Tuesday, March 31, 2009

ဝါသနာ

သူငယ်ချင်း တန်ခူး (လေနုအေး) Tag ထားတဲ့ ဝါသနာလေးများ ကို ရေးဖို့ တော်တော် စဉ်းစားရပါတယ်။ စဉ်းစားနေရတယ်ဆိုလို့ ဘာမှ ဝါသနာမပါဘူးလား လို့ မေးစရာ အကြောင်း ရှိလာတာပေါ့နော်။ အင်း… ကိုယ်လဲ လူတွေထဲက သာမန်လူတစ်ယောက်ပဲ၊ ဝါသနာတွေကတော့ ရှိတာပေါ့လေ…။ သို့သော် ပထမဆုံး ကိုယ်စဉ်းစားမိတာကတော့ ဝါသနာ ဆိုတဲ့ စကားလုံးရဲ့ အနက် အဓိပ္ပါယ်ကိုပါ။

ဝါသနာ ဆိုတာ ဘာလဲ…
လွယ်လွယ်ကူကူပြောရရင် ဝါသနာ ဆိုတာ Hobby ပေါ့နော်…။ Hobby ဆိုတဲ့ စာလုံးကို Dictionary မှာရှာကြည့်လိုက်တော့ “an activity or interest pursued for pleasure or relaxation and not as a main occupation“ လို့ ရေးထားတာ တွေ့ရပါတယ်။ အဲဒါကို “ကိုယ့်ရဲ့ အဓိက အသက်မွေးဝမ်းကြောင်း မဟုတ်တဲ့၊ ကိုယ့်ရဲ့ စိတ်ကို အပန်းပြေစေတဲ့ စိတ်ဝင်စားမှုတခု” လို့ အကြမ်းဖျဉ်း ဘာသာပြန်ကြည့်ပါရစေ။

အခု လက်ရှိ ပတ်ဝန်းကျင်မှာ ရှိနေကြတဲ့ လူတွေ တော်တော်များများဟာ ကိုယ် ဝါသနာပါတာကို ကိုယ်လုပ်ချင်ကြပေမယ့် ကိစ္စများမြောင် လူတို့ဘောင် နဲ့ သမုဒ္ဒရာ ၀မ်းတထွာတွေ အတွက် လက်တွေ့ဘဝမှာ ကိုယ် တကယ် လုပ်ချင်တာတွေထက် လုပ်သင့် လုပ်ထိုက်တာတွေကိုသာ အလေးပေးနေရပြီး ကိုယ့်ဝါသနာကို သိပ်ရှေ့တန်းမတင်နိုင်ကြတာ တွေ့ရတယ်။ ဒါလဲ သဘာဝကျပါတယ်။ ကိုယ် ဝါသနာ ပါတာကိုသာ လုပ်ရရင် အောင်မြင်မှာ… အခုလုပ်နေတဲ့အလုပ်က ဝါသနာမပါလို့ မပျော်ဘူး… ဝါသနာက တခြား အခုလုပ်နေရတာက တခြား… စတဲ့ စကားတွေကိုလဲ လူတော်တော်များများဆီက ကြားကြားနေရတယ်…။ ဒါကတော့ ဝါသနာ ဆိုတဲ့ စကားလုံးရဲ့ တွင်ကျယ်ပုံ ပါ။

ဒီတော့ ဟုတ်ပါပြီ…
ကိုယ့်ရဲ့ ဝါသနာ အကြောင်းကို ပြန်ဆက်ရမယ် ဆိုရင် ကိုယ့်ရဲ့ အဓိက အသက်မွေးဝမ်းကြောင်း အလုပ် မဟုတ်တဲ့ ၊ ကိုယ့်ရဲ့ စိတ်ကို အပန်းပြေစေတဲ့ ကိုယ်နှစ်သက်တဲ့ ဝါသနာတွေဟာ ဘာတွေများပါလိမ့် လို့ သေသေချာချာ အချိန်ယူပြီး စဉ်းစားကြည့်မိပါတယ်။ ဒီအခါမှာ သိပ်များများစားစား မရှိလှတဲ့ ကိုယ့်ရဲ့ အားလပ်ချိန်တွေမှာ ကိုယ် ဘယ်အရာတွေကို တစိုက်မတ်မတ် လုပ်ဖြစ်ပါလိမ့် ဆိုတာကို အရင် စဉ်းစားဖို့ ဖြစ်လာပါတယ်။

* * * * * *

ငယ်ငယ်ကထဲက အားလပ်ချိန်တွေတိုင်းမှာ စွဲစွဲမြဲမြဲ လုပ်ဖြစ်တာကတော့ စာဖတ်တာ ပါပဲ။ ကျောင်းပိတ်လို့ အားသမျှ အချိန်တွေတိုင်းမှာ အိမ်က စာအုပ်စဉ်က ရှိရှိသမျှ စာအုပ်တွေကို ဖတ်တယ်။ မြန်မာ စွယ်စုံကျမ်းက စလို့ ဆရာကြီး ရွှေဥဒေါင်းရဲ့ ဘ၀တသက်တာ အတွေးအခေါ် မှတ်တမ်းလို စာအုပ်မျိုး၊ ဆရာ မြသန်းတင့်ရဲ့ လေရူးသုန်သုန်၊ ဆရာ မောင်ထင်ရဲ့ ငဘ၊ မကြည်အေးရဲ့ နာမည်ကျော် မြနန္ဒာ၊ တက္ကသိုလ် မြစိမ်း ရဲ့ တိုင်းမင်းကြီး သမီး၊ စမ်းစမ်းနွဲ့ (သာယာဝတီ) ရဲ့ ကိုကို ကံရာဇာ၊ ဂျာနယ်ကျော် မမလေးရဲ့ သူလိုလူ၊ သူမ၊ တွေးတစိမ့်စိမ့်၊ ဆရာ သိန်းဖေမြင့်ရဲ့ ဝတ္ထုတိုပေါင်းချုပ်တွေ… စုံလို့ စုံလို့ပါပဲလေ။

စာအုပ်စဉ်ပေါ်က ဖတ်လို့ရသမျှ မြန်မာစာအုပ်တွေအပြင် ဆရာမကြီး ဒေါ်ခင်မျိုးချစ်ရေးခဲ့တဲ့ Colorful Myanmar လို စာအုပ်တွေ၊ Thirty Burmese Tales လို ၊ New Method Reader လို၊ Burmese Folk Tales တို့လို အနည်းငယ် လွယ်ကူ ရိုးစင်းတဲ့ အင်္ဂလိပ်စာအုပ်တွေပါ ဖတ်ဖြစ်တယ်။ မသိတာတွေရှိရင်တော့ လူကြီးတွေကို မေးရင်မေး မဟုတ်ရင်တော့ Dictionary မှာရှာပေါ့။

ဆယ်တန်းအောင်ပြီးခါစ အချိန်တွေမှာတော့ ကိုယ်တိုင် စာအုပ်ဆိုင်ကိုသွားပြီးတော့ စာအုပ်ငှား ဖတ်တတ်လာပါတယ်။ မောင်စိန်ဝင်း (ပုတီးကုန်း)၊ နေနော်၊ ဂျူး၊ နွမ်ဂျာသိုင်း တို့ရဲ့ ကဗျာ၊ ဝတ္ထုတို၊ လုံးချင်းဝတ္ထုတွေက အစ လမင်းမိုမို၊ လွန်းထားထား တို့ အဆုံး… အားလုံးနီးနီး ဖတ်ဖြစ်တာပါပဲ။

အဲဒီအချိန်ကာလတွေမှာ စာတွေဖတ်တာနဲ့ တပြိုင်နက် ဝါသနာအလျှောက် စာတွေလဲ ဟိုတကြောင်း ဒီတကြောင်း စပြီး ရေးဖြစ်တယ်။ အားလပ်တဲ့ အချိန်၊ တစ်ယောက်တည်း အေးအေးချမ်းချမ်း တိတ်တိတ်ဆိတ်ဆိတ်နေရတဲ့ အချိန်မျိုးတွေမှာ စာတို စာစတွေ ရေးကြည့်တယ်။ ကဗျာတွေ ရေးကြည့်တယ်။ သို့သော် ပြင်ပလောကနဲ့ ဆက်သွယ်မှုနဲပါးပြီး ကိုယ့်ကိုကိုယ် ယုံကြည်စိတ်လဲ နဲပါးခဲ့တဲ့အတွက် ဘယ်ကိုမှ မပို့ဖြစ်ခဲ့ဘူး။ ဒီလိုနဲ့ ဖိုင်လ်ထဲမှာ စာရွက်ခေါက်တွေ တနေ့တခြား များများလာခဲ့တယ်။

ကြုံလို့ ရယ်စရာတခု ပြောပြအုံးမယ်။ စက်မှုတက္ကသိုလ်မှာ ကျောင်းမဂ္ဂဇင်းအတွက် အတန်းကြီးက ခင်နေတဲ့ အမတစ်ယောက်က တခုခုရေးပေးဖို့ ပြောလာတော့ ဝမ်းသာပြီး ရေးထားလက်စတွေထဲက ၀တ္ထုတိုလေး တစ်ပုဒ်ကို အချောသပ်၊ ရှက်ရှက်နဲ့ မျက်စေ့စုံမှိတ်ပြီး ပေးလိုက်ဖူးတယ်။ ကိုယ့်ရဲ့ မတောက်တခေါက် စာလေး ပေးလိုက်မိလို့လားမသိ စာအုပ်ထွက်ရမယ့် အချိန်မတိုင်ခင် နှစ်လလောက်အလိုမှာ အရေးအခင်းတွေဖြစ်ပြီး ကျောင်းတွေ ပိတ်သွားပါရောလား…။

အခု လက်ရှိအချိန်တွေမှာလဲ အားသမျှအချိန်၊ ရသမျှ အချိန်တွေတိုင်းမှာ စွဲစွဲမြဲမြဲ လုပ်ဖြစ်တဲ့ အလုပ်က စာဖတ်တာ နဲ့ စာရေးတာပါပဲ။ မြန်မာစာအုပ်တွေကတော့ အိမ်က ပို့သ၍၊ သူငယ်ချင်းတွေ ပို့သ၍ ဖတ်ရပါတယ်။ တခါတခါလဲ ဒီမှာရှိတဲ့ မြန်မာဆိုင်တွေက ကြိုက်တဲ့စာအုပ်တွေ့ရင် ဝယ်ဖတ်ဖြစ်တယ်။ ဒီမှာရှိနေတဲ့ သူငယ်ချင်း အချင်းချင်းလဲ ရှိသမျှ စာအုပ်တွေ လဲလှယ်ပြီး ဖတ်ကြတာပေါ့။ ဒါတွေအပြင် ဒီက လစဉ်ထုတ် မဂ္ဂဇင်း တချို့ကိုလဲ ဝယ် ဖတ်ဖြစ်ပါသေးတယ်။ အဲဒီ စာအုပ်တွေကတော့ သိတဲ့အတိုင်း စာဖတ်စရာက နဲနဲ၊ ဖက်ရှင်တွေ ကြော်ငြာတွေက များများပေါ့။ ဘာပဲဖြစ်ဖြစ် ဖတ်စရာတခုအနေနဲ့ ရော၊ ခေတ်မှီသတင်းတွေ၊ အတင်းတွေ သိရတာကြောင့်ရော ပုံမှန် ဝယ်ဖတ်ဖြစ်ပါတယ်။

ဒီထက်ပိုပြီး အချိန်ရရင်တော့ အင်တာနက်ကနေ ကိုယ်ဖတ်ချင်တဲ့စာအုပ် နာမည်လေးတွေရှာ၊ ပြီးရင် Library ကိုသွားပြီး ငှားဖတ်ဖြစ်တယ်။ အထူးသဖြင့်တော့ ရုပ်ရှင်ပြန်ရိုက်ထားတဲ့ Just Like Heaven လို ၀တ္ထုမျိုး၊ Message in the Bottle လို၊ Nights in Rodanth လို ၀တ္ထုမျိုးတွေပါ။ အဲဒါတွေကို ဖတ်ပြီး သူတို့ပြောတဲ့ စကားလုံးလေးတွေ၊ စာစုလေးတွေ၊ အသုံးအနှုန်းလေးတွေ ကို မှတ်ထားရင် အင်္ဂလိပ်စာ ရေးရတာ ပိုပြီး ချောမွေ့ ပြေပြစ်လာသလို ခံစားရပါတယ်။

ဒီလိုနဲ့ မြန်မာဘလော့ဂ်တွေ စပေါ်လာတော့ စာတွေဖတ်စရာ ပိုတိုးလာတာ ဝမ်းသာတာပေါ့။ စာဖတ်တာ ဝါသနာပါတဲ့သူ တစ်ယောက်အဖို့တော့ အပျော်ဖတ်တွေ၊ သုတတွေ၊ ရသတွေရယ်လို့ စာတွေကို ခွဲခြားခွဲခြား မလုပ်ချင်ပါဘူး။ ဖတ်နိုင်သမျှ အကုန်ဖတ်ပါတယ်။ မနှစ်သက်တာတွေ တွေ့ရင် နောက်ကို သွားမဖတ်တော့ဘူးပေါ့၊ သူများတွေလိုတော့ မဝေဖန်တတ်ပါဘူး။ (ကြောက်… ကြောက်…)
ဒီလိုနဲ့ သူများ ဘလော့ဂ်တွေလည်ပြီး ဖတ်ရင်း ကိုယ်တိုင်လဲ ဘလော့ဂ်လေးတခု လုပ်ခဲ့ပါတယ်။
အဓိက ကတော့ ဝါသနာအလျှောက် ရေးခဲ့တဲ့၊ ရေးချင်တဲ့ ၊ နောင်လဲ အချိန်ရသ၍ ရေးဖြစ်နေအုံးမယ့် ကိုယ့်ရဲ့ စာလေးတွေကို အမှတ်တရအနေနဲ့ စုစုစည်းစည်း သိမ်းထားချင်တာကြောင့်ပါ။ Professional ကြီး ဖြစ်ဖို့ နဲနဲမှ မရည်ရွယ်ပါဘူး။ ဝါသနာ အလျှောက် လွတ်လွတ်လပ်လပ် ပေါ့ပေါ့ပါးပါး ပါပဲ။ ဒီဘလော့ဂ်လေးကြောင့် ကိုယ့်ဘ၀မှာ ကိုယ်ဝါသနာပါရာကို လုပ်ခွင့်ရတဲ့အပြင် ကိုယ်နဲ့ ဝါသနာတူ မိတ်ဆွေ သူငယ်ချင်းတွေလဲ အများကြီး တိုးပွားလာခဲ့ရတာမို့ အလွန်ပဲ ကျေနပ် ပျော်ရွှင်မိပါတယ်။

* * * * *

ဝါသနာ ဆိုတာ ငါတော့ဖြင့် ဘာကို ဝါသနာပါတယ်… ညာကို ဝါသနာပါတယ်… လို့ လေနဲ့ ပြောနေရုံ တခုထဲနဲ့မပြီး၊ တကယ်သာ ဝါသနာရှိလာရင် အနည်းနဲ့ အများ ကိုယ့်ရဲ့ ဝါသနာလေးကို အကောင်အထည် ဖေါ်ခွင့်ရအောင် ကြိုးစား အားထုတ်မှသာ ဝါသနာ ဆိုတဲ့စကားရဲ့ အဓိပ္ပါယ် ပေါ်လွင်နိုင်မယ်လို့ ယူဆမိပါတယ်။ (လွတ်လပ်စွာ သဘောထား ကွဲလွဲနိုင်ပါတယ်။)

ကဲ… တန်ခူးရေ….
များများစားစားမရှိလှတဲ့ ကိုယ့်ရဲ့ ဝါသနာအကြောင်းကို ရေးတတ်သလို ရေးလိုက်ပါပြီ။
ကျေနပ်တယ်နော်…။ အမှတ်တရ Tag ထားတာလဲ ကျေးဇူး အများကြီး တင်ပါတယ်။

18 comments:

  1. ဝါသနာတွေ လာဖတ်သွားပါတယ် မသက်ဝေ...

    ReplyDelete
  2. မသက်ဝေ ပြောတာ အမှန်ပါပဲ။ တကယ်ဝါသနာ ပါလာရင်..မရ -ရ အောင် လုပ်ဖြစ်ကြတာပါပဲ။

    စလုံးမှာတုန်းက..ပိုလီလာတက်ကာစ ကလေးတယောက်တွေ့ဖူးတယ်..မိဘကလဲ ဒီလောက်ကြီး မထောက်ပံ့နိုင်.. ညဖက် ဘားမှာ စားပွဲထိုးရင်း..ကျောင်းတက်နေတာ.. တရက်..၂၀၀၀ တန် ကီးဘုတ်ကြီး ၀ယ်ချလာတော့.. လူကြီးတွေက..၀ိုင်းဆူတာပေါ့.. သူကတော့.. သူဝါသနာပါတဲ့ ဟာတခုအတွက်.. ပိုက်ဆံခြစ်ခြုပ်စုပြီး..မဖြစ်ဖြစ်အောင် လုပ်သွားတာပဲ။

    ကျမလဲ.. ဘလော့တွေ အကြောင်း စသိတာနဲ့ တပြိုင်နက်.. ဘလော့လုပ်ဖို့ကြိုးစားတာပဲ..အဲဒီအချိန်က..တခြား လုပ်စရာ အရေးတကြီးရှိနေတာကို..ဒီအတိုင်းကို ရပ်ထားပြီး.. မရရအောင် အိပ်ရေးပျက်ခံပြီး ဆောက်ခဲ့တာ.. ( ဘလော့ ၀ါသနာ ကြီးတယ်ပေါ့) ဟဲ..

    ဒါနဲ့- စက်မူတက္ကသိုလ်မဂ္ဂဇင်းက..မပုံနှိပ်ဖြစ်လိုက်တဲ့ ၀တ္တုလေးကို တင်ပေးပါလား.. တောင်းဆိုပါတယ်။း)

    ReplyDelete
  3. ဟုတ်တယ် အဲ စက်မှုတက္ကသိုလ်က ၀တ္ထုလေးကို တင်ပေးပါ...
    သေချာတော့ မသိပါဘူး...
    မကေနဲ့ ရောကျော် အော်သွားတာ...း)

    ReplyDelete
  4. ချက်တာပြုတ်တာ မုန့်လုပ်တာနဲ့ သူငယ်ချင်းမိတ်ဆွေတွေကို ခေါ်ခေါ်ကျွေးတတ်တဲ့ ၀ါသနာကောင်းလေးကိုကျ ဘာလို့ မပြောတာလဲ ..:)

    ReplyDelete
  5. ၀ါသနာဆိုတာကို ပြောသွားတဲ့အချက်လေးမှတ်သားသွားပါတယ်..။

    ReplyDelete
  6. အစ်မရဲ့ ၀ါသနာလေးတွေ ဖတ်သွားပါတယ်။
    ၀ါသနာပါတဲ့အလုပ်ကို ပျော်ပျော်ရွှင်ရွှင် လုပ်နေရလို့ စိတ်ကျေနပ်စရာပါ။

    ချမ်းမြေ့ပါစေ
    လေးစားလျက်

    ReplyDelete
  7. ဟုတ်ပါ့ အမရယ် မပန်ပြောသလို ချက်တာပြုတ်တာ - မိတ်ဆွေတွေကို ခေါ်ပြီး ကျွေးမွေးတာတွေလည်း ရေးဦးမှပေါ့- မကေပြောသလို ဟိုဝတ္ထုလေးတင်ပါ့လား..

    ReplyDelete
  8. မကြီးသက်ဝေရေ..အစ်မဖတ်ခဲ့တဲ့စာအုပ်တွေကိုလိုက်ကြည့်လာလိုက်တာ...:)
    နေနော်ရဲ့ အကြေကောက်လေးဆို ညီမသိပ်ကြိုက်..၀တ္ထုဆုံးတာကို ကောက်ပြသွားသေးတာနော်..:)
    ဟဲ မဆိုင်တာတွေပြောနေမိပီ..
    မကေတို့၊အစ်ကိုအောင်သာငယ်တို့လိုပါပဲ..မပုံနှိပ်လိုက်ဖြစ်တဲ့ ၀တ္ထုလေးတင်ပေးပါ..။(ရှိနေသေးရင်ပေါ့)

    ဘလော့ဂါတွေ အများစုက ကိုယ့်ဝါသနာကို အကောင်အထည်ဖော်နေကြတာထင်ရဲ့..ညီမလဲပါသပေါ့..:)

    လေးစားခင်မင်လျက်

    ReplyDelete
  9. မသီတာလည်း ကိုယ့်ကိုကိုယ် စာရေးတာဝါသနာ ပါမှန်း ဘလော့လုပ်ပြီးမှ ထင်ထင်ရှားရှား သိတော့တာ။ သက်ဝေရဲ့ ပို့စ်လေး ဖတ်ပြီးသွားတော့လည်း ပိုရှင်းသွားသေး။ ကိုယ့်ဖာသာ ရေးတဲ့ ၀ါသနာပို့စ်မှာတော့ ရှုပ်ရှက်ခပ်နေအောင် ရေးထားတာ။ နောက်တော့မှ စာဖတ်သူတွေကို အားနာမိသလိုဖြစ်ပြီး ငါရှုပ်ရှုပ် ရှုပ်ရှုပ်လုပ်တာလည်း ၀ါသနာ ပါသေးသကိုး လို့ သတိထားမိပေသတည်း...

    ဒါနဲ့- စက်မူတက္ကသိုလ်မဂ္ဂဇင်းက..မပုံနှိပ်ဖြစ်လိုက်တဲ့ ၀တ္တုလေးကို တင်ပေးပါလား.. တောင်းဆိုပါတယ်။း) (ကေ့ ကော်မန့်မှ မိတ္တူ ကူးသည်။)

    ReplyDelete
  10. ဘလောဂ်ဂါတွေ အားလုံးက စာရေးတာတော့ ဝါသနာပါကြပြီးသားနော် အစ်မ..
    လက်စလက်နလေးကလည်းရှိတော့
    ဘလောဂ့်နေကြတော့တာပဲ..။
    တကယ်ဝါသနာပါလာရင်တော့ မဖြစ်ဖြစ်အောင်လုပ်ကြတယ်ဆိုတာ အမှန်ပါပဲ..။

    ReplyDelete
  11. မမသက်ဝေပြောတဲ့စကားလေး သဘောကျတယ်..“၀ါသနာပါလာရင် ကိုယ့်ဝါသနာကို အကောင်အထည် ဖော်ခွင့်ရအောင် ကြိုးစား အားထုတ်မိကြတာချည်းပါပဲ..” ဆိုတာလေ.. အခုလောလောဆယ်တော့ လိမ်ဖယ်ဖယ်နဲ့ Blog ရေးပြီး အကောင်အထည်ဖော်နေတာပဲ... :D

    ReplyDelete
  12. ဟုတ်တယ် သက်ဝေ။
    ဘလော့ရေးကြည့်တော့မှ
    ကိုယ့်ဝါသနာဟာ ဘယ်ဟာလဲ ဆိုတာ
    အသေအချာသိသွားတယ်။
    စာဖတ်မယ်၊ စာရေးမယ်။ အဲဒါတကယ့်ဘ၀ အနှစ်သာရလို့ ကိုယ်ထင်တယ်။

    ReplyDelete
  13. အားလုံးက စာရေးစာဖတ်ဝါသနာပါကြလို့လားမသိဘူး ရေးသွားပြောသွားကြရင် တစ်ကြောင်းဆိုတစ်ကြောင်း တစ်လုံးဆိုတလုံးထိထိမိမိရှိကြတယ်။ ရင်ထဲကို ထိတတ်တယ်လို့ခံစားရပါတယ်။

    ReplyDelete
  14. မသက်ဝေပြောမှပဲ ကိုယ့်ကိုယ်ကိုသေချာစဉ်းစားကြည့်ရမယ်

    ReplyDelete
  15. "ရှက်ရှက်နဲ့ မျက်စေ့စုံမှိတ်ပြီး ပေးလိုက်ဖူးတယ်" ဆိုတော့မျက်စိကပွင့်ကောပွင့်လို့လား

    ReplyDelete
  16. ဒီဝါသနာတော့ တူနေပြီ မသက်ဝေရေ။ အရင်ရေးထားတဲ့ ၀တ္ထုလေးတွေ တင်ပါလား။ မကေတောင်းဆိုတဲ့ ၀တ္ထုလေး အပါအ၀င် ပေါ့။

    ReplyDelete
  17. သက်ဝေရေ… တည်ငြိမ်အေးချမ်းတဲ့ ၀ါသနာလေးတွေ အကြောင်းဖတ်လိုက်ရတာ ကိုယ်ပါငြိမ်းချမ်းသွားသလို ခံစားရတယ်… ကျေးဇူးပါသက်ဝေ
    တခါလောက် သက်ဝေအိမ်မှာ စာအုပ်တွေ လာမွှေဦးမယ်… တချက်ခုတ် နှစ်ချက်ပြတ် ပန်ပြောတဲ့ အချက်အပြုတ်ဝါသနာလေးကိုလဲ ကြားထားတော့….
    သက်ဝေရေ… တို့ လဲ ရွှေအမြုတေကို လတိုင်းဝယ်ဖတ်တယ်… ၀တ္ထုတွေကောင်းလို့ လေ… ဒီမှာ လစဉ်အိမ်ပို့ ပေးတဲ့ ဆိုင်ရှိတယ်သိလား… သက်ဝေကို ပြီးမှ contact ပြောပြမယ်နော်…

    ReplyDelete
  18. သက်ဝေရဲ့ဝါသနာများကိုလာဖတ်သွားပါတယ်

    ReplyDelete

အမှတ်တရ ရေးခဲ့ပါ...