လွင့်မျော မြစ်တစင်း

စာမရေးဖြစ်တာ ကြာပြီ…။ အလုပ်များတယ်လို့ ခဏခဏပြောရတာလဲ ရှက်စရာတောင်ကောင်းနေတယ်။ ဒါပေမယ့် အလုပ်ကတော့ တကယ်များနေတာပါ။ အချိန်တွေကလဲ ကုန်လွယ်လှတယ်…။ တရက်ပြီး တရက်၊ တလပြီး တလ၊ တနှစ်ပြီး တနှစ်… ဒီလိုနဲ့ အမှတ်ရစရာ နေ့စွဲတွေဆီကို ခဏလေးနဲ့ ပြန်ပြန်ရောက်လာတာ…။ တနေ့က သူငယ်ချင်း ချစ်ကြည်က သတိတရနဲ့ ဖုန်းဆက်ပြီး မေးလာတယ်… ၁၂ ရက်နေ့အတွက် ဘာရေးထားလဲတဲ့…။ တကယ်ပဲ… သူပြောကာမှ အဲဒီနေ့အတွက် ဘာမှ ရေးထားတာမရှိ၊ ရေးဖို့တောင် မစဉ်းစားထားမိတာ…။ အဲလိုပြောလိုက်ပြီး ညကျတော့ သူက ကဗျာလေးတပုဒ် ရေးပြီး ပို့ပေးလာတယ်…။ ကိုယ်တို့ Anniversary အတွက် လက်ဆောင် တဲ့…။

သူငယ်ချင်းရဲ့ မေတ္တာ၊ စေတနာတွေနဲ့အတူ ကဗျာလေးက တကယ်ချိုပါတယ်…။ ဒီအတွက်လဲ သူငယ်ချင်းကို ချစ်ခင်စွာနဲ့ ကျေးဇူးတင်ပါတယ်…။ ကဗျာလေးကို ဖတ်ကြည့်ကြပါအုံးနော်…။

လွင့်မျော မြစ်တစင်း

မြစ်တစ်စင်း...
ချစ်ခြင်းတွေ အပြည့်အတင်း
မင်းနဲ့ကိုယ် ကြည်မွေ့သာယာ
စုံ ဆန် တခါ စီးမျော
သမုဒယ ဝန်စည်စလှယ်တွေရော
နားလည်မှု နှောင်ကြိုးတွေပါ
ဖွယ်ဖွယ်ရာရာ တင်ဆောင်လာခဲ့.....။

လက်ချင်းမတွဲ... စိတ်ချင်း မြဲပြီးသား
ကျောချင်းမကပ်... စိတ်ချင်း ထပ်ပြီးထား
နှလုံးသားတွေနဲ့ အသက်ရှု
ကိုယ်တို့....
မြတ်နိုးခြင်းတွေနဲ့ လူ ဖြစ်ကြတယ်....။

တစ တစ တရက် တလ
တနှစ် နှစ်နှစ် နေ့အသစ်တွေ
ဒီရေလို ကျော်ဖြတ်ကုန်ဆုံး
နှောင်ထုံးတွေက ပိုရင့်
အတွယ်အတာ အပွင့်တွေက ပိုသန်
သံယောဇဉ် အညွန့်တွေက ဟိုမှာ ဒီမှာ ခေါင်းထောင်လို့ ထကြ...
သူနဲ့အတူ ဒီဘဝ ဒီတသက်
မလွတ်တမ်း ပွေ့ဖက် ရှိုင်းရှိုင်းနက်နက်
မက်မောမဆုံး... လွင့်မျောဦးမည်....။

ခိုင်မြဲသောကြိုး (2008)
Love Each Other (2009)

ပုံရိပ်ဟောင်းများ

ညီမ ကေ ရဲ့ တက်ဂ်ပါ…။ ပုံရိပ်ဟောင်းများတဲ့…
အမှန်က ကေ လိုချင်တဲ့ ပုံရိပ်ဟောင်း ဆိုတာက တက္ကသိုလ်တုန်းက... ဒါမှမဟုတ် ဘဝ တက္ကသိုလ်တုန်းက ပုံရိပ်ဟောင်းတွေကိုပါ။ သို့သော်လည်း လောလောဆယ်မှာ ကိုယ့်ဆီမှာ ကျောင်းနဲ့ပတ်သက်လို့ ပြစရာ ဓါတ်ပုံတွေ ဘာတွေ တခုမှ ရှိမနေတာမို့ ဟိုတွေး ဒီတွေး တွေးရင်း ရက်တွေသာ ကြာလာတယ်... ပုံရိပ်ဟောင်းကို ဘယ်လိုမှ အကောင်အထည် ဖေါ်လို့ မရခဲ့ပါဘူး။ တရက်ကတော့ ပုံရိပ်ဟောင်းကို စာနဲ့ချည်းပဲ ရေးကြည့်သေးတယ်… ဒါပေမယ့် အတော်လေး ပျင်းခြောက်ခြောက်နိုင်လှတယ်။ ဒီညတော့ You Tube မှာ သီချင်းတပုဒ်ရှာရင်း မမျှော်လင့်ပဲ ကိုယ်ချစ်ခင် နှစ်သက်ခဲ့ရသူတွေရဲ့ ပုံရိပ်ဟောင်းတချို့ကို အမိအရ ဖမ်းဆုပ်နိုင်ခဲ့ပါတယ်…။

တစက္ကန့်၊ တမိနစ်၊ တနာရီ၊ တရက်၊ တလ၊ တနှစ်… ဒီလိုနည်းနဲ့ အချိန်တွေ ကုန်လွန်လာတာ မယုံကြည်နိုင်စရာ ကောင်းလှတယ်။ အချိန်တွေနဲ့လိုက်ပြီး ပြောင်းလဲလာတဲ့ ပုံရိပ်တွေဟာ ပြန်ကြည့်လိုက်တိုင်း အမှတ်တရ ဖြစ်စရာ...။

ကိုယ် အခု ပြောပြမယ့် ပုံရိပ်ဟောင်းတွေဟာ လွန်ခဲ့တဲ့ အနှစ်နှစ်ဆယ်ကျော် အစိတ်ပတ်ဝန်းကျင်က ပုံရိပ်တွေပါ။ ရုတ်တရက် ကြည့်လိုက်ရင် သိပ်မဝေးသေးဘူးလို့ ထင်ရပေမယ့် တကယ်တော့ တော်တော်လေး ကြာခဲ့ပြီ…။ အနှစ် နှစ်ဆယ်၊ အနှစ် အစိတ်ဆိုတာ အရာတော်တော်များများကို၊ လူတယောက်၊ ဒါမှမဟုတ် ဘဝတခုကို ကောင်းကောင်းကြီး ပြောင်းလဲစေနိုင်တဲ့ ဂုဏ်သတ္တိတွေနဲ့ စွမ်းအားတွေရှိတယ်…။ ဒီလိုမျိုး ပြောင်းလဲတတ်တဲ့ သဘာဝကြီးတခုလုံး အထင်အရှား ရှိနေပါလျက်နဲ့ ကိုယ်တို့ ပတ်ဝန်းကျင်မှာ အချိန်တွေ ဘယ်လောက်ကြာကြာ မပြောင်းမလဲတဲ့ အကြောင်းအရာတွေ ရှိနေသေးတာကတော့ တွေးကြည့်လိုက်မိတိုင်း ရင်နာစရာကောင်းပါတယ်။

ဒီပုံက ၁၉၈၄-၈၅ ခုနှစ်မှာ ထွက်ခဲ့တဲ့ ကိုင်ဇာနဲ့ မေဆွိတို့ရဲ့ တူနှစ်ကိုယ်တိုင်းပြည်အခွေ ကာဗာပါ။ ကြည့်ပါအုံး… မေဆွိထိုင်နေတဲ့ အရှေ့မှာ ကစားစရာ အိမ်လေးတွေ ချလို့၊ ဖြူစင်မှုတွေနဲ့ ချစ်စရာ ပုံရိပ်ဟောင်းတခုပါ…။ ဆယ်တန်းတုန်းက မုန့်ဖိုးတွေစုပြီး အဲဒီ သီချင်းခွေကို ၂၅ ကျပ်နဲ့ ဝယ်ခဲ့ဖူးပါတယ်။ ကိုယ့်မုန့်ဖိုးနဲ့ကိုယ် ပထမဆုံး ဝယ်ဖူးတဲ့ သီချင်းခွေဆိုတော့ အမြဲသတိတရနဲ့ မှတ်မိနေတဲ့ ပုံရိပ်ဟောင်းတခုဆိုလဲ မမှားပါဘူး...။


ဒါက ၁၉၈၅ ခုနှစ်က မြန်မာ့ရုပ်မြင်သံကြားမှာ လွှင့်ခဲ့တဲ့ "စကားရှိတိုင်းသာ ဖြေရမလား" ဆိုတဲ့ သီချင်းလေး… ဆံပင်ပုံစံ ဝတ်ပုံစားပုံ… မျက်နှာ အလှပြင်ပုံတွေဟာ တကယ့် ပုံရိပ်ဟောင်းတခုပါပဲ…။


ဒီပုံရိပ်ဟောင်းကတော့ ၁၉၈၅-၈၆ ပတ်ဝန်းကျင်ကပါ… ဒါပေမယ့် ဒီဇိုင်းကတော့ ပြောင်းလာပြီ။ အကြေကောက်ဆန်ဆန်ဆံပင်မျိုးနဲ့ မျက်နှာမှာ ပြင်ဆင်ခြယ်သပုံကလဲ ပိုပြီး လှလာတယ်။ ပန်းနုရောင် ဖျော့ဖျော့ လင်းလင်းတွေ သုံးလာကြတာတွေ့ရတယ်။ နောက်ပြီး စီးကရက်စလို ပိတ်စပြောင်ပြောင်တွေနဲ့ ဖဲစတွေ ဝတ်လာကြတယ်။ ပြောရရင် ဟေမာနေဝင်းရဲ့
"ကိုကိုရေ သိပ်ချစ်တယ်..." နဲ့ တချိန်တည်းလောက်ပဲ…။


အိပ်ဆေးမရှိ၊ နှုတ်စကားကြားမှ ယုံလိုသူ စတဲ့သီချင်းတွေမှာ မေဆွိကို အခုလို အပြင်အဆင်တွေနဲ့ တွေ့ရတယ်...။


ဒါကတော့ နဲနဲလေး ပိုနောက်ကျလာပြီ… ၁၉၉၀ ပတ်ဝန်းကျင်ကပါ။ အနောက်မှာ ဂစ်တာတီးနေတဲ့သူက အဆိုတော် မိုးသက်တင်ပါ။


၁၉၈၄ ခုနှစ်က ဟေမာနေဝင်းရဲ့ ပထမဆုံး အခွေ… ဟေမာနဲ့ တသားထဲ ဘယ်လိုမှ ခွဲခြားလို့မရတဲ့ ယုံလား (ကိုကိုရေ သိပ်ချစ်တယ်…) သီချင်း ဆိုတဲ့ အချိန်တုန်းက ပုံရိပ်ဟောင်း…


ဟေမာနေဝင်းရဲ့ ခွင့်လွှတ်နော် အခွေ ကာဗာပါ။ ၁၉၈၅-၈၆ ခုနှစ်လောက်မှာ ထွက်ခဲ့ပါတယ်။ ဒိုင်ယာနာပုံဆန်ဆန် ဘေးခွဲဆံပင်အတိုနဲ့ နှုတ်ခမ်းနီ ပန်းရောင်နဲ့…။ အဲဒီအချိန်က အဲဒီနှုတ်ခမ်းနီအရောင်က တော်တော်လေး ခေတ်စားပါတယ်။ လူတိုင်းနဲ့ မလိုက်ဖူးလို့ ထင်ရပေမယ့် တကယ်တော့ မဟုတ်ဖူးရယ်… ဖြူတဲ့သူရော ညိုတဲ့သူရောနဲ့ ကြည့်ကောင်းတာ တွေ့ရတယ်။


ဒါကတော့ အဲဒီ အကြေကောက်တွေနောက်မှာ လုံးဝ တိုချလိုက်တဲ့ ဟေမာရဲ့ ချစ်စရာ ဆံပင်လုံးလုံးလေးနဲ့ ပုံရိပ်ဟောင်းလေး တခုပါ။ အဲဒီအချိန်မှာတော့ နှုတ်ခမ်းနီ အခြောက် အရောင်ရင့်ရင့် (Dry & Matt) တွေကို အနားသတ် Lip Liner နဲ့ ဆိုးတဲ့ခေတ်ပေါ့။ နှုတ်ခမ်းပါးတဲ့သူရော နှုတ်ခမ်းထူတဲ့သူတွေပါမကျန် အားလုံးလိုလို လိုက်ဆိုးကြတဲ့ အချိန်... ပြီးတော့ မျက်ခုံးတွေလဲ မရိပ်ကြတော့ဘူး…။ Mic ကို ပါးမှာကပ်ရင်း ချစ်စရာ ဟေမာ... ဆိုနေတဲ့ သီချင်းက "ပြန်သိမ်းထားမယ်" တဲ့...။


အဲဒီပုံရိပ်ဟောင်းနဲ့ အချိန်သိပ်မခြားတဲ့ ဟေမာနေဝင်းရဲ့ နောက်ဒီဇိုင်းတခုပါ။ သူ ဆိုနေတဲ့ သီချင်းက "ရှင်းရှင်းပြောပါလား..." တဲ့...။


အရာရာတိုင်းဟာ ခေတ်ရေစီးကြောင်းအလိုက် အနည်းနည်း အဖုံဖုံနဲ့ ပြောင်းလဲ လာကြတိုင်းမှာ တချိန်က သစ်လွင်တောက်ပခဲ့တဲ့ ပုံရိပ်တွေကို နောင်တချိန်မှာ ပုံရိပ်အဟောင်းတွေအဖြစ်နဲ့သာ တွေ့မြင်ကြရမှာ သဘာဝပါပဲ... ပုံရိပ်အသစ်တွေကို သဘောကျ နှစ်သက်လက်ခံကြသလို ပုံရိပ်အဟောင်းတွေကိုလဲ ဘယ်တော့မှ မေ့ပစ်လို့ မရစကောင်း... အမှတ်တရ သိမ်းဆည်းထားဖြစ်ကြမှာ သေချာပါတယ်...။

ဒီပုံတွေအားလုံးကို You Tube မှာ တင်ထားတဲ့ သီချင်းတွေက တဆင့် ရယူပါတယ်။ နောက်ထပ် ရှာဖွေတွေ့ရှိထားတဲ့ ချစ်စရာ ပုံရိပ်ဟောင်းတွေပါတဲ့ သီချင်းဖိုင်လ်တွေ အများကြီး ရှိနေသေးပေမယ့် ဘလော့ဂ် သိပ်လေးနေမှာစိုးလို့ မတင်တော့ပါဘူး။ ကြည့်ချင်ကြသေးတယ်ဆိုရင်တော့ You Tube မှာ မေဆွိ၊ ဟေမာနေဝင်း စသည်ဖြင့် ရိုက်ထည့်ပြီး ရှာကြည့်လို့ရပါတယ်။ အချိန်ရရင် တပုံချင်းစီအတွက် သီချင်း Link တွေ တင်ပေးပါအုံးမယ်။

ညီမ ကေရေ... ကေ့ ပုံရိပ်ဟောင်းရဲ့ ဆိုလိုရင်းကို တမျိုးတဖုံ ပြောင်းပစ်တဲ့ သက်ဝေကို စိတ်မရှိပါနဲ့နော်...။ သိပ်မကြာခင်မှာ ကျောင်းနဲ့ ပတ်သက်တဲ့ ပိုစ့်တခုလဲ ရေးဖို့ တွေးနေပါတယ်… အဲဒီပိုစ့်မှာတော့ ကေ လိုချင်တဲ့ ပုံရိပ်ဟောင်းတချို့ကို ပုံဖေါ်နိုင်တန်ကောင်းရဲ့လို့ မျှော်လင့်ပါတယ်…။ သတိတရ အမှတ်တရ တက်ဂ်လာတဲ့ ကေ့ကို ကျေးဇူးတင်ပါတယ်။

သိစေချင်ပါသည်

ဒီတပါတ် သူ ခရီးသွားနေသည်။ အနားမှာ အတူတူရှိနေစဉ်က ဟိုလိုလှည့် ရစ်လိုက် ဒီလိုလှည့် ဂျစ်လိုက်၊ ဟိုဟာ ဝယ်ခိုင်းလိုက် ဒီဟာ ဝယ်ခိုင်းလိုက်၊ ငြင်းလိုက် ခုန်လိုက် ရန်လုပ်လိုက်နှင့် တနေ့တမျိုး မရိုးရအောင် ပြဿနာရှာနေရသောကြောင့် ပျင်းစရာ အချိန်မရှိခဲ့…။ အခုတော့ အတော်လေးကို ပျင်းစရာကောင်းနေသည်။ တကယ်တော့ ရုံးမှ ခွင့်ယူပြီး သူနှင့်အတူ လိုက်သွားချင်သည်မှာ တပိုင်းမက သေနေသည်။ သို့သော်လည်း အကြောင်းကြောင်းတွေကြောင့် လိုက်မသွားဖြစ်ခဲ့..။

အရင်နှစ်ကလဲ ဒီလိုအချိန်ပဲပေါ့…။ သူ ခရီးသွားနေသော ရက်တွေမှာ မအိပ်မနေ အသက်ရှည် စိတ်တိုင်းကျ ဆိုးသွမ်း သောင်းကျန်းနေခဲ့တာ…။ ပြီးတော့ ကိုယ့်ဟာကိုယ် သောင်းကျန်းတာတွေကို တိတ်တိတ်ဆိတ်ဆိတ်မနေပဲ ပိုစ့်တခု ရေးပြီး တင်ခဲ့မိသေးသည်။ ထိုအခါ ကိုယ့်ရဲ့ အအိပ်မမှန် အစားမမှန် နေချင်သလိုနေ လုပ်ချင်ရာတွေလုပ်နေသော ဆိုးသွမ်းမှုတွေကို သူ သိသွားသည်။

ထို့ကြောင့် ဒီတခါ သွားခါနီးမှာ ကိုယ့်ကို နေကောင်းအောင်နေရန် နှင့် ညဖက်တွေမှာ ကားကို ဖြေးဖြေးမောင်းရန်မှ အစချီကာ အစားအသောက်ကို အချိန်မှန်မှန် စားရန်၊ ကော်ဖီတွေ အများကြီး မသောက်ရန်၊ ညဖက်တွေ အချိန်မှန်မှန် အိပ်ရန်၊ ညလုံးပေါက် စာအုပ်တွေ ဖတ်နေတာမျိုး၊ မော်နီတာနှင့် မျက်နှာအပ်ကာ ညလုံးပေါက် ဘလော့ဂ်နေတာမျိုး မလုပ်ရန်တွေကို သေသေချာချာ သတိပေး မှာကြားသွားသည်။ ကိုယ်ကလဲ သူမှာသမျှ ဆောင်ရန် ရှောင်ရန်တွေကို သေသေချာချာနားထောင်ပြီး မျက်နှာသေလေးနှင့် စိတ်ချပါ ဟု အခွန်း တသိန်းပြော၍ ခေါင်းကို အခါ တသိန်း ညိတ်လိုက်သည်။ ပြောသည့်အတိုင်း တကယ်လဲ လိမ်လိမ်မာမာ နေနေပါသည်။ အရင်တခါကလို ထင်ရာမြင်ရာတွေ မလုပ်တော့ပါ။ (နဲနဲပါးပါးလုပ်လဲ ပိုစ့်အဖြစ် မမြင်စေရပါ။ ဒီတခါတော့ နပ်သွားပြီ…)

ထို့ကြောင့် ဒီရက်တွေမှာ သူမှာသွားသလို ညတွေကို ကြိုးစားပြီး စောစောအိပ်သည်။ (မှတ်ချက် - အချိန် မမေးရ) မနက်ကို စောစောထသည်။ သို့သော် မနက်အိပ်ရာနိုးတိုင်း ရနေကျ ကော်ဖီနံ့ မွှေးမွှေးလေး မရသောအခါ အတော် စိတ်လေသွားသည်။ ကိုယ့်ဟာကိုယ် ဖျော်သောက်ရသော ကော်ဖီ၏ အရသာသည် ဘာလိုနေမှန်းမသိအောင် ပေါ့ပျက်ပျက်နှင့်… တခုခုလိုနေသည်မှာ သိပ်ကို သေချာပါသည်။

ပြီးတော့ ပုံမှန်နေ့စွဲတွေအတိုင်း ရုံးကို အချိန်မှန်မှန် သွားသည်၊ အချိန်မှန်မှန် ပြန်သည်။ ပြန်ရောက်လာလျှင် မေမေချက်ထားသော ထမင်း ဟင်းကို စားသည်။ အညောင်း အညာပြေ လမ်းလျှောက်သည်။ သူမှာသွားသလို သစ်ပင်လေးတွေကို ရေလောင်းသည်။ ငါးလေးတွေကို အစာကျွေးသည်။ အော… တညနေကတော့ ဘာကြောင့်မှန်းမသိ၊ ကန်ထဲမှ ငါးတွေ ပျော်ရွှင်မြူးတူးစွာ လူးလာခေါက်ပြန်နှင့် အလွန်တရာ ကဲကဲလှုပ်နေကြသောကြောင့် ကြမ်းပြင်ပေါ်ကို ရေတွေ စင်ထွက်လာသည်။ ရေတွေကို အဝတ်နှင့် လိုက်သုတ်ရသောကြောင့် မောပြီး စိတ်တိုကာ သူတို့ကို ညစာမကျွေးပဲ အပြစ်ပေးရန် ဆုံးဖြတ်လိုက်သည်။ (သို့သော် ခဏကြာတော့ ထိုအကြောင်းကို ဖေဖေသိသွားပြီး သမီးက အတော်ဆိုးပါလားဟု ဆူကာ ငါးတွေကို အစာ သွားကျွေးလိုက်သည်…) ရေတွေ သုတ်ရသောကြောင့် မောပြီး တိုနေသောစိတ်တွေသည် အဆူခံရသောအခါ ပို၍ ပို၍ တိုသွားပြီး “အဆိုးကောင်တွေ… နေနှင့်ဦး… နောက်နေ့ကျမှ ငါးကြော်နှပ် လုပ်စားပစ်မည်…” ဟု စိတ်ထဲမှနေ၍ အသံတိတ် ကြိမ်းဝါးလိုက်သေးသည်။ ကိုယ့်စိတ်ကူးကို သူသိလျှင်တော့ အတော်ကြေကွဲသွားနိုင်သည်။

ရုံးပိတ်ရက်တွေမှာတော့ ဈေးဝယ်သည်။ ဖွယ်ဖွယ်ရာရာ ချက်ပြုတ်စားသောက်သည်။ ပြီးတော့ ပျင်းပျင်းနှင့်ပင် အိမ်ရှင်းသည်။ အခန်းထဲမှာ ပွနေသော စာအုပ်တွေ အခွေတွေကို ရှင်းသည်။ အဝတ်ဘီဒိုကို ရှင်းသည်။ မီးပူတိုက်သည်။ မလိုတာတွေ လွှတ်ပစ်သည်။ စာဖတ်သည်။ သီချင်းနားထောင်သည်။ ချက်ရမှာ ပျင်းသော တချို့ရက်တွေမှာ မေမေတို့ကိုခေါ်ပြီး ညနေစာကို အပြင်မှာ သွားစားကြသည်။ နောက်ပြီးတော့ ဝယ်သမျှ စားသမျှတွေကို သူ့ကို ပြန် Claim လုပ်ရန် Bill တွေ၊ Receipt တွေကိုလည်း တစုတစည်းထဲ သိမ်းထားပါသေးသည်။

လုပ်စရာရှိတာတွေ အားလုံးပြီးမှ အချိန်နဲနဲအားသွားသောအခါမှ ဘလော့ဂ်တွေကို ခဏတဖြုတ် သွားရောက် လည်ပတ်ပါသည်။ မျက်နှာစာအုပ်မှာလဲ ခဏတဖြုတ် မွှေပါသည်။ ကိုရီးယားကားတော့ မကြည့်ပါ။ စာရေးချင်စိတ်ရှိသောအချိန်မှာ စိတ်ကူးထဲ ပေါ်လာသမျှကို ချရေးဖြစ်ပါသည်။ သို့သော် သူပြန်မလာမချင်း ရေးပြီးသား စာအသစ်တွေကို တလစပ် မတင်ဖြစ်အောင် သတိထားပါမည်။ မဟုတ်ရင် ညမအိပ်ပဲ စာရေးနေသလားဟု အမေးခံရဖွယ် ရှိသည်လေ…။

အိုကေ… သူမှာကြားသွားသမျှကို အတတ်နိုင်ဆုံး လိုက်နာကျင့်ကြံနေထိုင်ပြီးသောအခါ ကိုယ် မှာရန် အလှည့်ရောက်ပြီ…။ လိုချင်သည်များကို အင်တာနက်မှာ ရှာဖွေပြီး Screen Shot ရိုက်ကာ သူ့ကို အီးမေးလ် ပို့ရန် ပြင်ဆင်သည်။ သူတော့ ညတွေတိုင်းမှာ ခေါင်းကို ဆင်နင်းသည်ဟူသော အိပ်မက်မျိုးတွေ မက်နေလောက်ပြီ။ အီးမေးလ်ကို အချိန်မီ မစစ်ဖြစ်မှာစိုးသောကြောင့် ထိုမှာတမ်းကို မျက်နှာစာအုပ်မှတဆင့် ထပ်ပို့လိုက်သည့်အပြင် Check your mail please... ဟူသော Message ကိုလည်း ပို့လိုက်ပါသေးသည်…။

တချိန်တည်းမှာပင် ရုပ်ဝတ္ထုဆန်ဆန် တိုးတက်လာသော ခေတ်မီနည်းပညာ ဆက်သွယ်ရေး ကွန်ယက်များကြောင့် လူသားဆန်သော နွေးထွေးမှုများ သူ့အလိုလို လျော့နည်း ပါးလျားသွားကြသည်ကို သတိထားလိုက်မိသည်။ သူကလည်း ကိုယ့်ဆီ ဖုန်းမခေါ်လာ၊ သူ အားလား မအားလား မသိတော့ ကိုယ်ကလဲ စပြီး မခေါ်ဖြစ်၊ ပြောစရာရှိလျှင် Message ပို့ကြသည်။ အိမ်မှာ အဝတ်လျှော်စက် ပျက်သွားတာကို မျက်နှာစာအုပ်မှ တဆင့် လှမ်း၍ အသိပေးလိုက်သည်။ သူ့ရဲ့ တနေ့တာ လှုပ်ရှားသွားလာမှုတွေကိုလဲ မျက်နှာစာအုပ်ပေါ်သို့ တက်လာသော ဓါတ်ပုံများမှတဆင့် ကြည့်မြင် သိရှိရသည်။ Like တွေ လုပ်ပြီး Comment တွေ ဘာတွေလည်း ရေးရသေးသည်ပေါ့…။

မျက်နှာစာအုပ် မတွင်ကျယ်သေးခင်ကဆိုလျှင်တော့ စာတွေ၊ ဓါတ်ပုံတွေကို အီးမေးလ်နှင့်သာ ပို့ရပေလိမ့်မည်။ ထို့ထက်စောသော ဟိုးခပ်ဝေးဝေး အချိန်တွေတုန်းကဆိုလျှင်တော့ စာတိုက်မှလာသော စာကို မျှော်ရပြီး ဓါတ်ပုံတွေကိုတော့ သူ ပြန်လာမှသာ ဖလင်လိပ်ကို ကူးဆေးပြီး ကြည့်ရမည်ပေါ့…။ တဆင့်ခံ တယ်လီဖုန်းကိုသာ အားကိုးရသော အချိန်တွေတုန်းကတော့ ပြောချင်တာလေး ၅ မိနစ်လောက် ပြောရဖို့အရေး Overseas Exchange က မမတို့ရဲ့ ဖုန်းပြန်ခေါ်အလာကို စောင့်ရသည်မှာ တနာရီလဲ မက၊ နှစ်နာရီလဲ မက၊ ပြောရတော့လဲ မကြားတကြား အားမလို အားမရ အပြေးအလွှား ၅ မိနစ်...။ အခုတော့ စက္ကန့် မိနစ် မဆိုင်း တယောက်ကို တယောက် ဆက်သွယ် ပြောဆို၍ ရနိုင်သည်။ တယောက်အသံကို တယောက်က အလွယ်တကူ ကြားနိုင်သည်… သို့သော်ငြားလည်း ဖုန်းဆက်ဖို့၊ အသံကြားရဖို့ မကြိုးစားကြတော့ပဲ ပြောစရာ မှာစရာရှိသည်များ၊ သိစေ မြင်စေချင်သည်များကို မျက်နှာစာအုပ်ပေါ်တွင် ဓါတ်ပုံများ စာလုံးများဖြင့် ချပြလာကြသည်…။ အနည်းငယ်တော့ အေးစက်စက်နိုင်သည်ဟု ခံစားရသည်။

ဘာတွေပဲပြောပြော ဒီရက်တွေမှာတော့ အတော် ပျင်းခြောက်ခြောက်နိုင်လှသည်။ စားချိန် အိပ်ချိန်တွေမှာ ကြားနေကျ ဆူသံ ပူသံတွေ မကြားရသောအခါ၊ အသားလွတ် ဂျစ်တိုက်ပြီး ရစ်စရာလူမရှိသောအခါများတွင် သူ့ကို တကယ်လွမ်းပါသည်။ ကော်ဖီသောက်လို့ မကောင်းသောအခါတွေမှာလဲ သူ့ကို လွမ်းပါသည်။ အခု ဒီပိုစ့်ကိုရေးနေရင်းလဲ သူ့ကို လွမ်းနေပါသည်။ အလုပ်တဖက်နှင့် မအားသော်လည်း ရသမျှ အချိန်လေးမှာ သတိတရနှင့် ကိုယ့်ဘလော့ဂ်ကို ဝင်လာပြီး ဒီပိုစ့်ကို ဖတ်မိသောအခါ အနည်းဆုံး စိတ်ထဲကပဲ ဖြစ်ဖြစ် ပြုံးမိသွားလျှင် (သို့မဟုတ်) တယ်လီဖုန်းခေါ်ချင်စိတ်ကလေး ပေါ်လာခဲ့လျှင် ကိုယ် ရေးရကျိုးနပ်ပြီပေါ့…။ ထိုမှတဖန် သူ့ပြောစကားတွေ မြေဝယ်မကျ နားထောင်ကာ လိမ်လိမ်မာမာနေ နေသည်ကို အသိအမှတ်ပြုပြီး မှာလိုက်သည်များကို တခုမကျန် စိတ်ရှည်လက်ရှည် ရှာဖွေ ဝယ်ယူလာမည်ဆိုလျှင်တော့ သည်လိုပိုစ့်မျိုးကို သူ ခရီးသွားနေသော ရက်များတလျှောက်မှာ နေ့စဉ် နေ့တိုင်းပင် ရေးလိုက်ချင်ပါသေးသည်။

ချက်ခြင်း၏ အနုပညာ

အခုတလော အလုပ်နဲနဲများတာနဲ့ ပျင်းတာနဲ့ ရောပြီး ဘာမှ မရေးဖြစ်ဖူး။ ရေးထားတာတွေကလဲ ဟိုတစ ဒီတစနဲ့ အတိုအထွာတွေ…

အဲဒီလို အပျင်းရောဂါရနေတုန်းမှာ သူငယ်တန်းထဲက အတူတူ ကျောင်းနေဖက် သူငယ်ချင်းတယောက်က ကမ္ဘောဒီးယားကနေ ဒီကို အလည်ရောက်လာပါတယ်။ သူ့ကို ရုံးပိတ်ရက်မှာ တခုခု လိုက်ကျွေးမယ် ဘာစားမလဲလို့ မေးလိုက်တော့ သူက လွန်ခဲ့တဲ့ ငါးနှစ်ကျော်က ကိုယ်ချက်ကျွေးခဲ့ဖူးတဲ့ ဒန်ပေါက်ကို သတိတရနဲ့ အပြင်မှာ မစားချင်ဘူး ကိုယ်ချက်တဲ့ ဒန်ပေါက်ပဲ စားချင်တယ် လို့ ဆိုလာပါတယ်။ ပြီးတော့ ချက်တဲ့နည်းလေးလဲ အဆင်ပြေရင် ရေးပေးပါလားလို့ ပြောလာပါတယ်…။

ဒီလိုနဲ့ တခုသော စနေနေ့မနက်ခင်းလေးမှာ ဒန်ပေါက်ထမင်း ချက်ဖြစ်ပြီး တခုသော ကြာသာပတေးနေ့ ညနေခင်းလေးမှာ ချက်တဲ့နည်းကို အခုလို ချရေးဖြစ်ပါတယ်။ "ချက်ခြင်းရဲ့ အနုပညာ" နဲ့ ချက်တာမို့ ဘယ်ဟာတွေ ဘယ်လို အချိုးအစားနဲ့ ထည့်ချက်တယ်ဆိုတာ အသေးစိတ် မမှတ်မိပါဘူး…။ စိတ်မှန်းနဲ့ ရမ်းသမ်းချက်တာမို့ "ရမ်းသမ်း cook" လို့ အမည်ပေးရင်လဲ ရပါတယ်။ ဒါပေမယ့် အဓိကကျတဲ့ ပစ္စည်းနှစ်မျိုးရဲ့ ခန့်မှန်းခြေ အချိုးအစားနဲ့ အတူ ကျန်တဲ့ ပါဝင်တဲ့ ပစ္စည်းတွေကိုတော့ ပြောပြပါ့မယ်။ ကိုယ်တတ်တဲ့နည်းနဲ့ ကိုယ်ချက်တာဆိုတော့ ထမင်း သတ်သတ် ဟင်းသတ်သတ် ချက်တာပါ။ ထမင်းနဲ့ အသား ရောပြီး တခါထဲ နှပ်တဲ့နည်းကို သူများပြောတာ ကြားဖူးပေမယ့် တခါမှ စမ်းမကြည့်ရသေးပါဘူး။

အဓိကကျကျ ပါဝင်တဲ့ ပစ္စည်းတွေက

- ဒန်ပေါက်ချက်တဲ့ Basmati ဆန် ၁ ကီလို (ပုံမှန်အတိုင်းဆို လူ ဆယ့်နှစ်ယောက်စာလောက် စားလို့ရပါတယ်)

- ကြက် သုံးကောင် - ကျောရိုးတွေ ခြေထောက် ခေါင်းတွေဖယ်ပြီ အတုံးကြီးကြီး တုံး၊ ဆား၊ အချိုမှုန့်၊ ငန်ပြာရည် နဲ့ နယ်ထားပါတယ်

- ဒန်ပေါက်ထမင်း နဲ့ ကြက်သားဟင်းအတွက် မဆလာ (သစ်ဂျပိုး၊ နာနတ်ပွင့်၊ ဖာလာစေ့၊ ဇာထိပ်ဖိုသီး၊ ကရဝေး စတာတွေကို ရောကြိတ်ရင် ရတယ်။ အလွယ်ဆိုရင်တော့ ဒီကဆိုင်တွေမှာ ဝယ်လို့ရတဲ့ Brayani Masala ကို ထည့်ပါတယ်)

- ပူဒီနံရွက် (Mint Leave) - ပါးပါးလှီးထားတယ်

- Yellow Rice ဖြစ်အောင် အရောင်ဆိုးဖို့ ဆိုးဆေး နဲနဲကို အရည်ဖျော်ထားတယ် (ဆိုင်တွေမှာ Yellow Rice အတွက် Coloring Powder လို့ မေးရင် ရတယ်)

- Ghee ဆီသတ် (ရိုးရိုးဆီကို ကျက်အောင်ချက်ပြီး Gee ထောပတ်ကို ထည့်ပြီး ချက်ထားတယ်)

- ကြက်သွန်နီတွေကို ဆီချက်များများ ချက်ထားတယ်…

ကျန်တာတွေကတော့ စပျစ်သီးခြောက်၊ ပဲအစိမ်းလုံးလေးတွေ နဲ့ သီဟိုဠ်စေ့

ပြီးတော့ အခြေခံဟင်းချက်ပစ္စည်းတွေ ဖြစ်တဲ့ ဆီ၊ ဆား၊ အချိုမှုန့်၊ သကြား၊ ငန်ပြာရည်၊ ကြက်သွန်နီ၊ ကြက်သွန်ဖြူ၊ ငြုတ်သီးအရောင်တင်မှုန့်၊ အချဉ်အတွက် သံပုရာသီး၊ သခွားသီး၊ ငြုတ်သီးစိမ်း...

အားလုံးစုံတော့ အခုလို စချက်တယ်…။
ထမင်းချက်မယ့် ဒန်အိုးထဲမှာ ကရဝေးရွက် (Bay Leave) နဲ့ သစ်ဂျပိုးခေါက် (Cinnamon) ကို တခါထဲ ထည့်ပြီး ရေဆူအောင်တည်ထားတယ်။ ဆန်ကို ရေဆေးထားပြီး အိုးထဲကရေ ဆူလာမှ ထည့်လိုက်တယ်။ ဒန်ပေါက်ချက်တဲ့ Basmati ဆန်က အချက်ခံတယ်… အတော်လေး ကြာကြာချက်လဲ ပျော့မသွားဘူး ဆန်အချောင်းလဲ ရှည်ပြီး လှလဲ လှတယ်။ ထမင်းအိုး အတော်လေး ဆူပြီး ထမင်းစေ့ကို ကိုင်ကြည့်၊ ပြန်နှပ်လို့ ရလောက်တဲ့ အနေအထားမှာ အိုးထဲက ထမင်းမဖြစ် တဖြစ်တွေကို ဇကာထဲ လောင်းချပြီး ရေစစ်ပါတယ်။ ဒီမှာလေ… ရေစစ်ထားတဲ့ ထမင်းတွေ… ကြည့်ပါအုံး... မလှဘူးလား…


ချက်ခြင်းရဲ့ အနုပညာက ဒီနေရာမှာ စပါပြီ…။
ထမင်းနှပ်မယ့် ဒန်အိုးထဲကို Ghee ဆီသတ် ထားတဲ့ ဆီကို မျက်နှာပြင် နှံ့အောင် ထည့်တယ်။ ပြီးရင် ရေစစ်ထားတဲ့ ထမင်းကို ပထမ တလွှာအနေနဲ့ ဖြန့်ထည့်တယ်။ ထမင်းကို အရောင်ဆိုးတဲ့အရည် နဲနဲဖြန်းတယ်။ ပြီးတော့မှ လှီးထားတဲ့ ပူဒီနံ၊ မဆလာ၊ စပျစ်သီးခြောက်၊ ပဲအစိမ်းလုံးလေးတွေ နဲ့ သီဟိုဠ်စေ့တွေကို ထည့်တယ်။ ကြက်သွန်နီ ဆီချက်ဖတ်တွေ ထည့်တယ်။ ဆား အချိုမှုန့် နဲနဲစီ ထည့်တယ်…။ ဒီပုံထဲကလိုပေါ့…


ပြီးရင် နောက်တလွှာအတွက် ထမင်းထည့်… Ghee ဆီဆမ်း… ကျန်တာတွေကို သူ့အစီအစဉ်အတိုင်းထည့်… ပြီးရင် နောက် တလွှာကို ထမင်းက စပြီး ခုနက အစီအစဉ်အတိုင်းထည့်… ဒီလိုနဲ့ ထမင်းတွေ တထပ်ပြီး တထပ် ထည့်ရင်း ကုန်သွားပြီဆို A4 စက္ကူ သုံးလေးရွက်လောက်ကို ရေဆွတ်ပြီး ထမင်းတွေပေါ်ကနေ လုံအောင်အုပ်၊ အိုးကို အဖုံးပိတ်လို့ မီးအေးအေးနဲ့ နှပ်ပါတယ်…။ အမှန်ကတော့ ထမင်းကို ထမင်းရည် ငှဲ့ချက်ပြီး ပြန်နှပ်တာမျိုးနဲ့ အတူတူပါပဲ…။

ကိုယ့်အမျိုးသားကတော့ ထမင်းတွေ အလွှာ အလွှာထည့်တာ အနုပညာ မဟုတ်၊ နှပ်ထားပြီး နပ်သွားတဲ့ ထမင်းကို မွှေတာကမှ အနုပညာလို့ ငြင်းပါတယ်…။ အမွှေ မတတ်ရင် ထမင်းတွေ ကျိုးကြေကုန်သတဲ့… ဒါကြောင့် မွှေတဲ့နေရာမှာ ပညာပါဖို့ လိုတယ် ဆိုပဲ…။ အိုကေလေ… မွှေတာက သူ့အလုပ်ပေါ့… ကိုယ့်လက်ကလဲ အဲလောက် မမွှေနိုင်တာနဲ့ အတော်ပါပဲ…။ မွှေပြီးတဲ့အခါမှာ ဒီလို ဒန်ပေါက်ထမင်း ရလာပါတယ်…။


ကြက်သားဟင်းကတော့ ဘာမှ ထူးထူးထွေထွေ မဟုတ်ပါဘူး။ ကြက်သွန်နီတွေနဲ့ ကြက်သွန်ဖြူတွေကို စက်နဲ့ ကြိတ်ပြီး Pressure Cooker ထဲမှာ ဆီသတ်ပါတယ်။ သကြားလေး နဲနဲထည့်ပါတယ်။ ကြက်သွန်တော်တော်နွမ်းတော့ ငြုတ်သီး အရောင်တင်မှုန့် အသင့်အတင့် ထည့်တယ်။ ပြီးရင် နယ်ထားတဲ့ ကြက်သား ထည့်၊ ဒန်ပေါက်ထဲထည့်တဲ့ မဆလာထည့်… ပြီးရင် အဖုံးအုပ်ပြီး ၁၂ မိနစ်ကနေ ၁၅ မိနစ်လောက်အထိ ချက်တယ်…။ အခုလို ကြက်သားဟင်းရတယ်။


ခုနက ဖယ်ထားတဲ့ ကြက်ရိုးကို ပြုတ်ပြီး အရည်ကို ချဉ်ပေါင်ရွက်နဲ့ ဟင်းချိုချက်၊ ချခါနီးမှာ ငြုတ်သီးစိမ်း ကြက်သွန်ဖြူ ဒါးပြားရိုက်ပြီး အုပ်… ချဉ်ပေါင် ဟင်းချိုရတယ်…။

ကြက်သွန်နီနဲ့ သခွားသီးကို ပါးပါးလှီးပြီး သကြား၊ ဆား၊ ငြုတ်သီးစိမ်း၊ သံပုရာသီးတို့နဲ့ ရောနယ်ပြီး အချဉ်လုပ်တယ်။

ဘာလချောင်ကြော် ကတော့ တခါတခါမှာ ကိုယ့်ဟာကိုယ် ကြော်တယ်။ တခါတခါမှာ Ready Made အထုပ်တွေ ဖေါက်ပါတယ်။ Ready Made တွေထဲမှာတော့ Feel က ရောင်းတဲ့ ဘာလချောင်ကြော်က အစပ်ပေါ့ပေါ့ အငန်ပေါ့ပေါ့နဲ့ တော်တော်လေး အဆင်ပြေပါတယ်။ အဲဒါတွေတော့ ဓါတ်ပုံမရိုက်ဖြစ်လို့ ပြစရာ မရှိဘူး…။ ဆောရီးပါ။

ဒီလိုဆိုရင် ဒန်ပေါက်ထမင်း၊ ကြက်သားဟင်း၊ ချဉ်ပေါင် ဟင်းချို၊ ဘာလချောင်ကြော်၊ ကြက်သွန်ချဉ်တွေနဲ့ စုံစုံလင်လင် ထမင်းပွဲပြင်လို့ ရပြီပေါ့…။

ပြီးရင်တော့ NTUC မှာ အလွယ်တကူ ဝယ်လို့ရတဲ့ ဒိန်ချဉ်ဘူးတွေကို သကြားနဲ့ ရောမွှေ… ရေခဲထည့်ပြီး အအီပြေ သောက်ဖို့ တခါထဲ ပြင်ထားလို့လဲ ရပါသေးတယ်…။ ဒန်ပေါက်နဲ့ ဒိန်ချဉ်နဲ့ လိုက်တယ် ပြောကြတယ်…။

အပေါ်မှာပြောခဲ့တဲ့ ဒန်ပေါက်ချက်စရာ ပစ္စည်းတွေ အားလုံးကို Mustafa လို ဆိုင်ကြီးမှာ တစုတစည်းထဲ ဝယ်လို့ရသလို ကိုယ်တို့ အနီးအနားက Neighborhood အိန္ဒိယ ဆိုင်လေးတွေမှာလဲ ဝယ်လို့ရပါတယ်။ ကိုယ်ကတော့ သွားရလာရ သက်သာတဲ့ အိမ်နားက အိန္ဒိယ အရောင်းဆိုင်က ဝယ်လေ့ရှိပါတယ်။

စကားစပ်လို့ ပြောပြရရင် အဲဒီပစ္စည်းတွေ ကိုယ်သွားဝယ်တိုင်း အိန္ဒိယနွယ်ဖွား ဈေးရောင်းသူတွေက ကိုယ့်ကို တအံ့တသြ ကြည့်ကြပါတယ်။ မသိရင် တရုပ်လို့ အမြဲတမ်း အထင်ခံရတဲ့ ကိုယ့်ရုပ်ရည်နဲ့ ဝယ်တဲ့ပစ္စည်းတွေနဲ့ မလိုက်ဖက်ဖူးလေ…။ တခါ… နှစ်ခါ… သုံးခါလောက်အထိ သူတို့က မမေးသေးပါဘူး…။ ဒါပေမယ့် လေးခါမြောက်လောက်မှာ စိတ်မရှိပါနဲ့… အစချီတဲ့ စကားနဲ့ ကိုယ့်ကို ဒါတွေဝယ်ပြီး Nasi Brayani ကို ဘယ်သူက ချက်မှာလဲ လို့ ဖွင့်ဟ မေးမြန်းလာပါတော့တယ်…။

ကိုယ်ကလဲ ကိုယ်တိုင် ချက်မှာ ဖြစ်တဲ့အကြောင်း ရယ်ကျဲကျဲနဲ့ ပြောပြတော့ သူတို့တတွေ တယောက်မျက်နှာကို တယောက်ကြည်ပြီး ကိုယ်နားမလည်တဲ့ ဘာသာစကားတွေနဲ့ အဘား အဘား ပြောနေ ဆိုနေကြတာ တွေ့ရပါတယ်…။ သူတို့တွေရဲ့ တိုင်းရင်းသား ရိုးရာ အစားအစာနဲ့ သူတို့ရဲ့ ဈေးကွက်ကို ဒီတရုပ်မတော့ ဖျက်လို ဖျက်ဆီး လုပ်နေပြီ လို့များ ပြောနေကြလေသလား… ဒါမှမဟုတ် သူတို့ဘာတွေများ ဝေဖန် ပြောဆိုနေကြတာလဲ... သိနိုင်ပါဘူးလေ…။

ဘာပဲဖြစ်ဖြစ်ပါ… မကြားချင်လဲ နားပိတ်ထားလိုက်... ငါကတော့ ဒါကို ဆက်ပြောမှာပဲ… ဆိုတဲ့ စိုင်းစိုင်းသီချင်းလို… မကြည့်ချင်လဲ မျက်စိမှိတ်ထားလိုက်... ကိုယ်ကတော့ ဒါကို ဆက်ချက်မှာပဲ… လို့ ကြွေးကြော်ရင်း အခါအခွင့်သင့်လို့ ဒန်ပေါက်ချက်ဖို့ အကြောင်းဖန် လာလေတိုင်း လိုသမျှပစ္စည်းတွေ သူတို့ဆိုင်က သွားဝယ်ပြီး အပေါ်က နည်းအတိုင်း ချက်ဖြစ်နေမှာပါပဲ…။ သူငယ်ချင်း မိတ်ဆွေတွေလဲ အချိန်ရရင် ချက်စားကြည့်ကြပါ လို့ တိုက်တွန်းလိုက်ပါတယ်။


ကော်မန့်ထဲမှာ Ghee ထောပတ်အကြောင်း မေးလာတာမို့ ဓါတ်ပုံလေး ထပ်ဖြည့်လိုက်ပါတယ်။ အိမ်မှာ ဝယ်ပြီးသား ကုန်နေလို့ အင်တာနက်က ရှာပြီး တင်လိုက်တယ်။ NTUC, Giant, Cold Storage နဲ့ Neighborhood ကုန်စုံဆိုင်တွေမှာ အလွယ်တကူ ဝယ်လို့ရနိုင်ပါတယ်...း))



မှတ်ချက် ။ ။ မျက်နှာစာအုပ်မှာ အပေါင်းအသင်းတွေကို ပုံနဲ့ပြပြီး မစားရ ဝခမန်း လုပ်တာ အားမရသေးလို့ အခု ဒီဘလော့ဂ်ပေါ်ကို ဆွဲထုတ်လာတယ်လို့ မထင်ကြပါနဲ့နော်…။ ဒါ မျှဝေတာ လို့ ခေါ်ပါတယ်…။

Fashion Show

အခုတလော ပေါ့ပေါ့ပါးပါးတွေ ရေးလို့ မထွက်တာမို့ တွေးမိသမျှတွေ ရေးပြီး စာဖတ်သူတွေကို နှိပ်စက်တာ များသွားပြီ…။ ဒါကြောင့် ဒီနေ့တော့ စာဖတ်သူများ စိတ်အာရုံရော စက္ခုအာရုံပါ ကြည်လင်စေခြင်းအလို့ငှာ ပြီးခဲ့တဲ့ စနေနေ့က Metro Orchard မှာ လုပ်တဲ့ Model Show သွားတုန်းက ရိုက်လာတဲ့ ဓါတ်ပုံလေးတွေ တင်လိုက်ပါတယ်။ Custo Barcelona နဲ့ RafflesPrivato ဆိုတဲ့ Fashion Company နှစ်ခုရဲ့ Winter & Summer Collection 2010 အတွက် ကျင်းပတဲ့ Show ဖြစ်ပါတယ်...။

ပိန်ရုံသာမက ပါးလှပ်နေတဲ့ လှလှပပ မော်ဒယ်လေးတွေကို ကြည့်ပြီး…ဟင်း… လို့ သက်ပြင်း အနည်းငယ် ချလိုက်မိသေးတယ်ဆိုတာ ဝန်ခံပါတယ်…။ ဒါပေမယ့် ဓါတ်ပုံ ကောင်းကောင်းရချင်စိတ်က လူကိုကြီးစိုးနေတာမို့ သူတို့ရဲ့ အလှအပတွေကို သေသေချာချာ မခံစားနိုင်ခဲ့ပါဘူး။ ပြီးတော့အဲဒီလို Show မှာ ဓါတ်ပုံရိုက်ရတာ အတော်လေး ခက်ခဲ ပင်ပန်းပါလားဆိုတာ အဲဒီနေ့ကမှ သိပါတယ်။

မြူးမြူးကြွကြွ စည်းချက်နဲ့အညီ အဆက်မပြတ် လျှောက်လှမ်းနေကြတဲ့၊ တစက္ကန့် နှစ်စက္ကန့်လောက်ပဲ ငြိမ်တဲ့ မော်ဒယ် ကိုကို မမ တွေရဲ့ ခြေလှမ်းတွေကို အမှီလိုက်ရိုက်ရတာလေ…။ အဲဒီညက အိမ်ပြန်ရောက်တော့ တဆစ်ဆစ်ကိုက်ပြီး ယောင်ချင်ချင်ဖြစ်လာတဲ့ ညာဖက် လက်ကောက်ဝတ်ကို ဆေးလိမ်းရပါတယ်။ ဒါတောင် ၁၈-၅၅ ရယ် ၅၅-၂၀၀ ရယ် နဲ့ပဲ ရိုက်ခဲ့တာ…။ ကိုယ့်အနားမှာ ရိုက်နေကြတဲ့ Pro တွေ လက်ထဲက Lens တွေဟာ တခု တခုကို တပေ မက ရှည်လျားပါတယ်။ ပြီးတော့ External Flash တွေကလဲ ပါသေးတယ်ဆိုတော့ ကိုင်ရတာ အတော် လေးမှာ သေချာတယ်။ သူတို့တွေလဲ မော်ဒယ် တခေါက်လျှောက်လို့ ပြီးသွားတိုင်း သူတို့ရဲ့ ညာဖက်လက်တွေကို တခါခါ လုပ်နေကြတာ တွေ့ရတယ်…။ တော်ပြီ… တော်ပြီ… အဲဒီ Lens အရှည်ကြီးတွေ ဝယ်ဖို့ မစဉ်းစားတော့ဘူးလို့ ကိုယ့်ကိုယ်ကိုယ် ပြောမိတယ်…။ (စပျစ်သီး ချဉ်တာလဲ ဖြစ်နိုင်ပါတယ်)

နောက်တခုက မိန်းကလေးတယောက်အနေနဲ့ ဒီလိုပွဲတွေမှာ ယောင်္ကျားလေး Photographer တွေနဲ့ ယှဉ်ပြီး ဓါတ်ပုံရိုက်ရတာ အမှန်အတိုင်းပြောရရင် သိပ်မချောင်လှဘူး…။ အားလုံးက သူ့ထက်ငါ ဓါတ်ပုံကောင်းကောင်းတွေ ရရှိရေးကိုသာ ဦးတည် ရှေးရှုနေကြတဲ့ အတွက် တယောက်ကို တယောက် သိပ်မညှာတာလှဘူး…။ မိန်းကလေးသော ဘာသော လဲ ကြည့်မနေဘူး။ Lady’s first ဆိုတာလဲ မရှိကြဘူး။ တိုးမှာပဲ… တိုးမှာပဲ… ငါ့ကို လာမတားနဲ့… ဆိုတဲ့သူမျိုးတွေ များတယ်…။ (ကြားရင်တော့ လာသတ်ကြတော့မှာပဲ…)

ဒီလို Show ရိုက်တဲ့ အတွေ့အကြုံမရှိသေးတော့ မော်ဒယ်တွေကို ခေါင်းကနေ ခြေထောက် တကိုယ်လုံးပါအောင် ချိန်ပြီး ရိုက်မိတယ်။ ကိုယ့်ဟာကိုယ်တော့ တယ်ဟုတ်တဲ့ ငါပါလား ဆိုပြီး ကျေနပ်နေတာပေါ့လေ…။ အိမ်ရောက်တော့ ကွန်ပျူတာထဲ ပုံတွေချကြည့်တော့မှ ပြဿနာကို သိတယ်။ ပုံတွေထဲမှာ မော်ဒယ်တွေ ခေါင်းအစ ခြေအဆုံး တကိုယ်လုံးတော့ ပါပါရဲ့… ဒါပေမယ့် မော်ဒယ်တွေနဲ့အတူ သူတို့ အနောက်က ပွဲကြည့်ပရိတ်သတ်တွေရဲ့ မျက်နှာတွေလဲ အထင်းသား ပါနေတာ တွေ့လိုက်ရတယ်။ အမှန်က နားလည်တတ်ကျွမ်းတဲ့ ဓါတ်ပုံဆရာတွေဟာ သူတို့ရဲ့ဓါတ်ပုံတွေမှာ ဒီလို ပွဲကြည့်သူတွေ မပါအောင် ရိုက်ကြရတယ်။ Focus ကို သေသေချာချာ ဖြတ်ရတယ်။ ကိုယ်က သိမှ မသိတာ… ရိုက် ရိုက်ဆို အားလုံး ရိုက်ပစ်လိုက်တာပေါ့…။ မှတ်ကရော…

နောက်ဆုံးအနေနဲ့ နိဂုံးချုပ်လိုက်တော့ ပုံတထောင် သက်ဝေရဲ့ ထုံးစံအတိုင်း ကောင်းနိုးရာရာတွေကို ရွေးထုတ်ပြီး မသင့်တော်တာတွေကို ဖြတ်လိုက် တောက်လိုက်တဲ့အခါမှာ ပုံကောင်းနဲနဲပဲ ကျန်ပါတယ်။ အဲဒီ ကျန်သမျှထဲကမှ အဆင်ပြေမယ်ထင်တာလေးတွေ တင်လိုက်ပါတယ်… ရှုစား အားပေးတော်မူကြပါရှင်…

ကြည့်ရတာ မကြာခင်မှာ ဆံပင် အကြေကောက်တွေ ပြန်ခေတ်စားလာတော့မယ်ထင်တယ်…။ သူတို့ထဲက အများစုက အကြေကောက်တွေ ကောက်လို့...

Model Girl တွေတင်မက Boy တွေကိုလဲ အမိအရ ရိုက်ခဲ့သေးတယ်…။ တယောက်ဆို သေသေချာချာတောင် ပြုံးပြသွားသေးတယ်။ ဒီမှာကြည့်...

သူဝတ်ထားတဲ့ အနွေးထည်က မိုက်တယ်… အရေးထဲမှာ မိန်းကလေးအဝတ်တွေ ကြိုက်ရမယ့်အစား ယောင်္ကျားလေး အဝတ်ကို ကြိုက်နေမိတယ်… ဒုက္ခ… ဒုက္ခ…

သူလေးကတော့ အမိုက်စားလေး… ရှေ့တည့်တည့်မှာ လာရပ်လို့ အမိအရ ရိုက်လိုက်တာ…

ကိုယ့်အကြိုက် လက်ကောက်တွေ…

မော်ဒယ်တွေထဲမှာ အာရှသူဆိုလို့ သူတယောက်ပဲ တွေ့မိတယ်... ချစ်စရာလေးနော်...

မော်ဒယ်တွေရဲ့ ခြေထောက်ရှည်ရှည်လေးတွေမပါလို့ စိတ်မကောင်းဖြစ်နေကြသူများအတွက် ရှားရှားပါးပါး ရထားတဲ့ ပုံ နှစ်ပုံ…

အဲဒီစနေနေ့က အတော်ပင်ပန်းသွားတာမို့ နောက်တနေ့ Iluma မှာလုပ်တဲ့ Thai Fashion Show ကို မသွားနိုင်တော့ပါဘူး။ ဒါကြောင့် ယိုးဒယားသူ လှလှလေးတွေပုံ မရတော့ဘူးပေါ့…။ မျက်စေ့မနောက်ကြဘူး ဆိုရင်တော့ နောက်ကို အခုလို Show တွေ ရိုက်ဖြစ်ရင် ဓါတ်ပုံတွေ တင်ပါအုံးမယ်…။ လာကြည့်ကြတာ ကျေးဇူးနော်…း))