လင်မယားနှစ်ယောက်လည်း ရေနွေးကြမ်းပူပူတွေပဲ ဖိသောက်ပြီး ပြန်မယ်အလုပ်မှာ အိမ်ရှင် အမျိုးသမီးက စကားစလာတယ်…။

တခြားတော့ မဟုတ်ပါဘူး…. သူတို့ ခရီးသွားနေတဲ့ အချိန် တလခွဲအတွင်းမှာ သူတို့ အိမ်က အလှမွေးငါးတွေကို အစာကျွေးပေးဖို့ ငါးကန်ကို ကျွန်တော်တို့အိမ်ကို ရွှေ့ထားချင်ပါသတဲ့ ခင်ဗျ…။ ပြီးတော့ ငါးတွေဟာ အဖိုးတန် ငါးတွေ ဖြစ်တဲ့အတွက် ငါးကန်အတွက် မီးချောင်းကို နှစ်ဆယ့်လေးနာရီ ထွန်းထားပေးရပါမယ် တဲ့… အဲ… ငါးစာကိုတော့ သူတို့ အသင့်ဝယ်ထားပါသတဲ့… အကယ်၍များ ငါးစာ ကုန်သွားခဲ့သည်ရှိသော် တိုက်နံပါတ် --- အောက်က ငါးဆိုင်မှာ စေတနာလျောက် ၀ယ်ယူ ကျွေးမွေးထားနိုင်ပါတယ်တဲ့ ခင်ဗျ…

ကိုင်း… ကောင်းကြသေးရဲ့လားဗျာ…
လက်စသတ်တော့ ကျွန်တော်တို့ကို ညစာ ထမင်းဖိတ်ကျွေးတာ အဲဒါကြောင့်ကိုး လို့ အခုမှ သဘောပေါက်သွားတယ်…။ ကျွန်တော်တို့လည်း မကြာသေးခင်လေးကမှ ကြိတ်မှိတ်မျိုချထားခဲ့ရတဲ့ အောက်သိုးသိုး ထမင်းလုပ်တချို့ရယ် လက်ထဲကိုင်ထားတဲ့ သောက်လက်စ ရေနွေးကြမ်းခွက်ရယ်နဲ့ ငြင်းရတခက် ယူရတခက်နဲ့ လက်ပူးလက်ကြပ်ကြီးတွေကို ဖြစ်လို့ဗျာ…။

အိမ်ရှင်အမျိုးသမီးကတော့ ကျွန်တော်တို့ မငြင်းလောက်ဖူးဆိုတာ အပိုင်တွက်ထားပုံပဲ…။ သူ့ယောက်ျားကို "မောင်ရေ… ကို--- နဲ့ မ--- တို့က ခင်တို့ ငါးလေးတွေကို မွေးပေးထားမယ်တဲ့… ငါးကန် ရွှေ့ဖို့ ပြင်ပါအုံး… လောလောဆယ် ငါးလေးတွေကိုတော့ ရေပုံးတခုနဲ့ သပ်သပ်ထည့်ထားကြတာပေါ့…" လို့ အသံချိုလွင်လွင်လေးနဲ့ လှမ်းပြောနေသဗျ…။ ကျွန်တော့ မိန်းမကတော့ မျက်နှာတော်တော်ပျက်နေပြီး ကျွန်တော့ကို ကုလားထိုင်အောက်ကနေ ခြေထောက်ချင်းတို့ပြီး မသိမသာ အချက်ပြတယ်…။ ကျွန်တော်လည်း ဘာပြန်ပြောရမလဲ စဉ်းစားနေတုန်းမှာ အိမ်ရှင်အမျိုးသမီးက မီးဖိုခန်းထဲကနေ ကျွတ်ကျွတ်အိတ် အထုတ်ကြီးတထုပ်ကိုင်ပြီး ထွက်လာပြန်တယ်…။ ပြီးတော့ ကျွန်တော်တို့အနားကို လာချပေးရင်း ပါးစပ်ကလည်း ဒါတွေဟာ စားသောက်ဖွယ်ရာတွေဖြစ်ပြီး ကျွန်တော်တို့အိမ်အတွက် လက်ဆောင်လို့ ရှင်းလင်း ပြောပြနေသေးတယ်…။

အိတ်ထဲကို တစွန်းတစ လှမ်းမြင်ရသလောက်ကတော့ ဖေါက်လက်စ မကြော်ရသေးတဲ့ ငါးမုန့်ကြော်ထုပ်၊ ပုန်းရည်ကြီးထုပ်၊ မြောင်းမြဒေါ်ချို မုန့်ဟင်းခါးထုပ်၊ သုံးလက်စ ငြုတ်သီးမှုန့်ထုပ်၊ ပဲကြာဆံ ဆန်ကြာဆံထုပ်တွေ၊ တ၀က်တပျက် သုံးထားတဲ့ ကုလားပဲ၊ မွှေး ပဲမှုန့်အကျက်…။ ဒါတင်မကသေးဘူးဗျ… ရေခဲသေတ္တာထဲက အခုမှ ထုတ်ယူလာဟန်တူတဲ့ စိုစိစိ ပန်းသီး လေး ငါးလုံး၊ လိမ်မော်သီး သုံးလုံး၊ ကီဝီသီး တဗူးနဲ့ စပျစ်သီး ဗူးတ၀က်ခန့်တွေလည်း ပါလာသေးတယ်…။ ဒါတွေကို အိမ်မှာ တလခွဲ ဒီတိုင်းထားပစ်ခဲ့မယ့်အစား အမှန်တကယ် စားသုံးမယ့်သူတွေရဲ့ လက်ထဲ ပေးထားခဲ့တာ ကုသိုလ်ရတာမို့ အခုလို စီစဉ်ရတာ ဖြစ်ကြောင်း… မဟုတ်လဲ အပြင်က ၀ယ်စားနေရမယ့် အတူတူ သူပေးတာကို ယူလိုက်စေချင်ကြောင်း… သူဟာ အကျွေးအမွေး အပေးအကန်းမှာ လွန်စွာ ရက်ရောသူ တယောက်ဖြစ်ကြောင်း၊ လူတဖက်သားအပေါ်မှာ အန်မတိ အင်မတန် စေတနာ သဒ္ဒါတရား ကြွယ်ဝတတ်သူတယောက်ဖြစ်ကြောင်း… စကားလုံးလှလှတွေ စီကာပတ်ကုံး ပြောနေသေးတာ…။

ကျွန်တော်တို့ လင်မယားနှစ်ယောက်လည်း တယောက်မျက်နှာ တယောက်ကြည့်ရင်း၊ ကျွန်တော်တို့ရှေ့မှာ ရောက်နေတဲ့ နည်းနည်းနောနောမဟုတ်တဲ့ လက်ဆောင်ထုပ် ဆိုတာကြီးကို ကြည့်ရင်း ငြင်းစရာ စကားလုံး ရှာမရဖြစ်နေတယ်… ခက်ပုံ ခက်နည်းက ဟင်းပွဲပေါင်းများစွာနဲ့ ထမင်းဝိုင်းကြီးကလည်း ကျွန်တော်တို့ရှေ့မှာ လောလောလတ်လတ်ကြီး ရှိနေသေး… ပြီးတော့ လက်ထဲမှာ ကိုင်ထားတဲ့ သောက်လက်စ ရေနွေးကြမ်းပန်းကန်… တလုပ်စားဖူး သူ့ကျေးဇူးဆိုတဲ့ မြန်မာစကားပုံ… ဘယ်ကစလို့ ဘာစကား ပြန်ပြောရမှန်းမသိပဲ မျက်နှာတွေ ခပ်ပျက်ပျက်နဲ့ အိုးတိုး အမ်းတမ်းကြီးတွေကို ဖြစ်ရော….

အေးဗျာ… ဒီလိုနဲ့ နောက်ဆုံးမှာတော့ တပေခွဲလောက်ရှိတဲ့ မီးချောင်း နှစ်ချောင်းပါဝင်တဲ့ ငါးကန်ကြီး… ဟိုလက်ဆောင်ထုပ်ကြီးနဲ့ အတူ ကျွန်တော်တို့ အိမ်ရောက်လာပါလေရော…။ သူတို့လင်မယားက ငါးကန်ကြီးနဲ့ စင်ကို တကြိမ်၊ ငါးတွေ ထည့်ထားတဲ့ ရေပုံးနဲ့ ငါးစာတွေ၊ ငါးကန်မှာ ဆင်ရတဲ့ Filter တွေနဲ့အတူ အစောက ပြောခဲ့တဲ့ လက်ဆောင်ထုပ်ကြီးရယ်ကို တကြိမ် အိမ်အရောက် လိုက်ပို့ပေးသွားသဗျ…။



သူတို့လင်မယား ပြန်သွားကြပြီး ကလေးတွေကတော့ အဖေ အမေတွေရဲ့ အရိပ်အကဲကို နည်းနည်းမှ သတိထားမိကြပုံ မပေါ်ဘူး၊ ကစားစရာ အသစ်တခုရသလိုပဲ… ငါးကန်ဘေးမှာ ၀ိုင်းနေကြရင်း ငါးစာကျွေးဖို့ သူ့အလှည့် ကိုယ့်အလှည့် ငြင်းခုံ လုယက်ပြီး အချိန်ခွဲနေကြလေရဲ့…။ ကျွန်တော်ကတော့ ငါးကန်က မီးချောင်းတွေ ၀ပ်ဘယ်လောက်ရှိလဲ… ရေသန့်တဲ့ Filter ကရော ၀ပ်ဘယ်လောက်ရှိမလဲ… တနာရီကို မီတာ ဘယ်လောက် စားမလဲ… နှစ်ဆယ့်လေးနာရီဆို ဘယ်လောက်… တလခွဲဆိုရင် ဘယ်လောက်ဖြစ်သွားမလဲ… စသည်ဖြင့် စိတ်တွက်နဲ့ အလုပ်များနေတုန်းမှာ မိန်းမကတော့ မီးဖိုခန်းထဲမှာ အခုနက လက်ဆောင်ထုပ်ထဲက ပစ္စည်းတွေကို တခုချင်း အမှိုက်ပစ်တဲ့ အပေါက်ကနေ (စိတ်ဆိုး မာန်ဆိုးနဲ့) တဒုန်းဒုန်း တဒိုင်းဒိုင်း အသံတွေ မမြည် မြည်အောင် ကြိုးစားပမ်းစားလုပ်ပြီး ပစ်ချနေလေရဲ့….

အဲ့လိုပါ…
မပြောချင်ဘူး မပြောချင်ဘူး… ပြောကို မပြောချင်ဘူး ဆိုတာ တကယ်တော့ ပြောကို ပြောချင်လွန်းလို့ အစပြုတဲ့ စကားပါဗျာ…။



မှတ်ချက် - ၂၀၁၃ ဧပြီလ - စတိုင်သစ် (New Style) Magazine တွင် ဖေါ်ပြပြီး ဖြစ်သည်။