Tuesday, March 10, 2020

မြတ်နိုးဝေ

မိုးတွေ စွေနေတဲ့ ညနေခင်းတစ်ခုပါ။ ပတ်ဝန်းကျင်မှာ မိုးသံတစ်ဖျောက်ဖျောက်ကလွဲလို့ ကျန်တဲ့ လူသံ သူသံ ဆူညံသံ အားလုံး တိတ်ဆိတ်ငြိမ်သက်နေပါတယ်။ ညနေစောင်း အိပ်တန်းတက်ချိန်ဆို စူးစူးရှရှ အော်နေကျ ဥသြငှက်တွေတောင် ဒီနေ့တော့ ထူးထူးခြားခြား အသံတိတ်လို့။ စိတ်လှုပ်ရှားစရာ ကင်းမဲ့လှတဲ့ အခုလို ညနေခင်းမျိုးမှာ ကျွန်မရဲ့ အိပ်ရာဘေးက စားပွဲပေါ်မှာ စိတ်ဝင်စားစရာ ပစ္စည်းတစ်ခု ရှိနေပါတယ်။ စိတ်ဝင်စားစရာ လို့သာ သုံးနှုန်းလိုက်ရတယ်… တကယ်တမ်းမှာ စိတ်ဝင်စားစရာ ကောင်း မကောင်းဆိုတာတော့ သိပ်မသေချာဘူး။ ဖွင့်ကြည့်မှ သိနိုင်မှာပဲ။

ဒီလိုလေ… ညနေ အလုပ်က ပြန်ရောက်တော့ အခန်းတံခါးကို သော့ဖွင့်နေတဲ့အချိန်မှာ ဘေးခန်းက အမျိုးသမီးက ဖျတ်ဆို အနားကိုရောက်လာတယ်။ သူ့ကြည့်ရတာ ကျွန်မ ပြန်အလာကို တစ်ချိန်လုံး အရေးတကြီးနဲ့ စောင့်ကြည့်နေသူ တစ်ယောက်လို။ အနားရောက်တော့ စက္ကူအဖြူရောင် ပတ်ထားတဲ့ အထုတ်တစ်ခုကို လှမ်းပေးတယ်။ လေးထောင့်မကျတကျ အထုတ်ပေါ်မှာ ရေးထားတာကို လက်နဲ့ ထောက်ပြနေသေးတယ်။ ရုတ်တရက် ဘာမှန်းမသိတော့ အံ့သြပြီး သူ့မျက်နှာကို ကြည့်နေရာက သူပြနေတာကို ငုံ့ကြည့်လိုက်တော့ မြန်မာလက်ရေးနဲ့ သေသေသပ်သပ် ရေးထားတဲ့ “သို့” ဆိုတဲ့ စာလုံးလေးး။ အဲဒါကိုပဲ သူက နာမည်လို့ ထင်နေပုံရတယ်။ အဲဒါ (To…) ဆိုတာကို ရေးထားတာ နာမည် မဟုတ်ဘူး လို့ ရှင်းပြပေမယ့်လည်း သူက နားလည်ပုံ မရ၊ လက်ခံချင်ပုံလည်း မရ။ ပြီးတော့ ပြောရရင် ဒီဝင်းထဲမှာနေကြသူတွေထဲ မြန်မာဆိုလို့ ကျွန်မ တစ်ယောက်တည်းရှိတာ၊ ဒါကြောင့်မို့ ဒါပစ္စည်းဟာ ကျွန်မနဲ့သာ သက်ဆိုင်တယ်လို့ သူက တထစ်ချ မှတ်ယူဟန်တူပြီး လက်ထဲကို တန်းတန်းမတ်မတ် လာထည့်တော့တာပဲ။ ဘယ်ကလဲ ဘယ်သူက ပို့တာလဲ ဘာညာ မေးပေမယ့် သူ မသိဘူး၊ မြန်မာ မြန်မာ ဆိုတာကို တွင်တွင်ပြောပြီး လက်ထဲကို အတင်းထိုးထည့်၊ နှုတ်ဆက်ပြီး သူ့အခန်းဖက်ကို ဆတ်တောက် ဆတ်တောက်နဲ့ လှည့်ပြန်သွားပါတော့တယ်။ ဒီလိုနဲ့ ဘာမှန်း ညာမှန်းမသိတဲ့ အထုတ်ကို ယူပြီး အခန်းထဲ ဝင်လာခဲ့ရတယ်။ ဒီစာအိတ်ဟာ ကိုယ့်အတွက် ရည်ညွှန်းထားတာ မဟုတ်လေတော့ ကိုယ်နဲ့ မသက်ဆိုင်သလို ခံစားနေရတာမို့ အလောတကြီး ဖွင့်ဖေါက်ကြည့်ဖို့ ဆန္ဒမရှိဘူး။ ဒါနဲ့ အိပ်ရာဘေးက စားပွဲပေါ် သွားတင်ထားလိုက်တယ်။ နောက် အေးအေးဆေးဆေးမှ ဖွင့်ကြည့်တာပေါ့။

အိမ်ရောက်ပြီး လုပ်စရာရှိတာလုပ် ညစာစားအပြီးမှာ ကော်ဖီတစ်ခွက်ဖျော်ပြီး အိပ်ခန်းထဲ ဝင်လာခဲ့တယ်။ မွှေးနေတဲ့ ကော်ဖီပူပူဟာ ဟောဒီလို မိုးညနေနဲ့ အလိုက်ဖက်ဆုံးပဲ။ အိပ်ရာဘေးကိုရောက်တော့ ညနေက အထုတ်ကို လှမ်းမြင်လိုက်တယ်။ ဟုတ်သားပဲ… ဒီအထုတ်ကို ဖွင့်ကြည့်ရဦးမယ်။ ဒါနဲ့ သောက်မယ့်ဆဲဆဲ ကော်ဖီပန်းကန်ကို အသာချ၊ စာကြည့်စားပွဲပေါ်က စက္ကူဖြတ်တဲ့ ဓါးပါးလေးယူပြီး အထုတ်ကို ဖေါက်ဖို့ ပြင်ရတယ်။ မဖေါက်ခင် အထုတ်ကို သေချာအောင် စေ့စေ့စပ်စပ် လှည့်ပတ်ကြည့်လိုက်သေးတယ်။ လက်တစ်လုံးသာသာ အထူရှိပြီး မှန်းကြည့်ရသလောက်ကတော့ အထဲမှာ စာအုပ်လို စာရွက်တွေလို အဲဒီလို ဆန်ဆန်ုပဲ။ အထုတ်တစ်ထုတ်လုံးပေါ်မှာ မြန်မာလို ရေးထားတဲ့ “သို့” ဆိုတဲ့ စာလုံးကလွဲရင် ဘာဆို ဘာမှ မပါဘူး။ အဲဒီပစ္စည်းထုတ်ကို ဖေါက်မယ်ကြံပြီးမှ စိတ်ထဲမှာ တစ်မျိုးဖြစ်နေပြန်တယ်။ ဖေါက်ရရင်ကောင်းမလား၊ မဖေါက်ရင်ကောင်းမလား၊ မဖေါက်ပဲထားတော့ရော တစ်ခုခုဆို ဘယ်ဆီ ဘယ်ဝယ်ကို ပို့ပေးရမှာလဲ… ဘာ သဲလွန်စမှ ရှာမရတဲ့အတူတော့ ဖေါက်လိုက်ရင် တစ်ခုခု သိနိုင်တန်ကောင်းရဲ့၊ လိုအပ်ရင် တစ်ခုခု ဆက်လုပ်ပေးနိုင်တန်ကောင်းရဲ့။ အဲဒီစိတ်နဲ့ပဲ ဖေါက်ကြည့်ဖို့ ဆုံးဖြတ်လိုက်တယ်၊ အထုတ်ပေါ်မှာ တိပ် အကြည်နဲ့ သေသေသပ်သပ် ပတ်ထားတဲ့ စက္ကူကို ဓါးနဲ့ ရှပ်ပြီး ဖြတ်လိုက်တယ်။

ပတ်ထားတဲ့ စက္ကူတွေ ကွာသွားတော့ အဝါရောင် စာအိတ်ထူတစ်လုံးကို တွေ့ရတယ်။ ဘာအမှတ်အသားမှ မပါတဲ့ ရိုးရိုး စာအိတ်တစ်လုံးပါပဲ။ စာအိတ်ကို ဘာနဲ့မှ ပိတ်မထားဘူး။ ဒါနဲ့ အထဲကို ကြည့်လိုက်တော့ စာအိတ်ညိုလေးတွေ၊ ရေကြည့်လိုက်တော့ စာအိတ် စုစုပေါင်း ဆယ့်လေးအိတ်တွေ့ရတယ်။ ရေတွက်နေရင်း သတိထားမိတာက စာအိတ်တွေက နည်းနည်းတော့ နွမ်းနေသလိုပဲ။ စာအိတ်ပေါ်မှာ တစ်စုံတစ်ယောက်ကို ပေးပို့ဖို့ ရည်ရွယ်တဲ့ နာမည်၊ နေရပ်လိပ်စာ ဘာတစ်ခုမှ ရေးမထားဘူး။ ဒါပေမယ့် စင်္ကာပူ တစ်ဒေါ်လာတန် တံဆိပ်ခေါင်းကိုတော့ ကပ်ထားတယ်။ ပြီးတော့ စာအိတ်တွေကို အကုန် ပိတ်ထားတယ်။ စာတိုက်မှာ ထည့်ဖို့ အဆင်သင့် ပြင်ထားတဲ့ စာအိတ်တွေ။

စာအိတ်တွေကို ဒီတိုင်းလက်နဲ့ ဖြဲလိုက်ဖို့ အားနာပြီး ကပ်ကြေးတစ်လက် ထယူရပြန်တယ်။ အပေါ်ဆုံးက တစ်အိတ်ကို စဖေါက်ပြီး အထဲက စာရွက်ကို ဆွဲထုတ်လိုက်တယ်။ အဲဒီအချိန်မှာ “ကိုယ့်နာမည် မြတ်နိုးဝေ ပါ…” လို့ အစချီတဲ့ စာတစ်စောင်ဟာ အဲဒီ စာအိတ်ညိုလေးထဲက ထွက်ကျလာခဲ့တာပဲ။ အထုတ်ပေါ်က သို့ ဆိုတဲ့ လက်ရေးနဲ့ စာထဲမှာပါတဲ့ လက်ရေးက ခပ်ဆင်ဆင် တူတယ်။ မင်အပြာရောင်နဲ့ ရေးထားပြီး ခပ်ဝိုင်းဝိုင်း ပေမယ့် လက်ရေးက သပ်သပ်ရပ်ရပ်ရှိလှတယ်။ စာအိတ်ပေါ်မှာကပ်ထားတဲ့ တံဆိပ်ခေါင်းနဲ့ စာအိတ်ရဲ့ ပုံသဏ္ဍာန်ကို စေ့စေ့စပ်စပ် ကြည့်လိုက်တော့ ဒါ နှစ်နည်းနည်း ကြာခဲ့ပြီဆိုတာ ခန့်မှန်းသိနဲ့ သိနိုင်တယ်။ စာရေးထားတဲ့ စာရွက်ခေါက်က သာမန် ကျောင်းသုံးဗလာစာအုပ်ရဲ့ အလယ်က ဖြုတ်ထားတဲ့ စာရွက်၊ စာမျက်နှာ လေးမျက်နှာရှိပေမယ့် သူရေးထားတာက မြန်မာ စာကြောင်းနည်းနည်းပဲ။ “ကိုယ့်နာမည် မြတ်နိုးဝေပါ၊ မင်းက ကိုယ့်ကို မသိပေမယ့် ကိုယ်က မင်းကို သိနေပါတယ်။ တစ်ချိန်ကျရင် ကိုယ်တို့ တွေ့ကြမှာပါ...” စာက အဲဒါအကုန်ပဲ။ အဲဒီ စာတိုတိုရဲ့ အဆုံးမှာ မင်းရဲ့ လို့ ရေးထားပြီး မြတ်နိုးဝေ လို့ သိသိသာသာ ဖတ်လို့ရတဲ့ လက်မှတ်ကို မြန်မာလို ရေးထိုးထားတယ်။ စာကို ကြည့်ပြီး ထူးဆန်းနေမိတယ်။

ထပ်ထားတဲ့ စာအိတ်တွေထဲက နောက်စာတစ်အိတ်ကို ယူပြီး စာကို ဆွဲထုတ်လိုက်တယ်။ ဒီစာထဲမှာလည်း ဒီအတိုင်းပဲ “ကိုယ့်နာမည် မြတ်နိုးဝေပါ... မင်း နေကောင်းတယ် မဟုတ်လား စာမှန်မှန်ကျက်နော် စာမေးပွဲ ဖြေနိုင်ပါစေ” လို့ ရေးထားတယ်။ အောက်ခြေမှာ မင်းရဲ့ လို့ ရေးပြီး မြတ်နိုးဝေ လို့ လက်မှတ်ထိုးထားတယ်။ စာရွက်ကလည်း ကျောင်းသုံးစာအုပ် အလယ်ခေါင်က ဖြုတ်ထားတဲ့ စာရွက်၊ စာအိတ် ကလည်း အရောင်အသွေး အတူတူ၊ တံဆိပ်ခေါင်းကလည်း ဆင်တူပဲ။ ငှက်ကလေး သစ်ကိုင်းမှာ နားနေတဲ့ပုံနဲ့ တံဆိပ်ခေါင်း။ ထူးခြားတာက လက်တစ်လုံးလောက်ရှိတဲ့ ခပ်မာမာ ရှည်မျောမျော လေးထောင့်မကျ စတုရန်းမကျ ပုံသဏ္ဍာန်ရေရေရာရာ မပြောပြတတ်တဲ့ ကဒ်ထူလိုလို စာရွက်ထူတစ်ခု အပိုပါလာတာပဲ။ အဲဒီစာရွက်ထူရဲ့ တစ်ဖက်က အဖြူရောင်၊ နောက်တစ်ဖက်က စာရွက်ချောချော အရောင်က ဝါတာတာလေး။

နောက်စာအိတ်တစ်အိပ်ကို ကြည့်မိတော့ စာအိတ်ရဲ့ နောက်ကျော ညာဖက် ထောင့်မှာ ရေးထားတဲ့ စာလုံး တစ်လုံးကို အမှတ်မထင် တွေ့လိုက်ရတယ်။ သုံး တဲ့။ ဒါနဲ့ ပထမ ကြည့်ခဲ့တဲ့ စာအိတ်တွေရဲ့ နောက်ကျောကို ပြန်ကြည့်တော့ တစ် နဲ့ လေး ကို တွေ့တယ်။ ဟာ... စာအိတ်တွေက အမှတ်စဉ် စီထားတာပဲ။ အဲဒါနဲ့ စာအိတ်တွေကို နံပါတ်စဉ် ပြန်စီရတယ်။

စုစုပေါင်း စာအိတ် ဆယ့်လေးအိတ်မှာ အမှတ်စဉ် တစ်ကနေ စပြီး နောက်ဆုံးအိတ်က ဆယ့်ငါး ဖြစ်နေတယ်။ ပြန်ကြည့်တော့မှ နံပါတ် ရှစ်က ပျောက်နေတာ တွေ့ရတယ်။ စာအိတ်တွေရဲ့ အစဉ်အတိုင်း စာတွေကို ထုတ်ပြီး စီလိုက်တယ်။ စာ နံပါတ် တစ်မှာ စာချည်းသက်သက်ပဲ။ နောက်စာအိတ်တွေထဲမှာတော့ ခုနက ပြောခဲ့တဲ့ ပုံသဏ္ဍာန် အတည်တကျ ပြောလို့ မရတဲ့ စာရွက်ထူထူ လေး တစ်ခုပါနေတာ တွေ့ရတယ်။ စာတွေအကုန်လုံးက ကိုယ့်နာမည် မြတ်နိုးဝေပါ... ဆိုတာနဲ့ စတယ်။ စာတိုလေး လေး ငါးကြောင်း ရေးတယ်။ အများအားဖြင့်တော့ နေကောင်းလား ဆိုတာမျိုးနဲ့ စာကျက်ဖို့ စာမေးပွဲ ဖြေနိုင်စေဖို့ အားပေး ဆုတောင်းတဲ့ စာမျိုးတွေဖြစ်တာကြောင့် ကျွန်မလို စာမကျက် ကျောင်းမတက်၊ အလုပ်လုပ်နေသူမျိုးနဲ့ ဘယ်လိုမှ မသက်ဆိုင်ဘူးဆိုတာာ သိသာလှတယ်။ စာရဲ့ အောက်ခြေမှာ မင်းရဲ့ လို့ ရေးပြီး မြတ်နိုးဝေ လို့ လက်မှတ်ထိုးတယ်။ အားလုံးက ပုံစံတူတွေချည်းပဲ။

ဒါပေမယ့် မတူတာတွေက ရှိနေတယ်။ အဲဒါကတော့ စာအိတ်ထဲမှ ပါလာတဲ့ စာရွက်ထူထူလေးတွေ။ ကပ်ကြေးနဲ့ ကလေးကစားသလို ညှပ်ထားတဲ့ ပုံမကျ ပန်းမကျ စာရွက်ထူလေးတွေကို ကြည့်ပြီး ဘာတွေမှန်းမသိ တွေးလို့လည်း မရဖြစ်နေခဲ့တယ်။

ခုနက ဖျော်ပြီးယူလာခဲ့တဲ့ ကော်ဖီတွေ အေးစက်နေကြပြီ။ မိုးသံကလွဲရင် အားလုံးက လိုအပ်တာထက် ပိုတောင် တိတ်ဆိတ်နေသေးတယ်။ မြတ်နိုးဝေ ဆိုတဲ့ နာမည်ကို တိုးတိုး ရွတ်ကြည့်မိတယ်။ လှပပြီး ချစ်စရာကောင်းတဲ့ နာမည်ပဲ။ ကျွန်မ အသိတွေထဲမှာ၊ ကျွန်မ ပတ်ဝန်းကျင်မှာ ဒီလိုနာမည်မျိုး မရှိတာတော့ သေချာတယ်။ အေးစက်စက် ကော်ဖီကိုပဲ မော့ချလိုက်ပြီး နာရီကြည့်လိုက်တော့ သန်းခေါင်တိုင်တော့မယ်။ စားပွဲပေါ်က စာတစ်ထပ်ရယ်၊ စာအိတ်တွေရယ်နဲ့ စာရွက်ထူလေးတွေရယ်ကို တစ်ချက်ကြည့်ပြီး ဘာမှ ဆက်မလုပ်တတ်တော့သလို ခေါင်းကို ခါယမ်းနေမိတယ်။ ဒါပေမယ့် အိပ်ရတော့မယ်... အိပ်ရေးမဝတိုင်း မနက်ကျ ကိုက်နေတတ်တဲ့ ခေါင်းကို ညှာတာသောအားဖြင့် အိပ်မှ ဖြစ်မယ်။ အခန်းမီးကို မှိန်ချလိုက်တယ်။ လေအေးပေးစက်ရဲ့ အပူချိန်ကို ညှိပြီး အိပ်ပျော်ဖို့ ကြိုးစားရတယ်။

အိပ်ပျော်သွားပါတယ်... ဒါပေမယ့် ရုတ်တရက် လန့်နိုးလာတယ်။ အိပ်မက် မက်တယ်။ မြတ်နိုးဝေက အိပ်မက်ထဲမှာ သူ့ကို သိပြီလား လို့ လာမေးနေတာ... ဟင့်အင်း မြတ်နိုးဝေကို ကျွန်မ မသိပါဘူး… ကျွန်မ မသိပါဘူး… လို့ တွင်တွင်ငြင်းနေခဲ့တယ်။ သိမှာပါ မကြာခင် သိရမှာပါ လို့ ပြောပြီး တစ်ဖက်ကို လှည့်ထွက်သွားသူကို မြတ်နိုးဝေ မြတ်နိုးဝေ… လို့ ခပ်ကျယ်ကျယ် လှမ်းအော်ခေါ်ရင်း အိပ်မက်က လန့်နိုးလာခဲ့တာပဲ။ နာရီကို ကြည့်လိုက်တော့ မနက် သုံးနာရီ လေးဆယ့်ငါးမိနစ်။ အိပ်ရာဘေးက စားပွဲပေါ်မှာ မြတ်နိုးဝေရဲ့ စာတွေ။ လှဲနေရာက ထထိုင်ပြီး စာတွေကို ပြန်ဖတ်နေမိတယ်။ စာတွေနဲ့ စာအိတ်တွေကို ယူလိုက်တော့ စားပွဲပေါ်မှာ ဖြတ်စလေးတွေချည်း ကျန်နေခဲ့တယ်။ အဲဒါလေးတွေကို တစ်ခုချင်း ကိုင်ကြည့်ရင်း ဟိုရွှေ့ကြည့် ဒီရွှေ့ကြည့်နဲ့ ရွှေ့နေမိတယ်။ အဲဒီလို ရွှေ့ကြည့်နေရင်းမှာ အရောင်ဆင်ဆင်တူတာလေးတွေကို မြင်တော့ ရုတ်တရက် အတွေးထဲမှာ Jigsaw Puzzle တွေကို သတိရသွားတယ်။ အချိန်တွေ ကုန်ခဲလှတဲ့အခါ (သို့မဟုတ်) အချိန်ကုန်ဖို့ လိုအပ်လာတဲ့ အခါတွေတိုင်းမှာ ကျွန်မ လုပ်နေကျ အလုပ်တစ်ခုက Jigsaw Puzzle တွေ ဆက်တာပဲ။ အဲဒါနဲ့ ခုနက ဖြတ်စ ထူထူလေးတွေကို Jigsaw အစတွေလို သဘောထားပြီး အရောင်တူရာလေးတွေ ဆက်စပ်ကြည့်လိုက်တယ်။ ဥာဏ်နည်းနည်းလေး ထပ်သုံးလိုက်တဲ့အခါ ဖြတ်စလေး ဆယ့်လေးခုဟာ မမျှော်လင့်ပဲ ရုပ်လုံးပေါ်လာခဲ့တယ်။ အံ့သြစရာ… ကျွန်မပါးစပ်က ပါးစပ်က ဘုရားရေ လို့ ရေရွတ်လိုက်မိတယ်။ လေးလက်မ ခြောက်လက်မ အဖြူအမည်း ဓါတ်ပုံတစ်ပုံကို ကန့်လန့်ဖြတ် ဒေါင်လိုက်ဖြတ်... ဟိုလို ဒီလို ဖြတ်ထားတဲ့ အပိုင်းအစတွေ။ Jigsaw Puzzle ဆက်သလို ဆက်လိုက်တော့ ချောမောလှပတဲ့ အမျိုးသမီးငယ်တစ်ယောက်ရဲ့ မျက်နှာ... စာနံပါတ် ရှစ် ပါမလာခဲ့တော့ ညာဖက် မျက်ခုံးနဲ့ နဖူးနေရာမှာ လွတ်နေခဲ့တယ်။ ဒါပေမယ့် မျက်ခုံး မျက်လုံး နှာတံ နှုတ်ခမ်း အားလုံး ထင်ရှားပေါ်လွင်ပြီး သိသိသာသာ ချောမောလှပတဲ့ အမျိုးသမီးငယ် တစ်ယောက်ရဲ့ မျက်နှာဆိုတာ ဘယ်သူမှ ငြင်းနိုင်မယ် မထင်ဘူး။ ဒါ မြတ်နိုးဝေ လား... ဟုတ်ပါတယ်၊ ဒါ မြတ်နိုးဝေ ပဲ ဖြစ်မှာပါ... တစ်ယောက်တည်း မေး လိုက် ဖြေလိုက်လုပ်ရင်း မြတ်နိုးဝေရဲ့ ဓါတ်ပုံကို သေသေချာချာ ကြည့်နေခဲ့မိတယ်၊ ကျွန်မ သူ့ကို လုံးဝ မကြုံဖူး မဆုံဖူးခဲ့တာ၊ ဘယ်နေရာမှာမှ မသိခဲ့ဖူးတာလည်း သေချာနေခဲ့တယ်။

အံ့သြစရာ မိန်းကလေး မြတ်နိုးဝေ... သူ့ကိုယ်သူ ကိုယ် မြတ်နိုးဝေ ပါ လို့ မိတ်ဆက်ပြီး စာလေးတွေရေး၊ စာတွေထဲမှာ သူ့ဓါတ်ပုံကို တစ်စချင်းစီ လျှို့လျှို့ဝှက်ဝှက် ထည့်ပေးခဲ့သူ မြတ်နိုးဝေ။ တကယ်ဆို ဒီစာတွေက သူရည်ရွယ်ထားသူ တစ်ယောက်ဆီ တစ်စောင်ပြီး တစ်စောင် ရောက်သွားဖို့။ အခုတော့ တံဆိပ်ခေါင်းတောင် ကပ်ပြီးကာမှ ရည်ညွှန်းသူမပါ၊ လိပ်စာမပါ တဲ့ စာတွေ။ မြတ်နိုးဝေ… ဘာတွေများ လွဲချော်ခဲ့ပြီး အချိန်တွေလွန်မှ အစုလိုက် အထပ်လိုက် မဆီမဆိုင် ကျွန်မလက်ထဲကို ရောက်လာရတာပါလိမ့်။ ဘာသဲလွန်စမှ မရှိ ဘယ်လိုမှ ဆက်စဉ်းစားလို့ မရတော့ပေမယ့် မြတ်နိုးဝေ ဆိုတဲ့ နာမည်နဲ့ အဖြစ်အပျက်ကို ခေါင်းထဲက ဘယ်လိုမှ ထုတ်လို့ မရဘူး။ ဒီလိုနဲ့ မိုးစင်စင်လင်းခဲ့တယ်။

မနက်ကျတော့ စာတွေကို သူခေါက်ထားသလို အသေအချာ ပြန်ခေါက်ပြီး စာအိတ်တွေထဲကို ပြန်ထည့်တယ်။ ဓါတ်ပုံ ဖြတ်စလေးတွေကို စာအိတ်အသစ်တစ်လုံး ယူပြီး သပ်သပ် ထည့်လိုက်တယ်။ အဲဒါတွေအားလုံးကို (အလာတုန်းကလိုပဲ) စာအိတ်ဖြူတစ်အိတ်ထဲ ထည့် သေသေသပ်သပ် ကော်ကပ်ပြီး ပိတ်လိုက်တယ်။
တကယ်လို့များ… ကျွန်မရဲ့စာကို ဖတ်မိတဲ့ စာဖတ်သူတွေထဲမှာ မြတ်နိုးဝေကို သိတဲ့ သူငယ်ချင်း မိတ်ဆွေ အပေါင်းအသင်းတွေ ရှိနေခဲ့ရင် မျက်နှာစာအုပ်ကနေပဲဖြစ်ဖြစ်၊ အိုင်ဒီယာ မဂ္ဂဇင်းတိုက်ကနေတဆင့်ပဲ ဖြစ်ဖြစ် ကျွန်မကို ဆက်သွယ်ပေးစေချင်ပါတယ်။ သူ - မြတ်နိုးဝေ - နဲ့သာ သက်ဆိုင်တဲ့ စာအိတ်ကို သူ့လက်ထဲ ရောက်အောင် ကျွန်မ ပြန်ပို့ပေးချင်လို့ပါ။ ဒီအတွက် ကြိုတင် ကျေးဇူးတင်နေပါ့မယ်။

ဒီလိုမှမဟုတ်ပဲ မြတ်နိုးဝေ ကိုယ်တိုင်က (တိုက်တိုက်ဆိုင်ဆိုင်) ဖတ်မိပြီး စာတွေနဲ့ ဓါတ်ပုံအပိုင်းအစလေးတွေကို ရည်ရွယ်ထားသူဆီကို အရောက်ပို့ပေးစေချင်တယ် ဆိုရင်လည်း ကျွန်မကို ဆက်သွယ်ပေးပါ။ မြတ်နိုးဝေ ရောက်စေချင်တဲ့ နေရာကို အရောက်ပို့ပေးဖို့ ကျွန်မ တာဝန်ယူနိုင်ပါလိမ့်မယ်။

သက်ဝေ
(၀၃ ဇန်နဝါရီ ၂၀၂၀)

- ၂၀၂၀ မတ်လ ထုတ် Idea Magazine တွင် ဖေါ်ပြပြီး ဖြစ်သည်။

Saturday, March 7, 2020

တောင်မရိုးတွေ လေဟုန်စီးတဲ့ ည

သတိမမူ ဂူမမြင် တဲ့... အရင့် အရင် နှစ်တွေမှာလည်း ဒီပန်းတွေ သူ့အချိန်အခါနဲ့ အလှဆုံး ဖူးနေ ပွင့်နေကြမှာပါ။ ဒီပန်းရဲ့ မွှေးရနံ့ကို မှတ်မှတ်သိသိရှိနေခဲ့ပေမယ့် အပင်ကိုတော့ တစ်ခါမှ မော့မကြည့်ခဲ့မိဘူး။ စနေနေ့မနက်က အမှတ်မထင် တွေ့လိုက်ရတော့ သိပ်သဘောကျသွားတယ် တစ်ပင်လုံး စိမ်းဖန့်ဖန့် အဖူးတွေအပြည့်နဲ့ ။ ဒါနဲ့ တနင်္ဂနွေ မနက် တစ်ခေါက် ဆင်းကြည့်တော့ အစိမ်းတွေ ဖျော့ပြီး အဖြူဖက်ကို သန်းစပြုနေကြပြီ။ ပင်လုံးကျွတ် အဲဒီလို အရောင်တွေပဲ။ တနင်္ဂနွေနေ့ည မိုးချုပ်တော့ အစိမ်းရောင်တွေ မရှိတော့ဘူး အားလုံး အဖြူရောင် အဆုတ်လိုက် ခဲနေအောင် ပွင့်တာ မြင်လိုက်ရတယ်။ လှလိုက်တာ မွှေးလိုက်တာ လို့ ရေရွတ်ပြီး ဓါတ်ပုံရိုက်ရတယ်။ ဒီမနက်တော့ နေရောင်နဲ့ အလင်းရောင်နဲ့ တစ်ပင်လုံး အလှဆုံး ဖွေးလှုပ်အောင် ပွင့်နေကြတာ တွေ့ရတယ်။ သိတဲ့သူတွေကို ပြတော့ ဒါ တောင်မရိုးပင် တဲ့။ မြန်မာပြည် သိန်းတန်ရဲ့ " မောင်ခေါ်ရာ" ဆိုတဲ့ သီချင်းလေးတောင် ဆိုပြကြသေးတယ်...

ရွှေလရောင် အိမ်ခေါင်မိုးပေါ်ကျ…
ကြယ်ကလေးတွေ အပြိုင်ဆိုင် ပွင့်တဲ့ည…

ခြံဝင်းအပြင် မြေနီလမ်းပေါ်က
တောင်မရိုးတွေ လေဟုန်စီးတဲ့ ည

လူကြီးတွေ နှစ်ခြိုက်စွာ အိပ်မောကျ
မောင်ခေါ်ရာ မင်းလိုက်မယ် ဆိုတဲ့ ည . . . တဲ့။


သူ အနံ့က ကြာရင် အီလာတတ်ပေမဲ့ ခဏတဖြုတ်ဆိုရင်တော့ ချစ်သူနောက် လိုက်ချင်စိတ် ပေါက်လာတတ်တယ် ထင်ပါရဲ့... လို့ အမတစ်ယောက်က ပြောပါတယ်၊ ဟုတ်မှာပါပဲ အင်မတန် ညွတ်နူးချင်စရာကောင်းတဲ့ မွှေးရနံ့ပါ။

ဒီရက်ပိုင်း စင်္ကာပူကျွန်းလေးရဲ့ တခြားနေရာတော်တော်များများမှာ တောင်မရိုးပင်တွေ ပင်လုံးကျွတ် ဖူးပွင့်နေတယ်လို့ သိရတယ်။ ရာသီမသိ ပန်းနဲ့ ညှိ ဆိုပေမယ့် ဘာပန်းနဲ့မှ ညှိမရတဲ့ ရာသီမရှိတဲ့ ဒီကျွန်းလေးမှာ တော်ရုံ ပန်းတွေကလည်း ရနံ့ကင်းမဲ့လှတယ်။ ထူးထူးခြားခြား ဒီပန်းလေးကတော့ တော်တော်မွှေးတာ တွေ့ရတယ်။ လေသင့်တဲ့အခါ အထပ်မြင့် အိပ်ခန်းထဲအထိ ရောက်လာတတ်တဲ့ မွှေးမြမြ တောင်မရိုး ပန်းရနံ့သင်းနေတဲ့ လေကို ရှူရှိုက်ရတဲ့အခါ ကိုယ့်ရဲ့ စိတ်တွေက အဝေးက ကိုယ့်ဇာတိမြေလေးနဲ့ အမေ့အိမ်လေးဆီကို မကြာခဏ ပြန်ရောက်နေပါတော့တယ်။

သက်ဝေ
(၀၆ ဇန်နဝါရီ ၂၀၂၀)

Saturday, February 29, 2020

ချစ်သူဖတ်ဖို့စာ


အချိန်များ တစ်ရက်ပြီးတစ်ရက် ကုန်လွန်လာခဲ့ပြီ။ ကုန်လွန်ခဲ့သော နေ့ရက်တွေတိုင်းမှာ တစ်ခုခု လိုအပ်နေသလို၊ တစ်ခုခု ပြောဖို့ ကျန်နေသေးသလို အမျိုးအမည် ရေရေရာရာ မဖေါ်ပြတတ်သော ခံစားချက်မျိုး ကျွန်မထံမှာ ရှိနေခဲ့သည်။ ပြောချင်သော စကားများနှင့် မပြောဖြစ်လိုက်သော စကားများ၊ မေးချင်သော မေးခွန်းများနှင့် မမေးဖြစ်လိုက်သော မေးခွန်းများ… ထိုအရာများက ကျွန်မအတွေးထဲမှာ အချိန်ပြည့် နေရာယူနေကြသည်။ စိတ်ကူးထဲမှာတော့ စကားများစွာ ပြောဖြစ်သည်၊ မေးခွန်းများစွာလည်း မေးဖြစ်သည်။ သို့သော်…

တိတ်ဆိတ်ခြင်း၊ အေးစက်ခြင်း၊ သွေ့ခြောက်ခြင်း၊ သူစိမ်းဆန်ခြင်း တို့က အနီးကပ်ဆုံး လူနှစ်ယောက်အကြားမှာ မသိမသာ တိုးဝှေ့ရောက်ရှိလာခဲ့သည်။ ဟိုးအရင်အချိန်တွေတုန်းကလို လွတ်လပ်ပေါ့ပါးသော စကားသံများ ရယ်မောသံများ၊ အထူးတလည် သတိထား ရွေးချယ်ရန် မလိုအပ်ခဲ့သော စကားလုံးများ၊ မဖြစ်မနေ သိုဝှက်သိမ်းဆည်းထားရန် မလိုအပ်ခဲ့သော ချစ်ခြင်းမေတ္တာများ၊ ဟန်ဆောင်မြိုသိပ်ထားရန် မလိုအပ်ခဲ့သော လှိုက်လှဲ နွေးထွေးမှုများကို ကျွန်မ လွမ်းသည်။ ထိုအချိန်များကို ကျွန်မ ပြန်လိုချင်သည်။ ကျွန်မ ဘာလုပ်ရမည်လဲ။

ပျော်ရွှင်ပေါ့ပါးစွာ ရယ်မောလိုက်သော သူ့ရယ်သံကို ကျွန်မ ပြန်ကြားချင်သည်။ သူ့ပြောလေ့ရှိသော I miss you... ဆိုသည့် စကားသံ တိုးသဲ့သဲ့ကို ကျွန်မ ပြန်လိုချင်သည်။ တစ်ခုခုကို တဇွတ်ထိုး တောင်းဆိုမိတိုင်း ရယ်မောသံစွက်နေသော Alright...!! ဟူသည့် သူ့ စကားသံကို ပြန်ကြားလိုသည်။ ထို့အတူ အခါများစွာမှာ မှန်းဆ ဖွေရှာနေရသော အရာတစ်ချို့ကိုလည်း သူ့ဆီမှ ကျွန်မ ပြန်လိုချင်နေခဲ့ပါသည်။ ထိုအကြောင်းကို သူ့ကို မည်သို့ ပြောပြ အသိပေးရမည်လဲ... ကျွန်မ စဉ်းစားရသည်။ လောလောဆယ်မှာ သူ့အရိပ်အခြေကို သည်အတိုင်း အလိုက်တသိ ငေးကြည့်ရင်း အတတ်နိုင်ဆုံး သိုဝှက် တိတ်ဆိတ်စွာ ကျွန်မ နေခဲ့ပါသည်။ ခံစားချက်ဟူသမျှသည် အချိန်တိုင်း နေရာတိုင်းမှာ ထုတ်ဖေါ်ပြသရကောင်းသော အရာများ မဟုတ်မှန်းကိုလည်း ကျွန်မ နားလည်ပါသည်။ နေရာတိုင်းတွင် လှလှပပ ဖူးပွင့်ဝေဆာတတ်သောအရာများမှာ ပန်းပွင့်လေးများ အဖြစ်၌သာ ကြည့်ကောင်းတတ်သည် မဟုတ်ပါလား။ ချစ်ခြင်းမေတ္တာများ နှင့် လွမ်းဆွတ် တမ်းတမှုများ လှပစွာ ဖူးပွင့်ဝေဆာဖို့အတွက်တော့ နေရာဒေသ၊ အချိန်အခါ၊ အခြေအနေ စသည့် ပညတ်ချက်များစွာက ကာဆီးလျက်။ သို့သော်လည်း သည်အနေအထားအတိုင်း အချိန်များ တရွေ့ရွေ့ ကုန်လွန်လာသောအခါ ကျွန်မ ဝေခွဲမရ ဖြစ်လာခဲ့သည်။ သူ ဘာဖြစ်နေပါလိမ့်... စဉ်းစားရ ခက်လှသည်။

ပြောရလျှင် သူက အခါများစွာမှာ တိတ်တိတ်ဆိတ်ဆိတ်နေတတ်သူ၊ မလိုအပ်ပဲ စကားအပို များများ မပြောတတ်သူ၊ သပ်ရပ်သော စကားလုံး ရွေးချယ်တတ်သူ၊ စိတ်နှလုံး အေးချမ်းတတ်သူ၊ ဆင်ခြင် ထိန်းသိမ်းတတ်သူ တစ်ယောက် ဖြစ်သည်။ သို့သော် စိတ်လိုလက်ရရှိလျှင်တော့ စကားတွေ အများကြီး ပြောတတ်ပြီး လိုအပ်လျှင် လိုအပ်သလို ချက်ကျလက်ကျ ပြန်လည် ပြောဆိုရန် ဝန်မလေးတတ်သူလည်း ဖြစ်နေပြန်သည်။ ကိုကိုက သောကြာသား ဖြစ်ဖို့ကောင်းတာ… ဟု ကျွန်မ ပြောလျှင်တော့ သဘောတကျ ရယ်မောနေတတ်သည်သာ။ ကျွန်မကတော့ စိတ်မြန်တတ်သူ၊ သွေးပူတတ်သူ တစ်ယောက်၊ အချိန်အခါ အခြေအနေကို သတိမမူ ဂရုမထား… သူ ဖြေချင်မှန်းမသိ မဖြေချင်မှန်းမသိ ဇွတ် မေးတတ်သည်၊ သူ ကြားချင်မှန်းမသိ မကြားချင်မှန်းမသိ ဇွတ် ပြောတတ်သည်၊ သူ ပေးချင်မှန်း မပေးချင်မှန်း မသိ ဇွတ် တောင်းတတ်သည်။ တစ်ဖက်က ငြိမ်သက်နေသောအခါကျမှ ကျွန်မ အမှားကို ကျွန်မ ပြန်လည် ရိပ်မိရတတ်သည်။ နားလည်စိတ်နှင့် အရှိန်တန့်ကာ ဆင်ခြင်ရတတ်သည်။ တကယ်ဆို ကျွန်မက အတော်လေး အလိုက်မသိတတ်သူတစ်ယောက်သာ ဖြစ်ပါလိမ့်မည်။ လူအကဲခတ်တော်ပြီး လွန်စွာပါးနပ်သော သူသည် ကျွန်မအကြောင်းနှင့် ကျွန်မ၏ အမူအကျင့်များကို မသိပဲ နေလိမ့်မည်မဟုတ်၊ ကျွန်မ စိတ်ထဲကို မဖတ်တတ်ပဲ နေလိမ့်မည် မဟုတ်။ သို့သော်လည်း သူက တဆိတ်တော့ သွေးအေးလွန်း၊ နေနိုင်လွန်းလှသည်။

ထိုအချိန်များသည် ကျွန်မအတွက် အလွန်ခက်ခဲသော အချိန်များ ဖြစ်နေခဲ့ပါသည်။ နေ့နေ့ ညည ပြတင်းတံခါးမှတဆင့် မြင်နေရသော မြင်ကွင်းကို လှမ်းငေးရင်း သူ့အကြောင်းကို တွေးနေခဲ့သည်။ သူ့ကို သတိရနေခဲ့သည်။ ရွေ့လျားနေသော တိမ်များကို ကြည့်ကာ အလိုလို ဝမ်းနည်း ထိခိုက်လွယ်နေခဲ့သည်။ မိုးရေစက်များအောက် တစ်လှမ်းချင်း လျှောက်ရင်း ဇီဇဝါပန်းများကို နာကျင်ခံခက်စွာ လိုက်လံရှာဖွေနေခဲ့သေးသည်။ ကာလအတန်ကြာ မေ့လျော့ထားခဲ့သော အလွမ်းသီချင်းများကို ပြန်နားထောင်မိသည်။ အနီရင့်ရင့် နှင်းဆီပန်းများကို ဆူးမခြွေပဲ ပန်းစိုက်အိုးထဲ သည်အတိုင်း ဖြစ်သလို ထိုးစိုက်ထားမိသည်။ Touch me not ဟု အမည်ရသော ထိကရုန်းပင်များကို လိုက်ရှာပြီး အညှိုးတကြီး တို့ထိ ကစားနေခဲ့မိပြန်သည်။ ကျွန်မ၏ နာကျင်မှုကို သူတို့ဆီ ကူးပြောင်းပေးမိသည်လား... ပွင့်ချပ်ကလေးများ နာကျင်မှုဖြင့် အကုန် ပိတ်ဆည်း ငြိမ်သက်သွားသောအခါတွင်မှ အပင်ကလေးများကို သနားကြင်နာစိတ်ဝင်လာကာ တောင်းပန်စကား ဆိုရပြန်တော့သည်။

သည်အတိုင်းတော့ မဖြစ်၊ အေးစက် တိတ်ဆိတ်ခြင်းကို ကျွန်မသည်ထက် အချိန်ကြာကြာ ဆက်လက်သည်းခံနိုင်ဖို့ မလွယ်ကူလှ၊ ကျွန်မ သူ့ကို စကားပြောဖို့ ကြိုးစားရမည်။ သူ့စိတ်ထဲမှာ ဘာတွေရှိနေလဲ ဆိုသည်ကို မြင်သာလာအောင် စကားလမ်းကြောင်း ပေးရန်၊ သူပြောလာသော စကားများမှ တဆင့် သူ့သဘောထားကို သေသေချာချာ စေ့ငုမိစေရန် ကျွန်မ သူနှင့် စကားပြောဖို့ အမှန်တကယ်ကို လိုအပ်နေပေပြီ။ ဟုတ်ပါပြီ… ကျွန်မတို့ စကားပြောကြရမည်။ သူနှင့် ကျွန်မ စကားပြောဆိုဖို့ရာ မည်သည့်အချိန်က အကောင်းဆုံးဖြစ်မည်လဲ။ သူကရော ကျွန်မ ပြောမည့်စကားများကို လက်ခံ နားထောင်ချင်ပါရဲ့လား၊ သူ့ကို စကားပြောချိန်များမှာ သူ ပင်ပန်းနေသလား၊ သူ ပျော်ရွှင်နေသလား၊ သူ့ စိတ်ညစ်ညူးနေသလား၊ သူ့ စိတ်ထဲမှာ ဘာတွေ ရှိနေမလဲဆိုတာ ကျွန်မ ဘယ်လို အကဲခတ်ရပါ့မလဲ၊ ဘယ်နည်းနဲ့ သိနိုင်ပါ့မလဲ၊ သူ လက်ခံချင်ရဲ့လား၊ သူ နားထောင်ချင်ရဲ့လား၊ ထို့ထက်ပို၍ သူ တုံ့ပြန်ချင်ရဲ့လား... အစရှိသော သူ့စိတ်အစဉ်ကို ကျွန်မ ဘယ်လိုနည်းနဲ့ ရှာဖွေရပါမလဲ။

ထိုအတွေးများဖြင့် ရက်ပေါင်းများစွာ ကုန်လွန်သွားပြန်သည်။ ကျွန်မတို့၏ လှပသော နေ့စွဲတစ်ချို့တွင် စကားစဖြစ်ဖို့ ကြိုးစားသော်လည်း ကျွန်မ ကိုယ်တိုင်က မဝံ့မရဲ၊ သူ စိတ်အနှောက်အယှက်ဖြစ်မှာ၊ သူ မပျော်ရွှင်မှာ စိုးထိတ်လှသည်။ သည်လိုနှင့် အေးစက် တိတ်ဆိတ်ခြင်းများက ဆက်လက် အသက်ဝင် ရှည်ကြာနေခဲ့ပြန်သည်။

တမင် ဆွဲဆန့်စရာ မလိုပါပဲ သူ့အလိုလို ရှည်လျားလှသော သံသရာစက်ဝိုင်းထဲတွင် တစ်ယောက်ကို တစ်ယောက်က (တစ်ယောက်က တစ်ယောက်ကို) တိတ်တိတ်ဆိတ်ဆိတ် ငေးကြည့်ရင်း ချစ်မက်နေရ၊ လွမ်းဆွတ်နေရ၊ တွယ်တာနေရသည့်အဖြစ်မှာ ကျွန်မ မကျေနပ်သင့်ဘူးလား။ သူ့လက်ကို ဆုတ်ကိုင်ထားခဲ့ရချိန်များမှာ ကျွန်မ လက်ဖဝါးထဲသို့ အလိုက်သင့် စီးမျောလာသော ခွန်အားသစ်များဖြင့် ကျွန်မ ဆက်လက် ရှင်သန်ဖို့ မဖြစ်နိုင်ဘူးလား၊ ကျွန်မကို သူ ပွေ့ဖက်ခဲ့သောအချိန်များမှာ ကျွန်မ ကိုယ်ထဲသို့ စီးမျောဝင်ရောက်လာသော နွေးထွေးမှုများဖြင့် ကျွန်မ ဆက်လက် ရှင်သန်ဖို့ မဖြစ်နိုင်ဘူးလား။ အချိန်အတော်ကြာ စဉ်းစားပြီးသောအခါ ထိုမေးခွန်းများအတွက် အဖြေကို ကျွန်မ ရှာတွေ့သွားခဲ့ပါသည်။

သူက သိမ်းထားပါ ဟု ဆိုခဲ့လျှင် ကျွန်မ ရင်ထဲမှာ ရှိသမျှ သူနှင့်ပတ်သက်သော အရာအားလုံးကို သေသပ်စွာ ထုတ်ပိုး သိမ်းဆည်းထားလိုက်ပါမည်။ သူက ခွင့်ပြုလျှင်တော့ ကျွန်မ၏ ချစ်ခြင်းများနှင့် အချို့သော လွမ်းဆွတ် တမ်းတခြင်းများကို သူ့ ရှပ်အင်္ကျီ ညာဖက်ကော်လာလေးထဲမှာ မှတ်မှတ်ရရ ခွဲထည့်ပေးလိုက်ချင်ပါသည်။ သူက ဖွင့်ဟဖို့ အခွင့်ပေးလာသောအခါတွင်မှ ကျွန်မ၏ စိတ်ကူးအတွေးများနှင့်အတူ တိတ်တဆိတ် သိမ်းဆည်းထားခဲ့ရသော စကားများကို ဖွင့်ဟပြဖြစ်ပါလိမ့်မည်။

ချစ်ခြင်းမေတ္တာဆိုသည်မှာ မိမိချစ်ခင်သောသူကို အစဉ်အမြဲ ချမ်းသာစေလိုသော စိတ်စေတနာမှ အရင်းခံပါသည်။ ချစ်ခြင်း၌ စေတနာများစွာ ပါဝင်နေခဲ့သည်၊ သူ နေတတ်သလို နေပါစေ။ သူ စိတ်ချမ်းသာမှုသည် ကျွန်မ၏ စိတ်ချမ်းသာမှု၊ သူ၏ ပျော်ရွှင်မှုသည် ကျွန်မ၏ ပျော်ရွှင်မှု၊ သူ၏ အပြုံးတစ်စသည် ကျွန်မ၏ ချမ်းမြေ့ခြင်း တို့သာ ဖြစ်ရစေမည်။ သူကြည့်နေကျ ကြည့်မှန်ပေါ်တွင် ထင်ဟပ်နေသော ပုံရိပ်လေးကိုလည်း ကျွန်မက အရိပ်သဖွယ် စောင့်ကြည့်နေပါမည်။ ထိုထိုသော စိတ်စေတနာများကို သူ သိစေရန်အတွက် သည်စာလေးကို ရေးဖြစ်ပါသည်။ စာ၏ ခေါင်းစဉ်ကလည်း ရိုးသား ရှင်းလင်းစွာ...
ချစ်သော "သူ" ဖတ်ဖို့စာ...
ချစ် သူ ဖတ် ဖို့ စာ...

သက်ဝေ
(၁၉-၁၁-၁၉)

Friday, February 28, 2020

တိမ်ခြွေမိုး

စာရေးသူ ညီမ နှင်း က သူ့ရဲ့ တိမ်ခြွေမိုး ဆိုတဲ့ စာအုပ်လေးကို အရင်တစ်ပတ်က ကျွန်မဆီ ပို့ပေးပါတယ်။ ရိုးရှင်းတဲ့ အဆင်အပြင်၊ ချစ်စရာ မျက်နှာဖုံးနဲ့ စာအုပ်ရဲ့ နာမည် “တိမ်ခြွေမိုး” ဆိုတာလေးက ကျွန်မကို စပြီး ဆွဲဆောင်ပါတယ်။ သက်ရှိကမ္ဘာမြေ ဆောင်းပါးများ စုစည်းမှု ဆိုတဲ့ ခေါင်းစဉ်အောက်မှာ စာရေးသူ နှင်း ဟာ ကမ္ဘာမြေရဲ့ ထူးခြားတဲ့ အပြောင်းအလဲတွေကို သူ တွေ့မြင် ကြားသိထားရသမျှ လက်လှမ်းမှီသလောက် သတင်း ဆောင်းပါးလေးတွေအဖြစ်နဲ့ ရေးသားခဲ့တာတွေကို စုစည်း ထုတ်ဝေထားတာ ဖြစ်ပါတယ်။ ဆယ်စုနှစ်တစ်ခုနီးပါး ရင်းနှီးသိကျွမ်းခဲ့ရသူ ဘလော့ဂ် ရေးဖေါ် ညီမနှင်းကို ချစ်ခင်တဲ့စိတ်၊ သူ့ရဲ့ ရည်ရွယ်ချက် ကောင်းမွန်တဲ့ စာအုပ်လေးအတွက် အမှတ်တရ ဖြစ်လိုတဲ့စိတ်နဲ့ ဒီစာလေးကို ရေးပါတယ်။
•••••••••••

စုစုပေါင်း ဆောင်းပါး ၁၁ ပုဒ် ပါဝင်တဲ့ ဒီစာအုပ်လေးကို ချစ်ရတဲ့ ဆရာမ ဂျူးရဲ့ အမှာစာလေးနဲ့ စတင်ပါတယ်။ ဆရာမက ဆောင်းပါး တစ်ပုဒ်ချင်းစီတိုင်းအတွက် သူ့ရဲ့ ထင်မြင်ချက်လေးတွေ ရေးပေးပြီး အခုလို အရေးပေါ်အချိန်မှာ တိမ်ခြွေမိုး စာအုပ်ဟာ သဘာဝပတ်ဝန်းကျင် ထိန်းသိမ်းမှုဆိုင်ရာ ဆုံးဖြတ်ချက် ချသူတွေနဲ့ အတူလက်တွဲပါဝင်ရမယ့် ပြည်သူတွေအတွက် အားကိုးရာတစ်ခုလို့ အားတက်မိကြောင်းနဲ့ စာရေးသူ နှင်းကို ကျေးဇူးတင်ကြောင်းနဲ့ အဆုံးသတ်ထားပါတယ်။

သက်ရှိကမ္ဘာမြေအတွက်လို့ ရည်ရွယ်တဲ့ စာရေးသူရဲ့ အမှာစာ မှာတော့ ကမ္ဘာမြေဟာ ဖျားနာနေခဲ့ပြီးပြီ၊ သဘာဝဖြစ်စဉ်တွေလည်း ဆုံးရှုံးနေခဲ့ပြီးပြီ၊ ဘယ်သူ့ကိုမှ အပြစ်တင်လို့ မရ လက်ခံကြရမှာပဲ။ ဒါပေမယ့် ကျွန်မတို့ ရှင်သန်ကြီးပြင်းခဲ့ရတဲ့ ကာလတလျောက်မှာ ဒီလို ဒီလိုတွေ အပြောင်းအလဲတွေ ဖြစ်ခဲ့ပါတယ် သဘာဝတရား ဖြစ်စဉ်တွေ ဒီလို ပြောင်းလဲခဲ့ပါတယ် ဆိုတာလေးတွေကို မှတ်တမ်းတင်လိုတဲ့ စိတ်နဲ့ ဒီစာအုပ်လေးကို စီစဉ်ဖြစ်တယ်လို့ ဆိုပါတယ်။

စာအုပ်လေးရဲ့ ပထမဆုံး ဆောင်းပါးရဲ့ နာမည်က "လိပ်ပြာတွေ ပြောပြတဲ့ ဂေဟ စနစ်" တဲ့။ လိပ်ပြာလေးတွေကို ကျွန်မတို့ ချစ်ပေမယ့် သူတို့အကြောင်းကို သိပ်သတိမထားဖြစ်ခဲ့ပါဘူး။ ကျွန်မတို့ သတိမထားမိတဲ့ လိပ်ပြာလေးတွေရဲ့ စိတ်ဝင်စားစရာ အကြောင်းကို အခုလို သိရ ဖတ်ရပါတယ်။
လိပ်ပြာလေးတွေဟာ ဂေဟစနစ်နဲ့ တိုက်ရိုက် ဆက်နွယ်နေတယ်၊ ဂေဟစနစ်ရဲ့ အပြောင်းအလဲကို သိသိသာသာ ညွှန်းဆို ပြောပြနိုင်တာ လိပ်ပြာတွေပဲ ရှိတယ် တဲ့။ ကျွန်မ တစ်ခါမှ တွေးထင်မထားခဲ့တဲ့ အကြောင်းအရာလေးပါ။ အကြောင်းအရာ မျိုးစုံ ခေါင်းစဉ်မျိုးစုံ ပုံသဏ္ဍာန် မျိုးစုံနဲ့ လေထုထဲကို အညစ်အကြေးတွေ ရောက်လာတဲ့အခါ ပေါ့ပါးလွတ်လပ်စွာ ပျံသန်းနေတဲ့ လိပ်ပြာတွေ မရှိတော့သလောက် နည်းပါးသွားတယ် လို့ သိရပါတယ်။

တကယ်လို့များ ကျွန်မတို့ ပတ်ဝန်းကျင်မှာ သဘာဝအတိုင်း ပျံဝဲနေတဲ့ လိပ်ပြာလေးတွေ တွေ့မြင်နေရသေးရင် ကျွန်မတို့ဟာ ကမ္ဘာပေါ်မှာ ကံ အကောင်းဆုံး လူသားတွေလို့ ပြောလို့ရပါတယ်။ လိပ်ပြာလေးတွေကို မြင်ရရင် ကျွန်မတို့ဟာ အဆ်ိပ်ငွေ့ကင်းစင်ပြီး ရာနှုန်းပြည့် သန့်ရှင်း လတ်ဆတ်တဲ့ လေကို ရှူရှိုက်နေရသူတွေ ဖြစ်တာမို့ ဝမ်းသာစရာပါ တဲ့။ ဆိုတော့… ကျွန်မတို့တတွေ လိပ်ပြာလေးတွေကို မြင်တွေ့ခွင့်ရနေကြသေးလား၊ လိပ်ပြာလေးတွေ ကျွန်မတို့ရဲ့ အနားမှာ ရှိနေကြသေးလား၊ အသွေးအရောင် စုံလင်ပြီး လှပဆန်းပြားတဲ့ လိပ်ပြာမျိုးစိတ်တွေ ဟိုးအဝေးကို ရောက်ပြီး ကျွန်မတို့ အနားက ပျောက်ကွယ်နေပြီလား… သတိရရင် အကဲခတ်ကြည့်ကြရအောင်ပါ။

ဒုတိယတစ်ပုဒ်အနေနဲ့ ဖတ်ဖြစ်တဲ့ ဆောင်းပါးလေးက "သဘာဝနှင့်အညီ နေထိုင်ခြင်း" လို့ အမည်ရပါတယ်။ ၂၀၁၇ ခုနှစ် သဘာဝပတ်ဝန်းကျင် ထိန်းသိမ်းရေးနေ့အတွက် ဆောင်ပုဒ်လေးက • သဘာဝနှင့် ချိတ်ဆက်ခြင်း (သို့) ဆက်သွယ်ခြင်း• တဲ့။ ဆောင်ပုဒ်လေးရဲ့ ဆိုလိုချင်တဲ့ အဓိပ္ပါယ်ကတော့ သဘာဝနဲ့ တသားတည်းကျအောင် နေထိုင်ဖို့၊ သဘာဝတရားရဲ့ အရေးပါပုံတွေကို နားလည်ပြီး ကျေးဇူးတင်တတ်ဖို့နဲ့ ကျွန်မတို့ နေထိုင်တဲ့ ကမ္ဘာကြီးကို တတ်အားသရွေ့ ကာကွယ်စောင့်ရှောက်ဖို့ပါပဲ။ သဘာဝနဲ့ အညီ ချိတ်ဆက်နေထိုင်ခြင်း ဆိုတာ ဘာများပါလိမ့်လို့ ကျွန်မ စဉ်းစားရင်း ဆောင်းပါးကို ဆက်ဖတ်ဖြစ်ပါတယ်။ စာရေးသူက မေးပါတယ်… ကျွန်မတို့ အသက်ရှင်နေထိုင်နေတဲ့ နှစ်ကာလ အပိုင်းအခြားတွေထဲမှာ သဘာဝတရားနဲ့ ဘယ်လောက် ရင်းနှီးကျွမ်းဝင်ခဲ့သလဲ၊ သဘာဝတရားနဲ့ ကမ္ဘာမြေအတွက် ဘာတွေ လုပ်ဖြစ်ခဲ့သလဲ၊ ဘယ်လောက် တာဝန်ကြေခဲ့ပါသလဲ တဲ့။ စာရေးသူက သူ့ကိုယ်သူ မေးခွန်းထုတ်ထားပေမယ့် ကျွန်မတို့ စာဖတ်သူတွေကိုပါ တိုက်ရိုက် မေးခွန်းထုတ်လိုက်တယ်လို့ ခံစားရပါတယ်။ ကျွန်မ ကိုယ့်ကိုယ်ကိုယ် ပြန်မေးကြည့်ပါတယ်... တိတိကျကျ အဖြေ မရခဲ့ပါဘူး။

ခေတ်စနစ်နဲ့ ကျွန်မတို့ နေထိုင်ရှင်သန်ရတဲ့ အနေအထား၊ ပတ်ဝန်းကျင်က လိုအပ်ချက် တောင်းဆိုချက်တွေအရ ကျွန်မတို့ နေ့စဉ် သုံးစွဲနေရတဲ့ အဝတ်အထည် အသုံးအဆောင်၊ တစ်ယောက်ချင်းစီ ပိုင်ဆိုင်နေရတဲ့ ပစ္စည်းပစ္စယတွေဟာ အရင်ခေတ်နဲ့တော့ ဘယ်လိုမှ မတူနိုင်တော့တာ အမှန်ပါ။ အသုံးပြုရတဲ့ ပစ္စည်းတွေ များလာတာနဲ့ အမျှ စွန့်ပစ်ရတာတွေလည်း များလာပါတယ်။ လူတစ်ယောက်ချင်းစီကနေ စွန့်ပစ်တဲ့ စွန့်ပစ်ပစ္စည်းတွေထဲမှာ ပျက်စီးလွယ်တာ ဘယ်နှစ်ရာခိုင်နှုန်းရှိမလဲ၊ မပျက်စီးနိုင်တဲ့ ပလတ်စတစ်လို ပစ္စည်း ဘယ်လောက်များ များနေမလဲ၊ ပြီးတော့ လောင်စာဆီ သုံးစွဲမှုနဲ့ အိမ်သုံး ပစ္စည်းတွေရဲ့ လျှပ်စစ်ဓါတ်အား သုံးစွဲမှု ဘယ်လောက်များနေမလဲ… စတာတွေကို တစ်ခုချင်းစီ အေးအေးဆေးဆေး ပြန်စဉ်းစားကြည့်ဖို့ ကောင်းပါတယ် လို့ စာရေးသူက ညွှန်ပြပါတယ်။ တဆက်တည်းမှာ ကျွန်မတို့ တစ်ဦးချင်း တစ်ယောက်ချင်းစီကနေ လိုအပ်တာတွေကို လိုသလောက်သာ အသုံးပြုပြီး မလိုအပ်တာတွေကို တတ်နိုင်သလောက် လျှော့ချရင်း သဘာဝကျကျ နေထိုင်သွားနိုင်ရင် ကောင်းမယ်လို့ ဆိုပါတယ်။

သင်တို့ရော…
ဘယ်လိုများ သဘာဝနဲ့ အညီ နေထိုင်ကြမယ်လို့ စိတ်ကူးထားကြပါသလဲ… ဆိုတဲ့ မေးခွန်းနဲ့ အဆုံးသတ်ထားတဲ့ ဆောင်းပါးဟာ ကျွန်မကိုရော စာဖတ်သူတွေ အားလုံးကိုရော အတွေးများစွာ ချန်ထားခဲ့နိုင်မှာ သေချာပါတယ်။

တတိယ အနေနဲ့ ကျွန်မ ဖတ်ဖြစ်တဲ့ ဆောင်းပါးက "သဘာဝ ဂါရဝ၊ သယံဇာတ ဂါရဝ" တဲ့။ ဆောင်းပါး ခေါင်းစဉ်မှာတင် အငိုက်မိ တွေဝေသွားခဲ့ပါတယ်။ နောက်တစ်ခေါက် ထပ်ရွတ်မိပါတယ်... သဘာဝ ဂါရဝ၊ သယံဇာတ ဂါရဝ… တဲ့...

စဉ်းစားကြည့်ပါ မြင်ယောင်ကြည့်ပါ...
ကမ်းခြေတွေရောက်တိုင်း ကျွန်မတို့ ခရုကောက်ကြတယ်၊ ခရုခွံလေးတွေနဲ့ လုပ်ထားတဲ့ ပစ္စည်းလေးတွေ အမှတ်တရ ဝယ်ကြတယ်။ ဧရာဝတီမြစ်ဆုံကို ရောက်သူတိုင်း ကျောက်ခဲ ပြောင်ပြောင်ချောချောလေးတွေ ကောက်ကြတယ်။ တောင်တန်းဒေသတွေ အလည်ရောက်ရင် မြေပြန့်မှာ တွေ့ရမြင်ရခဲတဲ့ တောင်ဇလပ်ပန်းလို ဇလပ်နီလို ချယ်ရီလို ပန်းတွေ ခူးကြတယ်၊ ရှားပါးသစ်ခွမျိုးတွေ နှုတ်ယူကြတယ်။ မြေပြန့်ဒေသမှာဆိုလည်း ပိတောက်ပွင့်ချိန်ဆို တစ်ပင်လုံး မခုတ်ရုံတမယ် ခူးယူလေ့ရှိကြတယ်။ ကျောက်တောင် ကျောက်ဂူတွေကို ရောက်ရင်လည်း ကျောက်ခဲ အကျိုးအပဲ့တွေကို အမှတ်တရ ယူသွားတတ်ကြပါသေးတယ်။ ဒါတွေဟာ ကျွန်မတို့လူမျိုးတွေနဲ့ အတော်ကြီး ယဉ်ပါးနေတဲ့ အလေ့အထတွေ ဖြစ်နေခဲ့ပြီ။ အဲဒီလို အလေ့အထတွေဟာ တနည်းအားဖြင့် သဘာဝ တရားကို ဂါရဝ မထားရာ ရောက်တယ်၊ သယံဇာတ တွေကို ဂါရဝ မထားရာ ရောက်တယ် လို့ ဆိုပါတယ်။

စကားကြုံလို့ ပြောပြပါဦးမယ်…
ကျွန်မနေတဲ့ စင်္ကာပူမှာ သစ်ပင် ပန်းပင်တွေ အရောင်စုံ အဆင်စုံ အမျိုးအမည်စုံ နေရာအနှံ့ သိပ်ပေါများပါတယ်။ စနစ်တကျလည်း ပြုစု စောင့်ရှောက် ထိန်းသိမ်းပါတယ်။ သစ်ပင်တွေမှာ လူတွေလိုပဲ မှတ်ပုံတင်နံပါတ်လို နံပါတ် ကိုယ်စီရှိပါတယ်။ ဒါပေမယ့် ပန်းတစ်ပွင့် အရွက်တစ်ရွက် ချိုးလို့ ခူးလို့ မရပါဘူး။ ဥပဒေရှိပါတယ် စောင့်ကြည့်နေတဲ့ ကင်မရာတွေ ရှိပါတယ် မြင်တာနဲ့ ဒါဏ်ငွေ တပ်ပါတယ်။ ပြီးတော့ တစ်ချို့ ပန်းခြံတွေမှာ သဘာဝအတိုင်း သွားလာနေတဲ့ မျောက်ကလေးတွေ ငှက်ကလေးတွေ ရှိပါတယ်။ လက်ထဲမှာ ပါသွားတဲ့ စားစရာ အစ အန တစ်စမှ ကျွေးလို့ မရပါဘူး၊ တင်းတင်းကြပ်ကြပ် တားမြစ်ပါတယ် ကိုယ်မသိနိုင်တဲ့ အရပ်ဝတ်နဲ့ လှည့်လည်နေတဲ့သူတွေ စောင့်ကြည့်နေသူတွေ အများကြီးရှိပါတယ်။ မြင်လိုက်တာနဲ့ ချက်ချင်း အနားရောက်လာတာပါ ဒါဏ်ငွေ ဆောင်ရပါတယ်။ အိမ်နီးချင်းနိုင်ငံတွေမှာလည်း ထိုနည်းလည်းကောင်းပါပဲ… သစ်ပင်ခုတ်လို့ မရဘူး ပန်းခူးလို့ မရဘူး ငါးမျှားလို့ မရဘူး စတဲ့ စည်းကမ်းတွေ ရှိပါတယ်။ တစ်နည်းအားဖြင့်ဆို သဘာဝအလှကို ဂါရဝတရားနဲ့ အညီ လေးစား တန်ဖိုးထားနိုင်ဖို့ ကောင်းမွန်တဲ့ စည်းကမ်းတွေ ကိုယ်စီ ရှိကြပါတယ်။

ဒီဆောင်းပါးလေးကို ဖတ်အပြီးမှာ ကမ်းခြေက ခရုလေးတွေ အတွက်၊ မြစ်ဆုံက ကျောက်ခဲလေးတွေအတွက်၊ တောင်ပေါ်က ပန်းပွင့်လေးတွေအတွက်၊ ချစ်ရတဲ့ ပိတောက်ပန်းလေးတွေအတွက်... ပြီးတော့ ကျွန်မတို့ ချစ်တဲ့ မြန်မာပြည်အတွက်... သဘာဝ ဂါရဝ၊ သယံဇာတ ဂါရဝ ကိုယ်စီ ရှိကြရင် ဘယ်လောက် ကောင်းမလဲ ဆိုတဲ့ မဆုံးနိုင်တဲ့ အတွေးတွေနဲ့ ကျန်ရစ်ပါတယ်။

••••••••••••

ဒီလောက်ဆို စာရေးသူ နှင်း (မာယာ) ရဲ့ တိမ်ခြွေမိုး စာအုပ်လေးရဲ့ ရည်ရွယ်ချက်နဲ့ အကြောင်းအရာ တစ်ချို့ကို မြည်းစမ်းမိလောက်ပြီလို့ ထင်ပါတယ်။ ဆောင်းပါး တစ်ပုဒ်ချင်းစီတိုင်းမှာ လှပကောင်းမွန်တဲ့ ရည်ရွယ်ချက် တစ်မျိုးစီပါဝင်ပြီး ဖတ်ပြီးတဲ့ အခါမှာ အတွေးတစ်မျိုးစီ ကျန်ရစ်ခဲ့စေပါတယ်။ သဘာဝကို ချစ်မြတ်နိုးသူတိုင်း ဖတ်ဖြစ်အောင် ဖတ်ကြည့်စေချင်ပါတယ်။

ပြည်တွင်းက စာချစ်သူတွေ We Distribution နဲ့ အခြား စာအုပ်ဆိုင်တွေမှာ ဝယ်ယူဖတ်ရှုနိုင်ပါတယ်။ စင်္ကာပူက စာချစ်သူတွေအတွက်ကတော့ ကိုလင်းသူလွင် - ဖုန်း ၉၆၃၅၆၅၂၉ ကို ဆက်သွယ် ဝယ်ယူ အားပေးလို့ရပါတယ်။ အိမ်တိုင်ရာရောက် လာပို့ပေးမှာ ဖြစ်ပါတယ်။ သဘာဝကို ချစ်ခင်သူ တန်ဖိုးထားသူ စာချစ်သူတိုင်းရဲ့ အားပေးမှုများကို ကြိုတင်ကျေးဇူးတင်နေပါ့မယ်။

သက်ဝေ
(၆ အောက်တိုဘာ ၂၀၁၉)

Friday, February 14, 2020

လောကဟင်းလင်းပြင်

လောကကြီးက လှနေလည်း...
မပြည့်စုံဘူးလို့ ဆိုမယ်..